رواية امانه لا تطلع حرارة انفاسك بحضن غيري - الصفحة 7

19 - 8 - 2014, 04:06 PM

رحت لدورة المياه عشان اضبط مكياجي..ودخلت وحده من البنات معي..
ليان وهي تعدل نفسها بالمرايه:انتي دانه صح؟؟
دانه التفت لها:أي..
ليان تتفحصني بنظرها:مدري على وش ماخذك؟؟
دانه بصدمه:!!!
ليان:انتي صح جميلة..بس انااا"وشدت عليها"احلى واجمل وارق منك..
دانه:.....
ليان كملت وبغرور:مدري على وش اصلا ماخذك..انا بنت الحسب والنسب يتركني وياخذك انتي يابنت الفقر..
دانه مازلت بصدمتي:انتي..كيف تتجرئين وتكلميني كذا..وبعدين انا مو بنت فقر..
ليان بضحكه وترت دانه:ههههههه.."وبكره"انتي بنت فقر وغصبن عنك وعن الكل..وطلعت من التوليت..
وخلت دانه بصدمتها من كلامها..

في مجلس النسى
ام تركي تهمس لها:بذمتك ذي دانه..
امينة بضحكه:أي يمه..هي دانه مرت ولدك..
ام تركي مازلت بصدمتها:طيب وألي شفتها ببيت ام سعود..
امينة بهمس:اقطع يدي ان مكانت ام سعود ورى هالعمله..
وجلست ليان يم امها وكانت راسمه ابتسامه النصر والغرور..

.....
مشعل بصدمه:دانه هي زوجتك!!
تركي:أي..وش فيك مستغرب كذا..
مشعل(مصدق..دانه بنت عبداللطيف ال....)
تركي:المهم..انت معزوم ببيتي يوم الخميس بعون الله..
مشعل:.......
تركي مسك يده:علامك مشعل منت معي..
مشعل:هه..وش كنت تقول؟؟
تركي بخبث:وش تفكر فيه..ليكون حاط عينك على وحده..
مشعل:ههههه..لا بس افكر بشيء..
خالد:جعناا حنا..وين العشاء..
تركي بيقوم:اقول لهم يجبونه دحين..
وطلع من المجلس..وقال لامينة تسوي له درب..ودخل للمطبخ..
اصرت امينة اني ادخل المطبخ استغربت من تصرفها..ورحت للمطبخ وكبيت العشاء..
منتبهتت للي يطالع فيها..
وهو يتفحصها بنظره..ويطالع في تفاصيل جسمها...
تركي(هالبنت ذي ملااااك) بحده:وين امينة؟؟
دانه انتفضت:بسم الله الرحمن الرحيم..
تركي رفع حاجبه:ليه شايفة جني؟؟

19 - 8 - 2014, 04:07 PM

تركي رفع حاجبه:ليه شايفة جني؟؟
دانه بهمس مسموع:انت الجني بعينه وعلمه..
تركي بحده:وش قلتي؟؟
اقترب مني وبنظرات خبيثه..توترت من نظراته..اقترب اكثر وهي رجعت لورى لين ماوصلت للجدار..
توترت وخفت اكثر لما رفع يده وحطها على الجدار..حوطني بيدينه..
دانه بتوتر:ا..انت..وش قاعد تسوي..
تركي بهدوء:حلالي..
دانه بتمتمه:و..و..وخر..عني..
تركي بابتسامه خبث وبهمس:مو انا زوجك..
دانه باندفاع:على الورق بس..
نزل مستواه لمستواي وترك قبلة حاره على خدي الاول والثاني..
دانه ارتجفت من بوسته:وخر عني..
تركي بعناد:ماني موخر..وش بتسوين يعني..
ولمس خدها الناعم بطراف انامله..وهو يتامل ملامحها الناعمه..ويشوف توترها..وارتجافها من قربه منها..عجبه الوضع..
قرب وجهه من وجها..وانفاسه تلفح على وجها..
تحس ان الهواء قل..وزادت انفاسها..
دانه بعدته عنها بس مقدرت..
تركي بهمس:لاتحاولين..
قرب شفايفه من شفايفها..وغمضت عيوني بقوة..
تركي بابتسامه سخريه:وليه تغمضين عينك..
دانه فتحت عيوني:.........
تركي بنفس ابتسامته:لاتظنين اني ببوسك..انتي مسكينه.."وبتعد عني وبغرور"اناا..تركي ابوس خدامه..ولا في الاحلام...
حست بالاحراج من كلامه لها..حست بالاهانه..والذل..والكبر..والغرور..
كانت بترد بس..
امينة بابتسامه:هااي..
دانه نزلت راسي:بالاذن..وطلعت..
امينة بستغراب:وش فيها؟؟
تركي ببرائه:مدري عنها..المهم كبي العشاء الضيوف ينتظرون..

.........
انقهررت من كلامه كان خاطري اعطيه كف..ولا يهمني رده فعله..ابي انتقم منه وخلااص..
وجلست تفكر وتفكر..
دانه(لقيتها..اناا اوريك ياتركي..ان مخليتك تمووت فيني وتعشقني وتدور رضاي..مكون انا دانه بنت عبداللطيف ال.....)

19 - 8 - 2014, 06:58 PM

البارت الثاني عشر

انقهررت من كلامه كان خاطري اعطيه كف..ولا يهمني رده فعله..ابي انتقم منه وخلااص..
وجلست افكر وافكر..
دانه(لقيتها..اناا اوريك ياتركي..ان مخليتك تمووت فيني وتعشقني وتدور رضاي..مكون انا دانه بنت عبداللطيف ال.....)

وجلسنا نسولف ونهذر..وعند الساعة11:09 بضبط
قال تركي ان لزوم نروح البيت لان الجوري وراها مدرسة..
سلمت على الكل..وكالعاده قبل مطلع لزوم السيد تركي ينبهني..نزلي الغط على عينك ومدري وش..
جيت بركب السيارة..لاحظت ان في واحد يطالع فيني..معرفت من هو..لان الشال فوق عيني..كنت برفع الشال بس خفت انه يعمل لي دوشه على قوله المصريه<<ياالبببه قلبهم بس..
صعدت السيارة..انا والجوري وتركي..
وفتح نافذته وهو يكلمه:زي مقلت لك الخميس مو تنسى..
مشعل بصوت عالي كنه يقول لي سمعي:ابشر..مطلبت شيء..
تركي بابتسامه:يلا على خير..

مشعل(آآه يادانه..مو مصدق انك عشتي من الحريق..وانك زوجه تركي)

ووصلنا للبيت..
صعدت لدرج..وتوجهت لغرفتي..وفسخت صندالي..وستلقيت في السرير..احس اني تعبت حيل..ورجع تفكيري لتركي..
لما......
تركي بابتسامه خبث وبهمس:مو انا زوجك..
دانه باندفاع:على الورق بس..
نزل مستواه لمستواي وترك قبلة حاره على خدي الاول والثاني..
دانه ارتجفت من بوسته:وخر عني..
تركي بعناد:ماني موخر..وش بتسوين يعني..
دانه رجعت للواقع وبرفض وهي تهز راسها:اطلع من راسي..اطلع..اففف بس..
ورن جوال تركي من شنطتي..وشفت رقمه.."العله"يتصل بك
دانه:صدق انه عله"ورديت"نعم..
تركي:نعامه ترفسك..
دانه:خير وش تبغى؟؟
تركي:نزلي في الصاله..
دانه:بس....
سكر السماعه في وجها..
دانه(صدق انه سخيف بالمرره)
ورحت لصاله..وشفته جالس..وكان مغير ثوبه..كان لابس بجامه بلاك..وسيجارتة بيده ويسحب فيها..
دانه بحده:خيرر وش تبي ياسيد؟؟
تركي من دون ميطالعني:جلسي..
دانه باندفاع:مو فاضيه لك..انا ابي انام..اجل الكلام لصبح..
جات بتروح بس هو كان اسرع منها وجلسها بالكنب يمه..
تركي ببرود:عديها مره ثانيه وشوفي ايش بيصير فيك؟؟
دانه بتوتربس مابينت:اخلص..
تركي:لاتكلميني بهالاسلوب لكوفنك هنا..
دانه:.........
تركي سحب له وقام يتفنن بالتدخين..
دانه(يسوي نفسه يعني..شاطر بس بالتدخين والسخافة):كح..كح..ممكن ماتدخن لما اكون موجوده..لان التدخين يكتمني..
تركي ببرود:ان شاء الله تنكتمين مره وحده..
وقام يحرك يده..
دانه:انتبه ليحرقني تراب مدري وش اسمه تبع التدخين..
تركي:ان شاء الله تحترقين.."وبحده"ولا يكون يمك احد يساعدك..
دانه بقهر:انت جالس تسمعني هالكلمتين وتغثني..ولا وش عندك..
تركي حذف الجوال في حضني:هذا لك..
دانه مسكته وبستغراب:ذه لي!!
تركي بغرور:معك حق تستغربين..لان محد عطاك جوال مثل الناس..جوال بو لمبه ويخب عليك..مو بلاك بيري مره وحده..
وقفت بقهر وصعدت لدرج ورحت لغرفتي وجبت وساده و

19 - 8 - 2014, 07:02 PM

ورحت لغرفتي وجبت وساده ويم عتبه الدرج..
دانه بصوت مسموع:تركي..
تركي التفت لي..وع طول حذفت الوساده عليه وفرحت انه صادته..ألتطم في وجهه ونزلت كم خصله من شعره الناعم فوق عيونه وخده..
دانه بفرحه:تستاهل يالعله..
وصعدت فوق بسرعه خفت انه يلحقني..
وفعلنً لحقني بس ماصادني..ودخلت للغرفة وقفلتها مرتين..هههه من الخووف..
حسيت أني مسويه انجاز عظيم..خخخخ..لما حذفت الوساده عليه..
تركي يطق الباب بقوة وبعصبيه:فتحي الباب لكوفنك..افتحي..
دانه ببرود:قلت لك بنام مو فاضيه لك..
تركي بعصبيه:انا وش قلت لك..
خفت منه..بس مفتحت الباب.. ورحت فتحت دولابي وطلعت لي قميص نوم..

19 - 8 - 2014, 07:06 PM

خفت منه..بس مفتحت الباب.. ورحت فتحت دولابي وطلعت لي قميص نوم..
ودخلت التوليت ومسحت مكياجي كله..ولبست قميصي..وبعد5 دقايق طلعت..ولا سمعت حس له..ورحت نمت..

...........

طفت النور عليهم..وتركت قبله على خدهم وطلعت..
وراحت لصاله بعد مغيرت لبسها ومسحت مكياجها..
شافت الست اكول جالسه..
امينة جلست:وش عندك مانمتي يالست اكول..
مياسه:بغيب بكره..
امينة:وبأذن من ان شاء الله..
مياسه ترمش بعيونها:من اذن الماما..
امينة تقلدها:اذن الماما...مالت عليك بس..مدري وش تستفدين لغبتي..
مياسه:مستفيد شيء..بس انا زهقت من المدرسة..وقلت اريح..
امينة:الاختبارات قربت يالهوبه..ويمكن يعطونكم شيء..اقصد مراجعات ولا.....
مياسه قاطعتها:لاا تخافين من هناحيه..انا موصيه حبيبتي انها تجيبهم لي..
امينة بابتسامه:وذي إلى الان متمسكه فيك؟؟
مياسه بغرور:وش اسوي فيها..اقول لها ليه تحبيني وش تستفدين..تقول لي احبك وخلاص..قلت لها ميصلح بنت مع بنت..بس وش اسوي فيها..فقلت استغلها..
امينة:هههههه..صدق انك استغلاليه..
مياسه:أي..قلت لها ان مجبتي لي المراجعات كامله..بتنتهي علاقتي معك..ههههه
امينة وقفت:ههههه..صدق انك خبله..وين امي؟؟
مياسه:كانت جالسه هنا..بس من دق جوالها وطلعت..
امينة:اهااا..
وتوجهت للمطبخ وشربت مويه وهي متوجهه لغرفتها سمعت صوت امها..
ام تركي:أي..انا متاكده ان امينة بتوافق عليه....لا هي راح توافق..اصلا الرجال مايعيبه شيء..اي..اي..يناسبكم يوم الاربعاء ألي بيجي مو بكره لا...اي..خلاص تم..بس هو يعرف انها ارمله ولا...حلوو..خلاص..يلا مع السلامه..
وسكرت التلفون ورفعت عيونها وشافت امينة!!!!

...........
سحر:حاولت يايمه..بس هو كلاا مترزز عند الرجال..مدخل عندنا..
ام سعود بتفكير:اهاا..
سحر بقهر:اخاف ياخذ ليان..تصدقين يمه انا ع بالي ليان حلوة حيل..بس طلعت بنت الفقر دوينه احلى واجمل منها بكثير..تصير ذيك بالطرف على جمالها..
ام سعود:........
سحر:والفستان مو حلوو عليها..
ام سعود:ام تركي قالت انها راح تسوي حفلة كبيرة..
سحر:وش المناسبه؟؟
ام سعود:زواج ولدها تركي..وانتي عاد لزوم تترززين عنده..
سحر بخبث:لاتخاافين..

19 - 8 - 2014, 07:10 PM

....وفي الغرفة..
لطيفة بحماس:انقلع ياشين..تقول لسحر وانا متقول لي..
سعود:ههههه..ياعمري انتي..وربي حبيت أسوي لك مفاجئه بس انتي الله يهديك حنانه..
لطيفة:بجيب معك الامريكيه..ولا"تقصد زوجته"
سعود بعباطه:أي امريكيه!!
لطيفة بقله صبر:يووه..زوجتك يعني..
سعود:ههههه..مو امريكيه هي..
لطيفة:اجل وش جنسيتها فرنسيه يعني..
سعود بابتسامه:لا ذي ولا ذي..
لطيفة:اجل وش جنسيتها؟؟
سعود:بتعرفين بعدين لما تشوفينها؟؟
لطيفة بثقه:بس اكيد امي بتقول لك طلقها..انت ناسي انك قلت لها بتتزوج عشان ماتوقع بالفاحشه ياسيد..
سعود:ادري بس انا حبيتها وابيها..
لطيفة بسخريه:احلف بس..
سعود:انا ابيها وخلاص..
لطيفة:براحتك..بس ثق ان أمي مراح توافق على انك تجيب حرمتك هنا..
سعود:......

.............
امينة برفض تام:انا قلت لك يمه..زواج لاا..
ام تركي:يابنتي..الرجال مايعيبه شيء..
امينة بعنف:يعيبه ولا مايعيبه انا ماابي اتزوج وخلاص..
ام تركي:يابنتي انا ابي مصلحتك..
امينة:......
ام تركي كملت:انتي عندك بنات ويحتاجون لأب..وانا مو دايمه لك يابنتي..
امينة:يمه تكفيين سدي الموضوع..
ام تركي تنهدت:براحتك يابنتي..

...........
راح لغرفته..وهو يفكر بدانه..واديش حصه راح تكون مبسوطه لعرفت عنها أي شيء..
خذ جواله ودق عليها:هلااااا بحبيبه قلب اخوها..
حصه بشووق:هلاا والله اخوي اخبارك؟؟
مشعل:بخير يالغالية..انتي اخبارك عساك طيبة بس..
حصه بابتسامه:طيبه طاب حالك..برب اني اشتقت لك..
مشعل:وانا بعد..متى بس ترجعون لرياض..
حصه:مبقى شيء ياخوي..اسبوعين وشوي ونرجع لرياض..
مشعل:الله يوفقه في اختباراته..
حصه:امين..
مشعل:عندي لك خبرر بمليون ريال..
حصه بحماس:وش؟؟
مشعل:دانه خويتك..
حصه باندفاع:وش فيها؟؟ تكلم ياخوي..
مشعل بابتسامه:مراح تصدقين..
حصه بحماس:يلااا عاد قول لتحمسني..
مشعل:ههههه..هي متزوجه دحين..
حصه بصدمه: بذمتك..
مشعل:أي والله..والنعم من الرجال الصراحه..
حصه باندفاع:من ماخذه..
مشعل:توقعي..
حصه:يوووه..يامشعل قول وخلصني..
مشعل:خذت خويي تروك..
حصه بصدمه اكبر:تركي..تركي ماغيره..
مشعل:أي..

19 - 8 - 2014, 07:12 PM

حصه بصدمه اكبر:تركي..تركي ماغيره..
مشعل:أي..
حصه بابتسامه:والنعم والله..بس هو مو كنه ارمل وعنده بنت..
مشعل:اي وش فيها..الرجال ميعيبه شيء..
حصه:أي...وين امي؟؟
مشعل:امي نايمه دحين..
حصه:اااي..اجل سلم لي عليها..
وسكرت من اخوها..وهي فرحانه وسعيدة بخويتها..
ان الله عوضها بوفاه عيلتها برجال زي تركي...

.....
صحت الصبح عند الساعة4:12 في الفجر صلت..
وخذت لها شور سريع..وستشورت شعرها..وفردته على كتفها..لينسااب بحرية على جسمها..
لبست شورت لنصف الفخذ جنز رمادي..توب بلاك ربط من العنق كاشف من نصف الظهر..وصندل عالي بلاك..
وحطت كحل وكثفت الماسكار..وغلوس وردي ناعم من نيفيا..ولبست حلق دائري فضي وخاتم فضي روعه..
صارر شكلها رهيب واللون الاسود زاد من جمالها واشراقتها..
وعطرت بعطرها من بربري..
وراحت للمطبخ..وعملت الفطور..
وحطته بالطاولة..وراحت لغرفه الجوري
اقتربت منها وبهمس:جوجو..حبيبتي يلا قومي..
الجوري بهمس:ماابي اقوم..ابي اغيب..
دانه شلتها:لا بتقومين..وتروحين المدرسة..ذه يووم الاربعاء..
ودخلتها للتوليت..وغسلت وجها..وفرشت اسنانها..
وسرحت شعرها..ولبستها مريولها..وعطرتها..
الجوري تطالعها في المرايه:االله شكلك حلووة..
دانه بحب:زيك حلووه..
ونزلنا تحت..وجلستها بالكرسي..ونزل تركي بهيبته.. وشكله مبين انه ناوي على شيء..
فااسرعت يم الجوري وبعدت عنه..
تركي بحده:تعالي هنا..
دانه بدلع:ماابي..
الجوري:دانه..ممكن تجيبين لي الكورسان..بعيد عني..
دانه بحب:ان شااء الله..
واقتربت من تركي وخق على شكلي..وهو يطالع مفاتن جسمها..
دانه لاحظت انه يطالع فيها(والله ان اجننك ياتركي..انا مخليتك تحب خدامتك مكون انا دانه)ومديت لها الكورسان:خذي حبيبتي..
الجوري بابتسامه:شكرا..
وتعمدت اني اجلس في الكرسي ألي يم تركي..
عطني نظره يعني يابنت قومي بس انا عاندت ولا قمت..
وجلست اكل وياهم..ولا عبرته..
تركي(الظاهر ذي نست نفسها):ست دانه..مو قلت لك لاتجلسين..
دانه بدلع:ووي نسيت..
وجيت بقوم..بس مسكتني الجوري..
الجوري:جلسي..
دانه بابتسامه:بس...

19 - 8 - 2014, 07:12 PM

حصه بصدمه اكبر:تركي..تركي ماغيره..
مشعل:أي..
حصه بابتسامه:والنعم والله..بس هو مو كنه ارمل وعنده بنت..
مشعل:اي وش فيها..الرجال ميعيبه شيء..
حصه:أي...وين امي؟؟
مشعل:امي نايمه دحين..
حصه:اااي..اجل سلم لي عليها..
وسكرت من اخوها..وهي فرحانه وسعيدة بخويتها..
ان الله عوضها بوفاه عيلتها برجال زي تركي...

.....
صحت الصبح عند الساعة4:12 في الفجر صلت..
وخذت لها شور سريع..وستشورت شعرها..وفردته على كتفها..لينسااب بحرية على جسمها..
لبست شورت لنصف الفخذ جنز رمادي..توب بلاك ربط من العنق كاشف من نصف الظهر..وصندل عالي بلاك..
وحطت كحل وكثفت الماسكار..وغلوس وردي ناعم من نيفيا..ولبست حلق دائري فضي وخاتم فضي روعه..
صارر شكلها رهيب واللون الاسود زاد من جمالها واشراقتها..
وعطرت بعطرها من بربري..
وراحت للمطبخ..وعملت الفطور..
وحطته بالطاولة..وراحت لغرفه الجوري
اقتربت منها وبهمس:جوجو..حبيبتي يلا قومي..
الجوري بهمس:ماابي اقوم..ابي اغيب..
دانه شلتها:لا بتقومين..وتروحين المدرسة..ذه يووم الاربعاء..
ودخلتها للتوليت..وغسلت وجها..وفرشت اسنانها..
وسرحت شعرها..ولبستها مريولها..وعطرتها..
الجوري تطالعها في المرايه:االله شكلك حلووة..
دانه بحب:زيك حلووه..
ونزلنا تحت..وجلستها بالكرسي..ونزل تركي بهيبته.. وشكله مبين انه ناوي على شيء..
فااسرعت يم الجوري وبعدت عنه..
تركي بحده:تعالي هنا..
دانه بدلع:ماابي..
الجوري:دانه..ممكن تجيبين لي الكورسان..بعيد عني..
دانه بحب:ان شااء الله..
واقتربت من تركي وخق على شكلي..وهو يطالع مفاتن جسمها..
دانه لاحظت انه يطالع فيها(والله ان اجننك ياتركي..انا مخليتك تحب خدامتك مكون انا دانه)ومديت لها الكورسان:خذي حبيبتي..
الجوري بابتسامه:شكرا..
وتعمدت اني اجلس في الكرسي ألي يم تركي..
عطني نظره يعني يابنت قومي بس انا عاندت ولا قمت..
وجلست اكل وياهم..ولا عبرته..
تركي(الظاهر ذي نست نفسها):ست دانه..مو قلت لك لاتجلسين..
دانه بدلع:ووي نسيت..
وجيت بقوم..بس مسكتني الجوري..
الجوري:جلسي..
دانه بابتسامه:بس...

20 - 8 - 2014, 09:16 AM

الجوري باصرار:لا..لاتقومين جلسي يمي..
دانه طالعت تركي وبدلع:براحتك ياجوجو..
تركي:جوجو حبيبتي..خلي دانه تقوم..
الجوري بعناد:لا..ماابي..ان قامت مراح افطر..
تركي تنهد وبثقل:بس عشانك بخليها تجلس..
دانه(اصلا غصبن عنك..)
وجلسوا يفطرون وكان الكل ساكت...وبعد 10 دقايق..
قاموا ووصلتهم للباب..
نزلت لمستواها:انتبهي لنفسك اوكي حبيبتي..
الجوري هزت راسها بنعم:اوكي ماما..
دانه(ماما..)استغربت من كلمتها:.......
تركي مسمع كلمتها:يلا جوجو حبيبتي..
وباستني بخدي وطلعت مع ابوها..

مزالت الجمله ذي تردد بذاني
ماما
ماما
ماما
ماما
ماما
فرحت بداخلي..انها اعتبرتني مثل امها..وقالت لي ماما..
دانه جلست بالكنب وبابتسامه:صارت الكره في ملعبي احين...واحين بتحكم بالاعبين على كيفي..اول من يتحرك انت ياسيد تركي..

.......
صحت الصبح على صوت جوالها..
خويلد"يتصل بك"
هيلة:اففف بس..وش يبي ذه من صباح الله خير...
وردت عليه:الوو..
خالد بحب:ياصباح الخيرر..
هيلة بدون نفس:اهلين..وش عندك داق احين..
خالد:انتي ليه تكلميني كذا ابي اعرف بس..
هيلة(لاني اكرهك):لانك داق علي وانا نعسانه..
خالد:موقصدي ياروحي اني اوقضك من نومتك..بس برب اشتقت لك..
هيلة:.........
خالد:احبك..
هيلة(افف..وانا محبك):أي ادري..واحين ممكن تسكر لاني حدي نعسانه..
خالد:اوكي روحي..
هيلة:يلا سلاام..
منتظرت منه رد وسكرت السماعه في وجهه..ورجعت كملت نومها..

20 - 8 - 2014, 09:17 AM

عند الساعة 1:01 بضبط
كانت جالسه تتفرج عند التلفزيون..وانفتح الباب..وخذت جوالها بسرعه وحطته في اذانها وعملت حالها كنها تكلم تلفون<<ماهي بسهله هالدانه..

دانه بصوت عالي وبدلع:هههههه..الله يقطع سوالفك يالطوف..اي وبعدين..هههه..من صدقك..وش سوت هي بضبط..ياخوفي انها تتولاك..هههههه..بنشوف احنا..

عصب لانها مجات تستقبلهم زي كل مره

تركي(ضحكك من سرك بلا)وبصوت عالي:دانه..دانه..

دانه(انا اوريك ياسيد)وبصوت عالي:ههههههه..بذمتك سوت كذا..مايبين عليها الصراحه..

تركي عصب زود لما سمعها تضحك..واقترب منها..وخذ الجوال منها بكل عصبيه:الظاهر انك نسيتي نفسك...

دانه:......

تركي كمل وبعصبيه:لاتظنين انك بعد العمله ألي سوتيها امس..انك صرتي طليقه ومحد يحاسبك..

دانه قاطعته وبرائه:انا وش سويت لك عشان تعصب مني..

تركي زاد عصبيه لما شافها تكلمه بكل برود..وسحبها من يدها بقوة لعندها..

صاروا قراب من بعض...

دانه بتوتر:انت وش تبي؟؟

انفاسه الحارة تلحف على وجها..
تركي بنفس عصبيته:الظاهر انك نسيتي من انتي..وليه انا تزوجتك؟؟

دانه بعدت عنه بس هو كان اسرع منها وقربها منه اكثر واكثر..لدرجه الاتصاق..

دانه توترت من قربه مني:انت وش سالفتك؟؟وخر عني..

تركي بحده:اسمعي زين يابنت الناس..انا جايبك هنا عشان تخدميني..مو عشان تتسلين وتعاندين..

دانه:اوكي..مقلت شيء بس ممكن تبعد عني..

تركي:.....

دانه باندفاع:كتمت نفسي..ابي هواء..

وهد يده منها..وبعدت عنه دغري..

دانه التفت له وبكل جديه:اسمع ياسيد..انا ماغسلت الصحون تبع الفطور..وابيك انت تغسلهم عني..

تركي بق عينه لابعد حد:نعمممم..وش قلتي!!!

انتهى الباررت..

المواضيع المتشابهه لموضوع: رواية امانه لا تطلع حرارة انفاسك بحضن غيري لموضوع: رواية امانه لا تطلع حرارة انفاسك بحضن غيري
الموضوع	كاتب الموضوع	المنتدى	مشاركات	آخر مشاركة
هل لي بحضن واحد وقبلة	تووفه الحربي	همس للقصص وحكايات وروايات	3	18 - 1 - 2025 05:00 AM
ليت السما تحضن هموم المساهير	همسه الشوق	همس الشعر والقوافي	6	20 - 4 - 2020 04:09 PM
وشلون اسامح زماني واللي احبه خذه غيري وانا اولى فيه من غيري	سجات التهاويل	همس الشعر والقوافي	12	16 - 7 - 2014 01:58 PM
ابي ترحيب قوي ولا بطلع << بلييز لا خ	همسة الشوق	همس للترحيب بالاعضاء الجدد والتعارف	14	10 - 9 - 2011 05:38 PM
هل جربت ان تحضن نفسك	نظرهـ خجولهـ	همس المواضيع العامة	6	18 - 6 - 2011 10:09 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع