(( دنياك ..))
دنياك هذي كلها هز قاووق
ما تعرف الصاحب من اللي معاديك
المال دايم صاحبه مرتفع فوق
و القل خايب لو ترفعت يرخيك
يا عبد هون كل مطرود ملحوق
لا تشتحن لك رب ما هو مخليك
اللي جعل لك روح جاعلك مرزوق
كما تكفل بك من الخلق كافيك
يعطي و باب الرزق ما هو بمغلوق
و ليا طلبته و أنت محتاج يعطيك
الرزق له حبسه و له وقت مطلوق
و إن مت ظلا عند قبرك يناديك
و الموت جايك لو تقع جوف صندوق
دع عنك ما بك من حذر لا يعنيك
لا تنشغل بالمال و المال ممحوق
ما مالك إلا ما تمده أياديك
الجار و العاني لهم شرط و حقوق
و الضيف واجب تكرمه يوم يلاقيك
صون الأمانة و اظهر الهرج بصدوق
و لا تعاشر صاحب الكذب يعديك
اترك طريقة كل عاشق و معشوق
يرمي بروحك في الشرك ثم يرميك
و بالصبر تغلب صاحب العزم يا شوق
و العزم طيب مير حزات يرميك
افرح ليا منك عن الشر مدروق
و احذر صديقك و احذر اللي يواليك
يا رب تجعلني من النار معتوق
و اجعل ختامي طيب يوم ألاقيك
عضويتي
كلمات انشودة دنياك 
العرض العادي
