رواية الحب بعد فوات الاوان

20 - 1 - 2015, 08:36 AM

نوره تحسنت حالها وصارت تفهم افضل من قبل وهي مريضه طبعا" وكل يوم قصدي كل ساعه يدق عليها عبدالله
وحددوا زواجهم بعد شهر ونوره وافقت من غير اعتراض لانها خايفه اهلها يغيرون رايهم تجهزت بمساعدت ابتسام الى كانت مثال الاخت

رامي من يوم ماشاف بدريه نسى عبير واهلها وحبه القديم لها
ابتسام:الف مبرووووووووووووك ياعريس
رامي:تراها ملكه بس
ابتسام:آآآآآآآآه من متى وانا انتظرك تتزوج وانت مو راضي
رامي:تصدقين امنيتي اشوف الي في بالي
نوره:ومين هي الي في بالك
ابتسام انقهرت لانها متاكده انها عبير
رامي:اتمنى اشوف الي يقول الحب الاول هو الحب الحقيقي
ابتسام:طيب وش تبي فيه
رامي:ابكسر راسه لان ماعنده سالفه
نوره تغني:حبيبك الاول لايغرك التاني
يضحكون لانهم فرحانين لنوره اكثر من ملكة رامي

حسام:حسبي الله عليك ياسامي بليتني فيه مره ثانيه
سامي:وش دعوه بس بدال ماتشكرني
حسام بغبن وقهر:الـلـه لايشكر فضلك
سامي:اقولك اسمع وبلا ادعية هالحريم اذا تبي حبوب ترا كل شئ بحسابه ماني فاضي أكد (اكد يعني اصرف)على خلق الله

عادل كل ماحاول ينساها يتحلم فيها ولا يشوف طيفها كل مايحاول يكرهها يتعلق فيها بزياده

في الساعه10 ليلا جت بدريه عند رامي علشانه ملك عليها
بدريه:السلام عليكم(بدريه اعجوبه جمالها و ذكيه بس تحب تستغبي علشان تحرق اعصاب الي قدامها صبوره مطيعه مالها اخوان ولاخوات
امها متوفيه وابوها شايب وهي فقيره وفيها شوي دين)
رامي ينظر لهالملاك الي جايه له مو مصدق ان فيه بنت على الكوره الارضيه بجمالها:ياهلا بالغلا كله
بدريه ابتسمت:ملكنا بسرعه
رامي بمزح:وزواجنا الخميس الجاي
بدريه:لا بدري خلها الشهر الجاي
رامي مو مصدق روحه:والله
بدريه :غريبه ليه فرحان قبل شوي تقول الاسبوع الجاي واللحين فرحت لاني قلت الشهر الجاي
رامي:لاني كنت امزح انتي ليه تصدقين بسررعه تراي ماحب البنت المغفله
بدريه ابتسمت:خلاص ماراح اصدق احد ابد
رامي مبتسم:ايه كذا تعجبني البنت الذكيه ابدق عليك اليوم
بدريه:لا ماصدق
رامي:وش الي ماتصدقين
بدريه:مو انت قلت لي لاتصدقين احد
رامي استغرب من غبائها:لا ياحبيتي انا صدقيني يآآآآآآآآآلله انا كيف افهمك
بدريه تناظر باستعجاب:مافهمت شئ
رامي معصب قام وهو مو في شعوره:بجد الحلو مايكمل
بدريه تنفجر بالضحك:ههههههههههههههههههههههههه هذي فهمتها وش رايك فيني
رامي:يالله ضحكتك تجنن بس تكفين لاتتكلمين لاني بكرهك في يوم ولليله
بدريه سوت نفسها محزنه ومنزله راسهها
رامي:انا اسف بجد ماتوقعت انك حساسه للدرجه
بدريه:ههههههههههههههههه استهبل عليك
رامي:مو زعلانه على كلامي
بدريه:وش قلت يزعل
رامي:الي قبل شوي
بدريه:كيف ازعل وانا مادري وش تقول
رامي:قصي يدي كانك عربيه اكيد هنديه ماتفهمين شئ ابد الل

20 - 1 - 2015, 08:37 AM

بدريه:كيف ازعل وانا مادري وش تقول
رامي:قصي يدي كانك عربيه اكيد هنديه ماتفهمين شئ ابد الله يعيني عليك حمار
بدريه تلعب باضافيرها وتناظر له بعيوينها العسليه ببرئه

عبير:بجد والله
عمران:شفتي شلون قهر المصايب تجي مره وحده
عبير بفرحه:لامصايب ولا شئ هالمشكله ذي بذات خلها على
عمران:لااااااااا الا اهلك لاتفكرين فيهم انشالله لو يعدموني
عبير:لانشالله مايعدمونك ولاشئ
عمران:اجل شلون
عبير:انا من يوم ماتزجتك لاطلعت ولا تمشيت ولحتى رحت للسوق
عمران:طيب وش دخل ذا بذا
عبير:اسمع تجيك السالفه انا رصيدي ملياااان في البنك واي شئ تحتاجه لايردك شئ
عمران:فلوسك لك مابي منك شئ
عبير:بجد ماعندك سالفه مو انا وانت واحد وانا اذا احتجت شئ ابنسى الدنيا كلها واهلي وألجاء لك
عمران:انتي حرمه وانا رجال الرجال مايتنازل
عبير:بجد انك عنصري تاخذ وغصبن عليك بعد اووووووووووووف بجد ماتجي الا بالعين الحمراء
عمران:اقولك لايكثر ولا تعيدين لي هالسالفه مره ثانيه
عبير:خلاااااص اعتبرها سلف ودين زين
عمران يبتسم:احلا ياجورج وسوف
عبير:إإإإإإإإإيه ذكرتني يالله نزل العود من السياره ابي انطرب بصوتك زين
عمران:لا مستحيل قبل يومين خوياي ماتوا وتبيني اغني
عبير:اوف لا ابيك تغني اليوم
عمران:لأ
عبير:طيب ليه

يدق جوال عبير وعرفت انه عادل اخوها من النغمه
عادل:ياهلااااااااااااااااااا بالغاليه
عبير:هلااا اخبارك شلونك
عادل:الحمدلله كل شئ زين وش اخر اخباركم
عبير:والله الحمدلله اخبار امي واهلي كلهم ماعندكم جديد
عادل فاقد اعصابه وزلت منه هالكلمه:الا نوره ملكوا عليها
عبير:لااااااااااا وانت
عادل يكابر:انا وشو
عبير:انت تحبها صح
عادل باستهبال:تعرفينا صاحبين الشهره المعروفه دائم تصير لهم اشاعات
عبير:ههههههههههههههههههه
عادل:ورامي
عبير دق قلبها:وش فيه
عادل:خطب وحده من صديقات ابتسام اخته
عبير تغيرت فرحتها الى كآبه
عادل:ووووين رحتي عبير
عبير سرحانه:هاه
عادل:وينك
عبير:معك
عادل:لايكون تحبينه الى الآن
عبير تضحك:ماحبيته وانا عزباء احبه وانا متزوجه
عادل:المهم تسافرين معي
عبير:وووووووين؟؟؟
عادل:لمصر اهلي بيسافرون بطياره وانا ابي اروح لضباء قبل لان عندي اشغال واسافر بسفينه انا وياااك
عبير:للاسف مأقدر اسافر انا مشغوووووووووله بالمررررره
عادل:مافيه انا بمرك بالسياره واشوفك وتروحين معي
عبير:حياك الله لكن ماعتقد اني بروح معك
عادل:يالله باي واحد يتصل بي
عبير:بااااااااي وسلم لي عليهم
عمران وهو داخل:يبونك تسافرين معهم

20 - 1 - 2015, 08:38 AM

عبير:ايه
عمران:وش قلتي؟؟
عبير:قلت ماقدر لاني مشغوله
عمران:طيب روحي سافري معهم
عبير بفرحه:والله
عمران:انتي ماقصرتي معي وانا قصرت بحقك كثيرررررر وحتى شهر العسل ماسافرناه
عبير:انا كل ايامي معاك عسل مشكووور حياتي خلني اكلم عادل قبل ماتغير رايك
عمران يشوف عبير وهي فرحاااانه من قلب:كلميه وماراح اغير رايي
عبير:لا خلاص مابي اروح
عمران:لييييييه
عبير:مابي اخليك بروحك
عمران:اقوووووولك بلا سخافه روحي وانا عندي خواتي
عبير:واروح باصعب الظروف لك مابي
عمران:تروحين غصبن عليك
عبير:طيب رح معي
عمران:ماقدر عندي الشغل روحي كلها اسبوع تغيرين جو وترجعين لحبسة البيت يالله كلمي عادل

عبير:الوووووووو
عادل:امداك تشتاقين لي
عبير:مالت عليك بس انا بغيت اسالك متى بتسافر
عادل:بكره ابمركم واسافر ان رحتي رحتي وان مارحتي يكون احسن
عبير:ووووووووووووووووووجع صحيح سخيف ماتستحي على وجهك
عادل:هههههههههههههههههههههههههههههههه وش فيك معصبه هذا اسلوبي معاك طول عمري
عبير:ذاك اول لكن اللحين غير انا متزوجه وعقلت
عادل:المهم بتسافرين ولا لأ؟؟
عبير:ايه ابسافر
عادل:وش الي غير رايك بدقيقه
عبير:اووووووووووف احس اني في محكمه وقدامي قاضي يالله باي تراي مو فاضيه لسخافتك
عادل:انتظري لحظه ابسالك عن شئ
عبير:وشو؟؟
عادل:عمرك سمعتي نغمة القطار
عبير:لا ماهي عندي سمعنياها
طوط طوط طوط قطع الخط
عبير تصارخ معصبه:الله ياخذك
عمران:وش فيك
عبير متفاعله:شفت الحيوان وش سوى فيني
عمران:مين الحيوان(شاك انه رجال غير اخوانها من الي يعاكسون)
عبير:عادلوه السخيف قال لي سمعتي نغمة القطار
عمران فهم وقعد يضحك بقووووووه هههههههههههههههههههههههههههههه انتي اول مره تسمعينها
عبير:لااااااااااااا مو نغمة قطار اغلق الخط بوجهي
عمران:هههههههههه فاهم فاهم

20 - 1 - 2015, 08:39 AM

ابو رامي: ترا بنسوي لك حفله كبيره بس اذا جو عمك من مصر تراي اجلتها
نوره:ايه احسن ابي اذا اجتمعنا
ابتسام:تعال انت ياقمر لولا الله ثم انت كان الي بجنبي الى الان ماتعرفنا
ريان يجي لها وهو يضحك ببرائة اطفال والكل مستانس ويضحك

حسام وهو مرتبك بقووووووه:الله يخليك ياسامي عطني حبه
سامي:معك اربع الاف اعطيك ماعندك لاتجيني سمعت
حسام:طيب اعطيك بس عطني وعد بسرررررررررررعه
سامي:يالله خذ واذا ماعطيتني والله ماعطيك مره ثانيه

رامي:الوووو
بدريه:هلا مين
رامي:انا رامي
بدريه:رامي رامي مين
رامي:خطيبك يابقره
بدريه:اها انت راميوه طيب ليه تقولي بقره
رامي:لان عيونك حلوه مثلها
بدريه:تدري ان البقر الحلوه من الدنمارك والدنمارك لازم نقاطعها قلبا وقالبا يعني مو تشبهني باي شئ يمت للدنمارك بصله
رامي:هههههههههههههههههههه هذي كيف قدرتي عليها بصراحه احس انهم ناسينك من العصر الجاهلي
بدريه:هههههههههههههههههههههههههههههههههههههههههههه هههههههههه ههه مافهمت
رامي عصب:انتي وش تفهمين كيف نجحتي ووظيفتك مع اختي وتوظفتي من غير واسطه ولاشئ قوليلي كيف
بدريه:انا اسفه بس هوايتي انرفز الي قدامي بغبائي كذا طبعي احب استغبي
رامي:والله وانتي ذكيه
بدريه:من مدح نفسه فهو كذاب
رامي:الحمدلله وانا كنت شايل هم لغتنا الي بتفاهم انا وياك فيها

عبدالله راح لنوره
عبدالله:اخبارك يانور قلبي وعقلي
نوره:الحمدلله طيبه وبخير بوجودك
عبدالله:تصدقين اشتاق لك وانتي قدامي
نوره:كل هالشوق يختفي بعد الزواج ويتحول الحب لكره بس خلنا عى كذا احسن
عبدالله:لا الا انا انا غير عبدالله غير
نوره:هههههه خابره جده غير يالله تمشي عبدالله غير

عادل سافر بسيارته وصل للبييت عمران وعبير بعد توصيفهم له واهله سافروا بطياره قبله ووصلوا لمصر
عمران:هلاااااا بعادل اخبارك
عادل:ياهلاا فيك شلونك اخبارك
عبير بصرااخ:عدوووووووووووووووووول هلاا فيك
عادل:اهلين شلونك اخبارك
جلسوا بعد السلام والسواليف
عبير:عن اذنكم بجيب القهوه
عبير تروح للمطبخ وتشوفهم جالسات زينب وفوزيه ولا سوو شئ
عبير:ووين القهوه
فوزيه:بصراحه انا مصدعه
عبير تناظر زينب وتعرف انها هي الي اقنعت فوز انها تفشلها وماتسوي شئ
زينب:اخدم نفسك بنفسك فاضين لك انتي واخوك تعزمين وحنا الي نشتغل ونكرف
عبير:اصلا انا مو محتاجه لك انتي وشغلك المعفن الي زي وجهك يسد النفس الله لايبلاني
زينب تعلي صوتها:اسمعي ترا حنا الداخلات في هالبيت وانتي الي طالعه
عبير وهي تشغل النار:احلى يافندق خمس نجوم
وتصف الفناجيل والبيالات وتحط الهيل في الدله القديمه الصفراء والسكر والشاي في الابريق الي اكل الدهر عليه وشرب
زينب تسب وعبير ومطنشتها

20 - 1 - 2015, 08:40 AM

صبت القهوه لاخوها وصبت لعمران
عادل:الا ماقلت لي اخبار عبيروه معك
عمران بمزح:ملعوزتني اعوذ بالله ان تكلمت ماسكتت ولا سبها مابقى الا تضربني
عبير ببرائه:مين هذي لايكون انا؟؟
عادل:لابنت الجيران اكيد انتي على كلا بعد اذن عمران اللحين ترا بنسافر علشان نلحق ترا امي مشغلتني بسرعه بسرعه
عبير:لا لازم تتعشى عندنا
عادل:والله ماني ناوي اذوقه اكل لي صاروخ قبل شوي(صاروخ هو شاورما كبير)
عمران:لامايصير لازم نسوي لك شئ
عادل:لاوالله رايتكم بيضاء بس ودي اسافر علشان الحق على الرحله
عمران:اجل براحتكم
عبير:انا مجهزه اغراضي من امس
عادل:طيب حطيها بسياره ولا وش رايك انا الي احطها
عبير:حااااااااااااااضر بصوت خفيف مالت عليك بزران اخر زمن
عادل:قلتي شئ
عبير بابتسامه:قلت حاضر
عمران يضحك على عبير الي طول عمرها طفله بحركاتها
عبير راحت تاخذ اغراضها

عمران راح وراها:خوذي خمس الاف ريال يكفي
عبير:ايه طيب هات بس والله ان تاخذ هالبطاقه
عمران:بطاقة وشو
عبير:بطاقة صراف
عمران:لا خوذيه
عبير:وش تبي يجرجرونك في السجن والله ان تاخذه ورجع الفوس لي بعدين
عمران:خلاص انشالله يكون دين على
عبير:خذ الي تحتاجه ولا يردك شئ زين
عمران يبوس راسها:الله لايحرمني منك
عبير:ولا منك يالغالي
عبير راحت لخوات عمران سلمت على فوز وزينب رفضت تقوم تسلم
عبير:مع السلامه يازينب
زينب استغربت بس ماردت المغروره

عمران اخذ منها الشنطه وحطها في السياره
وركبت وودعوا بعض الكل

في الطريق عبير تناظر الشوارع ودموعها تنزل من الفرحه حست انها رجعت للحياه مو معقول انا مارحت لي 7اشهر ولا في
الحلم بجد سجن تشوف السيارات ومن كثر ماهي ملهوفه على الناس والعالم ونظراته المتكرره لكل لسيارات
وقفوا عند اشاره سيارة شباب يناظرون ويبتسمون ويزودون الاغاني ويفتحون الدريشه
عبير انتبهت لهم وماتبي عادل ينتبه حتى ماتسوي مشكله:عادل عندك عبدالله رويشد
عادل:لاعندي شريطه
عبير تضحك:طيب شغله
عادل يشغله والاشاره خضراء ويروح يسار وهم يمين ارتااااااااااحت عبير لانها خااااايفه
عادل:وين رحتي اخر مره
عبيرارتبكت بس سريعة بديهه:لمطعم فخم بالمررره حلو
عادل:وينه علشان تتعشين فيه
عبير ارتبكت لانها تنصب عليه:مادل بس شكله بعيد اقول فطاير تكفيني انا اصلا شبعانه

عمران راح لغرفة نومه وحس بفرااااااااااغ كبير ومحزن على عبير فكر بالعود جابه رغم انه معارض بس ابليس
شاطر

20 - 1 - 2015, 08:41 AM

عمران يغني
فمان الله يامسافر عسى الله يسمح دروبك وترجع بالسلامه
فمــان الله يامسافر عسى الله يسمح دروبك وترجع بالســلامه

اذا بتطول الغيبه امانه لاتقاطعنا ودوم ابعث سلامك
اذا بتطوووووول الغيبه امـانه لاتقاطعنا ودوم ابعث سلامـك

معاك ايام عشناها لها بقلوبنا ذكرى ولها شوق وهياما
معاك ايام عشــناها لها بقلوبنا ذكرى ولها شـوق وهياما

فمــان الله يامسافر عسى الله يسمح دروبك وترجع بالســلامه

اذا انت تنام في الغربه ومتهني في مانامك انا ليلي مانامه
اذا انت تنام في الغربه ومتهني في مانامــك انا ليلي مـانـامه

فمــان الله يامسافر عسى الله يسمح دروبك وترجع بالســلامه

انا بيني وبين نفسي اطلب من الله وادعي يردك بالسلامه
انا بيني وبين نفسي اطلب من الله وادعي يـردك بالســلامه

فمــان الله يامسافر عسى الله يسمح دروبك وترجع بالســلامه

يمسح دمعه من عينه وهو يتذكر خالد واحمد وكل اصدقائه وعبير وريحتها الي مغطيه الغرفه كلها بعطرها المركز الراااااائع

20 - 1 - 2015, 08:43 AM

الصبح
عبير:يووووووووووه اخيرا وصلنا لضبا تصدق عمري ماجيتها والله لو انا مسافرين اوربا بجد المسافه بعيده ياليتني رايحه في طياره والله ابرك
عادل:مالت عليك هبلتيني كنت نايم
عبير انهلت:نعم نايم كيف نايم وانت تسوق لا انت بتوديني بستين داهيه انا وميته نوم مانمت علشاني بالسياره بجد باااااااارد
ابحجز لنا تذكرتين وبنروح لفندق نرتاح شوي واخلص شغلي ونسافر

عمران راح للشغل ودق على عبير الي توهم خلصوا من الحجز
عبير:ياهلااااااااااا بعمران
عمران:ياهلااااااااااا فيك اخبارك البيت مايسوى من دونك القصيم كلها ظلام بعدك
عبير:يااااااااحياتي والله تسلم بس ياليت يكون هذا اسلوبك اذا كنت عندك
عمران:ههههههههههههه ليه ذابحك انا
عبير:امزح معك
عمران:هاه حجزتوا
عبير:ايه حجزنا سفينه وناسه اول مره ابسافر بسفينه ونااااااااسه
عمران:وش اسمها ومتى الرحله
عبير: عبارة السلام98
عمران:توصلون بالسلامه
عبير:الله يسلمك حياتي يالله انتبه لنفسك ولاتعب حالك ولاتفكر كثير وكل زين
عمران:هههههههههههههههه والله انك فاضيه
عمران:ماقلتيلي متى الرحله
عبير:اليوم

عمران نغمة رسائل

الرساله الوارده=1
فتحها من عبير

(تصدق اني اشتقت لك)
عمران ابتسم وباس جواله

حسام يصارخ:رااااااااسي ابي حبه حبه
سامي:خذ ذي الابره هذي احسن لك
حسام اخذها وهو كله يرتجف وضرب نفسه بهالابره الى هدئ
حسام:انا لازم اتعالج بس كيف

عمران جالس يتقهوى هو وخواته وهو يغير القنوات
زينب:وش معنى عبير تسافر وحنا لا
عمران:اوووووووووف لاتقارنين نفسك فيها
زينب:ايه مو قد المقام
عمران وهو يتابع مسلسل يشوف خبر عاجل غرق عبارة السلام98 الراحله من السعوديه الى مصر
يقوم واقف عمران من غير شعور

20 - 1 - 2015, 08:44 AM

الجزء الواحد العشرون
عمران وقف ومو مصدق الي قاعد يقراه بالخبر العاجل يدعك عيونه بقوه ويتكلم بصوت هادئ:لا لا لا مستحيل باسبوع يموتون اعز الناس لي
لااااااااااااااااااااااااااااا عبير مستحيل(ويركض بسررررررعه لجواله يبي يدق على عبير وشاف رساله منها قبل خمس ساعات
خذني بقربك حبيبي
ولا بقربي تــعــال
اشتقتلك كثيررررررررررررررر ياحبيبي

عمران ضغط الاحمر ومو مصدق يدق الجوال على عبير ومغلق دق تقريبا خمسين مرررررررررره نزل راسه وحط يده
على راسه يارب انا وش سويت لا يارب كلش ولا عبير خذ زينب فوزيه انا وهي لا يارب لا (ويضرب صدره بقوه)
انا لييييييييه مافيني احساس ليه ماحس هي منعتني من السفر لان بيصير حادث ليه انا ماحسيت ان السفينه بتغرق
لييييييييييييييش جن ثارت ثائرته صار يدور بالغرفه ويفتح الدواليب والخزائن كانه يدور شئ كانه يتوقع انه بيلقى عبير
صار مثل المجنون ماحس بروحه

زينب:عبير بذي السفينه صح
فوزيه خايفه:ايه لا انشالله ماماتت يارب
زينب خافت على عبير:ايه انشالله ماماتت
زينب تقوم وتتذكر كيف ذلتها تتذكر وهي تهدي لها الجوال وكيف ردت الطيبه بالقساوه تذكرت وهي في المطبخ تذكرت
كلمة العقيم الي تشوف عيون عبير وهي مجروحه تتذكر كيف انضربت علشانها وتتذكر كلمة مع السلامه يازينب وهي استحقرتها
فوزيه وهي تبكي:ابشوف عمران وش صار له اكيد انجن
تروح لعمران وتشوف حاله الي يكسر الخاطر جالس جلسة واحد كئيب ضام رجوله لصدره ومنزل راسه باحباط وتهتز كتوفه من البكاء
فوزيه:عمران بصراحه توقعتك اقوى من كذا قم يمكن تكون من الناجين رح دورها وشف يمكن احد انقذها
عمران وهو يرفع راسه وعيونه حمراء من الدموع:تهقين انها عايشه
فوزيه:نقول انشالله بس قم خلنا نشوف الاخباريه يكتبون اسماء الناجين
عمران طيب ابدق على عبير اخر مره يدق الجوال مغلق سكر عيونه وحط يده على راسه لااااااااا اكيد ماتت كذا حظي انا
كذا حظي وهو مطيح روحه اوبالاصح اعضامه مو قادره تشيله
فوزيه وهي مو بعيده عن حاله:قوم قوم وخلك رجال لاتبكي(وهي تحاول تقوم اخوها)
راحوووووو للتلفزيون اسماء الناجين عايض القحطاني... شامان...عبدالله ...الخ ويرجع شريط الاسماء مثل قبل
الاخبار ان يوجد عدد من المسافرين قد انصهروا اثراء حريق الموجود في هذه العباره والبعض كانت فريسه للقرش او الغرق
عمران:آآآآآآآآه آآآآآآآآآه وانتي وش مصيرك ياعبير قلبي اخ كيف طيب ليه ماسافرت الا بذا اليوم ليييييييييييييه؟؟
فوزيه:يمكن تكون من ضمن الناجين بس انت ادع ورح صلى ويمكن ربي يستجيب لك
عمران قام من غير شعور توضاء ودق عليها قبل وبعد مغلق رمى الجوال في السرير صلى ودعى ياااااااارب
انت احرمتني من خال وعم وابو وام واصدقاء يااااااااااااارب لاتحرمني من

20 - 1 - 2015, 08:45 AM

انت احرمتني من خال وعم وابو وام واصدقاء يااااااااااااارب لاتحرمني من عبير من نبض قلبي يارب يارب وهو يبكي

عمران راح للسرير ودق بعد على عبير(ضامن الولد انها بترد مايأس) ولاتيأسوا من رحمة الله
لكن للأسف الجوال مغلق راح للكرسي الخشبي جلس شوي وحالته حاله بعدها رجع للغرفه
عمران يناظر الغرفه وكيف شكلها موحش من غير عبير من غير ضحكتها وابتسامتها ودموعها ودلعها ورقتها وبرائتها
ورزانتها (بالله عليكم اسلوبي مو زي اسلوب عبدالله بالخير خلني اسكت مو امي تجي هههههههههههههههههه)
ودموعه تنزل لا يارب لا اخخخخخخخخ لو انها عايشه ابعوضها ياااااااااارب عطني اخر فرصه يااااااااااارب

وكأن ربي استجاب له دعوته دق جواله بنغمة عبير
عمران كانه رجع للحياه:الووووووووووووووووووووووووو
عبير:هلاااااااااااا وش فيك عسى ماشر
عمران:انتي من الناجين (((((وهو يالله ويالله يتكلم
عبير:اي ناجين ووش فيه صوتك
عمران:سافرتي ولا لأ
عبير:لا شفت شلوووووووووون قهر فاتتني الرحله يوم وصلت لضبا واشوف السفينه رايحه الله لايوقفه القبطان راح
ولا انتظرني
عمران:بجد الحمدلله الحمدلله ماتدرين ان السفينه غرقت
عبير بثقه:ايه انا دعيت على هالقبطان(شريره ودعوتها مستجابه شفتوا شلون)
عمران:عبير بلا استهبال والله غرقت شوفيها وانا وخواتي حسبناك فيها لكن الحمدلله يارب
عبير:بجد كلامك
عمران:شوفي الاخبار بجد
عبير:خلاص اجل باي
عمران:لا انتظري عبير تكفين ارجعي والله مو قادر اعيش بدونك
عبير باستعباط:مين هذا لايكون انت؟؟
عمران وهو يمسح دمعه جريئه نازله من عينه:ههههههههههه تعالي ووالله العوضك كل الي فات
عبير:طيب ومصر
عمران:انا كرهت مصر شوفي الاخبار وتعالي
عبير:يالله خدمة موجود رسايل وش كثرها منك انتي وامي وابوي
عمران:خفت عليك خبرك مسكينه ماتتحملين وبعدين ليه مقفله جوالك انتي واخوك
عبير: ايه كنا نايمين بعد مافاتتنا الرحله ولا شغلنا التلفزيون وبعدين لاتخاف على انا قطوه ام سبع ارواح
عمران:هههههههههههههههههه الله يطول بعمرك حيااتي
عبير:لا انا ماقدر على هالرومانسيه اخاف انا غلطانه بالرقم
عمران:حياتي من دونك بجد كابوس تصدقين صارت الغرفه موحشه بدونك
عبير تضحك:خلاااااااااااااااااص انا جااااااااايه يعني جايه
عمران:اشوفك على خير حياتي
عبير:مع السلامه قلبي

عمران قام وصلى صلاة شكر وراح بيبشر فوزيه
راح لغرفة فووزيه وزينب ولقى زينب تبكي بسريرها
عمران:زينب وش فيك
زينب:انا ظلمت عبير كثيرررررررررر
عمران:تقدرين تصلحين الماضي
زينب وهي تشهم من البكاء:كيف؟
عمران:عبير ماماتت
فوزيه وهي جايه:والله
عمران:ايوا الله
وكانت فرحتهم كبيرره
زينب اخذت جوال فوزيه وكلمت عبير
عبير:ياهلااااااااااااااااا بفوز
زينب:انا ز�

20 - 1 - 2015, 08:45 AM

زينب:انا زينب
عبير:هلا زينب لاتفرحين انا مامت
زينب:الحمدلله على سلامتك
عبير وهي مستغربه:الله يسلمك اخبارك اخبار فوز
زينب:بصررررراحه البيت بدونك مايسوى شئ
عبير استغربت:تسلمين حياتي والله

ام حسام وابو حسام رجعوا من مصر لانهم راحوا لسفاجا ومالقوا عادل وعبير راحوا لضبا يتاكدون اذا هم من الناجين ولا لأ
وكانت حالتهم حاله تعرفون اب وام اكيد بيخافون على عيالهم

عبير:تعال عادل شف وش صار
عادل وهو يتثائب:وش صار
عبير:شف ربي انقذنا
عادل وهو يشوف الاخبار:لااااااااااااا هذي السفينه الي كنا بنروح فيها
عبير:ايه بجد ربي انقذنا
عادل:يااااااااااالله سبحانك يارب شفتي اليوم كيف زعلنا ودعينا على القبطان يوم راح وفاتتنا الرحله
عبير:الحمدلله صل صلاة شكر
عادل:طيب دقيتي على اهلي
عبير وهي تضرب راسها:يووووووووووووووه نسيت
تروح وتدق على اهلها
ام حسام بفرحه:عبيرررررررررررررررررر
عبير:هلا يمه
ام حسام:عادل وش صار له (ابو حسام هاتيها عطينياها
عبير:فاتتنا الرحله ماسافرنا حنا في ضباء اللحين
ام حسام تبكي:والله حتى حنا خلاص عفنا هالسفره كرهتها والله يابكينا بكاء مع الناس وابوك جن وزاد الضغط عنده بس الحمدلله.
انتوا بضبا اللحين(تقول فاتتهم الرحله ابو حسام:الحمدلله
عبير:ايه يمه حنا بضباء
ام حسام:خلااااااااص شوي وجايين لكم
عبير:نجيكم في المطار
ام حسام:لا حنا اللحين بسياره نازلين من المطار لنا شوي
ابو حسام ياخذ الجوال منها:الووووووووووووو
عبير:هلا يبه اخبارك
ابو حسام:فاتتكم الرحله
عبير:ايه الحمدلله
ابوحسام:لاعادت من سفره

المواضيع المتشابهه لموضوع: رواية الحب بعد فوات الاوان لموضوع: رواية الحب بعد فوات الاوان
الموضوع	كاتب الموضوع	المنتدى	مشاركات	آخر مشاركة
سارع بتقبيل حبيبتك قبل فوات الاوان	ناطق العبيدي	همس المواضيع العامة	4	25 - 4 - 2024 12:13 AM
رواية باع الحب وتركني	سجات التهاويل	همس للقصص وحكايات وروايات	22	8 - 6 - 2018 12:58 PM
فورد فيجو 2016 الجديدة بثلاث فئات بثلاث فئات	همسه الشوق	همس للسيارات والدراجات الناريه	6	10 - 12 - 2015 02:43 PM
متى ستعرف حبيبى كم اهواك بعد رحيلى ام بعد فوات الاوان	جوهرة بغداد	همس عذب الكلام والخواطر المنقوله	12	16 - 1 - 2015 01:05 AM
تحذير عاجل لكل من يملك بريد على الياهو و الهوتميل ادخل بسرعة قبل فوات الاوان	الحب ياسمين	همس البرامج المشروحه هنا	14	20 - 2 - 2014 05:53 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية الحب بعد فوات الاوان

همس للقصص وحكايات وروايات