رواية مجنونة وعاشق اجن

22 - 9 - 2014, 09:27 PM

ريم : أنت وسخ مهما كان مراح ينفع معك الكلام اللي راح أقوله لكن حبيت أقولك أن الله

يمهل

ولا

يهمل
والله ما يسكر بوجه حد بوابة رحمته والتفت للنافذة ما تدري ليه جاء ببالها تقول كذا وما تدري كيف طلع صوتها
:::::::::::
بفيلة أم نواره.....
بو خالد: لا حول ولا قوة إلا بالله أهدي الله يهديك بنتك أخرتها بترجع لك
أم نواره ببكاء يقطع القلب: صارت الساعة 6 ولا حصلناها الله معك ياحبيبتي وينك هالحين يالغاليه وينك يالغاليه آه يا بنتي آه عليك يابنتي
رنيم بغرفتها وتبكي بقهر من كلام مشاعل اللي يجرح
مشاعل: طول عمرك مبزره وما تعرفي وين الله حاطك فيه شفتي كيف رحتي ببرود عن أختك وتقول وتتكلم بدلع ماصخ ولا مدلي وين ليم ((والله مدري وين ريم))
رنيم : مشاعل انقلعي بره وربي حرام علييييك جعل الله يحرق قلبك ويجي اليوم اللي أقول لك كذا
ما تدري مشاعل من وين تذكرت هذه الجملة**دعوة المظلوم مستجابة هذه ثانية دعوه تقولها لها رنيم من صميم قلبها ** وبخوف:لا تدعي علي وراحت لها لا تدعي علي قلت لك
رنيم بكت: مشاعلوه حرام عليك أنا فيك وإلا في أختي
مشاعل أنكسر خاطرها يكفي طلال يوم يصرخ عليها وأشوي ويذبحها شافت طلال معصب بس أول مره تشوفه كذا لولا تدخل بندر كان الحين رنيم بقبرها ضمتها : لا تخافي بترجع لك بالسلامة
التفت رنيم لها هذه غريبة مرة ضدها وتحرقها أكثر مما هي منحرقة ومرة تضمها وتواسيها ..؟؟؟؟؟؟؟؟!!
: يا رب
دخلت ابتهال بدفاشه: رنيموه يا قلبي يمكن اللي أخطفوك أخطفوها
تكلمت نجلاء وبطفش: لا يقول أخوي خويلد أنه متأكد أنها مو مخطوفة من ذولا الجماعة اللي أخطفوا رنيم
مشاعل رفعت حاجب وابعد عن رنيم: وكيف عرف أخوك؟
نجلاء : عادي هذا خا لدوه يقول أنه موهما يعني وترفه أيدها وكأنها تبصم بالهواء يعني أبصم لك بالعشرة مو هما
ندى : أهم شي ترجع بالسلامة
رن جوال مشاعل
**حسونة يتصل بك**
مشاعل بابتسامه: هلاوي
حسن زهقان: أخوك بو خيشه يباله ضرب نرفزني
مشاعل بحماس : أي واحد فيهم؟
حسن : ياسروه ما غيره يقول ما يبا يملك مع محمد بقي للملكة أسبوعين
يقهر
مشاعل التفت لرنيم مباشرة: لا خلاص أنا أكلمه ومبروك لمحمدوه وعقبالك يالخيشه
حسن : مالت عليك وعلى دعوتك فوقك
طوط طوط طوط
مشاعل تناظر ببلاهة بالجوال سكر بوجها
عن أذنكم بنات
طلعت واتصلت بياسر :الو
ياسر: هلا هلا ايوا كذا الواحد يمسي بصوت مثل وجهه جميل هههههه
مشاعل : ههه أهبل
ياسر : اشتقت إليك يالدبة الجميلة
مشاعل : من جد منيب رايقه
ياسر وهو يقوم من سريره: أفا ليه الحلو زعلان؟

22 - 9 - 2014, 09:27 PM

مشاعل أخذت نفس تحس ياسر ما ينفع معه لا أسلوب اللين ولا أسلوب الأوامر
: ياسر
ياسر بجدية مثل جديتها: ما أبي أملك مشاعل ما أبيها
رجع رمي نفسه : بس بفك رأسي منك ومن أخوانك ومنها ومن أختها ومن أمك وأشتر راحتكم وأبيع حياتي بتزوجها بعصبية بدفن حياتي مع وحده ما أحبها وياليت على كذا أحب غيرها حلمي أكون مع غيرها فاهمتني ميشو
رجع يمزح ويمرح مثل طبيعته لأنه ما حصل جواب واضح عصبت : حبيبي ميشو شكلك تبني أكون عريس وتفتكي مني مع وجهك بس لا تحلمي كثير لأني بجلس على قلبك ههه بأسلوب رسمي وكأنه موظف يبلغ ناس بحفل زواج اللي يشتغل عنده: ما يحتاج تعزمك أنتي أول الحاضرين طيب
وبمرح عكس اللي داخله: ياويلك إذا ما كشختي
مشاعل بعصبيه: ياسر
ياسر أخذ نفس: ها
مشاعل بجدية : لازم تتعود تحبها لا تستهبل حاول أيش تخسر
ياسر : ما أقدر قلبي محفور باسمها أعتقد تعرفي من أقصد؟
مشاعل ناظر بخالد الثاير قدامها وبيدخل غرفة البنات : اوكي ياسر أكلمك بعدين باي
طوط طوط طوط
: خالد
التفت منقهر ما رد على أمه ولا أبوه وعمته تحت ويرد عليها أف : خيييير
مشاعل بجدية: كيف تدخل على البنات وبهذه الحالة وتكتفت رنيم مالها ذنب وبعدين كم مرة تقولكم أنهم من هذا الأسبوع هي وأختك يتركوها لحالها تجي مع باص المدرسة وهما يسبقوها بسايقكم ورفعت حاجب الشره عليكم ربتوهم على السواويق متكسلين توصلونهم ما راح تخسروا شي بس لازم تعمـ سكتت يوم سمعته يصارخ باسمها
خالد عصب من جد: مشاعل

22 - 9 - 2014, 09:28 PM

طلعت نجلاء: خالد؟
خالد التفت لها : انقلعي داخل
نجلاء بتعجب: أيش؟
مسكها بأيده ودخلها وسكر الباب
مشاعل دق قلبها بسرعه من قربه لها وجها احمر يوم ناظرت بعونه الخضراء
عيون جذابه
خالد ناظرها بعصبية بعدها أبتسم لأنها واضح خافت من وجها الأحمر ونظراتها بسرعة بعد عينه يوم حس بدقات قلبه اللي يسبه يوم ناظر بعيونها نزل بسرعة نفس السرعة يوم ناظرها باللفت يوم يتوجه لغرفته نزل وهو يسب قلبه اللي يدق لها وعصب أكثر
دخلت مشاعل بإحراج من نجلاء ما فهمت ليه عصب وبعد فجاءه
نجلاء تغمز لها : بعدين نشوف سالفتك..
مشاعل بإحراج: هههههه أي سالفة؟
فجأة سمعوا صراخ من برى وأصوات الحريم والرجال كلها واصله لهنا
رنيم من الركض طاحت بالسرير ولمياء بحماس
قفزت للباب وكلا يتهاوش على الغطاء والعباءة
ومشاعل ولمياء أول من أوصلوا وكلهم تراكضوا لعند الدرج بجنون
أمال يلقوا ريم
ركضت رنيم بجنون للي لابسة تنوره بنية وبلوزة بيضاء لبس مدرستهم
وضمتها أقوى ما يمكن ....
طلال بصراخ: وين كنتي
ريم بعد ما هدئت وما توقعت بقوة أن العيلة كلها موجودة ببيتهم ببرود: عند صاحبتي سوسـ
ما كملت بسبب الكف اللي جاءها من أمها
أنصدمت بقوه من هذا الكف
ناظرت بأمها اللي واضح أن عيونها تطلع شرار
أم نواره باصمة أنها كذابة واضح من بحة صوتها وعدم لبسها العباءة وشنطتها المدرسة مو معها وأثار دموعها بنتها أكيد فيها شي أكيد ضاع أغلى ما تملك : لا تكذبييييييييييييييي
ريم مسكت بخدها وتناظر بخوالها وأولاد خوالها
سكتت
أيش أقول ؟؟؟؟؟؟؟؟
أن فهد كان بيضيعني لو ما عرفني
وأنو ما رضي يجيبني هنا لأنو نفسيتي زفت بسببه؟؟؟؟؟؟؟
وأني كنت منهارة
وأني كنت بحضنه ؟؟؟؟؟؟؟؟؟؟؟؟؟؟؟؟؟؟؟؟؟؟؟
وشكالي كل همومه
؟؟؟؟؟؟؟
ما نزلت دمعه دموعها خلصت انتهت
أم نواره توقعتها بتبكي لأن بحياتها ما مدت أيدها عليها؟واتهمتها بالكذب قدام العيلة كلها
بخوف ضمت بنتها وتبكي : لا تقوليها ياريم لا تقوليها
رنيم حطت أيدها بفمها وطاحت على الأرض جاءت ندى ومسكتها : لا حول ولا قوة إلا بالله العظيم
طلال بعصبية
مشي بطريقه لعمته وبنتها وما يشوف اللي قدامه ما يشوف إلا نار
مسك ريم بعصبية: منو؟ من هذا الحيوان من ؟
ريم : ط لا ل أت ركني
طلال تركها وبقهر: من ؟ تعرفيه تعرفي هالنذلللللللللللللللل
خالد جاء له: طلال هدي تكفى هدي لا حول ولا قوة
طلال يضرب برأسه : أقسم بالله لأذبحه والله إذا عرفته أذبحه
ريم نزلت دمعه من اللي باقي ما نزلوا
**فهد ما ينذبح إلا وأنا معه **
: طلال أنا بنت لا تخاف ومن هذا اللي تبا تذبحه كل ما في الموضوع ضاعت عباتي وما دليت البيت وجئت برجولي وبس
طلال التفت بسرعة: كيييييييييييف؟يا شيخه لا صدقتك
ريم: لا تخاف أنا بنت وما ضاع شرفي وأسمي
التفتت تراني أتكلم جد

22 - 9 - 2014, 09:29 PM

ومشيت وتركت القرعة ترعه<<<<أسمع هذا الكلام من جدتي هههههههه
ومشيت
دخلت للغرفة
طلال رمي المزهرية الكبيرة على الأرض بقوة
ابتهال شهقت**جد إذا عصب محد يوقف بوجهه**
مشاعل: طلال هدي قالت أنها بنت خلاص انتهينا
طلال: ببرود مشيت وكأني حمار قدامها وبصراخ والله لو كذبت لأذبحها هنا
سالم((بو بندر)):طلال خلاص عاد
طلال ناظر بأبوه وعيونه حمراء من العصبية : يا خوفي تنزل روسنا بالأرض
أم نواره بجدية وصوتها يطمن :طلال بنتي إذا قالت شي يهمنا كلنا ما كذبت
جلست : أهم شي رجعت بالسلامة وصدقني بجلس معها وتأكد الحمد الله ياربي ما خيبت ضني ورجعت بنتي سالمه
وناظرت بمشاعل : أسمعي يا مشاعل
مشاعل وهي تضبط اللثمة: هلا عمتي أمري
أم نواره: أتصلي على محمد وياسر أنا نذرت إذا رجعت بنتي بالسلامة بوفيه العرس بحسابي
مشاعل ابتسمت عمتها من جد راعيت أصول : هههههه بالله هذا نذر؟
بو بندر: أسمعي وبلغيهم أني حجزت في قاعة .......
مشاعل أفتحت عينها كلها من زمان كانت تتمنى بس تناظرها بسبب ربعها اللي بالمدرسة وأنو مو أي شخص يدخلها وكل ما صار حفلة زواج هونيك ما توصل لها بطاقة
والحين جاء اليوم اللي ترد لولاء الصاع صاعين
وتتذكر شي وهي مبتسمة

22 - 9 - 2014, 09:30 PM

((بالمدرسة الثانوية اللي تدرس فيها مشاعل ))
&&مشاعل : أوف لهدرجة ؟
سناء: تجنن تخبل قاعة ولا في الأحلام ياهي طاولات فخمة أي فخمة ترقع أبو الفخامة تجنن بمعنى الكلمة ولبس الكراسي ذوووووووووق
وأنوارها جنااااااااااااااااااااان رحتها مرة لأنو خالتي جيران العريس و عطوها بطاقات يا بختكم يا لولو بتعرسوا أخوك هناك وناسه
ولاء بغرور ورافعه خشتها: حابة أعزمكم لكن بابا يقول البطاقات انتهت وعزمنا الأولى منكم
مشاعل وكل شي إلا كرامتها : هه وحتى لو جبتي بطاقة منيب براحية أخاف أنحرج إذا سألوني أنتيمن طرف ولاء وييييييع
ولاء بقهر: تفتخري أنك تقوليها يا ...
وبدت الهواش كالعادة بينهم )): والله لأعلمك يا وليه
طلال هدأ بعد ما جابت له الخدامة مويه: من تكلمي؟
ناظرت مشاعل بالصالة كل البنات بالدرج يناظروها وفاقعات
سالم: من وليه ؟
مشاعل تصعد و تدف البنات : أحم يلا بنات من زمان عنكم
بندر : أنا راجع البيت مع السلامة عمتي
أم نواره الله يسلمك
بندر وينحز لنواره: أنا رايح تأمرين شي بس أتصلي علي ..
أم نواره : مشكور وما قصرت يا ولدي الله معك
بندر: كح كح
مشاعل التفت لنواره: رحمي حاله خليه يذلف
نواره: هههههه
بندر: إن شاء الله دوم يا عمتي الضحك
خالد وفاهمه: شرايك تمشي معي بعد ما تطمنت على ويستهبل عمتييييييي
بو بندر: الكل يروح على بيته بكره مدارس
البنات : يييييييييييييييع
بعدها: هههههههههههههههههه
الكل مشي لبيته ......
بقصر بو بندر...
مشاعل وتفسخ العباه : يبه
سالم: عيونه
مشاعل بقرف: الجامعة تلوع الكبد ما أبي أدرس غصب أف
بو بندر: هذه الجامعة تلوع الكبد!!!!!!!
مشاعل: مو على تلوع الكبد أنا ما أبي أدرس ياربي تكفى ما أبي مالي خلق أبو الهم
بو بندر بجملة ينهي النقاش : أحمدي ربك دخلوك بعد ما توسطنا لك نزلتي روسنا أخوك طلالوه طلعناها من روحه ومن كبده أنه أخذ ممتاز بنسبة 93 وأنتي البنت 70 فشلتينا ويلا بلا نقاش ماله داعي وكم تحتاجي لخطبة أخوانك
مشاعل من جاءت هنا ما طلبت ولا تحب تطلب لكن بالزواج يعني تحط لها أيام أول 500 ريال تكفيها
مشاعل وبصدق يعني تزيد المبلغ وطبعا منحرجة بقووووه ما تدري كيف تنطق المبلغ لكن تشوف أخوانها يطلبون بالألف مع أنهم يشتغلوا : احم ووجها حمر 2000ريال
بو بندر حسباله تستهبل: هههههههههه
طلال: نعم ؟ أيش قلتي؟
مشاعل انحرجت ((هذولا كم يدفعوا للزوجات؟ والله إحراج)): قلت 2000
بندر: وأن شاء الله أي مصمم فساتين بيقبل 2000 ولا أي مصففة شعر وميك أب وأي محل جزم ههههههههههههههههههههههههههههههه الجزمة لحالها 2000 ويناظرها الحمد الله والشكر
مشاعل : والله منيب مصرفه أهم شي يكون شي حلو ومميز وبعدين من قالك أني بروح لمصففة شعر أو وحده تحط لي ميك أب ما يناسبني ؟
وبفخر: أنا أخذت دورة عند وحده ممتازة بالدما�

23 - 9 - 2014, 09:13 AM

طلال: يبه تتوقع جد اللي قالته ريم ضاعت عباتها وبعدها رجعت للبيت مشي؟ أي طيب ليه 4 ساعات المدرسة بعيده بنصف ساعة عن البيت؟
بو بندر: أيش تبي توصله يا طليل؟
طلال بشك: مدري البنت مهب خاليه
مشاعل : أقول أرحمنا بسكوتك ورفعت حاجب كلن يرى الناس بعين طبعه
طلال: ها ها ها
:::::::::::::::::::::::::::::::::
بالدمام……
محمد: قسم بالله منيب داخل إذا على حساب بو بندر شايفنا فقارة ولا أخته تنذر بكيفها
حسن بجدية : أنا حجزت قاعة وخلاص محد قاله يحجز بكيفه حنا مو محتاجين لحد
أحمد: يا جماعة صلوا على النبي ترى الرجال مهوب قصده شي
رياض: وربي أني أعرف أبوي زين كل قصده أنه يرسم الابتسامة على الجميع وبعدين حنا نلف وندور بالسيارة روحوا القاعة اللي حجزتها يا حسن وبعدها نروح للقاعة اللي حجزها أبوي
ياسر بعصبية : وليه نروح للقاعة اللي حجزها أبوك نرقمها
أحمد: ههههههههههههههه ياسر حتى وأنت معصب تستهبل
حسن : يلا أنزلوا هذه القاعة اللي حجزتها
وبعدها دخلوا بقاعة النساء أول
حسن : ها شو رايكم بذوقي؟
محمد: اممم حلوة مره ومرتبه
رياض: إيه بصراحة تحفة
ياسر جلس على الكرسي : يا معيريس عين الله ترعاك والـ
محمد: هههههه مهوب وقته بس الكوشة مو لهناك يعني نختار كوشة تناسب للمسرح لأنو هذه كبيرة وحنا أثنين لازم نختار كوشتين صغار
رياض: لاااا كوشتين تصير دفاشه اختاروا كوشة كبيرة وأريكتين نفس بعض
ياسر وماله خلص بقوة: لا سارة تبا كنبه على شكل طاووس
محمد كأنه تذكر: أيييه حبيبتي تبا كوشة كلها شكل تباع شمس وعملت مجسمات تباع شمس لكن باقي خلفية المسرح والـ
حسن عصب: المسرح صحيح كبير لكن مو لدرجة تباع شمس وطاووس وخربشتكم هذه
رياض باحتيال وعقلانية ويغمز لأحمد: هذولا عرايس ومن حقهم يختاروا اللي يبونه حرااام يعني لو تحلموا وما يكون جد ؟
أحمد فهم عليه: ايوه يا حسن من جد يعني نبا تكون الخطبة على مسامع الجميع يكفي أنهم يبون يردون اعتبارهم كذا مرة سمعت سارة تشكي لجمانة أنو بنات المدرسة يتريقوا عليها ويقولوا لو عندكم فلوس كان طلعتوا أهلكم نبا نثبت لهم أن حنا عندنا لكن القانون كذا

23 - 9 - 2014, 09:14 AM

رياض يكمل لأن حس أنهم تقبلوا : ايوه لازم نرفع رأسنا وبعدين بنسكت الناس اللي يطلعوا إشاعات علينا ونكسر رأسهم ونقول ها هذا بو بندر بنفسه أهدانا هدية فرحته بخطبتنا قاعة خطبتنا وكنا حاجزين لكن بو بندر صمم على كذا
أحمد وكاتم ضحكته يوم شاف حسن وياسر يأشرون بعيونهم لبعض : صدقوني نضرب عصااافير بحجرة وحدة مو عصفورين
أول شي
فرحة سارة وجمانة بكوشاتهم لأنهم يبونها كذا
وثاني شي كسرنا عين الناس وقهرناهم مثل ما قهرونا طبعا مو على القاعة لا لأن الهدية من بو بندر بنفسه
والثالث بيفرح بو بندر لأن قبلنا هديته صح ولا لا؟
حسن شبه أقتنع : لكن نشوف القاعة اللي حجزها بس إذا طلعت مقاربة لمساحة هذه القاعة ما يحتاج أي داعي أنه نأخذها
محمد وأنا أقول كذا
ياسر: يلا نروح ونشوف هذيك القاعة
وبعد ما وصلوا .....
كانوا حارسين واقفين على البوابة الفخمممممممممممممممة
كانت البوابة مررررررررررره كبيرة
وكان الممر كله نخيل وورد وأشجار ويطلع منها الإضاءات
كان رااااقي بمعنى الكلمة
نزل رياض وسلم على الحارسين الواقين وبعدها سولف معهم وفتحوا الباب بعد ما بلغهم أنه أبن بو بندر وأجروا اتصالات علشان يتأكدوا أنه بو بندر العالي حاجزها وفعلا كان موعدهم بعد أسبوع و3 أيام
أشر رياض للي بالسيارة وهم أخوانه أنهم يدخلوا بالسيارة لأن واضح المسافة بعيده أشوي
ركب رياض السيارة وهو يسمع
محمد: ذوووووووووووق بو بندر من جد ذوووق
ياسر ابتسم أخيرا : تجنن هذه الخطبة كذا الناس بيقولوا الملكة كذا فكيف بالزواج
محمد : هذا بره فكيف بالداخل؟؟؟؟؟؟
رياض وهو متعود يدخل أفخم من كذا بمائة مرة لكن جاملهم: يلا تستاهلووون كم محمد وياسر عندنا حنا؟
وناسه أنا أخ المعرس والله لأصير أكشخ منكم هاع
محمد: يا واااااااثق أنت يلا انزلوا
حسن كان يناظر بهدوء يتمنى لو كانوا حاملين هذا المبلغ لتأجير هيك قاعات هذيك القاعة ومصاريف زواج أخوانه كلفتهم ديون وقروض بالبنك ((بسيطة الله مع الصابرين حنا بندير شركة كاملة هنا ))**قهرررررر لو هذه الشركة حقتنا **&أستغفر الله العظيم أستغفر الله العظيم عيني عليكم باردة يالعالي والله يزيد أموالكم بالحلال إن شاء الله &&
ياسر ويضرب النافذة ويطبل عليها بأصابعه : ويأشر له أنزل لأفقع خشتك
أول ما دخل أحمد: صصصصصصصصصصصصصصصصصصصصص
****************************
محمد: أنا بعرس هناااااااااا؟؟؟؟؟؟؟؟؟؟؟؟؟؟؟
ياسر وهو يتمنى تكون ملكته هنا بس مو مع سارة مع حبيبته:قهر
أحمد: أيش اللي قهر؟!!
ياسر : ههههههه وأنت كل شي تتدخل فيه احم ((يرقع اللي قاله))قهر أن هذا الدلخ بيتزوج معي نفس اليوم خخخخخخ لو لحالي و أفتك من وجهه

23 - 9 - 2014, 09:15 AM

محمد: والله غصب عنك أعرس معك مالت عليك وعلى وجهك
ياسر حس أن محمد زعل أشوي باسه بخده : أصلا لي الشرف من قدي واحد بهذه الوسامة يعرس معي
الكل: هههههههههههههههههه
ياسر : ليه مشغلين الشموع خخخخخخ لا يكون في زواج اليوم؟
رياض وهو مستغرب: مدري والله بس ما قال لي ؟
شافوا طقاقات تدخل واضح أنهم 4 أو 5 فرقاة
ياسر يغمز لأخوانه : هيه أنتم وين التصريح؟
حسن : أيش تعمل يالمهبول ؟؟؟؟؟؟
ياسر تقدم وبثقة وكاتم الضحكة مليوووووون : أنا عضو من هيئة المعروف وين تصريحكم بالطقطقة؟
طقاقة واضح أنها أكبرهم : لو سمحت أي تصريح تتكلم عنه ؟؟؟
ياسر وكاتم الضحكة و يصرقع أصابعه ويتكلم بثقة: ليه ما دريتوا عن القانون الجديد؟
طقاقة ثانية مو من نفس فرقة اللي تكلمت من أشوي: لا حووووول أي قانون وربي ما ندري خبرنا ؟
ياسر وبعصبية ومن داخله بيموت من الضحك : كأنه مو عاجبك
ويمشي تجاه أخوانه اللي واضح أنهم ما سكين مجهود كبير علشان ما يضحكوا كلهم لا بسين ثياب وشماغات إلا هو برمودا جينز كحلي و تيشيرت سماوي وعليه كلمات بالانجليزية ويتكلم بعد
يكمل ياسر استهباله عليهم: على العموم أنا بمشيها لك من غير يمين أو يسار وبصرخة ثقة : لكن بشرط ورفع رأسه زواجي بعد أسبوع و3 أيام بهذه القاعة إن ما سمعت أصواتكم وطقطقتكم بعد ما أجيب لكم التصريح ويا ويلكم وراح أفضحكم
طلع صوت غير ذولا الثنتين : خلاص وربي راح أجي وأقول كل الأغاني أنت تأمر وحنا ننفذ وبس بنأخذ عليك نصف المبلغ إذا تبي
حسن مو قادر راح للبوابة بسرعة وأنفجر ضحك على خبال أخوه
ياسر يكمل استهبال : ربع ولا أمشوا معي الوانيت
كل الطقاقات : لااااااااا
طقاقة ثانية اللي تكلمه أول مرة : هههه خلاص ببلاش إذا حاب بس حنا الحين لا زم نجهز هالحين
ياسر بعصبية مصطنعة: كأنك تقولي لي أقلب وجهك عطلتنا
طقاقة ثانية: لاااااا الله يهديك مو قصدها ههه أنتم فوق رأسنا
رياض سحب ياسر لأنه لو جلس للصبح ما راح يخلص استهبال: خلاص هذا كرتي و بتصل عليك قبل الخطبة اوكي؟
الطقاقة: أن شاء الله يا شيخ أن شاء الله
ركبوا الشباب السيارة
الكل: ههههههههههههههههههههههههههههههههههههههههههههههه

أحمد: هههههههههههههههههههه ما تترك عنك حركاتك جد أنك هبلللللللللل
رياض شاف طلال يستهبل لكن مو لهذه الدرجة: هههههه هههههههههههههههههه حسبي الله عليك خرعتهم هههههههههههههههههه بعدين أي تصريح من وين بترقعها هذه؟؟؟ هههههه
محمد : هههههههه خلاص أسكتوا منيب قادر ههههههههههههههه شو نبا أكثر طقاقتين بيطقوا من غير ما ندفع شي ههههههههههههههه هههههههههه
ياسر يكمل : هههههه والقاعة هدية والعشاء نذر ههههههههههههههههههههههههههه
حسن : هههههههههه ههه الله يرجكم تكفون خلاص منيب قادر ههههههههههههههه خلاص
::::::::::

23 - 9 - 2014, 09:15 AM

بالرياض بفيلة فيصل.....
ابتهال : وااااااااااااااو أجنن مو ؟

فيصل بدهشة: يلعن يومك عذاااااااااااب
أم فيصل: أستح على وجهك
فيصل: هههههه والله ما أقصد شي بس بالله الفستان ما يجنن ؟
ابتهال بغرور: لا يا قلبي صاحبة الفستان هي اللي تجنن
فيصل : بصراحة شييييييييييي وبعصبية مصطنعة يا سلام أيش خليتي لزواجي؟
أم فيصل وما صدقت يطري الزواج: خلاص نشتري لها أحلى منه بملين مرة بس أنت أختار العروسة
فيصل ((العروسة موجودة يالوالدة بس أبي وقت أضبط حالي وأن شاء الله ما تطير لموو من أيدي)): هههههههه نعرس بهلول قبل
ابتهال على طول جاء ببالها ((أخ لو يشوفني طلال بالفستان قسم بالله بينجن خخخ))ابتسمت وكأنه جد بيشوفها .....
كان فستانها غريب لكن حلووو
كان على شكل لبس سمكة مع حورية البحر
عبارة عن قصة صدر وكان خياطها على شكل صدفة وتحت القماش اللي كأنه صدف مو قماش قطعة قماش شفافة لكن كلها شك بلون فوشي وقطع صغيرة من اللؤلؤ الصناعية
لخصرها وبعدها كأنه جسم سمكة أو حورية جد طايح على شكل ذيل بألوان روووووووعه
وكان ثقيل مرررره وبتخلي شعرها يوم الزواج سشوار لكن بتعمله بف

23 - 9 - 2014, 09:16 AM

وتحط فيه شريطة فوشيه
كانت تتمنى الخطبة بكرة من الحماس
ابتهال: وااااي أكيد بطلع مميزه هههههه
فيصل: لا ينشق فمك أشوي أشوي عليه
ابتهال ((من جد أتمنى طلالوه لو يلمحني ودي أعرف أيش بيقول؟ أكيد بيعجبه فستاني ؟ فجأة ضاعت ابتسامتها حتى لو عجبه هذا وجهي إذا ما أستهبل علي و نرفزني أصلا هذه هوايته الله يعين اللي بتاخذه زوج سكتت دقات قلبه زااادت كأنه روحها بتطلع مستحيل تتركه لحد مستحيييييييييل أصلا هو يحبها قالت لها مشاعل أنه يحبها مثل ما هي تحبه بس يمكن يكذب على مشاعل ))
فيصل باستغراب: يمه بنتك شفيها مرة تضحك ومرة العكس شوفي وجها كيف صار..؟
بهلول بهلولي هيه
التفت ابتهال: هااا
فيصل : قولي نعم لأفقع خشتك مع فستانك هذا
ابتهال ابتسمت مرة ثاني ((لا ما يكذب يوم قالت له أنها محجوزة عصب وكان بيذبحها بس يمكن علشان ما تخترب مخططاته أنه ينتقم لأني ضربته ؟؟؟يمكن ينتقم أنه ما يقول لي وهو دايم يتريق علي هاع هو يحبني مثل ما أنا أعشقه بجنون ))وقالت بطنازة يوم انتبهت بفيصل : نعممممممم
فيصل قام ومسك عقاله يستهبل عليها: نعامة ترفرسك يوم عرسك
الكل: هههههههههههههههههه
ــــــــــــــــــــــــــــــــــــــــــــ
بقصر بو خالد....
نجلاء تقفز للصالة وخلفها أسيا و مسواتي((خداماتهم ))وهم يزحفوا الشنطتين اللي جايه من فرنسا :ندووووووووش
ندى أتركت المجلة : لا تقولي وصلوا ؟؟؟؟؟؟
خالد وكان منسدح على الكنبة وبأيده ريموت التلفزيون كان يناظر سنوات الضياع >>حتى هو عجبه المسلسل ههه
: من اللي وصلوا؟
نجلاء وهي تأشر لأسيا تحط شنطتها فوق الطاولة الكبيرة بعد ما حطت صحن الحلويات وطفاية السجائر بالطاولة الصغيرة
: فساتينا وصلوا خخخخخخ
خالد رجع للتلفزيون يطنز عليها:وصلوا ووصلوا بالأخير فساتين خخخخخخ
نجلاء : خالد ناظر بفستاني حلو مووو؟
خالد التفت لها :وش بلاك متحمسة ترى أمهم مو موجودة تخطب لك أحـمـ سكت نسي أن ما يبا أي مخلوق يعرف وأكيد مشاعلوه بتفهم على كيفها من يوم سمعتهم بالكوخ بعد ما شاف حركاتها وبعض تصرفاتها أجزم أنها ما راح تتكلم وأكيد عرفت أني بتفاهم مع بندر ..

ــــــــــــــــــــــــــــــــــــــــــــــــ
بقصر بو بندر .......
طلال بالحديقة الكبيرة اللي ما سمع مدح أكثر من مشاعل لها كان يتمشى يبي يعمل المستحيل علشان يناظر بابتهال يوم الملكة ملكة عيال خالتها أكيد بتكشخ هي لي ويحق لي أناظرها
بعدها ضحك ضحكة : هههههههههههههههههههههههههههههههههههههههههه
وربي تفكيري غبي أيش اللي لي واللي مهب لي هههههههه الجنون فنون وربي لأناظرك يابهليل تعملي فيها أنك متسترة وكذا أنا أعلمك خخخخخخ والله لأتريق عليك لفت انتباهه
باب حديد مسكر : هذا وبيتنا وما أعرف عن هذا الباب؟؟؟؟؟
أهمم أكيد هذا اللي �

المواضيع المتشابهه لموضوع: رواية مجنونة وعاشق اجن لموضوع: رواية مجنونة وعاشق اجن
الموضوع	كاتب الموضوع	المنتدى	مشاركات	آخر مشاركة
مجنونة نا بك	حنين الأشواق	همس عذب الكلام والخواطر المنقوله	5	22 - 2 - 2023 03:29 PM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
منيات مجنونة	مزيونة الخليج	همس المواضيع العامة	4	3 - 8 - 2015 07:32 AM
هل نا مجنونة	مزيونة الخليج	همس الشعر والقوافي	9	25 - 9 - 2012 01:10 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية مجنونة وعاشق اجن

همس للقصص وحكايات وروايات