ياوطن شرح اسمك يبي له دواوين = يزيد عن كثر الورق والمدادي يااجمل اللي شافته نظرة العين = ياصورة(ن)توصيفها غير عادي معشوق روحي وكل مافيك هو زين = حبك بقلبي كل يوم بزيادي ياحب اصبح فوق كل القوانين = منحاز له والله ماني حيادي حبك تخطى كل حب المزايين = اغازلك وانا اعرفك جمادي غالي وحبك قد تعدى الموازين = بلسم وثم انك لجرحي ضمادي حقيقتك بالنفس الها مضامين = انت الامان وللمحبه قيادي لك انتمي مهما وجودي انا وين = ومع نبض قلبي دوم باسمك انادي لو اجتهد ووصفك قلت لك مين = انت اهلي وبسمات صبح العيادي متسامياً متجاوزاً كل تثمين = شامخ ودوماً للعدو في عنادي انا سعودي وانت مابين جفنين = والشكر للي مثبتين الوتادي ال السعود اخوان نوره ونعمين = امناصرين الدين بسيف الجهادي حكام دوله.ياكثرها براهين = خدام بيت الله وهم له عمادي شعارنا التوحيد ونخله وسيفين = وياترجمتها اسلام ودرب الرشادي وطن مميز ضم بالحضن بيتين = بيت الرسول وبيت رب العبادي ومهبط وحي لاخر رسالات للدين = ياقبلة الاسلام..انت بلادي وطن عرب ثم ان وطن للمسلمين = حجاج بيت الله..بليا اعدادي وزوار لافضل خلق بالناس تكوين = رسول رب الكون للناس هادي ياوطن كلك خير وللخير توطين = بناك من بالوصف بيض الايادي يحميك رب الكون واقول امين = واردده عالدوم..حيثه مرادي ارواحنا رصيد ثم الك تامين = تظهر بوقتاً حان بيه الطرادي اجيوش لاجلك تنفجر كالبراكين = ياويلك ياللي عننا كنت غادي ليوم اللقاء عالدوم هم مستعدين = والكل ايده جاهزه عالزنادي لجل الوطن المستعده ملايين = شيباً وشباناً حضر مع بوادي دعاه والساسه اعلام ومحامين = ندحض كلام الكذب وطرق الفسادي ندحض من اللي افكارهم كالمجانين = شعارهم متوشحين السوادي تخطيطهم ثم التعامل بوجهين = عدو جد. وصدق مابه جحادي بعقولهم وقلوبهم هم مريضين = وهذا ملخص. علم اصبح وكادي والخاتمه يالله فوزاً بدارين = ونصير مع من:من رضاك استفادي وياجعل اولاة الامر دوماً عزيزين = ويعينهم ربي لدرب السدادي حنا لهم دوماً وبيهم فخورين = ويالله انت اللي عليك اعتمادي ونبقى اوادم ثم لله مساكين = ونامل من الله خير وقت الحصادي
عزيزي الزائر أتمنى انك استفدت من الموضوع ولكن من
اجل منتديات شبكة همس الشوق يرجاء ذكر المصدرعند نقلك لموضوع ويمكنك التسجيل معنا والمشاركة معنا والنقاش في كافه المواضيع الجاده اذا رغبت في ذالك فانا لا ادعوك للتسجيل بل ادعوك للإبداع معنا . للتسجيل اضغظ هنا .
رد: انه اليوم الوطنى للملكة العربية السعودية حفظها الله
سلمت يدآك على روعة الطرح وسلم لنآ ذوقك الراقي على جمال الاختيار .. ولحضورك الجميل كل الشكر والتقدير .. اسأل البآري لك سعآدة دائمة .. ودي وتقديري لسموك ♥ ديلر♥
عضويتي
(( بنت الباديه ))
]
العرض العادي
