لاقلت احبك اسكتي واحضنيني كاملة

19 - 12 - 2014, 05:52 PM

نبدآآآآآ....
جاسم: احبك ياوريف ... وراسك يالغاليه مايهمني هالدنيا ولا اللي فيها دامك زوجتي وحبيبتي.. أمي اللي خلاها ترضى بالأول بعد ماكانت متبريه مني .. بيخليها اللحين ترضى بعد ماتبرت مني.. ادري انك زعلانه مني يارووح روحي بس ولا يهمك انا ابفهمك السالفه وإنتي بتعذريني ....صح بتعذريني؟؟؟؟
ابتسم جاسم للصوره اللي كان حاضنها بيديه وحضنها لصدره .. وتنهد بشوووووق

لميس: وتين والله والله والله والله والله خايفه
وتين: هههههههههههههههههههههههههه قولي قسم.. يعني أول وحده تعرس إنتي ولا اول وحده تخاف ؟؟؟ كل البنات كذا
لميس: بس انا صغيره عالعرس عمري 19 ولا نسيتي؟؟؟؟
وتين: قصدك بعد 4 ايام تدخلين 20 سنه
لميس شهقت : هييييييييييييي لاحظتي؟؟؟
وتين: وشهو؟؟
لميس: يوم زواجي هو يوم عيد ميلادي
وتين : اييييييييييييييييييييو والله فلللللللللللللللللللللله
لميس تصفر : وناااااااااااااااااااسه تميز
وتين: اشوفك نسيتي الخوف؟؟
لميس تنكدت : ياشينك ماتخلين احد يفرح

ام سلمان ضربت صدرها وشهقت : لييييييييييييييش ياعبدالعزيز ناوي تذبحني إنت؟؟
عبدالعزيز اللي للحين عيونه بالارض : لا يمه جعل يومي قبل يومك بس هذا اللي لازم يصير
فجر صارت تبكي: بس انت يوم رجعت قلت لنا إنك خلاص كملت دراستك وشوله ترجع اللحين
عبدالعزيز : فيه ماده اضافيه باقي لي آخذها بكورس وبعدين هناك فرص العمل احسن
سلمان اللي عرف أخوه ليش يسوي كذا تقططططططططططع قلبه عليه .. والله الحب لاعبن فيك ياعزوز
عبدالعزيز اللي ماسمع راي سلمان: وش رايك يا سلمان
سلمان خايف يمانع وتنكشف خطته : الله يريحك يابوي والمصاريف لاتشيل همها
ام سلمان: اقل شي إحضر خطبة أخوك
عبدالعزيز إعتصر قلبببببببببببببه
اما سلمان لازم ينهي هالألم اللي مسببه لاخوه اللحين انفجر بالضحك لدرجة إن كل اللي بالغرفه ناظروه بإستغراب حتى عبدالعزيز رفع عينه وناظر بإستغراب
سلمان: يمه من جدك تتكلمين ولا تمزحين .. ماهقيتكم مكملين مزحتكم
ام سلمان: أي مزحه؟؟؟
سلمان: هههههههههههههههه بتخطبون لي وحده ميته ههههههههههه استغفر الله العظيم يارب
فجر : مــــــــيـــــــــــتــــــــــــــه؟؟؟؟
سلمان بجديه: ايه ميته والله يرحمها وانا ناوي اسوي لها وقف
عبدالعزيز :!!!!!!!!!!!!!!!!!!!!!!!
فجر : سلمان لا تفاول عالبنت
سلمان: انا بنفسي موديك عزاها وتقولين افاول
ام سلماان شكت بالموضوع: انت من قصدك عليه؟؟
سلمان يحاول يكون طبيعي: صديقة فجر اللي اسمها شادن الله يرحمها
فجر بردت اطرافها : إنت تبي شادن؟
سلمان: ايه تسوين نفسك ماتدرين
ام سلمان: انت ماتبي وريف؟؟؟؟؟
سلمان: انا قلت أبي وريف؟؟؟
فكرت فجر :امممم لا بس قلت صديقتي
سلمان: ايه صديقتك
فجر دمعت : شادن الله يرحمها مو صديقتي
سلمان: وانا وش دراني على بالي صديقتك وانتو بعد غلطتكم ليش ما سألتوني عن البنت أنا على بالي انكم فاهميني
عبدالعزيز بدون شعوووووووووووووور نط بحضن اخوه يبكي ماحد فاهم شسالفه الا سلمان اللي قلبه معوره على اخوه بس يتظاهر إنه مو فاهم شي
تستاهل ياعبدالعزيز اللي يضحي عشانك.. انا فكرت اتزوجها شفقه على حالها مو حبا فيها بس انت حبيتها وتستاهل تكون زوجها .. انا بنفسي بروح أخطبها لك
كان هذا حديث سلمان مع نفسه وعبدالعزيز حس الحياه رجعت تركض بدمه مره ثانيه
عبدالعزيز: عن أذنكم بروح اكلم واحد من الشباب
سلمان ابتسم :اكيد فيصل؟؟
عبدالعزيز: اكيييييييييد
فجر بزعل : أكيد انك تبي تقوله ترجع؟؟
عبدالعزيز : هاه؟؟ ارجع ؟؟؟ ايه هين يصير خير
وطلع وسلمان ميت ضحك على أخوه
عبدالعزيز اللي مستغرب من حالته .. شلون الحب خلاه اتعس انسان على وجه الأرض... وبلحظه وحده صار اسعد انسان بهالدنيا ...
طلع برا واتصل على فيصل
فيصل من شاف رقم عبدالعزيز عوره قلبه عليه: هلا عزو
عبدالعزيز : بااااااااااااااارك لي
فيصل استغرب الفرحه اللي بصوت عبدالعزيز: على وشو؟
عبدالعزيز : ابخطب وريف ..أخيرا يافصول بيتحقق حلمي .. بتصير زوجتي على سنة الله ورسوله
فيصل اقترب للجنان: عبدالعزيز .. مالك ربع ساعه تقول اخوك بيخطبها ..اللحين صارت زوجتك؟
عبدالعزيز :تدري ياحبي.. انا وناستي ما ابي اكدرها بشرح لفكره غبيه زرعتها براسي... سلمان مايبيها بس الوساوس لعبت فيني ..أنا لازم أخطبها
فيصل: مانيب فاهم شي ابد
عبدالعزيز : فصول متى بترجع بالضبط ما ابي اسوي العرس الا اذا جيت
فيصل: انا بعد 5 ايام جاي
عبدالعزيز :إحلللللللللللللللللللللللللللللللللف
فيصل : قسما بالله ... كنسلت هالكورس بخليه السنه الجايه ما اقدر استحمل المكان من دونك
عبدالعزيز دمعت عينه: يابعد راسي والله
فيصل: شوووف يا ابو ..إمممم الا ابو وريف وش اسمه؟
عبدالعزيز بوناسه : عبدالرحمن
فيصل :خخخخ لو هو أبوك ماحفظت اسمه كذا ههههه.. عموما شوف يا ابو عبدالرحمن ابي ذاك الإستقبال المعتبر
عبدالعزيز : ياليت اصير ابو عبدالرحمن صدق ههههه .. ابشر بالاستقبال اللي يخلي الدنيا تولع
فيصل: قهرررر بعد كم يوم عرس ولد عمي.. يخرب بيت العدو قلت له أجل العرس يوم واحد عشان احضره بس رفض شفقان عالعرس
عبدالعزيز بحسره::الله لايلومه
فيصل: ههههههههههههههههههههههههههههههههههه
عبدالعزيز: يالله ما اطول عليك تامرني بشي؟؟
فيصل: سلامتك يالعاشق خخ

صك عبدالعزيز التلفون وهو طاااااير ماهوب عالأرض
صك عبدالعزيز التلفون وهو طاااااير ماهوب عالأرض

فيصل يرتب أغراضه بالشنط .. صحيح انه بدري بس هو يعرف نفسه ينسى كثير عشان كذا يرتبها من بدري أحسن له ..
اما عبدالعزيز قفل من فيصل ودخل داخل وهو مبتسم :السلام عليكم
امه اللي كانت للحين وهي تحاول تقتنع ان سلمان كان يبي شادن بس كل شي وقتها كان يدل على وريف ..
اما فجر تحطم فيها أمل ان وريف تكون زوجة اخوها .. بس تحمد ربها إن وريف صارت لها ظروف ولا قدرت تكلمها بالموضوع ولا كان طاااامه ومصيبه بعد
سلمان اللي راضي تمام الرضى عن اللي سواه لعزوز : هلا عزوز تعال يبه
عبدالعزيز : سم يالغالي آمرني
سلمان: وش رايك وأنا أخوك قبل تسافر نزوجك وتروح ؟؟
عبدالعزيز: اممم لا انا توني كلمت فيصل ويقول إن المقرر الإضافي ألغوه من زمان
سلمان بقلبه((ياكبر نصبك خخ)): اهاا اجل زين
عبدالعزيز : يعني تزوجوني بدون ما أسافر
سلمان: ههههههههههههههههههههههه
ام سلمان: ايو والله ياولدي ابي عرسك انت وأخوك بيوم واحد
سلمان: لا يمه مانيب معرس لو وش يصير .. انا فكرت مره بالعرس ولاوفقني ربي ..انا اللحين بدور لي وظيفه ثانيه اشغل وقتي فيها
جوري بخوف: لاااااااااااااااااااااا ((ودمعت عينها)) وظيفه ثانيه لا الله يخليك
سلمان : وش فيك ياامي خفتي؟؟؟ انا بدور لي وظيفه خفيفه وتصلح لي .... ولا أقول...إمممم ولا خلاص خلاص
جوري: وشو الي خلاص خلاص؟؟؟ لازم تقولي
سلمان: لالا ماينفع
جوري: خلاص تقول لي؟؟ ولا انت ناوي تهك علي وتشتغل وظيفه مرهقه
سلمان ابتسم :ياربيييييييييه طيب اوعديني ما احد يدري
جوري: وعد
سلمان: تعالي بقولك سر
قامت جوري وقعدت على طرف الكنبه اللي جالس عليها سلمان وقربت إذنها ... بعدها ناظرت سلمان بحب وحضنته وهي عينها تدمع من الفرحه وناظرت بعبدالعزيز وابتسمت
عبدالعزيز: أنا حاس اني بالسالفه
سلمان: جوري لاتتكلمين تراه يسحب هرج منك
جوري: ههههههههههه انا ذهينه خخخخ

رن جوال وريف رنه رساله .. عوووورها قلبها
رفعت جوالها وهي تدعي ان إحساسها غلط..
فتحتها
((الوصيه..
وش هي الوصيه؟؟
اللــــه كم هالكلمه قويه؟؟
منهو منا يجرأ يخطها في شبابه؟؟؟؟؟
منهو مثلي ملّ قلبه من عذابه؟؟
منهو عينه تبكي ألم..تبكي ندم
تبكي قهر....
في غيابه .. وصيتي يا أهل الهوى
عن عذابي لاتخبرونه..
وإدفنو كلي تحت ذاك الثرى
إلا قلبي..إلا قلبي..إلاقلبي
إلا قلبي لاتدفنونه..
إحفظوه لين يرجع..
وبالخبر لاتفجعونه..
هونو مصيبته.. وإحضنوه مثل حضني..
الحضن يشفي همومه
سلموه قلبي أمـــانه ..لجل يحفظه بعيونه
وعلموه إني انتظرته وطاااال صبري
فهموه إني وفيت بوعدنا ..
وأهديته قلبن مايخونه.
رددو فوقه حروفي..
موتة العاشق جنونه..
وذكروه بالله وقضاه..
وحكمته في خلق كونه))

وش هالألـــــــــــــــــــــــــــــم اللي سطره بالمسج؟؟؟ وش هالعذااااااااااااااااااااااب ... رغم كل اللي سواه فيني.. واللي صار منه .. إلا إن إحساسي له للحين مامات ..حسيت ان المسج منه.. وطلع منه.. عورني قلبي على كل كلمة ألم وعذاب وقهر بالمسج ..أحبه؟؟؟ ياااااااااااااااارب ساعدني يااااااارب ما اقدر على ثورة مشاعري بلحالي ..أنا اموووت

رن جوال وريف ردت على طول وهي مبتسمه: هلا بدوا جروحي
فجر: هلا بحبيبتي .. عسى ماشر وش طرا لك بالجروح؟
وريف: توه مرسل لي مسج يعور القلب
فجر تذكرت عبدالعزيز... معقول ترفض عبدالعزيز وترجع لجاسم؟؟؟؟؟
وريف: ياهووووه وينك؟
فجر: هاا؟؟ ((ولمحت عبدالعزيز اللي دخل الغرفه وأشر لها من اللي تكلمه)) وريف لحظه شوي..
وريف: طيب
حطت فجر يدها عالجوال وقالت بهمس: خير وش تبي؟؟؟
عبدالعزيز بإبتسامه : فتحي السبيكر
فجر: تحلم افتحه
عبدالعزيز: غصبن عنك
فجر: انهبلت انت؟
عبدالعزيز : يمكن المهم تفتحينه
فجر: يابوي قم عني ابكلمها
عبدالعزيز: إفتحي السبيكر لا أسوي لك فضيحه
فجر: ليش وش بتقول؟؟
عبدالعزيز: بقول انك بغيتي تخطبينها لسلمان وهو مايبيها
فجر بخوف: يامجنون
عبدالعزيز: ما انضمن تراي اسويها
فجر بزعل وقهر فتحت السبيكر : هلا وريف
وريف: يؤؤ اش فيه صوتك بعيد؟؟
عبدالعزيز خق حس شي غريب بداخله
فجر بتضحك على ملامح أخوها: مدري ..إلا ترانا بنزورك بكره
وريف: أيــــــــــــــــــــــــــــــــش؟؟؟
فجر: بكره بنزورك
وريف: انتي بس؟؟
فجر: لا كلنا حتى إخواني
وريف: ومن اللي مقترح عليهم؟؟؟
عبدالعزيز بهاللحظه يأشر لفجر يعني انا .أنا
فجر: عبدالعزيز مقترح
وريف تلخبطت :هاااه؟؟ عبدالعزيز
فجر: إيه عزوز ومصّر انه بكره
وريف : ليش؟
فجر: مدري عنه
وريف وهي تدعي ان اللي في بالها غلط: طيب الله يحييكم
فجر : خلاص اشوفك بكره
وريف ببرود: باي

عبدالعزيز ناظر بفجر وهي تقفل السماعه :أحبها تدرين؟
فجر انصدمت: وشهو؟
عبدالعزيز مايدري شلون قال هالكلمه : امممم الا وش رايك أشتري لها هديه؟؟؟
فجر:ماله داعي لأن انت بتخطبها بس ولا تدري هي بتوافق عليك
عبدالعزيز :أنا واااااثق انها بتوافق علي
فجر تفكر بجاسم: ما ظنتي يا اخوي
عبدالعزيز: ياشين اللي ينكدون عالناس
وقام عبدالعزيز وهو يغني
إنت العزيز انته..إنت الحبيب إنته

فجر إستغربت فرحة أخوها وكلمة الحب اللي طلعت منه ..

وريف تفكر.. معقول جايين يخطبون؟؟ يؤؤؤ يااااارب يكوووون غلط ياااارب يكون تخميني غلط.. يوووه انا جاسم ولا قدرت استحمل التفكير بالرجعه شلون عبدالعزيز ((دمعت عيونها)) ياااااااااااااااربي وش سويت بدنياي .أحسن لي أنام وأريح راسي من هالأفكار..
حطت راسها عالمخده وغمضت عيونها بدت عيونها تشوف المواقف اللي جمعتها مع جاسم .. موقف .. موقف..
تذكرت بعد ما ملك عليها..
وكان لازم تشوفه .. دخلت له وخواته عن يمينه ويساره .. وأمه تمشي جنبها وهي تبكي من الفرحه بولدها
ووريف تحس عظامها مو قادره تشيلها من الفرحه والخجل . فرحتها إن الله جمعها باللي طووول عمرها تتمناه.. فرحتها إن أخيرا بتقدر تواجه الناس بالحب اللي ضمته داخل ضلوعها وأخفته عن عيون الناس
رفعت عينها وشافته..لأول مره تشوفه عقب كل هالسنين.. كان رجال له هيبه .. شكله عصبي .. ياربيه وش فيه هذا حتى عينه مارفعها يناظرني .. ماينلامون خواته يوم مايحبون يجلسون معه .. ماحست بنفسها الا أم جاسم تسحبها عشان تجلس بجنبه .. جلست وريف وهي مصدومه من جموده رفع عيونه أول ماشم ريحة عطرها ..
ناظرت بعيونه انصدمت من الدمع اللي كان ماليها
رفع يده وحضن يديها وباسها :ماني مصدق
وريف كانت تقول بقلبها أنا اللي ماني مصدقه يابعد عمري بس اكتفت بإبتسامه خجوله
لاحظت صدمة خوات جاسم من أخوهم ..
ام جاسم : يالله يابنات خلو المعاريس بلحالهم
جاسم الي ماحسّ بالناس اللي حوله .. ماكان يشوف الا وريف .. وما حسّ الا بوجود وريف.. ومانبض قلبه الا لحب وريف
وريف مسكت راسها صرخت: بسسسسسسسسسسسسسسسسسسسسس.. ياربي حتى بالنوم مو قادره اشيل هالموقف من راسي ..آآآه ياربي .. يوم قدرت انسى الماضي رجع لي الماضي برجوله .. أحسن شي أروح للمياء ولا لميس أغير جو عندهم وانسى هالبلوى
اتصلت على لمياء: مرحبا
لمياء: ياهلا وغلا ومليون مرحبا
وريف ابتسمت : هلا بك أكثر واكثر ابجيك اللحين ضايق صدري مررررره
لمياء: افاا ضايق صدرك ولميس موجوده؟؟
وريف: لميس؟؟ وش دخّل لميس بالسالفه؟
لمياء ماتت من الضحك:هههههههههههههه تعالي تفرجي على شكلها وإضحكي تقولين عرسها بعد شوي مو بعد ثلاث أيام
وريف: هي عندكم؟؟؟
لمياء : هههههههههه لا حنا عندها
وريف: اهاا اكيد تضبطون وضعها ههههههه ..خلاص اجل اشوفكم بعدين
لمياء اللي عرفت وريف ليش قالت كذا : وريفوووه للحين تعتبرين نفسك غريبه؟؟ صدق دوبهـ وشينه وماتستحين
وريف : هههههه ابوك يالفاهمه
لمياء: نرسل لك السواق؟
وريف: لا زياد موجود الله يخليه لنا
لمياء ارتبكت من طاري الإسم : احم احم اجل خلاص ننتظرك بسرعه
وريف: اوكي طيب

قفلت وريف ولبست عبايتها بسرعه وطلعت تركض لغرفة زياد وهي تتفرج بالبيت .. ماشاء الله ربي عوضك يازياد ماكنت تملك إلا الكوره اللي تطقها وتلحقها .. واللحين كل هالعز لك .. الله يهنيك يا خوي
قالت آخر كلامها وخي واقفه على باب غرفة زياد طقت الباب وسمعت صوت زياد يسمح لها بالدخول
دخلت وهي مبتسمه عند الباب : عزوزي حبيبي ممكن تودينا لبيت عمي ماجد؟؟
زياد رفع حاجبه : عزوزي؟؟ منهو عزوزك؟؟
وريف بإستغراب : وشهو وش عزوزه؟؟
زياد بنظره غامضه : انت تقولين عزوزي حبيبي
وريف انصعقت : ما ابي اروح خلاص
زياد حس إنه أحرجها يمكن البنت ماكانت تقصد : لالا وين رايحه يالله احمدي ربك اني لابس كنت أبطلع ولحقتي عمرك
وريف : اجل خلص عليّ ابلحق اضحك على لميس اللي بتموت من الرعب
زياد : اقووووول اذا ضحكتو على زوجتي بذبحكم
وريف: خلاص نويت ؟؟؟؟
زياد ابتسم: وش رايك فيها؟؟؟
وريف: الصراحه لايقين على بعض الله يوفقكم
زياد: يالله اجل امشي الله يقدم اللي فيه الخير
وريف: وناسه اخيرا تحققت امنيتي يصير عندي أخو وأحضر عرسه
زياد:هههههههههههههههههههه

ركبو السياره وضحكت وريف : ماودك تغير لوحة سيارتك
زياد اللي توه يشغل السياره : ليش؟
وريف: ههههه تذكر لوحة سلمان؟؟
زياد: اييييييييييييييييييييييييييه ابو التميز
وريف: لوحة أخوه عبدالعزيز م ل ك 999
زياد بلحظه ربط بين كلمة وريف عزوزي.. وبين عبدالعزيز اخو سلمان : احلىىىى ياملك التسعات
وريف مالاحظت لذكاء أخوها : ههههه لازم تغيرها انت زياد مو أقل منهم
زياد : وش رايك احط اللوحه ل م و 001
وريف : ياللعيييييييييييييييين لمو هاه تدلع لمياء
زياد: هههههههههههههههههههههههههههههههههههههههههههههههههه
شغل زياد الإف إم وكانت أغنية لحظة وداعك
((لحظة وداعك..
آآآه يالحظة وداعك..
ياهي صعبه .. بالحيـــــــــــــل صعبه
وأنا اللي أبي قربك..
وأبي قلبك..
وأبيك بدنيتي..
تبقى معي تبقى..
نسيت إني أعشقك..
ولا انسى إني اني بفقدك..))
وريف بألـــــــــــم: ممكن تغير الأغنيه؟؟؟
زياد: بكل سرور
أخذ سي دي مرمي بالسياره واشتغل بصوت راشد الماجد
(جاني حبيبي من بعد غيبة سنين
يقول سامحني برد لمكاني
وانا وربي ماتشافيت للحين
للحين وانا من جروحه أعاني)
وريف : يرحم والدينك تطفيها ياأبو الاغاني لابو من قالها
زياد استغرب وضحك :ههههههههه ان شاء الله

وقف زياد عند محل ووريف جاها اتصال من لمياء تسألها وينها
ولا حست الا بزياد يوم دخل السياره
وريف: والله اننا قريبين هذا هو زياد ركب السياره
لمياء : يالله بسرعه بااااي
وريف: بايات
كملو طريقهم لين وقف زياد عند بيت عمها ماجد قبل تنزل وريف مسك يدها زياد وناظرته وهو مبتسم : وش بك؟
زياد يناظر يده الثانيه: وصليها
وريف ناظرت بيده وشافت روز حمرا وبادلته الإبتسامه : زياد.. ما أبي أعلق البنت بين السما والأرض .. إذا بتخطبها اوصل لها
زياد: وصليها وانتي متطمنه
أخذت وريف الروز وحطته بشنطتها وطلعت
اول مادخلت مع الباب شافت لمياء متخصره وواقفه تنتظرها
وريف: ههههههههه هلا والله
لمياء: كان تأخرتي زياده
وريف قربت لها عشان تسلم عليها وطلعت الورده من الشنطه وحطتها بيدها
مدت لمياء يدها عشان تصافح وريف .. بس حست بشي غريب سحبت يدها وطاحت الورده: وش ذا؟
وريف وهي تضحك : هههه ايسكريم .. وش تشوفين ورده
لمياء : لمن؟
وريف: من زياد
لمياء اختبصت : هااه
وريف خلتها براحتها تفكر : يالله ابطلع للبنات
طلعت وريف مع الدرج وانحت لمياء تلقط الورده اللي طاحت حضنتها بيديها . وطاحت دمعه تسقي الورده ... ماتدري وش سبب هالدمعه
’,
’,
وريف اللي ماجاها نوم ولا غمضت لها عين ناظرت بالساعه اللي كانت على 4 وربع ... حطت يدها على قلبها وناظرت للسقف كأنها تترجى ظنونها تطلع خطأ.. كأنها تدعي ربها يكون تخمينها بالسراب..
فكّت اللفافات اللي على شعرها المدرج لين آخر ظهرها ناظرت بنفسها بغرور وإعجاب ..تذكرت موقفها مع جاسم
كانت بغرفة نوال تفكفك اللفافات وتناظر بنفسها بإعجاب .. اللــــه لو يشوفني جاسم بهالشكل .. مابيبقى فيه عقل هههههه .. ماحست الا اليدين اللي حاجبه عنها الرؤيه : نوال بلا سلاعه فكي يدك
جاسم: حلوووووه .. وربي حلوووووه
حست وريف بالدم يتجمع بوجهها ويدها تعصر اللفافه من كل قلبها... لين متى بتم متذكره هالمواقف ..تعبت ياربي والله تعبت
ناظرت لملابسها المرميه عالسرير .. كانت جدا عاديه ..مع إن أمها مصره انها تكشخ كأنها حاسه باللي بيصير
لبستهم.. وتعطرت بالعطر اللي إشتراه زياد لها هديه أمس مع وردة لمياء
لبست طوق وردي يناسب حزامها وبلوزتها الوردي عشان تلم قذلتها القصيره ..
ولبست شبشب زيتي يناسب الكتابات الزيتيه اللي على تنورتها الجنز ..
نظرها صار ضعيف من مقابل الأنترنت .. لازم تروح تكشف عليه
كحلت عينها بقلم أخضر .. حطت قلوس وردي .. شبكت يدها بميدالية جوالها وطلعت شافت أمها تدخل المصعد .. وريف بغت تلحق أمها عشان تنزل معها :يمه إصبري اصبري بنزل معك
بس المصعد تقفل ونزل قبل توصل وريف ركبت وريف المصعد اللي طلع لها ونزلت أول مافتحته شافت زياد قدامها كاشخ بالثوب البيج ..والغتره البيضا والجزمه البنيه
وريف: والله لو انك معرس
زياد: ههههههههههههههههههههه لأن بعد ماتروح صديقتك أباخذك مشوار مهم
وريف: لو تطير .. اصلا صديقتي ماني طايقتها تجي بهالوقت ..
زياد: غصبن عن أنفك
وريف: يوووووه .. طيب وشهو المشوار؟؟
زياد بجديه: ماينفع اللحين
وريف بعدم رضى : اففف طيب
بهاللحظه دق الجرس
ام وريف: وريف افتحي الباب
وريف : ان شاء الله
دخل زياد مع المجلس الداخلي اللي يطلعه للمقلط ومن ثم للمجلس الخارجي
فتحت وريف الباب ونطت بحضنها جوري : كيفك يادوبهـ
استغربت فجر فرحة جوري ان وريف بتصير زوجة عبدالعزيز
وريف ضحكت : هههههه هلا حبيبتي بشوفتك بخير
دخلت جوري ومن بعدها ام سلمان اللي قاعده تسمي على وريف: ماشاء الله ماشاء الله وش هالزين ماشاء الله
وريف شبه تأكدت من اللي في راسها
ام وريف على كرسيها المتحرك : هلا هلا والله تو ماتبارك البيت
وريف ناظرت بفجر اللي كانت واقفه وتبتسم
وريف: فجور علامك ماتدخلين؟؟
فجر وهي واقفه على الدرج الخارجي : اللي يبيني يجيني
وريف : ياشيييييييييين الثقل مو راكب
تقدمت وريف لفجر اللي كانت برا : وشلونك يالخبله
فجر: ههههههههههه اش رايك ندخل؟؟؟؟
وريف: شفيك تضحكين؟؟؟
فجر: ههههههه ولا شي بس يالله ندخل
وريف: مانيب داخله قولي لي وش فيك تضحكين
فجر وهي تضحك: ناظري بسيارتنا
رفعت عينها وريف عالفياجرا ولمحت اللي داخل السياره مشخص ومبتسم بيتشقق
حطت وريف رجلها لداخل وهي حاقده على فجر اللي حطتها بموقف مثل ذا
فجر دخلت وهي ميته ضحك : لاتزعلين .. هو يقول نظره شرعيه
وريف: شرعو وجهك انتي واياه
فجر : ههههههههههههههههههههههههههههه يابطني بس قبل أنسى خوذي هالعلبه
وريف: وش ذي بعد
فجر : ماعلى الرسول إلا البلاغ
مافهمت وريف أخذتها وأخذت فجر بيدها عشان تخليها تسلم على أمها ويطلعون فوق
بعد مادخلت فجر غرفة وريف : اللــــــــــــــــــــــــــــــــــه وش هالذووووووق عند اخوك
وريف: هذا رسمه تصدقين؟
فجر: ورسام بعد؟؟ الله واكبر عليه ماشاء الله

عبدالعزيز اللي تجنن على شكل وريف كان نفسه بذيك اللحظه يجيب الشيخ يملك له عليها
نزل من السياره وهو حبها بقلبه زاد 10 أضعاف .. ياكم تمنيت هاللحظه .. تمنيت إني اخطبك يا ملكة إحساسي
دخل المجلس عند سلمان وزياد
زياد وقف له : هلا والله
عبدالعزيز إبتسم : هلا فيك أكثر أخوك عبدالعزيز
زياد تذكر غلطة وريف بالإسم : هلا عبدالعزيز ونعم
سلمان: النعم بحالك يابوي .. شوف يالغالي حنا مانعرف المقدمات مانتو أغراب بقولك الموضوع
زياد حس بالسالفه إن: سم يا ابو.....
سلمان: ابو عبدالعزيز
عبدالعزيز إبتسم ابتسامة فخر بسلمان ..
زياد: سم يا ابو عبدالعزيز آمرني
سلمان: عبدالعزيز أخوي الصغير وبحسبة ولدي... وجايين اليوم نخطب له بنتكم
زياد إبتسم : والله يشرفنا بس لازم نسأل البنت .. ونسأل عنكم
سلمان: عبدالعزيز جراح بمستشفى الــ ومخلص دراسته ببريطانيا
زياد: ماشاء الله.. عطونا مهله ونرد عليكم
عبدالعزيز : الا يا زياد انت وش تشتغل
زياد بحسره: كنت ألعب بنادي بس على أقل غلطه تخلو عني وتركتهم .. واللحين عطال بطال

وريف: تخطبوني لعبدالعزيز؟؟؟
فجر: ايييه تدرين من يوم جاء من بريطانيا وهو منهبل على إسم وريف .. عشان بنت صاحبه فيصل اسمها وريف .. واللحين زوجته وريف هههه والله ضحكت
وريف بكل جديه : بس انتي عارفه ان جاسم رجع
فجر بهتت بوجهها الإبتسامه: بترجعين له؟؟؟
وريف : هااه؟؟ مدري
فجر بجديه : فكري يا وريف وتأكدي ان ذي حياتك لا تجاملين فيها أحد حتى لو هو انا
وريف ابتسمت : اكيد

19 - 12 - 2014, 05:54 PM

طلعو بعد صلاة المغرب ..
سلمان : اجل يا زياد بكلمك وأفهمك عالسالفه كلها
زياد : ان شاء الله
سلمان: بس لحد يدري ابيها مفاجئه لعبدالعزيز .. تقدر تقول هدية عرسه
زياد : ان شاء الله

عبدالعزيز كان قد ركب السياره قبل الناس كلهم على أمل انه يشوف وريف.. بس وريف كانت أذكى منه ودعتهم قبل يوصلون الباب
ركبو اهل فجر وطلعو من الباب الرئيسي

دخل زياد وهو مبتسم اول ما شاف وريف وهو يقول : عزوزي حبيبي
وريف انخبصت ألوانها : عن إذنكم
وطلعت ولا ردها غير باب غرفتها ... ياربيييييييييييييييه ماتوقعته ذهين ماشاء الله عليه
لمحت الصندوق المغلف الي اعطتها اياه فجر
راحت له بسرعه والفضول بيذبحها
ناظرت بالصندوق اللي كان بالذهبي والأحمر
فتحت شريطته الذهبيه
شافت كرت ذهبي .. فتحته قرت الكلام الي كان بالحبر الأحمر
((والله ماغيرك سكن دخل الروح
ولا غيرك ..إنتي.. وسط قلبي وعيني
والعاشق اللي يعشق بصدق مفضوح
لو جاء يرد الشوق لازم يبيني
أحبك .. ياملكة إحساسي))
حست بشعور غريب يمشي داخلها .. ابتسمت وهي تخفي وجهها داخل كفوفها تذكرت شكله وهو مبتسم لها اليوم .. مشاعره جد كانت فاضحته ...
رجعت تتفرج عالهدايا .. شافت صورته .. يؤؤؤؤ مو صاحي ذا
كان رافع حاجبه وهو يناظر بالكاميرا ولابس كاب أحمر يجنن على لونه الفاتح وإبتسامته على جنب .. ماقدرت تكمل .. حست انها تستحي تناظر فيه حتى بلحالها
شافت قلب زجاجي أحمر بداخله كلمة أحبك .. الظاهر بخط يده

رن جوالها مسج فتحته وهي متوقعته من فجر
قرت الإسم ... وتلاشت ابتسامتها
كان الاسم ((الماضي))
من غيره ؟؟؟ جاسم
كأنه حاس إني جالسه أخونه .. ياربيه إحساسه فيني مامات ..
((أخاف أماني العمر عنك لاتقصر
بين إحتياجي لنفسي .. وإحتياجي لك
وأخاف أموت في قربك ولا تشعر
وأخاف لا أعمر يمشي بي وأنا امشي لك))
بكل قسوةقلب إعتبرتها وريف..
وبكل إراده ..
فتحت كتابة رساله وكتبت وهي عينها تدمع
((منظر الفرقى
ترى جدا ... قبيح !!
مو نصحتك ؟؟
ليه يعني ما أنتصحت ؟
صرت في وصلك .. عن عيوني شحيح
إنعمت عين الوصل
وينك ؟؟ ... سرحت ؟؟
إعترف بـغطـلتك .. خلك صريح
!! لا تكابر بالخطا
دامك جرحت
كان ودك في فراقي تستريح ؟؟
بسمع الموضـوع كامل .. لو سمحت !!
خنتني ؟؟
وشلون ؟؟
علمني الصحيح ؟؟
وين عني رحت ؟؟ عني وين رحت ؟؟
كنت أظنك
من عيوني ماتطيح !!
لين في عيني
ارتفع غيرك
!!وطحت))
ارسلتها .. وبعدها استوعبت هي وش سوت .. انا ارسلت لجاسم هالحكي؟؟؟؟؟
لييييييييييييييييش؟؟؟ بأي غباء كنت أتصرف
اما جاسم اللي قرا المسج وجن جنونه ... ارتفع غيري؟؟ منهو غيري .. اتصل عليها بس ما كانت ترد.. أصلا حالتها والندم اللي هي عاشته مايسمح لها انها ترد عليه ..ليت يدي انقصت قبل اكتب لك هالكلام آآآه

جاسم بعد مافقد منها الأمل انها ترد ارسل لها رساله
وصلت عند وريف اللي مقطعه نفسها بالصياح فتحتها وكان كاتب فيها
((على موتي))
ياربيييييييييييييييه وش بيسوي بعبدالعزيز اذا كان سلطان وبغى يذبحه على حب طفوله أجل عبدالعزيز وش بيسوي

قام جاسم وهو الغيره على وريف ماكله قلبه آكاااال
اما عبدالعزيز اللي كان مشغل أغنيه ويترقص بالسياره
ام سلمان: يا ولدي قصر أدوختنا
سلمان: خليه يايمه الواحد يعرس مره بس
عبدالعزيز : يأبرني شو ديموقراطي
الكل: ههههههههههههههههههههههههه
وقف عبدالعزيز عند البيت ونزلو كلهم ماعدا فجر اللي قال لها عبدالعزيز تنتظر يبي يكلمها
فجر: هلا وش تبي؟
عبدالعزيز : ابي رقمها
فجر: انهبلت انت؟
عبدالعزيز : أقولك ابي رقمهااااااااااا بتجيبينه ولا بجيبه بطريقتي؟
فجر: لا ياحبيبي اتحداك تجيبه ماني معطيتك اياه
وبسرعة البرق أخذ عبدالعزيز الشنطه من أحضان فجر الي صرخت :لااااااااااااااا
ضحك عبدالعزيز .. خزن الرقم عنده ورمى الجوال والشنطه على صاحبتهم اللي نزلت تتحلطم
أرسل لها
((حبيبتي خواطر ..
ألم يحن الوقت لأنطق بها بكل جراءه .. أحبك؟؟؟
ألم يأن الأوان لأصارحك بما يحمله لك قلبي من الحب والشوق..
أحبك ياملكة إحساسي ..
حبيبك ..كبرياء ))
وريف قرت الرساله اللي كأن ربي ارسله عشان يجبر بخاطرها .. ياربيييييه ناس حبهم عذاب.. وناس حبهم دوا
بس العذاب دووووم أحلى آآه ياجاسم والله أحبك

وصلت النقاشه اللي توها جايه من عند لمياء والبنات
فتحت لها وريف الباب
النقاشه: انتي وريف؟
وريف: ايه
النقاشه: ماشاء الله تبارك الرحمن ..انا النقاشه توني جايه من الانسه لمياء
وريف: حياك الله.. مع اني مع أحب الحنا بس هذا العرس غالي عليّ
النقاشه : هههه لا زم تحبيه لأنه حلو عليك

نقشت النقاشه الحنا لوريف اللي كانت مغطيه خشمها بمنديل فيه العطر اللي كان جايبه لها عبدالعزيز وامها تضحك على شكلها
طلعت النقاشه .. ووريف بتموت من الريحه اللي تشمها
ماصدقت الحنا نشف راحت غسلت يدها وصرخت :واااااااااااااااااااااااااااااااااااااااااااااااا اااااااو
راحت تركض لأمها : يمه وش رايك فيه؟؟؟
ناظرت امها بالنقش اللي كان يبتدي من ظهرها لين أطراف أصابيعها : ماشاء الله عليك .. حتى بيوم عرسك مانقشتي
عورها قلبها على ذاك اليوم : يعني حلو؟
امها : يجنن ..الا ماقلتي لي وش رايك بعبدالعزيز
وريف بدلع :امممم أفكر بالموضوع
ام وريف انصعقت ..تفكر؟؟؟ غريبه.. خبري بها كانت تردهم بدون ما تفكر .. يمكن عشان فجر.. المهم تنفك هالعقده
وريف: يالله يمه عن إذنك بروح أزين لي أقنعه للبشره .. واسوي لي كريم لشعري
ام وريف : عزمتي فجر؟؟
وريف: يمكن مايجون ترى

طلعت وريف لغرفتها تخبص بنفسها

اما جاسم اللي ناره مشتعله
ارتفع غيري؟؟؟ منهو غيري يا وريف
معقول بيجي رجال غيري ويمسح دمعتها... يتمتع بإبتسامتها اللي ترد الروح.. بيجي أحد غريب يلعب بشعرها...
على جثتي ياوريف..إنتي لي

صحت وريف الساعه 2الظهر على إزعاج وتين وشيماء وميان وليان
وريف: اممم هلا والله وين الباقين عنكم عشان يكملون الصفه هههه
وتين : هههههه لمياء وعند توأم روحها .. شوق وشروق بيروحون مع بنات خالتهم لكوافيره جايه من جده خصيصا .. اما صبا ورغد تعرفينهم لازم مع بعض
وريف: بس نص ساعه اتروش واجيكم
وتين: السواق تحت بسرعه نبي نروح المشغل
وريف نطت بسرعه: اوكي اللحين أجهز

تروشت والبنات يحوسون بالغرفه .. طلعت وتفاجئت باللي بيدين البنات ..
وتين كانت ماسكه الصوره وتناظر وريف : وش ذا
وريف اللي ارتبكت : هذا عبدالعزيز أخو فجر خطبوني امس
ميان بنعومه: احلفي
وريف: والله
نطت ليان بنعومه أكثر وحضنت وريف: ياحياتي مبروك
وريف توهقت : بس انا ماوافقت للحين
وتين خقت : احلى من فهودي
البنات: هههههههههههههههههههههههههههههههه

لبست وريف عبايتها وبسرعه نزلو البنات وركبو السياره وبسرعه وصلهم السواق للصالون
دخلو البنات الصالون وكانو يرحبون فيهم العاملات ..لأن عوايلهم مره كبيره ولها ثقلها
الترحيب فيهم كان ملفت .. لدرجة إن كل اللي بالمشغل انتبهو لهم
نوال : نجدووووووووووووووووووووووووووووووووووووه
نجد اللي مشغوله تضبط قذلتها : هاااه
نوال برعب : هذي وريف
نجد شهقت : وينهااااااااااااااا؟؟ وريف اللي يحبها جاسم
نوال وهي خايفه: إييييييييييه
نجد بصدمه: هذي؟؟؟؟؟
نوال : اييييييه
نجد: تجنن
نوال: اييييييييييييييه
نجد: وش فيك علقتي على إيه.. بروح أسلم عليها
نوال : لا ((وصرخت يوم شافتها تبعد عنها ))نجـــــــــــد
بس نجد كانت وصلت لوريف اللي من شافتها رقص قلبها .. نفس الملامح
نجد: الأخت وريف؟؟؟
وريف بنفسها ((ياربييييييييييييييييييييي نفس بحة الصوت)):هلا
نجد بإبتسامه : انا نجد ماعرفتيني
وريف تظاهرت باللامبالاه مع ان فرحة انها تذكرت ملامح جاسم باينه : معقووووول؟؟؟ نجد ماغيرها وحشتيني
نجد: كنت صغيره ولا أتذكرك.. بس بصراحه انتي قمر ماينلام جسوم فيك.. يابخته فيك
وتين بلقافه : قصدك عبدالعزيز
نجد بإستغراب: من عبدالعزيز ؟؟؟
وريف خلااااااااص انتهت
وتين بإبتسامه: خطيبها
نجد إنصدمت : خطيبها ؟؟؟ أهاا طيب مبروك
انسحبت نجد وسط ذهولها وذهول نوال اللي سمعت اللي صار
وريف كانو يشتغلون في وجهها وفي شعرها وهي ماهي معهم ..كانت عارفه ان جاسم راح يتأثر ..؟أحسن خله يحس طعم ان احد يتخلى عنه ... بس وش يسوي بعبدالعزيز ؟؟؟ اظنه بيذبحه .. بسم الله عليه ...

خلصو البنات على المغرب وطلعو شافو السواق محله إتصلو على لمياء اللي قالت انها جاهزه .. ولميس ذبحتهم بس تصيح
وتين: هههههههههههههههههه اسمعي انتي تسحبي واطلعي عشان نروح القاعه
لمياء : اوكي خلاص اللحين

بالفعل تسحب لمياء وطلعت لهم واتصلت على عبدالرحمن
عبدالرحمن: لبيــــــــــه
لمياء: عبدالرحمن انت توليت القاعه كيف؟؟؟ تمام؟
عبدالرحمن : تمام التمام
لمياء : اللحين حنا جايينها
عبدالرحمن: ولميس معكم؟؟
لمياء: هههههههههههههه ياغبي وين تجي وهي عروس
عبدالرحمن: وانا وش يدريني اول مره اتزوج
لمياء: ههههههههههههههههههههههههه

وصلو البنات القاعه وكان فستان وريف ذهبي وأحمر مخصر لين نص الفخذ ويبدا يتوسع .. أما من عند الكتوف كان له حبلين بس ماكان متعري حيل .. تطريزه الذهبي كان ملفت ..
اما مكياجها كان راسم عينها الواسعه بلمسات هنديه
لمياء اللي كان فستانها بحري : وريف انتي فيك عرق هندي؟؟؟
وريف: ههههههه لا بس المكياج هندي هههههههههه
وتين: مخططه الأخت الفستان والمكياج على لون هدية الحبايب
وريف بقلبها((شكلي ذابحتك ذابحتك ياوتين))
لمياء: من الحبايب ؟؟
وتين بإبتسامة البراءه : عبدالعزيز أخو فجر
لمياء من الفرحه طارت بحضن وريف اللي مو عارفه وش تقول : مبرووووووك
وريف: لا تباركين لي بعدين افهمك السالفه
لمياء : حست بالموضوع شي ولما نوت ترفع راسها من صدر وريف .. نشب شعرها بالتطريز.. صارو البنات كلهم يضحكون

وصلت الطقاقه على الساعه 11 ونص وبدأت بالطق والأغاني والبنات إستهبال ... وفله .. ورقص
شغلت الطقاقه أغنيه مصريه فاصل وقامت وريف بثقه والكل يناظرها بإستغراب
وطلعت عالكوشه .. وسحبت الشال اللي كان مغطي كتوفها وربطته على خصرها وطقت خصرها وصرخت القاااااااااعه تشجيع لها ..
انتهت الأغنيه وتشجيع بنات عمها لها بأعلى صوت ما قطع عليهم إلا صوت الطقاقه ((العريس بيدخل ))
لبسو البنات عبايتهم وضبطو لثمتهم ماعدا شيماء ولمياء اللي بيبكون من الفرحه بأخوهم
قبل يطلعون عند الناس اقترب عبدالرحمن من لميس اللي كانت بأحلى شكل .. وأرق نعومه .. وأروع شعور
ماقدر يستحمل الشوق اللي بقلبه وحضنها مصورة الفيديو ماقدرت تفوت هاللقطه بدأت تصوير والصوره طلعت عالشاشه الكبيره اللي قدام خلق الله ولاسمعو الا صراااااااااخ البنات وتشجيعهم .. عبدالرحمن تفشل وفكها من أحضانه بس مافك يديها
لميس خلاص راحت وطي
اما لمياء كانت تبكي من قلب ماتدري فرحه لأخوها أو فرحة لتوأم روحها
دخلو مع الباب وشافوهم الناس وبدأت أغنية عبدالمجيد
((تمر سنين وانت الحب..
عسى الله لايفرقنا
حبيبي مهما نتفارق..
يبقى الحب يجمعنا
وأنا وياك ..
نبض وقلب
وأنا وإياك نبض قلب
كـــــل عاااااام
وإنت الحب))
تذكرت لميس اليوم عيد ميلادها .. يااااااه شلون تذكر ؟ لهدرجه يحبني؟؟؟؟ شدت يدها على يد عبدالرحمن اللي ابتسم
انتهى المقطع وكانو بهاللحظه ركبو عالجسر المتحرك اللي بيوصلهم للكوشه ..
كانت الورود تنزل عليهم من السقف والمقاطع كل واحدأحلى من الثاني إلين وقف الجسر تقدمو لميس وعبدالرحمن وكانت لمياء ببداية الكوشه تنتظرهم وهي ماسكه المسكه حقت العروس وهي ورد طبيعي
ناظرت لميس بلمياء اللي كانت ميته من الصياح
لميس ماقاومت شعور بداخلها .. رمت نفسها بحضن لمياء وصارو يشاهقون والكاميرا شغاله وعبدالرحمن اللي للحين ماسك يد لميس الملتفه على كتوف لمياء والأغنيه كانت غربيه رايقه
اقترب عبدالرحمن منهم : خلاص اللحين انا اللي لازم تحضنيني كذا
رفعت لميس نفسها من حضن لمياء اللي مدت يدها تضبط مكياج لميس .. الموقف بكى كل العيون اللي تطالعهم وتسمي عليهم
سحب عبدالرحمن يد لميس بقوه اللي ماحست نفسها الا بين أحضان عبدالرحمن
لميس بهمس : فكني
عبدالرحمن: ارقصي ..حبيبتي أنا جايب كاميرا فيديو عشان لاتخرب اروع ليله انتظرتها سنين .. لاتخربين فرحتي
نزل عبدالرحمن يديه ليديها وحطها على كتوفه .. وحضن خصرها بيديه..
ماحست لميس الا وهي حاطه راسها على صدره
والقاعه كانت هدوووووء .. ماحد متخيل من عبدالرحمن هالرومنسيه كلها وبدأو يرقصون
بعد ماخلصت الأغنيه جلست لميس عالكوشه اما عبدالرحمن أخذته لمياء وزفته لبرا عشان الحريم ياخذون راحتهم

بعد ماسلموالحريم على لميس قامت ولحقت زوجها بسيارته

لبسو الحريم لثاماتهم مره ثانيه فيه رجال بيدخلون
لمياء: عموووور مالك سالفه عاد
عامر:عرس أخوي وابرقص فيه .. قولي لها تشغل لنا دبكه
لمياء : لحووول طيب

راحت لمياء وقالت للطقاقه ان العيال بيرقصون على دبكه ..إستانست الطقاقه وشغلت لهم شريط دبكه شامي
دخلو 7 عيال واول ما وصلو عالكوشه تماسكو وبدأ يرقصون دبكه حايليه ...كان خفتهم بالرقص وبراعتهم واتقانهم للحركات لافته نظر الجميع
بعد ما خلصو زهم فهد على إخته رغد اللي كانت جالسه جنب صبا
رغد: نعم؟؟
فهد: وين وتين؟؟؟
رغد تأشر على وتين : هذيك هي
فهد طلع الألماسه من جيبه وتقدم لها .. وهي تلقائيا وقفت له وتقدمت له
انسحبو الشباب كلهم من القاعه
كل الحريم يناظرون بالموقف اللي بيصير
سحب فهد لثامها بعد ماتأكد إن الشباب برا القاعه وطاحت عيونه على أجمل ماخلق ربي .....
وهي خدودها الورديه زيادتها حلا..
فهد: كنت أتمنى نعرس قبلهم .. بس المهم إني احبك وانتظرك
وتين بخجل: وانا احبك ..
رفع يده يحط العقد اللي كان فيه اسمها واسمه متشابكين واستأذن وطلع ولا إنتبه للطقاقه الي إستغلت الموقف وغنت بصوتها
((عمري ما إتمنيت شي
قد ماتمنيت أشوفك
وأروي عيني من حلاك
وتلمس كفوفي كفوفك))

إنـــــــــــــــتـــــــــــــــــــــــــــــــه ــــــــــــــــــــــــــــــــــــى البـــــــــــــــــــــــــــــــــــــــــــــــ ارت

19 - 12 - 2014, 05:59 PM

عبدالعزيز وهو طالع من الجامعه يلبس نظارته الشمسيه : ياربيييه تذكرت أيام الجامعه ونكدها
زياد : ايه تذكرت ايام الدراسه
عبدالعزيز : خانقتني العبره اتذكر هنا كان فيه كافتيريا كل يوم فطورنا منها فلافل ولا تونه انا وفيصل
زياد : ياحليله فيصل
عبدالعزيز ابتسم : ينحط عالجرح يبرا
زياد اللي وصل سيارته : حياك معي وخل سيارتك نفطر في بيتنا وارجعك هنا
عبدالعزيز وده يروح يذوق طبخ وريف تجربه قبل العرس بس نعسان : لا والله اني ميت من النوم
زياد: اجل فمان الله
عبدالعزيز بحفظ الله
ركب زياد سيارته وعبدالعزيز كان يمشي ويتلفت حوله .. كل شي تغير حول الجامعه سبحان الله ..
ركب سيارته بعد ما إشتراله نسكافيه عشان يصحصح شوي
حرك السياره

كانت جالسه شبه نايمه فجأه حست بضيقه بصدرها شهقت :جاسم فيه شي
ام وريف : وش قلتي؟؟
وريف بتبكي : هااه؟؟؟ لالا انا طالعه
وطلعت تركض لغرفتها ... الا وزياد داخل البيت
فتحت غرفتها ودقت جواله بدون شعور
ناظر الرقم وإنصعق .. وشلون يرد وهو معه زوجته بالسياره وماله ساعتين مالك عليها .. مايجوز أخونها...
أخيرا تكلم
جاسم :إبتهال
ابتهال بخجل :سم
جاسم : سم الله عدوك ..أبنزل البقاله تبين شي؟
ابتهال :تسلم
جاسم : الله يسلمك
نزل البقاله وبعد ما إختفى عن أنظارها دق رقمها وهو خايف عليها وش خلاها ترجع تتصل؟؟ اكيد فيها شي
ردت عليه وهي بتموت من الرعب :السلام عليكم
جاسم حاول يكون جاد بس هيهات ياجاسم هذي وريف : هلا وغلا
وريف:إنت فيك شي؟؟؟ صاير لك شي؟
جاسم:أنا؟؟؟ لا الحمد لله توني طالع من المحكمه
وريف شكت بشي وقالت ببرود :ليش؟؟
جاسم : وصيتك
وريف :إبتهال؟؟؟
جاسم :ايه نعم
وريف ببرود وصوت محطم وقلب مهشم : مبروك
جاسم حس فيها وبإحساسها :الله يبارك فيك
وريف : هي معك؟
جاسم :هي بالسياره
وريف :أبي ابارك لها
جاسم خاف تزعل ابتهال :بسسس
وريف :تكفى
ماقدر يقاوم راح لين السياره واعطاها الجوال
ابتهال بخوف : مين
جاسم بفشيله : وريف
ابتهال تغيرت الوانها من تحت البرقع اخذت الجوال :هلا وريف
وريف : الف الف الف الف مبروك بتوله تستاهلين
ابتهال فرحت لأن وريف فرحانه لها :تسلمين ياقلبي الله يبارك فيك
وريف تتذكر كيف كانت ابتهال كريمه يوم تنازلت لي عن جاسم بعد ماخطبني .. كيف تنازلت عن حب عمرها ..
ابتهال: وريف وينك؟؟
وريف :هااا ..إعذريني بس مانمت عموما انا اتصلت ابارك لك واقول مايصح الا الصحيح
ابتهال بطيبه : لااا اش هالكلام انتي تستاهلين كل خير
وريف بطيبه وبمراره : وانتو تستاهلون بعض الله يوفقكم
قفلت من ابتهال وهي تحس نفسها عمارة ألالام وإنهدت .. تحس نفسها كومة جروح .. بركان غضب .. تيار غيره ..
ماسمعت الا تحريك السياره العالي
خافت فتحت الدريشه وشافت زياد منطلق بسرعه كبيره
نزلت بنفس السرعه لأمها اللي كان وجهها مايبشر بالخير
وريف : يمه وش صاير ؟؟؟
ام وريف : خوي زياد صار له حادث والظاهر توفى
وريف انصدمت : لا حول ولا قوة إلا بالله. الله يرحمه .. اذا نعرفهم يمه بنروح نعزيهم
ام وريف : ايه يايمه اخو فجر
وريف طااااااااارت عيونها .. كلهم كذا الاثنين يروحون مع بعض ... كل شي رااااااااااااااااااح وبقيت على أنقاض الحب صرخت :عبدالعزيز؟؟؟؟؟
ام وريف :ايه الله يرحمه
وريف صرخت صرخة ألم .. صرخة قهر .. صرخة حسره .. صرخة ضياع ..
اتصلت على زياد وهي ودها عبدالعزيز يرجع للحياه يوم واحد وتقوله أحبك.. ودها ان ربها أخذ عمرها ولا عمره..
أخيرا دق قلبي له وحسيت فيه .. بس متى ؟؟ متى ؟؟ بعد فوات الأوان .. بعد ما توفــــــــــــــــــى ...
زياد اللي بالمستشفى كان عنده أمل واحد بالميه انه يكون حي مايرد على احد .. اصلا جواله مرمي بالسياره
شاف الدكتور مقبل من بعيد
ياااارب يا حي ياقيوم .. يامحيي الموتى .. يا خالق الخلق .. انه يكون حي .. يارب يكون حي يااارب يكون حي أسألك بكل إسم هو لك انه يكون حي

زياد قرا تعابير الدكتور بس كان مأمل خير : بشر؟؟
الدكتور : مريضك هو الدكتور عبدالعزيز ماغيره ؟؟؟
زياد : ايه اللي توه متعين هنا
نزلت دمعه من عين الدكتور :الله يرحمه ويعوضه شبابه بالجنه كان حيييل طيب
زياد اللي تحطم فيه مليون أمل ومليون حلم ومليون شعور أخوي
ماهو عارف شلون يبلغهم ... خلال السنه اللي راحت فقدت أغلى ماعنده بالدنيا ..أبوه وإخته واللحين صديقه

على ما إستوعبت وريف الخبر كانت الرجال يصلون الظهر
زياد كان شايل هم كيف يبلغ سلمان بالخبر
الله يصبرهم عاش اغلب عمره بالخارج ويوم رجع لهم توفى ..
فكر بفيصل .. صح فيصل هو اللي المفروض يكون معي بهالوقت ... فيصل خسر صديق عمره .. الله يكون بعونه اذا ماقدر يتحمل بريطانيا بدون عبدالعزيز الله يرحمه شلون بيستحمل الدنيا وحياته بدونه؟؟
يارب ساااااااااااااعدني
بلغ فيصل بالخبر اللي تخدرت اطرافه لأول لحظه .. وبعدها إنهار بالبكاء ..إيه نعم بكاء .. موب عيب الرجال يبكي لاحس انه خسر غالي .. بكى وخيال عبدالعزيز مافارقه ولا لحظه .. كان يشوف وجهه بكل الفراغات اللي حوله ..
ركب السياره مع زياد اللي كان متماسك أكثر من فيصل .. ناظر فيصل بزياد .. لمح رفعة حاجب عبدالعزيز .. الحركه اللي كان يعشقها فيصل من عبدالعزيز .. كل ماهدأ ينهار أكثر من قبل ..
وريف .. حست بالخساره .. ماخسرت أحد بحياتها إلا ابوها وعبدالعزيز ..
أيقنت إنها ما كانت تحب جاسم خلال فترة هالصراع بينه وبين عبدالعزيز الله يرحمه .. تأكدت إنها كانت متمسكه بالماضي وبهاجس الماضي ..
اللي حسته بفراق عبدالعزيز الموت بعينه ..
اللي حسته بموت عبدالعزيز هو شعور زلزلها .. خلاها تشوف الحياه ولا شي من دونه ..
ياليتني رديتك ياجاسم وقبلت بعبدالعزيز اللي كان لآخر لحظه بحياته وهو يطلب مني الحب ..
ياحسرتي على حظي الأقشر .. الله يرحمك ياعبدالعزيز .. الله يرحمك ويسكنك فسيح جناته ..
لبست عبايتها على الساعه 1 الظهر وهي الموت يلمع قدام عيونها ... ياليت .. ايو والله ياليت اموت وارتاح من هالعذاب
اتصلت على زياد اللي كان توه واقف عند باب بيت سلمان
زياد مبحوح صوته ..:الو
وريف اللي صوتها أردى : ابي اروح لفجر
زياد:انا عند بيتهم بس ابلغهم بالخبر وأجي آخذك
وريف بكت وقفلت السماعه ..
ام وريف : يابنتي احمدي ربك ماصار بينكم شي رسمي
وريف كان ودها تتكلم ..بس وش تقول .. سنه عشتها مع عبدالعزيز بأروع وأحلى رؤيه للحياه .. سنه عشتها مع عبدالعزيز بأجمل صوره للدنيا .. عرفت شلون الحب حلو .. وتجين يايمه بكل بساطه تقولين ماصار شي رسمي ؟؟؟؟؟؟؟
كان هذا حديث وريف داخل نفسها ...
ام وريف :علامك مبلمه كذا ؟
وريف اللي رجعت تبكي بدون ما ترد على أمها .. الكلام كله مايوصف الألم اللي بقلبها .. ليش ربي كاتب علي أعيش على ذكريات وأنقاض؟؟؟
سلمان اللي طلع من البيت بعد ماسمع الجرس انصدم ..إلا إنصعق من أشكال زياد و فيصل ..
حارت أنظاره تدور عبدالعزيز بينهم .. او وراهم .. او بالسياره .. بس ظنونه زادت .. عبدالعزيز فيه شي
اقترب منهم ... وبلا مقدمات طاح فيصل عليهم .. كان مشاعره وألم فقد عبدالعزيز أكبر من إنه يتحمله .. شالوه ودخلوه داخل ..
سلمان اللي للحين ماعرف : زياد خير وش فيكم؟؟؟
زياد مو عارف من وين يبدأ.. ليش دايم انا اللي ابلغهم بخبر الوفاه .. بشير القيامه !!!
زياد: عبدالعزيز...
سلمان طاحت علبة الكولونيا من يده : وش به؟
زياد بغصه : عطاك عمره
سلمان بصدمه وصبر وإيمان قوي : لا حول ولا قوة إلا بالله .. وش السبب؟
زياد حمد ربه إن سلمان قوي ايمانه : حادث سياره
سلمان: دفنتوه؟
زياد :للحين
سلمان : اكرام الميت دفنه .. نصلي عليه العصر وندفنه ..الله يرحمه
زياد: يالله عن إذنك بروح أجيب الأهل
سلمان اللي بدت عيونه تخونه : جزاك الله خير
طلع زياد .. بينما سلمان دخل يبلغ اهله بوفاة حبيبهم وولدهم الله يرحمه
جوري بكت بأعلى صوتها وصرخت .. أم سلمان كـ أي أم جلست على أقرب كرسي .. رجولها ماقدرت تشيلها ..
سلمان كان شايل هم فجر ..توأم روح عبدالعزيز..
كانت لانفس .. لا حركه .. لا كلمه .. لارمش .. كأنها صنم ..أو تمثال ..
قرب منها سلمان اللي خاف على إخته وما حس إلا بالكف اللي على خده :إنت كذااااااااااااااااااااااااااااااب
سلمان ما إستوعب وفاة عبدالعزيز عشان يستوعب كلمة فجر
بعد مارمت هالقنبله بوجه سلمان طلعت وخلتهم وتهمهم بكلامات ماسمعها الا هي وقبل تدخل غرفتها صرخت :فيه أهل يفاولون على ولدهم؟؟؟
ودخلت غرفتها وقفلت عليها
وصلت وريف تدف أمها ودخلتهم ام فجر اللي شبه منهاره ..أحد يلومها هذا الضنـــــــــــــــــــــــــــــا ...
طلعت وريف الدرج متجهه لغرفة فجر .. كانت متوقعه تلقاها منتحره .. ميته .. أقل شي غايبه عن الوعي ..
فتحت الغرفه ماشافت فجر ...شهقت وريف .. معقوله راميه نفسها من البلكونه ؟؟؟
ركضت عالبلكونه بس ماشافت آثار أحد متوفي بالشارع ..
ناظرت يمين ويسار ماشافتها بالغرفه .. رجعت لأمها وهي ماشيه بتنزل مع الدرج سمعت صوت فجر
فتحت الغرفه اللي كانت ألوانها زرقا وسماوي .. وذوقها ولادي
شافت فجر جالسه عالأرض وتبكي .. وحاضنه صوره
راحت لها وريف وجلست بمستواها عالأرض
فجر غرقانه بدموعها : من جد راح؟؟؟؟
وريف حضنتها وصارو يبكون كلهم

الساعه ثلاث لبست أم سلمان عبايتها عشان تروح تشوف ولدها قبل يدفنونه .. فجر ذبحت نفسها بالصياح عشان تروح بس سلمان مارضى ..خايف عليها
وريف كانت تبكي ألم قلبها وألم صاحبتها ..
دخلو المستشفى وطلعو عبدالعزيز الله يرحمه من الثلاجه ..
كانت ام سلمان فيها شي من الأمل ان ولدها مامات....
شالو الشرشف الأبيض ناظرت..
نفس الوجه .. نفس العيون .. نفس الفم .. رمت نفسها على ولدها تبكي وطلعها سلمان بالقوه
فراق الضنا صعب.....
طلعت وهي ماتشوف الدنيا قدامها من الموت والألم اللي عاشته بلحظة ماشافته ..
الله يرحمك .. ليتني توفيت وإنت اهتنيت بشبابك ..
ماحست الا بسلمان يدلها عالسياره .. ركبتها والتابوت بسياره ثانيه ..
كانت تلتفت للسياره اللي تشيل ضناها عالقبر ... وتبكي دم
وصلو المقبره وهي كانت بالسياره شافت الرجال يشيلون النعش ودخلو به داخل المقبره .. كان هين عليها تصيح وتقول ادفنوني بداله ..
دخلو وسلمان وزياد وعيال عم وريف ماسكين النعش ماعدا عامر اللي كان ساند فيصل .. فيصل ماكان قادر يمشي .. كان يترنح بالمشي ..
حس زياد إن النعش خفيف .. ويتحرك..
حمد ربه وشكره الف مره .. إن شاء الله ان عبدالعزيز من أهل الخير ..
فجأه النعش طاح عالأرض وإنفتح..
الرهبه والخوف كانت على وجيه كل من كان موجود
طلع صوت يرتجف :طفو المكيف
أغلب اللي كانو موجودين طاحو وغابو عن الوعي ..
ماعدا فيصل اللي راح يركض للنعش يبي يتأكد اللي سمعه حق ولا خيال ... واقع ولا حلم
شاف وجه عبدالعزيز أزرق وشفايفه سوداء من البررررد .. من يلومه يوم كامل بالثلاجه
سجد بالمقبره شكر لله .. كان هو الوحيد اللي مو خايف ..أما زياد أغمى عليه ... سلمان ماهو بوعيه واقف ..
تعالت أصوات الشيوخ :الله اكبر .. الله أكبر .. الله أكبر

[تراها من جد صارت لواحد شيباني بالطايف]

فجر بحضن وريف ومقطعين نفسهم من الصياح .. اللي كانت متماسكه هي ام وريف وهي اللي تقبلت العزاء
فجأه سمعو صوت الرجال يعلى .. لا اله الا الله .. الحمد لله يارب .. الحمد لله يارب
جوري حاضنه نفسها بركن وذابحه نفسها من الصياح
رن الجرس وفتحت الشغاله الباب ودخلت ام سلمان تصارخ : ولدي مامات .. ولدي مامات .. ولدي مامات
وريف تقطـــــــــــــع قلبها على حالة ام سلمان .. تبي ترفض الواقع بأي شكل من الأشكال .. لدرجة إنها تقول ولدها مامات..
عبدالعزيز اللي دخله فيصل بكفنه لحمام الرجال اللي انفجعو .. الميت داخل بكفنه
فتح فيصل المويه الحار على عبدالعزيز
وطلع يركض
اما ام سلمان طلعت فوق تجيب لولدها وحبيبها ونور عينها ملابس
اعطت الملابس فيصل اللي كان للحين يبكي ...
وفيصل اعطاها عبدالعزيز اللي بعد ماسرت الحراره بجسمه قدر يوقف على رجوله
طلع للرجال وهو كأنه بدا يفهم انا توفيت ورجعني ربي للحياه .. !!!! ولا شسالفه
حضنه فيصل .. وكأنه يبي يتأكد إن عبدالعزيز حي
فيصل : الله لايحرمني منك... الله لايحرمني منك ..
محد مصدق اللي يشوفه
وريف اللي استوعبت اللي صار
وقفت عالدريشه اللي تطل عالشارع .. شافته بكل طيبته .. وكبر قلبه واقف بين الرجال يسلمون عليه ويتحمدون له بالسلامه..
..لو فقدتك ياغلاهم..
.. بتنطـــفي نجــمه بسماهم ..
.. وأنطفي كلــــــــــــــــــــي بغيابك..

ماحست إلا بقطرات على يدها .. فسرتها بدموع الفرح وراحت لفجر تتحمد لها بسلامة أخوها..
ياهو يوم.. وياهي معاناه وياهي دموع وياهو إكتشاف..
وريف اكتشفت إنها تحب عبدالعزيز.. ومو بس تحبه إلا حست بالدنيا من دون ابتسامته الطيبه ظلام ..كانت تجذبني بجاسم هيبته .. وصرت أحب بساطة عبدالعزيز..
كنت أنبهر بجنون جاسم وصرت أعشق ثقل عبدالعزيز ..
بعد ساعتين

19 - 12 - 2014, 06:00 PM

فيصل وهو خلاص مايقدر على الغربه بدون ونيس .. ومافيه أحسن من ميان تكون ونيس له بهالغربه وخصوصا انها كم شهر ويرجعون
دق رقمها بدون مايشاور أحد
ميان ناظرت بالرقم الغريب وردت : الو
فيصل : الو السلام عليكم
ميان استغربت : من معي؟
فيصل :أنا ولد عمك فيصل
ميان حست بمغص : هــ هــ هــلا فيصل
فيصل حس بإرتباكها : شلونك ميان
ميان: بخير انت شلونك؟
فيصل : انا بخير بس ما ابي أكثر معك بالكلام بقولك شي
ميان رجع لها المغص :آمرني
فيصل : مايامر عليك ظالم .. انا بقولك شي واذا ما عجبك ينتهي الموضوع خلاص أنا ما ابي أحد يضغط عليك من اهلك
ميان تأكدت : وش صاير
فيصل :أنا ابيك بالحلال
ميان قفلت الجوال بوجهه .. يلعن بليس اللي ماعنده أسلوب ..
هذا اش فيه ..ابيك بالحلال !! الناس يقولون ابي أكلم أهلك بشي يخصنا .. يقولون ابخطبك .. وهذا خبط لزق
سمعت رنة رساله
(مشكوره .. واتمنى ما أكون ضايقتك بطلبي إنسي الموضوع)
يوووووه فهم إني ما ابيه ..
ردت عليه
(مو هذا القصد بس أسلوبك كان مفاجئ)
فيصل اللي كان متحطططططططططم اول ماقرا رسالتها شعشعت الحياه بعينه ..دق على عبدالعزيز يبشره

عبدالعزيز :سألتك بالله صفقتيه كف؟؟؟
فجر :ههههه ما أتذكر
سلمان :إلا والله صفقتني كف طارت عيوني
الكل:ههههههههههههههه
دق جوال عبدالعزيز ورد :هلااااا بحبيبي أنا
فيصل :ههههههههههههه لو سمعك عامر بيشك جد هههههههههه
عبدالعزيز : بشر؟؟؟؟؟
فيصل : وأحد يقدر يردني؟؟
عبدالعزيز : مبرووووووووووووووووووووووووك عقبااااااااااااااااااااااالي
فيصل :إحم إحم تراك تتكلم عن بنت عمي
عبدالعزيز : ههههه مدري وش هالصدفه
فيصل :إيه والله ..

وريف اللي خذت قرارها خلاص ..
طلعت لأمها وزياد تناظر فيهم
زياد: بعيونك كلام
وريف ابتسمت
أمها عرفت : موافقه ؟؟؟
وريف هزت راسها بإيجاب
زياد: على وشو موافقه ؟؟
ام وريف : على عبدالعزيز
زياد فز : اخيرا ريحتي الرجال
وريف استحت مرررررررررررررررررره وطلعت غرفتها
اتصل زياد على عبدالعزيز لقاه إنتظار
عبدالعزيز ناظر وشاف زياد يتصل : يالله سلام اخو المدام يتصل
فيصل :ههههههههههههه زياد؟؟ اجل سلم لي عليه
قفل عبدالعزيز ورد على زياد اللي جلس ربع ساعه يسولف
زياد:إييييييييييييييييييييييييييييييييييييه
عبدالعزيز :علامك؟
زياد: بغيت أنسى انا ليش متصل
عبدالعزيز :ليش متصل؟؟؟
زياد: الله يحييكم
عبدالعزيز بغباء : وين؟
زياد:هههههههههههههههههههههههه مو الناس اذا خطبو ووافقو يقولون الله يحييكم
عبدالعزيز : وافقت وريف؟؟
زياد: ما كنك قطيت الميانه ؟؟ ايه وافقت
عبدالعزيز : الله يبشرررررررررررررررررررك بالخييييييييييييير ماااااااااااااااابغـــــــــــــــــــــــــت

قفل من زياد وراح يبلغ أهله انه يبي الملكه بسرعه عشان يضمن إنها تصير زوجته

وريف كانت تقرا خواطر عبدالعزيز وتتذكر ايام زمان تضحك على غباءها كان كل شي يوضح انه ولد..
سمعت رنة جوال ......
فتحتها .. من نفس الرقم الغريب
((بعض الغـــرام ايجيله ايــــام ويــــــروح

... وانتي غـــرامك بالحشا مبتليـــني ((

وريف: يوووووووووووه هذا ماينسكت عليه لازم اقول لزياد يوقفه عند حده .. من جد قليل أدب
نزلت وريف وهي معصبه ورمت الجوال بحضن زياد
زياد استغرب : خير ؟؟
وريف بقمة عصبيتها : هذا واحد حقير أبلشني برسايله له فتره ابيك تتصل عليه وتلعن خيره
زياد : وين الرسايل؟؟
فتحتها له وقراها وهو عصب : هذا من جد يبيله تربيه باين انه مو غلطان
دق الرقم من جواله وقبل يحط الجوال على إذنه .. لمح الإسم وناظر بوريف وإبتسم وقفل المكالمه
وريف: ليش قفلتها؟؟؟
زياد : هذا الرقم بالذات ما اقدر اهاوشه
وريف عصصصصصصصصبت خطفت جوالها وطلعت

الثلاثاء كانت أم سلمان تبخّر ولدها وهي بتبكي من الفرحه .. قبل يومين تبكيه متوفي واليوم تبكيه متزوج ... هههههه
عبدالعزيز الفرحه باينه من عيونه .. يناظر بأمه وهو عالدرج : يمه كذا تمام ولا بعد ناقصـ
قاطعته فجر وهي طالعه من غرفتها حطت شدو لعين والعين الثانيه للحين : لا تهبببببببببل ماشاء الله عليك وترى وريف قنوعه ههههههههههههه
عبدالعزيز ناظر بها :انتي روحي كملي كفختك لعينك الثانيه وتعالي تتريقي
فجر تفشلت ودخلت تكمل مكياجها
جوري : فجووووره الكحل تمام <<اول مره تتمكيج
عبدالعزيز : حتى إنتي كفختي عينك؟؟
جوري : اذا ما تكشخت بخطبة أخوي أكشخ بخطبة مين
صرخ عبدالعزيز بفرحه : كفووووووووووووووووووووووووووووو
الكل:ههههههههههههههههه
عبدالعزيز: وين سلمان؟؟؟
سلمان دخل مع الباب : هذا هو وصل
عبدالعزيز : الله يخليه لنا
سلمان : تفضل ..أعرفك مانت فاضي تفكر بهالأمور
عبدالعزيز ناظر لباقة الورد الساحره بيد سلمان : شيييييييييييييييييييييي
فجر اللي لابسه عباتها وجاهزه : رووووووووووووووووووعه
عبدالعزيز بعفويه : بتعجبها؟؟
فجر :اكيد بس بتعجبها انت اكثر
عبدالعزيز :ياحبني لخواتي
الكل:هههههههههههههههههههههههههههههه
عبدالعزيز :لحظه لحظه فيه تعديلات عالباقه عطوني خمس دقايق

وريف ناظرت بنفسها بالمرايه ... ياربيييييييه أول مرررره احس اني مو واثقه من شكلي ولا من لبسي ولا من كل شي ياربيييييييييه ياليت عندي إخت أشاورها .. دايم أشاور فجر واللحين فجر ماينفع
وقفت قدام المكيف تبي تطفي النار اللي بقلبها من الإحراج
وطارت خصلات شعرها ..
زياد:أحـــــــلـــــــــــــــــــــى
وريف ضحكت بخجل : شرايك ؟؟؟
زياد : اش رايك اتملعن مع عزيز ؟؟
وريف : ليش؟
زياد: ابقول له مافيه شوفه قبل العرس
وريف استحت وتركته ومشت ..
وزياد يفكر : والله فكره حلوه ...
رجعت ناظرت وريف بنفسها للمره المليون ..
كانت لابسه تنوره تنوره طويله وبدي فضي .. وعليه جاكيت أسود قطني .. ناظرت بسندلها الفضي .. ناظرت بشعرها اللي يوصل لين آخر ظهرها وبتدريج لين رقبتها ..
ناظرت بمكياجها الناعم .. مجرد خط بسيط تحت العين وكحل اسود وقلوس
سمعت الجرس يرن راحت تفتح الباب
دخلت أم سلمان وبعدها جوري وبعدها فجر اللي حضنت وريف من كلللللللللللللللللللللللللل قلبها : ياحياتي بتخبلين بعزوز
استحت وريف ولا ردت على فجر

اما أعمام وريف وعيال عمها كانو كلهم مواجدين وموافقين على عبدالعزيز ..اولا لأنه هذا قرار يخص بنت عبدالرحمن بلحالها .. وثانيا لأن عبدالعزيز رجال والنعم فيه
وعبدالرحمن توه راجع من جده يوم عرف بخطبة بنت عمه
سلمان : والله يا جماعه هذا ولدكم وهذيك بنتكم واللي تامرون فيه انا حاضر
ابو عبدالرحمن : والله الكلمه لأخوها
فرررح زياد بتقدير خالد له : انت عمها وبحكم ابوها .. وعموما البنت لها الراي الاول والاخير
عبدالعزيز : والبنت موافقه
ضحك المجلس على لهفته
قام زياد يشاور وريف ورجع لهم : البنت موافقه
عبدالعزيز تمنى إنه يعرف يزغرط ساعتها
صار عبدالعزيز يناظر زياد ينتظره يقول قوم معي تشوف وريف .. بس زياد سوا نفسه غبي وقعد
عبدالعزيز رفع حاجبه
وزياد ماااااااات من الضحك على شكل عبدالعزيز
أخيرااااااا .. رحم زياد شكل عبدالعزيز كأنه عجوز مضيعه عشاها
زياد: عبدالعزيز قم معي
عبدالعزيز ((مابغيت)): ان شاء الله
بعد ما طلعو من المجلس عبدالعزيز بعصبيه :حقك من جلدك
زياد:ههههههههههههههههههههههههههههههه شكلك نكته
دخل زياد الغرفه اللي المفروض تكون للتقليط بس عشانها بعيد عن المجلس خلاها زياد مقفوله وفتحها اليوم لعيون أخته..
دخل عبدالعزيز وهو يحس قلبه بيوقف .. ياربييييه انا حاس ربي مابيتممها على خير ..
زياد يسحب وريف اللي بتموت من الخجل والرعب كأنها تتزوج لاول مره ..
سمع صوت كعبها عند الباب قبل تدخل .. قلبه كان صوته أعلى ..
سمعها وهي تقول : زياد تكفى ما اقدر
زياد : وش اللي ماتقدرين؟
وريف: خلني شوي وانا ابدخل
زياد:هههه امشي بسرعه لا يطلع لك اللحين
وريف شهقت ولحقت زياد اللي دخل قبلها
سمع صوت كعبها قريب...قبل يرفع عينه خالطت أنفاسه ريحة عطرها ...
ماكان يقوى يناظرها .. خايف لايكون حلم ويصحى منه .. خايف لا يكون سراب ويتبخر ..
أخيرا تشجع ورفع عينه ..
وش شاف؟؟؟؟؟؟؟؟؟؟؟؟؟؟؟؟؟؟؟
ووش شاف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لاتسألوني..
لا تسألونه..
لاتسألونها..
إسألو المكان اللي إحتضن أروع موقف صار لهم بحياتهم ..
إسألو كل شي كان شاهد عاللقاء الأول بينهم ..
إسألو نظرة عيونهم اللي تعلقت ببعض..
إسألو نبضات قلوبهم اللي كونت أحلى معزوفه
إسألو أرواحهم اللي إتحدت روح وحده بجسدين
إسألو عبدالعزيز يوم قام من محله بلا شعور وحضن يديها وقال لها :أخيرااااااااااااااااااااااااااااااااااااااااااا>> >
زياد تنحنح خاف يتمادى
وريف رفعت عينها لعينه .. كان قريب منها .. تحس برررجفة الفرحه بأطرافه
نزلت دمعتها بدون شعور
رفع يده يمسح دمعتها ومسكه زياد : اقول يالأخو ماتنعطي وجه
انسحبت وريف وطلعت من الغرفه
وعبدالعزيز توه صحى : ياربيييييييييه اليوم أبملك بسرعه
زياد: ههههههههههههه يامهبول استح على وجهك
عبدالعزيز : ييييييييييوووووووووه والله اني مهبول صدق خذ هالورد عطها وريف نسيت
اخذ زياد الورد وأعطاه وريف اللي أخذته وطلعت لغرفتها كانت تتمنى لو فيها صبر تنتظر لين يروحون وتقرا اللي مكتوب بالكرت بس.....
الشوق اقوى
فتحت الكرت ..

((لأغلى ورده بهالدنيا .. لأروع عشق ..
صدقيني راح أحبك لين تذوب آخر ورده بالباقه ..
ماجيت ادوّر فيك لوعـــــــــات وجــروح

... جيتك وانا كلي امل ...تسعــــديني

جيتك وانا كلي احاسيس ووضـــــــوح

... جيتك ابي لوساعةٍ...تفهميــــــني

والله ماغيرك سكن داخــــل الــــــروح

... ولاغيرك انتي وســـط قلبي وعيني

والعاشق اللي يعشق بصدق مفضوح

... لو جا يرد الشـــــوق لازم يبينـي

بعض الغـــرام ايجيله ايــــام ويــــــروح

... وانتي غـــرامك بالحشا مبتليـــني

لاتتعـبيني يادوى القلــــــب والــــــروح

...لاقلت احبك اسكتي...واحضنيني!!!
محبكـ كبرياء الجرح ـعبدالعزيز))

19 - 12 - 2014, 06:01 PM

شهقت وريف :هوووووووووووووووووووووووووووو
هوووووووووووووو اللي يرسل الرسايل ...
ناظرت بالباقه شافت ورده صناعيه بوسط الورد الطبيعي..
تذكرت جمله
راح أحبك لين تذبل آخر ورده بالباقه..
ييييييييييييييااااحياتي
حطت الورد بخزانتها ونزلت بسرعه لضيوفها .. أول مادخلت عليهم بالغرفه كانو يناظرونها ويبتسمون ..
استحــــــــــــت مرررررره وجلست جنب فجر وهمست :اش فيكم؟
فجر : عبدالعزيز المهبول
قرصتها وريف:لاتغلطين
فجر:خخخ طيب عزوز راح يجيب المملك
شهقت وريف :إحلفيييييييييييييييييييييييييي
فجر: هاه مهبول؟؟
وريف: مهبول وبقووووه

ملّك عليها عبدالعزيز بنفس اليوم وراحو من عقبها الضيوف
راحت وريف لامها بعد ماقفلت باب البيت
وريف: هاه يمه وش رايك باللي صار؟؟
ام وريف: والله فرحت لك اكثر من فرحتي بخطبتك الاولى
وريف: ليش؟
ام وريف: المره الاولى كانت ام جاسم مو راضيه
وريف: يمكن عشان كذا ربي ماوفقنا
زياد اللي توه داخل : الف الف الف مبروووك يالغاليه
وريف :عقبالك
زياد:آمييييييين تراي كلمت ابوها
ام وريف: من جد؟
زياد:ايه وقال بيشاور البنت ان شاء الله
وريف :الله يوفقكم ... مررره مبسوطه ان لمياء بتصير زوجة أخوي
زياد:ان شاء الله
دق جوال وريف ناظرت بالرقم ومن الفجعه طاح عالأرض الجوال
زياد عرف المتصل وسوا نفسه مو عارفه
أخذت جوالها ودخلت أول غرفه قابلتها
وريف :ألو
عبدالعزيز :لبـــــــــــــــى قلب الألو ومن قالها
وريف :....................
عبدالعزيز : يا روحي
وريف مرره استحت :نعم
عبدالعزيز : ياحياتي
وريف بتموت خجل : سم
عبدالعزيز استانس: ياقلبي
وريف صوتها يالله يطلع :آمرني
عبدالعزيز :احبببببببببببببببببببببببببببك اللحين اقدر اقولها وبعالي صوتي أحبببببببببببك\
وريف طااارت فرح

خالد دخل البيت وهو يناظر بعياله وبناته يدور لمياء بينهم
عامر : حياك يبه تفضل
ابو عبدالرحمن : وين لمياء؟
عبدالرحمن : مع لميس
ابو عبدالرحمن :ازهمها لي
عبدالرحمن: ان شا ءالله
قام عبدالرحمن وطلع غرفة لمياء وأول مافتحها كانت لميس تسولف مع لمياء
عبدالرحمن اللي إقترب من لميس وحط راسه بحضنها :لميوه انقلعي ابوي يبيك
لمياء: اولا اسمي لمياء ثانيا اسمها روحي مو انقلعي
لميس وهي تلعب بشعر عبدالرحمن: اقول يا ابو الشباب .. زوجي وحبيبي على عيني وراسي بس لمياء هذي غير

لمياء صفرت من الفرحه :اللحين الواحد يقدر يروح وهو راضي تمام الرضا عن مستقبله
لميس:هههههههههههههههههههه
طلعت لمياء من الغرفه وصكتها وراهم
عبدالرحمن قام بسرعه وجلس على طرف سرير لمياء ..
إستغربت لميس..
لميس: عبدالرحمن
بس هو ماردّ عليها
لميس بنفسها ((أكيد مقلب من مقالبه بس اتغدى فيه )): اذا زعلان ترى مالك حق
عبدالرحمن يمثل الزعل: ليش؟
لميس:لأن لمياء هي اللي أقنعتني اتزوجك ..
عبدالرحمن بصدمه :ليش؟
لميس: عشان مانتفارق انا واياها طول عمرنا .. بصراحه بداية زواجنا صح كنت أكرهك بس اللحين من جد تغيرت نظرتي لك
عبدالرحمن كان مصدووووووووووووووووووووووم
لميس ماهان عليها حبيبها واقتربت منه وبهدوء :أمزززززح
عبدالرحمن من جد عصصصب صد عنها
لميس تجرأت ولأول مره لمست وجهه بأطراف اصابيعها : واللي خلق حبك فيني اني امزح معك ..ناظرني
عبدالرحمن استغرب من جرأتها وإلتفت لها بإبتسامه
لميس : سامحتني؟؟
عبدالرحمن :وأنا أقدر أزعل
لميس حضنته بفرحه
ودخلت لمياء وغطت وجهها : ياربييييييييه وش ذا ابوي يمنعنا عن الأفلام وانتو عالهواء مباشره
لميس طااااااااااااح وجهها .. وعبدالرحمن حس بإحراج لميس.. ورجع حضنها .. لميس من زود الإحراج دفنت وجهها بصدره وهو مستانس عالوضعلمياء اللي وجهها صار أحمممممر :الله يفشلكم انقلعو عن غرفتي
عبدالرحمن :ههههههههههههههههههههههههه
طلعت لمياء من عندهم وهي تفكر بالسالفه اللي قال لها ابوها .. هي صح مو مستغربتها بس بنفس الوقت ماتقدر تقرر .. هي تحب زياد من قبل تعرفه .. ولما عرفته كرهته من تصرفاته. بس اللحين هو حنووون وطيب ورايق مع وريف ..
طقت باب غرفتها وفتحتها شافت لميس وعبدالرحمن يسولفون
لمياء : ممكن نتكلم ؟؟
عبدالرحمن ولميس إستغربو رسميتها
عبدالرحمن :لمياء شفيك؟
لمياء برسميه : زياد خطبني
لميس بفررررررررررررحه :إحلفييييييييييييييييييييييييييييي وااااااااااااااااااااااااااااااااااااااو مبروووووووووووووووووووك
عبدالرحمن ناظر لميس : لا ارقصي بعد
لميس :إيه ارقص وليه ما ارقص عرس الغاليه
لمياء اللي بتبكي : وسويتوه عرس بعد؟؟ وانتو دايم مضاربه؟؟؟؟
عبدالرحمن: طيب وش المطلوب؟
لمياء :ابي أسألك عنه... كيف أخلاقه؟؟ وليش ترك الكوره بعززز نجوميته
عبدالرحمن: اخلاقه عال العال ومحترم وينحط عالجرح يبرى .. وثانيا ترك الكوره بعد مافقد أهله ماعاد فيه على مهاترات الصحافه
لمياء: ماله علاقات محرمه؟
عبدالرحمن: عنده معجبات بالهبل .. بس هو تركهم كلهم وإختارك
لمياء: يعني يكلم؟
عبدالرحمن:ما اظن لانه اصلا مايعطيهم وجه
لميس: لمو ان ماوافقتي اذبحك
عبدالرحمن: ليش؟
لميس ارتبكت :اممم لان يعني هو رجال ماشا ءالله
ضحكت لمياء
.................
......
بعد إسبوعين
وريف : تكفى واللي يخليك ما أبي عرس
عبدالعزيز : وليش حبيبة قلبي ماتبي تفرح؟
وريف: صدقني انا فرحانه والفرحه بالقلب بس ماله داعي المصاريف
عبدالعزيز بس انا فرحتي لازم يعرفها القاصي والداني .. انا تزوجت اللي ماسكن قلبي غيرها وماحبيت الا هي
وريف: تسلم الله يخليك لي..عبدالعزيز
عبدالعزيز : لاتقولين عبدالعزيز قولي عزوزي حبيبي
وريف :قال لك النذل زياد؟؟؟؟
عبدالعزيز :ايه هههههههههههه
وريف: ولا يهمك عزوزي حبيبي
عبدالعزيز خققققق: سمـــــــــــــــــــي
وريف :انت ليش كذبت علي وقلت انك بنت
عبدالعزيز :بصراحه بصراحه؟
وريف:إيه
عبدالعزيز :فصول كان يحب كتاباتك وانا أكرهها
وريف:أفاااااااااااا
عبدالعزيز :ههه اصبري .. ونزلتي خاطرة إليك يا رجلا
وريف:إيه
عبدالعزيز : وفصول أعجبته وانا قلت له هالبنت أحسها معقده نفسيا
وريف شهقت :يوووووووووه
عبدالعزيز :ههههههههههههه اسمعي وثم قال يكفي انها محترمه ماتعطي الشباب وجه.. وقلت له وش لي اذا جبت راسها؟؟
وريف:أفااااااااااا السالفه تحدي؟
عبدالعزيز برومنسيه :وأحلى تحدي وأروع تحدي
وريف: وانا الضحيه
عبدالعزيز : قدرك تتحملين غلطات حبيبك
وريف ابتسمت :حبيبي؟؟؟
عبدالعزيز :وش رايك انتي؟
وريف: وأغلى حبيب بعد
عبدالعزيز استااااااااااااااااانس: احبك

دخل زياد الغرفه :أكيد مسنتره مع عزوزي حبيبي كالعاده
وريف ضحكت
عبدالعزيز :أخوك ذا مايستحي
وريف طنشت زياد وكلمت عبدالعزيز : اليوم خطبته
زياد: وريفووووه قومي البسي وإجهزي
وريف :ههههههههههه اوكي عطني ربع ساعه بس
عبدالعزيز :وريفي
وريف: امرني
عبدالعزيز :لاتلبسين ولا تكشخين إنفشي شعرك وروحي لهم
وريف ماتت من الضحك : ولييييييييييييييييييش؟
عبدالعزيز :إنتي تعرفين الدبل للحين ماشريتها يعني مافيه دليل على إنك مخطوبه
وريف: وعيوني اللي ماتشوف غيرك وقلبي اللي ينطق بإسمك مو دليل
عبدالعزيز صرخ: شكلي الليله بعرس
استحت وريف وقفلت بسرعه
قامت تسوي اللمسات الأخيره على شكلها وهي تفكر بعبدالعزيز
وعبدالعزيز وصل أول سوق ذهب ووقف يشتري الدبل
راحو لبيتهم وتمت الخطبه وكانت وريف تحاول في لمياء
لمياء : لو تموتين إنتي واياه ما انزل
وريف: يا ذكيه بيشوفك بسرعه وتروحين
لمياء:لالالالالالالا
وريف: تبين شي؟
لمياء : وشهو؟
وريف: قد شافك وانتي لابسه الشورت الجنيز
لمياء :احلفييييييييييييييييييييييييييييييييييييييييييييي ييي
وريف:ههههههههههههههههه والله العظيم
لمياء :مااااااااااابي انزل
فجأه فتح الباب ابو عبدالرحمن وبهيبته :لمياء
لمياء :سم يبه
عبدالرحمن:انزلي بسرعه
لمياء :ان شاء لله
طلع خالد ووريف مااتت ضحك على لمياء اللي لابسه بنطلون وقامت بتنزل
وريف:إلبسي لك تنوره
لمياء :ماعرف امشي بها عشان كذا ماكنت ابي انزل
وريف:ههههههههههههههههههههههههه
نزلت وريف ولمياء واول مادخلو شافت لمياء زياد يناظرها .. من الإحراج جلست عند الباب
زياد: لمياء وشلونك
لمياء : بخير
وقامت طلعت وسط ضحكات ابو عبدالرحمن وزياد ووريف اللي لحقتها
وريف: وين هفيتي؟
لمياء:ماقدر استحيت
وريف:ههههههههههههههههههههههههههههههههههههه

دق جوال وريف وردت عليه بلهفه :هلا والله
عبدالعزيز: اخوك ذا قليل أدب
وريف: ليش؟
عبدالعزيز بقهرررر :اقوله ابي زوجتي نختار الدبل يقول ماتشوفها الا بليلة العرس
وريف:ههههههههههه عليه حركات
عبدالعزيز انا معصب وانتي مستانسه
وريف:لاياقلبي مو هذا القصد بس مدري وش أقولك
لمياء :هذا عبدالعزيز ؟؟؟ سلمي عليه
وريف :لمياء تسلم عليك
عبدالعزيز :هذي الحولا اللي ردت عليك بالمنتدى
وريف:هههههههههههههه لا هذي لمو لولا الله ثم هي كان ماوافقت عليك
عبدالعزيز :قولي قسم
وريف:قسم
عبدالعزيز :حتى لو ماوافقتي ابخطفك من بيت أهلك
وريف:ههههههههههههههه ياحبي لك

لمياء بهمس: خفو ياهوه
وريف:ههههههههههههههههههههههههههههههههههههههههههه
عبدالعزيز :علامك؟
وريف:حبيبي أكلمك بعدين
عبدالعزيز: تقولين حبيبي وتبين أقفل؟؟؟؟
وريف:ههههههههههههههههههههههههههههههههههههههههههه
عبدالعزيز : تحلمين انتي؟؟؟
وريف :إلا قل لي وش اخبار الشغل؟؟
عبدالعزيز : والله متعه ووناسه يكفي انك تشتغلين محد يرأسك الا ربك
وريف: الله يوفقك يارب

ميان بعد صمت : ايه يبه موافقه
ماجد : يا بنتي تراها بيعقد عليك بكره وتسافرين معه
ميان :ايه ادري
ماجد : يعني مافيه عرس ولا طقطقه
ميان : مايخالف
ماجد: اجل الف مبروك
ميان قامت من عند ابوها اللي اتصل على فيصل يبشره بالموافقه..
ليان : مجنونه انتي؟ وشلون تعرسين وتروحين بشكلك ذا؟
ميان : والله انا شكلي عاجبني وملابسي عاجبتني واذا رحت هناك هو قال انه بيخليني اشتري وادبش
وتين: اهم شي انه يحبك ويخاف عليك
ميان: ايه والله .. وهو وعدني بعد ما ياخذ الشهاده يسوي لي حفله كبيره
وتين:اشوفك طاقه الميانه معه
البنات:ههههههههههههههههههههههههههههههههههههههههههه هه

جاسم : حياتي والله مو قادر اصبر للعرس لازم اشوفك وحشتيني
إبتهال : مابقى شي عالعرس كلها اسبوع
جاسم:اسبوووووووووووووع؟؟؟ تبيني أصبر اسبوع؟؟؟
إبتهال: جاسم تحبني؟؟
جاسم فهم قصدها : قصدك وريف؟
ابتهال: ايه
جاسم: اقسم بالله العظيم هالفتره اللي عرفتك فيها خلتني اعرف ابتهال الحقيقيه .. حبيتك وتعلقت فيك
ابتهال:للحين تحبها؟؟
جاسم سكت مايبي يكذب
ابتهال فهمت قصده : عموما تبي شي ابقفل
جاسم:أحبك
ابتهال : وانا احبك بعد باي

قفلت منه وهي قاطعه وعد على نفسها لتغير حبه لوريف لصالحها ... بإسلوبها .. بالطيب مو بالغصب

وريف كانت بالسوق دااااااااار راسها من كثر الحومه بالسوق
ولميس حومت كبدها أكثر .. شوفي هذا يناسب .. خلي ذا ماينفع.. هذا عليك حلو .. وهذا يمتنك
وريف عصبت : بسسسسسسس طلعتي لي قرون عشانك متزوجه جننتيني؟
لميس : ياحبيبتي ياحياتي ياعمري انا اعرف اللي بمصلحتكم ما ابيك تغلطين غلطتي انا ما كنت اعرف شي
وريف: لميسوه وش قصدك؟؟؟
لميس : قصدي بنروح لنعومـ
قاطعتها وريف : نعوووومي!!!!!!! على جثتي
لميس : تذكرون يوم قلت لكم ما ابي نعومي وانتو أصريتو علي؟
وريف : لميس خلينا نقضي الأشياء المهمه بعدين نرجع للتوافه
لميس: اوكي بس بشرط ماتقولين اخر شي انك مصدعه وودك ترجعين
وريف: اوكي موافقه ... ((وتجر يدها )) امشي معي هناك سنادل رووعه

عبدالعزيز يحسب الأيام يوم يوم .. ساعه ساعه .. دقيقه دقيقه .. ثانيه ثانيه ..
متى تخلص ويعيش بمملكة حبه هو ووريف .. وريف وهو .. لا زياد ينكد عليهم .. ولا ناس تعيب عليهم..
طووول عمره يسمع عن الحب قبل الزواج بس ماعمره افتكر فيه...
بس يوم دخل قلبه بدون مايشاوره.. وإستقر بين ضلوعه ..
عرف وشهو الحب ..
ووشهو حلوه .. ووشهو مره

فجر كانت نازله بتاكل لها شي من المطبخ ناظرت بغرفة عبدالعزيز اللي مفتوحه
ووقفت عالباب ..
شافت أخوها فاتح الجهاز وسرحاااااااااااااااااااان ومو هنا خير شر
اقتربت بشويش ناظرت بالشاشه .. شافته فاتح وحده من خواطر وريف... يعني أكيد سرحان فيها
فجر : إحم إحم
عبدالعزيز تخررع : يمه بسم الله الرحمن الرحيم من وين طلعتي؟؟
فجر مبتسمه تجلس على طرف الكرسي : طلعت من الخاطره اللي قدامك
عبدالعزيز إنحرج شوي: شخبارها؟؟
فجر : تسوي نفسك ما كلمتها
عبدالعزيز أرخى راسه على الكرسي :أحبببببببها حتى وأنا أكلمها أشتاق لها .. مدري يافجر شي غريب اول مره أحس فيه ولا عمري سمعت عنه ولا شفته ابد..
فجر حست بحب أخوها : الله يوفقكم يارب
عبدالعزيز من قلب :آميييييييييييييييييين يارب
فجر : يالله انا نازله اباكل شي تبي شي ماشيات؟؟
عبدالعزيز : لو كوب نسكافيه بالحليب تكونين مشكوره
فجر ابتسمت : بعد ماتعرس لازم تذوق نسكافة وريف ..إمممم ألذ نسكافه ذقتها بعمري
عبدالعزيز :صدق؟
فجر :أيه والله
عبدالعزيز : أجل عجلي علي بالنسكافيه
فجر قامت من عنده :ان شاء الله
نزلت فجر للمطبخ تسوي لها اندومي ولعبدالعزيز نسكافيه
اما عبدالعزيز فتح ايميله
وريف اللي كانت عالماسنجر تسولف مع وحده من صديقاتها
شافت عبدالعزيز اون لاين كان نكه
لا قلت أحبك إسكتي وإحضنيني
ابتسمت لما شافت انها للحين ماشالت البلوك ..
غيرت نكها وشالت البلوك
عبدالعزيز من شافها دخلت ابتسم لاشعوريا تذكر لما كان يتمنى إنها تروف بحاله وتشيل البلوك ..
كان نكها ..
((كــــــــــلـــــــــــي لــــــــــــــــــك))
لاقلت أحبــــك إسكتي وإحضنيني:
ياهلا ياهلا بك يابعد أهلي كلهم
كــــــــــلـــــــــــي لــــــــــــــــــك:
هلا فيك يابعد كل من لي
لاقلت أحبــــك إسكتي وإحضنيني:
شلونك؟؟ ووش اخبارك .. وحشتيني تصدقين؟؟
كــــــــــلـــــــــــي لــــــــــــــــــك:
إيه أصدق لأنك انت بعد وحشتني ..أنا بخير انت وش أخبارك؟؟ عساك بخير
لاقلت أحبــــك إسكتي وإحضنيني:
بخير دام قلبك ينبض بحبي
كــــــــــلـــــــــــي لــــــــــــــــــك:
روووووف يالواثق
لاقلت أحبــــك إسكتي وإحضنيني:
ههههههه .. وحشني وجهك..
كــــــــــلـــــــــــي لــــــــــــــــــك:
توحشك العافيه يارب .. كلها كم يوم وتشبع من وجهي
لاقلت أحبــــك إسكتي وإحضنيني:
أنا أشبع من وجهك؟؟استحاله .. الا قوليلي خلصتي مقاضيك؟
كــــــــــلـــــــــــي لــــــــــــــــــك:
لااااااااااااتذكرني تكفى
لاقلت أحبــــك إسكتي وإحضنيني:
افاا افاا ليش عسى ماشر؟؟
كــــــــــلـــــــــــي لــــــــــــــــــك:
جننتني لمييييييييييييييس آآآآآه ابنهبل
لاقلت أحبــــك إسكتي وإحضنيني:
ههههههههه اليوم بتروحين مكان؟؟؟
كــــــــــلـــــــــــي لــــــــــــــــــك:
ايه بروح السوق مع لميس اللي صارت لي عظم بالبلعوم
لاقلت أحبــــك إسكتي وإحضنيني:
على فكره ترى عرس بنت عمك بعد بكره
كــــــــــلـــــــــــي لــــــــــــــــــك:
أي وحده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لاقلت أحبــــك إسكتي وإحضنيني:
ميان
كــــــــــلـــــــــــي لــــــــــــــــــك:
ووش عرفك؟؟ ومنهو زوجها؟؟؟
لاقلت أحبــــك إسكتي وإحضنيني:
فيصل بيتزوجها ويسافرون وبعد ماياخذ الشهاده يسوون الحفله
كــــــــــلـــــــــــي لــــــــــــــــــك:
ماااشااااء الله وانا آخر من يعلم
لاقلت أحبــــك إسكتي وإحضنيني:
وش فيك؟؟ هذاني أقولك
كــــــــــلـــــــــــي لــــــــــــــــــك:
النذله ماقالت لي وربي مقهوره
لاقلت أحبــــك إسكتي وإحضنيني:
لييييييييييييش مقهوره؟؟ صدق حرمه وأنا احسبك غير الحريم ههههههههههههههههههههههههههههههههه
كــــــــــلـــــــــــي لــــــــــــــــــك:
لا ياشيخ؟؟؟ ماتضحك <<وحطت وجه معصب
لاقلت أحبــــك إسكتي وإحضنيني:
زعلانه؟؟؟؟
بس ما كانت وريف ترد عليه .. من جد كانت مقهوره من ميان
مادرت إلا بجوالها يرن ناظرت بالإسم
((أغلى حبيب)
ضحكت عليه :هههههه من جد مجنون
وريف :هلا
عبدالعزيز : حي الله هالصوت
وريف: الله يحييك
عبدالعزيز : زعلانه؟؟؟
وريف: كنت بس اللحين خلاص
عبدالعزيز يستغبي :ليش؟؟
وريف: تسوي نفسك غبي؟؟
عبدالعزيز :إعتبريني غبي وقوليها
وريف بخجل :لأني سمعت صوتك
عبدالعزيز ضرب على صدره :ويلووومووووووونك ياقلبي بوريف أحبببببببببببها والله أحبهااااا

ميان ولميس كانو بالكافتيريا بالسوق ينتظرون وريف تجي عشان يبدون مشوارهم اليومي بالسوق
وصلت وريف مع زياد اللي صار مشغوووول لين راسه لأن صار الشغل كله عليه وعلى سلمان بحكم إن عبدالعزيز مشغول بتأثيث البيت ولاهي بالعرس
نزلت وريف : مع السلامه زياد
زياد: انتبهو على انفسكم انا لو مانيب مشغول كان جيت معكم عيال الحرام واجد
وريف: زياد لاتخوفني
زياد: ههههه معكم لميس عن 10 رجال ماشاء الله
وريف: ياويلك منها خخخخ باي
صكت الباب وحرك زياد بسرعه
دخلت السوق وطلعت جوالها بتتصل عليهم ولمحتها ميان وقامو لها
وريف بززززعل : انتي بالذات لا تكلميني
ميان :افاااا
لميس: وراك عالبنت؟
وريف: تنخطبين وبتعرسين وبتسافرين ولا تعلميني؟؟؟
لميس:إذا انا يا أختها مادريت الا قبل شوي
وريف: صدق؟؟؟؟؟؟
ميان :سامحوني بس السالفه صارت بسرعه
وريف : بس يابختك فيصل يموت عالتراب اللي تمشين عليه
لميس بلقافه : ووش دراك؟؟
وريف : نسيتو ان حبيبي وحياتي وقلبي عزوز صديقه
لميس: من هاللحين حبيبي وحياتي وقلبي ؟؟؟
وريف :هههههههههه
كان فيه واحد جنبهم سمع كلمة وريف ولميس واقترب منهم
ميان: يالله يابنات .. ترى مامعي الا يومين أبشتري اشياء بسيطه قبل نسافر
وريف:إلا تعالي من جد وش بتشترين؟؟؟
ميان: والله مدري حيرانه مررره بس فيصل يقول مو لازم تشترين شي
لميس:انهبلتي انتي؟؟ ووش اللي مو لازم
وريف:أنا عندي فكره
ميان: وشهي؟

19 - 12 - 2014, 06:05 PM

وريف: انا دبشي جديد ومقاسي نفس مقاسك الا شوي .. وانا باقي لي على عرسي فتره تكفي اني ادبش مره ثانيه .. وش رايك
وقاطعتها ميان: لالالالالا تبين حياتك وقلبك وعمرك يذبحني
وريف:هههههههههههههههههه اجل يالله نمشي
لميس: أول شي نعومي
وريف بفجعه :لااااااااااااااااااااااااااااااااااااا
ماسمعو الا ضحكة الشاب المتلطم اللي كان جنبهم
تفششششششششششلت وريف وتفشلت ميان
لميس : وجع ان شاء الله ووش عندك لازق .. ماجربت تنجلد قدام خلق الله؟؟؟
الشاب قرب منهم وسحب يد وريف اللي توووووقف قلبها
فك عبدالعزيز لطمته ووريف من الفجعه يوم عرفته حضنته
عبدالعزيز شق الابتسامه
ووريف انتبهت لنفسها وبسرعه فكته : فجعتنيييييييييييييييييي
عبدالعزيز يهمس :بسم الله على قلبك حبيبتي شرايك نروح نتمشى؟؟؟
وريف : بس زياد لو
قاطعها عبدالعزيز : زياد توه رايح للشغل ولاهوب راجع قبل العشاء
وريف :لحظه بقول للبنات وأجي
لميس وميان اللي أنسخطو من جرأة وريف مع الولد ..أحضان وهمس ودلع
لميس خمتها : من هذا ياللي ماتستحين؟؟
وريف بدلع : هذا عزيز
ميان :ماااشااااء الله
وريف : بنات أبروح معه شوي وانتو اشترو لي بذوقكم ومقاسي أكبر من مقاس ميان بشوي بااااي
وراحت وريف لعبدالعزيز الي من إقتربت وريف مد يده عشان يشبك أصابعه بأصابعها
((تلك الفراغات التي خُلقت بين أصابعنا .. خُلقت لنملأها بأصابع من نحب))
وريف بقد ما كانت خايفه من زعل زياد.. بقد ما كانت مستانسه وطاااايره من الفرح بقرب عبدالعزيز منها
واما عبدالعزيز شعوره ما ينوصف بفرحته بقرب حبيبته
عبدالعزيز شاف لوحة نعومي وماااات من الضحك
وريف : اش فيك تضحك؟؟؟؟
عبدالعزيز : ناظري يمينك
ناظرت وريف وتفشلت طاااح وجهها سحبت يدها منه بزعل
عبدالعزيز مسك يدها بيديه الثنتين: وين قلبي رايح عني؟
وريف: تبي تحرجني ؟؟؟
عبدالعزيز : لا والله بس تذكرت فجعتك مع بنت عمك الملسونه
وريف :هههههه هذي اللي كلمتك عالماسنجر
عبدالعزيز :هههههههههههههههههههههههه والله ياهي ملسونه

عبدالرحمن اللي طفش من ابتعاد لميس عنه من يوم رجع الرياض ..إتصل عليها
لميس شافت إسمه : هلا بحياتي
ميان قرصتها :فضحتينا العالم سمعوك
عبدالرحمن: حياتك؟؟؟ واضح إني حياتك من يوم جينا وانتي ماتنشافين
لميس: حبيبي إعذرني بس اول ادبش لوريف واللحين لوريف وميان ..تعرف امهاتنا مايعرفون يشترون والبنات مايفهمون
عبدالرحمن بخبث :روفي ياراعية الخبره
لميس: انك شيطاااااااااااااااااااااااان
عبدالرحمن:هههههههههههههههههههههههههههههههههههههههه
لميس: حبيبي
عبدالرحمن: قلبه
لميس: تصدق اني واقفه عالأطلال
عبدالرحمن : شلون؟
لميس: واقفه بنفس المكان اللي شفت البنت تكلمك فيه
عبدالرحمن: اللي يوم بغيتي تموتين من الغيره؟؟
لميس: ههههههه ايه
ميان : خلصيني انتي وروميو حقك اللحين
عبدالرحمن : هذي ميان؟؟؟
لميس: ايه هههههههههههه
عبدالرحمن: باركي لها بالنيابه وانا قررت اشتري بيت عشان استفرد فيك ماتطلعين الا معي ولا ترجعين الا معي
لميس بدلع: على قلبي مثل العسل
عبدالرحمن : يالله اجل تامرين بشي؟؟
لميس: انتبه على نفسك باي
عبدالرحمن :سلام

ميان : يالله خلينا نخلص اشتري لي انا ووريف نفس الشي ولاتحاسبين ابد ماتهم الفلوس اهم شي نخلص
لميس: طيب اولا تعالي محل المكياج
ميان : ايوه تمام
راحو لمحل المكياج ودخلو .. وراحو لركن العطورات
ميان لفت نظرها الرجال وزوجته اللي كان يختار لها المكياج
ميان : مسمس شوفي اللي وراك
لميس: ما اقدر التفت وش فيه؟
ميان : رجال يختار لزوجته المكياج
لميس: هههههههههه تلاقين ذوقها موش ولابد
ميان :إلا قولي من حبه لها
التفت لميس وشافتهم يتشاورون على بودره وعيونه ماتنزل من عيونها ..
لميس: الله يهنيهم باين ذايب فيها
ميان تنهدت :آمييييين
لميس: افاافا ليش هالتنهيده
ميان انحرجت : عيب
لميس:هههههه كلها يومين وتصيرين مكان هالحرمه

وريف : حياتي والله تاخرت عالبنات أخاف يزعلون
عبدالعزيز : مع إني ما مليت منك وانا متأكد إنها آخر شوفه لك قبل العرس بس روحي وبرروح معك
وريف : بيتضايقون البنات
عبدالعزيز : امممم طيب أوصلك واروح اجلس بالكوفي عشان لو صار شي لاقدر الله على طول أجيكم
وريف : من عيوني

اتصلت على لميس وعرفت وين مكانهم وطلعت لهم مع عبدالعزيز
دخلو محل المكياج ولميس قالت : شلونك ياعبدالعزيز
عبدالعزيز : حياك الله انا بخير
لميس: اسفه عالكلام اللي قبل شوي
عبدالعزيز بمزح :لالا شدعوه الا استانست انك معهم مايجيهم شي ان شاء الله
لميس فهمت وتفشلت
وريف : اوكي انا اللحين بروح مع البنات
بعد ماسمعو صوتها التفتو اثنينهم
جاسم وإبتهال
وريف انتبهت لهم وبلمت فيهم
ابتهال : شلونك وريف؟؟؟
وريف بعد ما إستوعبت :هلا بتوله شلونك؟؟؟؟
ابتهال : تمام لحمد لله
وريف : بشري تزوجتي ولا للحين؟؟؟
ابتهال بطيبه : إلا تزوجت خلاص
وريف : الله يبارك لكم ان شاء الله
جاسم ناظر بعبدالعزيز وابتسم له :إنت عبدالعزيز
عبدالعزيز مايدري شلون عرفه : ايه نعم اعرفك انا؟؟
جاسم : وشلونك عساك بخير ؟؟؟ عالبركه عرسك
عبدالعزيز : الله يبارك فيك
جاسم : يالله عن أذنكم
أخذ ابتهال بيده وطلعو من المحل .. ووريف فرحانه لهم انهم توافقو
عبدالعزيز : هذا من؟؟؟؟
وريف : وحده من صديقاتي وزوجها
عبدالعزيز : غريب شلون عرفني ... عموما حبيبتي عن إذنك انا بالكوفي اوكي
وريف بحب : الله يحفظك وين ماتروح

بعد ثلاث ساعات .. عبدالعزيز كان للحين وهو بالكوفي وخلصو البنات ومرت عليه وريف
وريف اللي إتصلت عليه وهو تناظره من برا الكوفي
وريف : سلام
عبدالعزيز : لا يكون خلصتو؟؟
وريف :إيه خلصنا
عبدالعزيز : لالا من جد؟؟ انا قلت بتنامون الليله
وريف:ههههههههههه الا قولي مع مين قضيت وقتك؟
عبدالعزيز ناوي يحرك الغيره عندها : اممممم مع ناس
وريف : ناس؟؟؟ للحين انت معهم؟؟
عبدالعزيز :إيه ياحلوهم حلواه وش العيون .. ووش الخشم .. ووش الحواجب
وريف : يالنصااااااب انا اناظر بك من برا
عبدالعزيز :ههههههههههههههههههههههههههههههههههههههه
قفل السماعه وطلع لها
عبدالعزيز اللي ماهمه الا وريف : حبيبة قلبي خلصت؟
وريف استحت : ايه خلصت
ميان تهمس لميس : فيصل مثله؟؟؟
عبدالعزيز : يالله حبي أوصلكم؟؟
وريف شهقت : لالالالا أخاف يذبحني زياد
عبدالعزيز : شكلي انا اللي ابذبحه قدامي بس عالسياره انتي وبنات عمك
لميس : مشكور ياعبدالعزيز بس اللحين بيوصل مالك ويرجعنا البيت
عبدالعزيز اللي لمح مالك مقبل : هذا هو اقبل علينا يالله وريف إمشي معي
وريف خااايفه جد من ردة فعل زياد بس غصبن عليها ركبت وهي مو راضيه
عبدالعزيز : وش فيك زعلانه؟
وريف بعصبيه : مو زعلانه بس ماله داعي أركب معك وزياد رافض
عبدالعزيز : وريف
وريف : نعم
عبدالعزيز : خوذي جوالي إتصلي عليه وإستأذنيه واذا رفض مستعد أنزلك واجلس جنبك لين يجي ياخذك\
أخذت وريف الجوال بدون ما تتكلم ودقت رقم زياد وانصدمت من الإسم الي مسجل عبدالعزيز رقم زياد
((أخو الحبيبه))
ياااااااكبر قلبك ياعبدالعزيز
رد زياد : حيا الله عزيز
وريف : أنا وريف
زياد شهق: افاا من وين طلعتي
وريف: من هنا .. ممكن أروح مع عبدالعزيز للبيت؟؟؟
زياد: هالمره بس سماح .. عالبيت مو مكان ثاني
وريف ضحكت : ههههه طيب
زياد : ربع ساعه أتصل عالبيت تردين علي
وريف: شدعوه أبكذب عليك يعني؟؟
زياد: هههه محشومه يالله سلام
قفلت وريف وناظرت بعبدالعزيز الي ينتظر جوابها
وريف: سامحني
عبدالعزيز : مره ثانيه ماتنافخين علي
وريف :طيب انا اسفه
عبدالعزيز : فدييييييت اللي يتأسف انا
ضحكت وريف وباس عبدالعزيز يدها الناعمه
وريف : عبدالعزيز
عبدالعزيز : عيونه
وريف : ليش انا من بين خلق الله؟؟؟؟ رغم إني معقده بنظرك
عبدالعزيز : تصدقين مدري.. كل يوم اقول وش معنى هي.. هي اللي ملكت قلبي وعقلي وروحي وتفكيري من ثاني محادثه لي معها ..
وريف :وانا بعد كل مره أقول وش معنى أسيره هي الانسانه اللي ارتاح لها ...
عبدالعزيز :ههههههههههههههه تتذكرين يوم كنتي تشكين لي كبرياء الجرح؟؟؟
وريف : تذكر المشكتي زمانه العله؟؟
عبدالعزيز :ههههههههههههههههههههههه مستحيل أنسااااااه
’,
’,
تسأليني ليه أحبك وأسألك نفس السؤال
ليه أحبك جاوبيني يمكن إنتي تعرفين
ليه أنا قلبي تعلق فيك يابنت الحلال
ليه وش معنى عشقتك دون كل هالعالمين
هل لأني شفت فيك الحسن كله والدلال
أو لأني شفت فيك الثقل والطبع الرزين
أو لأنك في عيوني صرتي آيه للجمال
أو لأنك إستطعتي للمشاعر تملكين
أو لأن الحظ جابك لي بعد ما أقفى وحال
أو لأن الله كتب لي أعشقك وأحيا سنين
علميني ليه أحبك ليه قلبي معك مال
ليه دمعاتي تناثر كل ما إنتي تبعدين
ليه دايم في خيالي صورتك في كل حال
في فرح ولا بتعاسه .. في شقا ولا بحنين
ليه طيفك في عيوني ما يبارح هالمجال
شاغل فكري وبالي كل لحظه وكل حين
آآآه ياكم سؤال حاير وسط الخيال
وآآآه ياوين الجواب اللي يريحني سنين
أسأل أسوار المدينه عنك وأنقاض الجبال
وأسأل رمال الصحاري وأسأل الليل الحزين
وأسأل دموعي الغريقه ليه دمعي منك سال
ليه قلبي فيك هايم .. وشهو السر الثمين
ليه مدري بس عشقتك عشقن لحد الهبال
صرت ما أشوف بعيوني غير زينك أي زين
تسأليني ليه أحبك؟؟ وليه ميت ع الوصال
والله مدري صدقيني نفسي ماعندي يقين
ودي أعرف ياعيوني وش إجابة هالسؤال
ليه أحبك؟؟ جاوبيني .. يمكن إنتي تعرفين

وصلت البيت وهي تبني أحلامها و سعادتها اللي كل مالها تكبر بوجود عبدالعزيز حولها ..
دق تلفون البيت قالت وهي متجهه على التلفون : الله يازياد تحسبني ابكذب عليك ؟؟
وريف : نعم
جاها صوت طفولي : الو سلام عليكم
وريف: هلا مين معي؟
: انتي وريف ؟؟؟
وريف: ايه من انتي؟
: انا صبا
وريف بفرحه : هلاااا والله صبا شلونك قلبوووو
صبا : بخير انتي وش اخبارك؟؟
وريف : انا تمام هذي الساعه المباركه يوم اتصلتي علي
صبا بخجل : الله يخليك
وريف : صبا حبيبتي فيك شي؟؟
صبا : لا والله بس خاطري اسولف معك انتي مشغوله؟؟؟
وريف استغررررررربت : لااا والله الا فاضيه ماعندي شي

ام وريف طالعه من المصعد : بسم الله الرحمن الرحيم متى دخلتي؟
وريف التفتت لأمها وهي مع صبا عالخط تأشر لها يعني بعدين أقولك
صبا : اوكي وريف انا ابقفل سلمي على خالتي
وريف : يوووصل حبيبتي سلمي على لمو وشيمه
صبا : طيب باي
وريف: بايات

قفلت وريف وقامت تبوس يد أمها وراسها
وريف : شلونك يمه ؟
ام وريف : بخير جعلك بخير متى جيتي ووينه أخوك؟؟
وريف : جيت قبل شوي .. عبدالعزيز اللي جابني
ام وريف : اهااا وشلونه؟؟ ليش مادخلتيه يتقهوى
وريف : لايمه صعبه زياد مو فيه
ام وريف : انتي زوجته مايحتاج زياد
استحـــــــــــت وريف : يمه صبا تسلم عليك
ام وريف فهمت تصريف وريف : ههه الله يسلمها غريبه وش عندها
وريف : والله مدري حتى أنا إستغربت انها متصله علي
ام وريف : الا ماقلتي لي متى عرس ميان؟؟؟
وريف : بكره يمه بيملكون ويروحون وبعد ماياخذ شهادته يسوون العرس هنا
ام وريف : الله يوفقهم .. متى طيارتهم؟؟؟
وريف: والله ما ادري بس بكره بعد صلاة العصر بنروح لهم
ام وريف : عقبال فرحتي بعرسك ان شاء الله
وريف تذكرت : الا يمه توقعي من شفنا اليوم
ام وريف : مين؟؟
وريف مبتسمه : جاسم
ام وريف تغيرت ألوانها خافت من الماضي : وش يبي
وريف فهمت مخاوف أمها وبنفس الإبتسامه : طيب توقعي من معه؟؟
ام وريف : من معه؟؟ ووش يبي؟؟
وريف تجلس عالكنب قدام أمها : معه إبتهال لقيتهم بمحل مكياج
ام وريف طلعت عيونها : ابتهـــــــــــــــــــــال !!!!
وريف بإبتسامتها نفسها : توهم عرسان الله يوفقهم
ام وريف تناظر بوريف .. سبحان الله هذي اللي كنتي تموتين غيره لا شفتيها وشلون اللحين فرحانه لها بزواجها
وريف : يمه علامك؟؟
ام وريف : لا ولا شي الله يوفقهم
وريف : آمييييين .. ((وقامت من مكانها)) يالله يمه عن أذنك بقوم أرتب الاشياء اللي شريتها اليوم

19 - 12 - 2014, 06:08 PM

قفلت من وريف وهي متوقعه تريقة خواتها اذا درو انها كلمت وريف .. بس ماعلي منهم ابوصل لهم السلام وبالطقاق يقولون اللي يبون
طلعت من غرفتها دخلت لغرفة شيماء ولمياء : السلام عليكم
لمياء تذكرت كلام وريف اليوم بالسوق ...
صبا كبرت تبي تحس انها كبرت مو طفله .. تبي تشوف حبنا لها بعيونا
لمياء : هلا صبا
صبا استغربت : تسلم عليكم وريف
شيماء : الله يسلمها يارب
صبا اعطتهم ظهرها بتطلع وقفها صوت لمياء : وووين طالعه ؟؟
صبا : بروح غرفتي
لمياء تحاول تنفذ اللي قالته وريف : تعالي خلينا نسولف غرفتك ميب طايره
صبا رفعت حواجبها مستغربه بس سرعان ماجلست عالكرسي اللي جنب التلفزيون قدام خواتها

عبدالعزيز : معقول يافيصل منت بحاضر عرسي ؟؟
فيصل : إنهبلت انت؟؟
عبدالعزيز : اجل؟؟؟ لاتقول أأخر عرسي لين ترجع حضرتك؟؟؟
فيصل: تصدق فكره؟؟
عبدالعزيز : تصدق ودي أكفخك
فيصل :هههههههههههههههههههههه انا مخطط اجي يوم واحد انا وميان احضر عرسك ونرجع
عبدالعزيز: ليش؟؟؟؟ المصاريف ليش؟؟؟ عرسي الاسبوع الجاي ليش ماتأجل السفر اسبوع
فيصل: انهبلت ؟؟؟؟ اللحين لازم ارجع استأنف الدراسه قبل يعتمدون تأخير الدراسه
عبدالعزيز : بكره إملك على ميان وسافر زين أوراقك والأسبوع الجاي تعال وسو عرسك مع عرسي وسافرو
فيصل: ياربييييييييه مقدر اروح بريطانيا بلحالي
عبدالعزيز :هههههه ياخي كلها أسبوع
فيصل : مدري بكلم ميان واشوف رايها

زياد يفتح باب البيت وهو يكلم سلمان : خلاص بكره لك علي اداوم بدري اشوف وشهو مخبص عزيز
سلمان : ياخي هالولد من خطب وهو ماهو صاحي الناس تتزوج وتعقل وهو انهبل زود
زياد: ههههههههه الله يتمم لهم على خير
سلمان : اللهم امين وعقبالك يارب
زياد: آآميييييين مع إني مطول الظاهر
سلمان : الله يوفقك .. اجل ما اطول عليك تامرني بشي؟
زياد: سلامتك مع السلامه
سلمان: فمان الله

ناظر زياد بعمته اللي تناظر فيه مبتسمه : هلا والله
ام وريف : هلا فيك وش اخبارك؟؟ تعشيت؟؟؟
زياد: لا والله ميت من الجوع
ام وريف : بسم الله عليك .. اللحين تنزل وريف تحط لك العشاء
زياد: انا بروح أقولها
طلع زياد مع الدرج ودعوات عمته له بالتوفيق تلاحق أذنه
دخل غرفة وريف بعد ما إستأذن منها بالدخول
زياد: هههههه وش فيك؟؟
وريف : تعبت أرتب الشناط
زياد: هذا وانتي باقي اسبوع وش تسوي الضعيفه بنت عمك اللي بكره بتسافر
وريف : لا مو بكره
زياد: اجل متى؟؟
وريف : بكره بس ملكه وبيسوي زواجه الاسبوع الجاي
زياد: من قالك؟
وريف بتلقائيه : عبدالعزيـ ((وبسرعه قلبت السالفه)) لمياء قالت
زياد : ههههههههه ليش تستحين هذا زوجك
وريف وجهها أحمـــــــــــــــــــــــر
زياد: طلبتك ابتروش وابغى العشاء جاهز
وريف: من عيوني

:: اليوم الثاااااااااااااااني ::

عبدالرحمن : قوووومي يالله
لميس: ياربيييييييييه والله مانمت زين امس
عبدالرحمن متكتف : ليش متى نمتي أمس؟؟؟
لميس غالبها النعاس : نمت الساعه 8 بالليل
عبدالرحمن عيونه طلعت : اللحين تدرين الساعه كم؟؟؟
لميس بطفش : كــــــــــــــــــــــــم؟؟؟؟
أخذ جواله وحطه بوجهها : الساعه 12 الظهر لاصليتي فجر ولا شفتي زوجك وش يبي
لميس بفجعه: 12 ياربييييييييييييييييبه قسم بالله احسبن بالليل
عبدالرحمن: بعد شوي الملكه يالله قومي تجهزي
لميس: لا بسوي الغداء أول
عبدالرحمن : ما ابي غداء اهم لا علي حبيبتي تطلع أحلى وحده بوديك بدري نسيتي انك أخت العروس؟؟
لميس : بس انا أبي اتغدا معك .. وتراها بس ملكه ماهي مسافره معه العرس بيسوونه الاسبوع الجاي مع عرس وريف
عبدالرحمن: احسن ما سوا
لميس : ابقوم اسوي الغداء بسرعه عشان ألحق اجهز
ابتسم لها عبدالرحمن وقامت بسرعه من السرير دخلت الحمام وغسلت وجهها بسرعه وراحت المطبخ
بهالوقت قام عبدالرحمن يتنقى لها لبس على ذوقه ..
فتح الدولاب وصار يطلع الفساتين ويناظر بها واحد واحد فجأه لمح طيف انسان قدامه
ناظر بالحمام شاف لميس تستفرغ
قام عبدالرحمن بسرعه ودخل الحمام وأشرت له بيدها يعني لا تدخل
طلع وجلس بالغرفه على نار ينتظرها ..
خمس دقايق وطلعت له لميس تترنح يمين ويسار
عبدالرحمن مسكها لاتطيح : وش فيك؟؟
لميس: مدري بعد ماشميت ريحة الكشنه قلبت علي كبدي
عبدالرحمن :استريحي الله يرضى عليك وانا ابطلب غدا من برا
لميس تريح عالسرير : طيب

بعد صلاة العصر كان الكل متجمع ..
وريف : ابشوف ميونه
لميس : ايه تكفين اطلعي يمكن تهدينها شوي بتموت من الخوف
وريف : هههه اوكي

طلعت وريف وهي آيه بالحسن والجمال رغم إنها ماحطت مكياج كثير عشان عرسها الأسبوع الجاي..
شافت وتين وهي طالعه عالدرج : هلا وتين
وتين: هلا وريف شهالزيييييييين
وريف استحت : تسلمين بعض مما عندكم
وتين : وين طالعه
وريف : ابجلس جنب ميان مابطلع للحريم نسيتي الاسبوع الجاي عرسي
وتين:اهاا الله يوفقك يارب

\دخلت وريف الغرفه وجوالها يدق سلمت على ميان وليان اللي كانو بالغرفه
طلعت جوالها بترد بس قد فصل الرنه
رجعته لشنطتها بدون ماتناظر بالاسم وصلتها بهاللحظه رساله بس مافتحت الجوال لانها انشغلت مع ميان وليان تحاول تلهيهم شوي .. ليان متنكده ان توأم روحها بتروح عنها وميان مرتعبه من الفكره نفسها

تمت الملكه وجاء وقت فيصل يدخل على ميان اللي رفضت رفض قااااااااااااااطع وماااااااااااااااانع انه يشوفها قبل العرس
هاشم : ميونه مايصير اطلعي للرجال
ميان: لا ما ابي اطلع
فيصل اللي كان جنب هاشم قلبه محترررق يبي يشوفها قرر يتجاهلها : خلاص يا هاشم اقطع الخط
هاشم انصاع لفيصل وقطع الخط بوجه ميان من القهر من إخته
وريف : ليش يا ميان
ميان بعناد : ما أقدر
دق جوال وريف وطلعته وردت وهي تناظر بميان مستغربه تصرفها
وريف :مين؟
:إصفقي بنت عمك
وريف استغربت : عبدالعزيز علامك؟؟
عبدالعزيز بقهر : انا اللي اقنعته يأجل العرس عشان تتجهز البنت على راحتها آخر شي تحرق قلبه ودمه
وريف تناظر بميان : من جدك معصب فيصل؟؟؟
عبدالعزيز مافهم حركتها : لا مو معصـ
قاطعته وريف بشهقه : وحلف انه يرد اعتباره؟؟؟؟
عبدالعزيز : ميان جنبك؟؟
وريف :إيه
عبدالعزيز :أياااا النصاااااااااااااااابه ههههههههههههههه
وريف : افااا وزعل بعد؟؟؟
ميان قالت : خلاص اللحين بطلع
وريف وعبدالعزيز بنفس اللحظه انفجرو من الضحك
قفلت وريف من عبدالعزيز ونزلت ميان لفيصل اللي من دخلت عليه ابتسم لها ...
ياربييييييييييه مازادت الا نعومه .. وما كبر فيها الا حبها .. نفس الوجه الطفولي .. نفس الملامح البريئه ..
سلمت عليه بهمس ولا سمع منها الا دقات قلبها المرتجفه
فيصل : ياحي الله هالزول
ميان ماردت عليه وجلست وهي متقطعه من الحيا
فيصل : شلونك؟؟؟
ميان : بخير انت وشلونك؟
فيصل:بخير يومه تحقق حلمي
ميان ابتسمت له على استحياء ..
فيصل : الله متى يعدي هالأسبوع
ميان من الخجل ماحست بنفسها الا واقفه : عن أذنك
وطلعت وهي تحس بنظرات فيصل لها
كان هاشم واقف يناظرها بابتسامه .. حطت عيونها بالارض وطلعت من جنبه لغرفتها
دخلت الغرفه والبنت انواااااااااع التريقه والطقطقه عليها
طلع فيصل من بيت عمه عالمطار هو وعبدالعزيز
عبدالعزيز : كلها اسبوع ان شاء الله وترجع لنا
فيصل : قلبي يعورني ياعزو
عبدالعزيز بخوف : فيصلوووه ماحب هالكلام تراني
فيصل : لاتروح المطار
عبدالعزيز : علامك؟؟؟؟
فيصل: ابزور قبر أمي اول
عبدالعزيز انقبض قلبه من حركات فيصل وانصاع لرغبة فيصل وحرك عالقبر ..

صبا اللي كانت هي ورغد جالسين مع البنات على إستحياء .. أول مره تسويها تقعد معهم تسمع سواليفهم
رغد بهمس : وربي طفش قومي بس
صبا : لا خلينا نجلس مع وريف
لمياء انتبهت : صبا .. رغد كأنكم طفشانين خخخخخ
صبا اللي ماتعودت تمزح مع إختها فهمتها إنها تريقه عليها ناظرت بوريف اللي مبتسمه وتلعب بشعر ميان اللي جنبها
وريف : ههههههه ماعجبتكم سواليفنا
صبا بإبتسامه : بالعكس كلامك حلو
وريف :هههه إحتلت دنياااك انتي ورغد
ليان جلست جنب ميان وهمست لها بإذنها : وش رايك بفيصل؟؟؟
ميان حمّرت خدودها وماسمع كلام ليان الا وريف اللي ضحكت بعالي صوتها :حرااااام عليك بتذبحينها البنت بتموت من الخجل
ميان أخذت مخدتها ورمتها على وريف وطلعت بسرعه من الغرفه
’,
’,
كان عبدالعزيز واقف ومتلثم بشماغه ودمعته بعينه ... وفيصل كان جالس على القبر بعد ما سلّم على أمه بالقبر
فيصل خانقته العبره وصوته يرتجف من فقده لها بهاليوم: يمه ابشرك انا تزوجت .. ملكت على ميان واللحين انا رايح المطار والأسبوع الجاي أسوي عرسي مع عبدالعزيز ........ يمه تذكرينه عبدالعزيز ؟؟؟؟ ((وإبتسم بألم)) اللي كنتي تسوين لنا الآيسكريم انا وإياه بأكياس اللحم من زمان..
عبدالعزيز ما استحمل وطلع من المقبره ينتظره بالسياره ..
أما فيصل اللي ما كان يحس بوجود أي أحد ... كمل كلامه لأمه ....
عبدالعزيز صار له نص ساعه بالسياره وفيصل داخل ..... ارتعب عبدالعزيز ودخل يشوف فيصل ... لقاه طايح على ركبه يبكي مثل الطفل ..... وكلماته المتقطعه ما ينفهم منها إلا كلمة أحبك يمه ... وحشتيني وحشتيييييييينيييييييي هربت من السعوديه لأن ذكراك فيها .... بس كيف أهرب من ذكرياتك اللي عايشه فيني آآآآآآآآآآآآآآآآآآآآآه
عبدالعزيز اقترب من فيصل وشاله معه للسياره ...
وهو يهدي فيه ....
شغل السياره وحركو عالمطار وهم سااااااكتين ولا تكلمو إلا يوم بغى فيصل يركب الطايره ..
عبدالعزيز : فيصل اذا انت تعبان لاتروح
فيصل يحاول يضحك عشان لاينشغل بال عبدالعزيز فيه ..
فيصل : ههههه قالولك بزر؟؟
عبدالعزيز اللي ارتاح يوم شاف فيصل مبتسم حتى لو كانت هالإبتسامه من ورا قلبه ..
عبدالعزيز : ههههههههههههههههههه
فيصل : يالله بس انتبه لنفسك وضبط العرس تراه عرسي بعد
عبدالعزيز : ابكتب ممنوع إصطحاب فيصل وميان
فيصل وهو يسمع النداء الأخير للطايره ...
فيصل : يالله فيصل انتبه لنفسك وياشين بريطانيا من غيرك
حضنو بعض وركب فيصل الطايره وعبدالعزيز مسح دمعة الخوف والشوق لصديقه ..
ركب السياره وهو يحس نفسه طفشاااااان .. من جد تنكد يوم سافر فيصل ..
رفع جواله واتصل على وريف ..
اللي كانت تلبس عبايتها لأنهم بيروحون من بيت عمها ماجد رفعت جوالها وبعد ما شافت الإسم ابتسمت ..
وريف : هلا
عبدالعزيز بزعل: ولا مسهلا
وريف : افااااا
عبدالعزيز : هاللحين يالقطوع اذا ما اتصلت عليك ولا سألت لا تتصلين ولا ترسلين ولا حتى مسج ... مسج يالظالمه ...
وريف مبتسمه بإحراج ماتقدر تتكلم لأن الكل حولها ..
وريف : طيب
عبدالعزيز : عندك أحد؟؟؟
وريف حمدت ربها إنه فهم عليها : كلهم
عبدالعزيز :ههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه وانا اقووول وش فيها زوجتي الغاليه ماشرشحتني اثرك مستحيه من اللي عندك
وريف :افاااا انا اشرشح؟؟؟ زين زين اللحين انا ابطلع ولا وصلت البيت لي كلام ثاني
عبدالعزيز :هههههههههههه زين سلمي لي على زياد
وريف : لااااااااااا
عبدالعزيز : لا تقولين تستحين تقولين له؟؟
وريف بخجل : ليه مايليق لي؟؟؟
عبدالعزيز:أحبببببببك والله
وريف من الإحراج قفلت بوجهه ...

..بعد ثلاث ايام ..
كانت وريف وميان عند المصممه ..
وريف : انا بالنسبه لي الفستان مررره مضبوووط
ميان : لا انا أحسه واسع ولا لا؟؟
وريف ناظرت بميان : غصب يصير وسيع من هالجسم اللي بينكسر.. ما كأنك بتتزوجين بعد كم يوم
ميان فتحت فمها بتتكلم وقبل ترد سمعت صوت المصممه: لااا شووو هيدا الحكي بالعكس جسمها كتتتير حلو ...
ميان تضحك بشماته لوريف :هههههه
وريف : ايه عندكم بلبنان كتير حلو وعندنا بالسعوديه عصلا
ميان : هههههههههههههههههه هذي وش عرفها بكلمة عصلا يالخبله خخخخخخخخخخخخخ
وريف : الا ماقلتي لي ميونه خلصتي كل شي؟؟؟
ميان : الذهب وليت عليه وتين وأمي.. والملابس والإكسسورات وصيت عليه ليان تعرفين أذواقنا مثل مثل .. وأما الأشياء الباقيه وصيت عليه لميس
وريف : الا وش اخبار لميس يوم ملكتك كانت تعبانه
ميان : والله مدري هي تقول لا تعلمون أمي كأنها حاسه بشي
وريف شهقت : شي؟؟؟؟ ليش سلامتها؟
ميان : والله مدري وانا إستحيت أسألها
وريف سمعت رنة جوالها ورفعته الا بصوت زياد : وريف انا مشغول تعالي مع ميان
وريف : طـــيــــ
وقبل تكمل قفل بوجهها
وريف :هههههههههههههههههههههههههههه شكله مشغول ميونه بروح معك ترى ..

فجر : هلا عزوز
عبدالعزيز اللي كان توه راجع من برا : هلا فيك وأخيرااااا كل شي جاااااااااااهز للعرس
فجر دمعت عيونها : وأخيرااااا أروع شخصين بالحياه يجتمعون
عبدالعزيز : فجوره وريف ماقد قالت لك عني؟؟؟
فجر :إلا تعال ..إنت تقول انك تحبها من زمان صح؟؟؟؟
عبدالعزيز بإبتسامه واسعه : من سنه تقريبا
فجر :اؤؤؤؤؤؤ ما انت بهين .. متى ؟؟ وكيف؟؟
عبدالعزيز إستعد يقولها السالفه إلا وبرنة جواله
عبدالعزيز : هلا سلمان
سلمان : يابوك ماعاد صار عرس ... تراك انت المسؤؤل عن الأطباء تعال بسرعه شوف شغلك
عبدالعزيز يحك راسه : اوكي ربع ساعه وأكون عندكم
سلمان : لا تتأخر مع السلامه

بعد أربع أيام ..
كان الموعد المنتظر ..
اليوم زواج عبدالعزيز ووريف ...
الساعه 4 العصر كان عبدالعزيز بالمطار ... حاولو فيه انه يخلي فيصل بيجيبه واحد من عيال عمه بس هو أصر انه بيجيب فيصل من المطار .. أول ما شاف زول فيصل جاي إبتسم ابتساااااامته الواااسعه وراح يحضن صديق عمره ..
عبدالعزيز : تو مانورت السعوديه ... صدق انك سخيف يوم خوفتني عليك
فيصل : اقول ترانا اليوم عرسان لاتخرب مزاجي
عبدالعزيز :هههههههههههههههههههههههههههه يالله بس امش معي

19 - 12 - 2014, 06:10 PM

طلعو من المطار وعبدالعزيز ماسك الشنط عن فيصل حطها بشنطة السياره وحركو عالقاعه اللي بيتم فيها العرس ..

فجر كانت جالسه مع وريف عند الكوافيره
وريف : خايفه
فجر : ترى عزوز ما ياكل
وريف بتبكي : مو وقتك والله
فجر :أفااااا بأعديها لك اليوم
وريف: يوووووووووووه فجر أقسم بالله احس ودي ابكي .. لو بيدي اكنسل كل شي اليوم كان كنسلته وانتي جالسه تتريقين
فجر تحط يدها على شعر وريف : ادري بك خايفه ... بس صدقيني الماضي ماله بقلبك أي مكان تدرين ليش؟؟
رفعت وريف عيونها الغريقه لفجر وكأنها تسألها ليش..
فجر : لأنك ما وصلتي لهالمرحله إلا انتي متجاوزه هاجس جاسم
وريف تحط يدها على فم فجر : لا تقولين إسمه
فجر : طيب ولا يهمك ... لا تخربين فرحتك بنفسك ... صدقيني انتي ماتعرفين اش كثر عبدالعزيز يحبك ... عبدالعزيز يعشقك .. حب ما قد سمعته ولا شفته ولا عرفت عنه .. ترى كل الحب اللي طلعه لك هذا ربع اللي بقلبه لك .. مايستاهل تفرحين قلبه بفرحتك؟؟؟
ابتسمت وريف وضمت فجر وتركت دموعها تغسل بقايا خوفها ورهبتها من شي إسمه زواج ...

أما ببيت ماجد كانت أخصائية التجميل اللي جات من جده مخصوص لميان كانت باديه تسوي شعر ميان اللي مرتعبببببببببه وميته رعب وخوف وخجل وكل شي ..

عبدالرحمن كان جالس مع الرجال وقلبه ماهو معه .. قلبه مع لميس .. اليوم شكلها تعبان .. لها اسبوعين مو طبيعيه ... قلبه ما كذب ... كان هالإتصال من لمياء تخبره إن لميس طاحت عليهم بالبيت
عبدالرحمن طلع من قاعة الرجال بسررررعه وهو قلبه بيوقف ... لميس ما تطيح إلا اذا كانت مرهقه ... وش اللي مرهقها
شالها وعالمستشفى على طووول وجاته البشرى ...
الدكتور : مبروك المدام حامل بالشهر الرابع
عبدالرحمن ببلاهه: قل قسم ......!!!!
الدكتور ابتسم : شكلك اول مره تصير ابو ألف مبروووك
لميس تحس إنها ميته من التعب والإرهاق وخصوصا انها الأيام اللي راحت تعتبر مداومه عالسوق لعيون ميان
دخل عبدالرحمن وهو مبتسم وحنان الكون يسكن بعيونه : لابارك الله بميان وفيصل
لميس : ليش حبيبي كذا؟؟
لميس رفع يدها ويبوسها : بغيت أفقد زوجتي وولدي بسببهم
لميس :أي ولد؟؟؟
عبدالرحمن يأِشر على بطنها : اللي هنا
لميس : قول والله ؟؟
عبدالرحمن : وليش أحلف هذا هو الدكتور عندك إسأليه ....

الساعه 12 كان وقت زفة ميان إنزفت على قصيده و زفة لمحمد عبده ... اما فيصل رفض ينزف للحريم وإكتفى بأنه ينتظر ميان بالسياره ..

الساعه 2 ونص .. كانت اللحظه اللي اتمناها انا شخصيا من بداية القصه ....
ــ(((((( عبدالعزيز وريف ))))))ــ
كان ماسك يديها بيديه .. هالليله وده يعترف لها بكل شي .. وده يقولها أحبك .. احبك ماتكفيه .. وده ربي يلهمه بكلمه تعبر عن اللي يسكنه لهالإنسانه ....
أول مره يشوفها بمكياج ..... جمال ما فوقه جمال ...
سحر ما بعده سحر ..
فجر : يحووول خلصوني الزفه بتبدأ
وريف دموعها بعيونها من الفرحه .... والخوف
أم وريف كانت عالكوشه بكرسيها تناظر للباب اللي بيطلعون منه .. وهي تبكي حمد وشكر لربي يوم عوض بنتها
وريف : حصنت نفسك؟؟؟؟؟
عبدالعزيز بهمس : خايفه علي من العين؟؟؟
وريف رجعت تاكد عليه كانت خايفه من اللي صار مع جاسم يصير مع عبدالعزيز : حصنت نفسك؟؟؟
عبدالعزيز : لا
وريف : ليش؟؟؟؟؟
عبدالعزيز فك يديها وقام يقرا عليه وعليها المعوذات ويوم خلص ابتسم لها : هاه خلاص
فجر : ترى أبذبحكم لنا ساعه نقول الزفه بتبدأ
عبدالعزيز مسك يد وريف اليسار بيده اليمين وشبّك اصابعه بأصابعها وقال لفجر : إفتحو الباب...
انفتح الباب الخشبي الكبير وطلع الصوت عااااااااااالي
هـــذي الوريف
هـــــذي الوريف
درة بنـــــــات المملكه
وتــــــــــــــــــــــــــاج الــمــلـــوك
إن أقبلت من نورها تنحني الشمس
وان سولفت ذاب الخجل من عطرهااااا
وأجمل قصيد الكووووون في عينها همس
وأروع مووايل العشق من مطرهااا
هي آية الحسن المطرز بالزمرد والعقيق ..
ودانة العقد الفريد
وأثمن عناقيد الرضااا
ونشوة فضااا عبدالعزيز
عبدالعزيز وعالمه وإحساسه الراااااضي

على نهاية الأغنيه وصلو للكوشه نزلت وريف راسها تبوس أمها وتضمها وشوي وتصيح
ام وريف : عبدالعزيز لا أوصيك على بنتي
عبدالعزيز : فيه أحد يوصونه على عيونه
ابتسمت وريف بخجل ....
جلسو عالكرسي بعد خمس دقايق طلع عبدالعزيز وبنات عم وريف طاااايرين من الفرحه لها ...
وفجر ... فجر وش تقول تفرح لأخوها .. ولا لصديقتها .. ومهما حاولت تخفي خوفها إذا صارو وريف وعبدالعزيز بلحالهم .. خايفه يكون الماضي حاجز بينهم .. قطع تفكيرها قومة وريف من الكرسي بتطلع لعبدالعزيز وناظرت بلمياء وقالت لها بخجل : يسلم عليك زياد
لمياء توردت خدودها : الله يسلمه ...

أول ما وصلو للغرفه ناظر فيها وغمز لها ....
وريف كان خوف العالم ساكنها ... أصرررت على زياد ما يروح بسرعه ... خايفه ... خايفه وماتنلام .... دخلت معه بتردد ...
كان عبدالعزيز حاس بخوفها ومتجاهله ....
عبدالعزيز قفل الباب وشاف دموعها بعيونها ... ضمها لصدره ....
وهنا إنتهى الماضي بالنسبه لوريف ....... .,

19 - 12 - 2014, 06:14 PM

بعد سنتين ....
1427....
عبدالعزيز ناسف شماغه على كتفه : شدونه روحي لماما قوليلها تخلص بسرعه
شادن : بابا انت روح
عبدالعزيز طلعت عيونه : يابنت انا ابوك
شادن : وانا بنتت((بنتك))
عبدالعزيز : هههههههههههه لاياشيخه ..إنطقيها زين أول
وريف : وش فيك تضحك؟؟؟
عبدالعزيز : هاه حبيبتي خلصتي؟؟؟
وريف بإبتسامه : ايه ياقلبي خلصت
عبدالعزيز يترك شادن اللي كان شايلها ويروح لوريف : حياة عزيز تعبانه؟؟؟
وريف تأشر لبطنها : ولدك تاعبني
عبدالعزيز : يحق له يتدلع على أمه
وريف بدلع : وانا يحق لي أتدلع على حبيبي
عبدالعزيز هاااام بعيونها ..
شادن : باااااااابااااااا بسلعه بنلوح للنونو ((بسرعه بنروح للنونو))
عبدالعزيز يطالع في بنته بنقمه : انتي اللي تخربين جوي دايم
وريف :هههههههههههههههه تمووووت على ميس بنت لميس لأنها بعمرها .. بس قبل انسى بغيت أسألك عن فجر و زوجها متى بيرجعون من شهر العسل ؟
عبدالعزيز: وش لك فيها اهم شي حبيبك معك
وريف ابتسمت بحب ..
’,
لمياء : هاه حبيبي نمشي؟؟؟
زياد : يالله
لمياء : مو عارفه وش أقولهم ..أحسهم مابيصدقون
زياد : اللي يسمعك يقول لك 10 سنين متزوجه .. ولو طعتيني ما حملتي اللحين
’,
ميان بالتاكسي مع فيصل : وش تتوقع ردة فعلهم؟؟؟
فيصل : والله مدري عسى العنوان يكون صح ولا وهقني عزوز
ميان : ليش مو هو اللي جاء يستقبلنا
فيصل : انا ما ابيهم يشكون اننا جايين
ميان : اشتقت لأهلي
فيصل : وانا بعد ... الله يعلم بشوقي لهم
ميان : ياحليله عبدالرحمن هو اللي أصّر عليهم يروحون الإستراحه اليوم عشان نشوفهم هناك
فيصل :ههههههههههههه عساه مايخرها عند لميس عاد اللحين جايبة له ميس ونديم
ميان : اما نديم هذا اللي ما شفته الا بالصور .. تحسه على إسمه مافيه عرق سعودي خخخخ
فيصل : عبدالرحمن ولميس مجانين وإجتمعو
’,
ميس كانت تناظر بأمها وتبتسم ...
لميس : عبدالرحمن وربي كانت هنا انا متأكده
عبدالرحمن : تغطي بالطرحه مو لازم غطوه ... يالله بس تأخرنا
لميس : والله ما أعرف
عبدالرحمن لاحظ ميس المبتسمه مسك يد لميس : العلم عند بنتك
لميس رفعت عيونها : ميس
ميس ماتت ضحك وطلعت الغطوه من جيب بنطلونها وراحت تركض
لميس : ياااااااااااااااااااااااااااااابنت الذين آمنو تعااااااااااااااااالي
عبدالرحمن : عز الله عبدالرحمن ولميس جابو بنت
لميس تلبس غطايتها بسرعه : اقول يالله حبيبي شغل السياره وانا ابلحقك برا
عبدالرحمن : اوكي حبي هاتي شنطة نديم عنك
واقترب عبدالرحمن من نديم اللي بحضن أمه : يالبى هالعيون الناعسه ياناس
’,
آخر ناس وصلو الإستراحه كان عبدالرحمن ولميس ...
صبا : لميييييييييس وينك؟؟؟؟ تأخرتو .. مره ثانيه عطيني ولد أخوي من الصبح
لميس تعطي نديم لصبا اللي تموت عليه : روووح لعمتك فكني من صراخك
صبا : ياحياتي عليه يجنن
رغد : اما انا جايبه حلاوه لشدونه وأم المقالب ميس
ميس تضحك من الفرحه يوم شافت الحلاوه
وتين : صبا .. رغد فهودي يسلم عليكم ويقول مبروووك
صبا توردت خدودها .. أما رغد تظاهرت بالامبالاه وهي ميته من الخجل
وريف ومعها صينية الحلا اللي يحبونها بنات عمها : أجل وافقتو على حمد ورعد؟؟؟
صبا ناظرت وريف بخجل ...
لمياء :هههههههههه أهم شي إخوان عشان صبا ورغد ما يفترقون أبد .... يالله بس شدو حيلكم عشان السنه الجايه تتخرجون وتعرسون مابقى غيركم ماتزوج بالعايله هههههههههههههههههههههههههههههه
لمياء : اقووول ... تراني قريب بصير ام
الكل إنذهل ....
وريف : يالدبه ماعندك إسلوب انتي
الكل ضحك ...:ههههههههههههههههههههههههههههههههههههههه
والكل نطق لها بــ مبروووووك مبروووك الله يقومك بالسلامه ..
لميس : يمه علامك تبكين؟؟؟؟
ام لميس : كلنا مجتمعين .. مابقي غير ميان ... متى يرجع فيصل بهذل بنتي بهالسفر ... اااه يابنتي
ميان اللي كانت عند باب الإستراحه حقت الحريم دخلت : السلام عليكم
من الفرحه الكل راح يركض يسلم عليها .. ماعدا لميس اللي توها مخلصه الأربعين وتعبانه ... ووريف اللي حامل .. ولمياء اللي توها بالشهر الثاني .. وأم وريف اللي جالسه على كرسيها
<>
<>
<>
<>
<>
من وريف عرفت
بأن الحياه ليست بيوم محطه تقف عندها آمالنا .. ولم تكن موقف تتوقف معه أفكارنا وأحلامنا .. ولم تكن عقبه نقف أمامها عاجزين عن إزاحتها ..
هي عدة محطات .. لكل محطه منها مايميزه .. ومحطة مره .. واخرى حلو ..
وتلك سعيده .. وتلك حزينه .. كل محطه تختلف عن سابقتها كل الإختلاف .. وكل محطه نتعلم منها مايساعدنا على تجاوز المحطة التاليه ..
تلك خواطري وكلامي وتبعثري بين هذه السطور ... لم تكن من فراغ .. كانت مشاعري ... ومشاعر من حولي ..
وريف كان جرحها بجاسم قويا ... ظُلمها من زوجة خالها أقوى ..
ولكن كان الدواء عبدالعزيز ... فهنيئا لها بذلك الجرح الذي جمعها بعبدالعزيز .. عبدالعزيز الذي لازال يتلذذ بخجلها حينما ينطق لها أحبك .....
فيصّر على إحراجها بترديده : أحبك .. أحبك .. أحبك ...
لترد عليه بكل خجل : بس خلاص ماعندي شي أقوله
فيرد عليها بحالميه :
ــ(((((( لاقلت أحبك إسكتي وإحضنيني ))))))ــ
تـــــــــــــــــمــــــــــــــــــت

8 - 6 - 2018, 01:09 PM

يع ــطيك الع ــآفية
ولآ ع ــدمنآ تميز انآملك الذهبية
دمت ودآم بح ــر عطآئك بمآ يطرح متميزآ
بنتظآر القآدم بشووق
فلآ تح ــرمنآ من جديد تميزك
لروح ــك بآقآت من الجوري

المواضيع المتشابهه لموضوع: لاقلت احبك اسكتي واحضنيني كاملة لموضوع: لاقلت احبك اسكتي واحضنيني كاملة
الموضوع	كاتب الموضوع	المنتدى	مشاركات	آخر مشاركة
ماقلت احبك ولا قد قلت مااحبك	همسه الشوق	همس الشعر والقوافي	6	31 - 12 - 2016 04:22 AM
احبك ياكثر ماقلت احبك	ديلر	همس الشعر والقوافي	3	13 - 10 - 2014 05:38 PM
ماقلت احبك عبث ولا عن شكه اكسسوارات	حايره بدنيتي	همس عالم حواء	5	29 - 3 - 2014 02:16 PM
كثر ماقلت احبك	الزهرة البيضاء	همس الشعر والقوافي	8	2 - 5 - 2012 09:47 AM
لا قلت احبك سكتي واحضنيني	أعشق تفاصيلك	همس الشعر والقوافي	3	2 - 10 - 2011 04:25 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 1

لاقلت احبك اسكتي واحضنيني كاملة

همس للقصص وحكايات وروايات