مشكله كل يوم فى كل بيت

#1 16 - 10 - 2014, 01:07 AM

]مشكلة زوجية :
الزوجة : تأكلوا ايه بكرة؟
الزوج : أي حاجة.
الزوجة : يعني أيه أي حاجة؟ أنت مش عايز حتى تساعدني باقتراح.
الزوج : أعملي لنا بامية و أرز.
الزوجة : لسة واكلين بامية من 3 أيام.
الزوج : طيب أيه رأيك في فتة و كوارع.
الزوجة: كوارع ايه في الحرّ ده.
الزوج : أعملي يا ستي محشي ورق عنب و لحمة محمرة.
الزوجة : هو أنا لسة ح أنزل أشتري ورق عنب و أغسله و أقطعه
و أعمل الخلطة و أحشي , و أحمَّر ؟
الرحمة شوية حرام عليك أنا بني آدمه.
الزوج : طيب شوفي أي حاجة سهلة و موجودة عندك و أعمليها و خلاص.
الزوجة : يعني مافيش مرة عايز تريحني و تجاوبني ,
دايماً ايدك في المية الباردة.
الزوج : طيب, قولي اقتراحات و أنا اختار منها.
الزوجة : اقتراااحااات؟ يعني أنا مش عارفة أختار صنف واحد ,
و أنت عايزني اقول اقتراااحاات.
الزوج : ايه رأيك ناكل أكلة خفيفة, مثلاً علبة تونة و جبنة و زيتون؟
الزوجة : بلاش عك , أنا بفكر أعمل مكرونة و كبدة بانية
و شوية بطاطس شيبسي؟
الزوج : برااافو عليكي و على أفكارك.
الزوجة : هو ده اللي أنت فالح فيه.
و في اليوم التالي اتصال تليفوني من الزوجة للزوج:
الزوجة : ألو , هات معاك حاجة ساقعة و أنت جاي,
بس تكون صودا عشان طلبت سمك مشوي و أرز ( دليفري ).
الزوج : أنتي مش قلتي ح ناكل مكرونة و كبدة و بطاطس؟
الزوجة : و الله أنا من ساعة ما صحيت و أنا بغسل و اشطف الولد
و أحمي البنت و انضف الزريبة اللي ولادك عاملينها ,
ح اجيب وقت منين أنزل و اشتري و اطبخ ؟
حرام عليكم بقى أنتم ما بتبطلوش طلبات.
الزوج : عايزة الحاجة الساقعة ايه ؟ "سبرايت" و لا "سفن أب"؟
الزوجة : أي حاجة.
الزوج يرجع الى البيت و يجلس الى المائدة
و يمد يده ليخرج زجاجه "سبرايت "
من الكيس و يضعها على المائدة.
الزوجة : ايه ده ؟ يعني مكنتش قادر تجيب سفن أب ؟ أنت دايماً ذوقك غريب كده.
الزوج يمد يده للكيس و يخرج زجاجه(ثانية) سفن أب و يضعها على المائدة.
الزوجة : طبعاً من أنت مش خاسس عليك حاجة
أقعد انت بعزق في الفلوس و آخر الشهر تقول لي المرتب بيروح فين,
عرفت يا بيه المرتب بيروح فين؟.
الزوج : يأكل في صمت.
الزوجة : ها , ما قولتليش , تاكلو ايه بكرة ؟

الموضوع الأصلي : مشكله كل يوم فى كل بيت || الكاتب : كابتن محمد المصرى || المصدر : شبكة همس الشوق

16 - 10 - 2014, 01:50 AM

هههههههههههه مشكلة اصبحت مثل الاسطوانه المشروخة بحياتنا ارحمه شوي ألا يوجد فن اسمه التغير ههههههههههه
الله يكون بعونك ي المصريييييييييييييييي وشكرا لسرد الجميل رغم انها مشكلة يومية في كل بيت

16 - 10 - 2014, 05:48 AM

يعطيك العافيه

16 - 10 - 2014, 10:28 PM

علياء
بارك الله فيكم على طيب المرور
وجزاكم ربي الجنة

16 - 10 - 2014, 10:28 PM

جرح الم
بارك الله فيكم على طيب المرور
وجزاكم ربي الجنة

18 - 10 - 2014, 06:01 PM

هههههههههههههههههههههههه يعطيك الف عافية

19 - 10 - 2014, 11:12 PM

تسسسلم الايـآدي على
روعه طرحك
الله يعطيك الف عافيه
بانتظـآر جــديدك القــآدم
مودتي

المواضيع المتشابهه لموضوع: مشكله كل يوم فى كل بيت لموضوع: مشكله كل يوم فى كل بيت
الموضوع	كاتب الموضوع	المنتدى	مشاركات	آخر مشاركة
عندي مشكله	خفہَ’ـايِـِـا	همس الكمبيوتر والبرامج و الأنترنت	7	14 - 11 - 2014 02:28 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع