رواية ياغايتي لو كان لضلوعي لسان قالت تعال ارجوك محتاجه عناق

1 - 12 - 2014, 11:24 AM

عند البنات
طلعو وجلسو مع نوف برا بس حسو انه فيها شي
مريم : نوف فيك شي
نوف : لا حبيبتي مافيني شي
مريم والبنات ماحبو يضغطون عليها فكملو سوالف ولعب اونو ووناسة
......: باين مستانسين
لفو لها البنات وقامو سلمو
اسيل : هلا شذى لية ماجيتي مع خالتي
شذى بنت خالتهم : كنت مشغولة
ريم :يالله بنات ندخل عشان العشاء
لين بقلبها وشفيها تطالعني مثل امها ذي اوووف شكلها كارهتني
دخلو البنات وتعشوا بعدها رجعو لممكان الي كانو جالسين فية
شذى : يا ....
لين : اسمي لين
شذى لوت شفايفها : وع قديم ومو حلو الاسم
ابتسمت لين ولفت : كملي نوف
ريم ماقدرت تمسك نفسها : هههههههههههههههههههههههههههههههههه
مها : ههههههههه فديت البرود ياناسو
اسيل دخلت عليهم : ضحكوني معكم
شذى :شي شخيف ومايضحك
ريم ومها : هههههههههههههههههههه
ريم غمزت لاسيل بعني بعدين تقولها
اسيل فهمت ولفت على لين : ليون سعود عند الحريم وقالي اناديك
توترت مره وقلبها يدق بقوة ووقفت وراحت مع اسيل وهي تسمع تعليقات البنات
دخلت عندهم : السلام عليكم
الكل : وعليكم السلام
وجلست جنب سعود لانها لو سوت غير كذا ياويلها
ام شذى :تصوم تصوم وتفطر على بصلة
سعود سكت ولين ابتسمت
ام شذى : والله ماتزوجتك الا عشان مالك ولا هي تطول واحد مثلك
الغريب بالموضوع ان محد فتح فمة ولين مبتسمة
ام شذى انقهرت : والله ماعندك كرامة بلاك تربيتكم الخايسة ماينعرف وش كنتي تسوين لحالك فـ البيت
وقفت لين وهي مبتسمة وقالت كلمة كفيلة تسكتها :من طبعي وتربيتي اني مارد على اصغر مني ولا التفت لكلام مالة اهمية عندي
ومشت وهي مقهورة وكانت تمر من عند الدرج فجأة حست بيد تسحبها عـ الدرج بسرعة ولقتة سعود ساحبها لفوق حاولت تفك يدها ماقدرت
ونفسها تصرخ بس عارفة عقابها
كان ماسكها الين وصلو الدور الثاني وشدها بقوة لغرفتة ورماها وصك الباب
هي كانت بتطير ابراج مخها : سعود خلني اطلع من هنا
سعود قرب لها وهي كانت بترج بس مسكها من يدها بقوة : انا قلتلك اهلي احترميهم
لين : والله اذا انت ماتقدر تدافع عني انا اقدر ادافع عن نفسي
سعود شد اكثر على ذراعها : والله
خافت كثير من نظراته لها الف مغزى ومغزى ودمعت عيونها : سعود تكفى فكني
مسكها من فكها بقوة : شوفي حتى لو تموتين الم لاتبكين قدامي فااااااااااااااااااااااااااااااهمة
زادت دموعها من المسكة وطلع صوت لبكاها : فاهمة
شكلها كان عذاب بالنسبة لسعود بكاها ومحاولتها لفك يدة جذبه لها كثير كان بيقرب منها
بس صرخت فية لين : تكفى رجيتك لاتقرب مني

1 - 12 - 2014, 11:27 AM

نهاية الجزء الثاني
عبدالعزيز توعد لـ نوف يفهمها بطريقتة
ياترا وش نوع هـ الطريقة ؟
رائد هو بطلنا الي انكشف سره الي كان مخبية عن الكل
ورائد عنيد ياترا بيتعالج او بيمووووت ؟
ام شذى وشذى شنو السر الي يخليهم يكرهون لين بهـ الطريقة ؟
واخير موقفنا الاخير توقعاتكم لة ؟
تحياتي

1 - 12 - 2014, 11:28 AM

الجزء الثالث والرابع

انا تعبان تكفى حس فيني ..
آمانه لاتعلل قلبي وياكـ ..
اذا ناوي تضيع لي سنيني ..
انا ضايع ترى فيك وبلياك ..

شكلها كان عذاب بالنسبة لسعود بكاها ومحاولتها لفك يدة جذبه لها كثير كان بيقرب منها
بس صرخت فية لين : تكفى رجيتك لاتقرب مني
سعود اول مرة يشوف احد ينفر منة فقرب منها زود وخوفها ساعده عشان يخليها تخاف منة وتعملة الف حساب
لين ماقدر تستحمل كل ماقرب منها ترجع لها ذكريات ماتبيها ونستها من زمان
معد عندها قوة فجلست على الارض

....!ّ وش قصتك أنت؟!وش ناوي عليه؟!
تبي تذلني؟؟
تبي تشوفني بين يديك انهان؟؟....!ّ

سعود جلس بس مو جلسة كاملة عندها : شوفي هـ المرة هذا بيكون عقابك المرة الجاية بتشوفين شي ماعمرك شفتية فهمتي
لين من بين دموعها : كلم رعد ياخذني
وقف سعود ومد يدة ووقفها بقوة : رعد راح انا انتظرك عند الباب تحت البسي عبايتك وتعالي
حركت راسة لة بطاعة وخوف
طلعت من غرفتة ونزلت تحت بعد ماهدت شوي
ودخلت للبنات سلمت عليهم واخذت عبايتها ولبستها وخلت الشغالة تنادي ام سعود
سلمت على راسها :خالة انا اسفة اني غلطت ببيتك بس انت ماترضين احد يتكلم بتربيتي واسكت
ام سعود ببتسامة : مسامحتك يابنتي
وطلعت لين لقت سعود ينتظرها وكانت تدعي بداخلها انة مايسوي فيها شي كفاية الي جاها فوق

يّ ربْ مآ [ غَيـرگ ] آلليّ يعلَمْ بخخَفآإيْ
أدعععيْ ۈ أنآ أدّريْ صٌۈتّ عببدگْ / تججِيْبـہۧ

1 - 12 - 2014, 11:28 AM

دخلت السيارة وقفلت الباب ولزقت فية
وسعود فقلبة هـ البنت خوافة
شوي دق جوالها كانت صديقتها وتؤام روحها نورة
نورة : هلا ليون حياتي كيفك
لين : تمام ياروحي
نورة : مو باين ع صوتك فيك شي وربي كنت حاسة قولي
لين : ياعمري بكلمك ان وصلت البيت تيب
نورة : تيب بس ابتسمي
لين : تيب ابتسمت
نورة بأسلوب مرح : لا ياشيخة صدددددددددددددددددقتك
لين : ههههههه خلاص ضحكت ياللة يادوبا روحي
نورة : الله يجزاك خير هذا وانا اطمن عليك
لين : ههههههههه شكلك مطولة
نورة : لا خلاص باي
لين ابتسمت : باي
ونزلت جوالها وهي متجاهلة وجود سعود

فديت وقت حطك
. . في دربي [ رفيقه ]
واحده تضحك معي
و .. أضحك معها !
واحده لاصار وسط القلب [ ضيق ]
ب السوالف والمزايح / وسعه !

وصلو لبيتهم ونزلت من غير ماتكلمة وهو مشى بطريقة
اليوم الثاني
بيت رعد
وكانو ع الغداء
رعد : لين سعود كلمني يقول انة بيجي بعد المغرب
كانت عيونها يبان فيها الخوف : طيب
رعد : ليون فيك شي
لين : لا بس تعرف متعودة انام بدري دوم وامس نمت متأخر
رائد: ياحياتي ع النظام
لين ابتسمت
رعد : رائد لا تطلع اليوم لان سعود يقول يبيك معه بمشوار
رائد مابين شي :ان شاللة
ريان وراكان كانو ياكلون بصمت
واخيرا نطق ريان : رعد بكرة بنبدأ الدوام
رعد وقف : ايوة ان شاللة وراح عند لين وباسها ع راسها : لاتخلين شي يضيق صدرك
وطلع
لين بقلبها الله لايحرمني وجودك
وقامت تشيل الفطور وساعدها رائد
وحتى ساعدها في الغسيل وهو يستهبل معها وبعدها طلع يرتاح شوي
وريان وراكان راحو عند اصدقاهم
خلصت لين من المطبخ بعد ماسوت قهوه وحلا وطلعت اخذت شاور وطلعت حطتلها لوشن وسوت شعرها مثل الكوريين

1 - 12 - 2014, 11:36 AM

رجعت للمطبخ وحطت جمر وخلص وراحت دخنت المجلس وطلعتة حطتة بالصالة
وطلعت الحلا من الثلاجة وقطعتة وحطتة بصحون ودخلتة مع القهوة في المجلس ( طبعا بتقولين لية تسوي كل هذا ولبست ومادري شو لان كمان نورة ومرام صديقاتها بيجون
لان كلهم بحارة وحده وثانيا مها يكون هو ضيف عندها وماتبي اخوانها يحسون بشي )
دق الجرس وشافت رائد غافي بالصالة راحت للباب
لين : مين
مرام : افتحي يادبا
لين فتحت لهم ودخلو لان نورة كانت معاها : ياهلا وغلا
نورة : هلابك زوووووود كيفك ياقميلة
لين : تمام وانتوو
مرام : محنا بخير واقفين عند الباب
لين : هههههههههههه حياكم ادخلو
وفتحتلهم مجلس الحريم وادخلو واخذت عباياتهم وعلقتها وراحت للمطبخ قطعت حلا وجابت براد القهوه الثاني وراحت لهم
لين وهي تجلس : منوووووووورين
مرام : يسلمووو حبيبتي مايحتاج
نورة : ليش جد تعبتي نفسك
لين تصب القهوة لهم : لاتعب ولا شي بعدين فاضية وسعود بيجي لازم اسوي كذا ولا كذا
مرام : قوووووووووووووووووولي كذا وانا اقول مسويتلي
نوره : طلعتي ع حقيقتك
لين : ههههههههههههههههههههههه لا والله الشياكة لكم والحلا لة
نورة ومرام : هههههههههههههههه
دق الجرس وراحت لين لقت رائد نايم باقي
فراحت للباب : مين
....: انا
فتحت الباب لة ودخلت : مافي احد يفتح
لين : رعد طلع عندة شغل وريان وراكان عند اصدقائهم ورائد نايم
سعود : بتخليني هنا
لين يووووه شفيني اليوم كذا : لا حياك تفضل
دخل ودخلت وراة وجلس وصبتلة قهوة وحطت صحن الحلا عندة
لين : بروح اصحيلك رائد
سعود : اسمعي الزواج بين الترمين يعني باقي اقل من شهر والمهر رعد مارضا ياخذه يقول يخاف يظلمك فيه
فين تبيني **** لك
لين من غير شعور : ياحياتي علية رعد انا كلي فداة
وسكتت باحراج من نظرات سعود
سعود وقف وفي فمه ابتسامة سخرية : ياحياتي انتي ترا اغار اذا شفتك تتكلمين ع احد ثاني كذا قدامي
لين عرفت انة يستهبل عليها فوقفت : امممم حط المهر بحساب رعد واذا رفض مابي مهر وبروح اقوملك رائد
مع السلامة
سعود وقف الين راحت وبعدها جلس بارب هـ البنت جمالها يسكتني
شوي دخل علية رائد سلم علية وبعدها جلسو يسولفون شوي
بمكان ثاني
في بيت ابو عبداللة
عبدالعزيز : يبة انت عارف اني بسافر بعد اسبوعين ايطاليا وبجلس 6 شهور هناك عشان الشركة ابي اتزوج نوف قبل ماروح كلم عمي محمد (ابو مشعل ) وقولة
ابو عبداللة ( سعد ) : بس اسبوعين مايمديها نوف تجهز لشي
عبدالعزيز : لايبة يمديها ريم وبنات عماتي وعماني بيساعدونها
ام عبدالله ( منيرة ) : كلمة ياسعد وشوف رأية
ابو عبدالله (سعد ) : بكلمة بكرة بالشركة بوجودك انت ونوف
ابتسم عبدالعزيز بأنتصار بخليك يانوف تفهمين الحين : طيب انا طالع الحين
وطلع من البيت

1 - 12 - 2014, 11:38 AM

بمكان ثاني ببيت ابو عبداللة
بغرفة ريم كانت منسدحة وتكلم اسيل : تكفين
اسيل : بنت بكرة كلية خير اجي
ريم : جيبي لبسك وتعالي نطلع سواء وترا كلمت مها ووافقت وبعد الجامعة نطلع نتغداء وبعدها كيفكم
اسيل : اوووف منك طيب بجي بس وش نلبس بكره
ريم : اممممممممممممممممم تتذكرين البلوزه الكاروهات الكحلي
اسيل: يب يب
ريم : هو البسية وبكلم مها واقولها ولا تتاخرون شوفيني بروح السوبر ماركت اجيب لسهرتنا فاهمة
اسيل : طيب فاهمة باي
ريم : باي
ونقزت تحت
وسلمت ع ابوها وامها وجلست عند ابوها : حبيبي
ابو عبدالله (سعد): عيون حبيبها
ابتسمت ريم : بروح السوبر ماركت البنات بينامون عندي اليوم ممكن
ابو عبداللة (سعد ) : روحي يابنتي فين ماتبين
باستة وجات بتطلع
ام عبداللة (منيرة): اللة لنا
ريم ضحكت وباست امها وراحت لبست عبايتها واخذت صرافتها وبوكها والشغالة وطلعت لسوبر ماركت وكلمت مها وقالتلها
نهاية الجز الثالث

1 - 12 - 2014, 11:41 AM

الجز الرابع
بيت رعد
سعود : رائد لا تعاند قوم
رائد : سعود مابروح خلالاص
سعود وقف : لا بتقوم ولا ماقمت وربي ان يوصل الكلام لـ رعد وهو يعرف يتفاهم معك
رائد : خلها بكرة مايمديها اطلع ولين لحالها فالبيت
وعلى كلمتة دخلو ريان وراكان وسلمو ع سعود وسوالف شوي
وبعدها وقف سعود : شباب اسمحولي بطلع وباخذ رائد
ريان : ياليت تفكنا من ازعاجة
ابتسم رائد ووقف : بتفتك لا تخاف
وطلع بعد ماسلم سعود ع الشباب وعزمهم في الاستراحة حقتة الاسبوع الجاي مع اولاد عمة
عند البنات
مرام ونورة : هههههههههههههههههههههههههههههههههههههههههه
لين ابتسمت : خيييير
مرام : باللة اسيل هاي جونان ابي اشوفها
لين : لية عشان تقولك الموقف بتفاصيلة
مرام ونورة : ههههههههههههه
نورة : يالبي بس بس حلوة هي لي مو لك <<عرفتو الموقف الي يتكلمون علية بالجزء الثاني *-^
مرام : والله الفستان يجنن وبيطلع عليك حلو اكيد بتكونين لة اجل لغيرة
لين ببتسامة هاديه : نفسي اشوفك اذا تزوجتي
مرام تمثل انها منصدمة : لالالا وكاني بعزمكم مثلا على عرسي
نورة ضربتها بالمخده
مرام : يابنت قصدي ماتحتاجون عزيمة
لين ضحكت
ونورة : اية احسب بعد
مرام وهي تعدل شعرها : عفشة الله يعين زوجك عندي احساس بيتصفق
لين : ههههههههههههههههه صادقة
نورة تضحك باستهبال: هههه ضحكتوني بس الى بيموت فيني وبعدين ليش اصفق حبيبي
مرام : اي هييييييييييين
نورة : هههههههههههه طايحة من عينكم
مرام ولين : بقووووووووووووووووووووووووة هههههههههههه
نورة ابتسمت وهي توقف وكانت الساعة 9 : اقولك ياخطر (تقصد مرام ) يالله تأخرنا >>>>مهاوي شرايك فيني هههههههههه
مرام قامت : ان شاللة ياهاني نفخه (عرفتوه الي كان يجي في مسلسل بيني وبينك مع فايز المالكي النحيف مرررة دايم نايم او حاطينلة اكسجين خخخ)<<رزان لك هههههههه
لين : لا خليكم شوي
نورة : لا مايمديها بوصل مرام وروح بيتي تاخرت
لين : تيب
وراحت معهم عند الباب وودعتهم وطلعو وهي راحت المطبخ سوت مكرونة ومعاها دجاج بوفتيك <<تعرفونة او لا ؟
لاخوانها وراحت ودقت ع رعد ورائد عشان يجون يتعشون
بيت ابو عبدالله
بغرفة ريم
اسيل : تجنن مرة
ريم : هههههههههههه تذكرت شذى لمن قالت لها اسمك مو حلو وقديم
مها : ههههههههههه بس والله لين عرفت تسكتها
اسيل : ماقلتولي السالفة
قالت لها ريم

1 - 12 - 2014, 11:42 AM

اسيل : خالتي وشدى مو ساكتين خالتي امس تكلمت على لين
وكملت لهم اسيل السالفة
مها : وسعود ساكت
اسيل : حتى انا استغربت انة ماتكلم
ريم : يالله سعود طول عمرة يدافع عن الكل وزوجتة لا
اسيل : بنت احس بينهم شي
مها : صادقة حتى انا لين تتهرب من اسم سعود
ريم : والملكة سكيتي محد كان يعرف عنها شي
اسيل : بينهم شي
مها : وكبير بعد
ريم : بنات بس لازم نكون دوم مع لين هي اصغر مننا وحياتها صعبة وغير كذا شدى وانتو عارفين شنو معنى شذى تكرة احد
اسيل : هـ البنت مجرة ما انسى كيف كانت بتموت علياء <<سر جديد
ريم : لا وانتي الصادقة مجنونة
مها : ولازم تتعالج
سكتو شوي
مها : بنات خفت كثير على لين ماتستاهل ياحرام
ريم : الي مخوفني سعود مايدافع عنها اذا سوت شي لها لا سمح الله
اسيل : اوووووووف الله يبعدها من شرها
مها وريم : امييين
اسيل مدت يدها : بنات عهد ووعد علينا نوقف مع لين دووووم
مدو يدهم فوق يدها : اتفقنا
<<وبكذا لين كسبت حب بنات هم الي بيكونون قراب منها وقت المصايب

بالمستشفى
كان عبداللة على مكتبة وسعود الكرسي الي قدامة ورائد على الكنب الي قدامهم
عبداللة : يارائد انت معرض للموت بأي لحظه وشفت بنفسك التحاليل والاشعاعة الي سويناها لازم تسوي العملية
رائد : ياخي كيفي كيفي
سعود : لا موب كيفك روحك مو ملك لك بيضرك شي لو تعالجت
عبداللة : رائد انت فاهم كيف تبي تسوي كذا
رائد : الحين انتو بتخسرون شي
سعود : احنا مابنخسر بس فية غيرنا بيخسر
عبداللة : فكر برعد وريان وراكان والاهم لين
سعود : تخيل بعد موتك وش بيسون ولا تفكر بنفسك بس
رائد عصب وجاء يفتح باب المكتب ولقاة مقفل بالمفتاح لف لهم : شباب مو فاضي لين تنتظرني بالبيت خلوني اطلع
سعود وقف : مابتطلع ..
ودق على لين
لين : هلا
سعود : رائد اليوم بيتعشى معي مع السلامة
وقفل من غير مايسمع ردها وتوجه لرائد وسحب الجوال الي بيدة غصصصصب
رائد يكلم عبدالله : عبدالله تكفى ترى خلاص مليت ابي اطلع كلم ولد عمك
عبدالله : سعود اهدى شوي خلاص
تقدم رائد من سعود يبي ياخذ جوالة ومايحتاج اقولكم فرق الطول والجسم : سعود عطني جوالي وافتح الباب خلني اطلع
مارد علية سعود

1 - 12 - 2014, 11:43 AM

عصب رائد وصرخ فية ودموعة تنزل : ياناس افهموو الله يرحم والديكم وخلوني اطلع
عبدالله خاف علية كثير لان شفايفة بدت تزرق وقام لة وجلسة : رائد اهدى حبيبي بخليك تطلع بس بعطيك ابره
شافه ساكت ودموعة تنزل اخذ ابره وحقنة فيها وخلاة يرجع راسة على ورى ويرتاح شوي ولمن بدأ يخف الزراق الي بشفايفة فتح لة الباب وخلاه يطلع
وقبل مايطلع سعود يوصلة مسكة عبداللة : ترى مرضى القلب مايتعاملون بهاذي الطريقة
هز راسة سعود وطلع وراة عشان يوصلة ويالله رضاء يركب رائد مع سعود
وهم عند باب البيت مسكة سعود: رائد لا تلومني ترا من خوفي عليك بس بقولك كلمة خلها ببالك شهر او شهر ونص بالكثير اذا ماجيتني تبي تتعالج ةتسوي العملية بقول لرعد
لان مامنك رجاء وبراسك عناد
مارد علية رائد ونزل
وسعود تنهد انا ليش مهتم هـ الكثر فية مو انا الي احاول ادمر حياتهم
(انا اقولكم لية سعود يسوي كذا لان ايام الي كان يتعالج فيها سالم اخوة حس انة بيفقدة وهـ الاحساس خلاه مايرضى احد يموت قدامة ويقدر على علاجه ومايعالجة )

....!ّ الموت حق وخل نفسك قويه
يا ما بهالدنيا تشوف النكايد....!ّ

وهذي هي نهاية الزجزئين
والخامس والسادس بكرة ان شالله
اليوم توقعوا انتم من غير اسألة تيب
وفية مفاجأت بالجزئين الجاية
وحبيت اقولكم الاسلوب هذا حلو او مثلا اخلي البطلة هي الي تتكلم من غير ماذكر اسمها مادري فهمتو علي ولا لا ؟

1 - 12 - 2014, 11:43 AM

الجزء الخامس
اليوم الثاني في الشركة
وابو مشعل وابو عبدالله ونوف وعبدالعزيز بمكتب ابو سعود
ابو مشعل : انا ماعندي مانع يا عبدالعزيز هذا شور نوف
اما هي فكانت بحالة صدمة ماتوقعت يسوي كذا وفوق هذا بتروح تعيش بــ ايطاليا ست شهور مع واحد يبي يذها : يبه مايمدي
عبدالعزيز : لايمدي المهر فحسابك وفلتنا الي هنا جاهزة وبيتنا بــ ايطاليا جاهز وحتى الفيز والتذاكر والقاعة جاهزة والفستان والطقم طلبتة
من برا وبيوصل يوم الخميس الجاي وانتي من اليوم اجازه اطلعي مع البنات وتقضي وبــ اسبوعين تخلصين
ابو سعود : لا مستعجل
عبدالعزيز ابسم : حيل ياعمي حيييييييل
ضحكو شيابنا : هههههههههههه
اما نوف طلعت على مكتبها ولحقها عبدالعزيز قبل ماتطلع
نوف شافتة دخل وصك الباب : شتبي
عبدالعزيز قرب لها : اووووه نسيت اقولك ياعمري لو تكلمتي بهـ الطريقة معي مرة ثانية بتندمين فاهمة <<الكلمة عند العايلة وراثة خخخخخخخ
نوف : اطلع من هنا او اقولك انا بطلع
عبدالعزيز ابتسم وبعد من الباب وفتحة : تفضلي
خافت يسوي شي بس مشت وطلعت بسرررعة وهو ضحك عرف انها خافت منة :لو ماعنادك كان ماخذتك ولا فكرت فيك وتنهد وطلع
في الجامعة
شذى : بس تجيب الهم انتي شفتي كيف جسمها عظمة وحدة اشك انها ولد
اسيل : شذذذذذذذذذى لاتجبين سيرة لين ولو مو حلوة ماجابت راس سعود
شذى : لا حبيبتي اكيد ساحرتة هم بنات الشوارع كذا
اسيل ماتحملت وعطتها كف: انتي بنت خالتي لاكن هي اغلى منك حتى لو ماقابلتها الا مرة وحده على الاقل قلبها ابيييييض واحد مايبيك غصب
ومشت مع ريم ومها
ريم : الله لا يجيبني بطريقك
اسيل : امس اخذنا عهد على نفسنا نحميها
وجلسو بالكفتريا
مها : اسيل عمرك ماخبيتي عنا شي فهمينا السالفة
تنهدت اسيل وبدت تقولهم قصة من 5 سنوات :خالتي عايشة (ام شذى)كانت ولا تزال تحب سعود لحد العشق وتتمناة لــ شذى وهذا عادي
لاكنها ماقدرت تحنن قلبة على شذى انتو شايفين كيف اسلوبها وكلامها ولبسها حتى فحاولت توصل قلبة عن طريقنا بس ماقدرت
وبيوم عزمتنا كلنا عندها استغربناها منها رحنا كلنا وسالم كان بيروح عند اصدقائه بس اصرت يجي

المواضيع المتشابهه لموضوع: رواية ياغايتي لو كان لضلوعي لسان قالت تعال ارجوك محتاجه عناق لموضوع: رواية ياغايتي لو كان لضلوعي لسان قالت تعال ارجوك محتاجه عناق
الموضوع	كاتب الموضوع	المنتدى	مشاركات	آخر مشاركة
محتاجه احس انك معايا مهما بعدنا الزمان	شيخة الزين	همس عذب الكلام والخواطر المنقوله	11	14 - 8 - 2019 12:45 PM
شيلة كان الوعد ما بيننا ‏لا قالت عيونك تعال	همسة الشوق	همس الشعر و الشيلات الصوتيه	4	29 - 8 - 2017 10:45 AM
هذي انا ياغايتي ميت فيك	ياقلبي اكتفيت	همس الشعر والقوافي	6	7 - 9 - 2015 02:26 PM
خلفيات اي فون ضايقة بالحيل محتاجه اشكي	أداري حبك	همس موبايلات الاندرويد	13	22 - 3 - 2013 07:51 PM
محتاجه لك والحاجة م الاختراع	صمتي شموخ	همس الشعر والقوافي	1	5 - 2 - 2011 05:49 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية ياغايتي لو كان لضلوعي لسان قالت تعال ارجوك محتاجه عناق

همس للقصص وحكايات وروايات