رواية ياغايتي لو كان لضلوعي لسان قالت تعال ارجوك محتاجه عناق - الصفحة 3

1 - 12 - 2014, 11:44 AM

وقبل مانطلع كانت امي تردد ان قلبها مووو مطمن
رحنا هناك وجلسنا سوى انتو عارفين شذى ماتغطت الا قبل سنتين الموهيم قامت خالتي وجابت عصير وتعرف انة سعود يحب التفاح فما جابت الا واحد وطبعا
خليناه لـ سعود ماعندا سالم كان عناد فـ سعود واستهبال اخذه يشربة

بس سالم داخ علينا وداه سعود المستشفى لقى بدمة نسبة كبيرة من المخدر بس سالم طلع من المستشفى قبل مايكمل العلاجح فصار مدمن ( وبدت عيونها تدمع)
وطبعا صارت قطيعه بين امي وخالتي لمن عرفنا ان المخدر جاء من العصير وابوي حلف زوج خالتي مايدخلنا بيت وفعلا هذا الي صار للحين وهي كانت تبية
لسعود عشان يكون تحت طوعها (زادت دموعها اكثر وصوتها تهدج ) سالم كان يتعاطى ال****** وبيوم اخذ جرعة زايدة كان بيموت لولا الله ثم سعود
وطلعوه عالجوه برا المملكة وسعود شاف كيف كان يتعذب سالم فــ حلف شذى ماتكون زوجتة بيوم
(ونشفت دموعها )بس هم للحين عندهم امل وماتابوا
*
كلً ـآلبشٍر ماآفيهم ـآنسٍان : گــآإامًل
الگـًل منٍـآ عنِده أخطًاء «~ وذَنوٍب ..
وأكبًـر خطَـأ فٍي ( ـآلنًاس) سٍوء ـآلتعًامل ~
[ وـأگـبٍر ذنُوـوب ـآلناَِس تذنِب ولآ تتًوب ]

ريم : يالله كل هذا جعلها ماجات خالتي
مها دقتها وابتسمت : خلاص ماضي وانا اقول شنو هـ الخوف كلة ع ليون
اسيل : يابعد قلبي راحمتها
ريم : ماترحم دام وراها سعود << خخخ ضحكتيني
مها : ان شاللة
ريم وقفت : يالله قوموا نتغدا
وطلعو من الجامعة بعد كشف واحد من اسرار الرواية وهو طريقة ادمان سالم وسبب كرة ام شذى وشذى لــ لين
في وحدة من مدارس الثانوية
كانت تسولف مع صديقاتها ولا تفكر ابدا بــ سعود
مرام : يحبني وانا توني ادري تصدقووون
لين : كنت اقولك بس ماتصدقين
مرام برومنسية : آه آه يابنات يوم قالي انصدمممممممممت يبنات يالبي قلبة
نورة ضربتها : من الحين تتفدين فية وجع
مرام ولين : ههههههههههههههههههههه
نورة : وافقتي ولا لا
مرام : وافقت اكيد بيجي يخطبني بكرة والملكة الخميس
لين : اما ليييش مستعجلة مرة كذا
نورة : جد خير توكم حابين بعض تتزوجون
مرام :ههههههههههههههههههه حبيبي يامر لو يبية بكرة
نورة : انهبلتي اكيد
مرام : ههههههههههههههههههههههههههههه <<ياترا ضحكتك يامرام بتدوم ؟
لين : عسااااااااااااه دوم << ماضن !
مرام : وياك ياروحي
نورة : ليون متى بتجهزين مافية وقت الاختبارات جاية
لين : بنات عم زوجي وحده منهم بتتزوج وكلمتني خالتي وقالتلي اجي معهم كل يوم لمدة اسبوعين الله يعيني
نورة : اوووكي انا ومرام بنكون قبلك بالسوق وانتي عطيني تحركاتك مستحيل افوت اني اجهز مع اختي لعرسها
لين ضمتها بحب : تسلمي ياحبي
مرام نطت وضمهم : الله يسلمك واجبي
لين ونورة : هههههههههههههههههههههههههههههه

1 - 12 - 2014, 11:44 AM

تدرْون وشّ آحلـى شّيَ.. مَرْ بَـ حٌيَآتي !!
دججة شُلتنآ يَ عسّـى آللھ يَبَقيَـهآ

المغرب
بيت رعد
لين راحت عند رائد وضمتة : وشفيك ياعيون اختك ونظرها
رائد وهو يزيد في ضمتها : ليون ضميني ولا تسألين عن شي تراني محتاجك حيل
خلتة وجلست تلعب بشعرة
دخل رعد وريان وراكان
رعد : ترا اغار
ريان : وشفية عيون الماما
راكان : تلاقية بيفقدها لاتخفاف بتجينا
لين : خلو قلبي بحالة لو سمحتو لا تضايقونة
رائد باقي ضامها ولا تكلم يحس بحنانها هي كل شي لة هي اختة وامة وحبيبتة وبنتة هي بأختصار دنيـــــــــته
رعد خاف يكون فية شي : رائد شفيك
رائد: مافيني شي ابي اشبع من حنان امي قبل ياخذها سعود
لين دمعت عيونها : عنون امك انت اذا ماتبيني اتزوج مو لازم
ريان : لين وش هــ الكلام
راكان يكمل عنه : تبين تطلقين عشان توزعيلنا حنان احنا مصيرنا نتزوج بتجلسين لحالك مثلا ؟
قام رائد وباس راسها وراس رعد وراح لغرفتة ( رعد بالنسبة للكل الاب مع ان الفرق بعمارهم صغير جدا ومتقاربين بس فيه من المرجله والحنان
الي يخلي عمرة 3 اضعاف هو الي ربا اخوانة من كان بالمتوسط هو الي حماهم من جور الايام والمذلة هو وهو وهو ..... )
رعد : حاس انه فية شي من رجع من سعود امس وهو ضايق
ريان : كلم سعود وشوف
راكان : لا خير بيقولة ليش رائد متضايق فكروا فيها بعقل وانتي ليون خلاص من الدموع رائد بخير بس انتو تعرفون انة متعلق بليون ومايقدر على بعدها
لين : طيب <<كلمتي دوووم اذا ماقتنعت بالكلام
رعد : ليون بتروحين مع بنات عم سعود اليوم
لين : بعد اذنك
رعد ابتسم : اكيد حبيبتي روحي اجهزي طيب
وقفت لين : طيب وعــ فكرة سويت العشاء وحطيتة لكم بالثلاجه عشان مايخرم حموا وكلوا وتكفون رئود خلوه ياكل لو بالغصب
لانوه ماتغدى
راكان ابتسم : الله لا يحرمنا حبك
ريان ورعد : آمين
حطت يدها ع خدودها : خجلتوووني
الشباب : هههههههههههه
راحت وجهزت الا اسيل تدق وتقول اطلعي
وباست راس اخوانها وطلعت ( هذي الحركه اسويها لــ 2 من اخواني وانا طالعة سوها يابنات لاوصيكم *-^)
وركبت وسلمت ع البنات ومشوا والسيارة كان فيها ( اسيل - مريم - نوف - ريم -مها - لين )
وقالت لين للبنات ان صديقاتها طلعو قبلها وعرفت الاسواق الي بيروحون لها وقالتها لــ نورة

1 - 12 - 2014, 11:50 AM

بيت ابو سعود
سعود : فين راحت اسيل يمة
ام سعود: راحت هي والبنات السوق حتى لين معاهم
سعود تروح وماتقولي طيب يالين : اهاا طيب يمة انا طالع تامرين بشي
ام سعود : مايامر عليك عدوو
سعود وهو يمشي بالحديقة دق عليها
في السوق
لين خافت بس ماحبت تبين شي : الوو
سعود : هلا بالمدام المحترمة
لين سكتت
سعود : طالعة السوق ولا مع خواتي ولا تقولين لي
لازالت ساكتة
سعود : الحين تدقين على رعد يرجعك او اقول انا بجيك اطلعي
كانت بترد علية لاكن للأسف قفل كــ عادتة
لين اووووووووف هذا لازم يخرب علي وناستي
نورة : شفيك ليون صاير شي
لين : لا بس سعود بيجي ياخذني وقالي اطلعي
نورة :زين لانة فواز (اخوها) قالي اطلع انا ومرومة
لين : تيب بقول للبنات ونطلع
راحت لين للبنات وكانو طالعين اساسا
طلعو كل البنات برا وتتوقعون من كان موجود
( عادل ولد عم و حبيب مرام ) بطرف الثاني من الشارع
عرفها من اخت مرام الصغير وتوجه لها من غير مايحسب حساب لاي شي غير حبــــــــه الوليد
راح لها ونسأ انه في شارع عام
شافتة مرام وليتها ماشافتة صرخت بأعلى صوت : عـــــــــــــــــــــــــــــــــــــــــــــــــ ــــــــــــــــــــــــــــادل
والبنات صرخوا لاكن |اذا فات الفوت ماينفع الصوت |
صدمة صالون في ثلاث شباب
في وقت وصول ميــــــــــــــــن وقت وصول سعود
ركضت لة مرام وهي متوقعه كسر خفيف جروح عادية لاكن الي شافتة خلاها تصرخ بأسمة : عادل تكفى عادل
جلست عنده وحطت راسة الي مايبان منة شي بحظنها وكان باقي عـــايش
عادل بصوت يالله يطلع : مرام احبــــــــــك
وماكمل كلامة لانة خرج دم كثير من فمة
مرام كانت بتنهبل خلاص صارت تبكي وتصرخ : دقووووووووووو على الاسعاف الله يخليكم بسرعة
ورجعت نظرها لحبيبها الي توها تذوق حبة : تكفى عادل انا مالي احد غيرك لاتروح وتخليني انت حبيبي انا احبك
عادل ابتسم :كانت امنيتي اسمعها قبل ماموت فجأه غمض عيونة بقووووة من الالم الي يضغط علية وفتحها اشهد ان لا اله الا الله وان محمد عبدة ورسولة
وغمض عيونة للأبــــــــــــــــــــــــــــــــــــــــــــد
طبعا سعود خلا البنات يروحون مع السواق الى لين مارضت فمسكها بيدها بقوه عشان ماتروح عند مرام وهي تبكي وتصرخ من بكاء وصرخات صديقتها
واخت مرام الثانية اخذتها نورة وراحو مع فواز اجباري

1 - 12 - 2014, 11:52 AM

نرجع لمرام
كانت تضحك وتبكي بنفس الوقت تضحك بوصول الاسعاف وتبكي على حبيبها الى ـــــــــــــــــــــــــــــــــ
اخذتة الاسعاف وهي كانت توقف وتطيح من الصدمــــة
سعود : لين جيبي صديقتك وخلينا نلحقهم
وفك يدها راحت لــ مرام الي مو عارفة تمشي اساسا ساعدتها ودخلتها السيارة ومشى سعود بسرعة ورا الاسعاف
(نسيت اقولكم ان سعود هو الي اتصل على الاسعاف حقت المستشفى حقهم )
ولين تحاول تهدي مرام بس مو قادرة
واخيرا وصلو وحتى قبل ماتوقف السيارة زين كانت مرام نازلة
دخلو المستشفى ووقفو عند الطوارئ
وسعود دق على عبدالله يجي
جا عبدالله ودخل
مرت نص ساعة
مرت ساعة
طلعت ممرضة ركضت لها مرام
مرام : ليش تأخرتو شنو صار تكلمي
الممرضة : وقف قلبة لـــ ...........
قبل ماتكمل مرام اغمى عليها

1 - 12 - 2014, 11:53 AM

نهاية الجزء الخامس
توقعاتكم لكل شي صار بهاذا الجزء شنو ؟
الجزء الخامس حزين او لا ؟

1 - 12 - 2014, 11:56 AM

بسم الله الرحمن الرحيم
صبايا "هذي الاشاره معناها البطل يكلم نفسه " و ( هذي الحركه تذكير مني او تنبيه ) و << هذي معناها
استهبال او ماشابه تيب
قراءه ممتعه *-^
الجزء السادس
طلعت ممرضة ركضت لها مرام
مرام : ليش تأخرتو شنو صار تكلمي
الممرضة : وقف قلبة لـــ وقالت بصوت خافت وهي تشوف مرام تتطيح لـ 5 دقايق ...........
قبل ماتكمل مرام اغمى عليها
ركضت لها لين وجلست عندها وهي تبكي : مرام ياعمري قومي
اما سعود مايقدر يشيلها فراح نادى ممرضتين ودكتور شالوها ودخلوها ع غرفة ثانية
تقدرم سعود لـ لين الي باقي على الارض تبكي ووقفها : لين صديقتك تبيك توقفين قربها وانتي تزيدنها وبعدين اهلها
الحين بيجون انتي كذا بتخوفينهم خلالاص
جلسها على كراسي الانتظار الى بدخول عايلتين عائله مرام وعادل
ام مرام عرفت لين وراحت لها بسرعة : يابنتي بنتي فين وش صار
مسكت لين يدها وجلستها : تطمني ياخالة هي بخير بس منصدمه عطوها حبوب مهدئه وان شالله تقوم بخير
نفس السؤال سأله ابو عادل لــ سعود : ياولدي عادل وش صار فيه
سعود قبل مايتكلم طلعو الدكاتره من الغرفه
توجهو لهم كلهم الى لين لان كان اخوان مرام وعادل معاهم
ام عادل : بشر يادكتور
الدكتور : لاتطمنو احنا يوم شفنا الدم يغطي وجهه فكرناه نزيف او شي كبير
بس كان من جرح
سعود : وهو احين بخير
عبدالله :شوفوا انا بتكلم معكم بصراحة رجله تعرضت لكسر مضاعف يعني مايقدر يمشي الى بعد مده يمكن 8 شهور
بس فيه عمليه بـامريكاء تقدر تخليه يمشي بشهرين
سعود تكلم بثقه : اعتمد الاوراق دكتور عبدالله وارسل اشاعات وملف عادل للمستشفى وكل شي على حسابي
ابو عادل : لا ياولدي
قاطعه سعود : والله مايتكفل بعلاحه وسفره غيري انا حلفت ياعمي وانت مابتردني
سكت ابو عادل وهو مبتسم : الله يقدرك على فعل الخير ياولدي
الدكتور الثاني تكلم باحراج: انا اسف على الي بدر من الممرضه وبتتعاقب
ابو مرام : ليه
سعود :الممرضه قالت لبنتكم ان عادل وقف قلبه 5 دقايق
ام عادل : ايييييييييش
عبدالله : الضربه الي يصدره هي السبب بس ارجع اقولكم هو بخير ماعدا الكسر وبنطلعه في غرفه وبكره تجونه الحين
ممنوع الزياره

1 - 12 - 2014, 12:05 PM

راح سعود لـ لين وهي خلاص شوي وتطيح مقدرت تتحمل رجعت لها ذكريات موت امها وابوها
سعود : لين يالله قومي اوديك البيت
كانت تبكي بقوه : ماقدر اقوم
سعود قرب لها وجلس على الكرسي الي جنبها : لين فيك شي
لين ويزيد بكاها : كلم رعد
سعود ماله الا هذا الحل
دق على رعد وثواني ورد
رعد : هلا سعود بشر كيف الاوضاع ( سعود دق عليه وقاله عشان لين تأخرت )
سعود : لا الحمدالله بس رعد لين تقول مو قادره تمشي
رعد كان خايف على لين بس متماسك : هي اذا خافت ماتقدر تتحرك سعود جيب لها كرسي متحرك مالك الا هذا الحل
سعود بقلبه "خواااافه " : خلاص اجل تطمن انت مع السلامه
رعد : مع السلامه
راح جاب كرسي متحرك لها وساعدها تجلس عليه
وطلع برا ووقف عند السياره وفتح الباب كان متردد من الخطوه الي بيسويها بس بالاخير شالها بيده " ياخفها"
وجلسها على الكرسي ونزل الكرسي عشان ترتاح
وقفل بابها وراح لباب السواق وركب وقفل الباب ومشى
اما لين فهي تتذكر عادل والحادث ومرام وكل شي وزاد عليها سعود لمن شالها غرقت بأفكارها ونامت نامت من قوه
الي عانته بهذا اليوم كل شي صعب عليها وهي من النوع الحساس اي شي تتأثر فيه
اما سعود فباله هذي هي الي ناوي اعذبها وانا رحمتها من هذا الموقف بس لا ابوها كان بيكون السبب بموت سالم
لازم اخذ حقي منها هي لازم ماكون متساهل ابوها مارحم ضعف سالم كيف انا ارحم بنته
وصل للبيت ونزل وفتح بابها ودق الجرس وفتح له ريان
يوم شافها انصدم: شفيها لين
سعود دخل : مافيها شي بس تعبانه
قابله رعد : توقعت انها بتنام
ودله على غرفتها وفتح الباب واخوانها كلهم وراه لمن نزلها على السرير صحت ولفت على رعد وبدت تبكي
: رعد
قام سعود وجلس رعد مكانه وضمها: خلاص ياعيون رعد اهدئ يابابا
لين وهي تكمل بكاها : بس يابابا كان بيموت قدامي مرام خافت عليه
( بين لين ورعد علاقه اخويه كبيــــــرة لدرجه من قبل مايموت ابوها وهي بلحظات تنادي رعد بابا)
رعد كان يطبطب على ظهرها : اووووووش خلاص

1 - 12 - 2014, 12:06 PM

اما سعود كان يحس بشعور غريب مايبي رعد يقرب منها لهذي الدرجه
" اوووف شفيني هذا اخوها وبعدين من متا اغار على هذي (لين )"
طلعو الشباب لصاله ورعد باقي معاها جوه
رائد : سعود شفيها
ريان : ومن الي كان بيموت
راكان : وشنو علاقه مرام بالسالفه
( كانو يسألون بخوف على اختهم وبتهم )
سعود : قالهم كل شي
رائد : انت متأكد ان اسمه عادل
سعود : ايوه
رائد وقف : يالله هذا صديقي وكيفه الحين
سعود : شرحلهم حالة عادل
شوي طلع رعد وجلس
ريان : كيفها
رعد : خليتها بالغصب تدخل تاخذ شور ولمن طلعت حطت راسها ونامت
سعود وقف : اجل انا استأذن وبكره اكلمك اتطمن عليها
وقفو معه الشباب ووصلوه عند الباب وطلع
بيت ابو مشعل
البنات كلهم بينامون عندها حتى مريم
نوف : رحمتها مررررره
مها : جد خصوصا انها كانت مره عسوله معانا
اسيل : هي الي اسمها مرام صح
مريم : ايوه هي
ريم وهي تاكل جلكسي جواهر :الموقف قممممه الرومانسيه
البنات كلهم ناظروها بقوووه
شهقت بأكلها : خير انا قصدي وهو يقولها احبك جد رحمتها
نوف بحزن : تخيلي يصيره شي بتموت بعده
اسيل : بنات بكلم سعود بحط على سبيكر لحد يتكلم
دقت وحطت سبيكر : مرحبا
سعود : اهلين اسوله من بعد الغرف تتصلين
البنات ابتسمو
اسيل :ههههههههههههه لا انا ببيت عمي محمد
سعود : اها قولي
اسيل : سعود كيف الولد
سعود : بخير وبنت عمه بعد بخير قبل ماتسألي
اسيل: وليون
سعود : اولا لاتدلعين زوجتي طيب ثاني وديتها وكانت تعبانه شوي لانها خافت من منظر الحادث
اسيل : ياعمري عليها طيب شكرا مع السلامه
سعود : العفو مع السلامه
نوف : ياعمري عليها يبان انها دلوعه
مريم : جد الله يعينها عاد سعود مايحب الدموع
ريم : ههههههههههههههههههههههههههههههههههه

1 - 12 - 2014, 12:07 PM

ناظرها البنات
مها : انتي شفيك اليوم شاربه شي
ريم : لا اتخيل سعود وهو يراضيها
ضحكوا البنات لان جد عمرهم ماشافوه يراضي احد الا الاطفال
مريم : اقول ولدي نام بدق على خالد يجي ياخذني
دقت عليه
خالد : هلا بقلبي الي ناسيتني
مريم : هههههههه طيب كنت بقولك تاخذ قلبك بس شكلك ماتبيه
هو كان منسدح على السرير بضيق مشتاق لــ مريم : من عيووووني ثواني
مريم : لا انت ماتبيني شكلك
خالد بهمس يذوب : مابي روحي ان مابغتك
مريم : انا ابيها هــ الروح
خالد : اقوووول شسالفتك الكلام الحلو وانتي بعيده تقولينه انا جايك مع السلامه
مريم : ههههههههههههه مع السلامه
اسيل قالت بهيام : بنات اختي طلعت روووومانسيه
البنات : هههههههههههههههه
مرت ربع ساعه وجاء خالد
مريم : بنات من تشيل انس ( مريم حامل بالشهر الثاني )
وقفت ريم : هاتيه انا بنزله
شالته ريم ونزلت مع مريم وعطتها اياه وراحت للمطبخ تحووووس كعادتها
فتحت الثلاجه ولقت حلا اوريو : اووووه حلا وماتقلي الدوووبا انا اوريها
وطلعته حطته على الطاولة وطلعت صحون وقسمته
وجلست تسوي قهوه طبعا عارفين القهوه تاخذ وقت فطلعت للبنات قالتلهم بس كانو يتابعون فلم ومتحمسين ومحد نزل معها
فرجعت نزلت لانها تعشق القهوه واكلت صحن حلا وجالسه تتمشى بالمطبخ
فلقت حلويات وبطاطسات وجلكسيات وكل شي
فحطت بصحون وحطت الحلا وفناجيل ( بيالات ) القهوه وانتظرت وخلصت القهوه وحطتها
وجات تشيل الصحن لقته ثقيق ونزلته : اوووووووووووووووف ثقيل
....: موب ثقيل بس انتي خفيفه

بمكان ثاني عند عبدالله وسعود
عبدالله : ياخي خلاص انسى
سعود عصب : كيف انسى كيييييييييييييييف قولي انسى الشخص الي كان بيموت اخوي ولا انسى عذاب سالم وقتها
ولا انسى كيف تعلمت ادق الابر عشان كان يمانع احد يمسكه غيري ولا انسى شكله وهم مربطينه لما كان يحتاج
جرعه ولا ولا ولا كيف انسى كل هذا كيف انسى نظره الانكسار بعين ابوي الي طول عمره وراسه مرفوع
ولا نظرات الحزن والرحمه بعين امي على ولدها ولا خوف اسيل ومريم
عبدالله : طيب ابوها غلطان هي شذنبها
سعود : ذنبها انه ابوووها
عبدالله : ياسلام
سعود عصب وطلع
عبدالله : الله يصلحك بس

1 - 12 - 2014, 12:08 PM

بيت رعد
صحت لين بعد مانامت يمكن ساعه وطلعت لصاله لقت اخوانها صاحين على التلفزون
راحت وجلست عند رعد وحطت راسها على كتفى
فحرك رعد كتفه واحتواها وصار راسها على صدره : شفيك صحيتي
رائد : غريبه السعه 1 مفروض نايمه
لين : نمت وصحيت
رائد : اكيد لانك ماشفتيني اليوم كثير
لين ابتسمت : يمكن
ريان : يازينووو الحلوو الي يبتسم
راكان شافها زادت ببتامتها فطمر عندها : لالا نبي ضحكه مو ابتسامه
لين : مابي
ضحك رعد عليها
راكان ناظر بقهر : ماتبين هااه طيب اوريك
ومسكها بقوووه وهو يدغدغها
لين : هههههههههههههههههههههههههههه رعد ههههههه فكني راكان هههههههههههههههههه
رعد بعد راكان وهو يضحك : هههههه خلاص يادب فكها
لين : سمعت دووووووووووووووب
رائد : ههههههههههه راكان امسكها مره ثانيه وانا معك
راكان قرب منها وهي صرخت وتمسكت برعد : بابا شوفهم
رعد كان يضحك على شكلها : هههههههههههههههه خلاص امسحوها بوهي ولا تجونها
وجلسووو سوالف واستهبال لنص ساعه وبعدها وقفت لين : بروح انام تصبحون على خير
وراحت باست كل واحد بخده ودخلت نامت

نرجع بيت ابو مشعل
نوف : بنات حرام ريموو لحالها تحت
مها : لا معليك بتجي الحين

بالمطبخ
وجات تشيل الصحن لقته ثقيق ونزلته : اوووووووووووووووف ثقيل
....: موب ثقيل بس انتي خفيفه
لفت بقووووه وبخوف وبصوت اقرب للهمس : مشعل
مشعل : عيووون مشعل انتي اطلعي فوق وانا بحطلك الصحن بالاصنصير وتالي خذيه

استحت منه مررره خصوصا انها قبل بفتره المراهقه كانو يرسلون لبعض بأوراق رسايل حب
بس من بدت تتغطى نست هذا الشي كليا
ركضت تبي تطلع بس مشعل مسكها من ذراعها بقووووه وباسها على خذها : تراني باقي مجنون ريم

تم الجزء السادس
واعتذر انه قصير
انا رجعت احد ابطال روايتي للحياه ياترا برجع غيره بالاجزا الجايه ؟
مشعل وريم قصه حب في المراهقه معقول تكون مستمره ؟
تحياتي

المواضيع المتشابهه لموضوع: رواية ياغايتي لو كان لضلوعي لسان قالت تعال ارجوك محتاجه عناق لموضوع: رواية ياغايتي لو كان لضلوعي لسان قالت تعال ارجوك محتاجه عناق
الموضوع	كاتب الموضوع	المنتدى	مشاركات	آخر مشاركة
رواية قلت احبك قالت حب انتقام ولا تملك قلت ليه هو الحب عندك انواع	البارونة	همس للقصص وحكايات وروايات	140	27 - 10 - 2024 08:32 AM
شيلة كان الوعد ما بيننا ‏لا قالت عيونك تعال	همسة الشوق	همس الشعر و الشيلات الصوتيه	4	29 - 8 - 2017 10:45 AM
هذي انا ياغايتي ميت فيك	ياقلبي اكتفيت	همس الشعر والقوافي	6	7 - 9 - 2015 02:26 PM
خلفيات اي فون ضايقة بالحيل محتاجه اشكي	أداري حبك	همس موبايلات الاندرويد	13	22 - 3 - 2013 07:51 PM
محتاجه لك والحاجة م الاختراع	صمتي شموخ	همس الشعر والقوافي	1	5 - 2 - 2011 05:49 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع