دشنت صفحة "ثورة البنات" هاشتاج بإسم "الستات_فى_رمضان"، لمناقشة كيف قدمت المسلسلات والاعلانات لقضايا وشخصيات النساء خلال شهر رمضان، وخاصة بعد النقاش المستمر لتقديم الكاتبة مريم ناعوم، نماذج مختلفة للنساء في مسلسل تحت السيطرة، أوالحيرة في شخصيات النساء المقدمة في مسلسل العهد، أو تعامل النساء مع أزواجهن مثل مسلسل "يوميات زوجة مفروسة أوي".
ورصدت "الفجر الفنى" تعليقات المتابعين على موقع التواصل الاجتماعى"فيسبوك" عبر الفاعلية التى تستمر لمدة أسبوع بإستخدام هاشتاج" الستات_فى_رمضان".
حيث اشارت سلمى رمزى: "فكرة القواد اللي بيستغل البنات زي البنت بلبلة ويجبرها انها تعمل اللي يطلب منها خوف من الفضيحة والعار، صور ضعف البنت المصرية كالعادة وانها مش قادرة تاخد قرار عشان الخوف من نظرة المجتمع لما هيثم قالها انه صورها وماسك عليها السي دي ولما موتوه وخدت السي دي واكتشفت انه مفيهوش حاجة وعياطها وحرقتها على اللي عملته بناء على كلام كذب وصاحبتها اللي عيطت على هيثم بالرغم من الأذى اللي عمله فيها بتبين اوي استكانة المصرية وتنازلها عن أبسط حقوقها ". وتابع أحمد صبرى:" في مسلسل تحت السيطرة بالنسبه ليا البنت القويه هي نظرة (هانيا) لجوزها لما رجعت البيت اللي كانت فيه بعد ماجوزها النطع ما سلمها لتاجر الهيروين وقبض تمنها منه، هي كانت قويه قدامه رغم إنها أكيد مش كده بس عرفت تخليه يندم من غير كلمه واحده.". ولتشاركه هند عبد الحميد، عن ملسلسل "الكابوس"لغادة عبد الرازق :" بتدخل هى وبنتها (حوالى 14 سنة) على ابنها (7 سنين) لقته قتل القطة وبيعيط.. بنتها قعدت تصرخ فيه وتحلف ان هو اللى قتلها.. وانها شافته وهو بيجيب السلك عشان يخنقها بيه. "غادة " زعقتلها وقالتلها قومى غطى كتافك دى وقولتلك ميت مرة وانتى خارجة من الشاور تكونى لابسة هدومك كاملة. .راحت وحضنت ابنها ولامته. عشان بيعيط. بس عشان بيعيط. وقالتله فيه راجل بيعيط ؟ امال الستات تعمل ايه ؟ وقالتله ينسى". وتضيف غدير أحمد عن متابعتها لمسلسل "العهد" : من بين كل ستات مسلسل "العهد" بتطل علينا سكينة ..الست اللى مبتزعلش من كلمة مرة ..ولا فارق معاها الناس بتبص لها ازاى او بتقول عنها ايه .. ولما قررت سكينة تخلف نسبت الطفل ليها بعد ما ابوه انكر النسب وعمر ها ما اتضايقت ان الناس بتنادى ابنها "يابن سكينة العالمة " § 
عضويتي
همسة الشوق 
العرض العادي
