كلمَـآتً
يا هجوسي ليش عنّه ساكته
ابدعي من حرّ جوفي له حروف
قولي ان بَعده حياتي باهته
اشرحي له ما حصل لّي من ظروف
انثري عبق الزهر في راحته
و ارسمي له حالتي يمكن يروف
ان رّحل محدٍ يغطّي ساحته
و ان حضر رفعت راسي و الكفوف
يا متاه يحطّني في شاشته
مثل ما صورَتْه في فكري تطوف
او يخلّي وقت لي من ساعته
أو يعاملني مثل كلّ الضيوف
صاحبٍ جملة وصوفه لافته
ما بعد ناظرت مثله في الخشوف
ان مشى ما عاد ابي وقّافته
و ان وقف ليته يطوّل في الوقوف
و ان ضحك ما تنتهي بشاشته
و ان همس لي همسته تسوى أُلوف
أتبلّد لا بدت بلادته
و اتذيكى لا نعتني بالوصوف
من غرامه صايرٍ شمّاعته
و اتعذّر له و لا كنّي أشوف
ليه يتركني و أنا بوداعته
ليه يطعنّي و أنا مالي كتوف
او 
لمشاركة اصدقائك!
عضويتي
كلمات انشودة يا هجوسي 
العرض العادي
