احباب اموات

#1 23 - 7 - 2014, 03:38 PM

البارت الاول

كان جالس يتأمل رسائلها الي كانت تدزها له كل يوم وكانت هذي الرسايل لاتخلو من الحب و الغزل الى ان وصل لرساله منها مو مقروءه ولا فتحها ولا فكر يفتحها و كانت دازتها قبل الحادث بلحظات ما كان وده يفتحها لانه يبي يحسس نفسه انها عايشه و ان كل يوم الصبح لما يقوم يشوف انها دازه رساله بس ما يفتحها
كان مجنون بحبها كان يعشقها
الكل كان شاهد على حبه لها و الكل شاهد بعد على حبها له بس للاسف راحت و راح حبها و تلاشت و تلاشى حبها له بس ما تلاشى ولا راح حبه لها
و كان يفكر فيها و يقول في نفسه ليش تتركيني
ليش تعيشيني بجحيم ليش خليتيني
الكل كان مستعد يضحي بحياته عشان يشوف سعادتي و ما يدرون ان سعادتي نايمه تحت الثرى اشتقت لج و اتمنى اموت و التقي فيج اتمنى يكون قبري متوازي مع قبرج ياليتني رحت وانتي بقيتي ياليتني ما ......
قطع حبل افكاره صوت اخته الصغيره و اهي تبكي قام و فتح لها الباب شاف وجهها كله دم
تذكر و رااح باله بعيد و فجأه لقى نفسه بالسياره و يسوق بسرعه و صراخ اخته يزيد دخل المستشفى يركض فيها و خايف خايف لا تروح خايف تتركه مثل ماتركته اجتمعو الدكاتره و خذوها منه و طلبو منه يملأ البيانات و سألوه اسمها قال :غزل
و قال الدكتور : و انت منو؟
قال : انا اخوها
الدكتور : اسمك ؟
انا اسمي رائد
قال الدكتور: انزين يا رائد روح الحين البيت و بدل ملابسك و تعال و بأذن الله اخت ما فيها الا العافيه
انتبه رائد لملابسه و كان لابس دشداشه و كانت مغرقه دم قال : دكتور اختي امانه عندك انا دقايق و جاي
الدكتور : لا توصينا بنحطها على العين و الراس
رائد : الله يجزاك خير يالله سلام
.....................
بالطريق للبيت سرح في اخته و حبيبته حبيبة قلبه قال في نفسه : كانت بتروح كانت بين ايدي و كانت بتروح نفسها كان بتموت بين ايدي كانت و تذكرها و دمعت عيونه و اهو يتذكر شكل اخته و شكل حبيبته

لاتستغربون انه يبكي لان الرجل اذا زاد الشيء عن تحمله و ما قدر يتحمل يبكي لان مشاعره محد يحس فيها محد غير رب العباد
قطع افاكره الجوال و المتصل كان : عديم الاحساس
رد على الجوال و جاء له الصوت الخشن و اهو يقول : وينك يا كلب و وين اختك.
رد : انا بالطريق للبيت اما اختي هه قاله بنبرة استهزاء
قال عديم الاحساس : شوف اذا ما جيت ما راح تشوف خير و بعدين بنتي وينها ها وين موديها
رد رائد بكل برود لان يدري انه ما راح يهتم بمكان بنته و ما راح يروح لها و بيطنشها
و قال : بنتك اي بنت تتكلم عنها بنتك الي ما تجاوز عمرها العشر سنين ما شفتها و لا سألت عليها اليوم تجي تسأل عنها المهم حبيت اطمنك انها الحين بخير على كلام الدكتووور
و شد على اخر كلمه
قال عديم الاحساس : اي دكتور بنتي شفيها قول خلصني مو فاضي لكم
رائد : بنتك طاحت من الدرج و جت لي و راسها كله دم و وديتها للمستشفى و اذا كان عندك احساس يا هه ياعديم الاحساس روح لها
بنبرة خوف و قلق انصدم منها رائد بس طنش لانه يمكن يكون عنده احد يسمع المحادثه الي بينهم : شصار رائد تكفى قول فيها شيء رائد انا ابوك المفروض تطمني على بنتي قول شصار لا تخوفني
رائد تنهد وقال : لا تخاف يبا الدكتور طمني و قال ما فيها شيء
الاب : و الحين انت ما تقول راد للبيت شلون تخليها لحالها
رائد : نفس ما خليتها لحالها طول هذي السنين
الاب : خلاص قفل على هذي السيره
رائد : يالله سلام
الاب : سلام
رجع رائد للبيت و راح للحمام ( اكرمكم الله ) اخذ له شور سريع و لبس و طلع للمستشفى
....................
اعرفكم على العائله
رائد عمره 22 سنه طويل عريض من فوق و ضعيف بس مو حيل يعني جسمه جمييييل و خقه ، عيونه لونها رمادي شعره للنص رقبته و ناعم لونه بني
غزل اخته عمرها 10 سنين جسمها صغير حيل و الي يشوفها يحسها اصغر من عمرها و عيونها لونها بني و شعرها بني و كان احلا ما فيها عيونها
الاب اسمه محمد عمره 44 بس الي يشوفه يقول عمره 30 او 29 سنه و جسمه حلو و طويل حيل

هذا البارت الاول اتمنى يعجبكم ودي لكم
تحياتي فوكسل
1 البارت الثاني

في مكاان بعييييد عن رائد و ابوه و

للمعلومه رائد ساكن بالسعوديه في جده

في بريطانيه و تحديداً ولاية مانشستير
كانت تركض فجأه طرااااااااااااااااااخ

اصطدمت ب بنت و اعتذرت و راحت و في المحاظره دخلت و شافت البنت الي صدمتها و انصدمت انها بنفس الكلاس و ابتسمت لها و قالت لنفسها : اممم ليش ما اتعرف عليها

و راحت جلست على الزاويه

الموضوع الأصلي :‎ احباب اموات || الكاتب : || المصدر : شبكة همس الشوق

23 - 7 - 2014, 03:39 PM

كان صوت تلفونها و كان معطيها بنق و رفعت تقرأ و كانت الرساله من صديقتها هدى و اهي تقول : جوري وينج يا حيوانه كل يوم ادق و ما تردين علي
ردت جوري : انا حيوانه يا بقره انا بالكلاس الحين شنو تبين
هدى :سلامتج بس ابي اسولف
جوري : مالت يالله سلام بدأ الدكتور
هدى : سلام

بعد ما خلصت المحاظره طلعت جوري و شافت البنت الي صدمتها و راحت لها عشان تتعرف عليها
الجوري : سلام
البنت : اهلين و عليكم السلام
الجوري : هلا فيج ممكن نتعرف ومدت يدها
و قالت : انا الجوري و عمري 19 سنه
البنت مدت يدها : تشرفت انا اميره و عمري نفس عمرج
الجوري : اوك حلو انتي من وين اميره
اميره : السعوديه
الجوري : صدق انا بعد من السعوديه و من جده بعد
اميره : جد انا بعد بجده
الجوري : ونااسه طلعنا بنفس المدينه بعد

اكيد بتستغربون انهم تكلمو بالعربي مو بالانجليزي لان اميره كانت لابسه حجاب اما جوري ف لا بدون حجاب

المهم بعد سوالف تبادلو الارقام و راحو
الجوري و اهي بالطريق للشقه (تسوق) دق جوالها
المتصل كان : الغالي
الجوري : هلا والله شلونك
الغالي : هلا بالصوت و صاحب الصوت
انا تمام و انتي طمنيني عليك
جوري : انا تمام من سمعت صوتك
الغالي : الحمد الله يا بنتي حبيت اقول لج شيء ........ أ أ .. ابي اشوفج
جوري بخوف : يبا شفيك خير ان شاء الله حصل شيء
الغالي : هههههههه لا يا بنتي بس ...
جوري : بس وشو ؟؟
الغالي : بسراحه اخوك يبي يخطب مزعجني و يقول ابي املك بأسرع وقت و انا مستحيييل اخليه يملك و انتي بعيده عنا
جوري زال الخوف و قالت : الله يهداك يبا خوفتني
الاب : بعيد الشر عنك حبيبتي بس ترى بقول لك حجزت لك على الجمعه طيارتك الجمعه بالنسبه لكم طيب
الجوري : طيب يالله اشوفك بخير و سلام
الاب : سلام

اعرفكم على الجوري عمرها 19 سنه طويله بس مو حيل و جسمها خقق لها خصر و ظهرها مشدود مستقيم و لما تمشي تمشي برزه و هيبه و عيونها لونها ازرق بحري جمييله و شعرها لونه بني مايل للاشقر ما ادري شلون للونه بس عجيب

الاب خالد عمره 40 و طويل و لون عيونه بني

معلومه بس جوري مو بنته و بتعرفون بالاحداث الجايه شنو تصير له

اخو الجوري نواف عمره 22 سنه شعره اسود و عيونه بنيه نفس ابوه و طويل و جسمه رياضي معضل

المهم وصلت للشقه و جهزت اغراضها و رتبتهم و بعدها راحت خذت لها شور و نامت

نرجع للسعوديه بجده
رائد وصل للمستشفى و شافه الدكتور و ناداه للمكتب يبي يكلمه
الدكتور : تفضل حياك
رائد واهو يجلس : الله يحييك ها طمني دكتور شفيها
الدكتور : شوف يا استاذ رائد انا مرح الف و ادور معاك بقولها لك على طول و اتمنى ما تعصب بس .....
قاطعه رائد بخوف : بس شنو دكتور غزل شفيها شصار لها
الدكتور : هد يا رائد بس غزل عندها ورم بالدماغ و انا مستغرب منها انها ما تحس باي صداع او الم لان لما قلت لها تحسين بألم قالت لا وقلت ليش قالت ، ارتبك الدكتور
رائد : كمل وش قالت
الدكتور : قالت آلامي بالنسبه لي شويه بالنسبه لآلام اخوي انا اتمنى لو تزيد آلامي بس توقف آلام اخوي
رائد : ........... مصدووم
و يفكر للدرجه هذي يا غزل حاسه فيني و حاسه بالالم الي بقلبي بس يا حسرتي عليج يا اختي يا حسرتي تتركيني و تروحين و تلحقينها و ابقى وحيد
قطع افكاره الدكتور : رائد لازم نسوي لها عمليه و بأسرع وقت
رائد : بفكر
الدكتور : ما فيه وقت للتفكير عندك شهرين بالاكثر
رائد : ...........
الدكتور : بقول لك نصيحه
رائد و اهو للحين يفكر : وشو
الدكتور : سفرها و سو العمليه بالخارج
رائد : والله فكره يا دكتور مشكور و يعطيك العافيه
الدكتور : ولو يا رائد انا حاظر
رائد سلم على الدكتور و طلع راح للغرفة اخته و شاف المغذي بأيدها و شاف الكمام موصل لفمها
بكى على شكلها
و قعد يشهق بالبكي لما فتحت اخته
ايدها له بكل تعب
و قالت : اشتقت لك
ركض لها و ضمها ضمها بكل حب و حنان
و قعد معاها و يسولف و بعد فتره قالت : افتح لي التلفزيون الحين موعد سبونج بوب
ضحكت عليها حتى و اهي بمرضها ما يهمها شيء تطنش و تنسى
و فتحت لها التلفزيون و فجئه دق الباب و لما فتحت
شفت الناس صافين و كل واحد ماسك له ورود و حلاو عشان يباركون لها بالسلامه و الاغلبيه كانو من ربع (اصدقاء) الوالد
و دخلتهم و تحمدو لها على السلامه و الغرفه امتلأت ورود و اهي لو تشوفونها من كثر الوناسه تحسون ان الارض مو سايعتها
الله يدوم سعادتها يا رب المهم قعدت افكر و اقول بنفسي انا كنت بسافر اكمل دراستي ببريطانيا ليش ما اروح اكمل و بنفس الوقت اعالجها و بعد اخليها تستانس و تقعد تعيش معاي هناك و تدرس هناك بعد

و اتخذ القرار و راح لمساعده و طلب منه انه يحجز لهم بالدرجه الاولى وحده دراسه و الثانيه علاج
و بعد ما تأكدت الرحله رحلتهم بعد اسبوعين
(اسم المساعد ناصر)
نروح الحين لبريطانيا ركبت الطياره و بعد وقت طويل نزلت لارض المملكه نزلت للارض الي اشتاقت لها ، ما كانت تدري ولا احد يدري عن سبب تعلقها الشديد بجده
و كانت دايما تجاوبهم انها لما تكون فيها
تحس بارتياح و طمأنينه
راحت لابوها و اهي خططت انها تقعد يومين بس لان اجازتها ما تكفي
و دخلت البيت و تفاجأة
الكل بصوت واحد : مفاااااااااااجأااااااااااااااا
استانست و طارت من الفرحه لما شافت العائله كلها موجوده و ونقزت لابوها و حظنته و الكل ضحك على حركتها و بعد ما سلمو جلسو يسولفون و بعدها استأذنت وراحت لغرفتها و رتبت امورها واغراضها و نزلت و كملت سهرتها مع عائلتها او بصفه اوضح عائلة ابوها مو عائلتها

بعد السهر الكل راح لبيته و اهي صعدت لفوق و دخلت الحمام ( مكرمين) وخدت لها شور باارد و نامت

اتمنى أشوف ردوود بليز

بقول لكم قصة الجوري ، الجوري كانت ساكنه ببريطانيا من وهي صغيره لحد عمر14 سنه وبهذا العمر تعرفت على شخص و انصدمت انه من السعوديه و من جده و اهي كانت بتروح لجده تسكن فيها سنتين
المهم انتقلت جوري لجده و تطورت علاقتها مع هذا الشخص و مره سافرت معاه لمكه المكرمه

المهم بعد سنتين من تعرفها الشخص صار لها حادث و بعد الحادث ردت لبريطانيا و كملت حياتها هناك لحد ما صار عمرها 19 سنه
و الشخص هذا نسته بسبب شيء صار لها بالحادث و بقول لكم شصار بالبارتات الجايه

وابوها خالد و اخوها نواف اهم مو عائلتها الحقيقيه و بتعرفون بالاحداث الجايه منو يصيرون

بالسعوديه جدة

الساعه 2 الظهر قامت على صوت ابوها و اهو يقول : جور جوري حبيبتي قومي يالله
الحين بنروح عشان نملك على البنت و نبيج تجين معانا يالله
تأملت ابوها شوي و تذكرت كلمة جور كان فيه شخص يناديها جذي بس منو فجأه انقزت قالت : طيب دقايق اخذ شور و البس و انزل
الاب : طيب
بعد ما خذت شور و لبست نزلت تحت
وشافت اخوها و قعدت تلولش
: الف الصلاة والسلام عليك يا حبيب الله محمد لووووووولييييشش
اخوها الابتسامه شقت وجهه و وجهه صار احمر لانه استحى لما شاف ابوه يضحك على اخته و خبالها
المهم تقدمت له و باسته : الف مبروك نونو
طارت عيونه : نونو بعينك قولي نواف
ضحكت :هههه طيب بس يالله لا تتأخر على حبيبت قلبك
وراحو و بعد الملكه حددو موعد العرس و هو بعد شهر
المهم ردت للبيت و نادت الخدامه تحط لها عشاء ، كلت وخلصت جت بنقوم
فجأه رساله بجوالها قعدت و قرأت و كانت من الجامعه عطله اسبوعين هني طارت من الفرحه و انقزت : هياااااااااا
ابوها : خير شفيج يا بنت انخبلتي
جوري : يبا عطله مدة اسبوعين وناااااسه
ابوها الابتسامه شقت وجهه مو مصدق بتقعد عنده اسبوعين بعد

نروح لرائد كانو الاسبوعين بالنسبه له كان اشبه بشهرين

اما جوري فاستمتعت بكل لحظه بالاسبوعين ما خلت مكان الا وراحت له مع ابوها و نواف و طبعا جتها هدى رفيجتها و زارتها

موعد الطياره
ركب رائد و معاه غزل و دكتور ماخذينه عشان حالة غزل ، مع انه مو ضروري بس رائد الزم يجي معاهم

و بجهه ثانيه ركبت جوري و طبعا ما شافو بعض

وبعد ساعات طويله من الملل بالنسبه للكل وصلو
راح رائد و غزل للفندق و صعدو للغرفه
رائد : غزل حبيبي لازم الحين تنامين

23 - 7 - 2014, 03:40 PM

غزل : اوك ، بس باخذ شور و انام بس وين ملابسي

رائد دقايق و تجي انتي ادخلي و اخذي شور و اذا جات الملابس اطلع لج روب و البسيه و بعدها اطلعي و اخذي الملابس الي تبينها
غزل : طيب
راحت للحمام(مكرمين) و خذت لها شور
و لما جات الملابس و الاغراض طلع لها رائد الروب و حطه عند الباب اخذته ولبسته و طلعت

و لبست و نامت رائد ما قدر ينام لان يفكر بموعد المستشفى الي باجر : يالله ليش ما خلوه اليوم جان احسن اففف يعني لازم يأخرونا هذول ما يحسون افف شلون يحسون اهم مو مكاني ...... الخ
و وقدر يناااااام بعد تفكير طويل

جوري وصلت للشقه خذت شور و نامت لان وراها باجر كلاس

نهاية البارت
توقعاتكم غزل بتتشافا من الورم ؟؟
رائد شنو بيصير فيه و شنو تتوقعون يصير بينه و بين جوري و هل لجوري علاقه برائد ؟؟
تحياتي
روايه 1 البارت الثالث

من بكره الساعه 12 الظهر قامت جوري و اهي مالها خلق لشيء و خذت لها شور و لبست و توجهت للجامعه
...................
رائد : غزل يالله بنتأخر
غزل : يوووه يا رائد اصبر تو الناس الموعد بعد ساعه
رائد : غزل الطريق الحين بيصير زحمه لان طريقنا على طريق الجامعه ولازم نمر عند الطلاب و زحمتهم
غزل : ايه صح يالله بس خمس دقايق

بعد ما لبسو طلعو وصلو للمستشفى
و سوو لها اشعه و حددو حجم الورم و الحمد الله ماكان كبير و ان شاء الله موعد العمليه بعد ثلاث ايام

............
جوري راحت للمحاظره و شافت اميره و ازدادت علاقتها معاها و اكتشفت ان اميرة رفيجت وحده من صديقاتها الي بالشله و بهذا انضمت اميره للشله
بنعرفكم على الشله بعدين
................

رائد طلع من المستشفى و قرر بالثلاث ايام هذي يطلع غزل و يمشيها و يخليها تطير من الفرحه و نقول لكم وين وداها

راحو للمطعم كل يوم يتعشون و يتغدون و يتريقون بالمطعم و
راحو للسوق يشترون ملابس و اغراض لمدرسة غزل و اغراض لجامعه رائد
و بعد شرو لهم ملابس للطلعه لانهم ما اخذو معاهم ملابس واجد

وراحو لمدينة الالعاب و راحو للمتحف و تمشو و شافو جمال ولاية مانشستر

الجوري على حالها كل يوم مع اميره و طبعا اهي و اميره كانو مع شلتهم و كان عددهم 5 بنات مع اميره و جوري
و كان بعد فيه شلة شباب و
البنات طقو الميانه معاهم و صارو اصدقاء

بعد ثلاث ايام كانت عملية غزل كانو يمشون بالشارع
رائد : غزل
غزل لفت له و كلها طاقه و حيويه
: عيووونهاا
قعد يتأملها و يفكر : هل ممكن ما تنجح العمليه بس انا وين بروح منو بيهتم فيني منو بيمسح دموعي ليا مني بكيت

غزل : ياهوووو
رائد مفهي : هااا
غزل : الي ماخذ عقلك يتهني
رائد : شالها و دار فيها و اهي تضحك
قال : انتي الي ماخذه عقلي و قلبي و روحي

يا روووووح رائد و قعد يدور فيها و تضحك و يرفعها حييل و الناس تشوفهم و تبتسم لهم

نزلت و هي تضحك و فجأه تحول ضحكها لبجي
قالت : رائد
نزل لمستواها و مسح دموعها و قال : يا عيون رائد
ضمته و اهو بدوره ضمها و قعد يهديها
غزل بصوت مرتجف : خ ..خا ...خايفه
رائد بحزن بس ما حب يوضحه : افاا تخافين و رائد عندج ليش
غزل : خايفه اروح من هذي الدنيا و و تبقى انت وحيد خايفه عليك من الوحده يا خوي رائد تكفى .......
قاطعها رائد و هو يحط ايده على فمها : اشششش ما ابي اسمع منج هذا الكلام
و ان شاء الله تطلعين من العمليات و انتي
تنقزين و تكونين بكل قواج
غزل : رائد و شعري بيقصونه
رائد بضحكه خفيفه : ههههه لا الحمد الله اهم
بيشقون المكان من جبهتج يعني شعرج بيبقى نفس ما اهو
غزل : اها حلو
كملو الطريق لحد ما
وصلو للمستشفى و دخلوها و لبسوها لبس العمليه و عطوها مخدر و قبل دخولها

رائد جاء عندها و طبع بوسه طويله و حاااره على جبينها و دموعه تنزل على جبينها

غزل طالعته بعيونها النعسانه
غزل بحب : انسى يا رائد انسى ، حتى انا لو صار لي شيء لا تقول مرح اسامح نفسي تكفى تكفى لا تعذب نفسك اكثر يا خوي ، و قول لابوي اني احبه رغم انه ما رباني ولا اهتم فيني رغم كل شيء احبه و تكفى حاول انك تحبه تكفى ، و ..... ا امي قول لها اني كنت بحاجه لها بأوقات واجد و ما كانت موجوده و مع ذلك بظل احبها رائد .. ا ا احب اح احبكككك احبك يا يا خووووي ......... نامت

و نام معاها قلب رائد و نام حبه و نام عقله
مر الوقت و خلصت العمليه
خرج الدكتور بعد ساعات طويله
الكلام مترجم
رائد مصدووم و خايف و حاول ينطق و يالويل تجمعت الحروف بلسانه و تكلم بصووت مبحوح و مرتجف : د .. ك.. تو.... ر....م ماذا .... ماذا ح حدث ......
الدكتور : للاسف ................
رائد ما قدر يتحمل و ركض للسياره و انطلق بأقصى سرعه ما عنده
......،...،..........
جوري قعدت تجهز لامتحاناتها لانها بعد اسبوع

خلص البارت .
انتظر توقعاتكم ؟؟
هل تنجح العمليه ؟
شنو بيكون شعور رائد اذا نجحت و اذا ما نجحت ؟؟

البارت الرابع

سلام كيفكم اليوم ان شاء الله تمام المهم ما حبيت اطول عليكم و هذي التكمله .

الدكتور : للأسف .........
رائد مصدووم ما قدر يتحمل و على طول طلع من المستشفى و انطلق بسيارته بأقصى سرعه

رائد و هو يرد له شريط ذكرياته مع حبيبته و يتذكر شكلها و اهي مغطيه بالدم و بين ايده

دخل فيها بالمستشفى و قعد يصرخ و يصايح كان المستشفى هدوووووء و اللمبات مطفيه ما عدا لمبة الرسبشن (الاستقبال) و فجأه اللمبات

تنفتح و الدكاتره تجمع و تاخذها من بين ايده و يركض و يصارخ وراها و يمسكونه الرجال و يهدونه و يقولون له : هد يا رجال اختك ما فيها الا العافيه
طالعهم بعيونه الذابله و بصوت يقطع القلب : هذي مو اختي هذي حبيبتي هذي روحي هذي حياتي اهي زعلت مني لازم ما تروح مني الا لما اراضيها لازم لااااااااااززززززم و يصارخ و فجأه ما حس الا و هو على الارض طاح مغمى عليه شالوه و ودوه للغرفه .......

قام بعد ساعات و تذكر كل شيء و قام من فراشه و قطع المغذي من ايده و قعد يركض بالمستشفى و ايده كلها دم و راح لغرفتها

شااف الرجال واقفين يبكون و حريم ركض لهم كانو يعرفينه ايه كانو يدرون ان بنتهم تكلم من وراهم و كانو يدرون ان بنتهم متفقه معاه ان يجي يخطبها وهو خطبها لاكن ما جاه رد

رائد في نفسه : مستحييييييييييييييل لاااااااا

فجأه الباب انفتح و طلع منه الدكتور و ممرضات يجرون السرير و كان فيه شخص مغطى بغطاء ابيض مثل الثلج
اقترب منه بهدوء و شال الغطى عن الوجه و انصدم لما شافها شاف حبيبته شاف عشيقته شافها واهي نايمه بسلام نايمه بدوون حراااك

رد للواقع على صووت السيارات : طووووووووووووووووط طوووووط طوووط
و قعد يمسح دموعه و قرر يرد للمستشفى و لما جاء بيدخل المستشفى وقف لما شاف اتصال من ابوه المسمى عنده ( عديم الاحساس )

رائد : ...........
الاب: الو رائد طمني بنتي شفيها بخير و نجحت العمليه ولا لا
رائد :......
الاب : رااااائد رد علي لاترفع ضغطي
رائد : انا بقعد اكمل دراستي ببريطانيا
الاب : بقلعتك بنتي شفيها قول شصار
رائد بنفسه مستحيييل تاخذها و بشوف اذا انت تغليها ولا لا قال و هو يستغفر ربه من الكلام الي بيقوله : تطلبك الحل
الاب : ..........
رائد : اسمع انا الي بهتم بكل شيء و اهي قالت لي قبل لا تدخل للعمليات اتمنى ابوي ما يكون موجود بجنازتي و لا يسوي لي غزاء و حتى امي
الاب ...... بس ..بس هذي بنتي
رائد : زين توك تعرف ان عندك بنت
الاب : رائد تكفى قول انك تتغشمر معاي قول يا رائد تكفى
: سمع رائد شهقات ابوه و ابتسم من قلب و حمد ربه ان ابوه يحس فيهم
رائد : يبا انا اسف لاني كذبت عليك لاكن كذبت لاني ابي اعرف عندك احساس ولا لا لاني كنت حاط ببالي انك مرح تهتم اذا ماتت ولا ما ماتت

23 - 7 - 2014, 03:40 PM

الاب : رائد تكفى قول لي شصار
رائد : يبا غزل نجحت عمليتها و تعال بنفسك شوفها
الاب : باجر بجي لك يلا سلام
رائد : سلام

نرجع لوراء شوي

الكلام مترجم
الدكتور : للاسف دخلت بغيبوبه لاكن استطعنا ان نتخلص من الورم ....،
و لاننا تخلصنا منه فهذا جعلها تقع في غيبوبه و هناك احتمال كبييير ان تستمر الغيبوبه طوال سنه كامله

رائد ركض يبي يطلع من المستشفى

الدكتور : سيد رائد رائد

نكمل

بمكان بعييد عن بريطانيه
السعوديه جدة

نكتشف اليوم شخصيات جديده
نهى بخوف : ابرار يقول ابوه انه بيسافر و يروح عنده انا لازم اروح اشوفه و اوقف معاه و اساعده

ابرار ترفع ضغطها : ههههه ضحكتيني على بالك انه مهتم فيج لا يا ماما اهو يحبني
انا مو انتي

نهى : اقول انطمي و يالله مناك انتي من شافك قال مره متزوجه و عندها عيال اما انا الي يشوفني يقول عمري 15 او 14 سنه و يقولون حلوه
ابرار : اقول انقلعي عني قال ايش انا احلا منك روحي زين

دخلت امهم على صياحهم
الام : يا فشلتي الي يشوفكم يقول صبيان مو بنات
نهى : ماما شوفيها اهي الي بدأت تطنز علي

الام : استحو على وجيهكم ويالله يا ابرار اليوم جايين لك خطاب و بيخطبونك

نهى و ابرار : شنوووووو
الام : ويهد ان شاء الله الحريم تحت قصرو اصواتكم

ابرار : طيب منو اهم و وش اسمه

الام : طارق ولد عمك

ابرار : لا يمى ما ابيه انا اعتبره مثل اخوي

الام : ما نقدر نرده و قومي البسي

ابرار : طيب بس اذا ما عجبته مالي شغل
الام : طيب

نهى : وناااسه متى يجي دوري و يتزوجني رائد
ابرار : ههههه باحلامك رائد ما اعتقد انه بيتزوج ولا ما تذكرين ان حبيبته ماتت و كره كل البنات بعدها
نهى : اقول انطمي توك تقولين بيتزوجني ولما جاء نصيبك قلتي مرح يتزوج وش ذا التناقض ياخي
ابرار : بس كذا ابي اقهرك ويالله بااي بروح اشوف حبيبي

اعرفكم عليهم
نهى عمرها 20 سنه بثاني جامعه جسمها حلو مو متينن ولا ضعيفه و عيونها بني و شعرها اسود و طويله ما شاء الله

ابرار عمرها 21 سنه ما كمات جامعه لانها طفشت منها و تركتها عيونها لونها اسود و شعرها اسود جسمها ضعيفه و طويله بس مو حيل

الاب اسمه جاسم عمره 47 طويل ولون عيونه بني و شعره اسود قبل

الام خديجه عمرها 45 سنه و حلوه

القاكم بالبارت الجاي توقعاتكم نهى و ابرار شنو صلتهم برائد ؟؟؟
هل بتسافر نهى مع ابو رائد نفس ما تفكر ؟؟؟؟
شنو بيصير للاب لما يشوف بنته بالحاله هذي ؟؟؟
شنو بيصير لرائد ؟؟؟ هل بيكمل دراسته ولا بيوقفها ؟؟؟
تحياتي
روايه 1 البارت الخامس

نكمل
ابرار وافقت على طارق و ملكتهم بعد بكره
ابو رائد اجل سفره لان لازم يكون موجود بملكت بنت اخوه

رائد كل يوم يطل على غزل واهي نايمه داخل و يدعي و يستغفر لها و يقرأ عنها القرأن

الجوري شاده حيلها بالدراسه عشان الامتحانات

نهى وافق ابوها تسافر بس ما تطول شهر و ترجع

بعد يومين ملكت ابرار و كان بنفس اليوم نهى و عمها بيسافرون بس بالليل عشان يحضرون الملكه
بعد الملكه راحت نهى تجهز نفسها للسفر و خذت شور و لبست و طلعت
عمها كان ناطرها ركبت معاه و توجهو للمطار
ركبو طيارتهم الخاصه
و نهى على طوول نامت

((للمعلومه رائد عنده طياره خاصه بس ما يحب يروح فيها لانه ما يحب يتباهى قدام الناس ))
و بعد ساعات طويله
وصلو لبريطانيا وتفاجئو ان رائد كان بانتظارهم

بس رائد كاان ..... خلونا نشوف

الاب : هلا والله بولدي هلا وغلا
رائد بصدمه رفع راسه و شاف ابوه و تذكر انه كان بيجي بس المفروض قبل امس بس طنش

قام رائد سلم على ابوه ببرود
لانه يدري انه مو جاي لحاله
رائد شاف الي وراء ابوه و سأله : منو هذي ؟؟
الاب : هذي نهى بنت عمك
رائد (يدري بحبها له) : اها طيب يالله روحو لفندق ........ شقه رقم ...... وهذا المفتاح
نهى لازم اكلمه : سلام رائد شلونك !!

رائد طنشها : روحو للفندق انا الحين مشغول

الاب : رائد وين البودي قارد الي دايما يحرسونك

رائد بعدم اهتمام : عطيتهم اجازه
الاب : من متى عطيتهم

رائد : من اول ما دخلت غزل للعمليات
الاب عصب بس سكت لان نهى موجوده :
خلاص برسل معاك من حراسي و اياني
وياك تعطيهم اجازه
رائد : ان شاء الله يالله سلام

الاب للبودي قارد : روحو معاه
البودي قارد : حاضر
رائد : افففف شنو هالورطه

نزل من الطياره و وقف يشوف و يبحث بين الناس
فجأه صوت صفير و الناس كلهم لفو له
و كان واقف فوق الكرسي و يصارخ

: يا هلا والله مشتاااااق يا نااااس والله مشتااااااق احبكككك ، فقدتك ياخي ليه ما عدت تسأل مثل اول ، مشتااااااااااق والله مشتاااق ياااناااس يااا عاااالم اخييرا جاء جاء خلي بعد طولت غياب جاء و فرحني بشوفته

الناس الاجانب مستغربين اما العرب فضحكو عليه لانهم فهمو عليه

رائد و يكمل صرااااخ : ليييه ما ترفع ايدك خلهم يعرفوووونك خلهم يعرفووون منو انت
مشتااااااااق لك

وقف مصدوم و لما استوعب ترك جناطه و ركض له و طااح عليه رائد و ضمهه بقوووووه و الناس تصفق لهم وانحرجو طبعا
راكان (رفيج رائد من واهو صغير) : يا حيواان احرجتنا

رائد : اقول اسكت انا الي انحرجت اكثر و ضمو بعض مره ثانيه و طلعو من المطاار الى الفندق

بالفندق
الاب و نهى وصلو و طبعا نهى بتنام عند عمها بجناح واحد بس اهو بغرفه و اهي بغرفه

دخلت نهى الغرفه و كانت طايره من الفرحه
: ونااااسه شفته بعد طول غياب شفته يا ناس شفته

و دخلت الحمام (مكرمين) خذت لها شور و لبست الروب و طلعت و لبست ملابس و طلعت للصاله بس شافت ان عمها نايم و ما يصير تزعجه فردت للغرفه و نامت

بجهه ثانيه للفندق بنفس الجناح لاكن بعييد
عن ابو رائد ونهى دخل رائد و راكان
رائد : حياك

راكان : ترى قلت لك مرح انام عندك
رائد : اقول استريح تبيني انام لحالي

راكان كان ناسي موضوع اخته و قال : عندك اختك
رائد بصوت حزن : اختي بالمستشفى
راكان توه يتذكر : اوووه اسف رائد والله جد اسف والله نسيت الله يلعن الشيطان
رائد بإبتسامه صفرا : طيب الحين روح ارتاح مع السلامه

23 - 7 - 2014, 03:41 PM

راكان : لحظه على وين ؟؟؟!
رائد : بروح انام
راكان : طيب مع السلامه
رائد : باي
بكره الصبح الساعه 10
رائد : راكان انا بروح تبي شيء
راكان : لحظه لحظه على وين ؟؟؟؟
رائد : بروح لاختي
راكان : يالله انا بعد بروح معاك
رائد : لا لا انت اجلس انت تعبان من السفر امس لا تتعب نفسك
راكان و اهو ياخذ جاكيته : اقول امش بس امش
رائد ابتسم : اوك يالله

ابو رائد محمد : نهى يا نهى
طلعت نهى من الغرفه : هلا عمي
محمد : يالله يا بنتي انا بروح لغزل تبين تجين معي ولا بتقعدين
نهى : لا لا بروح معاك
محمد : طيب جهزي نفسك بعد ساعه تكونين جاهزه
نهى : طيب
بعد ساعه نهى : انا جهزت يالله
محمد : يالله توكلنا على الله
بالسياره نهى : اففف ليش الطريق طويل جذي
محمد : ههههه مو طويل بس لان زحمه الشارع
نهى : اها طيب

بالمستشفى راح رائد و قعد عندها داخل الغرفه بعد ما استقر وضعها قدر يدخل
و معاه راكان و قعد رائد عندها يقرأ قرآن

بعد ساعتين اندق الباب
راكان : رائد افتح الباب ولا انت

رائد كمل قراءة قرآن و هز راسه ب لا
كلام مترجم

راكان راح للباب : تفضل
دخل الرجال بهيبته و رزته وقال : اليست هذى غرفة غزل محمد؟؟!

راكان وجهه مألوف : بلا هي من انت ؟
الرجال هذا مو غريب عني : بل من انت هذه غرفة ابنتي!!!!
راكان عرف انه ابو رائد و تكلم عربي : هلا والله انت ابو رائد
ابو رائد استغرب : ايه انا بس انت منو ؟
راكان : انا رفيج رائد راكان
ابو رائد تذكره : اها ياهلا والله و سلم عليه وراحو لرائد
راكان : رائد ابوك وصل

وقف رائد قراءة و قام و مشى من عند ابوه ولا عبر له و مر من عند نهى و شافها منخشه ورا ابوه خايفه ابتسم في نفسه وقال للدرجه هذي تستحي مني هذا وانا القريب اجل البعيد كيف
طلع و قعد برى و نطرهم و بعد ساعه طلعو
و شاف ابوه طلع و قام بيدخل بس قال له ابوه : ليش ما سامحتني للحين
رائد : مزاااج

الاب : ليش تكذب و تقول ان اختك ماتت ليش تتفاول على اخت يا رائد

رائد بسخريه : هه عشان تجي و تشوف بنتك و انا بالنسبه لي انها ماتت لان الدكتور يقول احتمال يا تقوم بعد سنه او ...... او دمعت عيونه و وقف
الاب : ليش تبكي '
رائد صرخ : لان الالم الي بقلبي غييير غيييير انا بشر يا نااس انا انسان عندي احاسيس
و الرجال ما يبكي الا اذا كان الامر فوق طاقة تحمل

هالناس تشوفه مصدومه اما العرب متنحين ان رجال يبكي

رائد دخل وقفل الباب وراه و راح كمل قراءة و راكان كان سااكت طول الوقت

و ضلت حالهم كل يوم رائد يقرأ عندها قرآن
وراكان معاه و يجي ابو رائد و نهى معاه ونفس الحاله
وراكان خلال هذي الايام ساعد رائد و شجعه انه يكمل دراسته و راكان يكمل معاه
((اهم وقفو دراستهم قبل ثلاث سنين يعني درسو اول سنه بالجامعه و وقفو قيدهم))

..............

الجوري خلصت امتحاناتها و بعدها قعدت تطلع مع شلتها المكونه من 5 بنات و شلة الشباب بعض المرات معاهم بعض المرات لا و بعرفكم عليهم بعدين انتم بس انطرو صبراً

والحين بعد مرور شهر

سافرت نهى للسعودين و كذلك ابو رائد

وخلال هذا الوقت
قرر اخو الجوري يقدم زواجه لانه بيروح يعيش ببريطانيا
سافرت الجوري للسعوديه و حضرت الزواج و

ردت لبريطانيا بنفس يوم الزواج لان ما تقدر تغيب اكثر من هذا الوقت

بعدها باسبوع
انتقل ابو الجوري و اخوها و زوجة اخوها لبريطانيا

""(( حبيت اذكركم جوري لما كانت صغيره كانت ساكنه ببريطانيا ))""

نروح ...........

رائد بالمستشفى الساعه 5 الصبح و قف عند غزل و يكلمها

قال : غزل حبيبي تدرين اليوم او يوم لي بالجامعه ههه بكمل دراستي ( للمعلومه رائد كان يدرس من قبل بالجامعه نفسها بس تركها بعد موت حبيبته و مثل ما قلت درس اول سنه بالجامعه و بعدها تركها)

نكمل : شوفي ابي اجي لج بعد الجامعه و اقول لج كل شيء صار لي فيها و بقص لج عن يومياتي و يالله الحين بخليج و برد لج العصر او المغرب على حسب الطريق اذا زحمه او لا مع السلامه
طبع على جبينها قبله وراح

رااح رائد للجامعه و طبعا مثل ما قلت لكم كان يدرس فيها من قبل اول ما دخل للساحه فجأه صراخ البنات و الشباب و الاساتذه ( الدكاترة ) و جو عنده و ضموه و رحبو فيه و الاغلبيه مصدومين للدرجه هذي عنده شعبيه و جذي
المهم بعد ما سلم انتشر الخبر عن عودته للجامعه و جو الباقي يسلمون عليه

كمل طريقه لحد ما وقف عند مكانهم مكان اصحابه الثلاثه المكان نفسه ما تغير من 3 سنين للحين فجأه نقز عليهم رائد و كلهم منزلين روسهم على كتبهم و لما نقز قال : بووووو
ردو : مشاري مالنا خلق لك اقعد نبي نراجع
رائد : افااااااااااا هذا و انا رااد لكم جذي تستقبلوني
الكل : مشاري اقعد و خلصنا
رائد و اهو يقعد قال بزعل : كاني قعدت
اول ما قعد كلهم رفعو عيونهم و شافوه و انصدمو و فجأه كلهم فوقه طااااخ
رائد : وجع وجع شوي شوي و بعدين ليش طايحين علي جذي الناس تطالعنا قومو

كلهم قامو عنه و وقفو و قالو : يالله قوم
رائد : مرح اقوم انتو قلتم اقعد مالنا خلق لك

الشباب طالعو بعض و ابتسمو بخبث : يالااااااااااااه
و هني رائد عرف شنو بيسوون
وجاء بيقوم و الا يمسكونه و يركضون فيه

شلة جوري اول ما شافو الشباب لحقوهم
شلة البنات و الشباب طاقين الميانه مع بعض
وصايرين ربع مثل ما قلت لكم انهم مع شلة شباب و شلة الشباب هذي اهم اصدقاء رائد

المهم يركضون الشباب فيه و يبون يطيحونه بالنافوره الموجوده بالجامعه و قعدو يعدون
: واحد اثنين .....
البنات : ثلاثااا ... سكوووووووت
البنات باستغراب : ليش ما قطيتوه
الشباب التفتو وقالو : وانتم شدخلكم فينا
البنات : يالله عاد تكفون قطوه
رائد : لا لا تكفون الا بهذي الملابس
الشباب وليش مو بهذي الملابس
رائد بصوت حزين : هذي كانت هديه من اختي قبل لا تدخل بغيبوبه
الشباب ؟؟؟؟؟؟؟
تركوه : عسى ما شر وش فيهااختك
رائد : خير ان شاء الله بس طاحت بغيبوبه بسبب ورم بالراس
الشباب و البنات : الله يشفيها
رائد : اقول شسالفتكم مع شلة البنات
فهد : طول الله عمرك هذول لازقين فينا
طلال : ايه والله نشبه ما نفتك منهم
حسام : ياخي شوف لنا صرفه معاهم
البنات بوقت واحد : لااا والله
رائد : هههههههههههه ما الومهم نفس الطبع شلون ما يتعلقون فيكم على العموم تشرفت بمعرفتكم انا رائد و انتم !
عبير : الشرف لنا انا اسمي عبير
نوره : و انا نوره
خلود : و انا خلود
اميره : و انت اميره

رائد : اوك الحين بخليكم بروح للمحاظره
الكل : بااااااي
عبير : انا بعد مع السلامه

قعدت تركض باقصى سرعه عشان تلحق المحاظره فجأه طراااااخ
..... : اسفه
..... : الاخت عربيه
..... : ايه
.... : اهلين معاج معاذ
..... : اهلين معاك عبير
معاذ اه هذا الحب من اول نظره : هلا فيج
عبير ابتسمت و توها تستوعب : يووووه سوري بس لازم اروح
معاذ : انزين ممكن الرقم
عبير : ليش !!!
معاذ بارتباك : ب بسراحه بس كذا حبيت اتعرف
عبير ابتسمت و قالت : امممم .......

23 - 7 - 2014, 03:41 PM

معاذ ابتسم : اذا ما تبين مو مشكله
عبير : لا خلاص سجل عندك ........ الحين اخليك باي
معاذ : اوك باي

عند الشلة:

فهد : خلود اذا ممكن بس ابيج تشرحين لي بعض الاشياء
خلود : اممممم اوك بس متى
فهد : بأي وقت تبين و هاج رقمي ومتى ما حبيتي دقي و قولي لي الموعد
ابتسمت خلود : اوك

بعيد عنهم كان طلال جالس وعنده حسام و دق تلفونه رقم غريب ورد :
طلال : الو
..... : اهلين ، انت طلال .....
طلال : ايه بس منو معاي
.... : انا ا ا انا رنا
طلال : رنا منو ؟؟؟
رنا : انا بنت عمك
طلال : اها اهلين رنوو اخبارج
رنا بفرح : انا تمام و انت !
طلال : انا تمام
و اخذتهم بالسوالف

حسام : اففف طلول قوم خلنا نروح نتمشى
طلال : لحظه ، حسام روح ترى مالي خلق لك
حسام : افف زين جوري وينها
طلال : ما ادري اهي مشغوله هذي الايام بالبحث
حسام : اوك خلاص انا بروح للبيت سلام
طلال : سلام

بقت نوره لحالها و قررت تمشي

نوره وهي تمشي : اففففف كل واحد مع الثاني و انا قاعده لحالي

فجأه طرااااااااخ الكووره براس نوره
نوره و دموعها بدت تنزل من الألم و طاحت على الارض: أي اهي اهي حيوان ما يشوف و قعدت تبجي :(
.... : أ أسف والله ما كان قصدي
نوره : لا عادي اي
..... : خليني اساعدج مد ايده
نوره وهي تمسك ايده و تقوم و اول ما استوعبت بعدت ايدها منه و كملت بجي
..... : ليش شفيج تبجين خلاص
نوره : ليش تمسك ايدي اهي اهي
.... : خلاص اسف حقج علي
نوره : لا خلاص ح حصل خخ خير
..... : اوك تشرفت بمعرفتج معاج فراس
نوره : اهلين فراس انا نوره
فراس : اسف مره ثانيه و الحين بالاذن مع السلامه
نوره : الله معاك
وكملت مشي

اعامر البنات كلهم 19 سنه
اعمار الشباب كلهم 22 سنه بس طبعا بيتخرجون مع بعض لان الشباب خلال الثلاث سنين الي طافت كانو مهسترين و قعدو يعيدون السنه

اوصفهم لكم
البنات

اميره طولها متوسط و ضعيفه و عيونها لونها اسود و شعرها اسود و بيضا و جميله و شفايفها صغيره و لونها وردي

نوره قزومه بس مو حيل و جمييله عيونها زرق و شعرها اسود و شفايفها صغار و خشمها سلة السيف

عبير قزومه بعد بس اطول من نوره و عيونها بني و شعرها بني و شفايفها كبار بس حلوه و خشمها سلة السيف

خلود اجملهم بعد اميره و طويله بس حلو طولها و خشمها صغير و شفايفها صغار و عيونها كبار و وساع و شكلها مزيووونه و لون شعرها اسود و عيونها ازرق

رنا قصيره و حبوبه شعرها اسود و عيونها بني و عيونها و ساع و شفايفها صغار

الشباب
فهد طويل و عريض خشمه سيف و عيونه بنيات و شعره اسود ناعم لنص رقبته

طلال اطول واحد بينهم و جسمه رياضي وله عضلات عيونه سود و شعره لفوق اذنه و لونه بني وناعم

راكان عيونه رماديه و شعره بني و طويل و عريض من الاكتاف و حواجبه مرسومه و شفايفه صغيره و بشرته بيضا

حسام اجمل واحد بعد رائد عيونه زرق لون البحر و جسمه ضعيف و عريض من فوق شعره لنص رقبته لونه بني خشمه جميل و حواجبه مرسومه و شفايفه صغار و لونهم وردي

نتعرف على معاذ طويل و عريض من فوق و عيونه وسااع ولونهم اسود و شعره اسود وناعم عمره 22 سنه

فراس عمره 22 سنه طويل و شعره اسود و عيونه سوده و حواجبه مرسومه و ملامح وحجهه حاده

((للمعلومه فرااس و معاذ انضمو للشله لانهم يعرفون الشباب))

نكمل :

بعد ما خلص المحاظرات
طلع للمستشفى و قعد عند اخته و بدأ يقول لها الي صار و الي تعرف عليهم

بقول لكم الي صار بالمختصر
رائد يروح يقعد عند ربعه و البنات يشرحون له عشان يعوض الي فاته و طبعا خلال كل هذا ما شاف الجوري للحين و الجوري كانت بس تسلم عليهم و تروح لانها مشغوله بالابحاث و الدروس و جذي

توقعاتكك شنو بيصير لرائد ؟؟؟
هل بتقوم غزل من الغيبوبه ؟؟
روايه 1 البارت السادس

بعد اسبوع

رائد يركض يبي يلحق المحاظره لا تبدأ بدونه
جووري بعد تركض عشان لا تبدأ المحاظره

فجأه طرااااااااااااااااااخ
اصدمو بعض و طاح رائد على ظهره و الجوري فوقه على صدره
و الجوري وجهها ظرب الوااان من الاحراج

قامت و قالت : عمى ما يشوف اففف
مترجم : اسفه لم اقصد الوقوع عليك
رائد سمعها و قام و اهو ينفض ملابسه و قال : انتي العميه الي ما تشوفين و رفع عيونه لها
و هنااا كااانت الصدمه صدمة حياته صدمه ما كان متوقع تصيييير ابدا ابدا ابدا الا من المستحيلااات تصير

تنح و كان على باله حلم قعد يضرب وجهه بكفوف لحد ما استوعب انه مو حلم

رائد بصوت واضح : انتي انتي .... لا لا مستحييييل اكيد انا بحلم لااااا مستحيييييييييييييييييل

الجوري واقفه مصدوومه من تصرفاته و كلامه

الجوري بنفسها : اعرف هذا الوجه هذا الوجه مألوف لي والله مألوف والله العظيم اعرفه بس منو اهو استغفر الله
و قالت : انت منوو؟!!

مسكها رائد من اكتافها و هو يهزها و الدموع بعينه : انتي انتي مستحييل مستحييييل انا شفتج كنتي بين ايدي و رحتي و بصراخ قال : يااا نااااااااااااااس انا بحلم ولا علم ياااانااااااااس الي اشوفه حقيقي ولا لا لا لا اكييييد انجنيت لا مستحييييييييل و قعد يصارخ
واهي قعدت تبكي ما تدري شنو تسوي

فجأه جت اميره و سحبت الجووري و قالت لها يا غبيه بسرعه بنتأخر و راااحت

اميره : شفيج تبجين كل هذا عشان رائد صدم فيج
جوري : اهي اهي لا مو عن بس انا انا خايفه منه انا اعرفه بس مو متذكره اهو منو
اميره : اففف الله يعين ، خلينا الحين نروح للكلاس

رائد
واقف مكانه ما تحرك لحد ما جاء راكان و سحبه و وداه للمحاظره و اهو للحين مصدوم مو مستوعب شيء و راكان مستغرب من تصرفاته و صراخه قدام الجامعه و حالة سكوته للحين و بعد المحاظره
ركب راكان السياره و جنبه رائد
راكان : رائد شفيك ليش قعدت تصارخ و شنو دخل الجوري بالموضوع
رائد : .............
راكان تنهد و كمل طريقه
راحو للمستشفى
وصلو للمستشفى و قف السياره
راكان و نزل و شاف ان رائد للحين
مكان ما نزل راح و فتح الباب و نزله راكان رائد شفيك تحرك لازم احركك شفيك شصاير

دخل للمستشفى و صل لغرفة غزل و للحين ساكت و كان راكان الي يحركه و لو يمسكه احد و دزه على الارض مرح يمنعه
من صدمته القويه

دخله راكان الغرفه و خلاه يوقف عند اخته نزل رائد عيونه على اخته و نزل و طبع على جبينها بوسه بعدها قعد على طرف السرير و مسك ايدها و قعد يقرأ سوره الكرسي و ايه الملك و الفاتحه و فجأه حس ان شيء يتحرك بايده نزل عيونه على ايده لقى ايد اخته تتحرك و

تضغط على ايده ما عرف شنو يسوي الا انه قرب من وجهها و صارت تفصلهم مسافه قليله

23 - 7 - 2014, 03:42 PM

و بدأ يتكلم : غزل حبيبي يالله قومي لا تقعدين اكثر من جذي ترى مليت والله مليت بدونج حياتي ما تسوى قومي ي عزل قومي يا رووح اخوج ونبضه قومي و طبع بوسه على عيونها

فجأه فتحت عيونها و قالت بصوت كله تعب : هممممم ....
رائد : دكتوووووووووووووور دكتووووووووووور بليز كم كويكلي دكتووووووور شي ويك اب شي ويك اب دكتووووووو

الترجمه : دكتور تكفى تعال بسرعه دكتور قامت يا دكتور قامت قامت صحت من الغيبوبه

و راكان ركض نادى الدكتور و دخل الدكتور و طلع راكان و رائد ينطرون برى
و بعد كم دقيقه طلع الدكتور و خلاهم يدخلون لها
دخلو و سلم راكان على غزل و باس جبينها

و رائد قعد عندها بالسرير و اهو ضامها طول الوقت
غزل : رائد
رائد بفرحه لا توصف : يا عيوووووون رائد آميري
غزل : ابي ابوي
رائد : اوك ادق عليه و اخليه يجي
غزل : اوك ، رائد سولف لي ملل
رائد : ههههههه توج قايمه مايمديج
غزل : هههه عادي سولف
رائد تذكر موقفه و تذكر الي شافها و انصدم و قال لغزل بحزن : تدرين منو شفت اليوم و و سكت شوي و كمل : هههههه لقيتها بس بس شلوون و متى و ليش ما قالت لي
غزل : منو اهي
رائد : انتي تعرفينها و الكل يعرفها اهي كانت معروفه عند الكل اهي .............
بمكان ثاني و تحديدا بشقة جوري
جوري : والله اعرفه بس منو منو اهو يالله ساعدني ليش ما اتذكره
عبير : جوري ما يحتاج كل هذا انتي سأليه و بس
اميره : ما تفهم اقول لها سأليه تقول شلون
عبير : اهو يمشي دايما معانا يعني تقدرين تكلمينه
جوري : ......... اوك

توقعاتكم منو تكوون الجوري ؟؟
و شنو دخلها بحياة رائد ؟؟؟
هل راح تعرف الجوري منو رائد
تحياتي

روايه 1 البارت السابع

سلامي للكل شلونكم اليوم ان شاء الله تمام اخليكم مع البارت

رائد قال لها كل شيء صار : وبس هذا الي صار
غزل وهي تبكي : يالله الله بيجمعك معها مره ثانيه يالله ما اصدق
رائد بحزن : بس ليه كذبت علي طوول هذي السنين ليه ابي اعرف ليه
غزل : ما اصدق الي صار المشكله مو كذبتها المشكله اأ .......
رائد : وشو ؟؟
غزل بحيره : منو الي كنتم شايلين جثتها و الي دفنتوها و المشكله كيف اهلها دفنوها معقوله ما شافو وجهها
رائد : ما ادري بس بسألها بعرف كل شيء وضم اخته و قال بحب : يالله ما اصدق انها عايشه للحين انا لازم اروح لها
غزل : انطر لما اقوم بالسلامه
رائد حز بخاطره يخليها و قال: خلاص اول ما تطلعين اروح لها
غزل : اوك
بعد مرووور اسبوعين طلعت غزل من المستشفى و سجلت بمدرسه تكمل دراستها

المهم بالجامعه جاء رائد يسلم على الشباب و يروح يدورها
لما لقاها رائد : انتي
جوري : ... منو انت ترى شغلت تفكيري بالايام الي طافت و وترتني انت منو
الشباب و البنات ؟؟؟؟؟؟؟
رائد : جور
جوري : انت منو و شعرفك باسمي ؟؟
رائد بصدمه : تنسيني تنسيني يا جور تنسين هذا و ما صار لك غير 3 سنين و تنسين بهالسرعه
جوري : لحظه لحظه انت وجهك مألوف لي قول لي انت منو ؟؟

رائد : انا رائد رائد يا جور رائد الي توفيتي وانتي زعلانه عليه الي متي و مات رائد معاك الي كان ماشي بجنازتك و كل هذا و ما تذكريني
جوري بصدمه من كلامه : لحظه شلون انا مت و انا قدامك انت صاحي ، فهمني السالفه و انت منو ؟؟

طبعا الحين عرفتم منو جوري جوري اهي حبيبت رائد الي ماتت من سنين او تظاهرت بالموت قبل سنين

رائد : قبل الحادث
جوري : ايه اذكر صار لي حادث بس ما اذكر ليه صار لي
رائد : قبل الحادث انا وانتي كنا بالمقهى
جوري بصدمه و البنات و الشباب : ايييييشش
جوري : كيف و انا ما اعرفك

رائد : خليني اكمل لك انتي كنتي تكلميني من لما كان عمرك 14 سنه و انشئنا علاقه حب و تعرفت عليك ببريطانيا و كنا نحب بعض حد الجنون و الكل شاهد بحبنا و بعدها انتقلتي لجده و انا اتقلت معاج وكنت اطلب منج نطلع مع بعض المهم جاء اليوم الي انتي طلبتي انا نطلع و كان وقتها عمرك 16 سنه بس انصدمت انه لما شفتج كنتي تعبانه حيييل و وجهج عليه كدمات و جروح و سألتج ليش و
قلتي جاني خطيب و قلتي و انا ما وافقت عليه و اخوي عصب و دزني و طحت من الدرج و هذا سبب الجروح بعدها قال لي ابوي بزوجك غصب و
قلت له انا ما ابي اتزوج انا توني صغيره و بعدين رائد قال لي ابوي لازم ولا بنخسر ثروتنا و انا عصبت عليج و قلت يعني جايه تبررين لي ليش بتوافقين عليه ليش تتركيني انتي خاينه خاينه و عطيتج كف و قعدتي تبجين و انا ندمت على الكف و مسكت خدج
قلت لج اسف بس انتي ضربتيني على صدري و رحتي تركضين و تبكين و قعدت الحقج و اناديج جوري جوري لا جوري انتبهي فجأه طرااااااااااااااااااخ سياره مسرعه صدمتج و اخذتج و قعدت اركض فيج للمستشفى و دخلت المستشفى

((عاد كتبت لكم الاحداث من قبل))

المهم بعد ما رفع الغطاء من وجهها كنتي جثه جسد بلا روح و اخوج لا حس لمن تنادي كان عنده الوضع عاادي و بعد الدفن عائلتج انتقلو من السعوديه و الحين مو معروف مكانهم و وينهم و الحين كملي لي الباقي و شنو صار

جوري مصدومه حييييل و قالت :انا ما اذكر شيء قمت من الغيبوبه و انا فاقده للذاكره حتى اهلي قالو اني بنتهم المفقوده من زمان و بعدين انا اسم ابوي خالد مو فيصل و اخوي نواف مو فالح ،
رائد : الي ساكنه معاهم مو عائلتج اهم اكيد
اكيد خالد زوج امج الاول قبل ابوج

صدمه ثانيه و اقوى مما خلاها تطيح و يغمى عليها ،
بعد ما قامت شافت نفسها بمكان غريب سالت بتعب : انا وين و منو جابني هني
رد عليها صوت و تمنت تموت ولا تسمع صوته ثاني

رائد : انتي بالمستشفى من الصدمه الي جات لج صار لج انهيار

قالت بعصبيه : اطلع برى ما ابي اشوفك برى برىىىى
قام و قبل لا يطلع قال : حياتي بعدج كانت جحيم و الله جحيم اتمنى تتذكريني و طلع

((جوري ساكنه بسكن جامعي مع البنات و بعض المرات تروح تزور ابوها و اخوها ))

مرت الايام و كل يوم تشوف جوري رائد تتذكر شيء من ماضيها و تستعيد ذاكرتها و بعد شهر من الاحداث
رائد : شباب منو يعرف يحل هذا و يشرحه لي
الشباب : يوووووه الله يعينك هذي ما يعرف لها غير البنات و عاد اهم ما يشرحون لك الا لما يطلبون منك طلب
رائد و اهو يقوم : الله يعين بروح اجرب حظي
رائد للبنات : هاي صبايا
البنات عاد خقو وراه : هاي
رائد بثقه : ممكن احد يشرح لي مسأله و يساعدني بحلها
البنات شافوها عدا جوري
البنات : احنا ناخذ هذي الماده السنه الجايه
رائد بدلع -_- : خسااااااااااارره
البنات بسرعه : جووري تعرف
رائد طالع جوري وقال بعد ما تبادلو النظرات : لا عادي مو مهم
جوري : لا عادي اشرحها لك بس بشرط
رائد ايه والله لازم يتشرطون
رائد : آمري تدللي
جوري : بقول لك بس مو الحين لما نكون مع بعض
رائد : اوك
جوري : خذ رقمي و دق علي
رائد ابتسم و قال : عندي رقمك و طلع الجوال و دق عليها ورن الجوال ب اسم ، حبيبي المجهول
قالت : هذا انت الي كان اسمه حبيبي بالتلفون
رائد ابتسم وقال : ايه انا يالله الحين سلام و ادق عليج و تحددين الموعد اوك
جوري اوك

للمعلومه لما قامت الجوري من الغيبوبه تلفونها بقى معاها بس مسحو اسم ابوها و اخوها و حطو اسم خالد و نواف بدالهم

و بعد جوري كانت مثل ما قلت قبل ساكنه ببريطانيه سنه عشان جذي رائد يعرف رقمها البريطاني و اهي تعرف رقمه بعد لانه كان ساكن

ببريطانيا بعد من قبل حادث جوري بس قرر ما يجي لها لانها بتذكره فيها بس الله اراد و رد لها

توقعاتكم شنو تبي الجوري من رائد ؟؟؟!!
روايه 1 البارت الثامين

بعد يومين
قرر رائد يدق عليها و يحدد الموعد
رائد : الو
جوري : هلا
رائد : شلونج
جوري : تمام
رائد : دوم ان شاء الله ، بسراحه انا داق عشان تحددين الموعد
جوري : اوك الموعد بيكون بمطعم ........ الساعه 2 بجنب ...... باجر
رائد : اوك سي يو
جوري : سي يو

سكر رائد و هو طاير من الفرح بس لما تذكر انها ما تذكرته بدأ يملئ وجهه الحزن و القهر و الحب و الحقد شعور مختلط ما عرف تفسيره

23 - 7 - 2014, 03:43 PM

بمطعم ........
رائد : هاي
جوري : هاي حياك تفضل
رائد : مشكوره ، طيب شنو حابه تطلبين
جوري : امممممم ابي عصير فراوله و اممممم بس
رائد : اوك ، اكسكيوزمي ، هلا اعطيتني 2 عصير فراوله
جوري : رائد
رائد : عيونه
جوري : قول لي عن اهلي و امي و ابوي و اهم الحين وينهم و ليش راحو
رائد ما يعرف الجواب فسكت :........
جوري : تكفى جاوبني
رائد : امممم سراحه ما اعرف عنهم اي خبر من ثلاث سنين كل الي اعرفه انهم سافرو لبريطانيا و بعدها اختفو ومالقينا لهم اثر
جوري بدموع : تكفى تكفى يا رائد ابيهم دورهم لي
رائد بحنان : صدقيني يا جور بلقاهم لك باذن الله انتي انتظري بعض الوقت
جوري بصبر : ان شاء الله
رائد : الحين بروح لان عندي كلاس
جوري : انطر نشرب العصير و نروح مع بعض
رائد : اوك
و شربو العصير و طلعو

جوري في نفسها : ااهه يا رائد صدقني اعرفك بس ما اتذكر ابي اتذكر انا كل مره اشوفك اتذكر اشياء قديمه اتذكر طفولتي و اتذكر عائلتي بس الاشياء الي اتذكرها كلها تكون من كان عمري 13 سنه اما فوق هذا العمر كله ناسيته

راحت الجوري للبيت و هي تفكر و تقول لازم احط حد لابوي و ليش ما قال لي اني بنته

دخلت البيت : السلام عليكم
الكل : و عليكم السلام
تفاجئت بوجود خوالها و عمامها كلهم : انتم ، متى وصلتم وليش ما قلتو و من متى وانتم هني؟؟
الكل : هههههههه شوي شوي و بعدين اول شيء تعالي سلمي علينا
جوري نزلت راسها و قالت بحزن : مالي سلام مع اغراب
الكل تفاجئ : !؟؟؟؟؟؟؟؟
ابوها : نعم وشو تقولين يا بنتي الله يهداك
جوري : بكلمك لما يصحى ضميرك و تقول لي الحقيقه حقيقة اخفيتها عني و الحمد الله عرفتها من شخص ، مع السلامه
الكل : ؟؟؟؟؟؟؟؟!!!!!
الاب : اسف بس .....
الجد : خير يا خالد وش تقول البنت فهمنا السالفه
خالد ( اب جوري ) : يبا انا للحين ما قلت لها انها مو بنتي
نواف : ؟؟؟؟؟ وشوووو
خالد نسى انه ما قال لنواف: نواف جوري ما تصير بنتنا الضايعه ، جوري .......ا ..ااا
الكل : قوول تصير منو
خالد : الجوري تصير بنت زوجتي الاولى الي كانت قبل امك يا نواف
الكل عدا الجد الي يعرف السالفه: وشوووو ؟؟؟؟
نواف : وليه ما قلت لي للحين ، انت قلت لي انها اختي بس كانت ضايعه و لقيناها
خالد : كنت اكذب عليكم و صح في بنت لنا ضايعه بس مو الجوري

جوري طلعت من البيت بكامل عصبيتها و تسوق بأقصى سرعه ، فجأه طرااااااااااااااااااااااااااخ

.................
الدكتور (مترجم) : لازم ندق على شخص من عائلة المريض ، لان حالته خطره ، نيرس نيرس
النيرس: نعم دكتور
الدكتور : اين هاتف المريض علينا ان نتصل بشخص من عائلته
النيرس : تفضل الهاتف انا لا اعرف اللغه المكتوب بها الكلام
الدكتور : حسنا
فتح التلفون و شاف انه مكتوب بالعربي و اكتشف ان المريض عربي و شاف اسم شخص و قرر يدق عليه
الكلام بالعربي مو مترجم
بعد كم رنه جاء صوت رجولي : الو هلا وغلا
الدكتور : السلام عليكم
الشخص : و عليكم السلام منو معاي
الدكتور : انا دكتور من مستشفى ........ بولاية مانشستير
الشخص : خير يا دكتور شصار
الدكتور : بسراحه عندنا ............ ولازم تجي الحين
الشخص : وشوو ، شصار بسبب شنو و متى
الدكتور : حادث سياره و كان قبل ساعتين
الشخص : طيب مشكور انا جاي بالطريق سلام
الدكتور : سلام
و دق بعد على ابوها خالد
الدكتور : الو
... : هلا منو انت و وين الجوري
دكتور : جوري بمستشفى ..... سوت حادث
الاب ( خالد ) : شلون بنتي شفيها
دكتور : تعال و تعرف
خالد : طيب طيب جاي بالطريق
...................
انطلق بأقصى سرعه للمستشفى ردت له صورتها و اهي بين ايده و كانت جثه و الدم مغرقها قال في نفسه : مستحيل مستحيل تروح مني مره ثانيه مستحييييييييل
و قعد يتأففف لان الطريق زحمه

توقعاتكم ؟؟
منو الشخص الي كلمه الدكتور ؟؟
و جوري شنو بيصير عليها لما تعرف الحقيقه؟؟
وهل بترضى تكمل حياتها مع ابوها الي حاميها ولا بترد لاهلها ؟ و السؤال الاهم هل بتلقى اهلها ؟؟؟؟
تحياتي
روايه 1 البارت التاسع

في المستشفى قامت من النووم بتكاسل
و لقت ابوها : الاب الحمد الله على السلامه يا بنتي
جوري : انا ماني بنتك ولا تعرفني ولا اعرفك
خالد : جوري تكفين اسمعي السالفه بعدها احكمي علي
جوري بصبر : اسمعك
الاب : ادري بتكرهيني بس ما سويت هذا الشيء الا لمصلحتك ولولا ان امك ما طلبت مني كان ما سويت هذا الشيء
جوري بلهفه : انت تعرف امي ابيها تكفى يبـ...
الاب : كمليها
جوري : ..........
الاب : تكفين كمليها قوليها يا جوري لاتحرميني منها
الجوري بصعوبه : ....... يــ....بــ...ا
الاب ضمها و هو يقول : سامحيني سامحيني
الجوري بحزن : قول لي كل شيء يبا تكفى قول لي و ريحني
الاب : طيب اسمعي يا بنتي قبل الحادث ..........
قبل 3 سنوات
نوره : تكفى تكفى ساعد بنتي اذا ما لحقت عليها بتروح من ايدي تكفى
: اهي ما تعني لي اي شيء ليش اساعدها
نوره : تكفى يا خالد اذا كانت لي معزه عندك للحين تكفى ساعدها اهئ اهئ :( اذا ما ساعدتها بنتي بتروح من ايدي و انا ودي اقول لابوها لاكن خايفه يصير فيه شيء ولا يذبحه
خالد: طيب بس كيف
نوره : انا عندي طريقه و اهي .... لازم .. لازم ننشر خبر انها مــ .... مــاا ..... تــ ت و نوهم الي حولها انها راحت و ما ت ت
خالد تنهد : طيب بفكر و بقول لك
بعد يوم
خالد : عندي خطه
نوره : قول
خالد : اهي الحين بالمستشفى صح ، لازم اروح اتفق مع الدكتور و اشرح الظروف ، و انا سمعت ان عندهم جثه لبنت ما يعرفون عنها شيء و مخلينها و بحاول ابدل بينها و بين بنتج ،
نوره : طيب كمل قول كيف
خالد : بقول للدكتور يبدل الاسامي اما بنتج باخذها لمستشفى ثاني و بغير اسمها و اسميها على اسمي و اقول انها بنتي الي ضاعت من زمان
نوره بضيقه و حزن : يالله ابي بنتي ابيها الله لايوفق الي خطفها الله لايوفقه
خالد : امييين ، المهم الحين بروح انفذ مع السلامه
نوره : الله يوفقك مع السلامه
.............
بالمستشفى
الدكتور بضمير : بس يا خالد حرام الي نسويه
خالد : يا رجال اذا ما سوينا جذي بتضيع البنت لان ابوها بيزوجها بالغصب و زياده اخوها بيعذبها كل يوم

الدكتور تنهد : طيب بحاول
و بعدها طلع الدكتور لغرفة المريضه و شاف اهلها عند الباب
دخل الغرفه و شاف ملفها و صدمه كانت :
جوري فيصل ال .........
اهي بنت رجل الاعمال المشهور يالله بس ليش ابوها بيزوجها الرجال غصب ما علينا المهم اني انقذها
وقف جهاز القلب و صار (ـــــــــــــــ)
طوووووووووووو بعد 15 دقيقه
جاب جهاز النبضات و حطه عنده عشان يوهم الدكاتره انه حاول و بدون فايده
دق على جهاز الانذار
تجمعو الدكاتره و الممرضات و قال دكتور 2:
شنو صار يا دكتور
الدكتور وهو يتنفس بصعوبه عشان يبين انه تعبان من المحاولات : وقف نبضها و صار له 15 دقيقه موقف و للاسف جربت انعش القلب بالجهاز بس ما فيه فايده
الدكتور 2 : خلاص لازم نعلن حالة وفاتها
الدكتور بحزن واضح و من قلب : الله يرحمها

طلع الدكتور و هو يحرك السرير و هي راقده عليه بسلام وما تدري شنو الي بيصير فيها
شاف الدكتور الحزن على وجهه الجميع و شاف دموع الكل و انصدم لما شاف شاب

يركض لهم من بعيد و ايده يصب منها الدم و شال الغطى عن وجهها و يصرخ و يقول : لا لا مستحييييل انتي وعدتيني انك ما تخليني ليش تسوين فيني كذا ليش ليش انا احبك قومي تكفين قومي
بعدوه اهل جوري و قعدو يهدونه و قال رائد بصوت مبحوح : ليش كنت بتزوجها و انت تدري اني احبها و ابيها ليش تسوي فيها كذا عجبك الي حصل و بصراخ عججججبببككك
الاب : خلاص يا رائد تكفى خلاص سامحني سامحني تكفى
طاح على رجوله و راح رائد شاله و قال : افى يا عمي المفروض ما ينحني ظهر لاحد غير رب العباد
الاب بحزن : ابيها ترد ابيها ترجع عشان تسامحني
رائد و اهو يبكي : انا مسامحك و انا اعرف الجوري لايمكن تزعل منك و الحين يا عمي قوم و
كمل بحزن ما يقدر يقعد بالمستشفى اكثر من جذي وقال : الله يرحمها و الحين لازم اروح مع السلامه
الاب : انتبه لنفسك

23 - 7 - 2014, 03:43 PM

كمل خالد للجوري : بعد ما طلعو سريرك راح الدكتور و جاب جثة بنت و كانت شبيه لك تقريبا عشان كذا ما دققو بوجهك حيل و بدلو بينكم
و البنت ادفنوها اهلك و بعدها سافرو و ما عرفت لهم اي خبر بعد موتك و بعدها اخذتك و وديتك لمستشفى ثاني و نومتك هناك و بعدها صحيتي و اكتشفنا انك فقدتي الذاكره فستغليت الوضع و قلت لك انك بنتي الضايعه من زمان ولقيتك الحين
الجوري مصدوومه : .......
خالد : جوري سامحيني
الجوري بغضب و حزن : اطلع برى برىىى يا حقير برى
و قام الاب و طلع و اهو يبكي على حالها
دخلو الدكاتره على صوت صراخها و هدوها و حاولت تنام بس ما قدرت بعد كم دقيقه قررت تطلع
و حست ان رجلها تالمها ألم مو طبيعي و لما حاولت توقف ما قدرت و طاحت على الارض و زحفت على الارض الى الباب و وصلت للباب و حاولت توقف عن طريق العصا حقت المغذي المربوط بأيدها ارتكزت عليه و كملت مشي لحد ما وصلت للصاله كبيره و فيها نااس واجد فجأه حست ان رجلها تالمها الم فضييع و ما قدرت تكمل و طاحت و صرخت صرخه تدل على ألم فضيع مع حسره و حزن و قهررر
طلعت كل قهرها بهذي الصرخه : اااااااااااااااااااااااااه ه ه ه ه
فجأه شافت شخص واقف قدامها رفعت عينها و جات بعينه
نزل لمستواها و مسح لشعرها و قال بحنان : جور ليش تعذبين نفسك كذا ليش تعذبي نفسك و تعذبيني معاك
جوري ماقدرت تقاوم و ما استوعبت شيء و طاحت بحضنه و حضنته و قعدت تبكي و جو الدكاتره و خذوها للغرفه وعطوها مهدئ و نامت

((( اسفه اذا كنت ضايقة احد بالكلام و انه ضمه لاكن روايتي معضمها حقيقي بس غيرت اسامي الناس و الجوري للمعلومه كانت مو مستوعبه شيء لما ضمته )))

الدكتور ( مترجم ) : لو سمحت
رائد قال بالعربي بدون ما يحس : هلا
الدكتور عرفه و قال بالعربي : انت الي دقيت عليه و كان اسمك ب حبيبي صح
رائد : ايه انا دكتور طمني على حالتها كيفها الحين و شلون وضعها
الدكتور : اهي تعرضت لانهيار عصبي
رائد بخوف : وشووو كيف
الدكتور بحيره : الظاهر ان الشخص الي كان عندها قال لها كلام قوي و انصدمت و صار فيها الانهيار
رائد بحيره : منو هذا الشخص
الدكتور رفع كتوفه : ما ادري والله
رائد الي توه يستوعب : يووووووه تصدق توني الاحظ انك تكلمني بالعربي
الدكتور ضحك على فهاوة رائد و فهاوته اهو بعد : هههههههههههه تصدق توني الاحظ
رائد : هههههههههههههه ايه والله المهم ، دكتور تكفى طمني عليها طيب
الدكتور: طيب
رائد مد ايده و قال : معاك رائد محمد ال ......
الدكتور : والنعم والله معاك فراس ال ......
رائد : تشرفها يالله الحين لازم امشي سلام
الدكتور : مشكور سلام

ابي توقعات شنو بيصير بالبارتات الجايه ؟؟؟
تحياتي

روايه 1 البارت العاشر

هاي كيفكم اليوم ان شاء الله تمام
المهم ، نكمل لكم

بعييد عن بريطانيا في السعوديه
ما تكلمنا عنهم من زمان و اهم ابرار و نهى

ابرار تزوجت
اما نهى فياما جوها خطاب و كله ترفض و حاطه ببالها ان رائد بيتزوجها

المهم من اول ما رجعت للسعوديه و اهي تفكر فيه و كل سرحانه
ابرار : نهى يا نهى تعالي
نهي : طيب
ابرار : نهي ابوي توه داق و يسأل وين تبينا نصيف هذي السنه
نهى بلهفه : ابي بريطانيا
ابرار : اكييد مو حبيب القلب هناك
نهى : وجع ان شاء الله و بعدين انتي ليه كل يوم عندنا ليه ما تروحين لزوجك
ابرا بدلع طبيعي : اتغلى عليه
نهى : مالت

الاب : السلام عليكم
نهى و ابرار : وعليكم السلام
نهى : بابا ابي اروح لبريطانيا بليييز دادي
الاب : طيب ما عندي مشكله بس ابي اكلمك ترى فيه خطاب جوك اليوم
نهى : بابا انت تدري اني ما ابي اتزوج الحين فقول لهم لا مو موافقه
الاب : طيب بكيفك و راح
ابرار : صدق خبله
نهى و هي تصعد الدرج : انتي اخبل مني باي

نرجع لبريطانيا

رائد : غزل حبيبي يالله لازم نروح بسرعه
غزل : طيب بس دقايق
بعد دقايق غزل : يالله خلصت
رائد : طيب يالله
بالمستشفى
جوري قامت بعد المهدئ و فرحت لما عرفت ان رائد بيجي لها اهو و اخته
غزل : السلام عليكم
جوري بفرح : و عليكم السلام هلا والله حياك تفضلي
غزل : الله يحييك شلونك
جوري : تمام وانتي
غزل : تمام و الحمد الله على السلامه
جوري : الله يسلمك
و كملو سوالف و ضحك و تبادلو الارقام و راحت غزل للفندق

دخل رائد : السلام
جوري: وعليكم
رائد بحب : جوري حبي قولي لي منو الي كان عندك و خلاك تنهارين و وشو قال لك

جوري بحزن : ابوي و طلع اهو زوج امي الاول الي كان قبل ابوي

رائد : طيب شنو قال لك
جوري : قالت له كل شيء
رائد بصدمه :كيف
جوري : هذا الي صار و سبب اني ما اتذكرك اني فقدت ذاكرتي بعد الحادث
رائد وهو يفكر : كنت عارف انك فاقده للذاكره عشان كذا ما تذكريني
جوري : ايه
رائد : شنو سبب الحادث

جوري قالت كل الي صار: كنت طالعه من البيت معصبه و اسوق بسرعه و اصدمتني سياره ......الخ
رائد : اها الحمد الله على السلامه
جوري : الله يسلمك
جوري بتوتر : رائد ب بسراحه انا انا اسفه ل لاني ض ضميتك و نزلت راسها بخجل
رائد ابتسم : لا عادي الحين اخليك مع السلامه

بعيد عنهم ردت غزل للبيت و هو الفندق طبعا
دخلت الغرفه و كانت تعبانه حييل
فجأه شافت قدامها شخص ما كانت تتوقع تشوفه
غزل : هيييييييييي
الشخص : يمه شفيك شوي شوي ، اشتقت لك قرب بيضمها
غزل دمعت عيونها و بعدت : ما ابي اكلمك بعد عن طريقي
.........
طلع رائد من المستشفى و توجه للجامعه
رائد بالجامعه
رائد : راكان
راكان : هلا رائد وينك اليوم بالكلاس ليش ما جيت
رائد : ما قدرت لان جوري سوت حادث و .....
قاطعه راكان : وشوووو جوري سوت حادث متى و كيف
البنات والشباب اسمعو الي صار لانهم كانو قريبين و جو
اميره بخوف : انت شنو تقول جوري سوت حادث صدق ولا تمزح
نوره : رائد شصار اهي بخير

رائد بهدوء : مثل ما سمعتم و اذا حبيتم تزوروها فهي بمستشفى ....... غرفه رقم 36
ورااح و تركهم

العصر اتفقو البنات و الشباب يزوروها و بالفعل زاروها و اثناء الزياره

اميره : وجع صدق خوفتينا على الفاضي
جوري : ههههههه احسن
حسام : جوري
جوري : هلا
حسام : ا..ا.. سراحه ابي اكلمك بموضوع و اتمنى لما تطلعين نحدد موعد و نتكلم
جوري : طيب بس عن شنو الموضوع
حسام : ما اقدر اقوله قدامهم اسف اعذروني مع السلامه و طلع
جوري تنهدت و بداخلها اتمنى يا حسام انه مو نفس الموضوع الي قبل ،
خلونا نشوف شنو الموضوع الي كان بينهم
قبل شهر

حساام : جوري شرايك نبدأ علاقة حب
جوري بصدمه : نعم !!!
حسام : شفيك ترى عاادي كلها علاقة حب
جوري : سوري ما اقدر
حسام ابتسم بخبث : انزين علاقه جنسيه......
جوري بعصبيه : انت ما تستحي على وجهك صج قليل ادب
و رااحت
لحقها و قال : ليش معصبه ترى عادي

جوري : سووري ما اماشي امثالك
حساام : افاااا ليش كذا حبيبتي
جوري بقرف : بعد عني يا وصخ
حساام بحسره و تعوذ من الشيطان : تدرين الكل يكرهني ما ادري ليش يمكن عشان تصرفات و علاقاتي .الجنسيه مع البنات.... بس انا ودي اتغير بس ما اقدر
جوري ما ودها تتركه لحاله : خلاص بساعدك بس العلاقه الي بينا بس تكون صداقه
حسام : اوك موافق
و بالفعل تغير حسام بفضل الله ثم الجوري و صار محبوب من الكل

نكمل :

فهد : ها جوري متى بتطلعين
جوري : ما ادري والله بس احتمال بعد يومين او ثلاث
خلود : جوري احنا خايفين ان نسألك سؤال و تزعلين علينا
جوري بحب : افا بس انا ازعل لا عادي قولو
نوره : جوري شنو الموضوع الي بينك و بين رائد ؟؟؟
عبير : ايه صح شنو فيكم فيه شيء بينكم و احنا ما نعرفه ؟!!؟

23 - 7 - 2014, 03:47 PM

الجوري سكتت ما تعرف شنو تجاوب

صوت بأخر الغرفه : كانت خطيبتي
((الحين عرفتم شنو العلاقه الي بين جوري و رائد من سنين ))
التفت الكل للصوت و كان رائد و معاه سله كبيره من الشوكولا و جاء عند جوري و قال بصوت واطي : كل عام و انتي بخير ولا تفكرين اني بيوم ممكن انسى عيد ميلادج
جوري احمر وجهها و قالت بحب : وانت بخير و صحه و سلامه مشكور
الكل : اوووووووه صح اليوم عيد ميلادك
الكل : كل عاام وانتي بخيير
جوري : ههههه وانتم بخير مشكورين

المهم بعد ما خلصو سوالف راحو و قعد رائد شوي و قرر انه يروح ينام و سلم وراح

توقعات منو الي شافته غزل بالغرفه؟؟؟
رائد شنو ردة فعله لما يشوف غزل و الشخص؟؟؟؟ و شنو يبي حسام من جوري ؟؟
تحياتي
روايه 1 البارت الحادي عشر

غزل : بعدي عنيي
: غزل تكفين انا بحاجه لك تكفين سامحيني تكفين

غزل : ليه ما جيتي لما كنت تعبانه كنت بأمس الحاجه لك ليه ما جيتي ليه ولا انتي امي بالكلام بس و الام ما تعني تتركيني ولا تهتمين فيني

الام تبكي : غزل تكفين سامحيني تكفين انا تعبانه و احتمال باقل من شهرين الله ياخذ عمري و افارق الدنيا

غزل : حتى انا كان احتماال كبيير اني امووت و شدت على اخر كلمه

الام : غزل انا والله تبت و وعدت ربنا و نفسي اني ما اتركك بعد اليوم و انا ابيك تسامحيني و ابي اعيش اخر ايامي بقربك يا بنتي
غزل خلاص ما تقدر تتحمل راحت و ضمت امها و هي تبكي

.........

دخل و تفاجئ لما شافها بكل عصبيه : انتي هييييي شنو تسوين هني و منو دخلج ومنو سمح لج

قربت و قالت بصوت باكي يقطع القلب : سامحني يا وليدي تكفى سامحني ادري عذبتك معاي والله ادري بس والله انا تبت تكفى
رائد : توبتك خليها لربك مو لنا لان احنا موب نافعينك ، و بعدين ليه جايه الحين

غزل بعصبيه و حزن و دموع : راااائد خلااص كافي لا تحرمني منها دامها ردت لي خلااص ابي اعيش حياتي ، اهي ...اهي بتموت يا رائد بتمووت و تخليني يا رائد امك فيها سرطان سرطااان يا رائد

رائد ببرود : وليه تموت شوفيها قدامك زي الفرس ما شاء الله ولا فيها الا العافيه
الام : رائد تكفى سامحني انا ما بقى لي غير ايام معدوده تكفى سامحني ما ابي اموت و انت ما سامحتني تكفى يا وليدي تكفى

رائد بهدوء : خلاص مسامحك بس لو سمحتي اطلعي بره

غزل : لااااااااا مستحيييييل اذا بتطلع انا بطلع معاها ولا تحاول فيني لاني بختارها فااهم يا رائد
""كانت تقول كلامها من غير تفكير و بعصبيه و بكي و فجأه""

طرااااااااااااخ رائد ضربها كف على وجهها
قال بنبرة عصبيه : بعد هذي السنين كلها تجين و تتخلين عني عشانها تتخلين عني و انا الي كنت لك الام و الاب والاخ تتخلين عني بعد ما راعيتك بوقت مرضك و اهتميت فيك و ولا مره زعلتك و تجين لي في اخر المطاف و تتخلين عني عشان وحده باعتنا و تخلت عنا

غزل مصدومه لان اول مره رائد يضربها : انا .... انا ..... اهي و انت و سكتت و خلت دموعها تتكلم دموع قهر و حزن و ألم

رائد بهدوء ولا كان في شيء هامه : انا مسامحك على زلت لسانك و تقدرين تروحين معاها بما انك لقيتي لك شخص يرعاك انا لقيت شخص ثاني ارعاه بدالك فمان الله يا باستهزاء هه يا .... اختي
غزل :........... صمت
طلع رائد و لحقته امه و وقفته وقالت بقهر : كيف تقول لها الكلام هذا انت لو تحبها بجد كان ما تخليت عنها

رائد قرب و باس راس امه و قال : انا فكرت و لقيت ان هذا من مصلحتها ما ابيها تنحرم منك نفس ما انا انحرمت و روحي لها يم.. ه و اهتمي فيها و اذا سمعت خبر انك زعلتيها ترا باخذها منك ولا تشوفيها مره ثانيه

الام بحب : الله يوفقك يا وليدي و مشكوور و ابيك تسامحني ياوليدي من قلبك ما ابيه بس كلام تكفى

رائد بحب : خلاص يا يما انا مسامحك ولا تهتمين و انا مستحيل ازعل عليك بيوم و يالله الحين مع السلامه

الام : الله معاك يا وليدي مع السلامه

غزل كانت ورى الباب و سمعت كلامه كله و فرحت و بنفس الوقت حزنت لان رائد مرح يجي معاها و مرح تشوفه و انه فكر بمصلحتها و هي على بالها انه اناني و يبيها له وحده

راح رائد لناصر (مساعده) و هو يفكر بالي سواه
رائد في نفسه : هذا احسن شيء على الاقل مرح يكون فيه شيء شاغل بالي و انا ادور على اهلها

اتفق مع ناصر و قعد يدور عليهم
بعد يومين طلعت جوري و ردت للجامعه و الكل رحب فيها و رائد كان ما يشوف الشباب و الجوري كلش
كان نظامه يحضر الكلاس و بعده يطلع على طول للمكتب و ياخذ ملفات و يروح للبيوت و يسأل الناس و يستفسر

توقعاتكم هل راح يقدر رائد على فراق غزل؟؟
وهل رائد بيلقى عائلة جوري و شنو بتكون ردة فعلهم لما يشوفونها و توقعاتكم شنو بيصير على رائد و الجوري و هل تتوقعون ان بالنهايه ممكن يتزوجون ،؟؟
روايه 1 البارت الثاني عشر

بعد اسبوع من طلعت جوري

جوري اتفقت مع حسام بموعد و راحت له

بالمطعم حسام : هلا جوري حياك تفضلي
جوري : هلا فيك و الله يحييك و مشكور
حسام : وشو حابه تاكلي

جوري : امممممم ابد بس ابي عصير فراوله
حسام :طيب ، و طلب و كمل ،
: بقول لك موضوع و اتمنى ما تعصبين علي و تهدي اعصابك و بسراحه انا ما عرفت فيه الا من كم يوم و كان ودي اقول لك بس خايف من ردة فعلك

جوري بحبور : افاا لا عادي قول ولا يهمك و ما يحصل الا الخير
حسام : الموضوع عن اهلك
جوري :........ طيب كمل
حسام : ...................
الجوري بصدمه :وشوووو
...............

بعد مرور شهر
جااء الفرج لرائد اخيييرا
دق الباب وفتح له شايب كبير بالسن و بدء رائد بالتكلم (مترجم) : اذا سمحت يا جدي اريد ان اسألك عن عائله كانت تسكن في بريطانيا و بسراحه لا اعرف بأي مكان هم
الشايب : تفضل يا بني وقل لي ما اسم العائله
رائد : عائلة فيصل ال.......
الشايب بقق عيونه : نعم يا بني انا اعرفهم فهم سعوديون الجنسيه نفسي ولكن ماذا تريد بهم
رائد بالعربي : جد انت سعودي
الشايب بفرح : ايه انا سعودي و من جده بعد
رائد : سبحان الله والله صدفه حلوه
الشايب : ايه والله اسمعني يا ولدي بقول لك مكانهم بس لاتقول اني قلت لك قول انا كنت اتابعكم من سنين
رائد : طيب
الشايب : اهم ساكنين بمانشستير
رائد : ايه كمل وين بالضبط
الشايب : بمنطقة ........ بحي .......
رائد : الله يفرحها لك مثل ما فرحتها علي الله يوفقك و حب راسه وسلمو على بعض و راحو

..........................

بمنطقه بعيده شوي عنهم كاان يمشي يدور عنهم و كان خلاص بيفقد الامل لحد ما فتح له شايب كبير بالعمر و قال له : هلا بغيت شيء بقق عيونه بصدمه من الرجال الي شافه
رائد : انت .....انت فيصل ...ال
فيصل : هاا من انت وش عرفك فيني
رائد راح بلا شعور و طبع بوسه على خده و راسه و هو يقول بكل فرحه : اخيرا لقيتك بعد ما كنت ادور عليك من ثلاث سنين
فيصل : انت منو
رائد : افا نسيتني يا عمي نسيتني
فيصل الي توه يتذكر و قال بلهفه : رااائد
رائد ابتسم و ضمه فيصل بقوه و هو يقول : اه اشتقت لك يا رائد و اشتقت لريحتها الي علقت بملابسك اه يا رائد اه
رائد الابتسامه شقت وجهه و قال : و انا بعد يا عمي وانا بعد و باذن الله بيجمعنا معها قريب
فيصل الي على بالها ان بالجنه يجتمعون : اميييين يا رب
و دخل رائد و سلم على اخوها الي كان سلامه مع رائد بااارد لابعد درجه و رائد طنش و كمل سوالف و بعد ما خلص راح
و كل يوم يزوره رائد و يقعد معاه و كل واحد يسلي الثاني و
صار لهم شهر
خلال هذا الشهر
صارت احداث رائد كان يجهلها
الا من شهرين كان يجهلها

جوري بحب : اه اشتقت لك
: و انا اكثر يا قلبي
جوري : حبيبي شرايك نطلع و نروح للمطعم
...: ايه والله فكره حلوه يالله متى امرك حبي
جوري : اممممم بعد نص ساعه اذا ينفع

المواضيع المتشابهه لموضوع: احباب اموات لموضوع: احباب اموات
الموضوع	كاتب الموضوع	المنتدى	مشاركات	آخر مشاركة
اختاة هو عز وفخرلك	جروح الم	نفحات اسلاميه	6	21 - 1 - 2014 01:51 PM
اموات نحن	جروح الم	نفحات اسلاميه	10	16 - 11 - 2013 01:08 AM
هل انت من احباب الله	عـازفة الليل	نفحات اسلاميه	5	6 - 10 - 2013 10:38 PM
حامد زيد غرام احباب	مالي مثيل	همس الشعر والقوافي	9	3 - 2 - 2013 07:51 PM
حصري الوات سب وعناوينها	طالع نازل	همس للنقاش والحوار الجاد	3	20 - 3 - 2012 11:20 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

احباب اموات

همس للقصص وحكايات وروايات