رواية مجنونة وعاشق اجن - الصفحة 3

22 - 9 - 2014, 08:35 AM

حتى ابو خالد على باله ان كل هذا من محل أبوهم
بو بندر توتر: ايش قصدك؟
فهد: قصدي واضح
المعنى يا بو بندر ان أكون صاحب بوفيات ولا أكون صبي فيها
الكل:؟؟؟؟؟
لكن الكل صدمة عمره
&
&
&
&
&
بو بندر أعطه فهد هذاك الكف اللي الكل شهقوا منه
بو بندر:منيب ولدك تكلمني بهذا الأسلوب
فهد المصدوم طلع من الغرفة
إلا طلع من القصر وشغل مسجلته*ابسكت يا بحر وامشي واخلي ضيقك........*
كل الغرفة هدوء تام
بو بندر تمنى تنقطع أيده لكن احترام الأب واجب مهما كان وكان أسلوب
فهد منرفز بقوه: وأنت يا أستاذ بندر لايكون على بالك الشركة شركتك
تجي مثل ما حبية وتطلع متى ما حبية
بكره 7 أنت موجود فاهم؟
بندر ماله خلق يتكلم واضح أنه مصدوم: ان شاء الله يبه
عن أذنكم طلع وحاول يتصل على فهد
بالغرفة
رياض لأبوه: يبه طلبتك
بو بندر: خير ياولد؟
رياض فهد صـ.....
قاطعه بو بندر: انتهى الموضوع وأنت ماتدخل ايش اللي دخلك هالحين؟
رياض هز راسه وطلع يشوف فهد وبندر
طلال وهو عارف أن قلب رياض
مايتحمل هموم وأكيد تأثر على فهد وخاص3ة ان فهد عطاه
قصة حب رياض لنجلاء
:يبه؟
بو بندر: نعم ليه مالحقت إخوانك؟
طلال: رياض تعبان نفسيا أتمنى نروح لبيت الله *المدينة المنورة*
يمكن نغير جو ونريح اشوي من أعصابنا

22 - 9 - 2014, 08:37 AM

بو بندر عجبته الفكرة: لايكون أعصابك مشدودة ههه؟
طلال :كللللللللللوش
بو بندر يبتسم بوجهي نو وي تراني مو رياض ولا بندر ذراعك اليمين
والله اكتبها بمذكراتي
بو بندر: شعنده الأخ مسوي له مذكرات
طلال : لا أكيد صاير في الكون شي ها شارون صحي من الغيبوبة ولا شسالفه؟
بو بندر: وإذا يعني أنت مو بندر ولا رياض حالك حالهم ولدي من لحمي ودمي
طلال : يبه أنت علاقتك برياض واضحة لأنه أخر العقود إما بندر ذراعك
وأنا وفهد عندك مممم سكت<<< مايبي يخرب مزاج أبوه
بو بندر فهم عليه:لا يا طلال والله يشهد علي أنك الغالي وأنت اللي تروقني
من ضغط الشغل و..و...
وعلى فكره أنا معجب بفهد أكثر واحد فيكم

بهذي اللحظة....... رجع فهد للقصر بسبب اتصالات بندر ورياض عليه وسمع
اسمه من الغرفة لأنها كانت قريبه من السلم(الدرج)
وقف...
بو بندر يكمل:أقوى واحد فيكم من الناحية العاطفية والحساسية كلامي عنه وتصرفاتي
معاه على بوفياته أقصد فيها أنه يتحمل ويصمد على اللي يبيه لو أنا ما أبيه يعتمد على نفسه
كان ما عطيته 200الف ريال على مشروعه صح ولا لا؟
بالعكس طريقة فهد تعجبني بالتفكير وهو ذكي مره إما اهتمامي ببندر مو لأنه ذراعي اليمين
لأنه ولدي الكبير وما أبيه يحس أنه كرته طاح مثل مايقولون
أبي ثقته بنفسه وتحملاته للمسؤولية تكبر لأني مجرب شعور الأخ الكبير والمفروض الضوء يسلط عليه هو لأني لو مت ماراح يهتم لأمركم إلا هو لأنه الكبير وهو سندكم بعدي
إما رياض فهوا محتاجنا كلنا لأنه مريض ولازم توقف معاه أهم شي الظروف اللي حوله علشان يشفى
ادعي له يا طلال.....

طلال:يومي قبل يومك يبه

فهد*الله يطول لنا بعمرك يبه*

بو بندر: أتركني أكمل بندر لازم يحس أنه أبوه مهتم بأموركم ويعرف كل صغيره وكبيره عنكم علشان إذا الله أخذ أمانتي يتبع مسيرتي معاكم كأني موجود

وقف طلال وضم أبوه الله يخليك لنا يا أغلى وأحلى أب في الدنيا
وباس راسه

دخل فهد : ابعد عن بابي وخر طلال عن أبوه وضمه فهد والله إني احبك يا أحلى بو بندر..

22 - 9 - 2014, 08:38 AM

بو بندر بسرعة:لا لا لا أنا بشيــ....... ما كمل كلامه >>>حس بنفسه
طلال وفهد:هههههههههههههه
بو بندر يسوي روحه معصب: ضف وجهك أنت معه الشره علي اللي معطيكم وجه
فهد يغمز لطلال: الظاهر بو بندر من جده يبي يشيل مامتنا
ياويل حالي وين الغيرة على مامتك ههههههه
طلال: خخخ خلاص فهد أبونا استحى ههه
بو بندر وقف من الكنب وسحبهم لبره الغرفة وهم منفجرين ضحك
واتجهوا لغرفة فهد اللي كان رياض وبندر هناك ينضرونه...
وقالوا لهم عن اللي قاله أبوهم عنهم إلا رياض قالوا يقول أبونا لأنه أخر العنقود وحنون....الخ

<<<يعني ماقالوا بسبب مرضه

ـــــــــــــــــــــــــــــ
ــــــــــــــــــــــــــــــــ
في يوم الخميس بالدمام....
مشاعل: يلا بسرعة يمه أخرتينا.
أم حسن يلا يلا هذا جيت. ياليت على الأقل نأخذ سارة وجمانه معنا مساكين أكسروا خاطري بقوه..
مشاعل: يمه كل سفراتنا كانوا معنا جات على هذي نبي نسافر لحالنا ايش هذه أللصقه

ياسر: أستغفر الله متى ناوين تخلصوا أن شاء الله بكره
إذا مشي الباص عنكم والله ما أروح أدور لكم باص ثاني هذا انا قلت لكم اوك
ولاني رايح اوكي
مشاعل: ههههاي غصب عنك تروح الأخ حسن كله مشغول ومحمد مايعرف يمشي مثل العالم والناس إما أحمد حده الحرم واجد عليه مايدل شي ما في إلا أنت مع وجهك
ياسر: ما شاء الله من الحين مصالح
مشاعل: ههههههه يلا ركبت السيارة نادي الوالدة إذا ما عليك أمر..
وركبت أم حسن: السلام عليكم
مشاعل وياسر: وعليكم السلام
واتجهوا للباص إلي من زمان راحوا حسن ومحمد وأحمد أبوهم وركبوه

22 - 9 - 2014, 08:39 AM

فــــــــي المطار بالريــــــــــــــــــاض
خالد : بندروه الناس تسافر ماليزيا إيطاليا البرازيل
على الأقل اللي ماعنده مصر وحنا رايحين للمدينة خخخخخخ
لو أنتم لحالكم أو حنا لحالنا قلنا اوكي لكن العيله كلها رايحه ههههههه
بندر: خويلد أرحمنا من تعليقاتك الماصخه وبعدين هذا بيت الله الناس تجي من كل البلدان علشان المدينة ومكة وأنت جالس تعلق وتطنز مع وجهك أستح..
خالد أكتفي بالابتسامة
نداء رحلة الـــ........<<<نداء رحلتهم للمدينة المنورة
بندر أتجه لأهله: كيف الحال ندو ونجو
ندى ونجلاء: بخير
بندر ناوي على نجلاء يحرق قلبها مثل ما حرقة قلبه على أخوه: كيف حالك نجوله
نشوف ندو بس أنتي لاحس ولا خبر يعني كيف ما أشقتي لي قصدي لنا؟
نجلاء احمر وجها: اوكي أجي أن شاء الله
جات نواره : يلا خالتو
سكت بندر كل شي إلا نواره *لازم أنفذ خطتي بعيد عنها هذه الأصل وهي الحب اول وأخر حب لاتفهم غلط وان شاء الله نجو ما تخبر حد باللي يصير فيها ههه*
ركبوا الطائرة بندر ماقصر من التحيا والإشارات لنواره ونجلاء<<<<<<ههه أخر مرره

ـــــــــــــــــــــــــــــــ
انتهى الجزء الثاني
نشوف تفاعلكم تالي اكمل

22 - 9 - 2014, 08:39 AM

تــــــــــــــــابع
الجزء
الثالث
ــــــــــــــــــــــــــــــــــــــــــــــــ
بأجواء لا تختلف عن أجواء الطائرة بالباص الموجود به عائلة بوحسن
مشاعل: يييييه متى نوصل يمه؟
أم حسن: للحين توه الناس
مشاعل تشهق: جد؟
أم حسن: ايوه جد ما حد قال لك ماتجيبين معك بنات خالتك كان الحين سلوك بالطريق
مشاعل تتذكر أحداث اللي صارت ** نزلت مشاعل:خالتوو عندي لك شي خطير
أم علي:اهمم قولي هذا حنا جالسين ايش ورانا؟
مشاعل بكذب وخبث: سمعت أمي تقول لأبوي : هذي الأخت لزقه لحاقه هي وبناتها دايم يلحقونا بس ما ألومهم
أبوهم تاجر مخدرات وأخوهم من بلده غربيه إلى بلده و..........الخ
أم علي((فضة)): أمك قالت كذا الجوهرة قالت عن زوجي وولدي كذا قالت أنه تاجر مخدرات وأن ولدي ينتقل من بلد لبلد وأني مع بناتي ألصق فيها؟

مشاعل بخبث : معليش يا خالتي أكيد كانت معصبه أو متضايقة ورن جوال
مشاعل وكان ياسر يقول لها: طلعي "أنا بره
شافت سارة وجمانة لابسات وكانوا متحمسات بقووه
أنقهرت على اللي سوته جد مالهم ذنب
أم علي لبناتها: يلا ما في روحه
سارة وجمانة:؟؟؟؟؟؟؟؟؟؟؟؟
أم علي : يلا رجعوا شنطكم ايش تنتظرون؟
سارة: يمه تمزحين؟
أم علي عطت سارة كف علشان ما تتكلم معها بالطريقة هذه
وهذا شي عاديا متعودين عليه الضرب القسوة عدم الحنان.............الخ
دخلوا سارة وجمانه ***
أم حسن: هي أنتي؟ مشاعل مشاعلوه ووجع إبليس

22 - 9 - 2014, 08:40 AM

مشاعل: هااا نعم نعم يمه؟
أم حسن:صار لك ساعة تفكرين ؟ وجوالك ما سكت
مشاعل سمعت طاري جوالها: جوالي
مسكت شنطتها وطلعت الجوال كانت أربع رسائل
الأول((من محمد))& هلا أصحاب الكهف حبيبي جمانه ماجات عسى خير؟&
الثانية((من محمد))&ردي لأفقع عينك&
الثالثة((من ابتهال))*ابتهال صديقة وبنت خالة مشاعل أمها أخت أم علي وأم حسن أم مشاعل وأسمها:ألماس عندها بنت وولد وزوجها مات من كم سنة الولد أسمه فيصل عمره 27 أعزب والبنت ابتهال ويسموها بهلول خخخ ساكنين بالرياض<<نبذة عنها*
&هاي مشاعل اشتقت لك كثيرررررررر وعلى فكرة أنا بالطريق إلى الدمام &
الرابعة((من حسن))&مشاعل ليه متضايقه؟؟&
مشاعل * يا بعد عمري حسونة جد أخ بمعنى الكلمة الله يخليك لنا يا أخوي *
: يمه خالتي ألماس بتجينا بالدمام جد قهر
أم حسن:يؤ يؤ لو أدري كان مافكرت أروح للمدينة
مشاعل: يمه ليه إذا رحنا للمدينة ما نروح للرياض ترى نمر عليها ؟
أم حسن : ايوه أكيد أنا مخططه على هذا الشي
مشاعل من جد فرحها الخبر : يس
تتصل مشاعل على ابتهال وتقول لها حنا بطريق المدينة وبنجي لكم للرياض
وفرحها الخبر بقوه

22 - 9 - 2014, 08:41 AM

وصلوا أهل العالي للمدينة المنورة .................
رياض بجناحه : وربي يا فهد اللي مو جايع يصير جايع غصب عنه إذا ناظر وجهك
فهد: ههههههههههههه وربي جايع بقووه
رياض: أطلب لك يا أخي؟
فهد: مالي خلق أكل شي ههههههههه
رياض: إلا تعال ليه ماتسوي لك فرع من بوفيتك هنا ترى هنا زوار كثار خخخ
فهد: تتريق حضرتك؟
رياض: العذر و السموحة
فهد: لو سمحت لا تعيد هذه النوعية من المزح
رياض: طلباتك أوامر
فهد غصب عنك خخخ
رياض لا رد
فهد: رياض رض رض
شافه نام سابع نومه : مالت على اللي يسولف معك يالبزر
ـــــــــــــــــ
بجناح قريب من جناح فهد ورياض .................
خالد:ها بردت قلبك يا طلالوه وأجرت لك سيارة؟
طلال : ايوه
خالد: لو سمحت مو معناها أجار تستهين فيها ترى حنا شباب العالي بيض الوجه
طلال: والله حتى لو موديل 97 وعاجبتني بأخذها
خالد : ها ها ها
طلال: لا تنسى شعاري "*لا تموت وبخاطرك شي *"
بندر بسريره نايم و مو نايم : تصدق طلال شعارك أكشن
خالد: شدعوه فلم هندي ههههههههه
طلال: لا فلم سعودي
خالد: أكيد البطلة فار والبطل قطوه ههههههههه
والأكشن بالموضوع أن القطوه تحب الفار لكن لازم تأكلها لأنها جايعه
وكل القطاوه يتهاوشوا على الفار إلا أن جاءت الفأرة واعترفت للقطوه أنها تحبه
ويدافع عنها وانتهى الفلم ههه
طلال: خخخ ليه ما سمعت عن الفلم السعودي الأكشن
أسمه مممممم يحاول يتذكر : ايوه أسمه استنشاق الهاوية جد أكشن شفته عند فيصل ولد جيرانا
بندر : يالخاين ليه مانديتني أناظره معك؟
خالد بهدوء: لو سمحتم أبي هدوء لأني بنام وبكره من الصباح بروح للحرم بإذن الله...
بندر: أوكي سوري للإزعاج
خالد: لا رد
طلال طفئ الأنوار ونام الجميع

22 - 9 - 2014, 08:42 AM

في الصباح وصلوا الطرف الثاني عائلة الراليه
مشاعل تتمدد : وأخيرااااااا
أم حسن : تعبنا من الطريق يلا نزلوا يلا ركبوا أف
حسن يغمز لمشاعل: الحمد الله على السلامة
مشاعل : الله يسلمك يلا وين شقتنا بناااام
أم حسن مصدومة: حرام عليك طوال الطريق وأنتي نايمه ما شبعتي؟
مشاعل: بس تكسر ظهري
ياسر جاء: يلا شقتنا 404
أم حسن: كم غرفة فيها؟
ياسر: 3 غرف الكبيرة فيها 5 أسرة هذي لنا حنا الشباب
وغرفة صغيره الظاهر لخدامه نخلي مشاعل فيها وغرفة رئيسية وصالة يطل فيها المطبخ يعني نظام الأجانب

أم حسن عجبتها الشقة وجلسوا فيها
في غرفة الشباب
حسن منسدح بسريره النوم ذابحه: وين على الله؟
أحمد: حلفت أول ما أجي بروح للحرم أشوفه أنتم شفتوه العام أنا ما سافرت معاكم وأبي أشوفه
حسن غير اتجاه رأسه: أوكي لا تتأخر
أحمد: أوكي يلا باي

ــــــــــــــــــــــــــــــــــ
في الحرم
خالد: أنا الغلطان اللي أجي معاك ومع رياض أف
طلال: ذبحتنا يا أخي قال لك بروح وبرجع
خالد بعصبيه : ايوه صح صار له ساعة و ربع ما شفنا شي
طلال: هذا اهو صح؟
ويأشر على اللي كان لابس بنطال جينز برتقالي وتيشيرت ذهبي فيه كتابات باللون البني والأسود
طلال ضربه من ظهره يسوي نفسه ما عرفهم
التفت أحمد: خير إن شاء الله؟
طلال يناظر بخالد المبتسم
خالد :سوري لكن كنت تشبه أخ هذا ويأشر بعيونه لطلال
أحمد أستغرب هذا كيف يتكلم عربي شكله يا أمريكي يا تركي*كانت عيون خالد خضراء وشعره بني مائل للأحمر وبارز لون عيونه البلوزة الزيتية اللي بدون أكمام والبنطلون الخصر أسود وفيه رسمه غريبة ببنطلونه
وتفاجئ كثير بالوشم اللي على كتفه جد ما يخاف ربه
:لا عادي
خالد أبتسم: شكرا يلا طلال
لكن وقف رياض جنبهم : ما عرفتمونا؟
طلال: خخخ رياض ناظره من يشبه
دقائق مرت بسكوت أحمد ورياض أنصدموا من هذا الشبه الكبير بينهم
خالد: غلطنا على بالنا إنك أنت يلا بسرعة وربي بمشي أخرتوني أف
طلال يسحب رياض اللي مو راضي ينطق بكلمه لسانه شل وضربات قلبه بسرعة قويه خوفته أكثر
أحمد ما تحرك شبر من مكانه أنصدم من هذا التشابه نفس العيون العسلية نفس الشعر نفس الرشاقة لكن واضح أن أحمد أكبر منه

22 - 9 - 2014, 08:43 AM

أحمد: لو سمحت
التفت رياض أخيرا نطق:أنا؟
أحمد لا أنا خخخ ايوه أنت طلع جواله وكان قديم ((البانده*أو الدبدوب على مقولة البعض))
وقدمه اللي كأنه أجنبي : أبي صوره معه إذا ممكن
خالد: خير وليه الصورة تطل عليها قبل لا تنام
أحمد أنحرج لكن هذا أحمد: يمكن ليه وبعدين عادي أول مره أشوف أحد يشبهني بشكلي لهدرجة وحاب أوريه أخواني
رياض: مممم ايوه عادي
وقفوا جنب بعض** وقدم الجوال لطلال شكله هذا الأجنبي شايف نفسه بزيادة**
خالد تذكر موقف يستحيل ينساه**
رهف : يلا خالد
خالد: لا يعني لا أوكي لا
رهف طلعت دموع التماسيح: أ منك كل شي لا لا ليه على صورة؟
خالد: أنا مو أخوك أو زوجك تجمعين لك صور لي
رهف: لي مو لك يلا وافق
خالد زهق هذي تزن وما تزهق<<حنانه: أوكي صورة وحده بس
يتريق عليها: لا تنسي قبل لا تنامي تناظريها
رهف متعودة على الجفاء اللي عنده شافت أشخاص ما يحسون بس مثل خالد ما شافت عديم أحساس
وصورة معه كانوا واقفين نفس وقفة رياض وهذا اللي يشبهه **
طلال:أعرفك على نفسي : طلال العالي
أحمد يسمع كثير عن العائلة هذه وبالذات ياسر أخوه يتكلم عن شركاتهم وإنجازاتهم بفخر: تشرفت
أسمي أحمد الراليه
خالد كان ساهي لكن سمع أسم الراليه التفت عليه : أحمد ايش؟
أحمد الله يستر يعرف عن عمي تاجر المخدرات أكيد هذولا مثلهم ولا كيف صاروا كذا؟ : الراليه
خالد: أها الراليه ومد أيده: معك خالد العالي وأبتسم بخبث
أحمد: يعني أنت مو أجنبي؟؟؟؟؟؟؟؟؟؟
طلال ورياض: ههههههههههههههههههههه
خالد: لا مو أجنبي جدتي أجنبيه علشان كذا تشوف فيه عرق أجنبي بشكلي
وأبتسم
أحمد رد ابتسامته: يلا مشكورين أستأذن أصلي
طلال: مع السلامة
وكلا مشى بطريق
ــــــــــــــ

22 - 9 - 2014, 08:45 AM

بعد الصلاة.....................
خالد: عازمكم على مطعم مع أنكم ما تستاهلون
طلال: دايم نحس بالمذلة قدامك
خالد: ههههههههه
رياض: شباب هذا متجه نحونا ولا؟
طلال: ايوه صح
جاء الرجل وكان من عامة الناس
: السلام عليكم ورحمة الله وبركاته
طلال حك شعره : وعليكم السلام يلا أنا أمشي
خالد ورياض يناظرونه يعني مالك داعي أجلس
الرجل: أعرفكم على نفسي :عبد الرحمن الـ....
بصراحة يا أخي أنا لا أكلمك على ملابسك أبدا
خالد ورياض وطلال كلا يناظر بلبس الثاني من يقصد هذا
<<<<<<أنحرجوا من أنفسهم هذا بيت الله والمفروض يلبسوا ثوب وشماغ
عبد الرحمن يتكلم: أنا مالي علاقة لكن انصدمت بأن في شخص يعرض في بيت الله الحرام الوشم هذا اللي على كتفك
رياض وطلال يناظروا بخالد اللي أنحرج بقووه ما كان قصده كذا ولا جاء بباله
خالد يرقع السالفة: أحم أنا والدتي أمريكية من أنا صغير أنحرمت من أبوي
وما كنت أفرق بين الحلال والحرام بعد ما كبرت وصرت رجال كان عمر 22سنه وشمت وبعدها رجعت إلى وطني الأصلي وطن أبوي وما حد كلمني على الوشم وأنا ما عرفت الحكم الشرعي إلا منك
طلال ورياض أنصب عليهم مويه باردة له قدرة فضيعه للتمثيل مو صاحي
وايش هالقصة اللي مطلعها واصلا أبوه صارخ عليه على هالوشم لأنه لو كان بسيط تغاضوا عنه لكن هذا كل كتفه تقريبا وألوان مو لون أو لونين
عبد الرحمن : لا ألومك الله يهدي سرك وأعتذر إذا غلطت عليك
خالد بسعة صدر: لا أبدا
بس راح عبد الرحمن
طلال ورياض: ههههههههههههههههههههههههه
ههههههههه ههههههههه
هههههههههههههههههههههههههههههههههههههههههههههههههه هههه

المواضيع المتشابهه لموضوع: رواية مجنونة وعاشق اجن لموضوع: رواية مجنونة وعاشق اجن
الموضوع	كاتب الموضوع	المنتدى	مشاركات	آخر مشاركة
رواية شياطين تدوس الارواح واو احلا رواية قريتها	البارونة	همس للقصص وحكايات وروايات	12	24 - 12 - 2024 01:34 PM
مجنونة نا بك	حنين الأشواق	همس عذب الكلام والخواطر المنقوله	5	22 - 2 - 2023 03:29 PM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
هل نا مجنونة	مزيونة الخليج	همس الشعر والقوافي	9	25 - 9 - 2012 01:10 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع