يا فرحة القلب الحزين

19 - 12 - 2014, 12:13 AM

من عيوني ..
.لا توصيني عليك !
لانزل دمعك حبيبي ،
بـ أمسحه .
حتى ( قلبي ) لو لقيته .. .
ما يبيك ؟
قبل لا يجرح شعورك ،
بـ أجرحه !
كيف ما أكتب كلام الحُب فيك ؟
عطني عيب بـ قلبك ،

وما أمدحه

19 - 12 - 2014, 12:16 AM

في خاطري لك شي ودي أقوله
مدري تصدقني أو تقول كذاب
قلبي يحسك دايم الدوم حوله
مع كل دقه يذكرك ياأغلى الأحباب
تدري عليك الروح با الحيل توله
وتدري بعد طيفك عن العين ما غاب

19 - 12 - 2014, 12:21 AM

حبيبي نام ياعمري على صدري وصارحني

وفض الصمت باحساسك وخل الحب لي يجري

وفضفض لي بعد عمري وعاتبني وفهمني

أنا أطري على بالك كثر ما أنته علي تطري؟!

تعال أقرب من أحضاني ترى خدك مواعدني

يبي يلامس شغف روحي ويقطف بوحي من شعري

تعال أنثر هنا ليلك وخل ويلك يولعني

أنا أحبك وأبي قربك.. ترى مني قضى صبري

أنا نبضك زهر أرضك وأنت؟! ايه تملكني

بنحل خصرك ..جمر ثغرك وزود بلونك الخمري

تتوهني .. تغرقني.. ومن بردك تدثرني

وتبكي لي وتشكي لي وله قلبك ومن سحري

أبي دموعك مع أنفاسك بصدق الود تحرقني

وأبي عطرك مع سحرك وآهك بالحشا تسري

أبي همسك يبعثرني غلا ولمسك يلملمني

وأبي عيونك من عيوني تذوب من الولع كثري

وأبي عهدك مع وعدك وأبي كلك تسلمني

أبي أيدك تسافر بي وزهر قدك يلحفني

وأهيم بعالمك عاشق جنوني أنت .. وانت بي تدري

تشوف الجمر بعيوني؟! تشوف الشوق جنني؟!

أجل تدري مثل ما أدري بأنك حلمي يابدري

حبيبي قوم وصارحني عن احساسك وعلّمني

أنا أطري على بالك ؟! كثر ما أنته علي تطري

19 - 12 - 2014, 01:44 PM

في مورد الماء تقابلنا وأنا ماشي
مدري من الحور هي وإلا بنات آدم

خطت شعرها بقماش أبيض من الشاشي
والخد أسرني بياضه ولمعه المبسم

قالت من أي العرب يالاجودي لافي
سير على خيامنا ترتاح وتتنعم

قلت أسمعي وأفهمي يا بنت الأجوادي
محد يرد القدر لا قله ربي تم
كان القدر في النظر لوجهك الصافي
لا من عزمت السفر زاد الحزن والهم

قالت سألتك بعالم ظاهر وخافي
تفصح بما في فؤادك من عذاب وهم

قلت أنجرحت وما أضن الجرح بك عافي
وأسباب جرحي عيونك يالغضي وأفهم

أن كنت ترضى بحبي لك فأنا وافي
منك بكلمه تنور قلبي المظلم

قلت هلا بك ولكن حسب الأسلافي
تسمع جوابي بعد ما أنت تتقدم

19 - 12 - 2014, 01:56 PM

كـم تخيلت أنى رأيتك و أسـرنى منـك سحر العيـون

رأيتنى أهوى إليك فى أعماق عينيك أهوى بجنـون

رأيتنى أنجـذب إليـك يا حبيبتـى و بجمـالك مفتــون

كفراش نحو النـور و النـار فرحاً يهـوى فى جنـون

فتعالى حبيبتى أعيش أجمل أيامى مع قلبك الحنون

19 - 12 - 2014, 04:46 PM

ياصاحبي لا تشتكي الوقت والحال
خلّ الذي في قلبك اليوم خافي

ما كل حكيٍ يا أبيض القلب ينقال
و لا كل عمرٍ من شقى الحال غافي

رح و اشتكي للي له الكل رحال
و ارفع كفوفك له ترى الله كافي

و اعرف ترى كلٍ من همومها شال
و لا عاد شفت اللي من الهمّ صافي

ما انت الوحيد اللي شكى الوقت و الحال
و ما انت الوحيد اللي له الوقت جافي

اكذب عليك ان قلت لك خالي البال
ياما مشيت الدّرب و النّور طافي

همّي بقلبي يالخوي اتعب الحال
دمعي بعيني رقص اليوم قافي

انت الرّفيق الّلي بهالكون ما مال
لا ضاق صدري منهم ألقاك لافي

ترى غلاك اليوم ثابت و لا زال
و لا عاد أبي ربع القلوب المقافي

خذني يمينك وابشر بذرب الأفعال
لأمشي معك لو وين كان انجرافي

أقسم قسم إنك على الراس تنشال
خذ من قصيدي وشوف جل اعترافي

20 - 12 - 2014, 10:55 PM

20 - 12 - 2014, 10:58 PM

المواضيع المتشابهه لموضوع: يا فرحة القلب الحزين لموضوع: يا فرحة القلب الحزين
الموضوع	كاتب الموضوع	المنتدى	مشاركات	آخر مشاركة
فرحة عمر	النورسيه	همس كتابات الاعضاء الحصريه	5	6 - 4 - 2021 03:11 PM
الامل مثل المطر يروي ضما القلب الحزين	همسة الشوق	همس المواضيع العامة	13	7 - 3 - 2017 09:39 AM
القلب الحزين	سجات التهاويل	همس الصوتيات و المرئيات الإسلامية	11	21 - 4 - 2015 12:00 AM
دموعي القلب الحزين	شمعة حب	همس الشعر والقوافي	7	12 - 6 - 2013 08:40 PM
ال مل مثل المطر يروي ضمى القلب الحزين	بلسم الروح	همس المواضيع العامة	7	23 - 4 - 2013 02:46 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 1

يا فرحة القلب الحزين

همس لمدونات الاعضاء