رواية قول احبك واترك الدنيا لعيونك - الصفحة 11

12 - 9 - 2014, 08:03 PM

يتبع
في جهه ثانيه من البيت كان يكلم ومندمج في الكلام وما انتبه انه تعدى حدود الملعب والحديقه اللي لهم ودخل على جهة البيت
كان يسولف ويضحك وبعدها سكت يستمع لشخص اللي يكلمه بشى وهو يطالع الحديقه والورود شاف من بينهم وردته قرب منها لاشعورياً
كانت ماسكه كراسه وجالسه على المرجيحه ترسم بأندماج قرب لها من وراها وابتسم وهو يشوفها ترفع شعرها الفكتوريا اللي ضايقها كان بيروح
دامه روى قلبه بشوفتها وقبل لاتشوفه بس وقفه صوتها:ترى عيب اللي تسويه والله عيب
صقر حس انه مويه بارده انكبت على راسه:آآآآ
ريم انقهرت وقالت:احترم عمك اللي دخلك بيته وانت تطلطل على محارمه
صقر جابيتكلم بس سمعها تقول:انا ما لفيت عليك عمداً ولاتبرر لاني مابي اعرفك مابي احد من
عيال عمي يطيح من عيني
صقر وده يعتذر بس ما يبي يطيح من عينها ويبها توافق عليه راح بهدؤ مثل ما جا
اما ريم تنهدت بعد ماراح وقالت بهمس:كيف ما اعرفك وانت من ذاك اليوم ريحت عطرك اتخيلها حولي لاتحبينه ياريم لا مو كل من قال احبك صادق بقوله
************************************************** ************************************************** ***************************************
اليوم اللي بعده بيت ابو سيف بعد صلاة العشا جوهم اهل فيصل اللي قابلتهم منال بكل ترحيب وما كأنها الا ام شموخ
منال:يا حيا الله من جانا هذي الساعه المباركه
ام فيصل ابتسمت:الله يحيك ويبقيك
منال:تفضلو يالغاليه من هنا
ام فيصل وغلا وتاله دخلو الصاله ولحقتهم منال ووراها الخدامه بعربيه فيها حلا وقهوه وهي تقول:نور البيت والله
ام فيصل:بنورك
بعد السوالف قالت ام فيصل:الا وين عروسنا ما شفناها
منال ابتسمت:الحين اناديها
************************************************** ***************************************
عند شموخ طالعت نفسها بالمرايه بأعجاب كبير وهي تقول:مشالله علي اهبل
منال ابتسمت وهي تشوفها:مشالله الله يحميك يابنتي من العين
شموخ هزت كلمة بنتي كيانها وجتها رجفه حست ان ربها عوضها بأم
وبحنان ام قالت بهمس:مدري ليش احسك امي
منال ابتسمت بحنان:وانا مثل امك
شموخ بتجربه:اشكرك انك تغيرتي ياماما
منال دمعت عينها على كلمة ماما ربي حرمها تجيب عيال ورزقها ببنت:ياروحي انتي بتبكيني
شموخ ضمتها:لالاتبكين ما ابي اشوف دموع اليوم لاني ببكي
منال ضربت كتفها بخفه:هذا وهي شوفه بس المهم يالله انزلي
شموخ طالعت شكلها لأخر مره بالمرايه كانت لابسه فستان ناعم وشوز
بهالشكل

12 - 9 - 2014, 08:04 PM

وتركت شعرها الحريري مفلوت براحته واللي غطى ظهرها كله حطت مسكره وكثفتها وحطت كحل اسود وكثفته واللي برز لون عيونها
وبلشر زهري وقلوس عودي وبعد ماطالعت نفسها برضى نزلت لهم والأبتسامه على شفاتها سلمت عليهم وانجنت عليها ام فيصل وغلا وتاله
وبعد وقت بسيط طالعت ام فيصل منال:الا وين شموخ تتغلا علينا
طالعوها كلهم ودقتها غلا وقالت بضحه:ههههههه يمه هذي شموخ
الكل:ههههههههههههههههههههههههههههههههههههههههههههه هههههه
ام فيصل طالعتها بأعجاب اكبر واكبر:من جد انتي شموخ
شموخ ابتسمت بنعومه:ايه انا ياخالتي
ام فيصل:لا أله الا الله الله يحميك يابنتي حصنتك اللهم بألف من ذكر الله
شموخ ابتسمت على طيب قلب ام فيصل وناداها ابوها تدخل عند فيصل
كانت تبي تغير قبل تدخل عنده بس ابوها ماعطاها فرصه ودخلها دخلت بتوتر كبير
وكأنها اول مره تشوف فيصل اما هو من هول صدمته بجمالها وقف وهو يبتسم بلا شعور

جلسو شوي ابو سيف وسيف وسليمان وبعدها خلوهم لحالهم فيصل اول ما طلعو قرب بجنبها
وهمس لها:سرتي لي
شموخ استتتتحتتتت طالعته ببتسامه وفرحه:مابغينا
فيصل ابتسم وقال بداخله:معقول رجعت تحبني يارب انها نست مشاري وحبتني اصلاً انا دعيت ربي وربي ماراح يردني
طالعها ببتسامه وطلع من جيبه تعليقتين وحده هي وهو عارفينها واللي هي قلب وفيها حرف sh والثانيه استكرتها شموخ
فيصل وهو يمد ايده بالتعليقه الأولى sh:هذا انا حافضت عليها ليوم خطبتي لك استرجعي الشي الي يذكرك بأمك
بعدها مد لها الثانيه واللي كانت تعليقه ذهب ساه ومكتوب عليها:"قولِ احبك واترك الدنيا لعيونك
تذكرت جملتها لمشاري والموقف اللي سار لها معه قبل يومين رجعت بذاكرتها كانت بغرفتها دق جوالها وردت بدون ماتنتبه للرقم
شموخ:الو
مشاري:الو
شموخ عرفت صوته وردت بلهفه خارج عن ارادتها:مشارري
مشاري بتصنع للبرود:لا خيياله
شموخ انقهر من بروده داق عليها لا ويستهبل قالت ببرود:طيب والمطلوب من الأتصال
مشاري:سمعتي اني بخطب شجن
حست انه احد ضربها كف بس تكلمت ببرود:الف مبروك وليش اسمع شي مايهمني
مشاري بغرور وهو يبي يكرها فيه:ايه ما يهمني قدامي ولا قفلت اقعدي صيحي يعني تبيني اصدق انك تحبين فصول
شموخ انقهرت:اسمه فيصل وتكلم معاي بأدب رجاءً ولا قفلت بوجهك
مشاري ابتسم بثقه:ماتقدرين لانك تحبيني
شموخ ابتسمت بتحدي وثقه اكثر منه:لا اقدر<<وقفلت بوجهه بقهر من اسلوبه وهي تقول:يخطب ولا ينحرق والله ما اصيح
ارسلت له رساله
"انا عشقي عشق الشيوخ مافيه معنى للرضوخ ماعاش حب بلا شموخ هذا هو الحب الصحيح"

12 - 9 - 2014, 08:05 PM

آقـول أنــا بــس إستـريـح ماينـفـعـك دور الـجـريــح
عنـتـر زمـانـك مـسـتـوي مــرّه تـحـب مــرّه تشـيـح
__________________
لاهــي وعــودك بـإلـتـزام ولا أنتـه بعـد قــد الـكـلام
مـاعـاد لــك قــدر ومـقـام بارد وأنـا شوقـي صريـح
__________________
يامـا علـى الزلـه سكـت وإنتـه مكانـك ماحتـركـت
راجعت نفسي ثم ضحكـت وش لــي بحـبّـك يامـلـيـح
__________________
مانتـه علـى حـبـي تــروم وآنـا مــن كـبـار الـقـروم
ولانـي علـى مثلـك لـزوم يامـدوّر الــدرب المـريـح
__________________
لـو كـان ذا غيـر الزمـان وماكان بـه غيـرك حنـان
مابـيـك دام الأصــل بـــان الـحــر مـاعـمـره يـطـيـح
__________________
كـم لـي تمـنّـوا يوصـلـونوالـزيـن مايـأتـي بـهــون
حـنّـا إذا نعـشـق نـصــون ياراعـي القلـب الشحـيـح
__________________
عشقي أنا عشق الشيوخ مافـيـه معـنـى للـرضـوخ
ماعاش حـب بـلا شمـوخ هـذا هـو الحـب الصحيـح
__________________
لا لا تــفــكّــر أو تـــقـــول ماني علـى وصلـك ميـول
مـادام عنـدك ألــف قــول خـلّـك مكـانـك واستـريـح

رجعت بتفكيرها لفيصل وقالت بسرعه قبل تخسر حبها اللي بغت تخسره بسبب انسان مايستاهل:احبكـ
فيصل ابتسم وبانت ضروسه بفرحه لانه يدري ان شموخ ما تقول هالكلمه الا من قلب:وانا بعد اعشقك
************************************************** ****************************************
بعد اسبوع شوفت سحاب لبست جلابيه ناعمه بهالشكل

12 - 9 - 2014, 08:05 PM

وقبل لاتنزل دقت اخر مره على وليد على امل انه يرد مره اثنين ثلاثه وقبل لاتقفل جاها
الرد:الوووووووووو وليد انت وينك ليش ماترد ليش ؟؟
وليد ابتسم:اشتقتي لي
سحاب بدموع وصوتها كله بكي:اي اشتاق لك اليوم شوفتي والناس تحت وانت ولا ترد ليش انت بارد
وليد ببتسامه:طيب دموعك ما تهون علي مسحي دموعك عشان امي تشوفك حلوه ونتزوج بسرعه
سحاب تنحت وهي تمسح دموعها:تستهبل
وليد ضحك بفرحه:لا والله جد امي هي اللي تحت وانا هو المعرس ويالله انا تأخرت على الرجاجيل
سحاب بعد ماقفلت منه بكت لمن طلعت كل فرحتها وبعدها قامت تضبط مكياجها بحماس
شافوها اهله وانجنو عليها وهو اول ماشافها نزلت دموعه بعد ماطلعو اخونها وابوها
وقال لها بهمس:اشتقت لك
سحاب وهي تمسح دموعه:وانا اكثر
بعد ربع ساعه طلعو اهل وليد من عندهم وهو كان في قمة وناسته لشوفت سحاب تمنى لو يرجع
يشوفها ومايدري ليه ناغزه قلبه كان يسولف مع اهله ويتناسى النغزه مشى مع اهله يقطعون السكه لسيارته
وكان قدامهم شوي بس كان فيه سياره مسرعه ما انتبه لها صرخت ام فيصل وغلا وتاله:لااااااااااااااااااااااااااااااا
وليييييييييييييييييييييييييييييييييييييد انتبببببببببه لااااااااااااااااااااااااااااااااااااااااااااااااا
************************************************** ************************************
اتمنى يعجبكم البارت واشوف تفاعل واعتذر يمكن مو اكيد اسبوع ما انزل بارت ابي ارجع الاقي الصفحات مليانه تفاعلكم الحلو وبصمتكم اللي تسعدني احبكمـ

12 - 9 - 2014, 08:06 PM

البارت التاسع عشر
V
v
بيت ابو سيف غرفة شموخ كانت شموخ منسدحه على رجل منال وهي ماده يدها بالهوى وتطالع الدبله نادتها بالشي اللي سار لها اسبوع تانديها فيه وتعودت عليه:ماما
منال اللي كانت تلعب بشعرها:ياعيون ماما
شموخ:شفتي فصول جاب لي دبله بشكل ورده مثل ما احب
منال باست جبينها(جبهتها) ورجعت تلعب بشعرها:الله يكتب لك اللي فيه الخير يابنتي
شموخ ابتسمت وهي تضمها:امين يارب
منال:مشالله سمعتي انه مشاري خطب
شموخ ضايقتها السيره بس قالت بلا مبالا:يب سمعت الله يوفقه
منال بحماس:يقولون بنت من المانيا شكله طاح له بوحده المانيه من حقين العيون الزرق
شموخ ضحكت على التعبير:ههههههه لا لا هي سعوديه وعيونها سود
منال تحمست:تعرفينها
شموخ هزت راسها:ايه شفتها بألمانيا
منال:حلوه
شموخ:اممممممم كيوت وكتكوته
منال:ياشيخه الله يوفقه وش لنا بالعالم
************************************************** ************************************************** ****************************
بنفس البيت بس بجهه ثانيه
سيف شبك يدينه وهو منزل راسه بالأرض:يبه انا ابي املك على مايا
ابو سيف ابتسم:وكل هالوقت عشان تقول انك تبي تملك عليها ياشيخ طيحت قلبي
ابتسم سيف وهو يرفع راسه:يعني انت موافق
ابو سيف:وشوله ما اوافق الا موافق وموافق
سيف شقت الضحكه ضروسه:مشكووور يالغالي مشكوور
ابو سيف بتسائل:ايه ومتى تبي الملكه
سيف بحماس:بكره
ابو سيف:هههههههههههه بكره تبي مايا تنجلط قبل زواجها
سيف بشوي قهر:اجل متى
ابو سيف:اقل شي اسبوعين
سيف وكأنه بزر:لا يبه تكفى خلها اسبوع
ابو سيف:لك مرادك اكلم عمك عبدالله ونشوف رايه وراي العروس
سيف وهو يسلم على راس ابوه:ماتقصر يالغالي لاعدمتك
************************************************** *******************
بيت ابو سطام تحديداً غرفة سطام كان يلعب بالـGAME BOY بحماس ومن هذاك اليوم ويحس
انه رفيف شاغله كل تفكيره وسار يروح كل يوم بيت عمه على امل انه يشوفها او حتى يلمحها
بس ما حالفه الحض جا بباله:انت لازم تخطبها ياسطام <<بس طير هالتفكير بسرعه خوفاً من ان صقر يتشمت فيه *_*

12 - 9 - 2014, 08:07 PM

بيت ابو نايف بعد ما طلعو اهل وليد جلسو اثير وداليا ودانيا يطقطون على سحاب ويحرجونها الين سمعو صرخه كان مصدرها الشارع
ركضو كلهم على هالصوت وسحاب من الفجعه طلعت بدون غطى حتى
الشارع
وليد من عندهم وهو كان في قمة وناسته لشوفت سحاب تمنى لو يرجع
يشوفها ومايدري ليه ناغزه قلبه كان يسولف مع اهله ويتناسى النغزه مشى مع اهله يقطعون السكه لسيارته
وكان قدامهم شوي بس كان فيه سياره مسرعه ما انتبه لها صرخت ام وليد ودلال ودانه:لاااااااااااااااااااااااا
وليييييييييييييييييييييييييييييييييييييد انتبه لاااااااا
ام وليد كانت مغطيه عيونها وما تبي تشوف ولدها يموت قدامها اما دلال ودانه كانت ايدينهم على افواهم ومايدرون وش يستناهم
مرت السياره بسرعه وماكان فيه اي شخص مات او طاح بالأرض دلال رفعت عينها اللي مليانه دموع وهي تبي تشوف وش سار بأخوها
عند وليد انتبه لسياره على اخر لحضه ورمي نفسه بسرعه على الجهه الثانيه يبعد نفسه عنها دلال اول ما شافته ركضت له بسرعه
وهي تضمه:ولييد حبيبي توجعت وش سار فيك
وليد كان مو مستوعب شئ مر بلحضات بس كان له تأثير كبير عليه همس بدون شعور:الحمدالله الحمدالله الحمدالله على كل حال
قربت له امه وقربت له دانه وهم يبكون ضمته امه وهي تحمد ربها اللي كتب لولدها عمر جديد
عند سحاب طلعت هي وكل البنات وشافت الموقف من اوله بس للأسف ما شافته للأخير لأنها فقدت الوعي من هول صدمتها دخلوها البنات جوا
وطلعوها غرفتها قبل احد يشوفها بعد دقايق استفاقت ولقت البنات حولها وهي تبكي:مااااات مات صح انا شفته مات <<وبشقه:مات صح لا تخبون علي مااااات صح
ضمتها اثير تهدي عليها:لا يا قلبي ما مات ما سار له شئ
ابعدتها سحاب بعدم تصديق:انتـ ــي كذابه انا <<وهي تأشر على نفسها:انا شفته يموت ماااااااات وليد لاااا ما يموت مو على كيفه قامت بسرعه وهي تبي تنزل للشارع
بس مسكوها البنات
داليا:سحاااااب فوقي الولد عايش كيف اثبت لك كيف
سحاب وهي تحط ايدها على فمها تكتم شهقتها:انا شفته اقولك شفته راح وخلاني <<قامت من سريرها وهي ناسيه كل شي ومسكت جوالها تتصل عليه هذا الشي الوحيد اللي يأكد لها انه عايش
استغربوا اخواتها واثير من تصرفها لأنهم مايدرون انهم على علاقه بس انتضروا يشوفون وش بيسير بعد انتضار بدموع جاها صوته:الوو
سحاب بكت بشهاق:ياغبي ياغبي بغيت تمووووووووووووت متى تنتبه لطريقك ليش تبي توجع قلبي بأي شكل ليش ليش<<جلست على الأرض وشهقاتها تعلى:حرام عليك حرامم
وليد كان متقيد بكلامه لأنه بالسياره وماتوقع انها شافت اللي سار وقف عند اقرب بقاله واستأذن من اهله انه يبي يشتري مويه وكلمها براحه:سحاب ياقلبي اهدي اهدي
ماسار الا الخير
سحاب وهي ماتدري وش تقول:يعني لو سار لك شر وش ا

12 - 9 - 2014, 08:08 PM

سحاب وهي ماتدري وش تقول:يعني لو سار لك شر وش اسوي انا وش اسوي
وليد ابتسم وعرف انها ماتدري وش تقول:طيب ممكن تهدين وتقولين الحمدالله اللي كتب لي عمر جديد
سحاب رمت السماعه بالأرض وهي تسجد:الحمدالله يارب الحمدالله والشكر لله الحمدالله
وليد:الوووو سحاب
سحاب اخذت السماعه وهدت:ياويلك تخليني ياويلك
وليد:مستحيل اخليك ما ياخذني منك الا الموت
سحاب ورجعت تبكي ثاني:اهييييييييييييييييئ الموت لا
وليد:ههههههههههههههههههههههه خلاص يابنت روقي وش صابك عندك دموع زايده
سحاب ضحكت من بين دموعها: ههه خلاص روح ودي اهلك البيت ماسارت مويه اللي تشتريها
وليد:اوكي باي يا روحي
سحاب:باي
************************************************** ************************************************** ************************************************** ********
مر اليوم على الكل بخير واشرقت شمس جديده تعلن يوم جديد واحداث جديده على ابطالنا
بيت ابو ريم
ريم بعناد:لا مني موافقه ومسحيل اوافق يمه
ام ريم بعناد اكثر:موب على كيفك ابوك ادرى ان هالولد بيسعدك ولا ماكان قالي تكفين خليها توافق
ريم:صققققر بالذات لا مابيه كيفي
ام ريم بشك:شمعنى هو بذات صاير شئ بينك وبينه <<مسكتها من زندها بقوه:تكلمي
ريم وهي ترفع شعرها اللي طاح على وجهها بدموع:يممممممه تشكين فيني وش بيكون سار يعني
بس كيفي هالولد ما ارتاح له
ام ريم وهي تترك يدها بقوه:استخيري ولا تستهبلين
ريم وهي تطلع من غرفة امها صفقت بالباب وهي تقول بصوت عالي:ماااااااابييييييييييه مو بالغصب
عند غرفة ريم قابلتها رميم عند الباب وهي مقهوره من ريم سحبتها لجواة الغرفة:ريموه هالصراخ على امي
ريم بقهر ودموع:اقولها ما ابيه قامت تشك انه فيه شي بيني وبينه
وش اسوي لها يعني
رميم بقهر:بقولك شئ " جاء رجل إلى رسول الله صلى الله عليه وسلم فقال
جئت أبايعك على الهجرة ، وتركت أبوي يبكيان ، فقال : " ارجع إليهما فأضحكهما كما أبكيتهما "

12 - 9 - 2014, 08:08 PM

وانتي يا اختي عشان تبي لك الخير وتتزوجين وتنسترين سويتي كل هذا شوفي الفرق هذا جهاد وانتي خطبه وانتي وانا متأكدين
من شيئين الأول انه امي الحين تبكي والثاني انك حبيتي صقر وتبين تتهربين من حبك له عشان الطريقه اللي اعترف لك فيها
ريم ودموعها مثل الشلالات:وانتي بعد بكيتي يوم ابوي غصبك على حمد
رميم:بكيت ايه بس ما سويت سواياك اصرخ واصفق بيبان بكيت صح بس استخرت وما قطعت رزقي بأبن الحلال عشان انا مغصوبه وهذاني
الحين راضيه كل الرضا وانتضر خبر ملكتي لا وبفارغ الصبر
انطق الباب بهاللحضه ودخلت رفيف بحماس:رميييييييييم حمود يكلم ابوي وقاعد يحدد ملكتكم
رميم انصدمت وبعدها ضحكو هي وريم من بين دموعها:هههههههههههههههه
ريم ناضرت رفيف:قولتك اوافق عشان ارضيهم
رميم:لا ما قلنا على حساب نفسك وافقي استخيري وشوفي انا اقولك راضي امك الضعيفه
ريم تنهدت بندم على صراخها وحست ان مالها داعي تصرخ وقامت متوجهه لغرفة امها تعتذر منها
اما رفيف ورميم راحو يتسمعون على ابوهم بالمكتب وهو يكلم حمد ابو ريم من بين كلامه قال:انتضر شو ياولدي <<قام متوجه للباب المفتوح وهو شايف
ضل على الأرض رفيف اول ماشافته قرب دفت رميم على الأرض وهربت اما رميم انصدمت من اللي سوته ابو رميم طالعها وفيه الضحكه على شكلها المتفشل:نععم وش تسوين
رميم:آ آ آ<<وهي تأشر على الفراغ :رفيف قالت لي وانا قلت لها لا بس هي قالت الا وانا قلت لها لا وهي اصرت
ابو ريم:هههههههههههههههههههههههههههههههههه بس يابنتي لا تنجلطين <<قومها من الأرض وهي ماصدقت عطاها ضهره وراحت ركض تتضارب مع رفيف اللي صكت على نفسها الباب وهي ميته ضحك
************************************************** ************************************************** ************************************************** *******
بعد اسبوع من الأحداث اللي راحت ماسارت احداث مهمه غير انه ملكة مايا وسيف تحددت من قبل بأسبوع وهي بعد يومين وبعدها بثلاث ايام ملكة رميم وحمد ريم وافقت على صقر

عشان امها وابوها اما هي مو مقتنعه ابد مشاري عرف اهله على شجن بس ما حبوها مره وخصوصاً امه وشجن تنام عندهم بالبيت بحكم ان ما عندها اي اهل بالسعوديه ولا بره
بيت ابو صقر الصاله كانو ام صقر ومايا وافياء جالسين يسولفون لمحو شجن وهي نازله من الدرج بهدوء
شجن ابتسمت وهي تجلس :هاااي
ام صقر وهي تميل بوزها:وعليكم السلام والرحمه
افياء ضحكت وهي تدق مايا اما مايا طالعتها وبهمس:وجع عيب
افياء بنفس الهمس:وش اللي عيب بعد
مايا طالعت شجن ببتسامه:اممم شجن فطرتي
شجن وما حبت احد منهم كثر مايا اللي تعاملها بطيب:لاء
مايا قامت وهي تسحبها بمرح:تعالي معي حتى انا ما اكلت
قامت شجن معاها اما ام صقر دقت افياء:اختك معانا ولا ضدنا
افياء:يعني ماتعرفين مايا ماتحب تزعل مشاري ولا صقر
*****

12 - 9 - 2014, 08:09 PM

يتبع
المطبخ جلست شجن على الطاوله وهي تشوف مايا تطلع الصحون وتطلب من الطباخه تحمي لهم اطباق اليوم
قالت شجن بهمس:مممممم مايا مشكوره
مايا لفت عليها ببتسامه:على وش ترا كله فطور
شجن:لا قصدي انك تعامليني بطيب يعني لاتفهميني غلط يعني
مايا ابتسمت وهي تتكي على الكونتر:قصدك غير امي وافياء صح
شجن وهي تنزل عيونها للأرض وهي تلعب بأصابعها:مدري ودي اكسب معزتهم ما ودي ياخذني مشاري وانا حاسه
انه امك مو راضيه
مايا تنهدت وهي ترجع تقطع الخيار:شوفي يا شجن ترى امي طيبه بس هي مثل اي ام تبي تختار لولدها بنفسها
ومشاري الله يهديه كان اسلوبه غلط بأنه يحطها امام الأمر الواقع يعني حتى هو مامهد لها او حتى لمح صدمها وبس
وبيني وبينك امي ما كانت موافقه على سيف خطيبي واللي بعد يومين بيسير زوجي كل هذا عشان زوجة ابوه منال بس
الحين وافقت لا ودايم تنكر انها كانت رافضه سيف بيوم امي طيبه وافياء طيبه بعد مو صعب تكسبينهم فهمتي ياقمر
شجن ابتسمت وقامت جنبها:صح عليك مافيه شي صعب بحاول قد ما اقدر وانا واثقه ان ربي بيساعدني
مايا:انا عند حسن ظن عبدي بي <<بهاللحضه دق جوال مايا ردت مايا ببتسامه على اللي داقه وردت بحب:ياهلا بهالصوت
شموخ:اهلين اقولك فكي باب بيتكم بسرعه
مايا:كذابه جيتي
شموخ:يب ابي الحقك قبل يربطك اخوي بزواج بسرعه فكي
مايا بفجعه:اوك <<فتحت الباب وشجن لحقتها لعند الباب
شموخ وهي تضمها: miss u ياحماره
مايا:miss u 2
سحاب وهي تدف شموخ عن الباب وتغني:وقولو بسم الله على غزالن طب قول بسم الله يازين هاللي ابو العيون السود يازين هاللي
رددو كل البنات وراها:وقولو بسم الله على غزالٍ طب قولو بسم الله
مايا:هههههههههههههههههههههههههههههه
شموخ اخذت الكيكه من ايد الشغاله وهي تقولها:خلاص روحي البيت ولا كلمتك تعالي اوك
كانت جايبه كيكه بهالشكل

12 - 9 - 2014, 08:09 PM

مايا:واااااااااااااي تجنن
شجن طالعتهم بأعجاب وابتسمت وجواتها:ليتني اعيش مثل حياتكم وحبكم لبعض
مايا راحت لشجن وهي تسحبها:وهذي شجججججججن الحلوه خطيبة مشاري
شموخ وجعها قلبها بس قالت ببتسامه وهي تسلم عليها:ياهلا نورت السعوديه
سلمو عليها البنات وجلسو سوالف وضحك ورقص
************************************************** ***********************************************
في الليل طلعو كل البنات وراحو بيوتهم حتى شجن اعتذرت وقالت بتروح تنام
الا شموخ اللي جلست مع مايا بغرفتها وتتكلم عن استعداداتها للملكه وهم قالبينها مناحه ولا كأنه الا مايا بتتزوج وتروح
بعيد كانو مشغلين اغاني ومطولين الصوت طق الباب مره واثنين وبعدها دخل بأبتسامه وتلاشت اول ما شافهايالله شكثر اشتاق لها
ولشوفتها كانت تضحك وتصيح كانت بقمة جمالها هاللحضه لفت مايا يوم حست بوجود شخص وقالت بصدمه للي مبلم بشموخ:مشششاري وش تسوي هنا
لفت بسرعه شموخ وطاحت عينها بعينه شمقت بوجهه وهي تقول بقوه:انت هي اول مره تشوف بنت طيب احترم خطيبتك تراها بالغرفه اللي بجنبنا
طلع مشاري بعد ما استوعب كلامها ووقف عند الباب بره وهو يقول:معقوله كرهتني مستحيل اخليها تكرهني مستحيل
داخل الغرفه
طالعتها مايا ببتسامه:اكلتيه يادبه تراه دخل بالغلط
شموخ وهي تضيع السالفه:يعني بصراحه تنح بوجهي حسيت اني تكلمت بدون شعور
************************************************** ************************************************** ***************
بعد يومين ملكة مايا كانت بقمة جمالها والتوتر سيد الموقف وكل شوي طالعه وحده من البنات عندها تهدي عليها خصوصاً وامها سوت الملكه كبيييييييره وماخلت احد ما عزمته

المواضيع المتشابهه لموضوع: رواية قول احبك واترك الدنيا لعيونك لموضوع: رواية قول احبك واترك الدنيا لعيونك
الموضوع	كاتب الموضوع	المنتدى	مشاركات	آخر مشاركة
رواية شياطين تدوس الارواح واو احلا رواية قريتها	البارونة	همس للقصص وحكايات وروايات	12	24 - 12 - 2024 01:34 PM
رواية قلت احبك قالت حب انتقام ولا تملك قلت ليه هو الحب عندك انواع	البارونة	همس للقصص وحكايات وروايات	140	27 - 10 - 2024 08:32 AM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
رواية جيت اقول اني احبك شفت عينك واستحيت	نظرهـ خجولهـ	همس للقصص وحكايات وروايات	14	14 - 4 - 2012 08:49 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 1