رواية الحب بعد فوات الاوان

18 - 1 - 2015, 01:40 PM

رامي ينطط بالغرفه مثل المجنون ويضحك مثل السكارى وطاير من الفرحه إلي نساها من اسبوع بيروح لغرفه خواته يقول لهم يكلمونها ويتراجع

باخر للحظه انا إلي اكلمها ليه واحد غيري ويناظر الساعه الساعه 1 ونص الليل عقله يقول مايصير ادق عليها اخر الليل وقلبه يقول دق عليها مو تضيع من يدينك وطبعا مثل كل واحد مايقتنع الى بكلام قلبه

دق عليها بنغمه مزعجه بغرفتها الهادئه والمظلمه قامت تناظر وين جوالها

عبير بتثاقل ونوم:يــــــــــالله فوق التسريحه يعني لازم اقوم
شافت الجوال اووووووووووووووف وش يبي ذا يــــــالله قد ماكنت احبه كرهته اللحين اوف بس وتقفل الجوال

رامي:شفيها قفلت الجوال بجد قهر يمكن ماتبيني

عبير رمت نفسها بالسرير وقالت تصبحين على خير يا احلى عبووور وهي تضحك وترد على روحها انا أول مره اشوف وحده تكلم روحها وتدلع نفسها

وهي تضحك نامت وباينه ابتسامتها وهي نايمه
عادل قاعد يفكر مين ذيك صاحبة الفستان الاسود الشعر الطاير على وجهها لا لا لا ليكون هي نوره إلي شفتها قبل سنتين وهي تبكي ومنهاره إلا هي والدليل انهيار وحده في المستشفى لا ماتوقع نوره لان هاذي احلى منها يالله يارب عساها نوره مشكله حتى ماسالت بالمستشفى مين تكون إلي اغمى عليها مالي الى اكلم رامي واسولف شوي معه واساله عن اخبار اخته مع ان الساعه 2 اليل بس ابدق

رامي:الووووووووو

عادل:ياهلا بولد العم الغالي

رامي يضحك:وش فيهم العايله الكريمه كلهم اليوم راضين على

عادل:ليش مين غيري؟؟؟

رامي:حسام قبل شوي

عادل:غرررررررررررريب هاذا يتنازل مو معقول اقول وش يبي فيك

رامي ارتبك لأنه عرف ان عادل مايدري عن شي:هاه يسلم بس

عادل:اخبارك اخبار الاهل

رامي:ووالله الكل بخير

عادل:ياخي من زمان ماشفنا بعض من ايام المستشفى ايه وش اخبار اختك إلي كانت بالمستشفى

رامي:اقول بلا نصب شايفين بعض بالملكه وقبل ماتسافر بساعه شفنا بعض

عادل انقهر انها ضاعت السالفه:طيب اخبار نوره

رامي تفاجئ:نعم

عادل:لا اسال عن اخبارها مو بنت عمي ومو هي إلي طاحت بالمستشفى ومو صاحبه لفستان الاسود

رامي متفاجئ:إلا هي إلي طاحت بالمستشفى بعد ماشافت وجهك الكئيب بس ماذكر لون فستانها

عادل تفاجئ من روحه وش قال بس كل الكلام إلي قاله خارج عن ايرادته لكن فرح ان إلي شافها هي نوره مو ابتسام إلي اكبر منه

عادل:اقول السموحه يارامي لكن بجد الكلام طلع خارج عن ايرادتي

رامي عرف ان عادل يحب نوره ويدري ان عبير تقتنع بكلامه :انت تحب نوره ياعادل

عادل ساااااااااااااكت

18 - 1 - 2015, 01:40 PM

رامي:خلاص اقنع عبير تتزوجني وانا اقنع نوره انها ماتكون إلا لك

عاادل:كيف هي ملكت خلااااااص واهلي رافضين

رامي:لا حسام قال لي ان ابوك وافق وخلاص هم مايبونه لأنه فقير بس انت حاول فيها لانها هي متعاطفه معه

عادل:وكيف اضمن ان نوره ماتطير مني

رامي:كلام رجاااااااااااااال وعد ياعادل اذا صار عمرك 25 تاخذها

عادل يحب عمره :يـــــــــــــــالله متى اكبر 5سنين جايه

رامي :قصدك 7 سنين

عادل:يارب يمشي الوقت بسرعه

رامي:هههههههههههه انا أول مره اشوف واحد يكبر عمره المهم ياعادل ابتكل على الله ثم عليك يالله اقنعها

عادل:انشالله مع السلامه ياولد العم

رامي:بااااي

عبير تشوف كوابيس وتقوم بسم الله يمه وش ذا الحلم إلي يخوف تنزل تشرب ماء وتدور بالبيت مثل المقروصه وشو ذا ايه مالي إلا انام

اليوم السبت عبير بتروح للمركز علشانها اخذها دوره 1شهر فرنسي

راحت عبير وهي تعبااااااااااااااااااااانه بالحيل ومنتهيه من الكسل والخمول مع ان الوقت العشاء

ورجعت بسرع لان المدرسه غايبه طبعا مو مهتمه لانها استلمت الحساب وقالت ان الاختبار بكره ورجعت عبير علشان تذاكر طقت الباب مين لقت لقت عمها ابراهيم بيجلس يوم علشان يروح للمستشفى

مفاجئه

عبير دخلت وهي متملله وقفت عند الباب فاتحه فمها وتدعك عيونها وصارخت بقوه وضمت عمها بقوه عمي وقعدت تبكي من الفرحه

18 - 1 - 2015, 03:30 PM

عمها جالس ابوها عنده

عمها بتعب:لاتبكين ياعبير وش فيك كل شئ الادمعتك الغاليه
عبير:والله مستانسه مو معقول ياعم انت موجود
سولفوا شوي وعبير هي إلي سوت الشاي لانها ماتعرف تسوي القهوه وسوت الشاي بمساعدت الشغاله بعد

ابراهيم:والله هذا احلى شاي ذقته بحياتي
ابو عبير:ايوالله الشاي حلو تسلم إلي سوته

عبير بابتسامه مافارقتها من شافت عمها:الله يسلمكم

حسام ومع واحد إلي هو خالد ورامي : ياولد ترا معي رجال

عبير قامت :اوف وذا وقته ماجلست مع عمي

حسام طير عيونه عليها راحت وهي تكلم نفسها زعلانه راحت غرفتها وكل دقيقه تتسمع راحو ولا لا اووف ماراحو عبير جلست الحالها يالله

اللحين الساعه 11ونص بعد العشاء قالوا يالله يابو خالد هاذي الغرفه إلي بتنام فيها جنت عبير وانقهرت وانسدت نفسها عن العشاء وراحت تنام

طبعا امها ماتدري وين هوى دارها لانها دوم مع صديقاتها وجاراتها ومو معطيه عبير وجه ابد علشان كذا عبير تحس بملل لانها تشوف ابتسام ونوره وصديقاتها لهم خوات الى هي مالها احد حتى اهلا احرموها من الصديقات علشان ماتطلع معهم

رمضاااااااااااااااان الكل هنا الثاني وبارك له

عبير الى الان مقفله جوالها ولا اهتمت له ورامي مصمل انه هو إلي يحاول فيها وعادل قال ماراح يكلمها إلا اذا خلصت اختبارها إلي هو اليوم
وما ذاكرت له وعمها اللحين في المستشفى رجع المغرب
سلمت عليه عبير باستعجال علشاها ماذاكرت ماتدري انه يمكن يكون اخر سلام لها

راحت للمدرسه وحلت زين وطلعت وكانت مستانسه
اما عمران منجن وين هاذي ليش مقفله جوالها مو معقول ماتشوف رقمي بموجود ليه ماهتمت لي اذا باعتني والله لابيعها ولا اهتم لها

18 - 1 - 2015, 03:32 PM

الجزء الثامن
رجع عم عبير للقصيم وهو تعباااااااااااااااااااااااااان
اليوم الاحد عبير وعادل جالسين مع بعض الساعه3 الليل

عادل:اخبار اختبارك اليوم

عبير:خيالي يهبل حلو لكني الى الان احس اني ماعرفت فرنسي زين

عادل:على هالتعب كله ولا عرفتي شئ

عبير:انا اشالله ناجحه ويمكن بتفوق لكني مادري شلون

عادل:أول اعرفي تتكلمين عربي بعدين فكري بالفرنسي يتمهزئ لكن مادري شلون رتب الكلمات التاليه لتعطي جمله مفيده
عبير:هههههههه انت اللحين وش جايبك جاي علشان تتمهزء فيني

عادل :لا انا ابكلمك بموضوع واتمنى انك تكونين جاده معي لو مره

عبير:انا جاده يالله تكلم

عادل:اقول انتي الى متى وانتي عايشه بعناد

عبير:انا؟

عادل:ايه انتي كيف توافقين على واحد مو من مستوانا الفكري والمادي

عبير:ليش حنا نازلين من السماء
عادل:طول عمرك كنتي تتمنين رامي واللحين تاخذين عمران
عبير:اووووووووووووف تكفى مابي هالسالفه والله مليت منها

عادل:اسمعي كلامي الولد والله متعذب انتي ماشفتي حالته وانتي بالمستشفى يوم تبليتي على نفسك وش سوى والله ان شكله بائس يائس تقولين ابواب الدنيا كلها مسكره بوجه

عبير:حلوه منك بائس يائس

عادل عصب:انا ماضحك معك انا اتكلم جد

عبير:طيب ليش معصب

عادل:طيب وش قرارك

عبير:غير حبيبي عمران ماخذ لو يصير إلي ماصار

عادل عصب وطلع وسكر الباب باقوى ماعنده لان صار مصيرها متعلق في مصيره

عبير:اووف وش فيهم ذولي وينك يامريكا وين حرية الراي ههههههههه انا وش قاعده اقول مالت على بدينا بالسياسه هههههه
ايه انا بجد انشغلت ليش ماكلمت عمران وهنيته برمضان هههههه على وزن بعض خلوني اكلمه وين جوالي يالله من يوم ماكلمني هالرامي مقفلته ونسيته!!!! تفتح الجوال خدمة موجود 32مكالمه لرامي و43 مكالمه لعمران

وفيه رسايل لكن ماهتمت لها

عبير تدق على عمران

عمران سمع نغمتها

وهو بالحمام يسمع النغمه فتح باب الحمام بسرعه واخذ الفوطه على السريع والدش يصب ماء ولا الفرشه إلي امتلت من مويا شعره وجسمه
عمران بلهفه:الوووووووووووووووووووووو

18 - 1 - 2015, 03:32 PM

انقطع الخط جن عمران لكن فرح بعدها بلحظات يوم شافها رجعت دقت عليه

عمران بصوت عالي كانه يكلم من الهند:الوووووووووووووووووووووووو

عبير تضحك:اعصابك اعصابك هههههههههههههه

عمران:انتي وينك مقفله جوالك دقيت عليك مليون مره صرت اتحلم فيك من زود مافكر فيك والله جننتيني والله بموووت

عبير:هههههههههه بسم الله عليك من الموت حبيبي

عمران بحزن:وينك بجد والله تفكيري تعطل صار عقلي مايفكر إلا فيك

عبير:اولا رمضان كريم ومعليش والله انا كان عندي اختبار وبعدين انا ماراح اخبي عليك شئ من هالحين اهلي قاعدين يضغطون على اني اتركك

عمران:ماعاش االي يفرق بينا

عبير:عمران ذولي اهلي مارضا عليهم

عمران بانكسار:وترضين على

عبير:وانت اكيد ياحياتي مارضى عليك

عمران:تكفين ياعبير لاتتركيني

عبير:وانشالله مايصير خاطرك إلا طيب

عمران:ممكن طلب

عبير:انت تامر

عمران:انا وين اروح عن كلامك الحلو طلبي هو انك ماتقفلي الجوال
عبير:انت اسمع انا بغير الرقم واخلي مايعرفه إلا انت ورقمي هذا بقفله

عمران:ليه

عبير ارتبكت:علشان تجيني ازعاجات منه
عمران:طنشيهم ذولي الفاضين

عبير:وهذا إلي قاعده اسويه

طق طق طق الباب

عبير:مــــــــــــــــــــــيــــــــــــــــ ن؟؟؟

مايا:انزل سحور

عبير:طيب طيب

عبير:يالله عمران روح تسحر وانا بتسحر واكلمك قريب

عمران:متى

عبير:انشالله بعد بكره

عمران:لا ماقدر اتحمل بكره انا ادق عليك

عبير:اوكي يالله باااااااااااااي احلامي سعيده فيني حبيبي هههههههههه

عمران:باااااايااااااات عمري

نزلت عبير تحت وما كان ابوهم موجود لأنه نايم المسكين اشتغل في شركته اليوم بالمرررره وعادل زعلان على إلي رفضت طلبه ويفكر في بعد سبع سنين وما كان فيه إلا حسام وامها

18 - 1 - 2015, 03:33 PM

عبير:السلام عليكم

الكل:وعليكم السلام

ام حسام:مين قاعده تكلمين لك ساعه

عبير استغربت ان امها تسال عنها:كنت اكلم عمران

حسام بعصبيه وضرب على الطاوله:انا ماقلت لك ماتكلمينه

عبير:والله ماحد قالك تغصبني عليه وتجلس على الكرسي

اام حسام بعد معصبه لانها مهما صار هي بنتها وتتمنى لها الخير:واللحين انتي ووجهك تعاقبينا

حسام:انا غيرت رايي وللمره الاخيره اقولك لاتكلمينه

عبير ببرود:والله اذا كان عندك انفصام بالشخصيه ترها مو مشكلتي

ماحست إلا بدنيا زرقا حولها وهي طايحه بين الطاوله والكرسي ال**************************** عطاها كف من غير رحمه عطاها كف على عينها صارت تشوف حولها دنيا زرقا خضراء قامت بصعوبه لانها خلقه هي مصدعه ومعصبه إلام عليها وتحولت عصبيتها الى غضب لحسام

الام:الله لايسامحك يالحيوان الله ياخذ عمرك وادعيه الامهات اذا كانوا معصبات طبعا مو أي امهات الامهات الستايل

قامت عبير وهي ثاني مره تنظرب مو متعوده على الضرب المره الاولى انضربت علشان يغصبونها على مروان والمره الثانيه يفرقونها عن عمران

قالت:لاتنادوني اتسحر مره ثانيه لان سحوركم مو حلو

تمشي وكلها ترتجف يدها ورجولها وشفيفها المستعده للبكاء

راحت غرفتها وخلصت الدمع من عيونها وهي تبكي بدون توقف اليوم نامت وهي تبكي قامت مفزوعه الساعه11 الصبح وهي تممشي من غرفه الى غرفه من دون وعي ومن دون تركيز ياترى وش فيها اكيد حست بشئ

عبير تكلم روحها:وش فيني امشي واعجز لاوقف ليش قلبي يعورني ايه يمكن من الكف الى اليوم لا مستحيل يارب عسى من الضرب ولا من شئ ثاني تمشي وتدعي يارب اشفى عمي ابراهيم يارب انا مالي غيره يارب انت احرمتني من ابوي وهو عايش ومن امي بعد مايكلموني ولا يشوفون متطلباتي
من دعم معنوي مو مادي والى المادي شاطرين فيه يارب انت احرمتني من أخت لي ومن صديقات يارب اشفى الغالي عمي اشفى يارب انا ماقدر اعيش بدونه انا ماتحمل يمر شهر بدونه

ترجع تنام وهي قلقه هي عندها الحاسه السادسه تحس بالعالم كله لو ماحد يحس فيها

18 - 1 - 2015, 03:34 PM

ابو حسام:تعال انت ود الوراق ذي للمسوؤل زين بسرعه

الموظف :طيب عمي
حسام يدخل المكتب ووجه كيئب
ابو حسام:وش فيك

حسام:عمي ابراهيم يبه

ابو حسام:وش فيه

حسام:عطاك عمره

ابو حسام:لاحول ولا قوة إلا بالله

حسام:عظم الله اجرك يبه

ابو حسام:اجرنا واجرك بس متى

حسام:خالد يقول اليوم الساعه9 مات واليوم دفنه يالله يبه رحنا للقصيم لان دفنه بعد صلاة العصر

ابوحسام:اكيد بنروح بس انت اللحين بلغ امك

حسام تذكر إلي صار امس:يبه انا ماعرف للمواقف ذي تكفى انت كلمها

ابوحسام:خلاص يالله رح جهز السياره اللحين بنروح

ظهر يوم الاثنين

راحت الام بتبلغ عبير عن وفاة عمها إلي تدري ان عبير تغليه اكثر من ابوها واهلها كلهم

ام حسام:تفتح ستاير عبير الستاير الشفافه البيضاء وتفتح النوافذ وتناظر عبير النايمه كانها شايله الدنيا فوق راسها وعينها المزرقه من ضربت اخوها القاسي لا عبير ماتتحمل ماراح اقول لها اعرفها بس اذا ماقلت لها اليوم بتعرف بكره

عبير تفتح عيونها بتثاقل وتناظر امها نظرات استنكاريه مع ان امها مو أول بس كانت تنتظر خبر ام عبير تناظر بنتها والدموع في عينها

ام حسام:عبير تدرين ان ابوك وحسام سافروا للقصيم

عبير:ايه وهي تنتظر امها تكمل

ام حسام:لان عمك ابراهيم مريض

عبير:ايه بعد تنتظر التكمله

ام حسام اخذت شرشف الصلاة ولبسته وعبير معلقه عيونها بامها وحركات امها
ام حسام وهي لابسه الشرشف تكمل:وتدرين ان عمك بالعنايه المركزه

عبير:ايه

ام حسام وهي خايفه من ردة فعل عبير بترفع يدها تكبر:وتدرين ان عمك الله يرحمه

عبير هالمره تكلمت :كذااااااااااااااااااااااااااااااابه عمي مامات لاتتفاولين عليه

عبير تقوم من فراشها وتروح للحمام تناظر بالمرايه وجهها الكئيب وتقول مامات لاتخافين كانت تحاول تبكي لكن ماقدرت غسلت يدها وطلعت علشان تصلي البنت مو في استوعابها تبي تصلي بوضوء غسل يدها بس راحت لأمها اخذت الشرف من دون تنبس ولا كلمه

صلت وكل صلاتها بدال الفاتحه يارب عسى مامات والركوع تكفى يارب لاتخلين الحالي ابي عمي وابالسجود يارب خذ ابوي وامي بس خل عمي تكفى يارب يارب خذني لك ورجع عمي

18 - 1 - 2015, 03:34 PM

خلصت صلاتها قصدي ادعيتها وراحت لامها

عبير:يمه عمي مات
ام حسام:الله يرحمه ادعيله

عبير:طيب ليه

عهتام حسام:ارادة الله

عبير:طيب متى ارادة الله تاخذني واروح لعمي لان مابقى لي بالدنيا احد
الام وهي تبكي تبي تخلي عبير تبكي زيها:وحنا وين رحنا

عبير:انتوا مابيكم ماتهتمون إلا لانفسكم وبس

ام حسام تبكي

عبير:يمه دفنوه

ام حسام:لا

عبير بانت ابتسامتها:ماقلت لك انكم تكذبون شفتي مادفنوه

وهي عبير رايحه للغرفتها الام:بيدفنونه بعد صلاة العصر

عبير طاحت ماتقدر تشيل روحها الام تركض لها وهي تحاول تشيلها وودتها لغرفتها غرفت ابوها وامها غريب صح حتى عبير استغربت
عبير نامت الى المغرب جابت امها الفطور لها وماذاق إلا نصف تمره وتحاول تشرب الماء وتحس كانه خناجر الريق بحلقها

أهل عمها المعزيين كثيرين لان ابراهيم كان غالي عند الكل ولده خالد ووجه باهت من الحزن

اما البنت المسكينه منيره منتهيه حزن وهي راميه نفسها على السرير اذا عبير إلي هي بنت اخوه حالته كذا كيف بنته وهي تشوف ابوها يتعذب قبل موته ومات مات مات ابوي مستحيل كيف بعيش كيف

ولازوجته ماشالله عليها صبوره تنزل الدمعه وتمسحها بسرعه هي صابره مو جباره على قولة المعزيات لها

عبير قامت الساعه 2الليل وامها نايمه بجنبها قامت بهدؤ وراحت للجوال تبي تكلم ابوها وهي ماسكه جوالها يدق عمران ترد

عبير منهكه:الووو

عمران:ياهلا بهالصوت

عبير كانها مو مستوعبه شئ

عمران:وش فيك

عبير كانها تساله وهي تبي جواب حلو منه:يقولون عمي مات

عمران؟؟مين

عبير:عمي ابراهيم

عمران:الله يرحمه عظم الله اجرك

عبير:لا مامات هم يكذبون على

عمران يعرفها ويدري انها تموت بعمها وتحبه اكثر من الدنيا كلها:عبير مايصير كذا لاتعذبينه ادعي له علشان مايتعذب بقبره

عبير:يقولون انهم مادفنوه يقولون انه بيدفنونه بعد صلاة العصر وانا ماقمت الى اللحين لاني كنت نايمه ابكلم ابوي واساله لااذا مات دفنوه ولا مامات

عمران عرف انها منصدمه:خلاص كلميه مع السلامه

عبير:مع السلامه

عبير تكلم ابوها مقفل علشان بطارية الشحن وكلمت حسام حسام استغرب انها داقه رد

عبير:الوووو

حسام:هلا

18 - 1 - 2015, 03:35 PM

عبير:وش اخبار عمي صح مامات
حسام :إلا مات الله يرحمه ادعي له

عبير:دفنتوه

حسام:ايه دفناه بعد صلاة العصر

عبير:لاااااااااااااااا وبذي اللحظه انفجرت بالبكاء كذاب كذاب كلكم كذابين
الى هدت بعد ساعتين من نوبات البكاء المستمره قامت وهي الحالها ببيت اهلها المظلم وتشوف المكان إلي جلس عليها عمها وراحت تركض له وباست المكان مية مره مهي تبكي لا انت ياعم طيب ماتخليني الحالي انت دايم تترك اللكل وتجيني اللحين بتتركني حتى انا

تناظر المكان وتذكرت الشاي وتذكرت سلامها السريع له السلام الاخير كانت مستعجله لشانه اخر يوم اختبار قالت من غير شعور

سلمت عليك وانا ماظنيت انه سلام الــــــــوداع
احس الدنيا بدونك دنية ضياع
سمعت بخــــــــــــبر وفاتك وصابنـــــــــي الرواع
كان بيوم فضيل وشهر الجواع
صابك المرض المــــــــــــــؤلم الفضــــــــــــــــيع
انشالله عملك واجرك شفيع
وانشالله جنتك جنة ربيع هاذي الدنيا وامرها خديع
كل ماحبيت لي واحد صار وديع
ونقــــــــــــــــــــــــول الله يرحمك ويرحمنا جميع
وتبكي عبير الى نامت في مكان عمها إلي كان جالس فيه قبل امس

18 - 1 - 2015, 03:35 PM

الجزء التاسع
ام حسام تقوم الظهر وتناظر حوله بالغرفه ماتلقى عبير نزلت تحت وسمعت صرااااااااااااخ
عادل:وش فيك عبير انتي تعبانه؟؟
عادل:ردي على
ام حسام تسرع وهي تنزل وتنحرف باخر درجه وتطيح الام تقوم بصعوبه وهي تمسك السلم وتروح للي جالسين باول الصاله
عادل شايل اخته وساندها على رجله
ام حسام:عبير وش فيها وتلمس بنتها مرتفعه الحراره وتتكلم عبير ابي عمي ابي اروح لعمي
ام حسام:يامايا قولي للسواق يشغل السياره ويشلها عادل ويروحون للمستشفى ودوها للدكتور
دخلوها للغرفه وذا دكتور يحط لها مغذي ويهدونها ويطلوبون ان الممرضات يغسلونها بماء بارد
المسكينه حرارتها مرتفعه ام حسام كلمت حسام
حسام وهم راجعين للرياض :الووو
ام حسام وهي تبكي:هلا حسام انتم وينكم
حسام انهبل :وش فيك يمه
ام حسام:عبير عبير ياحسام
حسام:اوف من هالعبير ياكثر مصايبها وش فيها بعد هالعوبا
ابو حسام انهبل:وش فيها ياحسام
حسام:يبه عبير بالمستشفى ياكثر ماتروح له

ابو حسام عصب واخذ الجوال من حسام لان بطاريته فاضيه وشاحن السياره مو موجود
ابو حسام:هلاا ام حسام عبير وش فيها
ام حسام :عبير مريضه مرتفعه حرارتها

ابو حسام:علشان عمها
ام حسام:ايه مو مستوعبه وفاته
نرجع لعمهم عيسى الكل متفاجئ من وفات عمهم
نوره وهي محزنه:الله يرحمك ياعم والله اني كنت مقصره بحقه

ابتسام:ماوفى بحقه الا عبير
نوره:مسكينه ماراح تتحمل وفاته اعرفها
ابتسام:وش رايك نكلمها علشان نعزيها
نوره :يالله

ابتسام تدق على جوال عبير وجوالها في الصاله الكبير المظلمه فوق الطاوله يرن لكن لامجيب

نوره :ماترد صح
ابتسام: لايكون صار لها شئ
نوره:تنتحر ترا ماصار شئ يهمها في الدنيا واعرفها متهوره
نوره:هي صحيح متاثره بالهنود لكن مستحيل تسويها لانها مؤمنه

ابتسام:بنروح لها
نوره:لا خليها بكره
ابتسام:وين امي

نوره:امي مثل ام عبير مشغوله بدنيتها يامع صديقاتها او جيرانها
ابتسام:مسكينه عبير حنا على الاقل كل وحده تسلي الثانيه لكن هي من يسليها
نوره من غير شعور:وعادل وين راح
ابتسام: وش هالحماس كله له هههه ضحكتيني وانا ماودي اضحك
يدق جوال ابتسام رقم غريب بس ابرد:الووووووو
بنك:السلام عليكم انتي ابتسام عيسى
ابتسام:ايه انا ابتسام انتي مين

بنك:انتي قدمتي على وظيفه وقبلناها لك بعد الواسطه
ابتسام:والله
بنك:مبروك تقدرين تداومين من السبت الجاي
ابتسام:مشكوره مشكوره
ابتسام تقوم ورترقص مثل المجنونه قبلوني قبلوني ههههههههه

نوره بصراخ:وظيفه
ابتسام:بالبنك توظفت

المواضيع المتشابهه لموضوع: رواية الحب بعد فوات الاوان لموضوع: رواية الحب بعد فوات الاوان
الموضوع	كاتب الموضوع	المنتدى	مشاركات	آخر مشاركة
سارع بتقبيل حبيبتك قبل فوات الاوان	ناطق العبيدي	همس المواضيع العامة	4	25 - 4 - 2024 12:13 AM
رواية باع الحب وتركني	سجات التهاويل	همس للقصص وحكايات وروايات	22	8 - 6 - 2018 12:58 PM
فورد فيجو 2016 الجديدة بثلاث فئات بثلاث فئات	همسه الشوق	همس للسيارات والدراجات الناريه	6	10 - 12 - 2015 02:43 PM
متى ستعرف حبيبى كم اهواك بعد رحيلى ام بعد فوات الاوان	جوهرة بغداد	همس عذب الكلام والخواطر المنقوله	12	16 - 1 - 2015 01:05 AM
تحذير عاجل لكل من يملك بريد على الياهو و الهوتميل ادخل بسرعة قبل فوات الاوان	الحب ياسمين	همس البرامج المشروحه هنا	14	20 - 2 - 2014 05:53 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية الحب بعد فوات الاوان

همس للقصص وحكايات وروايات