كلمات انشودة مغفرة وذنوب

#1 30 - 5 - 2015, 10:17 PM

مغفره وذنوب , والساعه بلا تُوبَـه تدور
السنه صَارتْ سَريعه حِيلْ , وأحْسِبْهَا شهر

عِذتْ أنا مِنْ شَرْ خَناسٍ يوسْوسْ بالصدور
وما بكيت إلا لوجــه اللــه في ليلة قدر

تِختصر مَعنى حياتِكْ كيف تبني لِكْ قصور ! أحْتِــــرم رايك ..
وهذي تُعتبَــر
..... ( وجهَــة نظر ) !

زين طيِّب .. دام تِدري إنَّ لِكْ رَبٌ غفور
ليه ما صَلِّيتْ لَاجله وما رفعت إيدك شكر!؟

حَدِّث العاقِلْ بمَا يُعقَل..وفي قلبٍ جَسُور
وإنْ خطيت بحق غيرك روح قدِّم له عذر

رافِقْ الشخص المِثالي اللَّي لو تخطي / يثور
وإن سِمَعت إسْمَعْ مِنْ اللِّي تِلقى في صَمته " دُرر "

وقبل تِسأل عَنْ حياتي وكِيف وجهي شَع نور
خلْ كلامي لِكْ وصيَّه وخلْ بعد عِندكْ خبر

ما نالْ في الدنيا أحَدْ يا سَائلي غير (الصبور)
والدليل إنِّي صِبرتْ .. وكانت أيامــي تمر

لا تقول: الحَلْ إنِّكْ تِلقَى لِكْ,عاشِقْ غَيور
إنْ حَبِّتِكْ عِينه ترى ..
ما حَبِّتِكْ
........ عِين الدهر !!

مِثلِكْ أوَّلْ كان حَالي وضِيقتي ونفس الشعور
كِنت أقول : اشمعنى قلبي في مشاريعَه خسر

ما دريت إنَّ الغِيابْ أحيَان أفضَلْ .. مِنْ حضور
لِين شِفت " الشمس " تشرق بعد ما يغيب ( القمر )

وما دريت إنَّ التواضُع كنز / ومَكرُوه الغرور
لِين شِفت إنَّ الغِنى .. في الآخِرَه مِثل الفقر !!

كِنتْ غـافِلْ في حياتي وكِنتْ أجْهَلْهَا الأمور
لِينْ ربِّي له هدَاني .. وصِرتْ أدَوِّر لِي أجر

لا تقول: أعيش يُومي دامي في عمر الزهور
ماانت ضامِنْ عُمركْ الباقي .. وقَطَّافْ الزهَر

قبل لا تبدي الخطِيئه وتبْنِي لِذنوبك جسور
خافْ مِنْ ربِّكْ وفكِّـر في وعَد يُوم الحشر

مَهْمَا كِنت إنسَان " راقي " وتعشِق أنواع البخور
التراب اللَّي يضمك بعد مُوتك
........ والقبر !!

ياما قالوا الناس : خايف
وقلت : ما فيني قصور

بَسْ شِفتْ إنَّ الشَّجَاعَه مَعنى ثاني للخطر

إيهـ خافْ وكُونْ سَالِم دام هالدنيا بحور !
والبحر مَهْمَا وفالِكْ طبعَـه ( غدار ) البحر

وللشجر إن شفت هامه هذا مِنْ طيب الجذور
يعني أعمالك جذورك هذي هـي بالمختصر

القضيه: ما هِـي شخصٍ خالِفَـه شِرطي المرور
البشر في الدنيا هذي . . . صَار , ياكِلْهَا بشر !
مما راق راق لي

الموضوع الأصلي : كلمات انشودة مغفرة وذنوب || الكاتب : سجات التهاويل || المصدر : شبكة همس الشوق

31 - 5 - 2015, 05:06 PM

الله لا حرمك اجر مجهودك
الااكثر من رائع
جزاك الله خير وجعله في ميزان حسناتك
احترامي و تقديري

5 - 11 - 2015, 12:36 AM

الله يعطيك الف عافيه
بإنتظار جديدك بكل شوق
ودي وعبق الورد

17 - 9 - 2016, 08:48 AM

دائمآ صعود للقمه
مودتى

المواضيع المتشابهه لموضوع: كلمات انشودة مغفرة وذنوب لموضوع: كلمات انشودة مغفرة وذنوب
الموضوع	كاتب الموضوع	المنتدى	مشاركات	آخر مشاركة
كلمات انشودة كفى يا نفس ما كان	» حُروفَ خَرسَاءَ	همس الصوتيات و المرئيات الإسلامية	5	25 - 3 - 2019 12:58 AM
مغفرة وذنوب عمر العمير	سجات التهاويل	همس الصوتيات و المرئيات الإسلامية	8	11 - 6 - 2015 08:00 AM
كلمات انشودة اذا ما قال لى ربي	انيقه	همس الصوتيات و المرئيات الإسلامية	7	20 - 10 - 2014 11:14 AM
كلمات انشودة دنياك	سجات التهاويل	همس الصوتيات و المرئيات الإسلامية	5	8 - 10 - 2014 07:28 PM
كلمات انشودة طول غيابك	سجات التهاويل	همس الصوتيات و المرئيات الإسلامية	5	8 - 10 - 2014 06:18 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

التسجيل مجاني
سجلاتنا تفيد بأنك غير مسجّل ,, يرجى التسجيل اسم العضو كلمة السر تأكيد كلمة السر البريد الإلكتروني تأكيد البريد الإلكتروني تاريخ الميلاد: هل انت موافق على قوانين المنتدى؟