رواية الحب بعد فوات الاوان

19 - 1 - 2015, 02:39 PM

زينب تتكلم واللقمه بفمها:حلوه وين راحت قاعده تبكي بعد مازعلتها البنت ماتتحمل لاتنسى انها غير عنا
هذي غنيه ماتتحمل الاهانات مو زينا يالفقارئ كل شئ متعودين عليه

فوزيه:حرام عليك من الصبح وبيدها كتب الطبخ قاعده تتعلم علشان ترضيك وماتبيك تاكل الا من يدها والله حرام

عمران قام ماقدر يتحمل(يالله انا وش فيني قاسي معها مع ان مالها ذنب الا اني
دايم اهينها ونقص من كرامتها يالله متى اغير طبعي ذي البنت دوم تدلعني وانا اقسى عليها بجد ولد فقر مو متعود حتى على الدلع)

راح للغرفه كان شكلها يحزن الدموع باينه على خدها وشعرها الطايح على وجهها وباين عليها الحزن(عبير من النوع الي
يبين عليها اذا كانت فرحانه ولا زعلانه وهي نايمه)

غطاها بالبطانيه وغير لبسه ونام

سالم طفشان في السياره انا ورا ماكلم هالمغفله الجديده واقابلها بهالاسبوع الي بجلس فيه

دق جوال زينب برقم غريب

زينب:الوو

سالم:ياهلاااااااا بهالصوت

زينب سااااااااااااكته

سالم:زينب يازوزو

زينب:مين انت

سالم:انا الي كلمتك عنه افنان

زينب بدلع:اها طيب وش تبي

سالم:بس ابي اسولف معك شوي لاني احس اني طفشان وماعندي خوات او اقارب لي اشكي لهم(طبعا هذا عذرالشباب كلهم اذا
بيكلمون وحده يعني لاتصدقونهم يابنات)

زينب تعاطفت معه:ومالك ابو اوأم

سالم:ماعندي احد كلهم ماتوا(طبعا كذب)

زينب:يالله حتى انا ابوي وامي ماتوا تصدق حالتنا متشابهه انا ماعندي اخوان اشكي لهم

سالم يدري ان لها اخو واحد:ماعندك ولا اخ

زينب:الا عندي واحد بس عن عشر عصبي ومتكبر

سالم:طيب انا ماعندي لف ودوران ابي اهديلك هديه مميزه سبيشل للغاليه حبيبتي

زينب:لا شكرا مابي

سالم:عاد انا جهزتها

زينب:اممممممممم خلاص اجل نتقابل عند المدرسه بس ابي تجي الساعه12 ونص الظهر قبل مايجي اخوي

سالم:متى هو يجي

زينب:الساعه وحده

سالم:خلاااااص حياتي اجل نتقابل بكره

زينب:بااااااي

سالم:باي حاف مافيه حبيبي

زينب:لا استحي وصكت الخط على طول

سالم بسيطه بسيطه تصك الخط في وجهي اوريك بس

حسام في السرير الابيض سستر جايه وسستر رايحه وهو في بداية العلاج الي راح يكون طويل ممل

عادل وصل للبيت ويعرف المصايب الجديده من طيحت ابوه وادمان اخوه والاب والام جالسين في الصاله

عادل:السلام

ابوحسام:بدري لو ماجيت احسن ايه صير زي اخوك وفشلنا بعد هذا الناقص

ام حسام:وش ذا الكلام يابو حسام

ابو حسام ماتشوفين الساعه وحده وهو مو بالبيت

عادل:الظاهر اني ماني بنيه لي وقت محدد

ام حسام:اجلس بس وهدو اعصابكم

عادل:اخبار حسام هوبجد بمستشفى الامل

ام حسام:ايه

عادل:طيب يبه انت سامحته

ابوحسام:الي شوهه سمعتي ماراح اسامحه

عبدالله مشتاق لنوره بشكل وكل مره يتذكرها في شكلها الملائكي وتمنى انه يشوفها

19 - 1 - 2015, 02:39 PM

عبدالله مالي الا اكلمها بس اسال عن احوالها وعن تشنجها

نوره وهي تزين شعره يدق جوالها شافت الرقم فرحت وزعلت الى الان مابانت مشاعرها
نوره:الوو

عبدالله:هلا نوره اخبارك

نوره:طيبه انت شلونك

عبدالله:الحمدلله بخير

نوره:اخبار امك

عبدالله:كل مره يزيد الامر سوء

نوره:انت تحب امك

عبدالله تفاجئ من سوالها الي له الف معنى ومعنى:اكيد احبها مو امي

نوره تفشلت:لا قصدي هي كانت تهتم فيك

عبدالله:ايو والله امي ماتخليني ابد الحالي الله يشفيها بس والله البيت مايسوى شئ بدونها

نوره:دبرت قيمة العلاج

عبدالله:للاسف لا بس يا الى الان ماعرف وش اسمك اقدر اعرف مين انتي

نوره:لا

عبدالله:تراها هينه اخذ عبدالرحمن واساله من باب الصداقه

نوره:انا نوره

عبدالله:عاشت الاسامي

نوره:طيب ليش داق على باخر الليالي

عبدالله:لاني لاني لاني ابسال عنك بعد ماتشنجتي ذاك اليوم

نوره:المهم بكره ابيك تجي بنفس طريقة جيتك الماضيه

عبدالله:ليش؟؟

نوره:تعال وبس بنفس الوقت وبنفس الطريقه وابيك تكون حذر وخل جوالك معك

عبدالله:خلاص

نوره:باااااي

عبدالله:باااااااي

20 - 1 - 2015, 07:47 AM

الجزء الرابع
عبدالله غريبه نوره وش تبي فيني لالالالا مو معقول كيف وشلون اووووف وش تبي يمكن عندها مشكله او يمكن تبي تنحاش
من البيت يمكن خلوني انام مو ينفجر راسي من التفكير

صاح الديك واعلن الفجر اذانه لكن فيه وحده اول مره تقوم في هالوقت لا هي من الاصل مانامت قاعده تفكر في سالم
زينب مو مصدقه ان فيه احد يهتم فيها ولبست المريول وهي في قمة السعاده وجعدت شعرها وانواع العطورات حطتها
وراحت تسوي الفطور

وفيه وحده ثانيه جالسه على الكرسي الخشبي برا البيت ومتسنده على يديها الي مو مغطيها شئ ولا شعرها الي يتطاير من
الهواء
ذي عبير طبعا مو لازم تلبس العباه لان مافيه احد بذي القريه موجود ولانها مهجوره

جلست من صلاة الفجر الى الساعه 6 صباحا وهي تفكر(يالله لو عمي موجود كان اروح له اليوم والله مشتاقه لك ياعمي)

عمران رايح بيحمي السياره وشاف عبير عبير الي كل يوم تزيد حلا وجمال بعيون الكل وبذات عمران
عمران تذكر انه زعلها امس وجاء من وراها ونفخ على اذنها

عبيرتناظر بنظرات بريئه:بسم الله بصراحه خوفتني

عمران:صباح الخير ياحلى عبير

عبير بابتسامه:صباح النور

عمران:مين تفكرين فيه على هالصبح

عبير تتنهد:اخخخخ افكر بعمي اتمنى اني اروح له مشتاقه له

عمران بتعجب:اي عم!!!ومستعد اوديك له

عبير:عمي ابراهيم تكفى ودني له

عمران انهبل:انشالله بعد عمر طويل انا توقعت احد قريب من هنا مناك

عبير:انا طفشانه ابي اروح اليوم ابي اطلع خذني لاي مكان احس بخنقه

عمران:للاسف اليوم عندي بيع في الصبح والعصر والمساء

عبير:بيع انت بياع

عمران تفشل:ماعليش غلط كلامي امسحيها بوجهي

عبير:بجد وش تشتغل انا عمري ماسالتك لاني ماهتم بذي الاشياء

عمران:اخاف اذا قلت لك تطلبين الطلاق

عبير:ههههههههههه اخاف تكون سفاح

عمران:ياليتني سفاح ولا بياع في بقاله

عبير متفاجئه:انت بياع في بقاله

عمران:ايه

عبير حست ان كلمتها حطمته:واحلى بياع بعد

عمران:مو زعلانه

عبير:وليه ازعل شغله شريفه

عمران:يووووووووووه نسيت احمي السياره ابحميها واجي على بال ماتطلع ذي العله

شغلها وبسررعه جاء لعبير وطلعت اخته

عمران:اووف منها اول مره تطلع بدري غثيثه ذي الاخت

زينب وهي بعيده وصوتها عالي:انا خلصت يالله

عمران بعيد وصوت عااالي:اركبي السياره

عمران:اقولك عبور انتي مو زعلانه عقب امس

عبير:لا مو وزعلانه وانا من النوع الي ازعل بسرعه وانسى بسررعه

عمران:اموووووت فيك ياحياتي

ويقطع هالجو الرومانسي الصوت المزعج زينب:عمران وينك ماحلة لك الجلسه الا اليوم طول عمرها في البيت ومو معطيها وجه

عمران:ولا كلمه وعناد فيك اليوم مافيه روحه للمدرسه يالله انزلي وانقلعي

زينب جنت وركضت له وبترجي:الا اليوم ماقدر غيبني شهر ولا اليوم تكفى الله يخليك

ع�

20 - 1 - 2015, 07:48 AM

زينب جنت وركضت له وبترجي:الا اليوم ماقدر غيبني شهر ولا اليوم تكفى الله يخليك

عمران:وليه وش معنى اليوم

زينب ارتبكت:عندي اختبار وعايدته علشاني تكفى ودني والله يفصلوني لو اغيب

عمران:انا قلت لا يعني لأ

عبير:طيب علشاني ودها خلها تروح والله مايصير يضيع كل جهدها علشان عنادتك

عمران بهدؤ وبنظرات بريئه:انا عنيد

عبيربحركات سلطه:ايه عنيد بس بتوديها اليوم يالله عاد ودها وبلا دلع رجال

عمران:حاضر ياميرتي

زينب تناظر وهي مقهوره كيف يفرق بين اخته ووحده غريبه

عبير تضحك وهي مستانسه

الكل طلع من البيت في بيت عيسى مابقى الا نوره وهي لابسه عباتها ومتغطيه وهي واقفه عند الدرج(سلم البيت)
تنتظر قدومه بفارق الصبر
نزل واحد بخطوات متثاقله رفع راسه وشاف ورجع شافته نوره

نوره:عبدالله انزل مافيه احد بالبيت الا انا(شوفوا الجرائه والثقه الي انزرعت بكثير من البنات)

عبدالله:نوره

نوره:ايه تعال انا ماناديتك الا لاني واثقه فيك

عبدالله ومنزل راسه:اخبارك نوره ومشكوره على الثقه

نوره:الحمدلله اخبار امك الا ماقلت لي هي باي مستشفى

عبدالله:في الشميسي

نوره:اتمنى انك تقبل مني هالهديه البسيطه

عبدالله رفع راسه:وش هديته

نوره:خذ

عبدالله:فتح الظرف لقى فيه مية الف ريال لا ماقدر اخذه مستحيل

نوره:والله ان تاخذه واعتبرها لانك انقذتني من باب الامتنان او لانك جارنا المهم خذه

عبدالله مستحي:شكرا نوره بس عندي سؤال

نوره:وشو؟؟

عبدالله:انتي مخطوبه

نوره:لا ليش

عبدالله:متى اكلم اهلك

نوره:مستحيل يوافقون

عبدالله:وانتي

نوره بارتباك:مادري

عبدالله:تراي ابكلمهم واقنعهم بعد مع السلامه

نوره:واتمنى ان هذي اخر مره تجي من فوق

عبدالله بابتسامه:انشالله يااااارب

زينب طلعت مع افنان
زينب:وينه

افنان:شوفيه ذاك هو الي سيارته سوداء وكشخه

زينب:والله بجد يجنن وسيارته خياليه اخ بس كذا الناس مو الهايلوكس حقتنا

افنان:روحي بس قبل مايجي اخوك

زينب راحت وصلت عنده

سالم:ياهلا وغلا بزينب حياتي

زينب مبسووووووطه :اهلين ياسالم

سالم:ياحلو اسمي من فمك
خوذي ذي الهديه الي ابيها تذكرك فيني مدى الحياة

زينب:من غير هدايا انا راح اتذكرك وهي تاخذ الهديه
وفجائه احد يمسك بعباتها وحده لابسه قفازات وعباة وتفكها زينب بقوه وتمشي بسرعه وتحاول المشرفه تمسكها وتطيحها زينب
وتشوف سيارة اخوها وتركبها بسررعه وسالم ينحاش هذي المشرفه كتبت رقم السياره علشان تعرف مين ذي البنت

مر اسبوعين وعمران في حالة مد وجزر مع عبير عبير تعودت على هالحاله وتحسنت حالت حسام
وام عبدالله سوو لها عمليه ونجحت وزادت مكالمات نوره وعبدالله وتحولت فوضولية نوره الى اعجاب ثم حب

20 - 1 - 2015, 07:49 AM

الجزء الخامس عشر
المشرفه للمديره

المشرفه:والله ماخلي هالبنت اني لاراقابها في الصباح إلى تنزل واشوف مين هي وبعدين ادق على اهلها يربونها

المديره:هي الي كلمتيني عنها قبل اسبوعين
المشرفه:ايه بجد بنات مايستحون على وجيههم

المديره:الله يهديها بس

المشرفه:تصدقين طيحتني على الارض قدام الله وخلقه
المديره:ههههههههههههههههه وهذا الي حارك

المشرفه:وانتي عاجبك الوضع تضحكين
حسام للدكتور

حسام:إلى متى يادكتور وانا في هالمستشفى متى اطلع

الدكتور:كلها كم اسبوع وانشالله تطلع
حسام:والله مليت مافيه احد يزورني الا امي وتجي نص ساعه وتروح

الدكتور:واخوك

حسام:اخوي مره جاني وبعدها ماشفته

الدكتور:هونها وتهون
نوره وعبدالله اتفقوا على الزواج وعبدالله قال لامه بتفصيل عن علاقة بنوره واخذوا موعد علشان يروحون لهم

عبدالله:يالله يمه بسرعه

ام عبدالله:شو باك مستعجل روق يإمي شوييه
عبدالله:اووووووف يمه تتوقعين يوافقون لي

ام عبدالله:وانتا شو ناقصك

عبدالله:بس ذولي يمه اغنياء يناظرون الناس تحت
ام عبدالله:خليها على الله وانشالله بيهونها ربك

عبدالله يتنهد:يـــــارب
ابو رامي:غريبه وش يبون فينا ذولي

ام رامي:والله مادري
رامي:يبه يمكن يبون يخطبون ابتسام

نوره تسمع وهي سااااااااكته

ابو رامي:لايخسون والله مانعطيهم بنتنا لو يموتون
ام رامي:هد اعصابك ترا ماصار شئ

انقهرت نوره وطلعت فوق
عبير كلمت ابوها علشان يوظف عمران في شركته بالقصيم وابو حسام وافق بعد اقناع
عمران جاء علشان يبي ينام ويقوم ويروح يبيع في المساء

عمران:وش فيك كذا تناظرين لي

عبير:انا عازمتك اليوم للعشاء ابي سهره لي انا وياك من يوم ماتزوجنا ماجلسنا سوا الحالنا
عمران :خلاص انشالله اجي الساعه عشر ويصير خير
عبير طلعت وسكرت الباب بهدؤ وهي مستانسه تبي تفرحه بالمفاجئه لان ابو عبير عطاه وظيفه حلوه وراتب زين
طبعا علشان بنته مو علشان عمران
زينب وهي في الغرفه الحالها تدق على سالم

زينب:الوووووووو

سالم وهو بجنب اصدقائه ويحط سبيكر وهو يستعرض(كانه مخترع له شئ)ياهلااااااااااا بهالصوت

زينب:اخبارك سلومي

سالم بابتسامة نصر وفوز:الحمدلله يازوزو انتي وينك بجد اشتقت لك

زينب:وانا اكثر

سالم:انتي شفتيني بس انا ماشفتك لازم اشوفك
زينب:ماقدر اخوي يجي بدري والله مايخليني
سالم:طيب انا عندي فكره اشوفك من غير ماقابلك

زينب باهتمام:كيف

سالم:ارسلي لي صورتك بالوسائط
زينب:لاماقدر اخاف تنتشر واذا شافها اخوي والله ان يذبحني
سالم بحزن:ليش وانتي ماعندك ثقه فيني
زينب:الا عندي بس اخاف احد ياخذ جوالك ويشوفها
سالم:وعد اني اللحين اشوفها وامسحها على طول

زينب:بس

سالم:لابس ولاشئ خلاص لاترسلينها اصلا انا البنت الي ماتثق فيني مو محتاج صوره�

20 - 1 - 2015, 07:49 AM

سالم:لابس ولاشئ خلاص لاترسلينها اصلا انا البنت الي ماتثق فيني مو محتاج صورها

زينب:وش فيك زعلت خلاص اللحين ارسلها
سالم وهو مبتسم:زين وثقتي فيني كذا البنات ولا بلاش
واصدقائه يسمعون ويضحكون حتى رامي معهم اعدوه عيال اللذين
زينب صورت وهي حاطه ميك اب ومستشوره شعرها طلع شكلها حلو وارسلت الصوره
سالم:شوفو ماقلت لكم بترسلها هههههههههههههه كل واحد يفتح البلوتوث بسرررررعه هههههههههههههه

والكل يضحك وهو فرحان مايدرون(ان يوم ليك ويوم عليك مش كل يوم معاك)
زاد البرد وعمران يرتجف من البرد
رجع للبيت وراح للغرفته بيغير ملابسه وهو ناسي الموعد بس جاء عشر ونص كانت الغرفه شموع ولابسه عبير
اللبس الي عادل جابه لها لونه اسود مرصع بالكريستال والطقم الجذاب وصارت ملكة جماااااااااال لا وتغطي عليهم
والغرفه دافئه لانها مشغله المدفئه والعطورات التي
لاتقاوم مون فلور بجد رووووووووووعه والطاوله الي متنوعه من جميع الاكلات الي من يد عبير
وبصراااااااحه المنظر ينسي الواحد تعبه

عبير:الناس اذا دخلوا يقولون السلام
عمران:مبتسم السلام ياحلى زوجه في الدنيا
عبير:انا جاي على بالي ارقص انا وياك اليوم
عمران:كيف؟

عبير:الرقصه الرومانسيه وشغلة الاستيريو
عمران:لا طفيه حلوه انتي متكشخه وانا حالتي حاله خليني على الاقل اللبس لبس حلو
عبير:انت بنظري احلى الناس واحلى من ليوناردو دي كابرويو بعد
عمران:اصلا هو يتمنى يصير مثلي
عبير:ههههههههههه احلى ياواثق
وهم قربوا يخلصون من العشاءعبير:تدري اني زعلانه عليك

عمران:ليه

عبير:تاخرت نص ساعه انت قايل تجي الساعه عشر وجيت عشر ونص
عمران:وانتي ماقصرتي كل دقيقه تدقين على
عبير:وش اسوي لان عندي لك مفاجئه تنسيك وش اسمك
عمران:قوليها بسرعه تراي من زمان مافرحت

عبير:طيب بكم

عمران:بريالين

عبير:للدرجه رخيصه مفاجئتي

عمران:الي تبين بس وشي

عبير:كلمت ابوي عنك

عمران:عن وشو؟؟

عبير:ابوي وظفك وظيفه راقيه براتب عالي

عمران عصب وبصوت عالي خربت اجواء الرومانسيه كلها:ومين قالك اني ابي اتوظف عند ابوك

عبير بصوت هادئ وهي خايفه:توقعت انك بتفرح
عمران:افرح على خيبتك قاعده تطلبين من ابوك كاني مقصر في حقك ولا ماعندنا للقمه ناكلها

عبير:بس انت بتتوظف مو تطر من احد
عمران:اسمعي انت ماتتصرفين باي شئ الا بشوري زين
عبير باستفزاز:حلوه بشورك ليش انا مالي راي ماتصرف الاباذنك انا بشر مو حيوان زي مانت تعاملني
عمران ضربها كف وطاحت على الارض من قوه :ايه حيوانه يالحيوانه
عبيرراحت للدورة المياه لانها ماتبي تبين لاحد حتى لو خواته قساوته لانها تبيه دايم كبير في عيون الكل
وهي تبكي بقوه وفكرت انا وش غلطت فيه يارب وش ذنبي وش سويت له كل ماتوقع انه بيفرح مني يزعل زياده هو ليه
متقلب مزا

20 - 1 - 2015, 07:50 AM

متقلب مزاجه ايه يمكن لانه تعبان جاي من شغله ورايح يودي اخته للمدرسه ويرجعها بجد تعب حرام(حتى وهي بهالحاله
تدور له عذر مقنع) خلوني اروح له واخليه يكمل اكله واحاول فيه الى يرضى
عمران بعد تندم على ضربته لها لانه مو متعود يضرب احد رغم عصبيته وتقلب مزاجه(هي وش سوت لي حتى اضربها
كل ذنبها انها علشان تبي تساعدني مفروض ارفض بهدؤ مو بعصبيه بس كيف اراضيها)
عبير تجي بعد ماغسلت وجهها والمكياج الي فيه وراحت له بابتسامه ساحره وعمران مستلقي على سريره
عبير:تبي تنام

عمران بهدؤ:ايه

عبير:بس ماكملت اكلك
عمران وهو مايقدر يتاسف لانه مو متعود كبريائه الزايد:شبعت

عبير:بس حرام ماكلت شئ

عمران:شبعت

عبير:طيب انا اسفه مو قصدي اني ازعلك

عمران سااااااااكت

عبير:انا لي معك تقريبا ثلاث اشهر وإلى الان مافهمتك كل ماحاول اقربلك تبعد عني(الكلمه ذي ماذكرتكم بشئ؟؟حلم عبير)
عمران:بس انتي غلطتي

20 - 1 - 2015, 07:51 AM

عبير:قلي بوشو غلطت؟؟؟ بس ابي نتفاهم لو مره بهدؤ
عمران:انك طريتي من ابوك وظيفه

عبير:كيف اطر(يعني اتشحت) ابوي يوظف عالم ولا يوظف زوج بنته عادي انا ماشفت شئ غلط انت راح تتوظف
وتاخذ مقابلها اتعابك وراتبك وبعدين مقر وظيفة ابوي في الرياض وانت بتشتغل هنا بعيد عن اهلي

عمران:وحسام
عبير:الله يشفيه إلى الان بمستشفى الامل

عمران بقلبه احسن انشالله مايطلع:بس اذا طلع وش اسوي

عبير:مستحيل يتوظف هنا انت بتكون مستقل بدال وظيفتك بالبقاله تعب وارهاق وصباح ومساء
رح في الشركه الى ابوي مخصص لك وظيفه راقيه تليق فيك

عمران كانه اقتنع:اشوف

عبير:لاتفكر انت رح بكره وشف الوظيفه واذا ناسبتك خلاص واذا ماناسبت كيفها

عمران سرحان يفكر
نوره زعلانه على ابوها وامها لانهم رفضوه واهانوه

ابو رامي:مابقى الا واحد مانعرف ابوه مين ياخذ بنتي

ام رامي:ايو والله هذا الناقص

نوره انفجرت من تعليقات اهلها:بس يبه انت ماشاورتني

ابو رامي وقف من الفجئه:وانتي وش رايك

نوره:انا موافقه لاني انا الي بعيش معه مو انتوا

ابو رامي يمسك اعصابه لان بنته مو ناقصه ولها معامله خاصه عقب انهيارها

ابو رامي:بس كيف انتي تعرفينه

نوره:يبه تكفى وافق انا ابيه

رامي:صحيح قليلة ادب يقلدها انا ابيه

ام رامي:بس ذولي فقراء والله مايجيبون قيمة فستان لك

نوره بدموع وتوسل:الله يخليكم انا مابي الا هو

رامي:بس عادل يبيك هو قال لي

نوره:بس انا مابي الا عبدالله (وتطلع فوق بسرعه وهي تبكي)

ابتسام تناظر وهي متفاجئه وش الي يربط نوره في عبدالله وبذات انها تمت تناظر له ذاك اليوم وهي رايحه للملاهي

ام عبدالله:شفت كيف هزئونا

عبدالله:امسحيها بوجهي يمه خلاص هذي اخر اهانه لك
ام عبدالله:بس باين البنت طيبه وحبوبه وقمر

عبدالله:هذا الي جنني
نوره تروح للسريرها وتبكي تدق على جواله

نوره:الووووو

عبدالله:لاتبكين نوره

نوره:اسفه على الاهانات الي صارت علشاني

عبدالله:شوفي ماراح اخذ الا انتي لو اسوي زي الهنود واخطفك
في الدور السفلي ابتسام ورامي جالسين لحالهم
رامي:ابتسام اقولك

ابتسام وهي سرحانه في نوره:قل

رامي:شفتي البنت الي كلمتيني عنها

ابتسام فرحت:بدريه

رامي:خلاص اخطبيها قولي لاهلي واتفقي معهم

ابتسام طارت فرح وسلمت على اخوها وقالت لاهلها

عمران اخذ زينب وراحوا للمدرسه الاداريه كانت واقفه كالعاده بس هالمره جت بدري
ترقبت البنت إلى دخلت ومسكتها وعرفت رقم جوال اخوها

20 - 1 - 2015, 07:52 AM

الجزء السادس عشر
عمران تقدم للوظيفه واستقبلوه احلى استقبال ووظفوه وظيفه راقيه ومميزه ولا كان يحلم فيها وعطوه راتب مقدم
وفرحة عمران كانت كبيره في هالشغله والكل عرف انه متزوج بنت صاحب الشركه وزادوا احترام وخوف منه

المدير :طال عمرك انت تختار الي تبي ولاتفكر باي شئ واي حاجه محتاجها بس عطني الوو

عمران استغرب من المدير المرتبك قدامه:لا شكرا بس متى يبدا شغلي

المدير:طال عمرك تقدر من اللحين(طال عمرك كنايه عن عظمه الي قدامه)

عمران راح واستلم شغلته والشغل مريح وراتبه عالي

نوره جالسه في الغرفه ومضربه عن الاكل والشرب علشان يوافقون اهلها انهم يزوجونها عبدالله

العايله جالسين على الغداء
ابو رامي:الى متى عنادة نوره
ام رامي:لازم نداريها مانوقف في وجهها علشان ماترجع لها الصدمه مره ثانيه

رامي:يعني نوافق لها؟؟

ام رامي:وليه لا شوفو عبير تزوجت واحد افقر من هذا ذاك بيته معزول عن العالم وبعدين لاتنسون ان هذا ابوه صاحب اكبر
المؤسسات في الرياض

رامي اول ماسمع طاري عبير وقفت اللقمه بفمه:عطيني مويا يابتسام

ابتسام لاحظت اخوها:طيب خذ

ابو رامي:والله لو على جنازتي ماتتزوجه

صراااااااااااااااااااااااااااااااااااخ من فوق راسي اخخخخ ياراسي اخ رااااااااااسي ابوووووووووووووت

الاهل كلهم قاموا وعلى طول راحو لفوق شافوا نوره تصارخ وتجلس وتقوم وهي منهاره وشكله مرررررررررعب

ابتسام:كذا صار لها بالملاهي

ابو رامي يهديها :وش فيك وش صارلك

نوره كل ما يزيد صراخها باعلى صوت ويزيد مسكها لراسها وتجر شعرها من الالام

راحوا للمستشفى وبعد انتظار ساعتين والاهل قلقين عليها

الدكتور:من متى عندها الانهيار

ابو رامي:من سنتين ونص او ثلاث

الدكتور:ودايم ينعاد عليها هذا الانهيار

ابو رامي:مادري هاه يام رامي دايم يجيها

ام رامي:والله اني حتى انا مادري

الدكتور يناظر بتعجب وكانه مو مصدق الي يشوفه وتقطع حبل افكاره الصوت المرتبك الناعم الخائف ايه دايم يجيها الانهيار

الدكتور:مو معقول ابوها وامها وماتدرون شئ مؤسف بحق وحقيقه من عذر البنت وهي يصيبها الانهيارات المتعدده الي تحولت
إلى صداع الشقيقه والان تدرون وش فيها للاسف سكت الدكتور ويهز راسه بالاسف

ابو رامي:وش فيها قل

ام رامي:بسررررعه وش فيها

ابتسام ماقدرت اعضامها تشيلها وجلست لانها حاسه ان اختها فيها شئ وهي خاااااااايفه

الدكتور:فقدان بالذاكره

رامي:وشو

الدكتور:فـقــدان بالذاكره

الكل ماتحمل المصيبه واكثر وحده هي ابتسام

ابتسام لاااااااا كيف يصير لها هالمرض لااااااااااااااااا

20 - 1 - 2015, 07:52 AM

عرفت المشرفه رقم عمران

المشرفه:الوووو

عمران:اهلين مين؟؟

المشرفه:السلام عليكم

عمران:وعليكم السلام

المشرفه:معاك مشرفه الثانويه الي تدرس فيها اختك زينب

عمران بخوف:ايه وش فيه

المشرفه:للاسف اقولك ان اختك في يوم الاحد وبتاريخ----

عمران:بسرعه خلصيني وش فيه

المشرفه:اختك تكلم رجال وهي طالعه من المدرسه واخذت هديه منه وسمعتها تتكلم معه وهو يتغزل فيها

عمران وعنده مسؤلين كبار وناسي عمره:انتي كذااااابه

المشرفه:اذا مو مصدق كيفك اللهم اني بلغت اللهم فأشهد مع السلامه

عمران انجن ثارت ثائرته وهو في مكانه لكنه عرف يسيطر على روحه وهو يشوف المسؤلين

رامي:يااااااارب وش هالمصايب الي تتحاذف على وحده ورا الثانيه بالبدايه زواج الي اموت فيها ومرض اختي لا مستحيل

وابتسام حالها اردى من حال اخوها يارب انت اخذت تؤامي لاتاخذ اختي يارب ورجع لها ذاكرتها ياااااارب

عمران راح للمدرسه من الساعه11 ونص قبل الخروج بساعه ومنجن مو معقول كيف تعرفت عليهم عن طريق صديقاتها
يمكن بس كيف تتواصل معهم عن طريق الجوال الله ياخذك ياعبير انتي وهديتك الي بليتينا فيها

حان الخروج طلعوا الطالبات الساعه 12 ونص وهو يحسب انهم يطلعون الساعه وحده على كلام زينب طلعت وهذا اثبت صحة
كلام المشرفه زينب على طول طلعت لان صديقاتها غايبات وهي طفشانه لانه ماكلمها من 3 ايام الي هو سالم

شافت سيارة اخوها فرحت

زينب:السلااااااااااااااام بجد مشكور انك جيت بدري

عمران ساااااااااكت الى وصل للبيت

نزلت زينب وراحت للغرفتها بعد ماشافت اخوها متقلب المزاج محمر وجهه من العصبيه
وراح وراها عمران للغرفتها

المواضيع المتشابهه لموضوع: رواية الحب بعد فوات الاوان لموضوع: رواية الحب بعد فوات الاوان
الموضوع	كاتب الموضوع	المنتدى	مشاركات	آخر مشاركة
سارع بتقبيل حبيبتك قبل فوات الاوان	ناطق العبيدي	همس المواضيع العامة	4	25 - 4 - 2024 12:13 AM
رواية باع الحب وتركني	سجات التهاويل	همس للقصص وحكايات وروايات	22	8 - 6 - 2018 12:58 PM
فورد فيجو 2016 الجديدة بثلاث فئات بثلاث فئات	همسه الشوق	همس للسيارات والدراجات الناريه	6	10 - 12 - 2015 02:43 PM
متى ستعرف حبيبى كم اهواك بعد رحيلى ام بعد فوات الاوان	جوهرة بغداد	همس عذب الكلام والخواطر المنقوله	12	16 - 1 - 2015 01:05 AM
تحذير عاجل لكل من يملك بريد على الياهو و الهوتميل ادخل بسرعة قبل فوات الاوان	الحب ياسمين	همس البرامج المشروحه هنا	14	20 - 2 - 2014 05:53 PM

الذين يشاهدون محتوى الموضوع الآن : 4 ( الأعضاء 0 والزوار 4)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية الحب بعد فوات الاوان

همس للقصص وحكايات وروايات