انا ما جيت ابارك ولكن جيت باوصيك

#1 24 - 8 - 2014, 09:01 AM

انا ما جيت ابارك ولكن جيت باوصيك

المناسبة : احبها واخلص في حبها ولكن الله كتبها من نصيب غيره ، فحضر زفافها ليقول : ...............................................

أبد .. ما جيت أبارك ولــكن جيــــت بأوصــيك
على اللي ناويٍ تدخل بها الليلة .. "معذبتي"

ترى لولا الظروف اللي عطتك وحدت محاكيك
. قســم بالله ما تدخل عليــها لو على رقبـــتـــي

ولكن النصيب أقوى ولا أدري ويش أسوي فيك
نعم .. صارت معزّبتك .. ولا صارت مـعزّبتي

كذا شـاءت بنا الأقــدار تحـرمني لأجل تعطيك
كذا لازم عشان تفوز أنت ... وأخسر بتجربتي

تراهـا غالـيه جداً ... وتـكــفى ... والله يخـليك
تــدللــها ... تــدلــعــها .. تنسيها مصاحبتــــي

أنا من كثر ما أغليها أحس إني بديت أغليـــك
ولا تسأل بأية حق ..؟ ولا وش مــناســبـتـي

لإنك لو بتسألني بتسمــع شيء ما يرضيــــك
لذا يا خوي لا تسأل ولا تسمـع لأجـــوبـتــي

أبيك تحطـها في داخل عيونك وبين ايديــــك
.. وهي دلـــوعه اعتــادت على كثـرة مــداعبــتي

فداعبها شوي شوي حـتى تشتهي طـــاريك
وشاغبها إلين تقـول لك : بّطــــل مشاغــبــتـي

وإذا هي مالها خلقك ولا تضحك ولا تسليك
تحمّلها وإسألها : يا عمــري لــيه عصبـتـي..؟

وبالك أسمع أنك يوم تضربها وهي تشكيك
ما يحتــاج أوري لــك بفــن الضرب موهـبتـي

صحيح إنك بتملكها وعك العقد بالتمليـــك
وأنا عــارف حـــدود الله ومن حقــك معاقبــتي

ولكن قلّها المجنون وصّاني وهـــو يعنيــك
. يقـــول إنه بينــتظرك ولـو شــيّـب وشــيّــبـتـي

وأنا مجنونها اللي ما نساها وأنت ما يمديك
تغطـّي ذكرياتي في هــواها .. وربــع تجربتـــي

أحس إني تماديت بكلامي والغضب حاديك
لو إنــك فـي مكاني ما تـفـكــّر في محـاســبتـي

كفاك إني تركت الليلة أشغالي عشان أجيك
. دخلت القــاعـة برجلي ولا أدري ويش عاقبتــي

وأنا ما جيت أخّــرب عرسك الليلة ولا أذّيك
أنا جيـتك عشـان أخاطبـــك وتسمع مخـاطبتــي

توصـّى وانتبــه وإحرص عليها والله يهنيك
ترى كل الكلام اللي طلع من ضـيقي وكبــّتــــي

ولكن ما قدرت إني أقوله وأنت ما يخفيك
أخاف إني إذا قلته تقــــوم وتـــقطع رقبـــتــــي

الشاعر : محمد الشهري

الموضوع الأصلي :‎ انا ما جيت ابارك ولكن جيت باوصيك || الكاتب : || المصدر : شبكة همس الشوق

24 - 8 - 2014, 12:09 PM

شــكرا لك بحجم السماء.
الله يعطيك الف عافيه.
ولآحرمنا الله جديدك الرآئع..
تحيه معطره برياحين الياسمين ..
كنت هنا ..

24 - 8 - 2014, 03:38 PM

شُكـ ـرا غلاي ...
وآصل تألقكـ معنا في المنتدى ...
وفـي انتظاااار جديدكـ بشووق ...
ننتظر منكـ الكثير من المشآآركآآت ...
.*. لكـ منـــ إجمل تحيه واحترام ـــــى .*.

25 - 8 - 2014, 11:29 AM

يسلموو ي الغوالي
مروركم اسعدني
وزاد صفحتي اشراقآ:~

25 - 8 - 2014, 01:43 PM

ماشاء الله
الله يعطيك العافية
على الطرح الراقي والجميل
تسلم الانامل على ماخطته لنا من روائع
بانتظار جديدك القادم
تحياتي وتقديري

25 - 8 - 2014, 01:51 PM

يسلموو ي الغوالي
مروركم اسعدني
وزاد صفحتي اشراقآ:~

25 - 8 - 2014, 02:56 PM

روووعه ابيات بها احساس القهر ةالمعاناه والحرمان
ولكن فيها مبالغه كثير
شكراً على ذوووق اختيارك
ودي

25 - 8 - 2014, 03:30 PM

يووهه يَ آني جلست آصيح وانا آسمع هالقصيدهه ..
الله المستعآن بس ..

عوآفي يَ الخخفوق ..

25 - 8 - 2014, 04:09 PM

يسلموو ي الغوالي
مروركم اسعدني
وزاد صفحتي اشراقآ:~

المواضيع المتشابهه لموضوع: انا ما جيت ابارك ولكن جيت باوصيك لموضوع: انا ما جيت ابارك ولكن جيت باوصيك
الموضوع	كاتب الموضوع	المنتدى	مشاركات	آخر مشاركة
الانيقه همسة الشوق ابارك لك الفيتك 28 000	همسه الشوق	همس للتهاني و اهداءات	6	7 - 2 - 2017 07:12 PM
الانيقه همسة الشوق ابارك لك الفيتك 19 000	همسه الشوق	همس للتهاني و اهداءات	7	31 - 1 - 2016 03:09 AM
عبدالله بن مساعد ابارك للهلال تحقيق كاس الملك	سجات التهاويل	همس للرياضه السعوديه والخليجيه	1	6 - 6 - 2015 04:58 AM
س رحل ولكن بلا صوت	أمير بنغازي	همس عذب الكلام والخواطر المنقوله	9	7 - 12 - 2014 02:30 PM
ولكن	الملك	همس المواضيع العامة	16	3 - 11 - 2012 05:32 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

انا ما جيت ابارك ولكن جيت باوصيك

همس الشعر والقوافي