روايه يا وين برمي هاجسد فيه وانساه

22 - 10 - 2014, 04:37 PM

.
.
.
اليوم الثاني العصر ..
ببيت زياد ..
كانت أم محمد (الحرمة اللي بدبي) تناظر بسارة :اسم عليها وحديتك ؟
أم طلال: لا عندي غيرها .. بس نجد بشغلها ..
ام محمد : ماشاء الله تبارك الله ..وماعندك يام عبدالله غير العنود
أم عبدالله : عندي وجن بس انها متزوجة وعندها ولد ..
أم محمد: الله يسعدها ..
قامت سارة ودخلت للعنود المطبخ ..
سارة : ياحليها تجنن سوالفها ..
العنود : بجد .. احس امي وعمتي استانسوا معها ..
سارة تأكل من الحلا : اقول ليه ماجيتي اليوم..
العنود: مانمت امس عاد ماعندي الا محاضرة وخالتي الدكتورة كلمتها وقلت لها تعبانة احسها راح تذبحني لان كله غيابات ..
سارة:هههههههههههههههه ايه سألت لما نادت بالاسامي قالت وين العنود ..عاد قلنا ماجات أكيد ظروف ..
أم محمد : عاد أبيها ومن شفت العنود بدبي وأنا طايريتن فيها وابغى سارة لولدي محمد ..وأدري اني عجولة لاكن الله لايضرها هالزين ماتقعد..
أم طلال: يشرفنا هالشي وراح اكلم أبوها ونشوف رأي البنت ..
.
.
.
ببيت أهل شهد ..
شهد كانت تسولف مع عمها :وحششششتني كثثثير ..
عناد: وأنا أكثر يانور عيون عمك .. بس توني راجع من السفر وجيت من المطار لبيتك ..طمنيني عنك ..
شهد: الحمدلله بخييير.. عمي تخيل حامل بتوأم ..
عناد صارخ من الفرحة ..
ضحكت شهد: ونااااسة .. ربي عوضني بخير..
عناد كان فرحان كثثثير: يالله لك الحمد.. صبرتي ونلتي .. عمك درى..
ضحكت: أبوعبدالله ..
عناد ضحك: اييه ..
شهد: مدري لان ماكلمته وعبدالله مسافر..
عناد : آييه واخبارك تتعبين مع الحمل ..
شهد: شوي موب كثير .. وحتى شغلي مثل ماقلت لك تركته ..طيب طمني عنك كيفك مع ريما ..
عناد ابتسم : بخير الحمدلله .. ماشفتها وبعد شوي بمر أخذها من عند اهلها .. بس شهد أحسها متعلقه باهلها واجد .. لان من تزوجنا ورجعنا من شهر العسل انساه ليلة الاربعاء ومقدر أخذها الا فجر الجمعة ..عشان تحب تبات عند اهلها ولااحب ازعلها بس مهيب حاله ..
شهد: طيب كلمها .. لان متعوده ياعمي دائم خواتها يتجمعون .. بس صدقني عمي أذا كلمتها راح تتفهم وعادي ماراح تقول شي فديتها ..
عناد: كلمتها مره وجلسنا بس اخواتها ماخلونا ذيك الليلة نرتاح مثل الناس كل شوي يدقون وينك وينك .. يعني اختهم ماقلنا شي بس عيب فيه ذوق .. بس الله يستر لان بصراحه ودي ارتاح مع زوجتي خاصة ان رحلاتي الجوية كثير ..
.
.
.
ببيت زياد ..
العنود جلست بعد ماراحت الحرمة ووصلتها للباب ..
سارة :ها ؟
امها: اقولك خطبتس الحرمة لولدها وتبي ردك ..
سارة : ومن وين تعرفنا ..
ام عبدالله : النصيب مايعرف هالاشياء.. الحرمة حبيبه ويازينها وتبيك لولدها ..
أم طلال: صادقة عمتك .. بكلم أبوتس يسأل عنهم وأنتي فكري ..
سارة : مابي ..
امها: وبعدين كل مره تردين لتس واحد .. تعبت منتس ..
سارة: يمه بجد مابي .. بعدني صغنونه ..
ام عبدالله: لا اسم الله عليك مره هذي هي العنود كبرتس اعرست .. خلينا نفرح فيتس ..
العنود : استخيري وقرري ..
سارة : أوك ..
.
.
.
اليوم الثاني ..
ببيت أبو طلال ..
سارة : وشوووووو .. وراهم العرسان هاليومين كثير..
امها: بدال ماتحمدين الله على النعمه .. معك يافارس يامحمد ..
نجد: خذي فارس أحسن دايم شهدوه تسولف عنه وتقول بالحيل طيب وحنون ..
سارة جلست عند امها: مااما ماابي ..
امها :ياساره ياحبيبتي لازم توافقين .. خلاص كبرتي عمرك 20 سنة سنك مناسب للزواج .. خلاص حتى أبوك يقول توافق لانهم كلهم ماينردون بصراحه محمد الله لايضره وحتى فارس ..
سارة حطت راسه على فخذ امها وهي تبكي : يمه اخاف ..
امها : ليه يادلوعه ابوك..
سارة:يمه محمد مانعرفهم والناس مالهم الابالظاهر وش يعرفني عن اهله خواته كلهم اخاف ..
امها: وفارس..
سارة: راح يسافر .. يعني يمه غربه ..
نجد : ياعيوني ماتدرين يمكن خيره لتس ..
سارة: لا اخاف ..
نزل ابو طلال من مكتبه ابتسم وقوم سارة ولمه بحنان الابوه : دلوعه ابوها شفيها ..
ام طلال : ماتبي العرس ..
أبو طلال: ليه كبرتي ..
سارة: بابا ماابي..
أبوها : اثنينهم من خيره الشباب ولا ودي تردينهم ..
ام طلال: ها ياسارة ..
أبو طلال : بصراحه محمد ماعليه كلام .. لاكان غُرب ولانعرفهم .. لاكن فارس أعرف أبوه من معرفته باخوي فهد الله يرحمه .. وافقي عليه يابوك..
أم طلال: سارة عاقلة مهيب رداتنا ولاهي بمزعلتك .. كلم أبو فارس وعطه رأيك .. دامه كلمك وأنا بكلم امه ..
.
.
.
المستشفى ..
صفا طلعت من العناية الفائقة .. والكدمات بدت تروح شوي شوي مع الكريمات والعلاجات ..
امها ماسكه يدها وتبوسها : ياروح امك .. كيفك الحين ..؟
صفا كانت تعبانة يالله تتكلم :بخير ..
باست يد امها: لاتبكين يمه ..
غمضت عيونها .. ورجعت لعالم الالم ..
دخل فهاد وكان مستانس انها طلعت من العناية :لآآآ نامت..
عمته تمسح دموعها: آيييه .. تعبانة لو طلعوها .. شوف هالكدمات بجسمها ..
فهاد كان يناظرها وهو يهوجس بكل شي وحتى لو صحت .. وعيونه تناظرها هلت وفضحته ..

إلا مني نسيت الهم ساعه
تحدني همومي وأذهلني
وهوجس كل ما حولي جمااعه
دموع العين هلت وافضحني
.
.
.

ببيت أهل أنفال ..
أم أنفال: أنا رديت على خالتس ورايك مهوب مهم عندي ولاعند أبوك.. عمر يبيك وانتهينا ..
أنفال ضربت برجلها الارض وطلعت لغرفتها وهي تبكي ..
.
.
.
ببيت أهل عمر ..
عمر كان مستانس حيل .. :طيب بجد ليه واقفت وغيرت رأيها ؟
غيد ابتسمت: لانها تبيك بس كانت تتغلى ..
عمر: تتغلى بهالامر ..بس فديتها كلي فداها .. المهم بنزل لامي تخليها تقول لخالتي تسوي تحاليل نفول..
غيد : حلو ..
نزل عمر وقال لامه .. وتالي طلع يحجز قاعة ..
امه: فديته الله يسعده ..
أبو عمر: ههههههههههه ماخلت فيه بنت اختس عقل ..
.
.
.
ببيت أبو فارس ..
فهاد: ممكن تروق ..
فارس: أنت مستوعب .. الحين كيف اقدر على ذي .. وبعدين ليه وافقت..
فهاد: وليه تقدمت .. وطاوعت أبوي ؟
فارس : لانه قالي أذا رفضت سافر ولاعاد بقولك تزوج ..
فهاد: ماتدري يمكن تلقى ضالتك فيها .. وبعدين ترآ بنات ذيك العايلة مزايين يقطون الطير من سماه ..شوف شهدوه الله لايضرها .. وش تبي أكثر راح تناسب دكتور شهرته بالافاق والكل يعرفه ويشهد له بالخير وأخوانها مايحتاج .. وأمها دكتورة بالجامعة .. والبنت مزيونة..
فارس خزه بطرف عين : كأنك وسعت صدرك عليها مزيونه ..
فهاد:ههههههههههههههههههههههههه اهم شي الغيره .. توك ماتبيها.. قوم بس ياشيخ خل نفصل ثياب الملكة الاسبوع الجاي ..
فارس: ان شاء الله ماتضبط التحاليل..
فهاد: خخخخخخخخخ دامك ماتبي راح تضبط ..امش يبو ..
طلعوا ..
فارس: كيف زوجتك ؟
فهاد: الحمدلله طلعت من العناية وبدت تروح الكدمات ..خفت أحسن من أول .. بس لما تناظرني نظرتها تهزني تنرحم ..
فارس: الله يحفظها لك ..
فهاد: امين .. وتسامحني على سواتي..
فارس: مالك ذنب .. أمها بصراحه قوية اشتكت ابوها والحين يقولون بالسجن ..
فهاد: بنت رجال .. بس الشرطة تقول راح يطلع بكفالة .. بس اهم شي جرب السجن ..
.
.
.
ببيت أهل شهد ..
شهد : عبدالله صرب دبه صح ؟
عبدالله ابتسم :لا.. جعلني ماعدم هالجسم كلك تجننين ..
شهد : خلك صريح
عبدالله:ههههههههه والله أني صادق ميت عليك وعلى جسمك.. وبعدين أبيك يزود وزنك ..لانك حامل بتوأم ..
شهد: يعني ماراح اصير شينه بعيونك..
عبدالله حط راسه بين نحرها وذقنها وبهمس : واللي خلقني مايساويك أحد فديت هالزين كله ..
حمر وجهها وسكتت ..
.
.
.
ببيت زياد ..
كان الوضع بينهم عادي مافيه احتكااكات .. بس زياد يبي يكلمها ..
زياد: سارة كلمتك ..
العنود: آييه ..
زياد: طيب راح تمرين بيت اهلي ..
العنود : آييه لان راح نطلع للمشغل عشان العرس(عرس نورة) ..
زياد: أنا راح اوصلك ..
العنود: اوك ..
جلست لان الدوخة ماتركتها ..
زياد مسك يدينها: فيك شي..
العنود : احس بدوخة غريبة تو جايه هاليومين ..
زياد خلاها تمدد على السرير : مافيه طلعه دامك دايخه ..
العنود: لا أنا وعدت سارة اكون معها بطلع ..
زياد يمرر يده على خدها : لاهدت الدوخة تروحين ..
العنود: متضايق الليلة ؟
زياد: أنا ..
العنود: آييه ..
زياد: متضايق عشانك وعشان علاقتنا ..
العنود: موب متضايق عشان شي ثاني ..
زياد : وفيه شي يضيق الصدر غير علاقتنا ..
العنود : آنا آسفه .. لان أنا مضيقة صدرك بتصرفاتي ..
ابتسم وبخاطره تغيرت .. :وجودك معي يغني عن كل شي.. بس ودي نرجع مثل قبل ..
العنود جلست :خلاص خل نروح لسارة ..
زياد :خفت الدوخة ..
العنود: آييه ..
زياد ساعدها عشان تقوم .. وطلعوا ..
.
.
.
القاعه ..
عرس عبدالالة ونورة ..
العنود جنب وجن : مدري شاكة اني حامل ميته خوف لان ظهري يألمني..
وجن: يامجنونة مفروض ماتحملين الحين .. خطر الحمل بعد الاجهاض..
العنود :يعني بيروح البيبي ..
وجن: لا ان شاء الله .. بس ليه مااخذتي مانع ..
العنود : وش يعرفني عن زياد .. أنا ماعرف شي ..
وجن: الله يهديكم مفروض دامه دكتور واخصائي نساء وولادة ينتبه للشي ذا ..طيب يدري زياد
العنود : لا .. بس شاكه .. بس تدرين لما طحت قبل يوم وسويت تحليل دم ماطلع شي ..
وجن: مدري بس ترى يبان بوقت محدد .. أخذي لتس جهاز تحليل منزلي وتأكدي ..
العنود : وشو ذا بعد ..
وجن: ذا جهاز تشوفين من خلاله بالبيت أنتي حامل او لا ..اسألي زياد عنه ..
العنود: مدري ميته خوف .. تدرين خلي اكلم جيتا تروح للصدلية وتجيبه ..
وجن: لاتخافين قلبي .. الله يكتب لتس كل خير ..
.
.
.
اليوم الثاني ..
ببيت زياد ..
جلست العنود ومهيب عارفه وشو ذا اللي طلع لها ..
زياد : عنود ماوراك جامعة ؟
العنود: منيب دراسة اليوم .. عندي آوف ..
جلس زياد :وشو ذا .. جهاز تحليل حمل ؟
العنود: آيييه خليت الشغالة تجيبه لي البارح لما كنت بالعرس لان مرآ شاكة وجربت اليوم الصباح والحين وشو ذا ..
زياد قدم الين صار جنبها وهو يطالع بالجهاز خطين واضح وغامق ..ابتسم : مستعدة تصرين ام ..
العنود ابتسمت : قول والله حامل..
زياد ضحك ..
نطت وتعلقت برقبتها وكان جالس على طرف السرير رجع ظهره على السرير وهي بحضنه ..:ونااااااااااااااااااسة ..
ضحك وهي على صدره : فرحااانة..
العنود :كثثثثير ..
استوعبت الوضع وجات تبعد ..
زياد:خليك ..
بعدت ووجهها أحمر ..
زياد فارد يدينه على السرير :حطي راسك هنا (يأشر على ذراعه)
العنود :لآ ..
زياد: حطيه ..
العنود :لا ..
ضحك وقعد : مافيه امل ..
العنود :لا ..
زياد : ههههههههههه يازين لا من فمها .. البسي عباتك خلي نمر المستشفى ونسوي تحاليل وافتح لتس ملف عندي ..
العنود: يعني تصير أنت الدكتور المشرف على حملي..
زياد ابتسم: أي نعم ..
قام يبدل وقامت العنود معه ..
.
.
.
المستشفى ..
مكتب زياد ..
العنود :يؤ تألم هالابر..
زياد: بس سحبت دم بسيط ..
العنود: ليه ماتسحبه أنت..
زياد : ياروحي ليه ماقلتي لي كان سحبته أنا لتس .. الحين فتحنا ملف والتحاليل بعد عشر دقايق راح تطلع ..
العنود: اطلب لي عصير..
زياد: من عيوني ..
طلع يجيب لها بنفسه طلبها ورجع ومعه ساندوش لها :لازم تأكلين ..
العنود: بس عصير..
زياد: لازم الحين تأكلين عنك وعن هالبيبي ..
حطت كفها على بطنها : هنا بيبي ..
ابتسم : آييه .. اكيد راح يطلع على امه قمر..
العنود :تبيه يشبهني ؟
زياد: آبييه نسخه منتس ..
العنود :وناسة يعني تحبني ..
زياد وهو جالس على الكرسي مقابلها : أحبك .. قولي وش كثر تحبني ..
العنود :طيب وش كثر تحبني ..
زياد: كبر هالدنيا وهالسماء .. آحببببك كثير .. يمكن لما تزعلين تقولين أنت ماتحبني بس ربي يالعنود يشهد ماحبيت مثلك وياكثر ماتغاضيت لاجلك وياما انذليت عشانك وياما مشيت لتس أشياء مايممرها غيري..
ابتسمت وقامت باست خدها : ميانيو.. يعني آسفه ..
زياد كان راح يتكلم دق الباب وجلست العنود دخلت الممرضة ..
زياد أخذ اوراق التحاليل وابتسم : ياجعلننني ياروح زياد مبروك الحمل..
ضحكت وعضت أصبعها :ربي يبارك بعمرك .. تعال نروح لنجد فديتها أبيها تفرح ..
عدلت غطاها وقومته معها وهو خاق معها ..
...
مكتب نجد ..
نجد فرحت حيل: لا هالخبر يبي له احتفال ..
كلمت وطلبت لهم ..
زياد : بصير أبو ..
العنود : وأنا بصير ام ..
نجد:ههههههههههههههههههه ربي يسعدكم توسعون الصدر.. لما يسافر أبوي وطلال تعالوا عندنا بالبيت ..
زياد: لاتعالوا للبيت عندي ..
العنود: آيييه عاد عيشوا معنا وقت ..
.
.
.
المغرب ..
المستشفى ..
صفا :بعد لاتلمسني .. ماكفاك اللي صار ..

ماكفاك إني نزفت ..
ومت .. مت
وضاع صوتي وأنتهيت ..
وإنت .. إنت
ضعت منك ماندمت ..
وإنصدمت ..

فهاد :وش ذنبي..
صفا: ذنبك أنك اجبرتني على الروحة.. ذنبك أنك مارديت علي..
فهاد مسك كفها : صفا اسمعيني .. وقرري وسوي اللي تبينه ..
باس كفها :تبين تطلعين من المستشفى ..
صفا : آيييه ..
فهاد : الحين اروح اكلم الدكتور ..
صفا: أبي اسافر لامي ليه راحت ؟
فهاد: لان اخوانك بتبوك وحدهم ..بس أنا وعدتها أوديك لها بعيد الضحية.. والله يعيني بفقد تؤمي وروحي ..
صفا: عشان الذنب راح توديني ..
فهاد :صفا وعد مني لانسيك هالجرح .. بس عطيني فرصة ..
صفا دمعت عيونها وصدت عنه ..
.
.
.
بعد اسبوع ..
ملكه وزواج فارس وسارة ..
كان فارس باينه على الضيقة ..
دنقت له شهد : فارس ابتسم الكل عيونهم عليك أنت وسارة..
ابتسم مجاملة لاخته ..
فارس : رحلتنا الصباح لـ بريطانيا ..
ماقدرت سارة تتكلم ..
فارس : تقومين الحين ..
سارة ماقدرت تتكلم على الصامت ..
فارس من الذوق مسك كفها ووقف وبدت الزفة لهم ..
.
.
.
الفندق ..
فارس نزل الهدية وقام : هذي هديتك .. ومعليش عليها .. بروح انام وافضل لتس تنامين لان رحلتنا الصباح ..
دخل للغرفة فك ازارر الثوب : معليشش مادوي اجرحك يابنت الناس منيب أبغاك ..
رمى نفسه على السرير وغمض عيونه يتناسى كل اللي صار ..

بصالة الجناح ..
دمعت سارة وناظرت نفسها بالمراية الكبيرة ووابليس بدأ يلعب بأفكارها وثقتها بنفسها اهتزت من تصرف فارس ..
قامت فتحت شنطتها ودخلت تأخذ لها شاور..
.
.
.
ببيت طلال ..
سمع طلال همس صوت بكاها وهالليلة ليله فراقهم لانه بيسافر لامريكا..وهالسفرة لعيون أبوه عشان يتطمن عليه ومقدر يرفض له هالطلب .. برغم كرهه للسفر والغربة ..

ليلة فراقك .. ودمعـك لمّـا بعيونـك بـدا
من لمحته قبل أسافر .. ماهنا لي مرقـدي
قلت لك :"أيام وارجع" ، والحكي ضايع سدى
لاْن - بالأيام هذي - حتى هالقلب يغـدي!!
ياوطن روحي أماااانه كفكفي هـذا النـدى
واعذريني والله إن الوضع ماهو فـي يـدي
كل شيّ ٍممكن إني أرفضه لجلك .. عَـدا..
[شايبي] لامن زهمني قلت: "أبشر يابعـدي"
انتي أكثر من عرفني ماهو من طبعي الردى
وآنا اعرْفك طووول عمرك ماتحبين الـردي
رحت.. لا قلبي.. ولا فكري.. ولا بالي هدا
رحت.. وهمومي تجر أحزان درب ٍسرمدي
المصيبه.. كثر ماني والسفـر أكبـر عِـدا
كثر ماربي كتب لي معه أجدّد موعـدي!!!

تحرك من مكانه وقرب لهاعلى جهه نومها بالسرير :ا آحنا مااتفقنا نبطل دموع ..
دلت يدينها من ورى رقبته وضمته وهي تبكي ..
طلال دمعت عيونه :وجن ..
كانت تبكي وبصوت مسموع وتشهق ..
طلال : وجوتني ..خلي نستانس بهاالليلة ..
بعدت عنه :آسفه روحي بس مجرد طاري البعد يهد حيلي ..
طلال يمسح دموعها : ماعندك وقت هالدموع شلال ..
كان عزوز بغرفته اللي تفتح على غرفتهم فتح الباب ومشى وكان يمشي ويصكع باللي قدامه ..
وجن: عزوز حبيبي ..
شغلت الابجورة الثانية عشان يزيد النور ..
طلال : وش اللي مصحيك الحين ..
ناظر ابوه ومطلع على السرير ..
طلال ضحك من كل قلبه :مشكلة القزم ناظري شلون يرقى للسرير..
شالته وجن وهي تبتسم : ليه صاحي الحين ..
قام من حضن امه وانسدح بالوسط ..
طلال : آآآوه خطير شوفي بعد راح ينام بالوسط ..
وجن ضحكت برغم شهقاتها ..
انقلب طلال وصار جنب وجن وجلس جنبها وهو يبوسها : خلاص لاتبكين كلها ايام وارد للرياض وراح اخذ اجازة واجننك فيها..
وجن: حلاللللللك سوى اللي تبيه فيني بس لاتتركني ..
طلال ميل نفسه عليها :جد ..
ضحكت: جد ..
طلال : الله لايخليني منك ياوجن ..
وجن باست كفه :ولامنك ويخليك لي ..
.
.
.
ببيت زياد ..
العنود : شلون راح اعيش من غير سارة مقدر..
زياد ماسك يدينها: أنا بعد راح افقدها بس لازم نصبر.. وان شاء الله راح تجي بالاجازات ..خلاص لاتبكين أدعي لها ان ربي يسعدها ..
العنود: حس فيني أنت اخوها صح ..بس أنا اختها وصديقتها وانا وهي روحين في روح .. كل طالعتنا سوى حتى بالجامعة داخلين نفس التخصص نروح سوى للجامعة نغيب سوى كلاسنا واحد .. ياكثر مانمنا ولعبنا وهسترنا سوى .. الحين معناها راح امشي وحدي بالجامعة .. زياد سارة عمري .. حتى الليلة مقدرت ارقص بعرسها برغم أني سبق ووعدتها بس عشان الحمل .. زياد قولي شلون بعيش اعيش من دونها..
زياد كان حزين لفراقها حزن اكثر .. لم العنود لجهته تسوايه ويواسيها..
.
.
.
الفندق ..
الساعة 7 الصباح ..
صحى فارس وماشاف سارة على السرير جنبه .. استغرب ياحيا هالبنات..
طلع للصالة ولاقها ضامه نفسها وشكلها حيل كيوت لابسه بلوزة وجاكيت عليها شتوي مع برد الرياض وبلوزة ميد جنيز ..:صباح الخير..
عدلت جلستها لما شافته : صباح النور ..
كانت تنقل عيونها بين جوالها والارض ..
فارس : مانمتي ؟
سارة : ها ..
فارس كان يتمغط(بتمطط *_^) :اقول مانمتي
سارة : مافيني النوم ..
فارس: اقولك نمتي البارح .. أو بعدك ماجات عينك النوم..
سارة:لا..
فارس: ماتدرين ان ورانا رحله طويلة ..
سارة ماردت عليه ..
فارس: طيب ليه ماصحيتني للفجر..
سارة : صحيتك .. بس ماصحيت ..
فارس : آييه نومي ثقيل ..
دخل لداخل يوضي ويصلي وتالي يأخذ شاور ويطلعون للمطار..
.
.
.

22 - 10 - 2014, 04:38 PM

.
.
.
ببيت طلال ..
رجع طلال يودع وجن بعد ماعطى السواق الشنطة ..
وجن كانت تناظره وهو يفتح الباب ويدخل عشان يودعها ..

جآ يودعني يحسـبني قد الودآع ..
هو بقآ بي حيل حتى أجمعه ..؟!
شـبـ فـيـ روحـي جـنـونـ و
إنـدفـآع ..
و مدت عروقي يديهآ " تمنعه "
قآل : أحبكّ

و أبتدا ً الغيم أجتمآع
قلت : أحبك
و المطر في أضلعه
ترشف عيونه دموعي بـ التيآع
وتعطش عيوني
وتشرب أدمعه
يوم قـفآ و
أنطفـى ذآكّ الـشعآإع طاإر قـلبي من ضلوعي .. يتبعه ..
قلبي اللي .. كلمآ يـ لقآهـّ ضآع كلمآ يغفي بحضنه روّعه ..
وين أوجّه ..؟
كـل وجهآتي ضياإع
كـل أحـآسيسـي
توجهني معه ..

وجن وهي بحضنه وهو مندق : انتبه لنفسك ..
طلال :من عيوني .. كلمت متعب وراح يمر يأخذتس أنتي وعزوز ..يالله اشوفك على خير ..
لمها أكثثر وهي تتحاول قد ماتقدر تتماسك على الاقل تخفي صوت شهقاتها ..
بعد عنها وطلع بسرعة مايبي تشوف دموعه ..
جلست على الارض وهي منهارة ميته خوف على طلال والشكوك اللي تروداها بعدم رجعته ..

هل ّ دمعي فوق خدي وانتثر ..
يوم عزم نور عيني بالرحيل

مادرى بي عايش هم وسهر..
بعد ما قفى وأنا قلبي عليل ..
.
.
.
الفندق ..
فارس كان لابس قميص من أرماني ووجاكيت وجينز : بالنسبة للفستان (فستان الزفاف) راح يمر فهاد يأخذه بعد شوي ويوديه لاهلك ..
ماردت عليه لبست عباتها وشالت شنطتها والشنطة الثانية .. فارس لم أغراضة وطلعوا ..
شافها موظف من الفندق وتقدم وشال الشنطة من سارة ومشى وراها الين وصلت لسيارة فهاد لانه كان ينتظرهم ..فارس لما شاف هالمنظر تقدم لسارة وبهمس :هذا شلون الشنطة..؟
سارة: شافني وجا شالها ..
فارس: ماشاء الله وأنا ورى ماتقولين لي ..
ماردت عليه وركبت السيارة ودموعها بدت تتساقط ..
ركب فارس وبد يسولف مع أخوه ..
وسارة كانت تناظر لكل شي بالرياض ودموعها تتساقط بهدوء على فراق الرياض وأهلها ..

الله اكبر يالرياض ..
يانور ساطع بالبياض..
دمعي من الاعيان فاض ..
لاغبت عنك يالرياض..

.
.
.

المطار ..

زياد ودع أخوه وأبوه ودخلوا لداخل :يارب أحفظهم ..
جلس بصالات الانتظار عشان يشوف سارة قبل ماتروح .. دق على فارس وقال له قربوا من المطار ..
راح يأخذ له شي دافي .. شرب شوي ودق عليه فارس نزل القهوة الفرنسية وقام ..
دمعت سارة لما شافت أخوها جاي كان لابس ثوب أسود وغتره بيضا رامي طرف الشماغ على الكتف الاخر( تشخصية الصقر,المتواضع ) .. سلم على فهاد وفارس وتالي مشى لاخته باس راسها :صباح الخيير ..
سارة صوتها متغير: صباحك نور ..
زياد مسك يد أخته وصار يمشي معها: شفيه صوتك ..
سارة : توني صاحية ..
زياد : تلعبين علي .. ياعيون أخوك لاتشلين هم .. بأذن الله راح تمر بسرعة هالسنين ..
سارة : مابببي اسافر ..
ابتسم زياد : افا .. وتخلين فارس يسافر وحده .. ماتغارين عليه ..
سارة : لا .. أبيييكم ..
ضحك زياد : وأحنا نبيك أكثر بس الحين ربي يوفقك ..
وقف لما شافهم قربوا :انتبهي لنفسك ولفارس .. ولاتمهلين مستقبلك .. اتفقنا ..
شهقت ..
سلم عليها وضمها وعيونه مغرقة بالدموع : مايصلح طول وبعوض وابكي ..
ابتسم وباس راسها ثاني مره : بفقد ملاسنتك ..
سلم على فارس وطلع مايبي أخته تشوف حزنه وتنهار أكثر ..
فهاد :مااكان ودي تسافر لاكان حكمه الله .. الله يوفقك وأنا أخوك وترجع لنا ومعك الشهادة .. اهم شي حافظ على دينك والباقي ربك لاحفظت دينه بيحفظك ..
ضم اخوه :أشوفك على خير ..
مشى وهو ثاني الشماغ مايبي أحد يشوفه دموعه لفراق فارس تؤمه وروحه وكل كله ..
ناظر فارس فهاد وهو يغارد صالات المطار ويطلع لمعت عيونه وتماسك:تعالي سارة ..
مشى وخلص الاجراءت ودخلوا للصالات المخصصة للمسافرين ..
.
.
.
ببيت زياد ..
كانت العنود تبخر الغرف عشان عمتها ونجد .. خلصت ونزلت تشوف القهوة ..
خلصت القهوة وطلعت تأخذ لها شاور سريع .. ماطولت وطلعت عدلت شكلها ونزلت تتنظرهم شوي وهم داخلين ..
العنود قامت: هلا والله ..
سلمت عليهم وجلسوا..
العنود: الله يحيكم ..
عمتها :الله يحيك حبيتي كيفك ..
العنود: الحمدلله بخير.. أخباركم..
عمتها: الحمدلله ..
قامت العنود تجيب القهوة والحلا .. شوي وجابتها قعدت تصب القهوة وتعطي عمتها ..:تسلمين يمه ..
العنود مبتسمه: حزينة على عمي من قده ..
ضحكت عمتها : والله كلهم .. وخاصة سارة بفقدها آخر العنقود .. وطلال يابعد عين امه مدري وش اللي بيصير الله يحفظه من كل شر ..
جلست العنود جنب نجد : غريبة وين زياد ..
عمتها: تو طلع .. العنود ودي ارقد من امس مانمت ..
العنود: فديتك يالغالية تعالي معي لغرفتك فوق ..
عمتها: لاعيوني بجلس بجناح الضيوف ..
العنود : أفا .. هالبيت بيتك وتجلسين بجناح الضيوف .. فديتك تعالي معي لغرفتك ..
كان زياد داخل وسمع كلام العنود ابتسم بحب لها ..
طلعت مع عمتها ..
زياد: أحبببها ..
ضحكت نجد .. : وينك؟
زياد: تو واحد يبي أغراض وعطيته ..
نجد : بطلع لهم تطلع معي..
زياد: آييه طلعنا ..
طلعوا ..
سكرت العنود الباب ..: بسم الله وين اختفيت ..
زياد: اعطيت واحد اغراض..
العنود تطلع لسانها باستهبال : يالبييييه يخقق أخوتس ..
ضحكت نجد ..
زياد ضحك ودخل لجناحهم ..
العنود: تعالي اوريك غرفتك ..
مشت هي ونجد ودخلت نجد للغرفة وعاد حبت تنام لان وراها دوام العصر..
دخلت العنود للجناح ..
زياد : ممكن ترتاحين لان الحركة مهيب زينة لك ..
جلست العنود : لاتخوفني تراني ميته خوف .. لو راح احس راح يجيني شي..
زياد: اسم الله عليتس .. كل شي مقدر ومكتوب ..
العنود حطت كفها على بطنها: ياررب احفظه ..تدري دايم ادعي ربي يحفظه واحصن نفسي عشانه ..
ضحك ولمها :فديتتتتتها هالعسل ..
العنود :لآ زياد لاتلمني أخاف تعوره ..
ضحك الين دمعت عيونه ..
العنود: يؤ ليه تضحك ؟
زياد مامسك نفسه على الضحك ..
العنود: زياااااااااااااااااااد ..
زياد كح بخفيف من الضحك ..
العنود خافت عليه :حبيبي اسم الله عليك ..
ناظرها زياد : عنود تذكرين لما قلتي أحبك.. بعدك على هالكلمة وبجد تحبيني ؟!
العنود تفتح ازار ثوبه العلوية وتسكرها : ياشيخ طحت وماسمت علي أمي ..
ابتسم على تعبيرها العفوي .. وانتظرها تكمل ..
العنود: ماكنت اتوقع أني أحبك لان ماحبيت اذل نفسي وأحبك وأنت بقلبك أنسانه ثانية ماتعشقها لمجرد العشق بينكم قواسم كثيرة مشتركة .. سرحت كثير بخيالك وأحنا سوى فيها .. ناديني باسمها .. الكل يعرف عشقها لها وعشقها لك .. بس قلبي لقى فيك نصفه الثاني .. قبل ماكنت اتضايق ولااغار بس جا وقت صرت اغار عليك بجد بس كنت اكذب شعوري نمى بداخلي ويأكد لي أني أحبك .. آخر مره يمكن عصبت عليك كثير وانقهرت منك وحتى تعبت لان خلاص ..
طالعها زياد أكثر ودقق بملامحها وهي تتكلم وتلعب بازارر الثوب لانها جالسة على فخوذه ..
العنود : صح أنت صرت لي حقي محد يطالعك ولايقولك أو فيك شي ..
ضحك : أنا لك ..
العنود: وحدي ..
زياد :وحدك ..
العنود : بس قلبك أنا مو وحدي فيه ..
زياد رفع ذقنها بيده : طالعي عيوني .. وشوفي وش تقولك ..
العنود بألم : ياكثر ماانخدعت بناس بسبب عيونهم ونظراتهم ..
زياد : وشلون اثبت لتس مقدار وصدق حبي ..
العنود: الايام راح تثبت ..
.
.
.
ببيت أبو فارس ..
جناح فهاد وصفا ..
فهاد جلس لان توه داخل للجناح ناظر صفا وباينه الضيقة بعيونه والدموع اللي بكاها : سااااااافر ..

سافر عساه يعود لي بالسلامــــه
عسى السلامه في طريقه تخاويه

صفا ماكانت تتكلم تتكلم معه ولاتناظره بس رحمته : ان شاء الله يرجع قريب ومعه الشهاده ..
فهاد :بشتاق له .. فارس أخوي وأمي وأبوي وصديقي وتؤمي وكلي.. فارس مو أخو بسس ..
صفا سكتت ماعرفت وش تقول ..
فهاد غطا وجهه بشماغه ودخل بنوبه بكا .. كأن فارس تحث الثرى مهوب فوق الارض ..
صفا قامت من مكانها :فهاااااد تكفى لاتبكي ..
فهاد مارد عليها ..
صفا لمسته وتحاملت على ألمها وقومتها من السرير عشانه .. :خلاص فهاد ..
دف يدها المكسورة بعصيبه الين ارتطمت بذقنها :خليييييييييييييني ..
دمعت صفا وقامت عنه والالم بيدها اشتد ..
طلعت للصالة ومسكت يدها بيدها الثانية وترتب على الالم لعل وعسى يخف ..
كان شكلها يكسر الخاطر شوي تربت على يدها وشي تمسح دموعها وتخفي صوت شهقاتها ..
.
.
.
الطيارة ..
فارس : تبين شي ..
سارة كانت ميته نوم بس ماحبت تنام :لا ..
فارس بصوت هامس بينهم: كلي منيب فاضي تطحين علي ..
انصدمت من قسوه كلامه .. ببالها هذا الحنون والطيب .. أذا ذا حنون وطيب وش يطلعون اللي موب حنونين وطيبين ..
.
.
.
الرياض ..
ببيت أبو فارس ..
جناح فهاد وصفا ..
طلع فهاد من الشاور عشان يهدي اعصابه شوي ويروح الصداع ..
جلس جنب صفا وشافها مغمضه عيونها وباين من طريقة تغميضها أنها تتألم ..: صفا ..
ماردت عليه ..
فهاد : صفا آسف مااكان قصدي ..
لمسها وحاول يبعد يدها على عيونها ..
صفا :تأأأألم بعد ..
فهاد : آسف صفا ..
صفا : ودي اموووووووت واخلص منك ومن أبوي .. أكرهني لانكم بحياتي .. (بضعف والم ) ليه سويت فيني كذا حرام عليك يدي تألمني..
حاول يقربها له بس صدته : ارجع لابوي والذل والهم ولا اعيش معك يافهاد ..
فهاد فهى :صفا وش تقولين ؟
صفا: مابيك ولا بي أبوي بس نار ابوي وظلمه ولااعيش معك واجيب عيال ويتعذبون مثلي ..
فهاد : صفا مافيه رجعه وحتى أبوك لما يتعدل راح تشوفينه ..وبقولك شي لاتخافين لاني محرم على نفسي قربك الين تتعدل حياتنا ..
صفا: وتبيني اصدق .. مستحيل أنا الى الان مستغربه منك ..
قامت للغرفة وصكت على نفسها ..
.
.
.
اليوم الثاني ..
شقة ماجد ..
انصدم وهو يسمع وجدان تكلم امه بلجهه جافه جدن ..
دخل :سلام ..
وجدان عصبت ودخلت لغرفتهم ..
ماجد باس يد امه : كيفك يالغالية ؟
امه: بخير دامي اشوفك يانظر عيني ..
ماجد: الله لايحرمني منك يايمه .. وتين وش تسوين ..
امه ضحكت : تهمز رجولي .. ولاودي تهمزها تعب عليها ..
ماجد: ياجعلني فدا رجولك يمه خليها تمهزها ..عن اذنكم ياحبايب قلبي أنتم ..
قام من عند امه وبنته ..
دخل للغرفة وصك الباب : ممكن اعرف ليه تكلمين امي بهالاسلوب الجاف..
وجدان : أجل تخلي وتين تهمز رجولها ..!
ماجد: عشان كذا زعلانة ؟
وجدان: تراها بنتي وجلستها عن رجول امك وتهمزها مذله ..
ماجد كان يخزها بنظره ..
وجدان: ليه ان شاء الله تناظري كذا ؟
ماجد : الصمت يوفي عن الكلام ببعض الاوقات ..
طلع من الغرفة وراح لامه وبنته ..

بريطانيا ..
شقه فارس ..
سارة تطالعه : شلون يعني راح تتأخر ..
فارس معه اوراق: يعني راح اتأخر ..
سارة: بس اخاف ..
فارس: اجيب لتس رضاعه واحط فيها حليب يعني .. منتب بزر ..عشان تخافين .. وبعدين كل العمارة عرب حاولي تتعرفين عليهم وناصر وعبدالرحمن زوجاتهم هنا يعني تعرفي عليهم .. أنا وراي دراسة ومستقبل منيب فاضي لدلع البنات ..
سارة تعلقت عيونها بعيونه والصمت سيد الموقف..
فارس : أنتي ليه وافقتي على الزواج هالشي ابغى اعرفه ليييه ؟!
طلع وصك باب الشقة بأقوى ماعطاه ربي ..
دمعت عيونها من القهر صرخت ومارد صوت صداها سواه : آي حننننننننننننان فيه .. زززفت ..
.
.
.

22 - 10 - 2014, 04:39 PM

الجزء الثامن والعشرون ..
الرياض ..
ببيت أبو بندر..
نورة : خلاص سافر الله يحفظه..
أختها فاطمه: مجنونه .. وحده تخلي زوجها يسافر وحده بغربه..
نورة: عادي..
امها: خليها تعض اصابعها ندم لارجع ومعه اجنبية ..
ضحكت نورة ..
فاطمة: مردك تبكين ..
نورة :منيب ببكي .. بس هي شهرين وبيرجع ..اهم حاجه ربي يحفظه..
فاطمه: أنتي موب مأخذ عقلك غير زياد ..
نورة : فاطمة لاتغلطين .. الحين أنا لعبدالاله ..
فاطمة: على بالك ماادري يانورة عن تصرفاتك .. وحتى نظراتك للعنود..
نورة عصبت :خيير يافاطمة بالقوة تبين اتذكره .. ايييه نظراتي نظررات كرهه للعنود واكرهه زياد ووعد حياتهم لخربها ..
طلعت لغرفتها..
أم بندر:ياويلي البنت انجنت ..
فاطمة: الله يستر عليهم منها ..
.
.
.
ببيت أنفال..
أنفال : طيب طيب يمه ..
امها: مشكلتك للحين موب مستوعبة انهم ملكوا الظهر والليلة حفلة الملكة..
دخل عبدالملك وجلس: نفول جيبي لي موية ..
مشت أنفال ..
امه: يابعد عيني تعبت.. عقبال عرسك..
ضحك: بدري يمه ..
امه: هذا هو عمر بعمرك وتزوج ..
عبدالملك يأخذ الموية من اخته: تسلمين.. بس عمر حاله خاصة مطفوق..
ضحكت امه ..
عبدالملك : انفال ترى بغى يجي عمر معي وطردته ههههههههههه..
امه: وخزياه ..
عبدالملك:صح يقول يبي يأخذ أنفال ويطلع ..
امه : الله يهديه .. يخليها للزفة .. عاد هي بعد بكرة ..وين أبوك؟
عبدالملك : أخذه عمر عشان يشوف القاعه ..المهم المعازيم اهلنا بس..
امه: ايييه .. لان العرس بعد بكرة ..اكتفينا بالعائلة ..
.
.
.
ببيت زياد ..
جناح العنود وزياد ..
العنود : اشتقت لسارة .. آففف ليه مادقت ..
زياد: شهر عسل ..
العنود: طيب أنا كنت اكلمها يوميا ..
زياد ابتسم : الله يجزاك خير ماكنتي تقصرين ..
ابتسمت : لاتتطنز ..
ضحك : وأنا صادق .. قومي أكييد راح تكلمك ..
العنود : أنا حاسه فيها شي..
زياد: لاتوسوسين ..قومي ننزل تحت ..
نزلت معه ..
وكانت عمتها جالسة تقرأ كتاب ..
دخلت المطبخ تسوي قهوة ودخل زياد معها لان امه مندجمة مع الكتاب ..
زياد: عنود ..
العنود: عيونها ..
زياد : أنا عيونك ..
العنود: غالي وأغلى من عيوني ..
زياد : لبآ عيونك .. اشوفك ساحبه على الجامعة ..
العنود: صح صح تذكرت .. أبي اعذار ..
زياد: عشان ؟
العنود: عشان اتصور معها مثلا ..عشان اعطيها الدكاترة ..
زياد : من عييييوني ياعييييوني ..
العنود : زياد تعال حبيبي بما أنك جالس ..
ضحك وقام ..:امريني ..
العنود :فيه حلا بالثلاجة طلعه وقطعه ..
زياد يناظر ماشاف الشغالة : ماعرف وين الشغالة ..
العنود: طلعه حبيبي ..
ضحك ومشى يطلعه ..
العنود: آيييه طلع صحون الحلا شوفها بالدرج ذاك ..
مشى وطلعها ..
العنود: حبيبببببببي اغلسها اول ..
حطها وغسلها ..
العنود قطعت الحلا :حطه حبيبي هنا ..
حطه ..
العنود: آييه حلو كذا ..
زياد: طلع سهل احضره ..
العنود: آييه مايبي له ..
زياد غطى الحلا الباقي ورجعه للثلاجة .. ابتسم وكأنه طفل : الحين أنا شاطر ؟
العنود ضحكت: بقوووووة..
زياد دنق: بوسه أجل لاني ساعدتك ..
باسته مرتين ..:ياعمممممممري أنتتت أموت فيك ..
خق زياد ..
العنود ضحكت ولفت تكمل القهوة ..
خلصتها وطلعت هي وزياد وهو شايل القهوة ..
جلسوا مع ام طلال ..
نزلت الكتاب وتقهوت ..وقعدت تسولف معهم : اليوم وحده من زميلاتي طلبت نجد لولدها ..
زياد: نجود اختي ؟
امه : آييه .. ولدها مطلق وعنده طفلين ..
زياد: لا يمه لاتوافقين عنده طفلين وين لنجد تربي عيال غيرها..
امه : خل نشوف راي نجد ..
زياد: أكيد ماراح توافق ..
امه: مدري لان الراي رايها ..
زياد: على قولك ..
العنود كان تأكل حلا وتفرفر بالقنوات ..
زياد: ياحلوه لاتكثرين حلا ..
العنود : لييه؟
زياد: موب زينه كثر السكريات للحامل ..
العنود نزلت الصحن بسرعه :خلاص موب ماكله ..
عمتها ضحكت : زياااد لاتعقد البنت ..
زياد فيه الضحكه بس يبي يشد على العنود على الاشياء الضارة تبعد عنها : خليها تبعد .. وحتى الغازيات لزوم تبعد عنها لانها تشوه الجنين ..
العنود :يممممممه وخر عني وش تبي تشوه البيبي ..
قامت عند عمتها ..
اللي ابتسمت ولمتها بحنان : لاتخوف بنيتي ..
زياد :عشان تدير بالها على نفسها أكثثر..
دخلت نجد من شغلها ..سلمت وجلست ..وكملوا سوالف الا نجد
كان باين عليها الضيقة .. من دخلت وهي تناظر الجوال وتحرك يدها عليه بهدوء ..
امها: نجد شفيك؟
نجد ناظرت امها :ولاشي يمه .. بس انتظر يأذن واصلي وانام..
امها: زين اجل.. اليوم فيه وحده طلبتك لولدها تعرفينها الدكتورة اميمة..
نجد ناظرت امها ونقلت النظر بين امها واخوها والعنود وسكتت لفترة وهي تعيد التفكير بكلام امها وببالها يعني معناه تجربة جديدة رجل جديد راح يكون بحياتها معناها ممكن تجربة بندر تنعاد ..
امها: نجد شفيك ؟
نجد كانت مسرحة ..
امها: نجد ماما ..
نجد ناظرت امها :يمه مستوعبة الكلام اللي قلتيه لي..
امها: نجد فكري بالموضوع بعقلك ..
نجد وقفت : يمه بليز لاتحاكيني بأي موضوع من هالنوع .. أنا خلاص أخذت نصيبي من هالموضوع ومستحيل اعيد التجربة ..
قالتها وهي ترجف ويدينها عرقت :بليييز ماما..
وقفت امها ومشت لها :نجد ماما اهدي ماصار أي شي بس أخذت رأيك ودامك مش موافقة خلاص نبطل ..
زياد والعنود كانوا يناظرون الموقف وساكتين ..
نجد بعدها على حالها: وعد ياماما ..
امها: آييه عيوني ..
سندتها وطلعت لغرفتها عشان ترتاح ..
العنود تطالعهم وهم طالعين بالدرج الين اختفوا : وجع يوجع بندر الزفت..
زياد : ودي اعرف وش اللي خلا نجد تتطلق منه .. نجد بليلتين عانت منه كل ذا
العنود متعجبة: شلون ؟!
زياد : لانها اليوم الثالث كانت بالمستشفى منومة وحتى حسيت فيها اثار بس أني غضيت البصر وجيرت هالبقع لشي ثاني ..
العنود فتحت عيونهاأكثثر ..
زياد ابتسم : لبآ العيون ووسعهن .. وراتس ؟
العنود : مافهمت كلامك قبل شوي ؟
زياد وقف وهو مبتسم : مهوب لازم تفهمين ..
العنود: الا أبي افهم ..
زياد : نو ..
العنود تمسك كفه :مالي شغل تقول ..
زياد :ههههههههههه بنت بلا غباء .. واضحة ..
العنود فكت يده وتكفت :لاتكلمني زعلانة ..
ضحك : طيب قومي لغرفتنا واقولك لما تحضرين ملابسي بطلع للمستشفى عندي دوام مسائي ..
ماردت عليه ..
زياد دنق : مشكلة اللي تعودت نشيلها ..
العنود : لاآآآآ ..
وقفت :ها تقول ..
زياد: آيييه بقولك بس موب هنا ..
العنود: تلعب علي ..
زياد: لا جد ..
مسك يدها وطلعوا لجناحهم ..
بجناحهم ..
العنود : يله قول ..
زياد : هههههههههههههههههههههههههههه ..
العنود : والله انك تقول تلعب علي ..
زياد : لاتعصبين طيب .. مهوب زين للبيبي ..
العنود :زيااااااااااد لاتتهرب ..
زياد :ههههههههههههه ..
باسها الين بانت بوجهها .. ومشى وهو يضحك ..:الحين شوفي اللون ؟
العنود بعدها مفهية ناظرت المراية .. وحمر وجهها للحظه وناظرت زياد :زيادوه وش ذا ..
زياد: تبين تعرفين هالبقع هذي هي ..
دخل يحضر له ملابس وهو يضحك لان العنود تتحلطم بصوت عالي : وراتس أنتي قلتي قول لي ..
بدل وكان يلبس الشماغ ويعدل النسفة :عنوده هاتي الكبك ..
العنود كانت تفرك خدها وتناظره بحقد :موب جايبته ..
ضحك وهو حاط اطراف الشماغ بين ذقنه من تحت ونحره ويعدله : آفا..هاتيه عنادي..
العنود مبوزة: لا..
زياد يحط العقال ويضحك : أنتي كنتي تبين اقولتس ..وقلت لتس .. عنوده جيبي لي الكبك ..
عاندت فيه وجلست ..
ضحك ومشى يأخذ الكبك وجلس جنبها وجلس يركب الكبك ولما خلص ضم العنود لمه :صدق زعلانة ..
ضحكت بدلع : تخاف على زعلي..
ضحك :آخاف وآخاف كل شوي يهون ولااشوف هالتكشيرة ..
العنود كانت ماسكة يد زياد وتطلع نص الساعة لانها حركة دراجة :يالبنــىأأأ تخقق تسذا ..خلها ..
زياد: من عيوني ..
وقف : الحين بروح للمستشفى ..
وقفت معه :لحظه ..لحظه ..لابس ثوب أبيض وين الجاكيت ؟
زياد: قماش الثوب ثقيل ..
العنود :لحظه ..
دخلت تحوس وجابت له جاكيت :البس ..
زياد لبس وقعدت العنود تسكره وراحت تجيب العطر ورشت له تالي عدل زياد شماغه :أشوفك بالليل ..
العنود تذكرت: لحححححححظه ..
راحت وجابت الكام :بصورك ..
زياد ابتسم : حلالك ..
صورته آكثر من صوره يأكثر من وضعيه :اجلسسس ..
جلس وهو مبتسم ولقطت له صور :يالبنىآآآآ خقه ..
زياد بعده مبتسم : خلاص اروح ..
العنود نزلت الكام : آييه .. تهبببل زيود ..
حط يدينه على اكتافها ومشى : الله اعلم منهو اللي هبل زياد بحسنه واخلاقه وكل كله ..
ضحكت ونزلت توصله للباب ..
.
.
.
ببيت أبو فارس ..
دخل فهاد لغرفته مع فارس ووقف بالباب وكفه ماسكه المقبض وهو ينقل نظره بالغرفة ناظر بالصور المعلقه على الجدار ياكثر ماتعبوا عليها وأخذو تهزئي عليها من امهم وأبوها ابتسم وخالطت بسمته لمعه دموع..ناظر الدولاب وهو مسكر كان دائما مفتوح لان الملابس تكون مرمية باسفله ولايتسكر والحين مسكر لان صاحبه راح .. ناظر العطر والسرير ومنشفة فارس المفضلة ..
دخل للغرفة ونفسه ثقيله صك الباب عقبه وجلس على سرير فارس :الله يردك يالسلامة ..
طلع جواله ودق عليه مشتاق له كثثثير مو متخيل حياته وان غربه فارس راح تطول وان توه مسافر مالها حتى ثلاث ايام :ياحيله الله ..
رد فارس :هلالالا والله بحبيب أخوه ..
فهاد خنقته العبرة ومسك نفسه : هلا والله ..
فارس حس بصوت اخوه ومشى مايبي يضيق أكثثر: شخببارك ؟
فهاد وقف وحط يده بجيب الثوب وصار يمشي بالغرفة: تمام ماناقصنا الا وجودك .. آخبارك ..
فارس: بخير الحمدلله .. الحين توني طالع من الجامعة لان خبرك العيال قدموا كل أوراقي بس حبيت اشوف الكلاسات والحين بروح مع الدحمي ونصور نشوف المعهد ..
فهاد: أي معهد ؟
فارس: معهد لغه انجليزية ..
فهاد :طيب لغتك ممتازة ..
فارس: العيال داخلين عاد لازم ادخل أبي اتطمن أكثثر ..
فهاد: الله يوفقك .. المهم لارحت للشقة كلمني ..
فارس: ان شاء الله .. انتبه لنفسسك ..
فهاد: مفروض أنا اوصيك .. يله ودعتك الله ..
سكر من اخوها ومشى فتح الدريشة ووقف يناظر وهو متكي ناظرالاماكن عند بيتهم كانوا يقعدون بعد الصلاة مع عيال الحي وناظر المكان اللي كانوا يجون منه من المدرسة .. تخيل ان فارس قاعد على الرصيف ورجع للواقع فارس مسافر وينه ووين هالرصيف ؟!

معــقوله ســافر ..
صـدق خــلاني وراح ..؟؟
يمــكــن أحـــلم ؟
لا.. أكيــد إنه وهـــم !!..
جــاوبيني يالريــاض ..
ياالأمــاكــن .. يالطيـــور..

.
.
.

ببيت أبو عبدالله ..
غرفة وجن ..
وجن: آيييه حبيبي بس عزوز شقي زود ..
طلال : لاتخافين أنا طيب .. طمنيني عنك وعن عزوز ..
وجن: كلنا بخير فديتك .. خذ عزوز معاك ..
عطت الجوال عزوز:كلم بابا ..
عزوز فهى يناظر الجوال ..
وجن ابتسمت: عزوز كلم بابا او هات الجوال ..
خذت الجوال : ولدك نزل عليه الحيا فجأه..
ضحك طلال : خليه الدب .. المهم عيوني ديري بالك على نفسك وكلي زين لانك عصلا أبيك مريتي دبدوبة ..
ضحكت: بصير لك اللي تبي بس عجل بالرجعه .. مرت 3 ايام ..ياطول الوقت..
طلال: برجع ان شاء الله .. لاتشيلن هم .. وجون بسكر لان صحيت من النوم وصليت الفجروجلست مع الوالد وحنيت عشان اسمع صوتك وحبيت اكلمك ..والحين بنام لي شوي لان الموعد بعد شوي بالمستشفى ..
وجن: ربي يحفظك لي من كل شر.. امنتك الله ..
صكت من طلال :عزوز ليه ماكلمت بابا..
عزوز :مابببي ..
وجن: وين تروح خالتك العنود على هالكلمة ..
دق الباب ودخل أخوها بدر :هلا بدر..
بدر: هلا بك .. اجلس معكم ..
وجن: آيييه تنور الغرفة ..
شال ولد أخته وجلس ..:آخببارك ماجلست معك من جيت بس خبرك الحوسة ..
وجن: تمام .. كيفك مع الشغل ؟
بدر: الحمدلله ..بس الوالد مأخذ على خاطره يقول اجي اشتغل بالشركة ماابغى أنا ماابغى افرط لان بصراحه دكتور بالجامعة هذا طموحي من وأنا صغير والحين اعد ابحاث واطمح للمزيد لان شغل الشركة مهوب جوي..
وجن: الله يهدي ابوي ..بس أكيد راح يتفهم ..
بدر: ان شاء الله .. الحين وعد تبي تطلع بيت وحدها والوالد مهوب موافق..برغم إن بيتنا موجود بس يقول خلوكم معنا.. وبين نارين نار الوالد ووعد ..
وجن: أنا بكلم أبوي ..لان بنت الناس هذا حقها ..
بدر: تعبت احترت بينهم ..
وجن: فديتك بعد شوي راح اكلم ابوي ..ولو أنه ماصار يجلس بالبيت مثل قبل غريببة ..
بدر: فعلن مستغرب ..جيت اناديك للقهوة ونسيت مع السوالف..
شال ولد اخته ونزلوا ..
جلست وعطتها وعد فنجان قهوه :تسلمين قلبي..
ام عبدالله: وجن شفيك ذبلانة وأنا امتس..
وعد: صادقة عمتي حيل ذبلانة ..
وجن ابتسمت: ولاشي ..
امها: كيف مافيك شي شوفي وجهك .. وعيونك ..
وجن: مافيني شي ..

مافيني شي !
وربي مافيني شي !
كل مافيني إني جالسه
أتعود غيآبه .. وهو حي !

بدر: خلو وجن براحتها ..
وجن: الله لايحرمني منك ..
ضحك بدر لما شاف بنته وولد اخته يتهاوشون على الالعاب نزل الفنجان وقام:بسسسكم ..تعالوا نطلع للبقالة .. ياحلوات كل وحده تشيل بزرها وتبدل له وانا انتظرهم بالسيارة ..
وجن :راح يتعبك ..
بدر: لا بدلي له وخليه يروح معي ..
قامت وجن وشالت ولدها وطلعت تبدل له ..ووعد كذلك ..
وعد وقفت: بدر البنت ماتتحرك الا تحبي ليكون راح تحطها بحضنك وتسوق؟
بدر ابتسم:آييه ..
وعد: لا.. ارتاح .. خذ عزوز وجيب لها أي شي ..
امه: صدقت مرتك .. خل البنت هنا..
جابت وجن ولدها .. شاله خاله وطلع ..
وجن: ماراح تطلع ريفال ..
وعد: لا اخوتس يقول بحطها بحضني وراح يسوق مجنون..
وجن: ترى حتى طلال تسذا .. الله يهديهم .. يمه وين أبوي ماله حس ..
امها: يقول عندهم اشغال بالشركة .. الله لايشغلنا الا بطاعته ..
.
.
.
ببيت أبو فارس ..
جناح صفا وفهاد ..
صفا توها تدري بسالفة حبس أبوها ..وزعلت كثير .. :الحين اروح اطلعه..
فهاد: خليه ينطق بالسجن عشان يعرف كيف يضرب..
صفا بقهر وغبنه ورحمه بأبوها: هذا أبوي .. عارف شمعنى أبوي.. رضا ثم رضاه علي.. ضربني اهانني أنا اضل بنته ولازم اطلب رضاه ..
فهاد رفع حاجب : تتكلمين من جدك ..
صفا: مهوب من الميانه او الحب اللي ببينا واتكلم بمزح .. طلعني الحين للمكان اللي فيه ابوي واطلعه ..
فهاد: لا..
صفا بعصبيه : أنتتتتتتتتتتت ماتفهم ليييه ؟ أقولك أبوي ..
فهاد ببرود : وأنا قلت لتس خليه يخيس ..
صفا : راح اطلع ابوي والله لايحوجني لك ..
دخلت لغرفتهم وقعدت تدور جوالها .. لقته وقعدت تدور اسم خالها تدق ويجي لها ..
سحب فهاد الجوال : خليه يخيس ..
صفا :فهههاد عطني الجوال .. مهوب شغغغغللك ..
فهاد بهدوء: صفا منيب معطيك ..أبوك خليه يجلس شوي ويمكن طلع بواسطه ..لاتخافين عليه ..
صفا تبكي بقهر وحنان على أبوها: فهاد ذا أبوي تكفى تكفى عطني الجوال..
فهاد مسك كفها وبهدوء : صفا أبوك لو طلع هالمره راح يعيدها ويضربك خليه يتعلم .. وبعدين أمك اللي حبسته ..خليه لامك .. أدري ذا أبوك ومهما يكن مايهون بس أمك أدرى باللي سوته ..
صفا نفضت يدها منه : مالك شغل يذبحني يسوي اللي يبه ياليتي ماقمت من عقب ضربه .. يكون أحسن يكون بعلمك لما شفتك حولي كرهتني اكثثثر (رفعت صوتها وهي تحرك يدينها عشان تفهمه أكثر) عارف ليييه كرهتني لانك بحياتيييي أكررررررهك كثثثير يافهاد .. أنت واحد أناني ونذل وزفت وكل همك نفسك بس نفسك ..(رفع صوتها لنبرته العادية بس بنفس العصبيه)لقيت وحده وقلت خل اتزوجها وفرحت كثير بأهانتي عشان تأخذني معاك وأخذتني لان ماوراي عزوة وسند ..بس شلت هم نفسك وقلت خل اسوي عرس عشان تكشخ فيه أنت .. وحتى الوظيفة موب متوظف عايش مع أهلك وخليتيني أعيش هنا لانك موب قادر تفتح بيت لوحدك.. يأخذها من عيشه لا أبو ولازوج سنعيين(همست بهمس خافت عكس صوتها وبكاها العالي قبل ثواني ) آكرهك ..
فهاد بنظره تدمي انجرح كثير من كلامها : خلصتي كلامتس .. قضيتي .. ماتبين تقولين أكثر..
صفا صدت ..
فهاد رمى جوالها على السرير وناظرها وقال بنره لها الف معنى: الله يعطيك العوافي ..

الله يعطيك العوافي ياللي بالتجريح وافي
ارحم احساسي وقلبي كافي منك جروح كافي
شلت همك فوق همي وانت لاهي منت يمي
احترق ياهوه دمي حتى دست الشوك حافي
انا محتاجك ياروحي ماني محتاج لجروحي
منهو غيرك قبل بوحي يقرا بعيوني الخوافي
عطني من قلبك حنانه رد لاحساسي امانه
راسي بحضنك مكانه لاغدى بالشوق دافي
تدري لو ماكنت احبك كان ماداريت قلبك
لاولاسامحت ذنبك واقسى واعاند واجافي
بس انا ميت غرامك واغرق بدنيا هيامك
واشعل عيوني بغيابك شمعتين وانت غافي

سمعت صكه باب الجناح .. تهاوت على السرير وبدت معها نوبة بكا وهي تسترجع كلامها وجرحها لفهاد .. والاقسى انه شكرها على جرحها .. حست ببشاعة كلامها وطعنها بكرامته ورجولته .. كثرت ماكانت كارهه نفسها كرهتها زود ..
.
.
.
الدور الارضي ..
امه شافته مسهي وساكت على غير العادة ..:فهاد شفيك ؟
فهاد بشرود: مافيني شي ..
امه: وجهك يوحي انك متضايق ..
ابتسم لامه وهو يحاول يخفي حزنه وقهره : لا يا جنتي مافيني الا العافية..
وقف : يمه بطلع للوالد الشركة ..
امه: توك جيت قبل شوي ..
فهاد: عندي اوراق يبي لها توقيع بخلصها وبطلع ادور شقه ..
امه :شقه ؟ شقه وشو ؟
فهاد : أبغى اطلع بشقه لوحدي ..
امه: موب مرتاح هنا ..
فهاد: أفا يمه ورى هالكلام .. بس خبرك أبغى استقل واعتمد على نفسي..
امه: الله يوفقك .. اجل لاتدور ولاشي أنا بخلي أبوك يعطيك شقه من احد العماير اللي مأجرها .. وتكون دور كامل .. وتأثييه علي ..
فهاد ابتسم بحب لامه: فديتك يالغالية بس أبغى ادور واستأجر ..
امه: ياعيون امك جايك الشقا .. باقي وراك عيال ومصاريف .. والحمدلله دام ابوك ربي منعم عليه خله يساعدك .. ان شاء الله اكلمه الليلة .. ولو انه بيعز علي افقدك وفقدت فارس من قبلك الله يحفظكم لي ..
جلس عند رجول امه ومسك يدها وباسها : ويحفظك لنا ياغالية ..
.
.
.

ببيت أهل شهد ..
كانت شهد حاطه مخده صغنونه بحضنها ومرجعها ظهرها على الكنب وتشوف أنشوده يادمعتي اليتيمه ..

يا دمعتي اليتيمة
يا أحرفي الأليمة
مات أبي فقولي
للأنفس الرحيمة

(يا دمعتي اليتمية)

مات أبي فمن لي
يُلقي الحنان حولي
قولي لهم لعلي
ألقى يداً كريمة

دخل عبدالله ولاحست فيه لانها كانت حيل مندمجة مع الانشودة من غير دموعها اللي على كثر ماشافت هالانشودة ما ملت دموعها من الهطول على خدودها وببعض الاوقات من حرارة فقد أبوها وأمها ينسمع صوت شهقاتها برغم أنها تحاول تدرايها وتكففها .. وقف عبدالله ورى الكنب وتكئى على حواف الكنب من فوق وقعد يكمل معها الانشودة ..

(يا دمعتي اليتمية)

قولي لهم سألنا
أمي عن الكساءِ
بالعيد بادرتنا
بالدمع والبكاء

(يا دمعتي اليتمية)

للكافلين قصي
حكاية الصغارِ
ماتوا بغير راعٍ
يا دمعة انكساري

(يا دمعتي اليتمية)

خلصت الانشودة ومسحت شهد دموعها :يارب ارحمهم ..
عبدالله مسكها من أعلى كتوفها برقي وهدوء : كرهت هالانشودة وكرهت الانشودة الثانية القلب يحزن لان جرحت خدودك .. تكفين دموعك وصوت بكاك يألمني .. عشاني لاعاد تبكين ..
لفت وابتسمت وهي تكابر ألم فقدهم وعيونها من الاثر ملمعه : متى جيت ؟
عبدالله: من نص الانشوده ..
مشى ولف جلس جنبها باسها :شخبببارك ..
شهد :تمام .. أنت كيفك وكيف الشغل ..
عبدالله: صراحة بالحيل معتبني .. مافيه بالشركة غيري أنا وبندر والوالد وعمي شايلين يديهم يقولون الحين دوركم .. وطلال الله يحفظه مسافر .. كان مساعدنا كثير..
شهد:يرد بالسلامة يارب ..ليه سافر هو وعمي ؟
عبدالله: مدري.. أنا مستغرب سبب هالسفرة ..بس فيه شي كايد .. المهم شهدوه خلي نطلع تنعشى برآ ..
شهد :اوك ..
عبدالله : بروح الحين اصلي العشا ولما ارجع نطلع ..
.
.
.
بريطانيا ..
كانت سارة تطالع من الدريشة الوقت بعده العصر ناظرت ساعته اربعه طلعت جوالها ودقت على العنود عقب ماحولته لها العنود وهي بالرياض ..
سارة : سلالالام ..
العنود صارررخت : ياخاااااااااااااينة وحشتنينننننننننني .. وينك ؟
ضحكت سارة : سوري سوري ..
العنود : ينطحك لوري .. شخبببارك ؟
سارة تضحك : تمام .. أنتي كيفك ؟
العنود: تمااااام الحمدلله ..
سارة: وزياد وامي ونجد والكل ؟
العنود: كلهم تمام .. زياد الحين بالشغل ونجد نايمة وعمتي تقرأ كتاب.. أنتي طمنيني عنك ..
سارة بغصه الم : تمام .. بس مشتاقة لكم مووووت ..
العنود: لاتسولفين لي عن الشوق لان بجد مشتاقة لك حيل حيل حيل .. مكانك حيل خالي .. آففف تدرين أحس اني راح اكرهه فارس..
سارة لمعت عيونها وسكتت ..
العنود حست انها راح تضيق صدر سارة : دباااا شخبار شهر العسل..ساحبه علي مع خشتس ..
ابتسمت سارة ومسحت دموعها اللي بدت تأخذ على خدها مجراها : تمام.. هع لان الجوال من وصلت بالشنطة وتو شحنت لان البطارية كانت فاضية .. بس أبي اطلع عشان اشتري لاب توب مقدر اعيش من غيره ..
العنود: آييه صح ماقدرتي تأخذين ذا .. طيب قولي لفارس واطلعوا ..أو لما تتمشون مرو محل واشتروا أكيد حتى هو يبي يشتري جهاز..
سارة: لا هو عنده .. لما ارتب اغراضي راح اروح اشتري ..
العنود: اها .. تسلي .. طيب سارة وشو راح تسوين على الدراسة..
سارة : أمي تقول قدمت طلب اني أجل دراسة وأبوي يقول راح يقدم لي بجامعة هنا وادرس من جديد دام في السالفة غربة اربع سنين ..
العنود: حلو حلو .. أحلى شي تسذا .. توكلي على الله وخذي شور عمي ..
سارة: يعني ادرس هنا ..
العنود: آييه ..
سارة: بس أبوي يقول راح يدرسني على حسابه الخاص..
العنود: طيب أحلى واحلى .. ربي يوفقك قلبي .. اهم شي شدي حيلك.. صح لما تشرتين لاب اشتري كام عشان اشوفتس ..
سارة ضحكت:ههههههههه اوك ..
العنود:هع شرأيك بأفكاري..
سارة: هع تف الله لايضرتس ..
العنود: هههههههههه .. سارة بقولك شي تخيلي مااحس بوحام ..
سارة: اوما ورى..
العنود: مدري.. ماقلت لزياد .. لانه نذل يقعد يسوي فيها ..
سارة:ههههههههههههه فديتتته .. يمكن شي عاادي شوفي شهد توحمت على عبدالله وكرهته ووجن كرهت كل حياتها ياقلبها .. ويمكن أنتي من النوع اللي مايجيهم وحام ..
العنود: تهقين ..يؤ تعالي هنا وش دراك عن هالمعلومات..
سارة:هع هع .. اسمعهم يقولون وقاعده اقولتس..
العنود:خخخخخ .. بس سارة أحس أني اكل كثير عكس اول ..
سارة:خخخخخخخخخخخخخخخ يالله على الوزن اللي راح يصير فيك عاد قزمة ..
العنود : خخخخخخخخخ من طولك الحين ترى مثل طولي بس تزيدين شوي ..
سارة:ههههههههههههههههههه ..
العنود: تخيلي اصير دببببا .. عاد جسمي مليان ..
سارة: لاحرام عليتس جسمك خقه .. مرآ متناسب مع طولة ..
العنود: فديت خشتي ..
سارة:هههههههههههههه ياليل ..
العنود: آييه بكرة بروح أنا ونجد نأخذ البومات الزواج .. فيه البوم خاص فيك وفارس والبوم الثاني للكل ..
سارة: يؤ خاطري اشوفه ..
العنود: لما تشرين لاب قولي لي وراح اخلي المصوره تعطيني اياه على فلاش بعد وارسلها لتس ..
سارة: أوك .. اقول عنوده بسكر الحين لان شكله جا ..
العنود: أوك .. لاتقطعين ..
سارة: اوك ..سسسسيآآ ..
صكت سارة ووهي بعدها على وقفتها تناظر من الدريشة كل هالعالم وهي غابطة اللي يضحكون واللي يلعبون وتتنمى تضحك مثلهم وترجع وتلعب .. بس قالت يمكن أنهم مثلها يضحكون لاجل خاطر غيرهم من حبايبهم نفس ماكانت تضحك مع العنود وهي حيل ضايقة ..
دخل فارس للغرفة :سلام ..
سارة كانت معطيته ظهرها وتناظر من الدريشة :وعليكم السلام..
فارس ناظرها ومشى وقف يناظر معها : مين تناظرين ؟
سارة كانت متكتفة وبهدوء: اللي تشوفه الحين ..
فارس: طيب وش اللي فيهم وتناظريهم ؟!
سارة : وش فيها لو ناظرت ..
فارس: أنا ماسألت عشان تسأليني ..!
سارة سكتت ..
فارس شافها تناظر للاطفال ويلعبون بكل برائه هالدنيا وحولهم أهلهم بالحديقة المقابلة للعمارة اللي هم ساكنين فيها .. :طيب أكلتي شي؟
سارة : صحيت من شوي ومابي..
فارس : يعني نمتي من طلعت الصباح للحين ؟ ليه مااكلتي مهوب زين تقعدين من غير اكل ..
ناظرته للحظه ورجعت تناظر للحديقة ..
فارس تعلثم من نظرتها ومن عيونها الواسعه المكحلة من الله فطره ..ولونها الاخضر الداكن ورموشها الكثفية سكت شوي وقال: آمممم .. تعالي أنا جبت غدا ..
سارة : مالي نفس..
فارس : طيب مااكلتي ..
سارة : الحمدلله شبعانة ..
فارس ماحس بنفسه وجلس يناظرها ويدقق بالنظر فيها .. حست سارة وتلقائيا حركت يدها وخلت شعرها يغطي وجهها من جهه فارس .. حس فارس بنفسه لما سوت سارة هالحركة وطلع من الغرفة بسرعة..
تكت سارة براسها على عمود الدريشة وكملت تناظرت ..
.
.
.
أمريكا ..
رجع طلال من المستشفى ..
أبوه: الساعة اربعه العصر نرجع ونشوف التحاليل ..
طلال: الله يطول لي بعمرك أنا تعالجت الحمدلله .. وحتى الدكتور مع الفحص المبدئي يقول تلاش المرض .. ويبي لي استمر على الادوية..
أبوه: راح تنطمن أكثر لما تطلع الفحوصات ..
طلال: طيب راح نطلع بعدها للمطار..
أبوه: مدري حنيت للرياض أو للي بالرياض..
ضحك طلال: لهم كلهم ..
.
.

22 - 10 - 2014, 04:42 PM

الرياض ..
ببيت أبو أنفال ..
بالصالة الداخلية ..
كانت أنفال مستحية من عمر اللي جالس جنبها كان هادي وهاجد لان الكل موجود ..
عمر بجراءة : خلوني أنا وزوجتي وحدنا..
امه: ههههههه تطردنا..
عمر مبتسم: لا محشومين .. بس أبي أنفال ..
خالته ضحكت: الله يوفقكم ..
طلعوا خالاتهم وجداتهم والعمات كلهم ومابقى الا هم ..
عمر لف وعطف رجل تحته وهو ماسك يدها بلهفه عليها: صرتي زوجتي يعني ملكي يعني شي خاص فيني .. يالبيييييه ..
حمر وجهها زود ..
عمر رفع راسها وخطف بوسها ..ضحك كثيير لان عيونها لمعت من حركتها من حياها ..: وطني نفسك على هالشي
أنفال ماردت ..
عمر : كنت بأخذك ونطلع وماارجع الا ليلة العرس بس كلهم هبوا (هاوشوا) فيني .. عاد كنت أبغى العرس بكرة بس القاعة مالقيتها الا بعد يومين .. أنفال طالعينيي بقولك شي ..
رفعت راسها وغالبت حياها ..
عمر: قررربي ..
عمر ماسك يدينها وقربها له أكثثر: والله أحبببببببك ..

قرب وهات السوالف ... جعل يفدونك
ناس(ن) تموت بغياب الخل عن خله ...

أهم حاجة أحبك لا يهمونك
وإن كان منته مصدق قلتلك والله

أو عاد تدري أبشرح لك على هونك
وأبيات شعري من الخفاق منهله

القلب حاله من أسوأ حال من دونك
والله لتعرف غلاك إن الله امهله

لو تطلب الكايده ما خيب اظنونك
الصعب اعقده لأجل عينيك وآحله

يكفيني إنك وفيت وجيت مفتونك
في حب واااافي يهز القلب ويتله

وأنا لك الله بحفظك حيل وآصونك
نـام وتريح مدام الشوق في حله

حتى بمنامي مع الأحلام ما أخونك
ما عاد فيني بقى ما راح لك كله

ضعت بشواطي هواك وصرت مجنونك
والحاسد اللي بغاني مات في غله

ما يدري اني متيم فيك مرهونك
وإن المشاعر على ( طاريك ) مبتله

وما يدري إن "الوفا" من أصغر افنونك
"والطيب" كانه وطن ما غيرك احتله

يعني تأكد محـــــال أعيش من دونك
لا يا بـــــعــد من يصد الخل عن خله

وأكثر تبي ؟؟ وش تبي ؟؟ وآقول لعيونك
صاحبك من خلقته ما يعرف "الـــــذله"

.
.
.
ببيت أبو فارس ..
كان فهاد توه راجع من الشغل دخل يأخذ له شاور وأخذ حبوب تهدي الصداع اللي ماهدى من قطت عليه صفا كلام يدمي الحجر .. نزل الفيفادول وشرب ماي ..
صفا كانت تناظره وهو سافطها .. :فيك شي ؟
لفت عليها خزها بنظرها وطلع للصالة .. فتح لابه وشاف فارس داخل للمسن ابتسم بعز ألم راسه : يانور عيون أخوك ..
فتح محادثه معه بسرعة ..
وكان توبيك فهاد : وْصّآِرّ بٍآًقَيُـًﮯِ مًنّ اٍلْذًڪُرِىٍ صَدِىٍ ضّحَكَتِگّ
سلام ..

مْـآ فْيْهْ ڪَسْرْ الاَ لْقَـآلْهْ جْبِيرَهْ ! مْيْرْ البَلاَ وْشْ يَجْبْرْ ڪْسْوْرْ الآحْلام فارس:وعليكم السلام .. هلا والله وغلا ..
وْصّآِرّ بٍآًقَيُـًﮯِ مًنّ اٍلْذًڪُرِىٍ صَدِىٍ ضّحَكَتِگّ فهاد :هلابك حبيبي شخببارك ؟

مْـآ فْيْهْ ڪَسْرْ الاَ لْقَـآلْهْ جْبِيرَهْ ! مْيْرْ البَلاَ وْشْ يَجْبْرْ ڪْسْوْرْ الآحْلام فارس:بخير يالله لك الحمد .. أنت شخبارك وكيف الاهل ؟

وْصّآِرّ بٍآًقَيُـًﮯِ مًنّ اٍلْذًڪُرِىٍ صَدِىٍ ضّحَكَتِگّ فهاد : مانشكي خلاف يالغالي .. أهم شي أنت طمني عنك ؟

مْـآ فْيْهْ ڪَسْرْ الاَ لْقَـآلْهْ جْبِيرَهْ ! مْيْرْ البَلاَ وْشْ يَجْبْرْ ڪْسْوْرْ الآحْلام فارس: بخير يالله لك الحمد .. كيفك مع زوجتك تحسنت علاقتكم ..

وْصّآِرّ بٍآًقَيُـًﮯِ مًنّ اٍلْذًڪُرِىٍ صَدِىٍ ضّحَكَتِگّ فهاد يكابر وماحب يشغل أخوه : آبشرك تمام ..
مْـآ فْيْهْ ڪَسْرْ الاَ لْقَـآلْهْ جْبِيرَهْ ! مْيْرْ البَلاَ وْشْ يَجْبْرْ ڪْسْوْرْ الآحْلام فارس: الله يهدي سركم ..
وْصّآِرّ بٍآًقَيُـًﮯِ مًنّ اٍلْذًڪُرِىٍ صَدِىٍ ضّحَكَتِگّ فهاد : وأنت ؟
مْـآ فْيْهْ ڪَسْرْ الاَ لْقَـآلْهْ جْبِيرَهْ ! مْيْرْ البَلاَ وْشْ يَجْبْرْ ڪْسْوْرْ الآحْلام فارس نفس حال أخوه ماحب يشغله ويكدره : الحمدلله ولااحلى منها ..
وْصّآِرّ بٍآًقَيُـًﮯِ مًنّ اٍلْذًڪُرِىٍ صَدِىٍ ضّحَكَتِگّ فهاد حط ضحكه:

مْـآ فْيْهْ ڪَسْرْ الاَ لْقَـآلْهْ جْبِيرَهْ ! مْيْرْ البَلاَ وْشْ يَجْبْرْ ڪْسْوْرْ الآحْلام فارس:وراك تضحك
وْصّآِرّ بٍآًقَيُـًﮯِ مًنّ اٍلْذًڪُرِىٍ صَدِىٍ ضّحَكَتِگّ فهاد : أبد بس كنت طايرن منها .. والحين شكلكم سمن على عسل
مْـآ فْيْهْ ڪَسْرْ الاَ لْقَـآلْهْ جْبِيرَهْ ! مْيْرْ البَلاَ وْشْ يَجْبْرْ ڪْسْوْرْ الآحْلام فارس حط ضحكه طويلة ..واكتفى فيها ..
وْصّآِرّ بٍآًقَيُـًﮯِ مًنّ اٍلْذًڪُرِىٍ صَدِىٍ ضّحَكَتِگّ فهاد : اقول فارس استقبل ذي يالبييييه قصيده لسعد علوش والله وأنا اخوك انها تناسب الحال ..بس اسمع بعض الابيات غض البصر عنها هع هع ..
مْـآ فْيْهْ ڪَسْرْ الاَ لْقَـآلْهْ جْبِيرَهْ ! مْيْرْ البَلاَ وْشْ يَجْبْرْ ڪْسْوْرْ الآحْلام فارس : خخخخ طيب ..
وْصّآِرّ بٍآًقَيُـًﮯِ مًنّ اٍلْذًڪُرِىٍ صَدِىٍ ضّحَكَتِگّ فهاد : باقي شوي وترسل .. الا كيف الدحمي ونوصير
مْـآ فْيْهْ ڪَسْرْ الاَ لْقَـآلْهْ جْبِيرَهْ ! مْيْرْ البَلاَ وْشْ يَجْبْرْ ڪْسْوْرْ الآحْلام فارس: بخييير ماعليهم .. عز الاخويا الشقه لقيتها جاهزة من كل شي.. والجامعة تعبوا اليوم معي .. وحتى المعهد ..
وْصّآِرّ بٍآًقَيُـًﮯِ مًنّ اٍلْذًڪُرِىٍ صَدِىٍ ضّحَكَتِگّ فهاد : ماقصروا .. فارس محتاج فلوس شي ؟
مْـآ فْيْهْ ڪَسْرْ الاَ لْقَـآلْهْ جْبِيرَهْ ! مْيْرْ البَلاَ وْشْ يَجْبْرْ ڪْسْوْرْ الآحْلام فارس: لا الحمدلله .. كل شي تمام ..
وْصّآِرّ بٍآًقَيُـًﮯِ مًنّ اٍلْذًڪُرِىٍ صَدِىٍ ضّحَكَتِگّ فهاد : لا احتجت شي بس عطني خبر ..
مْـآ فْيْهْ ڪَسْرْ الاَ لْقَـآلْهْ جْبِيرَهْ ! مْيْرْ البَلاَ وْشْ يَجْبْرْ ڪْسْوْرْ الآحْلام فارس: ياجعلني مابكيك ياعضيدي .. وصلت القصيدة بسمعها ..
وْصّآِرّ بٍآًقَيُـًﮯِ مًنّ اٍلْذًڪُرِىٍ صَدِىٍ ضّحَكَتِگّ فهاد : طيب..
ركب فارس السماعات وقعد يسمع ..

انـت بتسافر حبـيبي نعـم سافـر وغيـب
بـس تكفى سـم بالله عـلى عـــقلي لامآع

لان مانـي قادر أوادعــك وأنـت قريــب
كيف وأنـت بعيد تبغانـي أقـول الـوداع

بـس لحـظه قبل لأنسى لا تنسى ياللبيب
قـل لما تملكه من مغريات ومـن متـاع

إنـي احبك واحبك و احبك لين أشـيـب
يعني ليـن أموت وأنا احـبـك للنــخاع

أحشمك بالحـيل واغليك والشـي الغريـب
إني اكـره كل فكره تقــودك لانـصياع

كـان مـا لمشكله لـوصلنا إلا حـل عيـب
كـب حبي لـك وسمه متاهات وخـداع

لأني اطهر من بيخسر على الدنيا حبـيب
ولأنك أنقى من وطت بطن رجله ظهر قاع

كثر مايدعوني أهل الهـوى ولا أستجيـب
كثر ماصفق على بعـــدك ذراع بذراع

آه لاوقفت من بـين بتصيـب وتخيـب
بين يدين المواليــف وأفــواه السباع

وآه لامني ذكرت أن كـلـن لـه نصيب
وآه لامني ذكــرت إن على وجهك قناع

اشـعر انه منخلق من عسـل ورد وحـليب
واشعر إني كل ما أذكره مجموعة جيــاع

ليت مالك في حياتك لا خـوي ولا طليـب
كان بخشــك وسـط خافقي وأقول ضـاع

امحق الله سعوا في ولف الهيام وقطع صيب
مـن يبكي مقلتين الشجاع ابن الشــجاع

لـو على الـريـاض شرهه ودمعات ونحيب
كـان مـا خلتك تقفي عن حدود الرفــاع

لـو بـريطانيا تحس بجرحي المـر العطيـب
كـان مـا تخذك مني .. وتعطيني ضيــاع

مْـآ فْيْهْ ڪَسْرْ الاَ لْقَـآلْهْ جْبِيرَهْ ! مْيْرْ البَلاَ وْشْ يَجْبْرْ ڪْسْوْرْ الآحْلام فارس: الله الله عليك يافهاد وعلى بن علوش قصيده رايقققققه ..
وْصّآِرّ بٍآًقَيُـًﮯِ مًنّ اٍلْذًڪُرِىٍ صَدِىٍ ضّحَكَتِگّ فهاد حط فيس حزين ..
مْـآ فْيْهْ ڪَسْرْ الاَ لْقَـآلْهْ جْبِيرَهْ ! مْيْرْ البَلاَ وْشْ يَجْبْرْ ڪْسْوْرْ الآحْلام فارس: يالبآ قلبببك فهاد وسعها .. ورى هالتوبيك الله لنا مين اللي تعنيه (حط فيس يرفع حواجبه)
وْصّآِرّ بٍآًقَيُـًﮯِ مًنّ اٍلْذًڪُرِىٍ صَدِىٍ ضّحَكَتِگّ فهاد حط فيس مرفع حاجب : مين اللي الحين مسافر وتاركني ماغيرك يالدب ..
مْـآ فْيْهْ ڪَسْرْ الاَ لْقَـآلْهْ جْبِيرَهْ ! مْيْرْ البَلاَ وْشْ يَجْبْرْ ڪْسْوْرْ الآحْلام فارس حط قلب: ق 1
وْصّآِرّ بٍآًقَيُـًﮯِ مًنّ اٍلْذًڪُرِىٍ صَدِىٍ ضّحَكَتِگّ فهاد : ههههههه قلب ورمنسية.. رح للبنت بعدها عروس وتاركها ..
مْـآ فْيْهْ ڪَسْرْ الاَ لْقَـآلْهْ جْبِيرَهْ ! مْيْرْ البَلاَ وْشْ يَجْبْرْ ڪْسْوْرْ الآحْلام فارس:ههههههههههههههه .. طيب ..
وْصّآِرّ بٍآًقَيُـًﮯِ مًنّ اٍلْذًڪُرِىٍ صَدِىٍ ضّحَكَتِگّ فهاد :ههههههههههه ماصدق اقوله روح وبيروح استح قول بعدين ..
مْـآ فْيْهْ ڪَسْرْ الاَ لْقَـآلْهْ جْبِيرَهْ ! مْيْرْ البَلاَ وْشْ يَجْبْرْ ڪْسْوْرْ الآحْلام فارس:هههههههههههههههههههههههههه ..
وْصّآِرّ بٍآًقَيُـًﮯِ مًنّ اٍلْذًڪُرِىٍ صَدِىٍ ضّحَكَتِگّ فهاد : رحمتك رح للبنت..
مْـآ فْيْهْ ڪَسْرْ الاَ لْقَـآلْهْ جْبِيرَهْ ! مْيْرْ البَلاَ وْشْ يَجْبْرْ ڪْسْوْرْ الآحْلام فارس:ههههههههههههه خلنا نسولف .. وْصّآِرّ بٍآًقَيُـًﮯِ مًنّ اٍلْذًڪُرِىٍ صَدِىٍ ضّحَكَتِگّ فهاد عرف ان فارس يبي يسليه وعلى باله علاقته حلوه مع صفا فكرشة : اقول بروح اخمد وراي قومة من الصبح
مْـآ فْيْهْ ڪَسْرْ الاَ لْقَـآلْهْ جْبِيرَهْ ! مْيْرْ البَلاَ وْشْ يَجْبْرْ ڪْسْوْرْ الآحْلام فارس: طيب نوم العوافي الحين عندنا المغرب ..
وْصّآِرّ بٍآًقَيُـًﮯِ مًنّ اٍلْذًڪُرِىٍ صَدِىٍ ضّحَكَتِگّ فهاد : بقوم لكم بزياة قريب واشوف الاجواء عندكم وكل شي..
مْـآ فْيْهْ ڪَسْرْ الاَ لْقَـآلْهْ جْبِيرَهْ ! مْيْرْ البَلاَ وْشْ يَجْبْرْ ڪْسْوْرْ الآحْلام فارس: إن ماشالتك لندن تشيلك عيوني ..
وْصّآِرّ بٍآًقَيُـًﮯِ مًنّ اٍلْذًڪُرِىٍ صَدِىٍ ضّحَكَتِگّ فهاد : تسلم عيون من قال .. تصبح على خير ..
مْـآ فْيْهْ ڪَسْرْ الاَ لْقَـآلْهْ جْبِيرَهْ ! مْيْرْ البَلاَ وْشْ يَجْبْرْ ڪْسْوْرْ الآحْلام فارس:وأنت من أهله ..
طلع فهاد وسكر لابه .. دخل للغرفة .. وأخذ فيفادول .. ورمى العلبة الفاضية بالسلة ..
صفا : فيك شي ؟ تعبان ؟
فهاد خزها بنظره .. : راسي مصدع ..
صفا : طيب ليه تأخذ هالحبوب بكثره مهيب زينة..
فهاد مارد عليها كان شايل عليها بخاطره كثير دخل للفراش وغطى نفسه ..
ناظرته شوي وهو مغطي نفسه أخذت كتبها ولابها وطلعت للصالة عقب ماطفت النور ..
فهاد حس بضيقة وبعد الغطا وكلم نفسه : ليه قطيتي هالكلام لييييه ..؟!!!
غمض عيونه وحاول ينام ..

بالصالة ..
ضاقت صفا زود .. وردت شافت نفسها بالمرايا العاكسة بصالة جناحهم وشافت يدها المكسورة واللفة اللي على رقبتها ووجهها اللي باقي فيه آثار وتذكرت ان فهاد هو السبب لما وداها لابوها ..وامتزج شعور خوفها على فهاد من ألم راسه بشعور قاسي انه يستاهل الصداع ..!
كرهت نفسها على هالشعور ماكانت كذا .. : ربي يشفيه ..
.
.
.
ببيت زياد ..
جناحهم ..
العنود كانت تسولف مع صفا على المسن تالي جا زياد واستأذت من صفا وراحت له .. :هلا حبيبي ..
زياد ينزل شماغه ويجلس جنبها: هلا بك عيوني .. شخببارك؟
العنود : تمام .. تعشيت ؟
زياد : آييه ..
العنود: وشو ؟
زياد: ساندوش ..
العنود : لا كلفت على نفسك ..
زياد ابتسم : حلو العشا يكون خفيف.. عشان مايجثم على المعده..
العنود: لا بالله .. اقول بقوم احضر لك العشا .. وراح تتعشى..
زياد مبتسم: اوك اجل ..
نزلت ونزل معها زياد ..
قعدت تسخن عشاه ..:بيبيي اقعد ..
جلس وهو يناظرها تحضر عشاه وتطلع السلطة وتقطعها .. :ياليتي السلطة ..
ضحكت وهي لفاه تناظره ..
خلصت السلطة وطلعت العشا عقب ماسخن وقعدت معه ..
زياد: تعشي معي..
العنود: لا مالي نفس..
زياد: لا كلي معي..
العنود: بيبي تعشيت ..
زياد : منيب مأكل أجل..
العنود :بيبي راح يكتم على قلبي ..
زياد: على الاقل سلطة..
أكلت عشان خاطره وتالي قعدت تسولف معه الين خلص عشا وغسل وطلعوا لجناحهم ..
العنود : زياد بسألك ..
زياد: لبيه ..
العنود وهي تنسدح وتناظر زياد: أحس صرت اكل كثير ..
ابتسم زياد: لانك حامل..
العنود: سألت عمتي وامي ووجن وشهد ووعد كلهم قالوا عادي أكلهم مااختلف..
زياد بعده مبتسم: الله سألتي كل ذولا.. بس شي طبيعي لان يمكن الوحام حقك على الاكل..(مشى وهو ينسدح جنبها على السريرويغطي نفسه) ..لاتخافين..
العنود: بس على كذا بصير بطريق..يؤؤؤؤؤ مابي كذا ..شوفي لي صرفة..
زياد ضحك: من ضناااااك هالشي خليه يحترم نفسه ..
العنود حطت كفها على بطنه: فديتتتته أنا براحته.. أنا امه يسوي اللي يبي فيني ..
زياد: وأنا..
العنود: لاتصير طماع .. وه منك ..
.
.
.
اليوم الثاني ..
سيارة خال صفا ..
خالها : الله يوفقك يابنتي ماكنت راضي عن تصرف امك .. بس الحمدلله طلعتي اعقل منها .. لان مهيب زينه أبوك يظل محبوس..
صفا: زين انهم طلعوه لان يقول امك اللي حبسته بس تفهموا .. شكرآ ياخالي الله لايحرمني منك ..
خالها: ولامنك .. حبيبة خالها ..
وقف قبال بيت أبو فارس ..
صفا: تفضل خالي ..
خالها: لا تسلمين .. بطلع بروح لشغلي .. انتبهي لنفسك ..
صفا: أوك .. مع السلامة ..
نزلت من سيارة خالها ودخلت للبيت جلست مع عمتها ..تسولف لها لانها درت انها راحت تطلع أبوها .. دخل فهاد. :سلام ..
امه وصفا: وعليكم السلام
كانت صفا بعدها لابسه عباتها والشيلة على رقبتها ..فهاد ناظرها :وين كنتي ؟!
صفا: رحت طلعت أبوي ..
فهاد: أيييييش ؟!!!
صفا تناظر راحه يدينها وردت تناظره : اللي سمعته .. رحت اطلع أبوي ..
فهاد عصب: جد والله .. وأنا جدار هنا مالي كلمه ولالي شور تطلعين من غير اذني .. وحتى أبوك قلت لتس خليه يخيس فيذاك ..
صفا وقفت : مهوب شغلك ذاأبوي ..ولا أحد يتكلم ..
فهاد: لآآآآ .. انقلعي أجل لابوك خليه يعزك ويرزك ..
.
.
.

22 - 10 - 2014, 04:43 PM

الجزء التاسع والعشرون ..
ببيت أبو فارس ..
صفا ناظرته بقهر وعصبيه وعزه نفس : ولايهمك .. بس الم أغراضي واروح له .. ماطلبت شي ..
أم فارس: فهااااد ..صفا .. شفيكم اذكروا الله .. احشموا وجودي بينكم..
صفا دمعت عيونها : يقهر ياعمتي يقههههههر يقول خلي أبوك بالسجن طيب ذا أبوي ..
طلعت لجانحهم وطلع فهاد وراها ..
دخلت للغرفة وفتحت الدولاب تبي تنزل ملابسها من الدولاب ..
فهاد دخل وشافها تنزل ملابسها وترميها على السرير عشان تحطها بالشنطة :وش تسوين ؟
ماردت عليه ..
فهاد بحده : ردي علي ..
صفا لفت عليه ودموعها على خدها مسحت دموعها بيدها اللي مش مكسورة : بروح بيت أهلي ..
تقدم عندها سحبها لصدره :مافيييه مافيييه طلعه من بيتي مافيه ..
صفا ضاعت بين احضانه وأنفاسة الحارة مع برودة الجو القاسية بالرياض ماقدرت تتكلم .. بس حاولت تبعد عنه ..
فهاد لفها لجهته ووثقها :سمعتيني مافيه ..
صفا حاولت قد ماتقدر تتمالك نفسها بس ماقدرت ..
فهاد يده على خصرها والثانية على أكتافها وفجأة تذكر كلامها وقلب: لاتحسبين أني قربت لتس لشي في نفسي .. لآ ياحلوة .. ماحركتي شعره فيني (قالها وهو يناظرها من فوق لتحت) ..
بعدها عنه : وطلعه من هالبيت لبيت أبوك زعل ومن هالكلام ماراح تطلعين .. تدرين متى راح تطلعين منه على ظهرك بس ..!
كانت تناظره بصدمة ..
فهاد : لاتفكرين تكلمين أحد .. انصحك ..لاتكلمين أحد .. عشان مااخرب حياتك كلها شوفي أنا بقولك لو كلمتي وش سواتي أولا(قالها وهو يعد على أصابعه وبحده) راح اشيل كل وسيلة اتصال ثانيا راح تجلسين بالبيت يعني مافيه دراسة .. ثالثا صديقات ودلع ووناسة انسي هالشي .. رابعا (قالها وهو مبتسم آبتسامه غريبة) راح أخليك تجبين لي كم بيبي يعني اطفال وتربينهم تتسلين بدال الحبسة بين أربع جدران..
قرب منها وضرب على خدها بخفيف حيل :فهمتي ياحلوه وسمعتي هالنقاط الاربع ..
بعد عنها وطلع للصالة ..جلست بضيقه مالها مثيل على الارض وصوت بكاها يشاركها كل المها وقهرها وخوفها ..
حال فهاد بالصالة ماكان آحس بس كان مخنوق ضيقة حط يده على عيونه وحاول ينام على الكنبة بالصالة ماقدر .. أخذ شماغه وطلع من الجناح ومن البيت كله ..
.
.
.
الجامعة ..
العنود: وع متى راح تخلص هالمحاضرة ..
غدير تحط مناكير وتطالع ساعتها: بعد سبع دقايق ..
العنود: يؤ اسمعي ..
سمعوا الدكتور وش يقول ..
غدير: وجع وش ذا الحقد .. آجل اللي تتكلم تكلمه المراقبه وتقوله تكلمت ونقصها درجات ..
العنود: من زين الدرجات الحين ننجح بـ d ويخب علينا بمادته ..
غدير: ببجد ..
سكرت غدير المناكير :عنوده حطيها بالشنطة بقعد اجفف اظافيري..
قعدت تهف عليها عشان تجف ..
العنود: ترى جيعانة نروح نفطر بعد شوي ..
غدير: حتى أنا .. من الحين مافيه غازيات ..
العنود: لا راح اشررب ..
غدير: على جلاكسي بسس .. ناسية انك حامل ..
العنود تنرحم تأشر بأصبعها : بس نص واحد ..
غدير ضحكت: رحمتتتك .. نص واااحد بيني وبينك .. مثل قبل علبتين وبايسن والشلة المحترمة حقتهم مافييه ..
العنود بوزت ..
غدير ضحكت بخفيف عشان المراقبة تطالعهم ..
انتظروا الين خلص وقت المحاضرة ناظرت العنود ساعتها : إستاذة خلصت المحاضرة ..
المراقبة : بس الدكتور ماخلص ..
العنود: نبي نطلع .. أهم شي أخذتي الحضور والغياب ..
المراقبة : اصلن انتم ماتحضرون الا للحضور والغياب ..
العنود وقفت : راح نطلع ..
المراقبة : دام الوقت انتهى اطلعوا .. اهم شي على قولتكم اخذنا الحضور والغياب ..
طلعت العنود وغدير والبنات ..
فتحت العنود جوالها وغيرت السايلنت .. دق جوالها :هلا بيبي ..
زياد : هلا عيوني .. شششخبارك ؟
العنود: تمااام .. داق بالوقت مع نهاية المحاضرة ..
زياد ابتسم : حافط كل شي يخصصك .. عنادي افطري بس ها مثل مااتنفقنا نبعد عن الاشياء الضارة ..
العنود: آوك ..
زياد: وعد ..
العنود: لا مااوعدك .. بس أوك ..
زياد ضحك ..
العنود شافت شلتها ووكضت لها سحر .. :حيااااااااااتي سحوره ..
ضمت سحر ونست زياد على الجوال .. جاو قروب بنات ومعهم بنات معجبات بالعنود ..
خلود تموت بشي آسمه العنود .. من أكثثر المعجبات وهي (مسترجلة شعرها لنص الرقبه سايح ترفع غرته بتاج تلبس قمصان واسعه وتمشي مشيه عيال وحتى صوتها تضخمه زود) :عنود مابغينا نشوفك..
العنود مدت يدها:آهلن .. شخبارك؟
خلود:بخير .. وحشتينا..
العنود بامتعاض:يسلمو .. (ضربت على راسها )
:يؤ زياد على الجوال ..زياد سوري بيبي ..
زياد : عادي حببيتي .. اتركك الحين وافطري ..
كانت خلود تناظرها بقوة وقهر سكرت العنود .. :عن اذنكم بنات بروح افطر..
خلود : مافيه عزيمة لنا..
العنود انحرجت: ولو .. تفضلوا ..
خلود: آمزح ياقمر..
مشوا الشلة مابقت غير العنود وهي ..
قربت منها فجأه وباستها بطريقة قرفت العنود كثثثير .. دفتها:خلود لكل حدود .. احترمي نفسك.. وترى أنا بنت مثلك ..
خلود : مو متزوجة ..
العنود بعصبيه وحده وجراءة : ذا زوجي يعني كل شي يصير بشرع ربي .. مهوب هالقله حيا اللي تسوينها ..
مشت عنها ولفت لها وهي ترفع يدها بتهديد: من هاللحظه مالك أي احتكاك فيني .. كنت احترمك عشان محترمة صديقاتي وهم يعرفونك.. والا أنتي مو كفو احترام ..
مشت وأخلاقها فايرة .. وخلود تناظرها يقهر وهي بزعمها العنود اهانت كرامتها ..!
مشت العنود وهي تناظر بكل مكان كانت تمشي فيه مع سارة .. ناظرت عند البردات وعند مكائن المشروبات الغازية ابتسمت لوحدها وتذكرت لما يتهاوشون على بيبسي لما تكون الدنيا صيف .. شافت زوايتهم اللي يجلسون فيها ..للحظه تخيلت سارة جالسة وتتنظرها عشان تمد يدها وتقومها عشان المحاضرات .. ناظرت الاصنصير وتذكرت لما يتعيجزون يطلعون من الدرج لقسمهم ويطلعون فيه برغم انه ممنوع.. مشت وكانت ضايعه كثير من غير سارة تذكرت حالها أول سنه بالجامعة من غير شجن لان تزوجت وسافرت .. همست بينها وبين نفسها (ياسخف هالاماكن بدونك ياساره ) ..

الأماكن .. آه .. ياسخف الأماكن ..
"لانظرت ولا لقيتك"
ولاتنهدت وشكيتك ..
ولا أنتهى ليل المولع دون وصلك "وصوتك"..
الأماكن .. كلها نفس الأماكن ..
هم .. وأشباح .. ومساكن
< وأنت وينك >
.. ياهواي وعذابي ..
_غبت عني وماحسيت بي _
آه .. يابوحي وصمتي آه .. ياهمي وحزني
آه .. ياغيمي ومزني آه .. ياأجمل ذكرياتي
آه .. ياروحي وذاتي

وإنك أغلى من حياتي
وإنك أجمل تضحياتي ..
<<ومستحيل أنساك ياقلبي وعيني>>
ولو نسيتك ياحياتي
.. يبقى وجهك .. ساكن
بوسط الأماكن ..

.
.
.
ببيت أبو عبدالله ..
أم عبدالله : وين راح تسافر؟
أبوعبدالله : اسبوع وبرجع معي شغل ..
أم عبدالله : وش هالشغل ..
أبوعبدالله : وش عرفك عن شغلنا .. انتبهي للعيال ..
أم عبدالله : طيب ..
أبوعبدالله: مع السلامة..
سكر الباب وطلع ..
أم عبدالله : الرجال مهوب صاحي..
ضحكت وعد وكملت تفطر بنتها ..
عمتها: محتاره معه وراه تغير فجأه ..
وعد: يمكن عنده شغل .. لاتشغلين بالك عمتي..
عمتها: الرجال ينخاف منهم ..
وعد : لالاتخافين .. عمتي وش يبي عمي زود الله لايضرك مايحتاج كلك زين .. مهيب مجامله الصدق والله ..
عمتها ضحكت : الرجال مايملأ عيونهم وأنا امك يكود التراب ..
نزل بدر وهو يسمع امه :افا يمه ..
ضحكت امه ووعد .. باس يد امها وراسها :كيف اصبحتي ؟
امه: بخير ومنه .. توك بتروح للجامعة..
بدر :آييه يالغالية ماعندي الا محاضرتين وكلها شبكات ..
وعد بغيره : يعني راح تدرس بنات ..
ابتسم بدر: ماراح اشوفهم شبكات ..
وعد :أدري بس راح يكلمونك ..
ضحك بدر : أحد عنده وعد ويناظر غيرها .. وبعدين هم يكلموني والمراقبة عندهم ..
وعد : الله يسستر ..صادقة عمتي ينخاف منكم ..
ضحك : لا تخافين حبيبة بدر أنتي .. يله عن اذنكم ..
.
.
.
بريطانيا ..
كان توه ست الصباح عندهم .. وساره ماجات عينها النوم .. صحى فارس وقام من الغرفة وشافها بالصالة بنفس حالها اللي كانت عليه بالليل جالسة وعلى جوالها ..
فارس : صباح الخير..
ماردت عليه لانها مندمجة مع جوالها ..
فارس بصوت عالي شوي : ساااااااره ..
رفعت راسها : نعم ..
فارس: الله ينعم عليك .. اقولك صباح الخير..
سارة :صباح النور ..
رجعت وكلمت على جوالها ..
فارس :أنتي من امس على هالحال ..
سارة تنرفزت :أنتي لها اسم .. واسمها سارة ..
فارس: أعصابك ياانتتتي ..
خزته ورجعت تناظر جوالها ..
فارس: طالعيني هنا .. وخلي هالجوال من يدك ..
سارة قامت من الكنبه .. مسكها فارس من أعلى يدها لما مرت من جنبه :قلت لتس طالعيني ..
سارة ناظرته بقوه ..
مافك يدها ..
سارة : فك يدي ..
فكها وهي بعدها تناظره: حركتك أنك تمسك يدي بهالطريقة ماتعيدها أوك..
فارس : ولو ثنيت(عدت,كررت) كلمتي مره ثانية ماراح يصير خير أوك..
سارة بعدها تناظره : لما تجي تناديني ناديني باسمي .. تكلمني احترمني.. أذا أنت تبي احترام وتقدير مني ..وماتتكرر كلمتك لما تناديني ..
فارس بصدق : أنا سألتك وقلت لك أنتي من امس على هالحال .. يعني طول الليل للصبح جالسة تسذا .. موب قصدي أنتي يعني اسمك واهمشك أو أحقرك .. حاولي تفهمين اسالاليب وأنواع الكلام الموجه لك..
سارة مشت لما حسته خلص كلامه ..
فارس دخل وراها للغرفة : ممكن تسوين لي فطور ..
ناظرته : وش تبي ؟
فارس : أي شي ..
سارة : اوك ..
طلعت من الغرفة ودخل فارس يأخذ شاور ويبدل ويطلع للجامعة .. دخلت للمطبخ وفتحت أكثر من درج وفاضي .. فتحت الثلاجة بس فيها مشروبات غازية وشسبات بالثلاجة وحلويات .. سكرت الثلاجة .. مسكت طرف الثلاجة لانها داخت تذكرت ان الدوخة ماجات من حالها..جاتها لان من جات لبريطانيا مااكلت ولاشي الا موية وذا اليوم الثاني .. ومن غير اكلها ليله العرس لما اجبرتها العنود وغدير تأكل.. وبالطيارة مااكلت ولاشي..
دخلت للغرفة وانتظرت لين يخلص طلع فارس وكان لابس وخالص:ها جاهز الفطور ..
سارة : مافيه شي بالمطبخ ينطبخ ..
فارس :كيف يعني؟!
سارة رفعت حاجب :يعني المطبخ فاضي ..
فارس ضرب على راسه: كيف نسيت هالشي .. لما ارجع راح اجيب معي أغراض.. بس اكتبيها بورقة ..
سارة :وشو اكتب..
فارس: اللي تبينه للبيت ..
سارة :ماعرف..
فارس :ماتعرفين ؟! ..
سارة بصدق: آييه
فارس: لايكثر مع هالدلع يابنات هاليومين .. أجل ماتعرفين وش تكتبين أغراض للبيت يعني للمطبخ ..
سارة لمعت عيونها وقعدت تحرك جوالها بيدها وتناظر المفرش..
فارس حز بخاطره ان عيونها لمعت بس بنظره انها تتدلع : ماقلت شي الحين عشان تبكين ..
ماقدرت ترد لانها كثير دايخة وتحس كل نفسها ترجف ..
فارس:الزبدة لما ارجع الاقي الورقة موجودة ..
شال لابه وكتبه وطلع ..
كانت جالسة بعرض السرير من الطرف مجرد ماسمعت الباب تسكر انسدحت وضمت نفسها وهي بدت بالبكاء من عرفت فارس بحياتها..
.
.
.

22 - 10 - 2014, 04:44 PM

.
.
.
أحد أكبر وأفخم فنادق الرياض ..
بالجناح ..
كان أبوعبدالله مع زوجته الجديدة ..
أبوعبدالله :وش تبغين أنتي ..فيلا ؟ سيارة ؟ خدم وحشم ؟ تدللي..
ضحكت نوال (ببداية الثلاثينات مملوحة ومليانة ) : لو قلت أبغاك..
ضحك : آه من لسانك .. بس وش تبغين ..
نوال بجراءة: لاحقين .. اليوم تونا بأول شهر العسل..
أبوعبدالله :أجل الحين بروح اطلب لنا الفطور وهمن نسولف..
ناظرته نوال وهو يختفي عن عينها : وجع شايب الله يخلي فلوسك بس...
.
.
.
المغرب..
ببيت زياد ..
العنود :طيب متى راح تجي؟
زياد: بالليل .. لان بالحيل مشغول خبرك ماسك الادراة الين يرجع الوالد.. انتبهي لنفسك وذاكري دام عندك اختبار..
العنود: تيب.. سيآ
سكرت ونزلت لعمتها ..
جلست معها ..
عمتها: ذكراتي للاختبار..
العنود: لا بذاكر بعد شوي ..
عمتها: شدي حيلك..
العنود ابتسمت: ان شاء الله ..
قامت تحضر القهوة ونادت نجد ..
جابته وجلست عند عمتهاوقعدو سوالف..
.
.
.
الفندق ..
نوال : أبي نروح لبيتك ..
أبوعبدالله: الليلة ..
نوال :آييه ..
أبوعبدالله : خليها بكرة..
نوال بدلع :بكرة بكرة
أبوعبدالله مشفوح خلقه ..خق عندها ..
نوال : عبدالعزيز(اسمه) خل ننزل نتعشى بالمطعم تحت بعد صلاة العشا ..
أبوعبدالله :توكلنا على الله ..
.
.
.
بريطانيا ..
رجع فارس من الجامعة نزل لابه والكتب ودخل لاجل يأخذ الورقة ..لقى سارة نايمة : ياليل هالبنت ياهي نايمة او جالسة على الجوال ..
جلس على طرف السرير :وش هالنومة الغلط .. سارررة..
جلست متروعه ..
فارس بقلبه لبآ الناس المتروعه : وراتس .. قومي ..
قامت وتهاوت على الارض بس مسكته يد فارس :انتبببهي ثاني مره لو طحتي ..
بعدت يده : لو تشوفني اطيح بالنار قدامك ماتلمسني..
فارس: ياساتر ..
مشت وكان باين عليها الرجفه بس تكابر غلست وجهها ونشفته ..
فارس: ها جهزتي الورقة ..
سارة:احكي عربي موب لغه ثانية قلتلك ماعرف يعني ماعرف ..
فارس: وأنا قلت لك تحضرينها احكي عربي ..
سارة بتهور: أنا معك أحد الخيارين ياأنك غبي أو حمار (بصوت أعلى) ماتفهم أنت شلون افهمك آفف ..
فارس وقف بعصبيه :وش قلتي ؟!
سارة : اللي سمعته ..
فارس بعصبيه : الغباء لتس أنتي يامحترمة والثانية ارفع لساني عن قولها لانها لاشكالك ..
سارة كانت ترجف وبعصبيه :لاتسوي أخلاق وذوق شوف تصرفاتك ياذوق..
فارس :الشرهة موب عليك علي انا اللي اجادل بنت .. بجد عقولكن ناقصة ..
طلع من الغرفة وجلست سارة بسرعة لان بدت ترجف من البرد والجوع بشكل أكبر..حطت راسها وغطت نفسها كلها عشان تخفف البرد والرجفه وهي تبكي من كل اللي فيها ..
.
.
.
الرياض ..
ببيت أبو بندر ..
نورة : مايرد عبدالاله ..
امها: الوقت هناك يختلف عن فيذا ..
نورة: يمه هناك العصر .. يعني تلاقينه رجع من الدورة اللي منتدب عشانها .. و الا تلاقينه خامد ..
دخل أبو بندر وجلس ..
جلس يسولف شوي وقالهم عن زواج أخوه ..
أم بندر ضربت على صدرها: يابري حالي.. مهوب صاحي..
ضحك أبوبندر: خليه يعرس ويجدد شبابه ..
أم بندر: لاحول ولاقوة الا بالله .. عياله بعيالهم واعرس .. وأم عبدالله مافيه مثلها ..
نورة تذكرت العنود وحقدت واستانست كثير لان العنود كثير قريبه من أبوها ..:خليه يمه يعرس..
امها: ترضين ابوتس يعرس علي ؟!
نورة بسرعة: لاطبعا..
امها: آجل لاترضين على مرة عمك ..
أبوبندر: ذاك الرجال بغى بنته لعناد لاكان عناد رفض لانها أكبر منه .. وعبدالعزيز أخذها يقول مايعيبه شي ..
أم بندر: متى حاول في عناد ؟
أبوبندر: قبل مايعرس على مرته .. لا كن عناد رفض وحتى قالها بوجيهنا شي يجي من طرفنا مايبغاه ..
ضحكت أم بندر ونوره ..
.
.
.
ببيت ماجد ..
كانت وجدان تستعد عشان راح يجونها صديقاتها وكل صديقاتها من طبقتها الاجتماعية الراقيه( طبعا أبوها حيل غني عكس ماجد اللي حالته المادية حلوه بس موب قد عمه ) .. شافت عمتها بالصالة جالسة تشوف برنامج فتاوى ..: عمه مطولة هنا ..
عمتها : بشوف الفتاوى..
وجدان: معليش ياعمتي صديقاتي راح يجون يسهرون عندي وابغى الشغالة تنظف الصالة ..
عمتها :خلاص طيب..
وجدان: تجلسين معنا ..
عمتها بطيب نية: بجلس معكم ..
وجدان ناظرت عمتها وبلبسها لان ام ماجد لابسه ثوب حق برد وشكله حلو ومناسب كثير لسنها : عمتي ولاتزعلين مني.. لبسك يفشل وحتى حكيك ماينفهم عند صديقاتي .. خليك بغرفتك وعشاك الحين راح يتحضر.. وأذا تبين دورة المياة(وأنتم بكرامه) ادخليها الحين .. وش يفكني من لسانهم لامن شافوك ..
عمتها انجرحت كثير وأخذت عكازها وقامت من الصالة ..
وجدان : الله يستر لاتقول لماجد ..
لحقتها وكانت توها بتدخل الغرفة: ياليت ماجد مايدري..
مشت وراحت تكلم الشغالة تنظف الصالة ..
جلست ام ماجد على سريرها وشغلت الردايو ..وحطت على اذاعة القران وقعدت تسمع لها .. ونزلت الصوت بحيث ماينسمع كثير..
جابت لها الشغالة العشا لعندها ..
أم ماجد: رجعيها مالي رغبتن فيه ..
شالت الصينيه الشغالة وطلعت فيه وشوي على دخله ولدها ماجد توه جاي من المستشفى :السلام عليكم ..
امه ابتسمت: وعليكم السلام ..
قرب لامه وباس يدينها وراسها : كيف روح ماجد الليلة ؟
امه: بخير يانظر عيون امك .. اهلك هالشغل ..
ماجد ابتسم :لا يالغالية .. لاتخافين علي.. يمه كأنك ضايقة ..أحد ضايقك ؟
امه: لا يانظر عيني مافيني خلاف ..
ماجد ماسك يدين امه اللي ملتها التجاعيد ..ويناظرها وباين انها ضايقها كثير..

يمـّـه كبـرتي وصـرتي أحلـى من العــام
يـاحلـو ضحكــات التجـاعيـد بيـديــك ..

امه: ماجد ودي ارجع للديرة ..
ماجد: أفا يمه .. مهيب عاجبتك الرياض ..
امه: الرياض حلوه بعين اهلها وسكانها .. بس أنا تعودت على الديرة.. وودي ارجع لها ..
ماجد : يمه كأنك تبين راحتي لاتطرين لي الطلعة من بيتي .. ماتدرين انك بركة هالبيت ونور عين ولدك .. طلبتك يمه ..
باس يدين امه : لاتطرينها لي.. راحتي بوجودك معي ..
دخلت وتين وهي تضحك لما شافت أبوها ..ضحك ماجد: وتتتتتين تعالي ياقلب أبوك ..
شالها وحطها بحضنه .. وقعد يسولف مع امه اهو وبنته ..

.
.
.

ببيت زياد ..
كانت بغرفتها تذاكر وزياد جا طفشان من الشغل ودخل يأخذ له شاور يهدي أعصابه .. طلعت عند عمتها لغرفتها ..
العنود : هالجزئية حيل صعبه ..
عمتها تدرس الماده بكلاسات ثانية : الاسئلة موحده وهالجزئية كل الدكاترة حاذفينها ..
أخذت عمتها الكتاب وأشرت لها على المهم وحطت لها مواضع الاسئلة..
العنود باستها: فديتك ..
عمتها :فداك الكون .. شدي حيلك ..
العنود: اوك .. تصبحين على خير..
عمتها: وانتي من اهله حيبيتي ..
طلعت العنود لجناحها ..
وجلست تذاكر طلع زياد ..
زياد : هاقربتي تخلصين ؟
العنود : عمتي اشرت لي على الاشياء المهمه .. وبذاكرها..
زياد ابتسم :يعني غششتك ..
العنود: لآآآ .. بس حددت المهم .. لو غششت كانت عطتني الاسئلة ..
زياد : وأنا اقول امي دكتورة عقيده ماتسويها ..
العنود: خلني اذاكر ..
ضحك ..:طيب بخليك ..
لفت انتباهه شي بخدها خفيف لمس خدها :عنود وش ذا ؟
العنود نست :وشو ؟
زياد : شوفيه
فتحت الدرج القريب منها وطلعت منه مرايه وشافت :طيب شي خفيف..!
زياد شده الفضول : آييه شي خفيف بس من أيش جا ؟!
العنود تذكرت :عادي..
زياد: موب عادي .. من وشو ؟!
العنود : زياد خلني اذاكر ..
زياد شك بالسالفة : لا الحين قولي بسرعة ..
العنود : شوف طبعا أنت تعرف سالفه المعجبات بنت باستني كذا .. بس أنو هاوشتها..
زياد بعصبيه : لآآآآآآ .. خير وين عايشين ؟ شلون تخلينها تبوسك بهالطريقة اصلن ..
العنود بدت تترفز : باست بشكل مفاجئ
زياد: حتى لو باستك بشكل مفاجئ ماتخلف هالاثر الا انها طولت ..
العنود : وقسم بالله مامدى باست الا دفيتها ..
زياد : لوح قدامك وتقولين لي هالكلام ..
العنود تنرفزت ورمت الكتاب بقوة الين وصل بزواية الغرفة :دامك موب راضي تصدق بالطقاق .. أنا قلت لك الصدق .. رضيت كيفك مارضيت شف فيه اربع جدران بالغرفة صك براسك فيها وذا موب عاجبتك ولاهيب مكفيه شف بصالة الجناح ..
زياد وصل :عنوووووووووووووووود ..
العنود : أنت غاوي مشاكل .. آفففف ..
بعدت عنه وغطت نفسها بالغطا ..
بعد الغطا :قومي ..
رجعت الغطا عليها : انصحك اتركني بحالي لاسوي لك مصيبه ..
زياد ناظرها شوي وتالي قام وتركها لاجل تهدى شوي .. شال الكتاب المرمي بالزواية وحطه على الطاولة جنب السرير .. راح يشرب مويه وتالي طفى النور وولع الابجورة وجلس عندها : عنود .. خلاص عيوني آسف قومي ذاكري..
ماردت عليه ..
زياد : عنودتي .. حياة زياد أنتي قومي ..
بعد الغطا عنها بالقوة وهو مبتسم على زعلها .. لانه يبعدالغطا وهي ترجعه عليها .. :فديتتتك أنا .. آسف .. خلاص .. بس تحملي غيرتي شوي ..
بعد الغطا وجلس عليه عشان ماترجعه عليها .. فيه الضحكه على شكلها حاطه يدينها على عيونها وبجد زعلانة شالها وحطها بحضنه ووقف يمشي فيها بغرفتهم وراسها على كتفه وهي بعدها حاطه يدينها على وجهها ..
زياد ويدها على اكتافها عشان ماتطيح : عنودتي .. نونو .. روحي أنا.. خلاص كفاية زعل .. عناااادي طالعيني خلاص والله اسف .. ولاعاد منيب متعودها ..
جلس فيها على الصوفا وخلاها ترفع راسها : رضينا ..
باسها وجننها الين رضت ..ضحك : ياجعلني فدوووة .. ماتصدقين تزعلين ..
العنود : وأنت ماتصدق تهاوشني ..
مسك خدودها : اهاوشك يأخذني الموت لو زعلتك..
العنود :هييييي لاتدعي على نفسك .. يادب ترى أحبببك ..
زياد خق خقه مابعدها شي ..
العنود تلعب بشعره وتالي مسكت يده : بيبي ..
زياد : عيونه ..
العنود حطت راسها على صدره : بس خلاص ابي اسوي كذا..
رفع يدها وباسها وهو مبتسم : ربي يخليك لعيونك ..
.
.
.
ببيت أبوفارس ..
جناح صفا وفهاد ..
صفا كانت تطالع بالاثار زين خفت كثثير عن أول ..
فهاد دخل وناظرها وفي راسه حرش : ترى الحلا وحده مايفيد ..

ماتفيدك حلاتك .. ما يدوم [ الحلا ] ،
ليت روحك جميله دام وجهك جميل

قلت لك ياتحبْني حيل ~ وإلا - فلا
إللي مثلي ( أناني ) مايحب القليل

إنت هَمٍ { ثقيل } ومن حياتي إنجلا ،
صرت هَمْ بحياتك وأدري همّك ثقيل !

صفا لفت وخزته بنظره ..
فهاد : وأنا صادز .. وش ينفع الحلا لاكانت النفس شينة ..
صفا : أنت واحد فاضي تبي تتهاوش بس ..
دق جوالها وكانت مرة أبوها :هلايمه .. وعليكم السلام ..
امها: شخببارك ؟
صفا: بخير .. كيفك كيف اخواني..
امها: بخير..
صفا مشت وطلعت لصالة الجناح :آييه يمه .. ها رجعتم للبيت ..
مرة أبوها: لا مابعد رجعنا .. خلي أبوتس يعقل أحد يسوي ببنته كذا..!
صفا: تكفين يمه ارجعي للبيت .. عشان أخواني لايصير فيهم مثل اللي صار فيني .. طيب أبوي جا عند بيت جدي..
مرة أبوها: آييه جا والحين بعده موجود ..
صفا: طيب راح ترجعين معه..
مرة أبوها: آييه برجع بس عقب مايتعهد مايسوي مثل هالتصرفات اللي تفشل ..
صفا: فديتك يمه لاتضيقين صدرك أنا بخير .. بس تكفين ارجعي..
مرة أبوها : من عيوني .. الا ماكلمك أبوك ..
صفا: لا يمه ..
مرة أبوها: الله يكف شره عنك .. صفا جدك يناديني بروح له انتبهي لنفسك ..
صفا: اوك ماما .. سلمي على جداني ..
مرة أبوها: يسلمي عمرك .. مع السلامة ..
سكرت امها ونزلت صفا الجوال ..
فهاد براسه حرش ماخلص : جوالك بالليل يتسكر ..
صفا: شارب شي ؟
فهاد يتنطنز: آيييه لبن ..
صفا تبادله : منتهيه صلاحيته مثلك ..
فهاد : هيهيهي بايخه..
صفا : موب أكثر منك ..
دخلت للغرفة وصكت الباب ..
فهاد : اشردي يالبزر ..
ماردت عليه وضحكت من حر مافيها ..
.
.
.
ببيت أبو أنفال ..
جلس جالس بالمجلس جنب أنفال وهو من بعد العشا لازق فيها : متصوره ان بكرة عرسنا ..
دخل عبدالملك ودفه وجلس بينهم ..
عمر : مليك برآ
عبدالملك : ياخي خلني أحب اختي وبكرة راح تأخذها ..أحبب أختي ..
عمر :حبتك القرداة ياولد خالتي..
أنفال ضحكت ..
عمر حط يدينها على جوانب وجهه : يالبيييه اروح ملح مع الضحكه.. ملوك تكفى روح خلني معها.. ولاتخاف أختك ماعطتني لاحق ولاباطل..
ضحك عبدالملك : بعدي أختي ..
عمر: تكفى تقلع ..
عبدالملك: بس أخذ دروس منك ..خبرك يمكن اعرس قريب الا اعرف كيف اتعامل مع حرمتي ..
عمر :هههههههههههههههههههه طس يامليك .. وبعد شهر العسل اعشيكم كلكم على حسابي بالاستراحة..
عبدالملك: مااصدق دوم تسحب ..أنت والشله الطفرانة ..
عمر: صدقيني بسوي لكم..
عبدالملك طلع جوالها وفتح التسجيل : قول انك راح تعشينا بعد شهر العسل..
عمر جاته ضحكه وتالي قال: راح اعشيكم بعد شهر العسل بس فكني من خشتك ..
عبدالملك سكر التسجيل وهو ميت ضحك وقف :بتقلع ..
عمر يضحك : خلاص تقلع ..
عبدالملك : ترى عادي اجلس ..
عمر: لا ياخي انقلع ..
عبدالملك سوى زعلان وطلع ..
عمر قرب لها : جهزتي كل شي للعرس ؟
أنفال: آييه ..
عمر: أبي بكرة تكون ليلة غييييير .. غييير ياأنفال ..
.
.
.
شقه عناد ..
ريما :خلاص طيب .. مع السلامة ..
سكرت جوالها ..
عناد : أختك ؟
ريما: آييه ..
طلعت للمطبخ وقام معها عناد ..
ريما: تبي أي شيبس ؟
عناد : فيه حار ..
ريما: آييه
عناد : طيب جيبي لي حار .. وأنا بسوي صلصه عليه ..
ريما ابتسمت :اوك ..
طلع عناد الزبادي والمقادير الثانية وريما تجهز الشيبس وحطته في طاسه (صحن,كأسه) وتالي جهزت البيبسي :خلصت ؟
عناد : آييه ..
طلعوا من المطبخ وجلسوا بالصالة يشوفون فليم ويأكلون :هاشرأيك ؟
ريما : خققه ..
عناد: خققه وتأكل شي خققه وش اللي راح يصبر عناد ومايأكلها ..
ريما شرقت ..
عناد فز :اسم الله عليييك ..
قام جاب لها مويه : اشربي ..
شربها :شفيك ؟
ريما حمر وجهها: عناد لاتتغزل تكفى ارحمني ..
ضحك ولمها من خصرها وهو يبوس خدها : وأنا اقوى ..
شاف حياها وكسرة عيونها ضحك حييل وفكها : خلي نكمل سهرتنا على هالفلم الاكششن .. ريموي بكرة بنروح لشهد ..
ريما: آييييييه كنت بقولك مرآ وحشششتني ..خاطري أشوفها ..
عناد: اجل بكرة نمرها .. الا وش كانت تبي أختك ؟
ريما عارف ان هالطاري راح يضيق صدر عناد فما حبت تقول : ابد كانت تبي تتطمن علي ..
عناد مهوب متطمن: اها ..
.
.
.

22 - 10 - 2014, 04:45 PM

.
.
.
بريطانيا ..
دخل فارس للشقة ومعه أغراضة خفيفه للمطبخ نزلها للمطبخ ودخل لغرفه النوم ولاقها مغطية نفسها وعلى باله زعلانة مادرى ان اللي فيها أكثر بكثير من زعل منه صرخ فيها :ساررررررررررررررة ..
بعد الغطا عنها وهو معصب :قومي نوووم نننوم الى متى .. فوقي لنفسك تراك صرتي متزوجة .. آوف منك ..
رجع وشغل النور ..
جلست وهي تبكي من الروعة اللي روعها أياااه .. والرجفه اللي جايه جسمها من البرد اللي بلندن ..والاكل اللي مااكلت من ليلة عرسها ..كان وجهها ذبلان وأنفها أحمر وعيونها من الصياح والتعب وشفايفها محترقة من كثر البكا .. ضمت نفسها بخوف منه ..
فارس : شفيك قومي رتبي الاغراض وننزل بكرة نأخذ باقي الاغراض يمكن تتذكرين لما تشوفين الاغراض قدامك ..
طلع من الغرفة وملامحها باقي قباله رجع بسرعة للغرفة ودنق على السرير وهي كانت جالسة وضامه نفسها وتبكي :سارة فيك شي؟ليه ترجفين ؟ بردانه ؟
هزت راسها باييه ..
رفع الغطا من الارض لانه رماه وغطاها .. ماكفى الغطا وقام جاب غطا ثاني من الدولاب غطاها ..
جلس وهو مجدر(ماسك أطراف الغطا عشان تتدفى أكثر وماترجف أكثر) :بسم الله عليتس ..
جلس معها وقت وتذكر وفجأه : سارة أنتي أكلتي شي من جينا لبريطانيا ؟!
ماردت عليه لانها كانت حيل بردانه ..
قام وهو ضايق لان فكر شلون تأكل والمطبخ فاضي وكل ماجاب أكل ماتأكل وحتى نقد على نفسه هي مره وحده جاب غدا وبعدها ماجاب..
دق على خويه ناصر :هلا ناصر.. آبييك بخدمه ..
ناصر: سم ..
فارس: سم الله عدوك .. اسأل زوجتك كيف نسوي شوربة ..
ناصر ضحك : ورى؟
فارس: روقان أنت تضحك .. زوجتي مريضة وماعرف اسوي ..
ناصر: خلاص لاتسوي الحين اخلي العيال (زوجته) يسوونها وراح اجيبها لك ..
فارس: لا تكلف على نفسك بس علمني بالطريقة .. وبنزل اجيب اغراضها من السوبر ماركت تحت ..
ناصر: اقول ريح بس .. شوي واجيبها لك..
فارس: تسلم والله ..
ناصر: ماسويت شي يالخوي .. اشوف بعد شوي..
سكر منه ورجع لسارة جلس عند راسها ورحمها كان ترجف غطاها أكثر وقعد يلمس شعرها بحنان ويقرأ عليها لانها كانت خايفه صحاها بطريقه تروع :آسف على همجيتي قبل شوي بس ماكنت أدري أنك تعبانة ..
ماردت عليه مانتظر كثير ودق الجرس لان أخوياه ناصر وعبدالرحمن مستأجرين معه بنفس العمارة اللي كلها عرب..
قام ..
عند الباب: هلا ناصر ..
عطاه ناصر الحافظه :هلابك .. وسلامتكم ماتشوفون شر..
فارس:الله يسلمك .. اقلط ..
ناصر: وقت ثاني .. عن اذنك ..
راح ناصر لشقته .. ودخل فارس وصك الباب وتالي راح للمطبخ حط شوي منها بصحن وأخذ معلقه وراح لغرفه النوم جلس سارة : اشربي منها ..
ماقدرت تمسك الملعقه ..
حط الصينيه بحضنه :أنا بشربك ..
سارة :لا .. مابي شي..
فارس : لا راح تشربين .. أو راح اكلم أبوك يتفاهم معك لان وصاني عليك كثير ..
سارة : طيب مابي ..
فارس : طيب عشان أبوك .. هم ياشطورة ..
قهرها كأنها بزر عنده ..
شربها شوي :بس خلاص ..
فارس: لا راح تكملين هالصحن ..
سارة : خلاص مابي..
فارس: ياتشربين يااكلم ابوك ..
قعدت تشرب الين خلص الصحن :شاطرة .. شوفي ماضرك ..
قام وودى الصيينه للمطبخ ورجع وجلس وقت ورجع ومعاه حليب :خذي اشربي..
سارة : مابي خلاص ..
فارس :بكلم ابوك ..
سارة: خير كل شوي راح تكلم ابوي..
فارس ابتسم .. :خذيه ..
أخذته وشربت شوي .. وفارس يناظرها: كملي قبل مايبرد ..
سارة : قبل شوي شوربة والحين حليب كلها سوائل خلاص ..
فارس: أوك خلاص ..
شاله ووداه للمطبخ .. ورجع لها :باقي تحسين ببرد ..
سارة: لا ..
فارس: طيب تعبانة ؟
سارة :لا..
فارس: ليه ماقلتي لي ان البيت فاضي وكيف صابرة 3 ايام من غير اكل .. لو جاك شي ؟ ..
ماردت عليه كانت تناظر يدينها ..
فارس : خذي لتس شاور وراح ننزل للسوبر ماركت نأخذ باقي الاغراض ..
طلع من الغرفة ورد الباب وراه .. قامت سارة وهي محتارة من الشخص اللي كان امامها .. تصرفاته متناقضه .. دخلت تأخذ لها شاور عشان يطلعون ..
بالمطبخ ..
كان فارس يغسل الصحون والاكواب خلص منها وجففها وتالي حط أغراض ناصر عشان يرجعه له ..
نزل أكمام القميص وطلع من المطبخ .. انتظر سارة الين خلصت..
دخل للغرفة وكانت خالصة ..
فارس: خلصتي ؟
سارة:أييه ..
فارس: طيب خلي ننزل نجيب أغراض ..
لبست حاجبها .. وكان حيل لبسها ساتر ..
فارس : سارة ماعندك عبايه ؟!
سارة :الا ..
فارس :طيب راس او كتف ؟
سارة: ثنتين
فارس: وش كنتي تلبسين بالرياض ..
سارة :راس ..
فارس: حلو .. طيب مشينا ..(فكر أنه يقولها تلبس عباتها الكتف بس نظرات الاجانب وخاف يدخلون بمشاكل ) بس سارة لبست عباتها الكتف..
فارس : راح تلبسينها ؟
سارة : آييه ..
فارس علت بعينه كثير : اوك مشينا ..
طلعوا من شقتهم ..
بالسوبر ماركت ..
فارس : طيب زيت نأخذ ؟
سارة : يمكن مو نحطه على الاكل ..
فارس ابتسم ..
أخذت سارة كم نوع من المكرونة واغراض خفيفه ..
فارس :تعالي نروح قسم الحلويات ..
مروا أخذو كم نوع وتالي حاسب فارس وطلعوا ..
بشقتهم ..
رتبوا الاغراض ..
فارس بحنان: كيفك الحين ..
سارة نست انها تسولف معه: تماااام بغيت اموت العصر..
فارس :اسم الله عليك .. غلط تصرفك مفروض تأكلين..
سارة استحت ..
ابتسم فارس ومشى للغرفة عشان ينام :تصبحين على خير..
سارة: وأنت من اهله ..
جلست بالصالة وشافت لابه مفتوح مالمسته وخلته على حاله .. برغم انها كثير مشتاقه تجلس على النت وتفتح المسن ..
جلست على التلفزيون وقعدت تبرمج وتحوس بالقنوات الين طلعت لها قنوات عربية جلست تشوف برامج .. وتالي استقرت وجلست تشوف مسرحية ..
مر الوقت وجا نص الليل ولاحست فيه .. طلع فارس اللي كان دايخ نوم بس جيعان ..
عدلت جلستها لما شافته ..
فارس يحك راسه وجلس جنبها : أنا جيعان عادي تسوين لنا مكرونة..
ذكرها بأخوها زياد وابتسمت: أوك .. ترى أحبها حاره تبي مثلي ؟
فارس: آييه ..
قامت وقام معها ..
فارس جهز القدر ..
سارة: لا راح نسلق المكرونة أول شي وحدها وتالي نأخذ قلاية ونسوي فيها المكرونة كاملة ..
فارس: خلاص أنا بحضر المكرونة وبسلقها ..
سارة لفت عليها : تعرف
فارس ابتسم : خبره بالسلق كنت أنا وفهاد نسويها كذا وامي تجي تكملها .. ياهي إياااااام ..
سارة :ان شاء الله ترجع ..
فارس اندمج بالكلام معها وكان يكسر المكرونة ويحطها بالقدر: بس موب مثل قبل .. الحين كل واحد من بديره أنا هنا وفهاد بالرياض .. فهاد متزوج وعايش حياته الله يسعده .. وأنا هنا اكمل دراسات عليا وتزوجت بس موب اختياري هالزواج كل شي تم بـ إجبار من الوالد والوالدة بحجه وشو احصن نفسي.. طيب أنا ماابغى الزواج ولا عمري فكرت فيه وحتى لما تمت الخطوبة انصدمت بما قالوا لي البنت وافقت ....... (سكت فجأه واستوعب كل الكلام اللي قاله لف على سارة ) ضاع كل الكلام منه ماقدر يقول ولاكلمه ..ناظرها وهي معطيته ظهرها وكانت تقطع البصل واختلطت دموعها باحراق البصل ..
فارس ترك المكرونة تغلي على النار ومشى ووقف وراها حط يدينه على أكتافها وبصوت خافت وممزوج بحرقة انه جرحها ولاهو قاصد : مااحب أجرح أحد لو كان من كان فما بالك بزوجتي ..
كانت أكتافها تحت يدين فارس ترجف : آسف وأدري الاسف مايمحي آثر جرح بس مهوب قصدي ..
سارة بقوة ماعرفت مصدرها وبصوت واثق تحدت الرجفة اللي تسري بجسدها من قرب فارس وجرحها لها : ماصار شي ..
فارس سكت ..
سارة مسحت دموعها بفقا كفها : ممكن شوي أبي اكمل شغل المكرونة..
رفع يدينه عنها وبعد وكسرت خاطره كثير .. وكرهه نفسه أكثر على هالبوح ..
قعدت تكمل وجهزت كل شي الين تنسلق المكرونة زين .. طلعت من المطبخ وفارس عيونه تتبعها لان المطبخ متفوح على الصالة .. دخلت للغرفة ودخلت للحمام(تكرمون) .. صكت على نفسها الباب جلست على البانيو وحطت راسها على يدينها اللي حطتها على الرف الخشبي وبدت بنوبة بكا إلييمه على اللي تعرضت له .. بكت وقت الين حست انها ارتاحت شوي غسلت وجهها بموية باردة حيل وضحكت وهو تناظر المراية وترش الموية على وجهها : موب أنا اللي فارس يخليني أبكي واتحطم واعيش الحزن ..
نشفت وجهها وأخذت جوالها من الصالة وركبت السماعات بأذنها ودخلت للمطبخ شاف فارس عيونها وعرف انها باكية بس سكت..
سارة : خلصت المكرونة..
فارس استغرب منها تكلمه : أكيد نضجت ..
شافتها :آييه خلصت ..
رجعت ركبت السماعات بأذنها وكملت طبخ المكرونة .. ودخلت جو وهي تسوي المكرونه واندمجت مع اللي تسمعه وهي تردد بصوت خافت ..
فتحت الثلاجة وطلعت لهم بيبسي :مافيه غير واحد
فارس كان حيل ضايق وماقدر يتكلم ..
سارة :فارس مافيه الاببسي واحد عادي نقسمه بيننا ..
فارس :براحتك ..
سارة بنظره وبنره :البكاء على اللبن المسكوب لايفيد ..!
فارس : عمري ماجرحت .. ولا أحب اجرح ..
سارة : شوف حلو أنك تكون واضح معي .. لو قلت لي من ليلة الزفة كان اختصرت على نفسك كل هالتعب وهالتأنيب.. حلوه الصراحه ولو هي جارحة.. لان مصيرها تبان .. وهذا هي بانت ..
فارس سكت..
سارة : ها تبي ببسي معي (قالتها وهي مبتسمه)
فارس ابتسم : أنتي كريمة وأنا استاهل ..
ابتسمت ورجعت للمكرونة :خلصت ..وين الصحون ؟
قعدت تدور ..
مشى فارس وكانت تدور بدرج وقف وراها وسحب صحنين .. :ذولاي يصلحون ..
سارة تخدرت من قربه وصوته اللي قريب منها حيل:آييه ..
غسلهم وحضرت سارة المكرونة وقسمت الببسي بينهم بالنص .. طلعوا للصالة ..وجلس كل منهم على كنبه ..
سارة :حط خل نشوف مسرحية هنا مرآ تضحك ..
فارس عطاها الريموت حطت وقعدت تشاهد ..
فارس : تحبين المسرحيات ..
سارة: آممم أنا مااحب الاشياء ذي .. لان ستايلي كلش يختلف عنها.. آحب الاجنبي كثثثير.. وأعشق شرق آسيا كثثير وستايلهم واسلوبهم ونمط الحياة عندهم .. كل شي عندهم سلس وكيوت ..
فارس :عشان تسذا ستايلك يميل كثير لهم ..
سارة اكتتفت بالابتسامة وكلمت أكلها .. فارس فهى فيها وهي تأكل ونسى نفسه وقعد يتأملها .. عكسها اللي مادرت عن فارس وقعدت تأكل وتشوف المسرحية وتضحك ..
.
.
.
الرياض ..
آخر الليل ..
مانامت وجن لانها تتنظر طلال يكلمها ويطمنها عنه ..
دق جوالها : هلا طلال .. ليه ماترد اشغلت بالي وفكري ..
طلال: يابعد فكر وبال وحال طلال .. انشغلت الوالد شاف زملاء له تصوري من ايام الدراسة واصروا الا يجلسون مع بعض ويسهرون.. وتونا رجعنا الحين ..
وجن : اها .. طيب شخبارك ؟
طلال: الحمدلله تمام .. أخبارك وكيف عزوز والكل..
وجن: كلهم تمام .. ها وش صار على النتيجة ؟
طلال: كل شي سليم .. لان الدكتور هو نفسه اللي كنت اتعالج عنده وكل الاشاعات والفحوصات سليم يبي له بس فترة شهرين استمر على المضادات لاجل اكمل الفترة المحدده لي من العلاج وتالي خلاص اترك العلاج كليا..
استانست وجن بشكل جنوني: وااااااااااااااااو ونااااااااااااااسة .. يالله الحمدلله .. ربي يحفظك لي ..
طلال ابتسم : ياعمري أنتي .. وجون فيني النوم بروح انوم وبكرة بكلمك بأذن الله ..
وجن: اوك حياتي .. تصبح على خير ..
طلال: وأنتي من اهل الخير ..
سكر طلال وهي نزلت الجوال وهي مخنوقة من الفرحة .. بس صدرها ضاق كان ودها لو شوي يسولفون ..لان صارت كل مكالمتهم مختصرة سؤال عن احوال بعض وتالي يسكرون ..

حزين .. ومشتاق , أشكي له مثل أوّل
والوضع .. ما يشّبه الماضي .. ومتّعكر .. ,

أوّل نسولف , عن الاحلام .. ونّطوّل
والحين شخبارك ! ومن بعدها أنّسكر !...
.
.
.
اليوم الثاني ..
الصباح ..
الجامعة ..
طلعت العنود من الاختبار واللي كان اختبار شهري هي وغدير : حلو احسه سهل ..
غدير: آييه يالبآ عمتتتك ..
العنود : فديتتها تزنن .. تعالي نروح نفطر .. من الحين راح نأخذ فروالة وتكثر الشكولاتة .. وه بسسس ..
دق جوالها : بيبي زياد ..
غدير : يوقت هالانسان كأنه عارف موعد طلعتك ..
العنود: لاني قلت له ترى مااقعد كل الوقت بالقاعه .. حدي نص الوقت ..
ردت على الجوال : هلا بيبي ..
زياد: هلا باللي صوتها يرد الروح .. كيفك ياعمري ؟
العنود: تمام .. واختباري حلو وسهل ..
زياد: حلو حلو ربي يوفقققك .. حبيت اتطمن عليك بس لان وراي مراجعين ووقفت دخولهم علي ..
العنود ابتسمت : لبى قلبك .. مايدخلون حريم وحدهم عندك ..
زياد ابتسم : تغارين ..
العنود: شرأيك ..
زياد ضحك : اصلن كل وحده اكيد راح يدخل معها زوجها .. او امها ..يله سلام ..
العنود: سيآ
سكرت جوالها وحطته بجيب التنورة ..
غدير: تعالي نشوف أشكالنا قبل مانروح نفطر ..
العنود: اوك ..
دخلوا شافوا أشكالهم ..وطلعوا ..
بالكفرتيا ..
غدير حاطه يدينها على أكتاف العنود وتاكيه عليها وهو يطلبون : كثري الشوكلاته مرآ ..
العاملة في المحل ابتسمت وهي من الجنسيات الاسيوية لان دايم هالقروب مطيحين عندها : حاضر عنود .. وين سارة وصفا ؟
العنود : آخيييه لاتذكرينا .. سارة تزوجت وسافرت بريطاينا .. وصفا راح تجي قريب ..
العاملة : سارة تزوجت ؟
العنود: آيييه فاتتتك عرسها .. معك حق تستغربين بس كل تم بسرعة..
العاملة : كثير ..
العنود ضحكت: أشك فيك احسسك سعودية
ضحكت العاملة : خلاص عشت هنا .. طبيعي أخذ لهجتكم .. تبين تسذا ؟(قالتها وهي تضحك )
انفجروا العنود وغدير ضحك : الا تسذا خليها بعيده ..
ضحكت العاملة وعطتهم طلبهم ..
جلسوا على طاولتهم المخصصه ..
جلسوا نفس كل مره هواش على الفروالة والشوكلاته .. سحر مرت من عندها :هههههههههههههههههههههه مجانين بطلوا حركات المبرزة ..
العنود :هههههههههههههههههههه تعالي تهاوشي معنا دايما احنا كذا..
سحر :هههههههههه ماتعلموني فيكم .. خبره .. الا وين صفا ؟
غدير: بتجي قريب..
سحر : سلموا علييييها مرآ .. وحشتنا ..
غدير: من عنووووووننا .. سحر سحر خذي هالقطعه يييييمي ..
قربت سحر : وه خقه ..
أخذت القطعه ومشت ..
العنود : شوفي بنت عمي نورة ..
غدير: شوفي شلون تناظرنا .. جااات ..
قربت لطاولتهم ووقفوا سلموا عليها وتالي جلسوا .. :تفضلي ..
نورة: لا قروبي هناك .. بس حبيت ابارلك ..
العنود : أنا ..!
نورة : آييه ..
غدير: تباركين لها على الحمل ؟
نورة فتحت عيونها: آيشش حامل
العنود :آييه حامل ..
نورة بقسوة: الله لايتم هالضنا ..
غدير تلقائيا : الله يأخذك ليه تدعين على ضنا العنود .. انقعلي عنا ..
العنود : اشك بقواك العقلية ..
نورة بحقد : حبيت ابارلك بزواج عمي اللي هو أبوك .. تزوج يالعنود..
العنود حست بدوخة مفاجئة اجتاحتها ..
غدير وقفت للعنود : عنوده ماعليك منها ..
نورة ضحكت ومشت ..
العنود حاولت تتماسك عشان الكفتريا كلها بنات كلمت السواق وقالت له يمرها ..
نزلت جوالها : مستتحيل يكون كلامها صدق .. ابوي يتزوج على امي..
غدير جلست جنبها : عنوده اكيد هي حاقده عليك وتكذب ..
العنود : راح اسوي مصيبه لو هالكلام صدق.. قومي خل نأخذ عباتي لان كلمت السواق..
قامت العنود وغدير .. مشوا اخذو عباه العنود ووقفت معها عند البوابة..كلمت العنود سحر عشان تأخذ غدير وماتجلس وحدها..
جا سواقها وطلعت له ..
بالسيارة: بيت أبوي ..
طول الطريق كانت تكذب وتصدق الخبر ..!
.
.
.
ببيت أبو عبدالله ..
دخل هو وزوجته الجديدة : نور بيتك ..
نوال: بوجودك .. الا وين اهل البيت مايستقبلونا..
أبوعبدالله: تلاقينهم بعدهم نيام .. تعالي اجلسي فيذا وبطلع لهم ..
طلع أبوعبدالله للدور الثاني وجلست نوال تطالع بالفيلا الكبيرة وسقفها المنقوش بفخامه :صبرت ونلت وأنا بنت أبوي ..
وقفت سيارة العنود داخل حوش الفيلا وشافت سيارة أبوها: يارب الخبر كذب..
دخلت وكان البيت هدوء نزلت عباتها وحطتها على الكنبه بهدوء ..لفت انتباهها وحده واقفه تتأمل بالبيت ومعطيتها ظهرها ..:مين أنتي؟
لفت نوال وانبهرت على هالفتنه اللي واقفه قدامها :مشالله تبارك الله ..
العنود : مين أنتي ؟
نوال: أنا مين ؟ أنتي مين داخله بيتي وتسأليني ..
العنود تأكد الخبر عندها: أنتي مرت أبوي ؟!
نوال ابتسمت: آييه ..
العنود: وتقولينها بكل ثقه ..
نوال: زوجته على شرع ربي وسنه رسوله اللهم صلي وسلم عليه..
العنود صرخت فيها : وتقولييييييييييينها بكل جراءة .. اطلعي برآ
نوال جلست وحطت رجل على رجل: بيتي كيف اطلع منه ..
العنود شافت فازة صغيرة ورمتها بوجهها ..
نوال يدها على حاجبها: آيييييي ..
العنود بضحكه شر وهي تشوف الدم ينزل من حاجبها: ماشفتي شي.. حطك رماك عندي ..
نوال بدت تبكي وحركات المسكنه والتمسكن .. نزل أبو عبدالله وام عبدالله من الدرج على الصوت العالي اللي تحت ..
أبوعبدالله ركض بشيبه لنوال: من اللي صوبك ؟
نوال بدت تبكي أكثر: هذي ..
العنود الفازة الثانية بيدها والشر بصوتها: أنا .. تتزوج على أمي.. ليه؟ ..
أبوها بعصبيه وقرب .....
العنود بصوت اعلى: لو تقرب يابوي ماراح أعرفك صدقني ارجع للخمه زوجتك ارجع لها يابوي ..
أبوعبدالله يعرف بنتها لاعصبت ماتعرف نفسها .. وخاف على نفسه نوال وعلى العنود من نفسها ..رجع لنوال .. وقال لبنته: ليه تسوين تسذا بمرة أبوك ؟
العنود : قلتها بعظمه لسانك مرت أبوك .. يعني (يصوت عالي حيل وهي ضاغطه أسنانها العليا بالسلفا ) الذبح فيها حلال..
ام عبدالله جلست على الدرج من تحت وماعاد فيها حيل عقب اللي سمعته ..
رمت العنود اللي بيدها وركضت لامها على نزله أخوها بدر ووعد على خلفيه الصوت العالي..:يممممه شفيك ؟
أم عبدالله ويدها على طرف راسها: حسبي الله ونعم الوكيل ..
بدر : شفيكم ؟
العنود الدمعة بعيونها وبحده: شوف الحقيرة اللي وافقه جنب أبونا.. تزوج وفشلنا ..
أبوعبدالله بحده: لامافشلتكم ..
ام عبدالله بعدها جالسه : الا فشلت عيالك.. كلهم كبار ومتزوجين وأصغرهم بالثانوي .. دايم مفشلنا ومسود وجيهنا بتصرفاتك حسبي الله عليك .. من يومك قاسي وظالم ..
بدر بذهول : يبه صدق ذي زوجتك ..
نزلت وجن من الدرج ودموعها اربع اربع على اللي سمعته ..
أبوعبدالله: آييه زوجتي .. وش فيها ؟ فكروا بعقولكم مهوب بالعاطفة..
بدر: معليش احترمنا وفكر أنت بعقلك ..
امه: وجن جيبي عباتي من غرفتي ..
بدر: يمه لاتخلين البيت لها..
العنود: أهو وزوجته يطلعون من البيت .. وأنتي يمه لتس البيت..
أبوعبدالله : اسمعوني كلكم .. أمكم تبغى تعيش معي بهالبيت حياها الله.. ولنوال مثل مالها بالبيت .. وتحكم وتتحكم ..
أم عبدالله وقفت وبعزه نفس: مهيب أنا اللي ترضى فيك وبشروطك.. وجن جيبي عباتي ..
مشت ودقت على أخوها وقالت له يمرها .. لفت عليه وقالت : الله يخلي أبوي وأخواني لاتفكر عقب كل هالعمر مهم مستقبليني..
جابت لها وجن عباتها وشطنة اليد.. لبست وقعدت تتنظر أخوها..
العنود موب مصدقة: يمممممه من جدك بتطلعين وتتركين البيت لها..
وجن: يمه هذا بيتك ..
أم عبدالله : دامه دخل فيه الغريبة مهوب ببيتي..
بدر مشى لامه: يابعد راسي البيت ذا بيتك .. وماعاشت ولا خلقت اللي تطلعك من بيتك ..
أبوعبدالله : مااحد طلعها .. امكم تبغى تروح ..
وعد كانت تناظر الموقف بصمت وعيونها فيها لمحه احتقار لعمها وتصرفه ..
العنود قربت لابوها : ليه سويت كذا.. طحت من عيني كثثثثييير كثييير..!
نوال بشكل مفاجئ صفقت العنود كف ..
.
.
.

خلص ..

22 - 10 - 2014, 04:45 PM

.
.
.
بريطانيا ..
دخل فارس للشقة ومعه أغراضة خفيفه للمطبخ نزلها للمطبخ ودخل لغرفه النوم ولاقها مغطية نفسها وعلى باله زعلانة مادرى ان اللي فيها أكثر بكثير من زعل منه صرخ فيها :ساررررررررررررررة ..
بعد الغطا عنها وهو معصب :قومي نوووم نننوم الى متى .. فوقي لنفسك تراك صرتي متزوجة .. آوف منك ..
رجع وشغل النور ..
جلست وهي تبكي من الروعة اللي روعها أياااه .. والرجفه اللي جايه جسمها من البرد اللي بلندن ..والاكل اللي مااكلت من ليلة عرسها ..كان وجهها ذبلان وأنفها أحمر وعيونها من الصياح والتعب وشفايفها محترقة من كثر البكا .. ضمت نفسها بخوف منه ..
فارس : شفيك قومي رتبي الاغراض وننزل بكرة نأخذ باقي الاغراض يمكن تتذكرين لما تشوفين الاغراض قدامك ..
طلع من الغرفة وملامحها باقي قباله رجع بسرعة للغرفة ودنق على السرير وهي كانت جالسة وضامه نفسها وتبكي :سارة فيك شي؟ليه ترجفين ؟ بردانه ؟
هزت راسها باييه ..
رفع الغطا من الارض لانه رماه وغطاها .. ماكفى الغطا وقام جاب غطا ثاني من الدولاب غطاها ..
جلس وهو مجدر(ماسك أطراف الغطا عشان تتدفى أكثر وماترجف أكثر) :بسم الله عليتس ..
جلس معها وقت وتذكر وفجأه : سارة أنتي أكلتي شي من جينا لبريطانيا ؟!
ماردت عليه لانها كانت حيل بردانه ..
قام وهو ضايق لان فكر شلون تأكل والمطبخ فاضي وكل ماجاب أكل ماتأكل وحتى نقد على نفسه هي مره وحده جاب غدا وبعدها ماجاب..
دق على خويه ناصر :هلا ناصر.. آبييك بخدمه ..
ناصر: سم ..
فارس: سم الله عدوك .. اسأل زوجتك كيف نسوي شوربة ..
ناصر ضحك : ورى؟
فارس: روقان أنت تضحك .. زوجتي مريضة وماعرف اسوي ..
ناصر: خلاص لاتسوي الحين اخلي العيال (زوجته) يسوونها وراح اجيبها لك ..
فارس: لا تكلف على نفسك بس علمني بالطريقة .. وبنزل اجيب اغراضها من السوبر ماركت تحت ..
ناصر: اقول ريح بس .. شوي واجيبها لك..
فارس: تسلم والله ..
ناصر: ماسويت شي يالخوي .. اشوف بعد شوي..
سكر منه ورجع لسارة جلس عند راسها ورحمها كان ترجف غطاها أكثر وقعد يلمس شعرها بحنان ويقرأ عليها لانها كانت خايفه صحاها بطريقه تروع :آسف على همجيتي قبل شوي بس ماكنت أدري أنك تعبانة ..
ماردت عليه مانتظر كثير ودق الجرس لان أخوياه ناصر وعبدالرحمن مستأجرين معه بنفس العمارة اللي كلها عرب..
قام ..
عند الباب: هلا ناصر ..
عطاه ناصر الحافظه :هلابك .. وسلامتكم ماتشوفون شر..
فارس:الله يسلمك .. اقلط ..
ناصر: وقت ثاني .. عن اذنك ..
راح ناصر لشقته .. ودخل فارس وصك الباب وتالي راح للمطبخ حط شوي منها بصحن وأخذ معلقه وراح لغرفه النوم جلس سارة : اشربي منها ..
ماقدرت تمسك الملعقه ..
حط الصينيه بحضنه :أنا بشربك ..
سارة :لا .. مابي شي..
فارس : لا راح تشربين .. أو راح اكلم أبوك يتفاهم معك لان وصاني عليك كثير ..
سارة : طيب مابي ..
فارس : طيب عشان أبوك .. هم ياشطورة ..
قهرها كأنها بزر عنده ..
شربها شوي :بس خلاص ..
فارس: لا راح تكملين هالصحن ..
سارة : خلاص مابي..
فارس: ياتشربين يااكلم ابوك ..
قعدت تشرب الين خلص الصحن :شاطرة .. شوفي ماضرك ..
قام وودى الصيينه للمطبخ ورجع وجلس وقت ورجع ومعاه حليب :خذي اشربي..
سارة : مابي خلاص ..
فارس :بكلم ابوك ..
سارة: خير كل شوي راح تكلم ابوي..
فارس ابتسم .. :خذيه ..
أخذته وشربت شوي .. وفارس يناظرها: كملي قبل مايبرد ..
سارة : قبل شوي شوربة والحين حليب كلها سوائل خلاص ..
فارس: أوك خلاص ..
شاله ووداه للمطبخ .. ورجع لها :باقي تحسين ببرد ..
سارة: لا ..
فارس: طيب تعبانة ؟
سارة :لا..
فارس: ليه ماقلتي لي ان البيت فاضي وكيف صابرة 3 ايام من غير اكل .. لو جاك شي ؟ ..
ماردت عليه كانت تناظر يدينها ..
فارس : خذي لتس شاور وراح ننزل للسوبر ماركت نأخذ باقي الاغراض ..
طلع من الغرفة ورد الباب وراه .. قامت سارة وهي محتارة من الشخص اللي كان امامها .. تصرفاته متناقضه .. دخلت تأخذ لها شاور عشان يطلعون ..
بالمطبخ ..
كان فارس يغسل الصحون والاكواب خلص منها وجففها وتالي حط أغراض ناصر عشان يرجعه له ..
نزل أكمام القميص وطلع من المطبخ .. انتظر سارة الين خلصت..
دخل للغرفة وكانت خالصة ..
فارس: خلصتي ؟
سارة:أييه ..
فارس: طيب خلي ننزل نجيب أغراض ..
لبست حاجبها .. وكان حيل لبسها ساتر ..
فارس : سارة ماعندك عبايه ؟!
سارة :الا ..
فارس :طيب راس او كتف ؟
سارة: ثنتين
فارس: وش كنتي تلبسين بالرياض ..
سارة :راس ..
فارس: حلو .. طيب مشينا ..(فكر أنه يقولها تلبس عباتها الكتف بس نظرات الاجانب وخاف يدخلون بمشاكل ) بس سارة لبست عباتها الكتف..
فارس : راح تلبسينها ؟
سارة : آييه ..
فارس علت بعينه كثير : اوك مشينا ..
طلعوا من شقتهم ..
بالسوبر ماركت ..
فارس : طيب زيت نأخذ ؟
سارة : يمكن مو نحطه على الاكل ..
فارس ابتسم ..
أخذت سارة كم نوع من المكرونة واغراض خفيفه ..
فارس :تعالي نروح قسم الحلويات ..
مروا أخذو كم نوع وتالي حاسب فارس وطلعوا ..
بشقتهم ..
رتبوا الاغراض ..
فارس بحنان: كيفك الحين ..
سارة نست انها تسولف معه: تماااام بغيت اموت العصر..
فارس :اسم الله عليك .. غلط تصرفك مفروض تأكلين..
سارة استحت ..
ابتسم فارس ومشى للغرفة عشان ينام :تصبحين على خير..
سارة: وأنت من اهله ..
جلست بالصالة وشافت لابه مفتوح مالمسته وخلته على حاله .. برغم انها كثير مشتاقه تجلس على النت وتفتح المسن ..
جلست على التلفزيون وقعدت تبرمج وتحوس بالقنوات الين طلعت لها قنوات عربية جلست تشوف برامج .. وتالي استقرت وجلست تشوف مسرحية ..
مر الوقت وجا نص الليل ولاحست فيه .. طلع فارس اللي كان دايخ نوم بس جيعان ..
عدلت جلستها لما شافته ..
فارس يحك راسه وجلس جنبها : أنا جيعان عادي تسوين لنا مكرونة..
ذكرها بأخوها زياد وابتسمت: أوك .. ترى أحبها حاره تبي مثلي ؟
فارس: آييه ..
قامت وقام معها ..
فارس جهز القدر ..
سارة: لا راح نسلق المكرونة أول شي وحدها وتالي نأخذ قلاية ونسوي فيها المكرونة كاملة ..
فارس: خلاص أنا بحضر المكرونة وبسلقها ..
سارة لفت عليها : تعرف
فارس ابتسم : خبره بالسلق كنت أنا وفهاد نسويها كذا وامي تجي تكملها .. ياهي إياااااام ..
سارة :ان شاء الله ترجع ..
فارس اندمج بالكلام معها وكان يكسر المكرونة ويحطها بالقدر: بس موب مثل قبل .. الحين كل واحد من بديره أنا هنا وفهاد بالرياض .. فهاد متزوج وعايش حياته الله يسعده .. وأنا هنا اكمل دراسات عليا وتزوجت بس موب اختياري هالزواج كل شي تم بـ إجبار من الوالد والوالدة بحجه وشو احصن نفسي.. طيب أنا ماابغى الزواج ولا عمري فكرت فيه وحتى لما تمت الخطوبة انصدمت بما قالوا لي البنت وافقت ....... (سكت فجأه واستوعب كل الكلام اللي قاله لف على سارة ) ضاع كل الكلام منه ماقدر يقول ولاكلمه ..ناظرها وهي معطيته ظهرها وكانت تقطع البصل واختلطت دموعها باحراق البصل ..
فارس ترك المكرونة تغلي على النار ومشى ووقف وراها حط يدينه على أكتافها وبصوت خافت وممزوج بحرقة انه جرحها ولاهو قاصد : مااحب أجرح أحد لو كان من كان فما بالك بزوجتي ..
كانت أكتافها تحت يدين فارس ترجف : آسف وأدري الاسف مايمحي آثر جرح بس مهوب قصدي ..
سارة بقوة ماعرفت مصدرها وبصوت واثق تحدت الرجفة اللي تسري بجسدها من قرب فارس وجرحها لها : ماصار شي ..
فارس سكت ..
سارة مسحت دموعها بفقا كفها : ممكن شوي أبي اكمل شغل المكرونة..
رفع يدينه عنها وبعد وكسرت خاطره كثير .. وكرهه نفسه أكثر على هالبوح ..
قعدت تكمل وجهزت كل شي الين تنسلق المكرونة زين .. طلعت من المطبخ وفارس عيونه تتبعها لان المطبخ متفوح على الصالة .. دخلت للغرفة ودخلت للحمام(تكرمون) .. صكت على نفسها الباب جلست على البانيو وحطت راسها على يدينها اللي حطتها على الرف الخشبي وبدت بنوبة بكا إلييمه على اللي تعرضت له .. بكت وقت الين حست انها ارتاحت شوي غسلت وجهها بموية باردة حيل وضحكت وهو تناظر المراية وترش الموية على وجهها : موب أنا اللي فارس يخليني أبكي واتحطم واعيش الحزن ..
نشفت وجهها وأخذت جوالها من الصالة وركبت السماعات بأذنها ودخلت للمطبخ شاف فارس عيونها وعرف انها باكية بس سكت..
سارة : خلصت المكرونة..
فارس استغرب منها تكلمه : أكيد نضجت ..
شافتها :آييه خلصت ..
رجعت ركبت السماعات بأذنها وكملت طبخ المكرونة .. ودخلت جو وهي تسوي المكرونه واندمجت مع اللي تسمعه وهي تردد بصوت خافت ..
فتحت الثلاجة وطلعت لهم بيبسي :مافيه غير واحد
فارس كان حيل ضايق وماقدر يتكلم ..
سارة :فارس مافيه الاببسي واحد عادي نقسمه بيننا ..
فارس :براحتك ..
سارة بنظره وبنره :البكاء على اللبن المسكوب لايفيد ..!
فارس : عمري ماجرحت .. ولا أحب اجرح ..
سارة : شوف حلو أنك تكون واضح معي .. لو قلت لي من ليلة الزفة كان اختصرت على نفسك كل هالتعب وهالتأنيب.. حلوه الصراحه ولو هي جارحة.. لان مصيرها تبان .. وهذا هي بانت ..
فارس سكت..
سارة : ها تبي ببسي معي (قالتها وهي مبتسمه)
فارس ابتسم : أنتي كريمة وأنا استاهل ..
ابتسمت ورجعت للمكرونة :خلصت ..وين الصحون ؟
قعدت تدور ..
مشى فارس وكانت تدور بدرج وقف وراها وسحب صحنين .. :ذولاي يصلحون ..
سارة تخدرت من قربه وصوته اللي قريب منها حيل:آييه ..
غسلهم وحضرت سارة المكرونة وقسمت الببسي بينهم بالنص .. طلعوا للصالة ..وجلس كل منهم على كنبه ..
سارة :حط خل نشوف مسرحية هنا مرآ تضحك ..
فارس عطاها الريموت حطت وقعدت تشاهد ..
فارس : تحبين المسرحيات ..
سارة: آممم أنا مااحب الاشياء ذي .. لان ستايلي كلش يختلف عنها.. آحب الاجنبي كثثثير.. وأعشق شرق آسيا كثثير وستايلهم واسلوبهم ونمط الحياة عندهم .. كل شي عندهم سلس وكيوت ..
فارس :عشان تسذا ستايلك يميل كثير لهم ..
سارة اكتتفت بالابتسامة وكلمت أكلها .. فارس فهى فيها وهي تأكل ونسى نفسه وقعد يتأملها .. عكسها اللي مادرت عن فارس وقعدت تأكل وتشوف المسرحية وتضحك ..
.
.
.
الرياض ..
آخر الليل ..
مانامت وجن لانها تتنظر طلال يكلمها ويطمنها عنه ..
دق جوالها : هلا طلال .. ليه ماترد اشغلت بالي وفكري ..
طلال: يابعد فكر وبال وحال طلال .. انشغلت الوالد شاف زملاء له تصوري من ايام الدراسة واصروا الا يجلسون مع بعض ويسهرون.. وتونا رجعنا الحين ..
وجن : اها .. طيب شخبارك ؟
طلال: الحمدلله تمام .. أخبارك وكيف عزوز والكل..
وجن: كلهم تمام .. ها وش صار على النتيجة ؟
طلال: كل شي سليم .. لان الدكتور هو نفسه اللي كنت اتعالج عنده وكل الاشاعات والفحوصات سليم يبي له بس فترة شهرين استمر على المضادات لاجل اكمل الفترة المحدده لي من العلاج وتالي خلاص اترك العلاج كليا..
استانست وجن بشكل جنوني: وااااااااااااااااو ونااااااااااااااسة .. يالله الحمدلله .. ربي يحفظك لي ..
طلال ابتسم : ياعمري أنتي .. وجون فيني النوم بروح انوم وبكرة بكلمك بأذن الله ..
وجن: اوك حياتي .. تصبح على خير ..
طلال: وأنتي من اهل الخير ..
سكر طلال وهي نزلت الجوال وهي مخنوقة من الفرحة .. بس صدرها ضاق كان ودها لو شوي يسولفون ..لان صارت كل مكالمتهم مختصرة سؤال عن احوال بعض وتالي يسكرون ..

حزين .. ومشتاق , أشكي له مثل أوّل
والوضع .. ما يشّبه الماضي .. ومتّعكر .. ,

أوّل نسولف , عن الاحلام .. ونّطوّل
والحين شخبارك ! ومن بعدها أنّسكر !...
.
.
.
اليوم الثاني ..
الصباح ..
الجامعة ..
طلعت العنود من الاختبار واللي كان اختبار شهري هي وغدير : حلو احسه سهل ..
غدير: آييه يالبآ عمتتتك ..
العنود : فديتتها تزنن .. تعالي نروح نفطر .. من الحين راح نأخذ فروالة وتكثر الشكولاتة .. وه بسسس ..
دق جوالها : بيبي زياد ..
غدير : يوقت هالانسان كأنه عارف موعد طلعتك ..
العنود: لاني قلت له ترى مااقعد كل الوقت بالقاعه .. حدي نص الوقت ..
ردت على الجوال : هلا بيبي ..
زياد: هلا باللي صوتها يرد الروح .. كيفك ياعمري ؟
العنود: تمام .. واختباري حلو وسهل ..
زياد: حلو حلو ربي يوفقققك .. حبيت اتطمن عليك بس لان وراي مراجعين ووقفت دخولهم علي ..
العنود ابتسمت : لبى قلبك .. مايدخلون حريم وحدهم عندك ..
زياد ابتسم : تغارين ..
العنود: شرأيك ..
زياد ضحك : اصلن كل وحده اكيد راح يدخل معها زوجها .. او امها ..يله سلام ..
العنود: سيآ
سكرت جوالها وحطته بجيب التنورة ..
غدير: تعالي نشوف أشكالنا قبل مانروح نفطر ..
العنود: اوك ..
دخلوا شافوا أشكالهم ..وطلعوا ..
بالكفرتيا ..
غدير حاطه يدينها على أكتاف العنود وتاكيه عليها وهو يطلبون : كثري الشوكلاته مرآ ..
العاملة في المحل ابتسمت وهي من الجنسيات الاسيوية لان دايم هالقروب مطيحين عندها : حاضر عنود .. وين سارة وصفا ؟
العنود : آخيييه لاتذكرينا .. سارة تزوجت وسافرت بريطاينا .. وصفا راح تجي قريب ..
العاملة : سارة تزوجت ؟
العنود: آيييه فاتتتك عرسها .. معك حق تستغربين بس كل تم بسرعة..
العاملة : كثير ..
العنود ضحكت: أشك فيك احسسك سعودية
ضحكت العاملة : خلاص عشت هنا .. طبيعي أخذ لهجتكم .. تبين تسذا ؟(قالتها وهي تضحك )
انفجروا العنود وغدير ضحك : الا تسذا خليها بعيده ..
ضحكت العاملة وعطتهم طلبهم ..
جلسوا على طاولتهم المخصصه ..
جلسوا نفس كل مره هواش على الفروالة والشوكلاته .. سحر مرت من عندها :هههههههههههههههههههههه مجانين بطلوا حركات المبرزة ..
العنود :هههههههههههههههههههه تعالي تهاوشي معنا دايما احنا كذا..
سحر :هههههههههه ماتعلموني فيكم .. خبره .. الا وين صفا ؟
غدير: بتجي قريب..
سحر : سلموا علييييها مرآ .. وحشتنا ..
غدير: من عنووووووننا .. سحر سحر خذي هالقطعه يييييمي ..
قربت سحر : وه خقه ..
أخذت القطعه ومشت ..
العنود : شوفي بنت عمي نورة ..
غدير: شوفي شلون تناظرنا .. جااات ..
قربت لطاولتهم ووقفوا سلموا عليها وتالي جلسوا .. :تفضلي ..
نورة: لا قروبي هناك .. بس حبيت ابارلك ..
العنود : أنا ..!
نورة : آييه ..
غدير: تباركين لها على الحمل ؟
نورة فتحت عيونها: آيشش حامل
العنود :آييه حامل ..
نورة بقسوة: الله لايتم هالضنا ..
غدير تلقائيا : الله يأخذك ليه تدعين على ضنا العنود .. انقعلي عنا ..
العنود : اشك بقواك العقلية ..
نورة بحقد : حبيت ابارلك بزواج عمي اللي هو أبوك .. تزوج يالعنود..
العنود حست بدوخة مفاجئة اجتاحتها ..
غدير وقفت للعنود : عنوده ماعليك منها ..
نورة ضحكت ومشت ..
العنود حاولت تتماسك عشان الكفتريا كلها بنات كلمت السواق وقالت له يمرها ..
نزلت جوالها : مستتحيل يكون كلامها صدق .. ابوي يتزوج على امي..
غدير جلست جنبها : عنوده اكيد هي حاقده عليك وتكذب ..
العنود : راح اسوي مصيبه لو هالكلام صدق.. قومي خل نأخذ عباتي لان كلمت السواق..
قامت العنود وغدير .. مشوا اخذو عباه العنود ووقفت معها عند البوابة..كلمت العنود سحر عشان تأخذ غدير وماتجلس وحدها..
جا سواقها وطلعت له ..
بالسيارة: بيت أبوي ..
طول الطريق كانت تكذب وتصدق الخبر ..!
.
.
.
ببيت أبو عبدالله ..
دخل هو وزوجته الجديدة : نور بيتك ..
نوال: بوجودك .. الا وين اهل البيت مايستقبلونا..
أبوعبدالله: تلاقينهم بعدهم نيام .. تعالي اجلسي فيذا وبطلع لهم ..
طلع أبوعبدالله للدور الثاني وجلست نوال تطالع بالفيلا الكبيرة وسقفها المنقوش بفخامه :صبرت ونلت وأنا بنت أبوي ..
وقفت سيارة العنود داخل حوش الفيلا وشافت سيارة أبوها: يارب الخبر كذب..
دخلت وكان البيت هدوء نزلت عباتها وحطتها على الكنبه بهدوء ..لفت انتباهها وحده واقفه تتأمل بالبيت ومعطيتها ظهرها ..:مين أنتي؟
لفت نوال وانبهرت على هالفتنه اللي واقفه قدامها :مشالله تبارك الله ..
العنود : مين أنتي ؟
نوال: أنا مين ؟ أنتي مين داخله بيتي وتسأليني ..
العنود تأكد الخبر عندها: أنتي مرت أبوي ؟!
نوال ابتسمت: آييه ..
العنود: وتقولينها بكل ثقه ..
نوال: زوجته على شرع ربي وسنه رسوله اللهم صلي وسلم عليه..
العنود صرخت فيها : وتقولييييييييييينها بكل جراءة .. اطلعي برآ
نوال جلست وحطت رجل على رجل: بيتي كيف اطلع منه ..
العنود شافت فازة صغيرة ورمتها بوجهها ..
نوال يدها على حاجبها: آيييييي ..
العنود بضحكه شر وهي تشوف الدم ينزل من حاجبها: ماشفتي شي.. حطك رماك عندي ..
نوال بدت تبكي وحركات المسكنه والتمسكن .. نزل أبو عبدالله وام عبدالله من الدرج على الصوت العالي اللي تحت ..
أبوعبدالله ركض بشيبه لنوال: من اللي صوبك ؟
نوال بدت تبكي أكثر: هذي ..
العنود الفازة الثانية بيدها والشر بصوتها: أنا .. تتزوج على أمي.. ليه؟ ..
أبوها بعصبيه وقرب .....
العنود بصوت اعلى: لو تقرب يابوي ماراح أعرفك صدقني ارجع للخمه زوجتك ارجع لها يابوي ..
أبوعبدالله يعرف بنتها لاعصبت ماتعرف نفسها .. وخاف على نفسه نوال وعلى العنود من نفسها ..رجع لنوال .. وقال لبنته: ليه تسوين تسذا بمرة أبوك ؟
العنود : قلتها بعظمه لسانك مرت أبوك .. يعني (يصوت عالي حيل وهي ضاغطه أسنانها العليا بالسلفا ) الذبح فيها حلال..
ام عبدالله جلست على الدرج من تحت وماعاد فيها حيل عقب اللي سمعته ..
رمت العنود اللي بيدها وركضت لامها على نزله أخوها بدر ووعد على خلفيه الصوت العالي..:يممممه شفيك ؟
أم عبدالله ويدها على طرف راسها: حسبي الله ونعم الوكيل ..
بدر : شفيكم ؟
العنود الدمعة بعيونها وبحده: شوف الحقيرة اللي وافقه جنب أبونا.. تزوج وفشلنا ..
أبوعبدالله بحده: لامافشلتكم ..
ام عبدالله بعدها جالسه : الا فشلت عيالك.. كلهم كبار ومتزوجين وأصغرهم بالثانوي .. دايم مفشلنا ومسود وجيهنا بتصرفاتك حسبي الله عليك .. من يومك قاسي وظالم ..
بدر بذهول : يبه صدق ذي زوجتك ..
نزلت وجن من الدرج ودموعها اربع اربع على اللي سمعته ..
أبوعبدالله: آييه زوجتي .. وش فيها ؟ فكروا بعقولكم مهوب بالعاطفة..
بدر: معليش احترمنا وفكر أنت بعقلك ..
امه: وجن جيبي عباتي من غرفتي ..
بدر: يمه لاتخلين البيت لها..
العنود: أهو وزوجته يطلعون من البيت .. وأنتي يمه لتس البيت..
أبوعبدالله : اسمعوني كلكم .. أمكم تبغى تعيش معي بهالبيت حياها الله.. ولنوال مثل مالها بالبيت .. وتحكم وتتحكم ..
أم عبدالله وقفت وبعزه نفس: مهيب أنا اللي ترضى فيك وبشروطك.. وجن جيبي عباتي ..
مشت ودقت على أخوها وقالت له يمرها .. لفت عليه وقالت : الله يخلي أبوي وأخواني لاتفكر عقب كل هالعمر مهم مستقبليني..
جابت لها وجن عباتها وشطنة اليد.. لبست وقعدت تتنظر أخوها..
العنود موب مصدقة: يمممممه من جدك بتطلعين وتتركين البيت لها..
وجن: يمه هذا بيتك ..
أم عبدالله : دامه دخل فيه الغريبة مهوب ببيتي..
بدر مشى لامه: يابعد راسي البيت ذا بيتك .. وماعاشت ولا خلقت اللي تطلعك من بيتك ..
أبوعبدالله : مااحد طلعها .. امكم تبغى تروح ..
وعد كانت تناظر الموقف بصمت وعيونها فيها لمحه احتقار لعمها وتصرفه ..
العنود قربت لابوها : ليه سويت كذا.. طحت من عيني كثثثثييير كثييير..!
نوال بشكل مفاجئ صفقت العنود كف ..
.
.
.

خلص ..

22 - 10 - 2014, 04:48 PM

الجزء الثلاثون ..

ببيت أبو عبدالله ..
صمت خيم بالبيت على آثر هالكف ..
العنود جن جنونها :أبوي ماضربني وامي .. تجين أنتي تضربيني ..آآآآه
أبو عبدالله مصدوم :ليش تضربين العنود ؟
نوال حست انها تصرفت غلط مفروض تبين العكس على الاقل قدامه وسكتت ..
العنود مسكت نوال من شعرها بشكل سريع وصارت تشده وتبقس فيها..
أبوعبدالله بصوت عالي :عنوووووووووووود ..
حاول يبعدها ولاكن لاحياة لمن تنادي .. ركض بدر وبعد العنود عنها :عنود انتي حامل موب خايفة على ضناك ..
مسك أخته ..
العنود بـ شر :خلننننننني عليها اربيها اللي ماتربت .. جايبها ابوي من الشوارع .. اللي مثلها عيالهم بأعمارنا واللي أبوي لقطها الوسخة ..
بدر :خلاص عنود هدي اعصابك .. ماتستاهل تحرقين دمك عشانها.. وانت يبه شفيك ولعت الشرار والحين تتفرج.. خذ هالانسانه وودها بأي داهية..
أبوه: احترم نفسك ذي مرتي ..
العنود تبي تتلفت من أخوها: ليتك احترمت شيبك يبه قبل ماتتزوج .. خلوها تنلقع عشان مااذبحها ببجد ..اروح اعدام ماعندي مانع فيها طلعوووووها..
أبوعبدالله تروع من بنتها فقدت كلها أعصابها :مشينا يانوال نطلع لفوق..
مرت من جنبها نوال وشاتتها العنود بقوة ..
نوال عصبت .. مسكها أبو عبدالله وطلع ..
طلعوا .. وجلس بدر اخته على الكنبه : ممكن تهدين.. ناسية انك حامل ياعنود ماتجي الامور بهالشكل.. صدقيني نزوة وبتروح ..
العنود : أكرررررهها .. بذبحها مالي شغل ..
امها لما شافتهم اختفوا عن عيونها ابوعبدالله وزوجته مشت للعنود : خلي أبوك لي .. وأخوك صادق يابنتي أنتي حامل .. انتبهي لضناك ..
العنود كانت حاطه يدينها على وجهها من العصيبه والضيقه ..
دخل أخو ام عبدالله وطلعت وعد لغرفتها لانها ماتكشف عليه ..
جلس أخوها وسمع السالفة .. :لاحول ولاقوة الا بالله .. مالك وأنا أخوك الا يرضيك .. أن جيتي معي فالبيت بيتك .. وأن بغيتي العزوة والسند فأنا لك ..
أم عبدالله : جعل عيني ماتبيكك .. مالي جلسه بهالبيت .. أبغى اروح لبيت أبوي..
وقف أخوها: مشينا أجل ..
وجن تبكي ومسكت أمها: تكفين يممممممه اجلسي ..
امها ضمته : انتبهي لنفسك ولولدك .. خلي أبوك يعرف قيمتي شوي .. ضحيت لاجله بالغالي والرخيص والحين جاب وحده لبيتي ويبيها عقب كل هالعمر تشاركني البيت اللي تعبت عليه .. مع السلامة وانتبهي لاخوانك ..
طلعت مع أخوها ..
جلس بدر :حسبي الله ونعم الوكيل.. عنود وجن خلاص هونوها وأبوي تراها نزوة ..
العنود : يعني مراهقه على كبر.. أكررررهه هالغباء ..
نزلت وعد ومعها بنتها وعزوز ..قام بدر وشال بنتهم عنها لانها كانت شايلتهم اثنيهم .. شالت وجن ولدها : غريبة صحيت بدري ..
العنود وقفت ولبست عباتها ..
بدر: على وين عنود ؟
العنود تلبس الشيلة : بروح لبيتي .. راسي راح ينفجر وراح يصير لي شي لو جلست شوي وامي موب بالبيت وهالبقرة فوق .. ولي رجعه وانا ماطلعت من البيت منيب العنود .. مع السلامة ..
طلعت ..
بدر : الله يعين ..
حطت وعد يده على كتفه : هونها حبيبي .. وهي نزوة وبتروح .. وبترجع عمتي ..
بدر ناظرها بـ هم وسكت ..
.
.
.
أحدى غرف النوم الدور العلوي..
نوال تبكي وتطالع حاجبها : متأكد أنها بنت شكلها ولد ..
أبوعبدالله : وراك تتهاوشين معها .. مالقيتي من بد عيالي الا العنود .. العنود ومتعب وفواز مافيه اشر منهم ..
نوال جلست وهي تعصر دموع وتبكي : أول يوم وكل الاهانات جتني ..
أبوعبدالله يدرايها : مالك الا طيبه الخاطر.. البيت بيتك ولو مابغيته اشتري لتس فيلا واكتبها باسمك..
نوال مسحت دموعها : اعتمد ..
أبوعبدالله ابتسم: اييه ..
نوال : منيب نازلة تحت الين كل عيالك يكونون بغرفهم ..
أبوعبدالله : خليك العاقلة لاتحطين عقلك بعقلهم ..
نوال : عيالك راح يذبحوني وأنت تتفرج ..
أبوعبدالله : يهبون .. بس اصبري علي ..
نوال :الى متى ؟
أبوعبدالله: ماخبرتك عجولة .. اصبري..
نوال ضحكت: نصبر ..
.
.
.
بريطانيا ..
الصباح ..
سارة : طيب مافيني نوم ..
فارس بيروح للجامعة : طيب لازم تنامين مواعيد نومك غلط ..
سارة : أنا متعوده وذا نظامي ..
فارس: نظامك غلط .. رجاء عدلي نومك ..
سارة خزته : موب اصغر عيالك ترى..
فارس: لاكن زوجتي .. أبغى ارجع من الجامعة الاقيك قدامي ومسوية لي الغدا ..
سارة : طيب أنت ماتتغدا هنا ..
فارس: يمكن اجي اتغدا هنا ..
سارة : هذا أنت قلتها يمكن موب أكيد ..
فارس : المهم جيت او ماجيت يكون فيه غدا..
سارة ناظرته بحزن ولمعت عيونها ودخلت للغرفة .. ضاق فارس لانه ضيق صدرها من هالصبح مو كفاية البارح ..يكلم نفسه: كيف اروح الجامعة وهي ضايقه وحزينه ..

لايضيق الصدْرمن كثر الجراح
ولايموت الورْد من خنق اليدين ...!
الصبآح اليوم ماكنّه صبآح
كيف اروح الجامعه وانته حزين ؟

بعد تردد دخل للغرفة مسك الباب :سارة ..
كانت وافقه على الدريشة وتناظر الطلاب وهم يروحون للمدراس وزحمه البشر بشارع حيهم الهادي..
مشى لجنبها ووقف: معليش على قبل شوي ..
سارة تناظر الشارع : روح لجامعتك ..
فارس: ساررة ..
سارة ناظرته وعيونها مغشيها الدمع: تكفى خلنننننني وروح لجامعتك..
وقف شوي وتالي طلع .. وهي كملت تناظر ودموعها تنزل بصمت ..
.
.
.

ببيت زياد ..
دخل زياد للبيت عقب ماكلمته العنود وهي منهارة حيل قعدت تقوله وصوت شهقاتها يقطع كلامها ..
ضمها :هوسس حبيبي عنوده .. ازمه وتعدي..
رتب على ظهرها وهي بحضنه الين نومها باسها وغطاها :حبيبي عنادي اسم الله عليك..
دق جوالها وكان أخوها بدر يبي يتطمن عليها ..رد زياد وطلع من الغرفة :هلا بدر.. كات بالحيل منهاراة .. والحين نامت ..لالاتخاف عليها بعيوني.. بحفظ الله ..
سكر الجوال .. ودخل يبدل ملابسه لانه ماعاد هو براجع للمستشفى الا لما يتطمن عليها...
جلس عند راس العنود وهو يبعد شعرها عن وجهها عشان مايضايقها فتح عيونه زود لما شاف اثار كف بوجهها .. كان راح يصحيها بس ماصدق نامت قام وأخذ الجوال ودق على بدر : هلا بدر مين اللي ضرب العنود ..
بدر يقهر: مرت أبوي ..
زياد طرطع: خير تضرب العنود ..ماراح تمر هالسالفه مرور الكرام ..
بدر: ماقصرت فيها االعنود .. رمتها بفازة وشف الدم سايح وتالي مسكت بشعرها وقطعته .. بس وصى على العنود تنتبه للي ببطنها اليوم نست كليا انها حامل ..
زياد : العنود عصبية لاعصبت تنسى نفسها .. وطيب الله يهديه على كبر يعرس..
بدر: الله يهدي كل مره طالع لنا بحركة ..
زياد: اهم شي خل عبدالله دام معه وكاله عن عمي يحول كل شي باسمه الين يطلق هالزفت لان مهيب مطولة معه ..
بدر: صادق شلون فاتت ذي علي.. حتى عبدالله للحين أكيد مايدري لان تونا ندري بسالفة عرسه ..
زياد: الله يعين .. غمامه وراح تعدي..
بدر: على قولتك .. طيب انتبه للعنود ..
زياد: لاتوصي.. سلام ..
سكر زياد من بدر وراح يكلم المستشفى ويخلص بعض أعماله عن طريق التلفون ..
.
.
.
الشركة ..
عبدالله كان يكلم أخوه بدر وقفت يده زر الانتر الخاص بجهازه وهو مفجوع من الخبر ..
بدر : اقولك حول كل شي باسمك ..
عبدالله بعده مذهول : متأكد أنت ؟!
بدر: اقولك الحرمة معه فوق .. عبدالله ماتزوجت الوالد لسواد عيونه بسرعة نفذ اللي قلت لك عليه ..
عبدالله : لا هذي امانه وأنا مسؤؤل عنها..
بدر: عبدالله بلا مثالية زايدة .. زوجته صغيرة وراح تلحس مخه وتبيعه اللي وراه ودونه .. اقولك حول كل شي بأسمك .. ولما تزول هالسالفة نرجع كل لاصله .. بسرعة ياعبدالله ..
عبدالله : منيب مرتاح ..
بدر: لاحول ولاقوة الا بالله .. عبدالله يرحم اهلك بلا برود .. اقولك الحين تنادي المحامي .. او اقولك الحين انا جاي للشركة .. سلام ..
سكر عبدالله من أخوه : الله يهديك يايبه ..
دخل السكرتير ومعه اوراق يوقعها عبدالله ..
عبدالله: خلها اقراها وتالي اوقعها ..
طلع السكرتير وقعد يقراها ومخه مشوش مهوب مصدق اللي صار ..
.
.
.
ببيت زياد ..
صحى زياد العنود لاجل تقوم تصلي الظهر .. قامت صلت الظهر وتحس راسها ثقيل ناظرت بخدها : والله ماخليها لها وانا عنود ..
زياد دنق عليها ولمها : الكف راح يرجع لها لاتشيلن هم ..
باس موضع الكف لفت على زياد ودفنت نفسها بحضنه وهي تبكي ..
شالها زياد وحطت راسها تحت رقبته وهي تبكي ..
زياد: عنادي آفا اخبرك اقوى من كذا.. هالتعبانة تنزل دمعتك .. مفروض أنتي تبكينها وتكرهينها باليوم اللي دخلت لبيتكم ..
دخل للمغاسل وهو رفع وجهها وغسله وهو شايلها ..
أخذ مناديل ومسح وجهها :بالله هالوجه يليق عليه حزن او دموع.. مايليق .. ولايروق محبوبك الا لما يشوف ضحكتك ..
العنود تعلقت برقبته أكثر: يالله أحبببببك كثثير ..
زياد : أجل وش اقول أنا ..
العنود حطت راسها على كتفه : أحبببك موووت..
زياد جلس وهي بحضنه باسها بحب وتملك فضيع كأنه يبي يبين للعنود حبه بهالطريقة ..
.
.
.
الشركة ..
بدر كان جالس ويناقش أخوه .. وتالي اقنع عبدالله .. وكلم المحامي ..
دخل المحامي وكتب كل املاك ابو عبدالله باسم عبدالله ..
بدر : بكرة نروح نوثقها ..
المحامي : ابشر طال عمرك .. عن اذنكم ..
بدر: تفضل ..
طلع المحامي..
وقف بدر : الحين تطمنت والحين اشوف المدام وش اللي راح تطوله .. حتى الرصيد اللي على بالها راح تطوله كله تحول .. عبدالله ماحولنا كل شي بأسسمك الا وأنت قد الثقة باذن الله ..
عبدالله : لاتوصي.. أنا اخاف الله قبل كل شي.. والله يسستر ..
بدر: شوف الوالد لما يدري ماراح يسكت ابد لنا .. وأكيد راح تجي براسك النصيب الاكبر بالبداية .. بس ماتعبنا كل هالسنين وتجي وحده تأكلها بارده مبرده ..
عبدالله : الله يسستر..
بدر يدخل جواله بجيبه : العصر تعال للبيت ..
عبدالله وقف : بطلع اجل للبنك اخلص الاجراءت المالية ..
بدر ابتسم: آييه كذا تعجبني .. مشينا بطلع معك ..
.
.
.
ببيت أبوفارس..
فهاد: فديتتتك يمه ..الله لايحرمني منك ..
امه: فداك كل هالكون.. الله يجعله مسكن خير..
فهاد وهو ماسك مفتاح الشقه :اللهم امييين .. ادعي لي يمه ان الله ييسرها ..
امه: الله ييسرها ويسعدك أنت وصفا ..
فهاد: آمييين ..عن اذنك يمه بطلع لصفا..
طلع لصفا وكشر اول مادخل ..
ماسلم وجلس جنبها لعانه وطاق حرش ..بعدت عنه ..
فهاد خزها بنظره وفيها حرش مجنون عدل جلسته وانسدح على رجلها وهي تلقائيا فزت بس كان مثبت نفسه ..:أبي اانام على رجولك عندك شي؟
صفا طرطعت: آيييه قوم .. منيب امك ..
فهاد : منيب قايم .. وبعدين كبرت انام بحضن امي .. زوجتي اولى.. المهم ياحلوه الليلة راح نطلع لشقتنا ..
صفا بصدمه: وشو ؟
فهاد بعد يده عن عيونه وناظرها: اقولك الليلة راح نطلع لشقتنا يعني بيتنا..
صفا بجدية :فهاد اجلس ..
جلس فهاد :شفيك؟
صفا وقفت :انت تستهبل كيف نطلع ؟
فهاد اخذ مخده صغنونه وحطها تحت راسه : أحد قالك قبلي انك فاضية.. مقومتني وتقولين تستهبل..
صفا: آفف فهاد ..
فهاد : وجعااااه توجع فهاد يوم فكر يتزوج .. وتوجع زوجته .. صفا روحي رتبي اغراضك وحطيها بالشنط وحتى أغراضي..
صفا: موب شايف يدي..
فز فهاد ورمى المخده الارض طلع ونادى الخدم بصوت عالي ويروع وبسرعة جاو له :ساعدو الحلوه صفا بالشنط ..
دخل ومعه الخدم :هذولاي خل يساعدونك ..
صفا طلعت لسانها ودخلت مع الخدم ..
فهاد بصوت عالي: الشرهة على اللي فكر يعرس ..
دخلت صفا لغرفه النوم واشرت للخدم ينزلون الشنط وتالي حطت ملابسها بشنطتها ..
صفا: حطي ملابس فهاد هنا ..وأنتي تعالي معي نحط الكريمات والعطور بشنطه ثانية.. قعدت ومااخذ منها وقت وخلصوا الخدم:شكككككرآ .. ماقصرتم ..
طلعوا الخدم ..
فهاد دخل للغرفة : تعالي للغدا تحت..
صفا: مابي ..
فهاد مشى وقرب لها:خل ننزل لان اخره مره نجلس مع اهلي على سفره وحده قبل ماننقل ..
صفا :اوك ..
فهاد: طيب امشي..
صفا: راح انزل بعدك ..
فهاد :لا راح تنزلين معي الحين .. امشي ..
حط يده على خصرها وفزت .. ناظرها وابتسم :مابين الزوجين حيا..
صفا وجهها بعده احمر: وش مناسبة هالحكي..
ضحك : خل ننزل نتغدا احسن لك ولي ..
نزلوا يتغدون ..
.
.
.

22 - 10 - 2014, 04:49 PM

.
.
.
بييت ماجد ..
وجدان بعصيبه : أيييه امك تعلم بنتنا حكي القدامى .. ليه مدخلتها مدرسة لغات وتو عمرها 3 سنوات.. ليه مااخليها تحتك بأي اطفال..
ماجد بعصبيه : وجدااااااان .. الين هنا ووفقي .. واحترمي نفسك.. امي هي الكل بالكل وأذا موب عاجبك المره يجي بدالها اربع (قالها وهو يأشر بيده) لكن الام ماتتعوض لو بكنوز هالدنيا ..
وجدان: امك ماعندها غيرك .. دايم عندنا.. تروح لاخوانك وخواتك اللي بجده والشرقية
ماجد وصلت معه : أمي البيت بيتها .. وأنا وأنتي نطلع فاهمه ..
وجدان : آوف كل الناس ببيوت وحدهم الا انا..
ماجد: اعوذ بالله منك ومن شرك.. لولا هالبنت كان الحين أنتي ببيت أهلك بس وتين كاسرة ظهري ..
طلع من غرفتهم وصك الباب بأقوى شي ..
امه كانت بغرفتها وضاقت فيها الوسيعة من هالكلام اللي سمعته .. كلمت بنتها معياد تجي لها بالعصر وتروح معها لان ماجد يبكون بالدوام ..
.
.
.

ببيت أهل شهد ..
شهد : حبيبي أنت هونها .. الله يهدي عمي..
عبدالله : امي راحت لبيت جدي ورافضة ترجع .. والتعبانة ضربت العنود والوالد خبر خير ماقال شي.. آآه وش هالمصايب..
شهد مسكت يدينه: عمتي أكيد راح ترجع .. بس ياعبدالله صدمة مهيب بسيطه يتزوج عليها عمي .. خلوها مع نفسها شوي ..
عبدالله مسك يدينها :لما تزوجت كان شعورك كذا؟
شهد بحزن وهي تتذكر: وأكثثر ..بس كان مهون علي انك ماتبيها.. وانجبرت على الزواج منها ..
عبدالله تنهد من الضيقه:الله يسامح أبوي .. الله يسامحه ..
شهد قومته معها : عبادي قوم تغدا .. وتالي نام .. عشان ماترهق نفسك ..
حب يطلع من الجو الكئيب حط يده على بطنها : كيف الحلوين..
ابتسمت : ماعليهم .. بس عبودي احس نفسي ثقيله حيل ..
ابتسم : لان هالحلوين اثنين الله لايضرهم .. طيب ممكن تريحين نفسك ماتتحركين كثير.. شهد ماهمني ترى لا اطفال ولا شي.. همي وخوفي كله عليك.. انتبهي لنفسك يانظر عيون عبدالله ..
شهد : وأنت بعد .. ترى لامن شفت هالضيقه يضيق صدري بشكل ماتتوقع .. ابتسم للدنيا.. دامهم بخير وفوق الارض راح تتعدل الامور الحزن بجد لامن خلاص ماعاد تشوفهم .. (ابتسمت ماحبت نتكد على عبدالله نفسها) تعال نتغدا ..
ابتسم ومشى معها ..
جابت الشغالة الغدا ..
شهد: سويت لك برياني وحار نفس ماتحبه ..
عبدالله ابتسم: فديتك شهد قلبي .. تعالي جنبي والشغاله راح تحضر ..
شهد: بس تعب عليها ..
عبدالله : لبى خفوق الحنونه .. تبين اجيب شغاله ثانية تساعدها وحتى لما تولدين ..
شهد: براحتك ..
عبدالله : خلاص لما افضى راح امر اجيب لتس شغالة ثانية .. او اقولك السواق يبي يسافر لاهله وشبق وكلمني يجيب زوجته للسعودية تشتغل تبين نجيبها هي ..
شهد: آييه احسن .. بصراحه هالسواق امين ومعنا من زمان ..
عبدالله : اجل راح اكلمه العصر ونضبط الفيزة ..
شهد: اوك .. أكل حبيبي .. عبدالله عمي عناد وريما راح يجون الليلة..
عبدالله : الله يحيهم .. حلو عشان ماراح ارجع من العصر بطلع اشوف فيزة زوجه السواق .. وتالي امر بيت الوالد اشوف هالمشكلة ..
.
.
.
العصر ..
ببيت أبو فارس ..
شال فهاد كل الشنط وحطها بالسيارة سلم على امه هو وصفا وخواته.. :نشوفكم على خير..
صفا كانت عيونها مدمعه : لازم تجون لنا ..
عمتها كانت حزينه على طلعتهم : ان شاء الله .. الله يسعدكم ..
فهاد: عن اذنكم ..
تغطت صفا وطلعت مع فهاد ..
بسيارته حط يده على مرتبه صفا لانه راح يلف ويطلع من الحوش.. طلع من الحوش : ليه بكيتي داخل ؟
صفا : وش دخلك ..
فهاد ناظرها ولف للطريق : وش هالاخلاق التجارية ..
صفا: فهاد ممكن تسكت وتمسك خطك ..
فهاد : كيفي زوجتي واهذر معها براحتي..
صفا: زوجتك ماتبيك تهذر معها ..
فهاد : والله عاد كيفي ..
صفا : آففففففف فهاد خلاص ..
ضحك .. : اشغل أي شي ابرك منك ..
شغل اغنيه ..
صفا: مااسمع اغاني طفيها ..
فهاد : اخس مطوعه .. مطوعه وماتطيع زوجها .. حليها مدام صفو ..
صفا : طفها حرام عليك .. موب عشاني عشانك ..

ياصاحبي .. خلك معي ..لو تكرّمت
.....والله عشانك إنت ../ ماهو عشاني..!!
اسمع كلامي زين .. دامي تكلّمــت
....وماراح آخـذ منْـك ../ الا ثـواني
"الحين لو صابتني شوكه.. تأزمت
....وشلون لاصبّوا رصاص..فـ أذاني !!"
عرفت.. ليه بوضعي هذا تأقلمت!!
....وليه ..آتكدّر .. لاسمعت الأغاااني!!

فهاد: موب مطفيها ..
صفا : فهاد فهاااااد خلاص اسكت ..
فهاد يضحك : موب ساكت ..
فهاد: ماقلت لتس .. امك راح تجي بعيد الاضحى .. والا كنت راح اوديك عندها..
صفا ناظرته من ورى نقابها: أنت متى كلمت امي ..
فهاد: امك متواصل معها اكثر منك ..
صفا: الله يعين امي على هذرتك ..
خزها فهاد : ويعيني عليك ..
وقف قبال العمارة اللي فيها شقتهم ..
نزل الشنطه ونادى البواب يجي يشيل معه ..
طلع فتح الشقه ودخلت صفا .. نزل البواب الشنطة وطلع معه فهاد عشان يجيبون الباقي ..
دخلت صفا للصالة الداخلية وجلست .. سمعت صكت الباب دخل فهاد وقال بنبره إلم : هذا البيت اللي تقولين أخذتني من بيت أبوي وقطيتني ببيت اهلك .. وعلى فكرة ترى أنا اشتغل بشركة الوالد وماسك الادراة..
جلس وشغل tv .. صفا كانت تناظره انقهرت من لسانها ليه جرحتها ..
دق جوالها وردت ..وكانت مرة أبوها سولفت معها شوي وتالي قالت لها تمرها .. سكرت وقالت لـ فهاد ..
صفا: أبي اروح بيت جدي ..
فهاد لف وناظرها: جدك مين ؟
صفا: جدي ابو مرة ابوي .. لان امي هناك وتقول ضروري اروح لها..
فهاد : فيه شي مهم ..
صفا: مدري ماقالت .. بس تقول امرها ..
فهاد وقف : أنا بسألك بس سؤال .. وجهي وجه زواج .. مشينا..
صفا تناظره ولاوقفت : طيب طلقني ماصار شي .. لاتقعد كل شوي تتندم ..
فهاد : ليه اطلقك ؟
صفا: أنت ماتبيني ..
فهاد بنظرة وبصدق وهو يضرب مفتاحه بخفيف بيده:تدرين وش مشكلتي أنا ترى ميت عليك وأحبك وودي تتعدل أحوالنا .. بس كل شي ضدنا .. وأول هالاشياء أنتي .. قولي أنتي تكرهيني ماتبيني والله أني لاطلقك الحين .. بس عطيني العلم..
صفا دمعت وناظرت يدينها: وأنا بعد اموت فيك بس أنت تخوف..
فهاد وقف شوي متنح ..مهوب مصدق اللي يسمعه يعني هي تبادله الشعور ..حس بشعور حلو ابتسم ومشى الين جلس جنبها: يعني تحبيني ..
مادرت عليه واستحت كثير..
ابتسم فهاد ماقالت انها تحبه لان بان من خلال حياها لما جلس جنبها..
خربها وقرب منها .. بس استوعب بسرعة ..ضحك : صفا بس أبغى اسمعها تحبيني ؟
صفا ناظرته وهي تأكل ظفرها ..

تحبنـي .. ياجعلنـي ماعدمهـا
ماقالت .. ولكن : يبيّن عليها !!

فهاد فرح كثير .. قرب لها وحك خدها بخدها :أحببببببك .. قولي أحببببك يافهاد .. كرريها مثلي .. قولييها ..
ذابت ولاقدرت تحكي ..
فهاد يضمها من خصرها :قولييييها ياني مشتتتاق ومتلهف .. قوليييها.. شوفي بقولها وردي وراي .. أحببببببك ياصفا ..قولي آحبببك فهاد .. قليها ..

قلها قل أحبك من جديد
قل وصرح واجهر بحبي معاك

لايهمك من عذول لك يبيد
ودي أسمع كلمتك وأسكن هواك

لا تخاف أهواك لي حبل الوريد
حبك بدمي وهجرانك هلاك

ما يهم اشرح وفضفض بالقصيد
وافهم إني ما أنقص من غلاك

كل خوفي تبتعد أدري عنيد
وادري إنك بالحنان الله كساك

لا تقول انساك في حبك ازيد
وما كتبت الشعر إلا في غلاك

وما عطيت القلب إلا لك أكيد
ولا أفكر يوم اتعمد اذاك

يا عسى ربي يحقق ما نريد
وما يمر الوقت في لحظة جفاك

هذا حبي لك يعبره النشيد
ولا تطيع القول من هذا وذاك

طيعني لا تكون عن قلبي بعيد
انت لي حاكم وانا بحبك ملاك

لا تهد اللي بنيته ولا تعيد
كسر خاطر من تعنى في رضاك

ادري أن العاطفة فيني تقيد
واشهد إني ضعت في عالم فضاك

بس أحبك قولها لي من جديد
وانسى هم الكون وخله وراك

صفا بهمس يالله ينسمع : آحـبـ,,,
ماكلمتها واستحت منه قربها منها وانفاسه وريحه عطره ضيعتها..
فهاد بهمس: كمليها ..قولي أحببك واكسري هالحيا ..

تدري إنّك لانثـرتْ الليـل وامطـار الهَقـاوي
أنتثـر كلّـي فـي كلّـك واتحـرّا راحتينِـك

أكتب لْـعينـك حكايـا واتجسّـد بـالْحكـاوي
واتخبّى فـي الدّفاتـر قصّـةٍ تسْألـك وينـك؟

أسكن بـوجـه المرايـا واتلهّـف للخطـاوي
والثمك وجهٍ طفولـي لـو تِناظرهـا بـعينـك

تدري احساسي بدونك باردٍ موحـشْ خـلاوي
وانْ قلبي مِثل صحرا تنتظـر ماطـر حنينـك

كلها خطوات خَجْلـى لِعْنُبـو هـاكْ الرجـاوي
يِحتريها دربْ ظامي بيـن خطواتـي وبينـك

أرتِمي كلّي بـقلبـك كـان تِزْهَمْنـي ونـاوي
وارمي احساس التّـردد واتمـدّدْ فـي يِدينـك

إنت بسْ قِلّي [ احبك ] واكسِرْ احساسي الحياوي
وَقْتَها عاتِبْ كُفوفٍ مارْتِمَتْ في راحتينـك

صفا استجمعت نفسها ونطقتها اخير: آحببك..
فهاد : آخيير..
ضمها بحضن طووووويل ماينسمع غير أنفاسسهم المشتاقة لبعضها ..
باسها وضحك ووقف :ماابي اخربها كل شي بوقته حلو ..
قومها ورجع ضمها: مابغينا ..
صفا كانت قابله احمر من حياها منها وقربه ..
فهاد:ههههههههههه خلاص ببعد ..
بعد عنها ورجع بسرعة :مقدر مقدر .. بس مشينا ..
ضحكت صفا غصب عنه ..وطلعوا من شقتهم ..
.
.
.
ببيت أبوعبدالله ..
أبوعبدالله كان صوته عالي بين عيالهم : اسمعوا كلكم اللي مهوب عاجبته العيشه ينقلع الله لايرده ..
بدر : تدعي علينا عشان هذي..
نوال مكتفه وقاعده حاطه رجل على رجل وتناظرهم باحتقار ..
فواز :خلها تعدل نظراتها لنا ..
أبوه : عدلوها انتم بالاول .. استحوا ذي مرة ابوكم .. بحسبه امكم ..
متعب بعصيبه: تخسى وتهبى وتعقب توصل لظفر امي ..
أبوه بصوت اعلى: متعببببببببب..
متعب خربها: صارخ ونافخ ماخوفتني .. خير يعني راح تطردنا.. راح نطلع لاتخاف .. لكن تأكد مأخذتك لاجل شبابك لا أخذتك لاجل فلوسك ..
أبوه صفقه كف .. وعم الصمت البيت ..
متعب بعصيبه ويده على خده : اضررررررررب أكيد دامك تزوجت طار مخك معها ..
طلع متعب بعصيبه من البيت ..
عبدالله : الصبح العنود انضربت والحين متعب ..
أبوه جلس وتندم..
وجن طلعت لغرفتها وأخذت معها فواز وولدها ..
بغرفتها :فواز لم أغراضك خذ كتبك وتعال معي لبيتي..
فواز: منيب جاي وبقعد على قلبها .. واخليها تعرف كيف تتأدب..
وجن مشت لاخوها: فواز امشي معي لبيتي وبعدين راح نشوف وش اللي نسويه..
فواز معند: لا
وجن :افا تخلي اختك وحدها..
فواز ناظرها : لما يرجع طلال برجع هنا..
وجن: وقتها يحلها الف حلال..روح لم ملابسك وكتبك..خذ ملابس لمتعب وجيب كتبه حقة الجامعة ..
فواز: طيب..
طلع فواز ودخلت وعد : وش هالصوت العالي تحت..
وجن تمسح دموعها: ابوي غريب ..
وعد: الله يعين .. وش تسوين ..
وجن : بروح بيتي..
وعد: لييه ؟
وجن: مقدر اقعد وامي موب بالبيت.. وابوي قاعد يطردنا واحد ورى الثاني..
وعد نزلت بنتها: يؤ الله يعين..
وجن كانت ملابسها وملابس ولدها بعدها بشنطهم نادت الخدم يشيلونهم وسلمت على وعد وطلعت ..
بالدور الارضي..
بدر:وجن اجلسي..
وجن: لا بدر بطلع وبأخذ فواز معي ومتعب ..
أبوها: فواز مايطلع..
فواز بعناد: لابطلع .. امشي وجن ..
شال ولد أخته وطلع ..
أبوه بعصبيه :فووووووواز ..
بدر: طلع ورى يبه تتعب صوتك ..
عبدالله عصب وطلع .. بدر حقرهم وطلع لزوجته ..
أبوعبدالله :شفتي عيالي..
نوال قامت وجلست قباله : أنا لك عنهم او مااكفي..
ابوعبدالله ابتسم: الا تكفين .. خليهم ينقلعون..
نوال: اجل اهدى.. وخلهم ..

بغرفه بدر وزوجته ..
وعد :بدر خلاص روق..
بدر: وعد لو تشوفين ابوي متسحيل تصدقين.. متغير ..
وعد: لان ياحبيبي وراه وحده.. بس مجرد ماتعرف ان كل شي بأسم عبدالله راح تطلع على حقيقتها.. خلاص بدوري روق..
بدر كان متضايق حيل..
وعد : حبيبي بدوري خلاص ..
بدر: وجن ابوي خلانا مانسوى قدامها شي..
وعد: ومين هي اصلن.. هي ولاشي..بدوري عشانني ابتسم..
بدر :وعد بجد ضايق..خليني ..
وعد : اوك براحتتك ..
مشت وقعدت تلاعب بنتها .. ماتحمل لو شوي تشيل بخاطرها برغم انو عادي.. قام جلس جنبها وبعد بنتهم :خليني بحضنك مثل لما كنت اضيق بأمريكا..
ابتسمت وخلته بحضنها وقعدت تلعب بشعره وتسوي مساج خفيف لاعصابه المشدودة .. ارتخت شوي مع التدليك الين اخذ له غفوه..
.
.
.
ببيت زياد ..
العنود موصلة معها : مالي شغل ليه ماتخليني اروح ..
زياد : مافيه روحه .. ناسية انك حامل .. تروحين تتهاوشين مع مرة أبوك ويروح الضنا وش الفايدة ..
العنود: كيفي يروح مايروح اهم شي ابرد حرتي..
زياد انقهر: يعني تضحين بولدنا عشان تبردين حرتك ..
العنود: آييه مايهمني..
أم طلال: عنود حبيتي هدي أعصابك .. واخوانك رجال أكيد راح يحلون السالفة ..
زياد بقهر: لاخليها يمه تبي المدام تجهض الجنين لاجل تبرد حرتها..
العنود : عمتي خليها يخليني اروح ..
زياد بكلمه صارمة: طلعه من هالبيت انسسسي لاجل تروحين تتهاوشين معها .. انسسسي عنود ..
.
.
.
ببيت أهل شهد ..
عناد يأكل حلا : عمك أشششك بمخه .. مهوب صاحي ..
ريما : ياحياااتي على عمتك .. ماله داعي..
عناد ناظر ريما وضحك : ياحياتي أنا على اللي انكسر خاطرها ..
ريما انحرجت: عناااد ..
ضحكت شهد وقامت للمطبخ..
عناد عطى ريما شوكلاتة : كلي ذي.. وراك عصلا.. أبيك مربرية (دبدوبة)
ريما: عناد حرام عليك زاد وزني ماتشوف ..
عناد يناظرها بذمه ..
ريما لفت وجهه بيدها: يؤ عناد وش هالنظرات حرام تكفى لاتحرجني..
عناد ضحك ورجع وبعده يناظر بنفس النظرات ..
حمر وجهها :عناااااااااد ..
عناد انفجر ضحك : ياروح عناد .. خلاص بهجد ..
ريما أخذت نفس : شاطر..
ضحك وقعد يأكل ..
جات شهد ومعها حلا عيش السرايا يموت فيه عناد نزلت الشغالة الصينيه وعطت شهد عمها وعطت ريما ..
عناد : يابعد حيي ياشهد مابعد نسيتي وش اللي احببه..
شهد ابتسمت بحب لعمها : فديت قلبك .. انسى روحي ولا انسى شي تحبه .. ريوم ترى هالحلا يخق معه عمي..
عناد رفع حواجبه :يعني سويه لي ..
ضحكت ريما : آييه اذكر لما كنا ندرس وتقولين الليلة عمي راح يمرني واسوي له ..
شهد: يالبآ ذيك الايام ..
عناد يأكل ويناظر ريما : الا اقول ريما لما كانت شهد تقول عناد قدامك مايفز قلبك ..
ضحكت ريما : لا .. وش يعرفني عنك ..
عناد كشر: افا ..
ريما: ههههههههه ..
دق جوال ريما وكانت أختها .. قامت تكلمها ..
عناد ناظر شوي وسكت .. وتالي كمل سوالف مع شهد ..:كيف التؤام؟
شهد ابتسمت: تماااام ماعليهم ..
عناد : الله يقومك ياروح عمك يالسلامة..
شهد: آميين ..
.
.
.
ببيت جد صفا ..
كانت جالسة مع جدها وجدتها وخوالها ..
فهاد كان شوي ضايق وفيه غيره على صفا لان خوالها مهم اخوان امها .. هذولاي أخوان مرة أبوها بس هي من فتحت عيونها على الدنيا وهي تعرفهم ..
خالها كان يسولف معها وهي جالسة بين خالها وفهاد .. وفهاد كان يسولف مع جدها وقلبه ممتلي غيره عليها ..

القلب نصَّه غلا والـ " ها " في نصَّه
يعني [ غلاها ] على النصين مترامي

يغار قلبي عليها ,,,,, وإفهموا القصَّه
ما أبي يسولف معاها .. شخص قدامي

فهاد : أكيد .. ياعمه ارجعي لاجل العيال .. ولاجل مايجيهم نفس مصير صفا ..
جده: حتى رجل بنتك ينصحك يابنتي ارجعي معه ..
صفا شدها الكلام وناظرتهم ..
جدها : أمك رافضة ترجع كلميها يابنتي ..
صفا : قلت لها ياجدي بس امي الله يهديها.. وحتى عشان اخواني ..
دق الجرس وقام خال صفا اللي كان جالس جنبها هي وفهاد .. سمعت صوت أبوها .. قربت لفهاد ولزقت فيه أكثر وهي ماسكة كفه .. شد فهاد على يدها وهمس لها: لاتخافين ..
دخل وسلم عليهم ..
ناظر صفا وناظر فهاد بنظره غريبة وجلس ولاسلم .. ناظره جد صفا بنظره غريبة واستحى من تصرفه الغريب ..
فهاد وقف: ياجدي الكلام اللي تبونه وصلتم له .. اقدر أخذ زوجتي..
جده وقف: اعتذر لك ياولدي عن الموقف اللي حصل الحين .. ولا احدن يردك عن حلالك ..
أبو صفا وقف : بنتي ماعاد أبيه يأخذها .. يطلقها ..
فهاد بنظره احتقار: صفا زوجتي والكلمة كلمتي أنا .. البسي صفا ..
أبو صفا: وأنا قلت لا .. مهيب طالعه من بيت جدها الا لبيتي بيت أبوها ..
فهاد: جد حنا بحماك(ببيتك,ضيوفك) فكنا شره ..
جده: ابشر بعزك .. خلهم يروحون لبيتهم ..
أبو صفا : عم أنا أخير صفا بيني وبين هالتعبان رجلها .. اختاري ياأنا أبوك اللي هو عزوتك وسندك وكل شي .. أو ذا مصيره يقطك بيوم من الايام .. ومن الحين أذا اختري ذا انسي ان لك أبو وأخوان وراح اعتبرك ميته وأنا بريء منك للممات ..
فهاد ناظرها بنظره فيها لمعه حزن غريبة وكأنه عارف مسبقا قرار صفا عقب كلام أبوها ..
صفا احتارت وضاقت فيها الدنيا أصعب موقف مر فيها .. تختار بين أبوها اللي مهما يكون عذبها وضربها ويكرهها بس يظل أبوها يضل العزوة والسند والحمية .. وفهاد زوجها اللي تحمل منها ولاجلها كل شي .. مابعد عاشت معه حياه هنية بس يظل له بقلبها شي ..
.
.
.

خلص

المواضيع المتشابهه لموضوع: روايه يا وين برمي هاجسد فيه وانساه لموضوع: روايه يا وين برمي هاجسد فيه وانساه
الموضوع	كاتب الموضوع	المنتدى	مشاركات	آخر مشاركة
روايه روحي لك وحدك للكاتبه ريم الحجر روايه رائعه لا تفوتكم	جروح الم	همس للقصص وحكايات وروايات	81	8 - 6 - 2018 01:02 PM
يا هاجسي دامك براس نايف ومدهال ذيب	الــســاهر	همس الشعر والقوافي	2	20 - 4 - 2017 03:10 PM
شيلة الا يا هاجسي	سجات التهاويل	همس الشعر و الشيلات الصوتيه	3	29 - 4 - 2015 07:54 PM
لا ترمي الليمونة بعد عصرها	امون	همس عالم حواء	15	20 - 8 - 2013 08:57 PM
إِن لم ترمي يرمى عليك	ورد الجورى	همس المواضيع العامة	5	13 - 6 - 2013 12:36 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

روايه يا وين برمي هاجسد فيه وانساه

همس للقصص وحكايات وروايات