تريّث ياصدى صوتي و خف نبـــرة الأحـــزان
تعلّم من نزيف الجرح كيف اصبر على همـــي
أنـــادي و السمـــا غيمة تثـــور بداخلي بركان
ودفتر من قصيد الأمس على جال البحر مرمي
سكنتك بيت يا كبره و شكلّت بسمـــاك ألـــوان
شربتك كـــاس بيديني و أثاري الكاس منسمي
تكفى جامل الدمعه !!! ترا مهما أكون أنسان
مشاعر قلب تحكيني وأزود حبـــــرها دمـــــي
كرهت البيت بغيابك ! كرهت الباب و الجدران
ليامن شفت لك صورة تنسيني حنــــان أمـــــي
أبرحل وأترك الماضي وأجـــدد حاضر العنوان
ابجمع من شتاتي قلب واسافر فـــي بحر غمي
تصور لو نساني الكون وصرت بعالم الحرمان
أناديلك .. و اصوّت لك ... ولاحتى تلدْ يمـــــي
أمانه لو جعلتني مسافـــــر في سمـــا النسيان
أمانه جاوب صـــــوتي لجل مايحترق دمـــــي
ابي لو ساعة من وقتك .أنا ماقلت أبيك ازمان
أبيك العاشـــــق المغـــــرم على قلبي ومهتمي
أبيك تعيشني قصة ! بطل خاين و أنا الخـوان
أبي كـــــل البشر تحكي وتسابق على ذمـــــي
على هونك ظلام الليل! أشوف الليل ماقد حان
عــــــلامك تلوي ذراعي !! تبعثر فيني وتلمي
حرام تشوف دمعــاتي وتنسى أني بقايا أنسان
أحاول اجمع شتاتي وعجـــــزت اليوم في لمي
حبيبي لو تبيني ابعـــــد واعانق دفــتر الكتمان
تعال احضر عـــــزا قلبي مادام الشوف منعمي
تصور مابقا فينـــــي سوى باقي رمد بركان
ودفتر من قصيد الأمس على جال البحر مرمي
عضويتي
تكفى امل الدمعه 
العرض العادي
