رواية يعشقني من قلبه هو قال

10 - 12 - 2014, 09:26 AM

بعد اسبوع ..
في بيت ابو رامي ..
ام رامي : ريماس بنتي متى بتروحين تاخذي لك اغراض خطوبتك ..؟؟
ريماس : مادري يمه ..؟؟
ام رامي :شرايك نروح بكرة ..؟؟
ريماس : اوكي وبقول لسارة ورزان يجون معي ..
واليوم الثاني ..
رجعو من السوق وراحو ع طول بيت سارة ..
سارة : وي وي كسرتني ريماسوو ماخلت محل مادخلته والاغراض كسرت يدي إي اح اخ(((إي اح اخ يعني توجعني ^_*))) ..
رزان : اي يمه لحقي علي رجولي موب قادرة احركهاا كله منك ياريماسوو اهي تنخطب واحنا نتكسرر ..
ريماس : يووووه منكم خلاص كله مني حشى شسويت ..
.................................................. ...............
يوم الملكة .. بعد ما ملك الشيخ وراح العريس يشوف عروسته ..
في غرفة الضيوف الثانية الي ببيت ريماس ..كان بدر يستنى تجي خطيبته ..
جات سارة ومعاها ريماس بيروحو لبدر ..
دخلو الغرفة ..بدر قام ع طول
ريماس : السلام عليكم .
بدر : وعليكم السلام دخلي ليش عند الباب هذا بيتك بعد ..
سارة : بس اهي تدخل ..؟؟؟
بدر: اي ليش عندك مانع ..يالله روحي وضفي وجهك ..
سارة : مابي اروح اصلا هناك الجو حار بس هنا برااااد واااي ..
ريماس ضحكت ..
بدر : وي تسلم لي هالضحكة ..
سارة: اووووو رومانسي ..
صار بدر ياشر لسارة تروح من الغرفة وسارة مو راضية ..
بعدين ام بدر نادت ع سارة ..
بدر: امي تبيك انقلعي ..
سارة : رايحة وبرد لكم قعدتكم تونس ..
بدر: روحي ولاتردي ...
راحت سارة وبقى بدر وريماس ..وظلو فترة ساكتين وبعدين ..
بدر: اممم .. ريماس ..
ريماس :نعم ..؟؟
بدر: ابيك تتكلمي لي عنك ...
ريماس : عني ..؟؟ ..طيب شقول ..؟؟(( البنت مستحية ..))
بدر: اي شي ..
ريماس : انت تقول بالاول ..
بدر: طيب ...انــ... (قاطعتهم سارة ..)
سارة : افري بدي ساي جيززز ..
بدر: ((هذي شجابهااا ..))؟؟ ..خير ..
سارة : لاتخاف مابقعد معاكم ..بس جيت اخذ صورة واطلع ..
بدر: يالله صوري ..
سارة : عدل وجهك انت ومرتك عشان اصور ..
بدر مسك يد ريماس وحطها ع رجله وابتسمو ابتسامة عريضة و...كليك ..((صوت الكاميراا ..))
راحت سارة بعدين وكملت جلستها مع رزان ..

10 - 12 - 2014, 09:30 AM

سارة : مساكين كل شوي ورحت لهم فجأة احسهم بيقتلوني ..هههههههههه
رزان : الله يعينك من ريمااسوو اذا جت لك بكعبها العالي تكسرة عليك ..ههههههههههههههههههههههههه
ساارة : يبي لي اسوي حصن بتجيني المتفجرات من ريماس وبديررر ..هههههههههههههاااي ويوووو ..
.................................................. ..........................
في المستشفى..
سالم سرحان بعالم آخر ..
عمر:سالم سلوووووم سليم
سالم:ها ايش تبي
عمر:ايش فيك ليش وجهك كذا شاحب هذا وانت دكتور تنصح الناس انصح نفسك
سالم:والاخير عمر اطلع احسن لك ..
عمر:اوووووووف منك ايش فيكم عليي انت واحمدوو
سالم وقف وطلع من مكتبه ..
عمر:هييي انت اكلمك ترا
سالم مارد عليه ..
عمر :ياربي من هالولد بجنني
دخل احمد:هي انت ايش فيك تكلم روحك لايكون جنيت
عمر: عساك انت الجنون قول آميين صار لي ساعه اكلمك من شوي ولا ترد عليي
احمد: ياخي خلني اكلم المدام ايش فيك
عمر:احنا وهالمدام
احمد:اقوول لاتغلط عليها
الا برنه جوال سالم((اكتفيت من المحبه وقلبي من همك اكتفى)))
احمد:إلا وين سالم؟؟
عمر:مادري والله ايش فيه صار له 3 اسابيع مو على بعضه مادري ايش صاير فيه
احمد:الله يستر
عمر:يالله تعال معي خلنا نروح نشوفه..
وهم يدووروو بأنحاء المستشفى
احمد:مو كنا هذاك سالم ؟
عمر:ايووة بس من الي واقفه
راحوو له
كان قاعد على كرسي وفوق راسه بنت تتغزل فيه
عمر: هيي انتي ترا حنا بمستشفى مو بملاهي تلعبين
البنت:والله تصدق انه هو احلى منك بكل شيء
بس ليه كذا شاحب
احمد:اقول خلصي امشيء لا انا بنفسي اللحين اخليك تطلعي
البنت:لاحوول ..ودارت لسالم الي كان سررحاان ...(يالله باي حبيبي)
عمر :هيي شنو حبيبي ماحبيبي انقلعي
ومشت عنهم البنت..
احمد بمزح :وانت كل مانشوفك إلا البنات يتغزلو فيك
سالم بعصبيه:ايش اسوي يعني تبيني اقوم احب راسهم واقولهم تكفوو لاتتغزلو فيي
ولا تبغاني اخذ وحده وحده واقعدها فوقي واقولها لو سمحتي لاتتغزلي فيي قدامكم
احمد الي انصدم من كلامه القوي :سالم انت ايش فيك
سالم :مافيني شيء
عمر حب يهدأ الوضع:احمد ماتبغى تكلم المدام غرييبه
احمد :لا بقعد هنا على قلبك
سالم ((آه بس لو وافقتي عليي ياريماس كان اللحين صرنا اسعد مخلوقين))
عمر:سلووم وين رحت
سالم:ها ايش تبي؟..
عمر :شباب انا قررت اخطب
سالم:تخطف!!!!!!
عمر:ههههههههههه اخطب ياولد اخطب
احمد:ومن البنت الي داعيه عليها امها وبتتزوجها
عمر طالع بأحمد من فوق لتحت: قصدك من الي امها داعيه لها
سالم:اممممم ومن تبي تخطب؟؟..
عمر :امزح مابخطب بس امي صار لها اسبوع تفاتحني بالموضوع وانا كلا اسوي له دلييت
ومادري ليش طرأ على ببالي اللحين
احمد يغمز لعمر:لا الولد يحب
عمر:حبتك ام اربع واربعين انا قلبي ماحد يسكنه ولا راح اخلي احد يسكنه بعد
احمد :نشوووووووف...

10 - 12 - 2014, 09:32 AM

مرحبااا بكم من جديد..

علي:رزرز
رزان:والاخير معاك متى بتسكت
علي:يااربي منك لحد اللحين زعلانه؟..
رزان بعصبيه :ووووووووووف منك
علي: امممم قومي باوديك البحر
رزان:سوري
عبدالله:رزان انتي ليه زعلانه من علاوي
علي ببتسامه:هههههههه لعبت عليها وسويت روحي بامووت
رزان التفتت له :وحضرتك مستانس
عبدالله: ياربي منكم كلا تتهاوشوو ووووف ملييييييت منكم
.................................................. .............
سااره تكلم صاحبتها بالماسنجر..
ساره: الصراحه خالك ثقيل دم
رغد:بالعكس صدقيني خالي طيب مافي مثله..
ساره: كيف مافي مثله مع شكله
رغد:هههههههه لا بجد هو يعاند بس ترا حليوو
سااره:امممممممممم تخيلي احس نفسي ههههههههههههههههه دبه
رغد: ههههههههههههههههههههههه
ساره: ههههههههههههههههههههههه بجد ترا
رغد:ساروونه اخووي ينادي علي باروح يمكن ارجع ويمكن لااا
سااره:ههههههههههههههههههههههههههههههههههه اووووووك
"مرت اكثر من ثلاث دقائق ولا رجعت ملت سااره وفتحت صفحه الرسائل
وجلست تتصفح فيهم"
......:ههههههههههههههههههه بتضحكي مع مين
ساره:معااك يارودي شيء اكييد
......:هههههههههههههه اقوول شخباارش ريوومة
ساره: رغد شفيك اني ساره مو ريوومة
......:آآسف ظنيتك اختي اسف بجد ماكنت ادري
ساره مو فاهمه شيء:لالا عااادي
بعد دقااااااايق جت نوووف
رغد:ساروووووووووووووووووووو الحقي عمر معانا
ساره :اهاا شسوي يعني ارقص
رغد: سوري تأخرت عشانه اخذ الجهاز بيسوي شغله
ساره :هاا!!!!!!
رغد: شنوو هاا
ساره: هو الي كلمني يعني
رغد بعلامه تعجب!:يعني كلمك
ساره:ايي
رغد: ههههههههههههههه واني اشووف ليش وجها احمر اتاريه كلمك
بسرعه قولي لي ايش صاار
ساره: ولا شيء يظن اني ريوومة وبعدين قلت له اني سااره وتأسف
رغد :تأسف؟
ساره:ايي
رغد: خالي يتأسف مستحييييييييل
ساره: اممممممم
رغد: ايه صح ماقلت لك
ساره:ايش
رغد :الاسبووع الجاي بنرووح لبناان
سارة:وااااااااااو حركاااااات
رغد: هههههههههه تآمريني على شيء
ساره :سلامتك يابعد قلبي..

10 - 12 - 2014, 09:32 AM

رزان: علي
علي: خييييييير
رزان: شنوو خير
علي: من شووي ولا كأني اكلمك تحقريني
رزان: اسفه اخووي بس انت قهرتني بحركتك البايخه
علي: يصير خير يالله انقلعي
رزان بعصبيه: طيب بااقوم خلك
علي: تعالي امززح معك ويش فيك تحسسي بسرعه
..................................................
ريماس: بدر
بدر: عيونه
ريماس مو عارفه كيف تطلب منه: بدر ابي اطلب طلب بس مو تقول طلب اطفال
بدر:اووك من عيوني
ريماس ببتسامه: ابي ارووح الملاهي
بدر: ههههههههههه هذا طلبك
ريماس:ايي
بدر :اذا تبين اجيب لك الملاهي عند باب بيتكم اللحين عشان هالطلب مستحيه
ريماس: فديتك والله
بدر: ههههه يالله قومي نرووح الملاهي يابزر
ريماس بزعل:اني بزر؟؟؟؟
بدر:امزح ياقلبي
ريماس: ايه ماعليش ياعجوز
بدر:انا عجوز!!
ريماس:هههههههههههههه وأحلى عجووز
بدر :فديتك يالله نمشي
......................في الملاهي.........................
شافت ريمااس ندى :بدر هذي ندى
بدر:صج والله؟
ريماس:والله
بدر:خلينا نرووح لهم
ريماس: يالله
ريماس راحت لندى
وبدر لجواد
ريماس: هلا ندوووي
ندى:واااااااو هلا بالعرووس وينك من زماان
ريماس: ههههههههههههه هنا معاك
ندى: هههههههههههههه
ريماس: ها لعبتوو شيء
ندى:لااا اخووي اليووم مروق وقلت له يجيبني هنا
ريماس: هههههههههه حركات خلينا نلعب السيارات
ندى: امممممم يالله
ريماس: بدر
بدر: هلا
ريماس: نبي نرووح نلعب السيارات
بدر:ماتخافي؟؟
ريماس:لاا
بدر: هههههههههه ايه ادري عنك شاطره
ريماس: هههههههههههه
جواد:وانتي ندى بتلعبي سيارات
ندى بفرح: اكييييييييييد
بدر يالله خلوونا نروح ..
في اللعبه كل واحد لوحده يلعب
بدر كان يتحدى جواد في السوواقه نسى امر ريمااس
ندى الي صااارت تلعب مع الي يجي جنبها وتسووي حركاات
اما ريمااس الي مأذيها وااحد يغازل لها
.........:تجنني يابنت تصدقي
ريماس بخووف: انقلع عني
وتقاربت سيارتهم الثنتين
هالرجل ماهتم للموجودين
نط لسيااره ريماس لان ماكان بين سيارته وسيارتها فاصل بسبب حركته الي منعتها من التحرك
ريماس بخووف: ويش جابك هنا
.......:تصدقي حبيتك يابنت
ريماس: اقول انقلع عني والتفتت تبي تشووف بدر الي مو حاس لها
ونادت "بدررررررررر" بس مارد عليها
........ حط يده على يد ريماس
ريماس سحبت يدها بسرعه: قوم من هنا
.......:ماني بقاايم
ريماس:قوم عني احسن لك
....... التفتت شاف سياره ورااه :ياغبيه "مسك المقوود "
ريمااس خافت من قربه وقامت بدون اي خوف من السياره ..

10 - 12 - 2014, 09:34 AM

ماإهتمت للي يسوقو من خوفها
راحت تمشي بين السيارات ودموعها على خدها
التفتت جواد وشاف البنت :هيييييييييييييييي انتي يامجنونه
بدر التفتت انصدم عرف انها ريماس بدون اي شيء نزل من السياره بسرعه
متجه لها ركض لها حس نفسه يركض اميال خاف اكثر لما شاف السياره الي وراها
ركض اكثر لين وصل عندها وسمع صياحها ماأحتمل يشووف حبيبته تبكي أخذها في حضنه
ماأهتم للموجودين منظرهم لفت انتباه الجميع بدر الي بين اذراعينه ريماس وريماس الي ماتبي تترك
حضن بدر خايفه من الي صااار ..
بدر:ليه الدموع ترا الدموع على خدك هلاااك
ريماس: بدر بدر انا خايفه
بدر:ليه تخافي وانتي معي
ريماس تمسكت ببدر اكثر "نسوو الي حولهم"
قاام جواد لعند بدر: هي انت ترا قدامك نااس
بدر انتبه لنفسه تباعد عن ريماس وابتسم ابتسامه تطيح الطير من السماء....
ريماس الي حست نفسها بحلم وصار وجها احمر
ندى جت بسرعه: خيير ايش صااير
بدر: خلوونا نطلع احس صرنا ملفتين لـ إنتباه
ريماس: بس مالعبنا شيء
بدر: هههههههههههههه الاسبووع الجاي نجي مع الاهل كلنا
ريماس: والله؟
بدر:والله
.................................................. ...............
وبعد اسبووع ..
رغد:هـلا هلا هلاهلاهلا هلا هلا هلا هلا هلا
ساره: ههههههههههه بسك كل ذا ترحيب
رغد:وي وي وحشتيني
ساره : هههههههههههههههه
رغد:بجد ترا وحشتيني موت
ساره:شخباار لبنان
رغد :تجننننن
ساره: ههههههههه
رغد: جبت لك سلسال من هناك مكتووب عليه سااره هديه لك
ساره: ليه تتعبي نفسك ياقلبي؟
رغد:مافي تعب ولا شيء المهم متى باشوفك وحششتيني مووت
ساااره: شرايك هالاسبووع يووم الاربعااء..
رغد:اووك ..
.................................................. ..........................

10 - 12 - 2014, 09:36 AM

يوم الاحد راحوو العائلات الملاهي وقضوو وقتهم بالعب والمسخره
كان يومهم مليئ بالفرح ...
يوم الاثنين الي رغد من حبها لسااره علقت سلسال سااره في سياره ابوها
عشان تذكرها دايما...
يوم الثلاثااء: يووم كان بالنسبه للجميع عادي عدا ريماس وبدر الي دائما يكونو مبسوطين
يوم الاربعاء: ساره جهزت البيت عشان جيت رغد ..............
................................
سالم:عمر ويش فيك دايم الدووم سرحان
عمر:ولا شيء سليييم
سالم:اممممممممم متأكد
عمر:اي اكييد
احمد دخل عليهم مبسووط:اليوم باطلع مع المدام وناسه شباب
سالم:احنا وهالمدام الي يقول إنها حلووة
احمد:انت متى شفتها اصلا ولا راح تشوفها بعد
سالم:اصلا الي يقول انا ابي اشوفها
احمد:عمر ايش فيك
عمر:مافيني شيء بس راسي متصدع
احمد:اهاا سلامات
............................
رغد تجهزت ونزلت تحت عشان تروح لساره
رغد:يبه ذي سياره سامي ؟!
ابو رغد:سيارتي عند خالك يالله اركبي
رغد :ياربي يبه هديت سااره موجوده هنااك
ابو رغد :المره الجايه وديها لها
رغد:طيب..
ووصلت لساره ولقت التراحيب من ام سااره وقعدت مع سااره
وسولفت لها ويش صاار معاها بلبنان لين الساعه 11 ورجعت البيت ..
.................................................. ...........
ريماس:بدر
بدر:عيووووونه
ريماس: ساره صارت ماتكلمني مثل قبل !
بدر: انا بعد ماصرت اشوفها الا نادر دائما اشوفها تكلم بنت بالماسنجر
ريماس: اهاا
بدر:اللحين هذا الي مزعلك
ريماس: هههههههه لاا دامك معي اني ماأزعل
بدر: هههههههه فديتك ياأحلى رمووسه بالدنيا
.................
في بيت خاله رغد ليلى..
الكل كان قااعد مسوين جلسه عائليه
وبين الضحك والسوالف
رن جوال رغد "نبضات قلبي يتصل بك"كان المتصل ساره
رغد بصوت عالي من الفرحه :هلا سوووير
عمر الفت انتباها رد رغد وعدل جلسته
سامي :اقوول عمر قوم حنا مالينا محل هنا
عمر:وقف
مر من عند رغد تنهد وقال بصوت قريب للهمس:ياكثر هالبنت معذبتني
سامي الي كان قريب منه شهق بصوت عالي:ميييييين الي معذبتك انا قاعد
لك لازم اعرف ميين
عمر توتر حس لازم يلطف الوضع:هههههههههههههههههههههههههههههههههههه
سامي !!:ويش فيك
عمر:ههههههههههههههههههههههههههه كنت العب عليكم
سامي يطالعه بنص عين :اقول امشي قدامي
نوف:اقول رغد قوومي نروح قبل لايطلعوو
رغد:اووك
رغد:ساارونه اكلمك بعدين
ساره:اووك
نوف:سووووووويم انتظرنا بنجي معك
سامي :خلوو عمر يوصلكم بااي "وطلع"
وطلعو رغد ونوف ...

10 - 12 - 2014, 09:37 AM

السياره :كل هذا عشانك دكتور كذا سيارتك هههههههه
عمر:ايش فيها
رغد:بطانيه واوراق وتقارير لييش انت تنام هنا
عمر: ههههههههههههه لاا ماأنام بس ابوي اذا طردني نص الليل اجي انام هنا
نوف:هههههههههههههه حلوة يطردك
رغد : راح اقعد ورا مستحيل اقعد قدام مع هالاغراض
نوف: ياربي رغد روحي انتي قعدي قدام
رغد:روحي انتي بسرعه
نوف:طيب
عمر:روحي فكينا شووي
رغد:اني الي بفتك مو انت
طول الطريق
نوف تسولف مع عمر اما رغد ساكته
رغد في خاطرها:وووووووف ملل ابتسمت وراحت تفتش في الاغراض
وهي تعدل الاوراق المرميه وترتبها وتحطها عجنب
الفت انتباها شيء يلمع من جيب الكرسي
دخلت ايديها طلعت الموجود لقت شيء ماكان يخطر ببالها انصدمت كثير
ماتوقعت هالشيء منك ياعمر

"تدرون ايش لقت ؟؟"

10 - 12 - 2014, 09:37 AM

سلسال سااره ...

((عمر كان يناام بسيااره اذا طلع من المستشفى متأخر بس الليله الماضيه كانت من اسعد ايام حياته
طول الليل كان نايم وبإيده سلسال سااره حتى ريحت عطره صارت بسلسال من قهره نقش حرف a من ورا السلسال بحد مفتاح سيارته كانت ليلته مليئة بالحب))
رغد بقهر:عمر
عمر:نعم رغد
رغد:وين سياره ابووي
عمر ارتبك:سياره ابوك عطلانه
رغد بتمثييل تمثل دور الخوف:ياربي فيها اشياء غاليه عليي
عمر :ايش هم
رغد:سلسال سارونه الي جبته من لبنان
نوف:ياربي منك يارغد مادورتي تحطي السلسال الا بسياره
رغد:عمر انت ماشفتهم
عمر:لاا ماشفتهم
رغد "ويكذب بعد ارويك ياعمير"
رجع نظرها لسلسال الي كانت تطلع منه عطر عمر انصدمت اكثر
معقوووووووله يكون يحبها تذكرت لما قال ياكثر هالبنت معذبتني وهي كانت تكلم ساره
معقوله ياعمر تحب ساره!!
وصلووو لعند بيتهم نزلت نوف بسرعه ودخلت بيتهم خوفها ينتهي المسلسل الي تتابعه
عمر اندهش ليش رغد ماطلعت
عمر:رغد مابتطلعي
رغد:عمر
عمر:نعم
رغد طلعت له السلسال :هذا ايش جابه هنا
عمر عصب:انتي ايش خلاكِ تحوسين بأغراضي
رغد تمسك اعصابها:عالعموم اني راح اخذها
عمر :رغد تكفي لا خليها معاي هالليله بس
رغد "معقوله تكون صحيح تحبها":طيب ..
.................................................. ...................
علي:سيتي
سيتي:نعم ماما
علي:ماما في عينك
رزان بضحك:هذا بابا مو ماما
سيتي تبتسم:انت في بابا ليش في عصب رزان<<انت ليش تعصب رزان
علي طلع في رزان:لانها اختي حبيبتي
رزان:تؤبرني ياخووي
عبدالله:سيتي
سيتي :نعم
عبدالله:ليش انتي مافي حبني<<ليش انتي ماتحبيني
سيتي:انت في كلا هددني<<انت كلا تهددني
عبدالله:لاني رجال ولازم تسمعي كلمتي
.................................................. ............................
مزيدا من الاحداث انتظرونا بالبارت القادم..

10 - 12 - 2014, 09:38 AM

عبدالله:رزان رزان قومي
رزان:عبدالله والاخير معااك
عبدالله:رزااااااانوو قوومي علي نايم
رزان:وويش اسوي
عبدالله :قومي انتي اوول
رزان:طيب هذاني قعدت آمر شتبي
عبدالله :قوومي
رزان:يااربي منك
وقااامت معاااه لغرفه علي
دخلت الغرفه ظلام والحراره الي مايستحملها اي انسان
رزان:عبوود ليه كذا الغرفه حاره
عبدالله:مادري
رزان:معقووله علي ينام بهالحراره
عبدالله:رزان علي نايم
رزان راحت عند السرير وسحبت البطانيه الي كانت فووق علي وفجأ
مانتبهت الا بصرخه
............:واااااااااااااااااه
رزان التفتت لصوت بسرعه بخووف وقلب ينبض بسرعه ودموعها الي متجمعه بعيونها من الخووف
علي:هههههههههههههههههههه بالله عليك بنام بهالحراره
رزان التفتت لعبدالله الي يضحك وطلعت بسرعه من الغرفه
وراحت غرفتها وسكرت الباب وانسدحت عالسرير ونامت
............
علي:عبدالله معقووله زعلت
عبدالله:انا ماليي شغل
علي:يااربي شرايك نسوي لها عشااء هي ماتعشت اليوم صح
عبدالله :ايي
ونزلوو تحت بالمطبخ ,,
علي:اقوول عبدالله طلع البيض
عبدالله:مجنون انت رزان ماتحب البيض
علي:يااربي ويش تحب دي
عبدالله:ههههههه نسوي لها مكرونه بالبشميل امممممم ونسووي لها اي شيء ثاني
علي:فكره بس انا ماعرف اسوي هالمكرونه
عبدالله:امممممم اكييد هنا في كتااب
علي:شااطر اخووي طلعت تفكر
عبدالله:اجل ليش عندي مخ
علي:عشان تفكر
عبدالله:هههههههه ايي
علي طلع كل الادواات الازمة
وكان مبسوط ولاول مرة يطبخ كان يحس بالمتعه
فجأ جت سيتي
سيتي:بابا انت ويش في سوي
علي:اقول انقلعي
سيتي:بابا هذا في ماما في نادي عليك
علي:صج والله؟
سيتي :ايه
علي :اووك "التفت لعبدالله"انا راايح اشوف امي وانت اقعد لاتتحرك
عبدالله:لاا انا بااروح اشوف رزان
علي:طيب
وطلع علي راح لـ أمه
راحت سيتي بمكر ومسكت الملح وحطت بخلطه البشميل نصف علبه الملح
سيتي في قلبها "انا في علمك يابابا كيف في العب عليي انا مسكينه انا مافي سوي شيء وانت في كل
هددني "
علي :نعم يمه
ام علي:نعم يولدي
علي:أنتي ماناديتيني
ام علي:لا ياعلي
علي:اهاا
ورجع المطبخ وكمل الطبخ
وبعدها حط الصينيه بالفرن وبعدين لما استووت طلعها كان شكلها لذيذ مررره
قطعها وحط قطعه في صحن وجنبها عصير وركب لرزان
علي:رزان افتحي الباب بسك دلع
رزان:ماني روح عني
علي:افاا
رزان:اقولك روح احسن لا اطلع وارويك شيء عمرك ماشفته
علي: طيب افتحي الباب انتي
قامت رزان بكل عصبيه وفتحت الباب
دخل علي ومعاه الاكل وحطهم عالطاوله
علي:رزاان انتي ماتعرفي اخووك يعني يحب يجننك فليش تزعلي
رزان:لانك دايما تخوفني بهالحركاات
علي:اسف وحقك علي
رزان:.......
علي:ها شوفي سويت لك اكلتك المفضله
رزان التفتت:هذا انت مسوينها
علي:اييي
رزان:من صجك
علي:ايووة

10 - 12 - 2014, 09:39 AM

رزان ابتسمت:طلعت تعرف تطبخ ياخووي وراحت تاكل اكلت اول ملعقه
حست بنيران تغلي داخلها
رزان :اطلع براا حتى بالاكل ماسلمت منك ابداا
علي مو فاهم:شفيك
رزان:وتنكر حضررتك
علي:رزان فهميني ايش صااير
رزان:لا تسوي روحك ماتدري كل عشان تصدق
علي رفع الملعقه ببراءة وببتسامه وحط الملعه بفمه:كح كح
.................................................. ...................................
بدر:هلاااا بالورد
ريماس:اهلين
بدر:صح النووم ياكسلانه
ريماس بمزح:هههههههه يالمزعج خليني اناام ماتمل من اتصالاتك
بدر:افاا انا مزعج طيب "وسكر "
ريماس:يوو لايكون زعلته يااربي
قامت غسلت وجهها ورجعت تحاااول تتصل بس مايرفع
ريماس:يااربي
ونززلت تحت تفطر ..
رامي:كح كح وينك ياريمااس قديمه ماتنشاافي
ريماس :ولا شيء وبعدين ايش فيك تكح كح
رامي:من جيتي جبتي ويااك الغباار
ريماس:حلف والله
رامي:والله
ريماس:اقوول راامي ترا مو فاضيتلك
رامي:والي يقوول انا فاضي لك
ريماس بعدم صبر قامت من على الطاوله:ووووووف
ام ريماس:ريمااس وين رايحه يابنتي تعالي مافطرتي
ريماس:مالي نفس
رامي:الظاهر متزاعله مع الحبيب
ام ريمااس:وجع راامي شهالكلام
ريماس:يمه اني صاعده داري تآمرين على شيء
ام ريمااس :سلامتك..
.................................................. ...........................
علي:كيف كذا انا ماحطيت ملح هالكثر
رزان:يااربي علي خلااص اني ماعاد اتحمل
علي:وففففففف مافي احد منكم يصدقني
رزان:انقلع احسن لك
علي:طيب بطلع "وطلع من الغرفه"
الا بدخلت سيتي الي ابتسامتها شاقه وجهها
رزان:نعم سيتي تبين شيء
سيتي:مااما رزان انا اليوم في لعبت على بابا علي
رزان !!:كيف؟؟
سيتي:ماما هذا بابا علي في سوي مكرونه انا في حط ملح عشاان لايزعلك مرة ثانيه
رزان بشهقه:يعني انتي حاطته ؟
سيتي :نعم ماما
رزان:وتقوليها وانتي مبسووطه حسبي الله عليك
سيتي:ماما انا مافي سوي شيء غلط
رزان:انتي سويتي بلووة تدرين اني كذبته وطلع من غرفتي زعلان
وانتي تعرفين علي ليما يزعل مايرضى بسهوله
سيتي بزعل:ماما انا كنت
رزان تقاطعها:اقول روحي عني لا اعصب اكثر
سيتي:ان شااء الله ماما
وطلعت من الغرفه
رزان:يااربي اني شسوويت اللحين كيف اراضيه علي اذا يزعل مايرضى بسهوله
بس هوو بعد المفرووض مايسوي مثل كذا مقاالب هو كبر على كذا حركاات
بس لازم اشووف شيء واراضيه به مايصير اخليه نايم وهو زعلان
.................................................. ......
عمر:هلا حمدوو
احمد:هلا عمر
عمر:اشووفك اليووم مافي مكالمات
احمد:هههههههه المدام عند اهلها
عمر:ايه مو لله رايحه لهلها
احمد:ايش قصدك
عمر:تبغى تفتك منك لو دقيقه
احمد:عمررروو اقوول اسكت احسن لك
عمر:ههههههه شفيك امززح
احمد:عمر
عمر:نعم
احمد:شفيك متغير
عمر:اللحين انا متغير
احمد:كثيييير
عمر:من اي ناحيه؟
احمد:احسك مو عمر الاولي
سالم:هل�

المواضيع المتشابهه لموضوع: رواية يعشقني من قلبه هو قال لموضوع: رواية يعشقني من قلبه هو قال
الموضوع	كاتب الموضوع	المنتدى	مشاركات	آخر مشاركة
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
كلن يرى حبه بعين قلبه	سجات التهاويل	همس عذب الكلام والخواطر المنقوله	2	18 - 8 - 2014 10:10 AM
ومن مات قلبه وش تبي في قباله	ملك الود	همس الشعر والقوافي	4	1 - 4 - 2014 03:59 PM
لبى قلبه	سلمان	همس الشعر والقوافي	10	13 - 11 - 2013 08:39 AM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية يعشقني من قلبه هو قال

همس للقصص وحكايات وروايات