رواية ياغايتي لو كان لضلوعي لسان قالت تعال ارجوك محتاجه عناق - الصفحة 8

2 - 12 - 2014, 09:46 AM

اليوم الثاني الصباح

......: دمرها فاااااااااااااهم

........: بس الفلوس ابيها كاش وانا عندي مهمه الحين اخلصها بعد شهر وابدا بالي تبينه

........: خلاص انا بتولاها الين تخلص

وقفلت بوجه

--------------

الشركه

ابو سعود : احنا بخساره مستمر هانا ابي اعرف السبب

من الجاسوي بينا الي ينقل كل اخبارنا لشركات المنافسه

فلاح : هذا الشي توه صاير معناتها الجاسوس جديد

ابتسم رعد بسخريه

فلاح : رعد انت مفروض مايكون لك وجود بينا

صراحه لان مو موثوق فيك

ابو عبدالله : غلطان يافلاح رعد منا وفينا

رعد وقف : عهد علي مادخل هالمكان الا بيدي دليل على الجاسوس

وناظر بثقه وطلع بعد ما استأذن

ابو مشعل : فلاح رعد منا فينا مثل ماقالك ابو عبدالله موب من حقك تصغره بذي الطريق هانا ما اسمحلك

ابو سعود : وهم صادقين روح واعتذر منه مافيها شي

فلاح " اوريكم ماكون فلاح ان ماخليتكم على الحديده وخلو رعد ينفعكم"

وطلع ولاهو معبر الي يكلمونه

ودق على رقم مجهول

........: انهوا حياته خلال الشهر الحالي فاهمين بيفضحنا وانتوا الخسرانين

الطرف الثاني : من قصدك

فلاح : رعد راشد الـ...................

الطرف الثاني : اوكي ناوين من اول اساسا وجاء الوقت

قفل فلاح وكان فيه شخص يسجل كلامه

-------------------

2 - 12 - 2014, 09:52 AM

لندن

صحت الصباح وهي تحس براحه كبيره

وتذكرت المستشفى امس وعبست وجها وقامت اخذت شور من غير ماتمس الحرق وطلعت لبست وصلت ونزلت تجهز الفطور لـ سعود

نزلت ودخلت المطبخ وحضرت الفطور وطلعته في طاوله الاكل وكانت بتطلع تصحيه لاكن لقته نازل وجلس يفطر وهي واقفه

كلمها من غير ما يناظر فيها : اجلسي كلي بقالنا 4 ايام متزوجين ولا شفتك تاكلي لايكون تسوي رجيم وناظر بسخريه بجسمها

الي صار مثل اجسام الاطفال نحفت كثير وهي من اول نحيفه اساسا وماتكل ابدا الى الشي الي يعيشها

لين : مالي نفس

وقف سعود بعد ما خلص اكل : كلي ولا عاجبتك روحتنا للمستشفى

ناظر فيها وحس بخوفها من ذكر المستشفى

وقرب منها ومسك فكها ورفع وجها له : انتي شنو مخوفك من المستشفى كذا

لين عيونها امتلت دموع بخوف

رجعت بذاكرتها لسنتين ورا

{ بععععععععععععععععععععععععععععععععععععععععععد مني ياكلب ابعد

كانت تبكي بجنون وتصرخ بجنون اكثر من الحيوان البشري الي يهاجمها }

ماكملت الذكرى لان سعود هزها : تأكدي بيوم بعرف الي يدور براسك الحين

وطلع من غير مايناظر شنو سوا بالانسانه الي وراه

كانت تحس بالضعف والانكسار

" مابتعرف ياسعود الا برغبتي "

انا : ذيک ..

اللي / ورى صمتہا
كثيراسباب : / !
صعب بَاوجاعہا
تتكلم .. و تسرد
حکاۈيہآ )"

2 - 12 - 2014, 09:52 AM

Ksa

مشعل : ههههههههه طيب انا مو موافق

ريم : مو لازم توافق

مشعل : بالله

ريم : والله

مشعل : ياريم ياحبيبتي انا ابي عرسي بعد شهر ونص او شهرين اما انك ترميني لسنه الجايه ليه

ريم : عشان دراستي

مشعل : دراستك اهم مني

ريم : لالا اووف طيب سو الي تبيه بس مو بعد شهر اقل شي بعيد الفطر

مشعل : هههههههه اساسا انا مجهز كل شي على 4 العيد

باي ياحوبي

ريم : باي

مشعل : بس

ريم : فامان الله وحفظه

مشعل : بس

ريم : ايه انا بطلع مع البنات السوق وبس

مشعل : اعوذبالله انا مالي كلمه حلوه

ريم : لا ومع السلامه

وسكرت وهي تضحك عليه

" مشعل بيصير زوجي بعد بعد 5 شهور اووه يالوناسه هههههههه قال ايش بعد شهر "

وقامت تجهز لانها بتطلع السوق مع البنات

--------------------

بريطانيا

بالشركه

نوف : هههههههههههههههه احسن

عزوز ناظر فيها بابتسامه : ياكافي ترا طحت طيحه خفيفه مو محتاجه لضحك كذا

نوف تتذكر شكله كلن مسرعيبي يدخل المكتب واول مافتح الباب الفت رجوله وكان بيطيح

( لاتستغربون ضحك نوف اوقات من قوه الالم نضحك على اتفه الاسباب )

2 - 12 - 2014, 09:54 AM

نوف انحرجت منه وسكتت

عزوز : هههههههههههههههه عرفت كيف اسكتك

نوف ابتسمت لان اول يوم يكون حلو لهم الاثنين من اول ماتزوجوا

وكملوا يومهم براحه وضحك

-----------------

Ksa

صحى من النوم بتعب ودق على طول على عبود

اول مارد : عبود تعبان كثير تكفى تعال خذني قبل مايجون الشباب من الشعل

تنهد عبود : طيب اجهز انا اساسا على طريق بيتكم

وقفل منه

حاول يقوم من سريره بس ماقدر ابدا يبي يقوم بس يحس انه تعبان وفي خمول قوي

دق الجرس عبود بس ماطلع له رائد

وجواله دق ولقاه رائد عقد حواجه باستغراب ورد : انا عند الباب افتح

رائد :عبود روح ما قدرت اتحرك من السرير

عبود : حاول يارائد او ادق على واحد من اخوانك يجي

رائد : لا لا تدق على احد اسمع فيه مفتاح تحت النخله الي باليمين

عبود راح يدور وفعلا لقاه ودخل البيت

وتوحه لغرفه رائد وتقدم منه بسرعه ويحس نبضه ويشوف حرارته : رائد نبضك طبيعي وحراراتك بعد انت من متى مو ماكل

رائد : من راحت لين

عبود اول مره يصرخ عليه : مجنوووووووووووووووووووووووووون انت مجنون وش ذا الهبل والله يارائد والله لو ماتتعدل ان تلقى رعد عنده خبر

انت مريض بالقلب وحياتك بخطر وماتجي تاخذ الابر ولا الحبوب الي قلتلك عليها وفوق هذا كله حارم نفسك من الاكل

رائد : عبود روح جبتك عون موب فرعون

عبود تنهد بغضب وساعده يقوم بالقوه ووصله لسياره ونيم المرتبه وربط الحزام له وقفل باب البيت ورجع المفتاح مكانه

وحرك للمستشفى

2 - 12 - 2014, 09:54 AM

ابو سعود : تامرين يالغاليه باخذ للبنات اجازه اسبوع وسعود بيكون موجود هو وزوجته
الجده : والله ان زوجته حبيتها ودخلت قلبي بس ماجلست معها واجد
ابتسم ابو سعود : ايه والله انها تنحب هي واخوانها
الجده : واعزم اخوانها لاتخليهم وخوات سعود بعد كلم ابو ثامر ( ابو اميره وخواتها )
ابو سعود : العلم بيوصلهم كلهم ان شالله بعد ثلاث اسابيع اجتماعنا هنا

--------------
بعد مرور اسبوعين على ابطالنا

سعود ولين على حالهم لا يكلمها ولا تكلمه تقوم من بدري تجهز فطوره واول مايروح تنظف البيت وتسوي الغداء ويجي ياكل وينام ويرجع لدوامه وبعدها تسوي العشاء وحرقها خف بس بقاء اثر خفيف مره يروح مع الكريمات وسعود ملاحظ ذبولها ونحفها الزايد بس مو معطيها اهتمام
وكانت تكلم اخوانها كل يوم
واليوم موعد رجوعهم للوطن
^^
عزوز ونوف عايشين حياتهم مثل ماهي بس كل يوم يقربون من بعض اكثر واكثر صاروا يتكلمون بكل شي مع بعض وحياتهم حلوه كلها ابتسامات وضحك وهستره بس الي بالقلب بالقلب وباقي على رجوعهم لسعوديه 4 شهور
^^
مشعل وريم عصافير الحب في الروايه كل يوم يكلمون بعض بالساعات وتقابلوا مره وحده ولقاهم مثل لقائهم الاول
^^
عبود انشغل كثير ونسى شي اسمه مها ونسى موضوع الخطبه مره وحده ولا رجع يفكر فيها وكان يفكر برائد
^^
رائد تنوم يومين بالمستشفى بسبب اهماله وكان السبب قدام الكل سوء تعذيه ومن طلع انتظم بالحبوب والاكل وفي الاسبوع يروح يومين المستشفى ياخذ ابر وحالته تحسنت شوي
^^
رعد يجمع الادله حول فلاح ناوي يدخله السجن الي سواه فيه وفي عايلته مو سهل هو السبب في كل الي احنا فيه وبوريه مقامه وبعد اليوم الي خرج من قاعه الاجتماع معد دخلها ابدا
^^
فلاح على اتصال بشركائه الاجانب لقتل رعد والتخلص منه لانهم ناوين ينصبون على نص شركات السعوديه وللاسف فلاح هو اليد اليمين لهم
^^
ريان زراكان من الشركه للبيت ومن البيت لشركه للمسجد واوقات يطلعون مع اصدائهم
^^
نوره تداوم بالمدرسه عادي بس فاقده لين كثيييييير وودها ترجع باسرع وقت ولو صحيح حسابها لين بترجع اليوم
^^
مرام وعادل زواجهم بعد 3 شهور وعايشين حياتهم بالطول والعرض يطلعون مع بعض ويتمشون ولا عليهم من احد
^^
اسيل ومها مثل ماتكناهم دوام للجامعه وطلعه اسواق وضحك وهستره وانواع الهبل
^^
مريم وخالد رافع ضغطها لاتسين كذا ولا تشيلين هذا ووو من خوفه عليها وعلى الي ببطنها ومو مخليها تتحرك وانس اكثر الوقت مع امه او امها او البنات
^^
خوات سعود من الرضاعه وبنات خالتهم كمان مثل ماهم ماتغيروا الا ان سماء قدمت بعثه للخارج وبتروح تدرس في بريطانيا بعد شهرين
لحالها
^^
شذى تفكيرها الارهابي مستمر وباقي تفكر بأيش ممكن تأذي لين فيها
وللاسف لقت افكار كثيره بتنفذها من وصول لين
^^

ان ش�

2 - 12 - 2014, 09:55 AM

ان شالله ماكون نسيت احد من شخصيات الروايه
--------
لندن
كانت تلم اغراض وملابس سعود واول ماخلصت لمت اغراضها وملابسها وعرفت منه انهم بيروحون بطيارتهم الخاصه نزلت الشنط بطلوع الروح ونزلت وجلست على الكنبه ورجعت راسها لورى وغمضت عيونها

سعود دخل وشاف الشنط منزلتها وهي جاهزه ونايمه على الكنبه بس يحس بالذنب من شكلها كانت عظامها تنعد من نحفها وهي طولها متوسط فالي يشوفها يقول طفله او وحده بالمتوسط مو متزوجه
: لين
قامت بسرعه من سمعت صوته ووقفت وتوجهت لشنطه ع انها بتشيلها
سعود : اطلعي لسياره انا بجيبها
وفعلا طلعت وركبت وهو دخل الشنط وركب وحركوا
ووصلوا المطار وخصوا اجرائاتهم وركبوا الطياره وتحركت عائده لارض الوطن

وبعد 6 ساعات وعليها >>مادري الوقت صح او لا
وصلوا للرياض مهبط رأسهم
ونزلوا من الطياره وراحوا البيت وكان الوقت فجر وراحوا على فلتهم ودخلوا
وهي لاحظت ان البيت نظيف مره وريحته حلوه عرفت ان خدامات بيت عمها هم الي نظفوا
طلعت شنطه سعود فوق وطلعت اغراضه ورتبتها ودخلت الشنطه بمكانها وراحت تحت واخذت شنطتها وسوت نفس الشي وبعدها اخذت بنطلون رمادي سكني وبلوزه وردي رايقه تناسب الصباح واخذ تشور وطلعت ولبست عدلت شعرها ونزلت له لقته كمان ماخذ شور ولابس بنطلون اسود وبلوزه بيج حلوه
لبست شرشف الصلاه عليه وطلعت معه ودخلوا القصر وراحوا على مكان الاكل ولقوهم كلهم موجودين وسالم سلم على سعود وسال عن حال لين وطلع لجامعته وجلست لين وسعود معاهم ع نفس الطاوله وهي حاسه بنظرات ام سعود الحاقده عليها بس ماعطتها اهتمام كبير
تذكرت ان اليوم اربعاء واكيد نوره ومرام مداومين كنت بداوم بس سعود مارضى
ليست الصدآقهہ آلا نفترق ‘
الصدآقهہ هي آليقين
أننآ و آنآفترقنآ ‘
فلا شيء سيتغير
•○○○•

يالبيهم وحشوني حيل يالله يومين واشوفهم خلصوا الفطور والخدامات شالوه وسعود وابوه راحوا الشركه واسيل الجامعه وبقت لين مع ام سعود
ام سعود : ليش احرقتي شذى تراها اغلى منك عندي
انصدمت لين لان فجأه سالت هذا السؤال وهي اساسا ماحرقتها : بس ياخالتي ماحرقتها والله
ام سعود وقفت : لاتحلفين بالله كذب تكذبين شذى قدامي
وراحت المطبخ
لين تنهدت " وبدت حرب التجريح سعود وامه وشذى وامها ياترى من باقي "

انتهى الجــ13ــزء

رائد بعد 13 جزء باقي عايش بيكمل ولا خلاص؟؟
نوف وعزوز بدايه شراره الحب بينهم في شي بيخرب صفوهم ؟؟
سعود وهدوءه الغريب هل هو الهدوء الذي يسبق العاصفه ؟؟
ام سعود وكرهها للين بسبب شذى بيستمر ؟؟
المزرعه تحمل مفاجئات كثيره توقعوها ؟؟

2 - 12 - 2014, 09:56 AM

الروايه

للكاتبه

| همسي يناديك |

الجـــ15ـــزء

يوم الاربعاء كانت كل العوائل تجهز لروحه للمزرعه بعد الظهر على طول

بيت ابو سعود

اسيل قالبه البيت فوق وتحت تجهز وموصيه سالم مسكين بالشمس يجيب لها اشياء كثير جلكسيات ومشروبات وحركات البنات *-^

وهو رجع لقاها بالصاله تنتظره

ضحكت مره من شكله كان وجهه محمر وشماغه على كتفه

طالع فيها بقهر : ايه اضحكي وش عليك انا الي انكرفت عشان ملاك بس مو عشانك

......: وانت وشدخلك بــ ملاك

لف سالم : سعود

سعود ابتسم له : لاتكون تحبها تراها محجوزه لي

سالم بهت وجه وبلحظه نسى ان اخت سعود : بس انت متزوج

سعود : ههههههههههه يعني تحبها

سالم : هااه لا

سعود يكلم اسيل: الحين سلوم صار غبي نسى انها اختي

سالم : اممممما والله نسيت

سعود واسيل : ههههههههه

سعود : ترا ملاك بنتي لو تبي اخطبها مني

سالم : خلاص اعتبرني خطبتها

اسيل تناظره بصدمه : مو كنت تقول مابي اتزوج الحين

سالم : لا هونت بس هي بتقبل فيني يعني كنت مد....

قاطعه سعود : ســــــــــالم الموضوع هذا انتهى من خمـــ5ــس سنين <<علم نفسك

اسيل : سعود صادق انسى الموضوع راح من زمن اذا انت مانسيت كيف الناس بتنسى

سعود : كلامها صح

ابتسم سالم بحب

وكان بيتكلم بس قطع عليه صرخه بنت

وبثواني كانت بنص الصاله وتضحك وتصرخ : سعوووود بابا بيجيبلي قطوه ( بسه)

( طبعا انتم بتقولون عادي جايه بعبايه بس لا لان فيه باب بين قصر ابو ثامر وابو سعود مرتبط ببعض )

سعود شاف اسيل كيف تضحك وسالم كيف منصدم

ضحك بقوه وقام ضم ملاك بحيث يغطيها من عيون سالم وسالم طلع برا بسرعه

ملاك بعدت عنه وهي تبتسم : كل هذا شوق لي

هنا عاد اسيل راحت فيها لان اولا ملاك مانتبهت لسالم الي جالس بمكان بعيد عن الباب بحيث الي يدخل مايشوفه

وثانيا لانها للحين ماعرفت

ملاك ناظرت فيها ورجعت تناظر بسعود الي كاتم ضحكته عشان مايحرجها

ملاك : سعووود اختك انهبلت

سعود حاول بس ماقدر خصوصا من ضحك اسيل الي يزيد : ههههههههههههههههههههههههههههههههه

ملاك استغربت مره : شفيــــــــــــــــــــكم

سعود : لعد تدخلين بيتنا بهاذي الطريقه اولا طالعي شنو لابسه

( كانت لابسه فستان وردي لركبعه وساده مافيه شي مطلع شكلها طفولي )

وكمل : لان فيه فالبيت سالم بعد مو انا لحالي

بهتت ملامحها

2 - 12 - 2014, 10:01 AM

وهو كمل بابتسامه : ترا سالم كان موجود اول مادخلتي

وطلع لان حس بوجها بدا يحمر من الاحراج ومايبي يحرجها زياده

اما اسيل فزاد ضحكها من شكل ملاك المصدومه

ملاك طلعت تركض لبيتهم

" الله يخرب بيتها من قطوه والله ماجيبها عفتها ">>ماتنلامين

صلاه الظهر كانت كل العوايل ببيت ابو سعود

ومتوزعين بالسيارات

سعود كان بباص جايبينه عشان رحلاتهم الصغير مو كبير

والبنات كلهم معه

( لين – اسيل – مريم – اميره- ملاك – سماء- ود – لتين – مها- ريم- تولين – امل – دانه – شذى )

وطبعا لين في الكرسي الي جنبه

وهبال خصوصا ان البنات كلهم يعتبرون سعود اخوهم

ماعدا لين زوجها وشذى حبيبها

والسياره الثانيه

كانت جمس والاولاد كلهم فيها

( عبود – خالد - مشعل –سالم - حمد – فيصل ( ولد ابو ثامر ) - معاذ ( اخو تولين وخواتها ) – رعد – راكان- ريان- رائد )

وام سعود وابو سعود ماخذين ام شذى والخدم معاهم

وابو عبدالله وام عبدالله وابو مشعل وام مها بسياره وحده

وصلوا المزرعه حدود الساعه 3 ونص ونزلوا الشغالات اغراضهم وودوها ووزعوها على الغرف وراحوا المطبخ

والكل بدون استثناء عند الجده برا بالحديقه فارشين وكلهم جالسين

والبنات بغطاوبهم

كان عادي الوضع عندهم لانهم تعودوا على هذا الشي الا لين واخوانها

الجده بصوت عالي : فين زوجتك ياسعود

سعود اشر على لين : شوفيها ياجده

الجده : ياهلا ببنتي اخبارك

لين ردت : بخير

بس كانها ماتكلمت فقالت اسيل للجده : جده تقول انها بخير

الجده : هاو وراها ماتكلمت

اسيل : تكلمت بس ماسمعيها

طبعا اسيل الكل متعود عليها وصارت مثل اختهم كلهم

ماعدا واحد <<بتعرفونه قريب

الجده : يقولون البنات انك نحفتي يابنتي وانك تعبانه

اخوانها خافوا مره عليها

سعود حس بغيره مايبيها تتكلم قدام الكل : ياجده افهمي زوجتي تستحي مابتتكلم

2 - 12 - 2014, 10:02 AM

ابو سعود : اهم شي راحه ليون ( وابتسم بحب ووقف ) يالله قوموا نروح للمجلس خلوا البنات ياخذون راحتهم

وفعلا قاموا وراحوا بس سعود اخذ لين معه لغرفته ودخلها وهي تتطالع بالمزرعه ومو معه منبهره بجمالها

اول ماصك الباب حست ولفت له

سعود : خليك هنا اخوانك بيشوفونك

ابتسمت باشتياق

ومن غير شعور : حبيبي شكلوا تعبان

سعود بغضب : مين

لين : رائد تعبان موو ؟

سعود ابتسم على نفسه يعني من بيكون : لا موو تعبان

ودق الباب وفتح سعود لهم وكان اول واحد رعد

نطت له بسرعه وضمته وهي تضحك كانها طفله من زمان ماشافت ابوها : هههههههههه وحشتني كثيـــــــــــــــــــــــــــــــرات بابا

رعد : ههههههه ياعيون بابا وانتي اكثر

وبعدها عنه : وش هالجمال ماعرفتك

ريان قدم وبعده : ههههههه والله صادق محلوه اختي العزيزه

وباسها على خدها

وراكان : الزواج حلاها والله

وكمان سوا مثل تؤامه وباسها على خدها

سعود ماوده انهم يتكلمون كذا ومايدري ليش <<اسمها غيره ياسعود

لين انحرجت منهم وحطت يدها على وجها : خلاص مابي اشوفك اطلعوا

رائد وهو يبعد يدها : حتى حبيبك

لين اول ماشافته ضحكت وضمته بقوووه وهي تضربه على ظهره : ههههههههههه ياعيون حبيتك شوفا لدبب يتكلمون علي

رائد : هههههههههه ماعاش من يتكلم عليك

وبعدها عنه : وشرايك اطردهم

لين : هههههههه تسوي خير

رعد : افأ تطردين بابتك

لين : لا انت لا

ريان وراكان بنفس الوقت : ويهون عليك حياتك

لين : لالا ولا انتوا

رائد : اجل انا

لين : ههههههههه لا خلاص انا الي بطلع

كلهم ضحكوا عليها لانها جد كانت بتطلع بس سعود مسكها: فين فين

اجلسي

رعد : ماتخلى الجلسه بلاك

لين رجعت وجلست : لو انكم ماحلفتوا بس

الكل : هههههههههههههههه

ريان : اوم الثقه بس انقلعي

سعود : ريانوه ماتطرد زوجتي

لين ابتسمت

راكان : قوم قوم ياتؤامي لو جلسنا اكثر انطردنا

وفعلا وقفوا

لين : هههههههههه اجلسوا عاد

جلسوا وقالوا بنفس الوقت : لو انك ماحلفتي بس

الكل : ههههههههههه

لين : اشفيكم ضعفانين كذا

رائد : والله الي يطبخ راكان واحنا ياحياتي علينا ماناكل مسوي فيها يعرف يطبخ وهو من جنبها

لين : هههههههه

2 - 12 - 2014, 10:03 AM

وبانت غمازاتها لسعود وكانت اول مره يشوفها بهالوضوح

غمّازتينـك كـل ماتضحـك تـبـان

أضحك عشان تبان أكثـر فديتـك !!

ملامحك كـأن فيهـا مـن الأسبـان

كل ماانتهيتك جيـت ثانـي بديتـك !!

راكان : اقووول من الي يقومني من النوم يقول قوم اكلني ويقلد رائد : ركووني تكفأ قوم اكلني والله جايع

رعد : هههههههههه وهو صادق وبعدين راكان اكثر واحد طبخه زين

ريان : انا الي مدربه ولا ماكان صار كذا

لين : ياوااااااااااااااااااااااااااثق

راكان : هههههههههههههه يافديت روح الي تدافع عني

سعود : اقووول لاتتفدى زوجتي قدامي

رائد يصفر : حركات اشم ريحه غيره

لين : رائد اطلع براااا

الكل : هههههههههههههههههههههههههه

وكملوا سوالف وضحك واستهبال لنص ساعه وراحوا لرجال ولين راحت للبنات

عند البنات

امل كانت حايسه ابوهم هواش وطق وكل شي

: احممم طبعا ماتقدرون تتحدوني يالجبانات

ريم : اوووووف بنات خليكم منها شرايك اقول لكم نكت

سماء : هههههههه قولي

ريم : واحد قصير…… اهله مايخلونه يدخن في البيت ؟؟؟ يخافون يحرق الفرشة

الكل : هههههههههههههههههههههه

تولين : ياحرام شكله متحطم

لتين : ههههههههههه بقوه

امل : انا بقولكم نكته بعد

البنات : قوووولي

امل: عجوزطاحت من الدرج قدام اولادها تبغى تصرفهاقالت: شفتواالحركه

البنات : ههههههههههههههههههههههههههههههههههههههههههههههه

لين : ياحياتي هههههههههه

امل تناظرها بنص عين : روحي عالجيها احسن

البنات : ههههههههههههههههههههههه

ود : مو بعيده تسويها

البنات : ههههههههههههههههه

لين : دبب ( كلمتي خخخخ)

البنات يبون يقهرونها : هههههههههههههههههههههههههههه

امل : طيب خلاصص بقولكم نكته ثانيه

البنات : قوولي

امل : سعودي يفتح الثلاجة على مهله ليه؟؟؟...عشان يعرف مين بيشعل الضو

البنات سكتوا شوي يستوعبون النكته : ههههههههههههههه

ريم وهي باقي تضحك : انا بعد عندي وحده

ملاك : قوولي

ريم :محشش يكتب المحاضرة مع الدكتور , كل ما مسح الصبوره شق الورقة !

البنات كمان ضحكوا بقووه وهم يتخيلون نفسهم يسون كذا

( صبايا النكت من صقيقتي الغاليه ريموو |احاسيس مبعثرهـ| )

وكملوا سوالف وضحك

المواضيع المتشابهه لموضوع: رواية ياغايتي لو كان لضلوعي لسان قالت تعال ارجوك محتاجه عناق لموضوع: رواية ياغايتي لو كان لضلوعي لسان قالت تعال ارجوك محتاجه عناق
الموضوع	كاتب الموضوع	المنتدى	مشاركات	آخر مشاركة
رواية قلت احبك قالت حب انتقام ولا تملك قلت ليه هو الحب عندك انواع	البارونة	همس للقصص وحكايات وروايات	140	27 - 10 - 2024 08:32 AM
شيلة كان الوعد ما بيننا ‏لا قالت عيونك تعال	همسة الشوق	همس الشعر و الشيلات الصوتيه	4	29 - 8 - 2017 10:45 AM
هذي انا ياغايتي ميت فيك	ياقلبي اكتفيت	همس الشعر والقوافي	6	7 - 9 - 2015 02:26 PM
خلفيات اي فون ضايقة بالحيل محتاجه اشكي	أداري حبك	همس موبايلات الاندرويد	13	22 - 3 - 2013 07:51 PM
محتاجه لك والحاجة م الاختراع	صمتي شموخ	همس الشعر والقوافي	1	5 - 2 - 2011 05:49 PM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع