رواية ياغايتي لو كان لضلوعي لسان قالت تعال ارجوك محتاجه عناق

2 - 12 - 2014, 10:19 AM

ريان : يالله ع السياره

وراكان تقدم منه وسحبه من يده وطلع وريان وراه

ورعد لمن جا بيطلع

سعود : بروح معك

عبود: وانا

الكل : وانا

رعد ابتسم : رايحين الملاهي

الشباب : هههههههههه

حمد : روح بس بنمشي وراكم

والحريم بيرجعون مع خوالي والسواقين

وفعلا طلعوا وهم بالسياره عبود دق على ابوه وقاله كل شي وتجهزوا الحريم لطلعه وهم مايدرون ليش

في السياره

رائد : راكان بتعبون نفسكم على الفاضي عمليه مابسويها

راكان : قلتلك محدن طلب رايك

رائد : عادي بنروح المستشفى بس مابوقع على اوراق العمليه

راكان : قد كلمتك

( سعود كان جنب راكان متفرج وريان ورائد وراء ورعد مع عبود عشان يشرح حاله رائد له )

رائد : ايه

راكان ببرود : اوكي بس من اوصلك للبيت فربي يشهد انك من اخوي الين تسوي العمليه

ريان وسعود انصدموا مررررررره

ورائد صدمته اكبر : راكان من جدك

راكان : لارد

ريان : وانا بعد

رائد جد هالمره زادت صدمته ولف على ريان : ريان

ونفس الشي ريان مارد عليه

رائد : سعود عقلهم

سعود : معليش معاهم حق وهم عاقلين انت الي يبيلك من يعقلك

رائد عصب هالمره : انتوا ترا مابطول فالدنيا يتزعلون مني ومتبرين مني بعد يعني محد بيسوي لي عزاء ولا يترحم علي (وضحك بسخريه ) عمري ماتصورت هالشي

ريان وراكان حزنوا على كلامه بس هو الي يبي يضيع نفسه

راكان رفع جواله يبي يدق على رعد

رائد بسرعه : راكان

ناظر فيه راكان من غير مايكلمه

رائد : لاتكلم رعد

ريان : وليش ان شالله

رائد جلس حدود 10 دقايق سرحان ومو معاهم

وهم عيونهم عليه

اخيرا رفع راسه وتكلم : بسوي العمليه

ولمح الابتسامه على وجيه الكل واولهم راكان

ولا تكلموا وهو رجع راسه على وراء وغفى ـأ

-----------

2 - 12 - 2014, 10:19 AM

في المزرعه

كأنهم بحرب يلمون اغراضهم وعفشهم وحايسين

وبعد ماخلصوا لبسوا عباياتهم وجلسوا بالمجلس الكبير الي براء

فجأه دخلت شذى وبعينها الشر

شذى : انتي من اول ماعرفناك وانتي مسببه لنا مشاكل

لين لفت لها بأستغراب " خير وش تحس فيه "

شذى: عشان اخوووك بنطلع من المزرعه

ام شذى تكمل : ماشفنا الوناسه بسببها هي وعايلتها

ام سعود سكتت وكأنها مؤيده للي انقال

ام عبود : ام شذذذذذذذى خلي البنت في حالها

ام مها : مو سكتنا مره بكل مره نسكت

ام عبود تكمل : تراها بحسبه بنتي والي يغلط عليها كأنه غلط علي فلا تتعرضينها بوجودنا ولا بغيابنا

ام شذى : عشتوووا بنت الشوارع بحسبه بنتك

الجده بعصبيه غريبه عليها : عاااااااااااااااااااايشه ( اسم ام شذى) والله لو تعرضتي زوجته سعود بكلمتن ثانيه ماتدخلين لبيت من بيوتنا حتى بيت اختك

بانت الصدمه على وجيه الكل واولهم لين ماتوقعت الجده بتقول كذا ابدا ولا ام مها وام عبود

حست دموعها بتنزول فقامت باست الجده على راسها هي وام سعود وام مها وام عبود وطلعت لغرفتها

ام شذى طبعا ماقالت ولا كلمه لان عارفه الجده قد كلمتها ولانهم يصرفون عليها هي وزوجها وبنتها وهي همها الفلوس فما تبي تخسر سعود وعايلته بعد فسكتت

شذى حقدها زاد اضعااااااااااااااااااااف تحس بالاهانه وحلفت ترجعها للين ولو كان الثمن ** حياتها **

البنات كلهم كانوا فرحانين بموقف الامهات والجده لدرجه انهم طلعوا برا يركضون بفرح ويصرخون ومبسوطين

امل : تستاهل المعفنه

الكل : ههههههههههههههههه

ملاك : ويلي قلبي كان بيوقف اول ماصرخت جدتي

مها : هههههههههههه يالبي روحها

وكملوا فرحه الانتصار بالنسبه لهم

2 - 12 - 2014, 10:20 AM

الشباب كلهم وصلوا للمستشفى

ورائد دخل غرفته وبعد ساعه من التحاليل والاشاعات تم كل شي

ودوه لغرفته وعلقوا بيده المغذي وحددوا موعد العمليه بكره والطبيب هو اجنبي ومساعده عبود

دخلوا الشباب كلهم عنده وسوالف

بس كانوا خمـــ5ــس اشخاص تجيهم ازعاجات لجوالهم من شخص واحد وخايفين يردون

من لــــــــــــين

عرفتوهم طبعا ؟

رعد-سعود-ريان-راكان-رائد

فالاخير سعود كلم ابوه وعرف ان رجعهم للبيت

والشباب طلعوا من عند رائد بعد ماسلموا عليه وعرفوا وقت العمليه عشان كلهم يكونون موجودين

بقى بس اخوانه عندهم لان كلهم بينامون عنده

فراح سعود للبيت عشان يخبر لين

---

بيت سعود

كانت لين جالسه بطفش وملل وقهر وحزن وكل شي

والي زاد عليها قلبها الي مو مطمنها خصوصا انم حد راضي يرد عليها

رفعت راسها بعد ماحست بأحد فوق راسها

اول ماشافته قامت على طول بتطلع غرفتها

لاكنه وقفها

: لين انتظري ابيك بموضوع

لين ناظرته بأستغراب وخوف : شنو

مسك يدها وجلسها على الكنبه وجلس بجنبها

سعود : لين انتي كبيره صح

لين من جد كانت خايفه اول مره يتعامل معاها كذا : ايوه

سعود : طيب رائد مريض شوي

لين وقفت بسرعه : شنو فيه

سعود عرف مادام الموضوع يخص اخوانها الهدوء مابينفع فيقولها بسرعه احسن : تعبان وهو بالمستشفى الحين

لين جد حست قلبها بينط من مكانه : ابي اروح له

سعود ماله حق يعترض طبعا : طيب البسي عبايتك ونروح

ركضت بسرعه للغرفه عشان تلبس العبايه

---

بالمستشفى

كانوا نايمين كلهم

بس رعد يتأمل رائد وهو نايم

وغفى ــآ

فجأه يسمعون صوت جهاز القلب ينذر بتوقف قلب رائد

خلال ثواني قبل مايستوعبون شي لقوا فريق طبي قدامهم

وممرضين طلعوهم برا

شعورهم كان غريب بين النوم والاستيعاب

رعد لف يدور راكان وريان مالقاهم ابدن

ماهتم كثير بالحكايه همه رائد

________________________________

كذا كانت دقات قلب رائد

وهنا ننهي قصه رائد وقلبه والمه الشديد الذي عانا منه 20 سنه

2 - 12 - 2014, 10:20 AM

انتهت قصه شاب يتصف بالحب والحنان

اصبح جسد خالي من الروح

جسد لا يعاني من الامراض ولا يعاني الحرمان

ذهب الي مكان لايمكن الوصول له الى بالموووت

هكذا هي الحياه تحرمنا من اعز الناس

---

طلع الدكتور من الغرفه متوجه لـ رعد الي جسمه بدأ يرتعش من الخوف على ولده

الدكتور : عظم الله اجرك

ورااااااااااح تارك وراه قلب مو مستوعب شي ولا هو مصدق

قلب مجروح من الزمن

قلب رجل عانا من الطفوله

وهنا نعلن نهايه قلب اخر

قلب رعد الذي عانا كثيرا من فراق رائد الغائب الحاظر بقلوبنا جميعا

ماتجرأ يدخل غرفه ولده غرفه انسان رباه وتعب فيه انسان عشقه فكان له اكثر من اخ

خصوصا محد معه اخوانه مو فيه محد معه كيف يدخل

دموعه نزلت وعجز لسانه عن النطق نهايئا

شاف الممرضين يطلعون بسريره ومغطين وجهه

حس بطعننننننه بقلبه

ياليته مكانه

هذا الي دار بعقل رعد

رعد : رااااااااااااااااااااااااااااااااااااااااااااااااا اااااااااااااااااااااااااااااااااااائد

حس بأحد مسكه لف لقاه راكان وريان جنبه مابعيونهم حزن ولا الم

بس دمووووووووووووووووووووووع

كان يفكر بس برائد ماهتم بالباقي

معقول رائد بيكون تحت التراب

ياقبر أعز انسان غالي سكن فيك

خفف عليه من التراب الثقيلي

ياقبر ماني بطيب عقب راعيك

اللي رعاني صار عندك نزيلي

أغليك أنا ياقبر من عز غاليك

مرحوم ياراعي الوفا الجميلي

يا اللي سكنت القبر صوتي يناديك

موتك جرح قلبي وهديت حيلي

ما أنساك والله لين قبري ينازيك

وأعلن من الدنيا العريضة رحيلي

وأشق جيبي كل ماحل طاريك

كنت أفتكر عمرك معنا طويلي

يبكي عليك البيت من عرض أهاليك

واليا دخلت البيت دمعي يسيلي..

اللهم ارحم من اشتاقت له انفسنا

2 - 12 - 2014, 10:21 AM

الجــ18ــزء
.......: هههههههههه فديت روحك ياقلبي تسلم
..........: الله يسلمك قلبي طيب عادي اشوف الصور
..............: عشان اقتلك وانت تعرف اني قدها والله لو تفتح الظرف لانهيك
صح ابي ادمرها بس مو لدرجه اخليك تشوف صورها مفهوم
..........."ياليل الغرور" : اوكي متى انفذ
........... : بكره ياحلو وتأكد انها تروح ليد سعود مع السلامه
.......: مع السلامه
----
لين تقدمت من خالتها: حبيبتي شفيك
ام سعود طالعتها بنص عين : لاتمثلين علي ترا ماني الجده
حز بخاطرها بس مع كذا ماهان عليها تشوفها تتألم
جلست جنبها وبدت تدل لها راسها لربع ساعه ونزلت على كتوفها ونفس الشي لمده ربع ساعه
وقامت جابتلها بندول وكاس مويه ولحاف ومخده وخلتها تاخذ الحبوب وحطت لها المخده والحاف
ام سعود : شيليها انا بقوم اسوي الغدى
لين : لا عمتي ارتاحي انتي وانا بسويه
وفعلا ساعدتها على انها تنسدح على الكنبده ودخلت المطبخ وبدت تجهز لطبخ بمساعده وحده من الخدم وفعلا سوت الغداء
" انا سويت الي يرضي ضميري مستحيل اشوفها تعبانه وماساعدها مهما كان بيوم ابتسمت بوجهي وهذا بالنسبه لي جميل ورديته "
هذا هو الكلام الي دار بعقل لين
خلصت من الغداء وكانت مسويه مضغوط لحم وسوت كمان مكرونه بشمل وايدان ونوعين سلطه وطلعت من المطبخ حدود الساعه 2 ونص
وراحت تشوف عمتها
بس لقتها تبكي
ركضت لها وجلست على الارض: خالتي شفيك شي يوجعك ادق على عمي يوديك المستشفى
ام سعود جلست وسحب لين وضمتها لها وهي تكمل بكاها
( كان احساس الذنب عرفت انها ظالمتها وان البنت ماسوت شي كان الكل يثبت ان لين بريئه من أي ذنب الى هي كانت مصره بتحريض من اختها وكأنها نست شنو سوت ببنتها قبل نست شي خلاها تظلم بنت مسكينه
صحت من ظلمها لمن شافت كيف تخدمها وتجي عندها راحمتها اساسا من بعد الي صار برائد وهي حالتها حاله )
ام سعود : سامحيني يابنتي
لين : ياعمري ياخاله لاتبكي والله انتي ماسويتي لي شي عشان اسامحك
هنا جد عرفت ام سعود انها غلطت ماسمعت كلام مريم ولا اسيل ولا الكل
بعدتها عنها : قولي لي قصتك كلها
>>>
تسألوني ~~ وشـ جرى في حياتي!!
خلوا {همومي** بالحشى "مستقرهـ"
الصمـ ثوبي والمواجعـ~[مأساتي]ـت
×والحزنـ , كلهـ وسط قلبيـ مقرهـ
لو (استعيد( بواقعيـ ذكرياتيـ ~
احيا واموتـ فيـ >الثانية< الفـ مرهـ
همــ يجيني من جميع الجهاتـ ــــي
وتجاوز :حدود: الكونـ والمجرهـ

2 - 12 - 2014, 10:22 AM

لين نزلت دموعها اولا على حاله خالتها وثانيا على سؤالها جاء على الوتر الحساس : ياخالتي وش قصته
ام سعود : من اول ماولدتي لين جيتينا
ابتسمت بألم : ولدت وعندي 4 اخوان كل واحد منهم يحبني اكثر من الثاني وانا احبهم اكثر وماما ربتنا سوا وماتت من سنتين وبابا مات من خمس سنين وبس
ام سعود : وسعود كيفه معك
لين بالم : يعاملني زين خالتي تطمني
ام سعود ضمتها لها : اعتبريني مثل امك والله لاحطك بعيني ولعد تناديني خاله ناديني يمه
لين فرحت كثيييييييييييييير : تسلمي يمه
وبعدت عنها : خلاص مامي انا بروح اسوي الغداء لــ سعود
ام سعود : مافي وقت تغدوا عندنا اليوم سالم بياكل برا
لين ارتبكت : لالالا ماعليك يالله عن اذنك
ام سعود : اذنك معك
(يمكن تستغربون وتقولون معقوله صحى ضميرها من افعال بسيطه لاكن انا اجاوبكم لمن تكون كبيره بالسن وحاسه ان عمرها قليل بالدنيا وان مالها الا اعمالها الزينه وقتها صدقوني ضميركم بيصحى حتى لو كان ميت )
وفعلا قامت راحت فلتهم
ع الساعه 3 بس ساعه وحده بيجي وبينكبها فوق تحت
مامدها تدخل المطبخ الا ويجي سعود وهذا من قراده حظها
دخل المطبخ عليها وهي مرتبكه
ناظر ع الفرن ومالقاء قدور ولا شي كان نظيييف
رفع حاجب : ماسويتي اكل اليوم

لين
ارتبكت ورفعت راسي برد عليه بس شفت نظراته خفت منه ونزلت راسي

سعود
اول مارفعت راسها كان واضح اثار دموع بعينها توقعت عشان اخوانها بقالها شهر ماشافتهم بس تكلمهم باليوم 3 مرات تقريبا
اوووف وانا شعلي جاي تعبان من الشغل وابي اكل شدخلني بضروفها
: اضن اني اسأل
لين بارتباك واضح جاوبتني: كنت عند ماما وتوني داخله هنا
شكل البنت محمومه امها ميته من سنتين
قربت منها وهي مسكينه خافت ورجعت ههههههه والله تضحك
لمن لزقت بالفرن وماقدرت ترجع طالعتني بخوف وكأنها تقول لاتضربني
حطيت يدي على راسها ابي اشوف حرارتها فـ غمضت عيونها بقوووه
ماقدر اقولكم كيف كانت بقمه الجمال وقتها شفايفها وانفها محمره من الدموع والخوف واضح بملامحها
ماقدرت امسك نفسي عند جمالها
و.............................

2 - 12 - 2014, 10:22 AM

لين
انصدمت من حركته اول شي مسك راسي والحين ....
بعدته بقوه بس ماتزحزح
وكل مابعده يقرب اكثر
وابتعد بسرعه لمن سمع صوت ماما بالبيت
( طبعا مايقفلوا الباب بالمفتاح لانو ماله داعي )
حمدت ربي انها جات عشان يبعد عني هذا الحمار
طلعت لها بسرعه وتماسكت وانا اكلمها : هلا ماما امري فيك شي
ام سعود : لا بس ....
وسكتت لانو سعود طلع من المطبخ وباس راسها
: هلا بالغاليه
ام سعود : هلافيكم حبايبي تعالوا تغدوا عندنا
سعود ناظر فيني كأنه يهدد: لا ماعليك بجيب اكل من برا واضح المدام كانت نايمه
ام سعود بعتب واضح : لاتظلمها كانت عندي من اول ماقامت ولاني كنت تعبانه سوت الغداء لنا وتوها تدخل الا انت جيت
سعود : وش متعبك لايكون الضغط
ام سعود : لا راسي بس مصدع تعالوا بس يالله قدامي سالم بيتغدأ عند فيصل
سعود ناظر فيني مره ثانيه وابتسم بلؤم مادري شمناسبته : حاظر
وقرب مني خفت يسوي حركه بايخه قدام امه فرجعت على وراء بس مسك كفي وسحبني لبرا الفله حمدت ربي جات ع قد كذا
سعود
مادري كيف ضعفت قدامها وسويت الي سويته ماكنت ابي انها تثق بجمالها الساحر بس انا مانلام ان ضعفت جمالها يضعف الي مايضعف
اووووووووف شفيني قمت الخبط انا ههههههه
اول ماشفت كيف خافت مني وطلعت تجري لامي اول ماجات حبيت اسوي حركه نذاله معاها وقربت منها وشفتها كيف رجعت على ورا ومسكت يدها بسرعه عشان امي ماتلاحظ وطلعنا
دخلنا القصر وتوجهنا لغرفه الاكل وهي تبي تفك يدها واسيل تناظر فيها وتضحك هههههههههه والله اسوله عليها حركات ناظرت فيها ابي اشوف وجها لقيتها محممممممممممممره من ضحك اسيل عليها ههههههههههمادري حسيتا ني ابي افكها وفعلا فكيتها وهي ماصدقت خبر راحت بسرعه باست راس ابوي وجلست جنب اسيل
طبعا حركتها مابعديها لها بس ساكت بمزاجي الحين ولانها خجلانه

لين
وربي سامج وحمار ويقهر حركاته مالها داعي واسيلوه تزيد علي اوريها
وقرت من ركبها لانها جنبي وقرصتها هههههههههههههههههه
نقزت بقووه
ابو سعود : بسم الله شفيك يابنت
اسيل : لا ابد بابا نمله مدري ناموسه قرصتني الله يبعتلها صرصور يدخل بملابسها <<هههههههه ترا عشان ريموو تخاف منه يعني دعوه عليها خخخ

ماقدرت اتحمل دعوتها : هههههههههههههههههههههههه

سعود
ههههههههه والله ضحكتها تفتح النفس هالبنت
اووووف لا انا اليوم فيني شي خلني اروح انام احسن
بس شدني كلام امي وجلست
ابو سعود : ماشالله الاكل اليوم زين
ام سعود بأبتسامه : هاذي لين اليوم سوته عني
ابو سعود بحب : الله يعطيك العافيه ليون
هههه استحت من ابوي مره
لين : الله يعافيك عمي

وكملوا غداهم
وبعدها تقهوو وكل واحد راح يرتاح

2 - 12 - 2014, 10:23 AM

الوقت 8 الليل

وصلوا للمطار وهم متحمسين لشوووفه الاهل
دخلوا ارض السعوديه ارض الخير والعطاء ارض الحب والموده

نوف من شوقها نزلت دموعها
ماعلموا احد انهم بيجون اليوم يبونها مفاجأه

راحوا لفلتهم
وبدوا الاتصال
نوف ع البنات وعزوز ع الشباب يحون ينامون عندهم وبكرا يروحون لانهم مايقدرون يصبرون

وفعلا دقوا عليهم كلهم
وكل واحد منصدم اكثر من الثاني
انهم جو

--
بيت سعود
طلعت له وراحت وقفت عند راسه : سعود
رفعت راسي لها : خير
لين بأرتباك :ممكن اروح عند نوف وانام عندها
سعود نزل راسه يخفي ابتسامه من خوفها : روحي البسي ثواني وانتي قدامي
لين : من عيووووووووووووووني
وطبعا مانتهبهت لكلمتها
بس هو كلمتها اسرته دخلته لعالم ثاني مافاق منه
الا وهي قدامه
ولابسه فستان نيلي قصير لين تحت الركبه ضيق ع جسمها واكمامه طويله شيفون نقش ورد شفاف <<مادري كيف اوصفه
ومبين بياضها وبارز جسمها الحلووو
والروج فوووووشي يجنن بجد كانت ملاك
وشعرها خلته نفسه

قدم منها وهي ماسكه العبايه
: شرايك تنامين عندي بدل نوف

--
التكمله اليوم
الليل ان شالله

2 - 12 - 2014, 10:23 AM

قدم منها وهي ماسكه العبايه
: شرايك تنامين عندي بدل نوف
ليون ببرائه : لانوف قالت اروحلها وانام عندها وانت وافقت
سعود ماقدرت امسك نفسي : هههههههههههههههههههههههههههههههههههههههههههههه
ناظرته باستغراب : شفيك
سعود يالله سكت بالعافيه لانها مو فاهمه قصدي: هههههه لا ولا شي اخلصي البسي عبايتك قبل مايصير شي ثاني
ولف للجهه الثانيه وهو يبتسم : انا انتظرك برا
وطلعت وتذكرت كلمه رعد لما قالي تراها ماتفهم شي في الحياه لزوجيه توني افهه
ركبت السياره وثواني وهي داخله وركبت وهي ساكته
هذا وانا اقول بعذبها ووو ماقدرت اسوي لها شي بالعكس عيشتها حياه عمرها ماعاشتها ولا تخيلت انها تعيشها بعد بس ماتخيل اني اعذبها احسها طفله عندي دلوعه وبريئه وهاديه
ناظرت فيها وانا اسوق ولقيتها تلعب باصابعا ابتسمت وكملت الطريق وانا افكر فيها صارت تاخذ من افكاري الكثييييييييير

لين
مادري شفيه هذا الانسان اليوم يضحك ويبتسم و اوووووووف مالي شغل فيه بس حرام يمكن يخاف ينام لحاله <<فيس مبتسم وناسوا كم هي بريئه>

وقفنا عند بوابه فله راقيه شكلها حلو كثير ووقف السياره
وقالي انزلي
وفعلا نزلت ودقينا الباب وفتح عبدالعزيز وهو يرحب ويهلي : ياهلا وغلا باخر الحظور

سعود : هههههههه ياهلابك زود
ويسلمون على بعض وناسين المسكينه الي ورا
الموهيم بعد التراحيب والشغل ومتى جيتوا وكذا دخلوا
وهي راحت للبنات وهو لشباب

وعاد تعرفون البنات والشباب اذا اجتمعوا خرااااااااااااااااااااااااااب
هههههههه

الشباب
مشعل : لاتصير لئيم ولا تراب اخذ اختي وروح
عزوز : هههههههههههههههههههههه اقول طير بس اختك معد تبيك ياعين اختك صارت ملكي ماتقدرش
عبود : وبعدين اصبر ياخي شهر وتشبع بوجها وتجيبها لنا تقول مابيها
مشعل :لا والله ماتشوفونها
عزوز : اقووووووووووول عبود هونا
مشعل :ماعلي منكم مادام الشيخ سعود راضي علينا
سعود : ههههههههههههههههه وانت بعد اصبر صدق خلاص بتشوفها قريب شهر بيمر طاير
مشعل : اووووووووف منكم انا بروح بيتنا احسن
ووقف
عزوز :اقوول والله لو ماتجلس ماتشوفها الى يوم العرس
مشعل جلس : اذا كان لك عند ..... حاجه قوله ياسيدي
الشباب : ههههههههههههههه
عزوز : ايه كمل المثل لاتستحي
مشعل ببرائه : عند ولد عمك يعني وش تتوقع

وكلموا ليلتهم هواش وسوالف
وناموا حدود الساعه 5 بعد ماصلوا الفجر
----

2 - 12 - 2014, 10:24 AM

البنات
نوف : وحشتوني والله
ريم : عارفه ان قصدك انا لاكن ماتبين تحطمينهم وقلتي كلنا <<خخخ كلمتي
مها : ياشييييييييخه بس
اسيل : ههههههههههه فديتك نوفي 6 شهور مانشوف خشتك
مريم : اقول بلا نصب كنتم تجتمعون وماعليكم منها
نوف : حسيت والله
البنات : هههههههههههه
نوف لفت على لين الي شارده بفكرها : ليون وصلتي لسعود ولا باقي
لين : هاه لا بس حسبتوا بينام بالبيت لوحده
اسيل : ياعيييييييييني ع الحب <<ماعرفوا خخخخخ
البنات : هههههههههههههه
نوف : اقو لانا بنام اخلصوا ناموا ورانا عشا بكره

وفعلا ناموا حدود 6 صباح بعد كل خناقاتهم واستهبالاتهم وحركات الصبايا عاد

--
اليوم الثاني
2 الظهر

بيت عزوز
كلهم صحوا ورجعوا لبيوتهم
عشان ينامون ساعتين ويروحون يجهزون للعشاء

---
الساعه 7 المغرب
بالاستراحه الي فيها العشاء
كانت عزيمه كبيره بما انهم عايله كبيره ولهم معارف

المواضيع المتشابهه لموضوع: رواية ياغايتي لو كان لضلوعي لسان قالت تعال ارجوك محتاجه عناق لموضوع: رواية ياغايتي لو كان لضلوعي لسان قالت تعال ارجوك محتاجه عناق
الموضوع	كاتب الموضوع	المنتدى	مشاركات	آخر مشاركة
محتاجه احس انك معايا مهما بعدنا الزمان	شيخة الزين	همس عذب الكلام والخواطر المنقوله	11	14 - 8 - 2019 12:45 PM
شيلة كان الوعد ما بيننا ‏لا قالت عيونك تعال	همسة الشوق	همس الشعر و الشيلات الصوتيه	4	29 - 8 - 2017 10:45 AM
هذي انا ياغايتي ميت فيك	ياقلبي اكتفيت	همس الشعر والقوافي	6	7 - 9 - 2015 02:26 PM
خلفيات اي فون ضايقة بالحيل محتاجه اشكي	أداري حبك	همس موبايلات الاندرويد	13	22 - 3 - 2013 07:51 PM
محتاجه لك والحاجة م الاختراع	صمتي شموخ	همس الشعر والقوافي	1	5 - 2 - 2011 05:49 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية ياغايتي لو كان لضلوعي لسان قالت تعال ارجوك محتاجه عناق

همس للقصص وحكايات وروايات