اتمنى يعجبكم اختياري :5_1_123v:
قالت تعال .. وقلت انا .. قالت اجل .. اخلص تعال
قلت الغريب انه انا من بد كل الحاضرين
قالت اقول اسكت وظنك لايجاريه الهبال
ماني على خبرك ولاني بالهوى صيد ٍ سمين
جيتك ابي من حضرتك ذيك الإجابة للسؤال
اللي ذبحني في غيابه بالليالي والسنين
قلت اسألي وان كان لي في موطن الدبرة مجال
ياتيك ردي بالغلا من قبل منتي تسألين
قالت أحبه والمحبة مابقى فيها خصال
تضمن حلاة الود مابين الغلا والعاشقين
أخاف لا من قلت له يبعد عن دروب الوصال
أخاف يتغلى علي ان قلت له شخصك ثمين
أو يطلب اللي بالهوى ماهو من اطباع الرجال
وأعيش معه العمر كله من ونين ٍ لا ونين
قلت المحال انه يجافي كنز من حسن ودلال
هذي الأنوثة الطاغية وإلا فلا .. لا تزعلين
قالت اجل اخلص تعال لدنيتي يابن الحلال
وحط في راسك أبيك لخافقي دنيا ودين
قلت ابشري باللي يجيك بذمته فعل وخيال
أقسم بربي انتي اللي منتظر دنياك حين
قالت أحبك .. قلت أنا .. قالت اجل .. قلت احتمال
بس الأكيد انك سكنتي بين قلب وبين عين
الموضوع الأصلي :
قصيدة الانوثة الطاغية || الكاتب :
مغروره يحق لي || المصدر :
شبكة همس الشوق
عضويتي
]
قصيدة الانوثة الطاغية 
العرض العادي
