هذه قصه شاب غلط غلطه ضعيت كل حياته كما تدين تدان اقرئوها جميله جدا
😔بسم الله الرحمن الرحي
السلام عليكم ورحمة الله وبركاته، انا رجل متزوج وسأأرويلكم قصتي بالكامل. منذ بداية بلوغي كنت اكلم بنات واطلع معهم واكلم بنات كثيير حوالي عشرين بنت اطلع مع هذي وازاعل هذي واتعرف ع غيرها وهكذا بس والله ماضريتهن بشي ولا هددتهن بشي بس طلعات ومكالمات حتى أشبع رغبتي وانا من النوع اللي احب البنات كثيييييير مره من المرات ألفت رقم واتصلت عدة مرات مارد اخرمره ردت علي بنت بس سمعت صوتي سكرت حاولت معها لما شبكنا مع بعض وحبيتها حيل حسيتها غير عن البنات اللي قبلها وكانت قمه بالحيا طلبتها اني اشوفها ورفضت وظليت اترجاها سنه كامله لما وافقت هذا طبعا بعد مانشفت ريقي وانا اترجاها لما طلعت معي وشفتها سبحان من خلقها مزيونه وخجوله ظلينا مع بعض حوال سنتين بعدها قررو اهلي يزوجوني خطبولي وحده شديدة الجمال قبل زواجي بأيام ارسلتلي البنت اللي كنت اكلمها قالتلي وش عندك اخبار جديده وشفيه حاسه إنك مسوي شي قلتلها أبد صافيتا وافيه مافي شي ياحبيبتي قالت انت خاطب قلت لا ماودي اعلمها خفت اجرحها قالت إلا خطبت وزواجك عن قريب سكت مارديت عليها ..وإتصلت علي وكانت تبكي وقالت الله لايهنييك ولايوفقك بحياتك والله يطول بعمرك ويرزقك الله بالبنات اللي يصيرلهن مثل اللي صارلي . ولاني مسامحتك طوول عمري خنتي وانا طول عمري معك ولا اقولك إلا ابشر وامر. وسكرت السماعه. الصراحه انه اوجعني قلبي معن مهي اول بنت تدعي علي كل اللي قبلها دعن بس ماتأثرت من دعاهن ولا حطيته بقلبي الا البنت هذي خفت من دعوتها وحسيت اني كرهت كل شي . مر الوقت وتزوجت وعشت مع زوجتي حياه سعيده جدا وتركت كل اللي كنت اكلمهن مر الوقت ورزقني الله بنت وبعدها بسنه بنت المهم خلال ست سنوات جني اربع بنات . سافرت خارج البلاد انا وزوجتي وبناتي للنزهه رحنا للحديقه الترفيهيه اشتريت تذاكر ولعبت بناتي بالألعاب وخليتهن بأحدى الالعاب وجلست مع زوجتي اخذنا الوقت ونسيت بناتي طبعا الثنتين الكبار اكبرهن ام خمس سنين والثانيه تحتها. تأخرن مارجعن من اللعبه رحت لهن دورت مالقيت سألت صاحب اللعبه قال ماشفت احد دورت بكل المنتزه ولا حس ولا خبر على طول رحت للبوابه وخليتهم يسكرونها ولا يطلعون اي شخص ساعدوني ناس كثير دورنا بالحمامات والغرف ولافيه احد مر سوينا تفتيش كامل ماكأن الله خلقهن طلعو الناس وقفلت الملاهي وبغلنا الشرطه وثاني يوم جاني إتصال انهم لقو بنتين بالمستشفى جيتهم وانا قلبي يتقطع قطعه قطعه ولما وصلت شفت بناتي قدامي متوفيات اختطفهن رجل وإغتصبهن وماتن ع طول كانن بناتي مزيونات مثل امهن . اول ماطرى ع بالي البنت اللي دعت علي وبكيييييبت كثيير ورجعنا للبلد ومر الوقت واكتشفت ان زوجتي تتكلم رجل وطلقتها واخذت بناتي الثنتين والحين متدهوره حياتي وتحطمت لأخر شي وتندمت ع كل شي سويته.سألتكم بالله كل من يقرى رسالتي ان ينشرها لعل وعسى ان تصل للبنت اللي دعت علي وتسامحني لان ماودي افقد بناتي الثنتين .انا بحاله مايعلم بها غير الله سالتك بالله تسامحيني هذا الله اخذ حقك مني وعاقبني .الحين صحا عقلي وقلبي إن كلمتها اللي قالتها لي صدق 'الخبيثون للخبيثات' الله يغفرلي ويسامحني ويخلليلي بناتي الباقيات.. الله يغفر لكل من قراها وارسلها انا بحاجه لكم لاني ماأعرف عن البنت شي سألت عنا ودورتها بكل مكان ماأدري وينها .
عزيزي الزائر أتمنى انك استفدت من الموضوع ولكن من
اجل منتديات شبكة همس الشوق يرجاء ذكر المصدرعند نقلك لموضوع ويمكنك التسجيل معنا والمشاركة معنا والنقاش في كافه المواضيع الجاده اذا رغبت في ذالك فانا لا ادعوك للتسجيل بل ادعوك للإبداع معنا . للتسجيل اضغظ هنا .
قصه مؤثره مؤلمه توجع القلب ما ادري
بس سبحان الله كما تدين تدان
من اجل ذالك يجب على كل شاب
قبل اللعب بعواطف البنات يتذكر الله
ويخافه ويخاف من عقابه
الله يعطيك العافيه غلاي
ودي وعبق الورد
ty&
عضويتي
كما تدين تدان قصه يرويها شاب 
العرض العادي
