رواية قول احبك واترك الدنيا لعيونك - الصفحة 8

12 - 9 - 2014, 05:55 PM

البارت الرابع عشر
v
v
المانيا
وصلت لباب شقتها وهي تفكر بفيصل لفت نضرها صندوق كبيير لونه ابيض وعليه شريطه كبيره لونها احمر بشكل كرفته<فينكه
وعليها كرت طالعت العلبه ببتسامه وقالت بفرحه:يا حياتي يا مشاري كنت ادري انه مابيهون عليك بعدي
فيصل ببتسامه:عساها عجبتك
نقزت شموخ بربكه:أيه أيه مره حلوه
فيصل ببتسامه:ياكذابه ماشفتيها
شموخ ارتاحت انه ماسمع وأحتقرت نفسها وكيف ضنت ان الهديه من مشاري وحمدت ربها الف مره انه فيصل ماسمعها ولا كان ماعداها على خير
قالت ببتسامه:الكتاب باين من عنوانه ^_^
فيصل لف وهو يبي يبتعد:امم مشكوره
شموخ فتحت الكرت وكان محتواه
" هذا فستان عجبني حيل من زمان أشتريته لك كنت متأكد وواثق أنه راح يجي يوم وتلبسينه وجا هاليوم يا شوشو وكنتي قد ثقتي اتمنى اشوف عليك هالفستان اليوم"
شموخ تنهدت بأسف:سامحني يافيصل والله قلبي مو بيدي
************************************************** ****
عند فيصل بالسياره
تكى راسه على المقعده بتنهيده وهو يقول:يارب ما خاب من رجاك ربِ اشرح صدري ويسر امري
************************************************** **************************************
شموخ فكت العلبه لقت فستان سكري مره ناعم وله اكمام واسعه وماسكه من عند الكفوف والفستان نازل وسيع وعلى الأكمام كرستال اورنج
طالعت العلبه لقت فلات اورنج وفيه كرستاله كبيره باللون العسلي ولقت تعليقه طويله لونها اورنج وسكري وعسلي طالعت الحجاب اللي متناسق مع الفستان بشكل كبير اعجبها ذوقه لبست
وقررت تتكشخ رسمت عينها وكثفت المسكره وحطت بلشر برونزي وقلوس اورنج كان شكلها روعه طالعت مره اخيره شكلها برضى واخذت شنطتها البنيه الكبيره وطلعت له
************************************************** ************************************************** ************************************************** *********
عند فيصل شافها جايه انسحر وخق على شكلها كانت قمه بالجمال واول مادخلت السياره قال بحالميه:بصراحه طلع احلى من ما تصورت
شموخ ابتسمت وهي مستحيه:بصراحه ذوقك اللي مره حلو مشكور
فيصل:على راسي يالله ننطلق
شموخ بظحكه:ننطلق ههههههه

12 - 9 - 2014, 05:55 PM

************************************************** *****************************
عند مشاري طلع من غرفته وكان نازل عشان يطلع من البيت لأنه يحسه فاضي من دونها شاف غرفتها وتوجه لها دخل وهو يطالع كل مكان بالغرفه وبتنهيده:اااه اشتقت لك يا ترى أنتي بخير ونسيتيني ولالا ؟؟
سلفيا دخلت الغرفه:Mister Mashary what are you doing here you lost something
((مستر مشاري ماذا تفعل هنا هل فقدت شيء))
مشاري تنهد:فقدت كل شي <<وبعدها تكلم بجديه:Did not lose anything just saw the light I came to close the open
((لم افقد شئ فقط رأيت الضوء مشتعل فأتيت لأغلقه))
سلفيا وهي تظرب راسها بخفيف:Oh, I forgot to tell you that Miss shjn awaits you at the bottom
((لقد نسيت ان اخبرك ان الأنسه شجن تنتضرك في الأسفل))
مشاري بقهر:?How and why forget
((ماذا وكيف تنسين))
نزل مشاري الدرج درجتين درجتين لمن وصل لها وهو يتنفس بسرعه:عسى ما تأخرت
شجن بهدوء:لا ماتأخرت
مشاري:امريني يعني غريبه أول مره تزوريني
شجن وهي تتهرب تناضره: أمم مشاري ممكن اعزمك على الغداء
مشاري طالعها بأستغراب وشوي فرحه:بشرط
شجن طالعته:شرط؟؟
ظحك مشاري:انا اللي ادفع
شجن بظحكه:ماسارت عزيمه
مشاري:اجل خلينا ناكل هنا
شجن:لا خلاص ادفع بس ما أبي البيت بصراحه ما أبي بنت عمك تكون معانا
مشاري ابتسم جواته بستهزاء وقال بقلبه:بنت عمي هه بنت عمي راحت وأخذت قلبي معاها <<تكلم بصوت تسمعه:يالله نطلع فيه مكان محدد تبين نتغدا فيه ولا
شجن:اممم ابي نروح مطعم ....
مشاري:اوكي مشنا
شجن:مشينا
************************************************** ****************
مطعم ....
دخل فيصل ومعاه شموخ اللي اعجبها شكل المطعم من بره وجوه جاه رجال وقال بترحيب:مرحبا استاز فيصل شرفت سار إلنا زمان عنك
فيصل ابتسم وهو يسلم:مرحبتين والله مشاغل الدنيا
الرجال:اي ميت اهلا وسهلا تفضل الطاوله من هون
فيصل مشى ورا الرجال وهو يسمع شموخ اللي تقول:مشالله شكلك معروف هنا
فيصل:ايه لأني دايم ازورهم كل ماجيت هنا<<ويبيها تغار: وبعدين الويتر صبايا حلوين
شموخ تخصرت بقهر:لا والله تجي تقزقز بهالبنات <_<
فيصل ابتسم وكأنه حقق مراده وبأستغراب:تغارين يعني
شموخ بقلبها:وش اللي قلتيه يالهبلا<< وقالت بتراجع:ممم لا ما أغار
فيصل تنهد:زمان كنتي حتى من ظلي تغارين والحين ما تغارين
شموخ بقلبها:بس ليش احس اني غرت <<قالت:وحتى الحين بس ماشفت شئ يخليني اغار
فيصل نزل عيونه للأرض بأنكسار:اها
وقف الرجال عند طاوله كان حولينها بالون كثير باللون الأحمر واقفه بالأرض وكان على الطاوله باقت ورد جوري كبييره باللون الأحمر ويتوسطها ورده بيضه

12 - 9 - 2014, 05:56 PM

وشموع واقفه وكيكه مكتوب عليها:كل سنه وانتي حبيبتي , Happy Birthday
كانت الأرض كلها ورد احمر منثور شموخ طالعت بكل شي من حولها وبعدها حطت ايدينها على وجهها وبدت دموعها تنزل وشهقاتها تعلى
الرجال راح اما فيصل انصدم من ردت فعلها وقال بهدوء وهو يشوف دموع حبيبته:شوشوني ياقلبي وش هالدموع
شموخ ببكا:فيصل انت اطيب قلب بهالدنيا الله لايحرمني حنانك وحبك ويقدرني اسعدك
أبتسم فيصل وهو يحط ايدينه على خدودها يمسح دموعها بحنان:أنا بمجرد ماأشوفك جنبي اكون اسعد انسان بهذي الدنيا
شموخ طالعته وقلبها يدق وبدون ماتنتبه للقنبله اللي رمتها:مشكور مشاري مشكور
فيصل حس انه انظرب كف بس سكت:أحم يالله تفضلي <<بعد الكرسي لها عشان تجلس اما شموخ حست انها ملكه بعالم فيصل
فيصل جلس بعد ما جلست ومد لها باقت الورد اخذتها شموخ والأبتسامه على شفايفها وذابت الكلمات بفمها:مشكـ وو ر
لقت دبله جوت الورده البيضه بهالشكل

ناسبت ذوقها مره وقالت بهمس ودموع:فيصل
فيصل ابتسم:ما أبي احد ياخذك مني ابد ابي كل الدنيا تدري انك لي وبس
شموخ ابتسمت بحب وقلبها رجع يدق لحب طفولتها:وانا لك وبس ^_^
فيصل سحب الخاتم من ايدها وهو يمسك ايدها اليمين ولبسها فيصل الدبله طالعتها على ايدها ومره عجبتها
ابتسمت بقوه وكملو سواليف وهم ينتضرون الغدا
************************************************** *******************
عند شجن ومشاري مطعم .... دخلو المطعم وقابلهم رجال عند الباب
الرجال:مرحبا
مشاري:مرحبا حظرتك عربي
الرجال:ايه تفضل
مشاري:ابي طاوله لشخصين
الرجال:تفضل من هون
مشاري وشجن مشو ورا الرجال وقال مشاري:شجن من وين عرفتي هالمطعم
شجن بغصه:اممم عرفته من ماهر
مشاري وهو يضيع الموضوع لأنه مايبيها تتذكر خطيبها:أممم مشالله <<وهو يأشر على طاوله كلها بالونات حمرا:شوفي وش مسوي لزوجته شكلهم بشهر العسل
شجن طالعت وهي تبتسم:يا بختها الله يهنيها
مشاري:اميـ << وظاعت الكلمات بفمه وهو يشوف اللي سرقت قلبه قدامه تسولف وتظحك شجن كانت تمشي ووقفت تطالع مشاري اللي وقف وهي تناديه:مشاري يالله مشاري مشاري
مشاري فاق من سرحانه بالطاوله وتدارك الموقف:أيه جاي اسبقيني انتي
شجن مشت بأستغراب لتغير حاله:اوك
مشاري وقف مكانه وهو يطالع كيف مندمجه معه انصدم من الدبله اللي بيدها لمن رفعت ايدها تصلح حجابها وقال بقلبه:يالله هنت عليك نسيتيني ياشموخ
عند فيصل وشموخ كان فيصل يسولف له عن اخواته واخوانه وهبالهم وهي تسمع له بأستمتاع وتضحك على هبالهم ماتدري ليه لفت وجهها على انها كانت مندمجه معه وطاحت عينها بعين مشاري وظاعت عن الدنيا وحتى فيصل غاب صوته عن اذانها
فيصل حس انها مسرحه ولف يطالع وش تطالع وشاف مشاري تنهد بقهر وهو يقول بهمس بينه وبين نفسه: انا كنت حاس وعارف<<قال بصوت مسمو�

12 - 9 - 2014, 05:57 PM

فيصل حس انها مسرحه ولف يطالع وش تطالع وشاف مشاري تنهد بقهر وهو يقول بهمس بينه وبين نفسه: انا كنت حاس وعارف<<قال بصوت مسموع وهو يطالع شموخ بأبتسامه:شوشو وين رحتي
شموخ حست على نفسها وطالعت فيه:معك معك
أما مشاري بدوره مشى بسرعه قبل يشوفه فيصل ويحس بشئ
شموخ طالعت فيصل وبعدها رجعت طالعت المكان اللي كان
فيه مشاري وقالت بقلبها:ليش يوم حسيت قلبي دق مره ثانيه لفيصل رجعت طلعت بوجهي
فيصل يهدي نفسه:شموخ اذا مو مرتاحه نمشي
شموخ ابتسمت:لا وليش ما ارتاح خلينا اصلاً ما كملنا اكل
فيصل:اوك بس يالله كولي عشان تسيرين كبيره
شموخ وهي تاكل وتضحك وتتناسى مشاري: هههههههه بيبي انا
فيصل:مهما تكبرين تبقين بعيني بيبي
**************************
يتبع

12 - 9 - 2014, 05:58 PM

************************************************** *******
عند مشاري جلس عند شجن وروحه وعقله وقلبه مو معاه مع شموخ وبس
شجن قالت بهدوء:مشاري
مشاري طالعها بتوهان:نعم
شجن:ممم ما عجبك المطعم
مشاري حاول يتناسى شموخ ويفوق من عالمها:لا بالعكس بس عجبني الرجال اللي مسوي لخطيبته بالونات
شجن بحيا وعفويه:أنشالله لا خطبتني بتسوي لي كذا
مشاري ببتسامة فرحه:أخطبك
شجن بحيا وهي تبعد عن نضرارته:انا فكرت انك بتتخرج ومن يوم جيت هنا ماقصرت معي بمره لا احتجتك بجنبي
ولابغيت اي شئ انت اول من يسويه وقفت جنبي وعرفتني على شلتك بالوقت اللي كنت فيه وحيده داويتني بالوقت اللي كنت
فيه مجروحه تحملت نفسيتي وجبرت كسري يوم مات خطيبي وجا الوقت اللي اسعدك فيه ادري مهما سويت ما أوفي حقك بس انا
بفضل الله ثم فضلك قدرت اتغلب على فقدان ماهر مشاري انا اليوم ما اقولك اخطبني انا اليوم جايه اخطبك<<وبحيا اكثر:بصراحه قلت لأهلي
انه فيه واحد بيتقدم لي
مشاري تنح ومايدري ليش حس انها صغرت بعينه كلامها جرئ مو هذي البنت اللي عرفها وتعود عليها كيف يعني تخطبه بس بنفس الوقت حس انه يبي اي شئ ينسيه شموخ
قال بجديه استغربتها:الموضوع ما يجي كذا خبط لصق لازم اكلم اهلي قبل
************************************************** ***************************************
السعوديه الساعه 8 العشا بيت ابو ريم تحديداً الصاله
رميم بتوتر:يما ما ابي ادخل للحريم احس شكلي
ام ريم قاطعتها :/ : شكلك مافيه شي يابنتي تهبلين والله تهبلين
رميم وهي تطالع نفسها بالمرايه لأخر مره وتتوكل على الله وتدخل<<كانت
كانت حاطه قلوس ناعم ومسكره وبلسر كان شكلها قمه بالنعومه فتحت شعرها اللي غطا ظهراها وهي مسويته كيرلي بالفير كان شكلها روعه
دخلت عند اهل حمد واول ماشافتها ام حمد قالت:اللهم صلي على النبي قمر مشالله

12 - 9 - 2014, 05:59 PM

غيداء اخت حمد الصغيره وهي تدق اختها غدي:تجنن صح ماتوقعتها كذا
غدي اخت حمد الكبيره:ايه مشالله
سلمت رميم عليهم بتوتر والأبتسامه على شفاتها حست براحه كبيره لهم وهذي الراحه لحالها تغني عن اي شي ثاني
جلسو سواليف واهل حمد يسألونها بمجال دراستها وكل شئ وهي مرتاحه وتسولف الين جا ابو ريم ينادي:يا ام ريم
حست رميم بأن بطنها يتقطع من المغص لمن سمعته يقول:خلي رميم تجي
رميم قامت لعند الباب لين غابت عن نضر اهل حمد وبدو يسحبونها لجوه وهي ترجف دخلت عنده كان يسولف مع عمها
ومشغولين بالسواليف والضحك طالعته بسرعه وتنحت وهي تقول بقلبها:يخخخخخخرب بيتك اللي لسه بينبني ايه القمال ده يالهوي
لمن رفع عينه لها بعد ما انتبه لوجودهم اما هي نزلت عينها بسرعه وكملت حياها وجا دوره يتنح ابو ريم وابو سيف طلعوا وهم يقولون:نتركم شوي لحالكم
اول ما طلعو نقز حمد جنبها وهو يطالعها انسحر بكل شئ فيها جسمها شكلها شعرها قال بهدوء:طالعيني
رفعت عينها بس نزلتهم بسرعه لأنه كان مره قريب منها قال ببتسامه:مثل القمر مشالله
رميم حمر وجهها وجت بتقوم بس مسك ايدها وهي واقفه وقال بثقه:لي او منتي لي شعرك لا يلمسه مقص
رميم لفت تطالعه جررررئ حست بحر فضيع وقالت بهدوء:اوك
ترك يدها حمد وهو يقول:اقابلك بالملكه
رميم مشت بخطوات سريعه لبره اما هو رجع لمكانه وقفت وتكت على الباب وايدها على قلبها: وش هالجرأه
طلعت رميم لغرفتها وتفكيرها بجرأة حمد أول مره تحس انها تحب شعرها لقت البنات بغرفتها
مايا اول ما دخلت رميم:كللللللللللللللللللللللللللللوش
ريم وهي تسد فمها:وجعاه فضحتينا
رفيف خلينا نفرح: كللللللللللللللللللللللللوش
ريم نطت على رفيف وهي تسد فمها: بس
البنات قامو يعاندونها وزغرطو سوا:كلللللللللللللللللللللوش
ريم انقهرت منهم:طيب يا زقات كلللللللللللللللللللللللللللللللللللوش
البنات:ههههههههههههههههههههههه
سحاب وهي تنط وتحظن رميم اللي مو مستوعبه وجود البنات:رميموه وين رحتي يا ويلييي ويلاااه ظاعت البنت من أيديننا
مايا:شكله المعرس مز صح <<وهي تركض للطاقه تطالع ولحقوها البنات
أفياء اللي جالسه على جنب وتستمع لهم بصمت مدت جوالها لهم: ما يحتاج تلصقون بالطاقه هذا هو
ركضت بهاللحضه رميم واخذت الجوال وهي تطلع حرتها من القز اللي قزها اياه ماخلت فيه شي
قربت على عيونه عين عين وخشمه وفمه وكل شئ
سحاب:هههههههههههه وش تسوين
رميم بئابتسامة نذاله:أطلع حرتي الحمار قزني قز فديته
البنات:ههههههههههههههههههههههه
دانيا:بعد انتي وش هالشخلعه يحق له يقر<<وهي تغمز:ويخق بعد
رميم وهي ترمي عليها المخده:حماااره والله مو مشخلع بعدين كل ستايل ملابسي تسذا
داليا:هههه خلاص وجعاه حزنتيني
دانيا:بنات ماناقصنا غير ش�

12 - 9 - 2014, 05:59 PM

دانيا:بنات ماناقصنا غير شوشو واثير والله
مايا بأبتسامه:الثنتين غرقانات بالعسل
سحاب:الا بنات كيف تتخيلون شكل شوشو بعد ما نحفت الحماره مي راضيه ترسل لي صورتها تقول مفاجعه
مايا بقهر:ومين سمعك انا تركض بقلبي دوده من اللقافه قال ايش قال مفاجئه
افياء اللي تغيرت للأحسن بعد خطبة شموخ واللكل لاحظ:من سالفه لسالفه وضاع الموضوع الأساسي رميموه وش سار بالشوفه
رميم رجعت استحت وبدت تحكيهم:بنات مرره جرئ تخيلو ....... واستمرت تحكي والبنات يخجلونها
************************************************** *******************************
مر اليوم على خير على كل ابطالنا وطلعت شمس جديده تعلن يوم جديد بأحداث جديده

نايف اثير اليوم رجعتهم من شهر العسل
اثير وهي ترتب الملابس بالشنط جاها نايف من وراها وضمها:يسعد لي المندمجين ياناس
اثير لفت له وباست خده:واللي يمسكون ملابس نيوفي وسلون مايندمجون
نايف:يالبيه انا كل ما اقولك كلمه تردينها بعشره احلى
اثير:وكله من حلاك وحلا كلامك سار كلامي مثلك
نايف وهو يلفها له ويضمها:الله لايحرمني منك يا عيون وقلب نايف
اثير بحب:ولاكنك يا روح وقلب اثير
نايف وخو يحك شعره بأصباع:ماودك نمدد شهر بعد
اثير:هههههههههههههه
************************************************** *************
سحاب&شموخ
سحاب:شمووووخ مو على كيفك ارسلي صوره وحده
شموخ:لاااااا يعني لاااااا مفاجئه وترا مابقى الا كم يوم وادخل المستشفى يعني انتضري
سحاب:ما ابي ما ابي ما ابي ترا بقول لوليد يصورك
شموخ تذكرت مشاري بس نفضته عن افكارها بسرعه:اذا لقاني وليد انا بعطيه صوره لي يرسلها ههههه
سحاب بقهر:حرام عليك ختى ميوشه فيه بقلبها دودة اللقافه
شموخ:هههههههههههههههههههههههه
سحاب:شمووووووووخ لاتضحكين
شموخ:ههههههههههه ماتوقعتكم ملاقيف كذا
سحاب:عاد خابت توقعاتك وطلعنا ملاقيف يالله ارسلي
شموخ بتنرفزها:سحوبه تبين ارسل لك صوره
سحاب بحماس:ايوووه
شموخ بنذاله وضحك:لاااااااااااااااااااااا
سحاب انقهرت:كولي زق
شموخ:كبير ولا صغير
سحاب بنرفزه:انتي وش صايبك اليوم
شموخ:الفلونزا الخنازير
سحاب:شموخ انا بقفل نرفزتيني
شموخ بضحك:وهذا المطلوب هههههه
سحاب قفلت اما شموخ انفجرت ضحك
************************************************** *********************
شموخ كانت تتمشى خارج الشقق كانت مبسوطه بعد مكالمتها سحاب ولمحت الشئ اللي خلا دموعها
تنزل مثل السيل وهي تقول : مو معقول ..... يسوي كذا

يالله طولت لكم البارت ابي تفاعل يرضيني عشان نطول البارت الجاي بعد

12 - 9 - 2014, 06:00 PM

هاااي بصراحه كنت ناويه انزل البارت بالليل لأنه ماخلص بس يوم شفت تفاعلكم بطلت وقعدت اعصر بمخي وطلع البارت الخامس عشر
v
v
شموخ كانت تتمشى خارج الشقق كانت مبسوطه بعد مكالمتها سحاب ولمحت الشئ اللي خلا دموعها
تنزل مثل السيل وهي تقول: مو معقول مشاري يسوي كذا
مشاري كان ماشي مع شجن وايده على خصرها حست شموخ بقلبها يتقطع مو هذا الأنسان اللي حبته
مشاري مايسوي كذا بس هذي شجن يعني هو مشاري
عند مشاري كان يحاول يختبر شجن وكان كل ماله ينصدم فيها اكثر واكثر كان يضحك ويسولف لين طاحت عينه بعين شموخ
اللي مليانه دموع وكانت تسد شهقتها بأنها حاطه ايدينها على فمها مشاري بس شاف شموخ على طول ابعد ايده
وهو يطالعها بتبرير اما شموخ لفت وعطتهم ضهرها وهي تمسح دموعها وتقول:مايستاهل دموعك يا شموخ مايستاهل <<ومع كل كلمه كانت شهقاتها تتزايد
وصلت لعند الباب اللي يدخل على الشقق وقفت وهي تمسك قلبها من الألم ودموعها تتزايد وشهقاتها تعلى وهي تغطي وجهها بيدينها
اما مشاري لحقها وهو يناديها بعد ما استوعب بس للأسف اختفت عن نضره ضرب الجدار اللي كان جنبه بكل قهر:والله مني كذا لاتفهمين غلط يا قلبي تكفين

أبشرك قلبي نسى طعم الآلام..
نموت ولكن ماتموت الكرامة..
دامك نويت الصد فالوعد قدام..
من يومنا حتى تقوم القيامة..
ياللي تقول في غيبتك حدي أيام ويرد قلبي يشتكي من غرامه..
بهديك للهجران عام ورا عام لاعاش راسي لو رجع في كلامه..
أبشرك قلبي نسى طعم الآلام..
نموت ولكن ماتموت الكرامة..
دامك نويت الصد فالوعد قدام..
من يومنا حتى تقوم القيامة..
لي قلب به جنة وبه ساحة إعدام كلن نحطه وين نعرف مقامه..
ولا أنت عادي لو رمى رمشك سهام يرمي ولكن صعب يبلغ مرامه..
حولي قلوب كلها حب وهيام وأعرف حلال الحب وأعرف حرامه..
يوم قلبي يتمنى وصالي ولا رام يوم قلبي ينسج في الخفوق إحترامه..
أبشرك قلبي نسى طعم الآلام..
نموت ولكن ماتموت الكرامة..
دامك نويت الصد فالوعد قدام..
من يومنا حتى تقوم القيامة..

12 - 9 - 2014, 06:00 PM

الفرق مابين الحقيقة والأحلام مثل المدى بين السما والغمامة..
غيرك في قلبي حط له بصمة إبهام حاز الغلا كله وحاز إهتمامه..
مشاعري له في حرم قلبي إزحام من زود حسنه والحلا والوسامة..
أما أنت حبك مات في ساحة إعدام وإرتاح قلبي من جفاه وغرامه..
أبشرك قلبي نسى طعم الآلام..
نموت ولكن ماتموت الكرامة..
دامك نويت الصد فالوعد قدام..
من يومنا حتى تقوم القيامة..
************************************************** **************
بعد يومين بيت ابو سيف
ابو سيف جالس بالصاله وهو يشرب قهوه ويقرا جرايد جته الشغاله
الشغاله:بابا هدا مدام منال يجي عند الباب يبقى يشوف انتا
ابو سيف طفش من هالوضع اللي من يوم طردها من البيت:خليها تنقلع لا أنادي الشرطه تقلعها
الشغاله وهي تهز راسها:جين الهين انا يقول << زين الحين انا اقولها
ابو سيف كمل يقرا جريدته اما الشغاله توجهت تقول لمنال بس قبل توصل الباب دخل سيف وبجنبه منال اللي باين على
شكلها انها مكسوره وتعبانه منال وعيونها بالأرض:سيف ليش تعاملني بطيب بمقابل اللي سويته فيك وبأختك واخوك
سيف ابتسم:لاتفهميني غلط بس انا اقول العشره ماتهون الا على عيال الحرام وانا مو ولد حرام وامي وابوي ربونا على هالمبدئ
الواحد له ثلاث فرص يايستغلها يايسير فيه اللي سار فيك وانتي ما اخذتي غير فرصه واستغليتيها غلط عموماً فكري كيف تراضين ابوي
وتثبتين له انك تغيرتي انا دخلتك هنا وهذا اللي اقدر عليه
منال ابتسمت بامتنان:مشكور ياسيف ماقصرت
************************************************** ************************************************** ********************
المانيا تحديداً شقت شموخ
قامت من النوم وحست بألم يقطع بطنها سارت تبكي وماتدري وش تسوي
اول شي جا ببالها مشاري ونست اللي سار وكأنها ماتعرف احد بالدنيا غيره تسحبت للتلفون ومسكته
بعد ما رمت نفسها على الكنب وهي تظغط رقمه اللي حافظته عن ظهر غيب ثواني ووصلها صوته الرجولي بأستغراب انها متصله:الووو
شموخ وصوتها كله بكى وبان فيه الألم:مشاري الحـ قني بـ بـ طني
مشاري بخوف بان على صوته:شموخ شموخ يا قلبي انتي وين طيب
شموخ بصوت متقطع:انـ ا بشـ قتي
مشاري بحنان:تحملي يا قلبي ثواني واناعندك<<كان كل تفكيره شموخ وانقهر من فيصل اللي اخذها على اساس يهتم فيها واهملها

12 - 9 - 2014, 06:01 PM

عند فيصل كان توه طالع من شقته طالع شقتها ببتسامه وهو يقول:ليش ما أعزمها على الغدا اصلن اشتقت لها
طق الباب مره واثنين وثلاث بس بدون اجابه طبعاً هو بدوره خاف عليها وراح لشقته بسرعه وجاب المفتاح الأحتياطي لشقتها فتح الباب بسرعه وشافها على الكنبه
منسدحه وتون من الألم وشعرها متناثر حولها ووجهها معرق وشكلها يهز جبل كثر ماهو يحزن قرب منها بسرعه وضمها وهو يقول:شموخ حبيبتي فيك شئ ليش انتي معرقه كذا شوشو قلبي ردي علي
شموخ والدموع تملا وجهها:فيـ فيصل بطنييييييييي ابي مستشفى
فيصل حظنها اكثر منعاً لأحراجها بالسؤال اللي بيسأله:شوشو انتي آآآ عندك العاده الشهريه
شموخ من بين المها انحررررجججت مرررره وهي تهز راسها بالأيجاب وهي تغطي عيونها بكفوف ايدينها الصغيره
تحرك مشاري اللي عند الباب وشاف كل شئ من البدايه وسحب فيصل من بلوزته وعطاه بكس طيح فيصل بالأرض وقال بقهر وغيره ذبحته:أنت أنت كيف تحظنها كذا وهي مو محرم لك أنت اللي عمي قال انك كفو تهتم ببنته
انا باخذها البيت اليوم انت ماتتأمن عليها <<كان حاس انه يبي اي غلطه من فيصل عشان يرجعها البيت معه لأنه فعلاً فقدها
فيصل وهو يقوم من الأرض طالعه ببرود:انت وش جابك هنا ؟
مشاري انقهر من بروده وقابله ببرود اكثر:ليش انقهرت اني كشفتك على حقيقتك وكشفت نواياك
فيصل عصب من كلامه:ثمن كلامك شموخ خطيبتي وبتسير زوجتي عن قريب وابوها شالها من ذمتك فروح يابابا وارجع اللعب بين البنات مثل قبل ما تشوف ان كذا احسن لك واترك هالبنت بحالها
شموخ قامت وهي تترنح بالمشي طاح شعرها الحريري على كتوفها وغطى ظهرها كله
وقالت بتعب وشوي صراخ:خلااااص ارحموني احد فيك يوديني المستشفى
فيصل طنش مشاري واخذ شرشف وبسرعه وحطه على راسها وهو يضمه ويدخلها غرفتها قال بحنان الدنيا كله:شوشو ياقلبي ارتاحي هنا شوي وانا الحين بسوي لك علاج طبيعي تعلمته من امي تسويه لأخواتي أحسن لك من المستشفيات والأدويه والخرابيط
ظحكت شموخ من بين المها وقالت بهمس:مشكور فيصل
************************************************** ************************************************** ****
عند مشاري يحس انه بيموت كل ماشاف فيصل يلمس شموخ بدون أي صد منها جا براسه تفكير:معقول تكون حبت فيصل ونستني<<نفض هالفكره من راسه وهو يقول
مستحيل انسان يحب بأسبوع ضحك بأستهزاء على نفسه وهو يقول:لاطبعاً معقول ولا كيف حبتني وحبيتها بهذي الفتره الصغيره تنهد بقهر وهو يقول:ربِ اشرح لي صدري ويسر لي امري
************************************************** ************************************************** ************************************************** **********

المواضيع المتشابهه لموضوع: رواية قول احبك واترك الدنيا لعيونك لموضوع: رواية قول احبك واترك الدنيا لعيونك
الموضوع	كاتب الموضوع	المنتدى	مشاركات	آخر مشاركة
رواية شياطين تدوس الارواح واو احلا رواية قريتها	البارونة	همس للقصص وحكايات وروايات	12	24 - 12 - 2024 01:34 PM
رواية قلت احبك قالت حب انتقام ولا تملك قلت ليه هو الحب عندك انواع	البارونة	همس للقصص وحكايات وروايات	140	27 - 10 - 2024 08:32 AM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
رواية جيت اقول اني احبك شفت عينك واستحيت	نظرهـ خجولهـ	همس للقصص وحكايات وروايات	14	14 - 4 - 2012 08:49 AM

الذين يشاهدون محتوى الموضوع الآن : 7 ( الأعضاء 0 والزوار 7)

الأعضاء الذين قاموا بتقييم هذا الموضوع : 1