يابري حالي من عنا الشوق برياه
ويا طي عمري كل ماشفت بيته
وياعزتيلي لا بغيتـــه ولا القـــــاه
ويا عل كبدي لا ذكــــــرت وطريتــه
ظروف تجبرني ولا اكــــون ويـــاه
أأأأســاير الدنيــا لـــعـــل وياليتـــــــــــــه
ما كني الا اللي رجا شي ما جاه
والا مبشر في عــــزآ من رجيتـــــه
لا ضاق صدري اقصد الرجم وارقــاه
واناطح الغربي ليامـــن رقيتـــه
ابيــــــه يجلي هـــــم صــــدرً تمثناه
والا يخفف بالهـــــوى ما عنيتــــه
هذآك حالي من بعد يوم فرقــــــاه
حالي تردى ليتني ما هويتــــــه
ممسي وطيف داخل القلب ممســـــــاه
واصبحت ادور لــــه معي ما لقيتـــــه
اثــــره ســرآ وانا اعـــرف ويش ســـــرآه
يحسبني اني في بعادي نسيته
نذرً علي لو طــــول الوقت منســـاه
لو طال مــــدت غيبتي ما جفيتــــــه
والله يصبّر من زمانـــــه تحـــــداه
ويــرد لـــــه غاليــــــه ويزور بيتـــــه
سوره ضلوع الصدر والقلــــب مبنــــاه
حوشه وساع الصـدر والحــــــب ليتــه
(والله يسامحني ويغفر خــــطـــاياه
كانه يظن اني سليت ومحيتــــه 
عضويتي
عنا الشوق 
]
العرض العادي
