قنديل الجروح بقلمي

#1 5 - 10 - 2015, 02:51 AM

قنديل الجروح بقلمي

يشِبْ الليل قنديل الجروح و تصرخْ الآهاتْ
وأنا بين الدموع وصمتي النّازف وصرخاتهْ

يسُوقْ البرْدْ فنجال الهموم وتقلطْ الضيقاتْ
على جال الخفوق اللي ذبِلْ من حَرّ طعناتهْ

صخبْ هذ ا المساء بردْ وحنينْ ولهفةْ وسجّاتْ
وِجَعْ يسقي معاليق الضماير مُرّ جر عاتهْ

على خطوط السهرْ طال السفرْ في مركب الونّاتْ
طعامي شِعري وحِبرْ الجنون أشهى ملذاتهْ

وحيد تهزني رِيح الحنين لوقتي اللي فاتْ
حزين الفكر ضائع بين وسواسه وسجّاته

على درب الشقاء العمر اِيتساقطْ و السنين شتاتْ
و يعرضْ لي شريط الذكريات أبرزْ محطاتهْ

يمرّ الحلم من قدّام عيني و أشعِلْ الشمعاتْ
ويجلسْ فالحنايا بين نزفْ القلب وآهاتهْ

حبيبي مصدرْ أفراحي وحلمي وأعذبْ الأوقاتْ
برُوق الشوق لاحت والفراق أسرفْ بغاراتهْ

ذِكرتكْ واِنكسر رأس الشموخ وطاحنْ الدمعاتْ
وأنا رجلٍ يموت ولا تشوف النّاس دمعاتهْ

رَحلتْ وطاح قلبي في يِدَينْ الهم واللّوعاتْ
وأنا مالي سوى حبّك ووجدانك وضحكاتهْ

حاربت الزمان وهدّ حيلي والحظوظ أمواتْ
ذِبلتْ وماتتْ ورود الخفوق وعطر بسماتهْ

يسيلْ الحزنِ من عين القصائد وأبلعْ الحسراتْ
تِوشّحتْ الظلام وجرحْ بُعدكْ ذِقتْ مأساتهْ

بعَدكْ أرتّبْ جُروحي مثل ما أرتّبْ الكلماتْ
تجرّعت العذاب وحلمْ وصلك طوّلْ سباتهْ

تَعبتْ أركض على رمضاء الظمأ تلفحني العبراتْ
تَناثرتْ وقِدمْ رجلي تعبْ من سَير خطواتهْ

يا حلمْ الشاعر اللي طَوّع عِنان القصيد وباتْ
يِهذري داخل أحضانْ السطور وتبكي أبياتهْ

ألمْ يسهرْ على ريشة قلم متوّسدْ الصفحاتْ
تعلّقْ قلبه المسكين بين الآهـْ وسِكاتهْ

عل ى جمرْ السهر يفرشْ ضلوعه والقصيد إثباتْ
صِبَرْ حتى اِنزرَعْ شوك الأسى في عمقْ نظراتهْ

قهرْ هذا الزمن يسرقْ من العمر أجملْ اللحظاتْ
خَدعنا في ابتساماته و ضِعنا في متاهاتهْ

حبيبي موطن إحساسي ونور الفجر والبسماتْ
يا روح الروحْ نبض القلبْ وإحساسهْ وغاياتهْ

كِذبْ من قالْ لك ما فاتْ يا كل الأمانيّ ماتْ
هذا لك عام غائبْ وأنت بين الشاعرْ وذاتهْ

تهِبّ رياح ذِكراكْ في خفوقي والعُزوم فْتاتْ
وأنا أتبعثرْ على بِساطْ الوَلهْ وأطوي مسافاتهْ

غَديتْ العاشق اللي من سرابْ الذاكرة يِقتاتْ
غريب يجاذبهْ صوتْ الغرام وسَيلْ قطراتهْ

فقدتكْ يا بدايات المحبة وأطهرْ الغيماتْ
و كرهتْ الحال بغيابك وقلبي ملّ نبضاتهْ

حبيبي قبل ما أودّعْ طيوفك وأسرجْ الخطواتْ
بغيتكْ تسمعْ القلب الحزين وتحفظْ أوصاتهْ

فديتكْ تكسر أُنُوف الظروف و تقتلْ الغيباتْ
وتفتحْ باب وصلك والفراق تشقّ صفحاتهْ

{{ سراب الشعر }}

الموضوع الأصلي : قنديل الجروح بقلمي || الكاتب : سراب الشعر || المصدر : شبكة همس الشوق

5 - 10 - 2015, 02:56 AM

سلم لنا قلمك

راقني

تقييمي ..اعجابي ..نجومي ..ختمي

ننتظر المزيد

كن بخير

5 - 10 - 2015, 03:19 AM

صح لساااانك ملايين ولايسدن
بيت اطلق من الثاني ...قمة الجزاله

لاهنت اخوي

5 - 10 - 2015, 04:14 AM

صحت ابدانكم يالغالين

وبيض الله وجهكم

على المرور و التواجد الرائع

لا عدمناكم..

5 - 10 - 2015, 05:21 AM

صح لسانك شاعرنا
ما ننحرم من جديدك
بنتظار المزيد .. لروحك جنائن الورد

5 - 10 - 2015, 08:48 AM

صح بدنك يالغاليه

لا عدمناك

أسعدني مرورك و تواجدك العطر

منوره يالغلا

9 - 10 - 2015, 05:05 PM

سلمت يدك ع الطرح
ماننحرم من جديدك
لك باقه من الورد

12 - 10 - 2015, 08:11 AM

شكرا لجهودكم الرائعة والمميزة
ننتضر المزيد من ابداعكم الرائع
لروحكم جنائن من الجوري

امير العاشقين

المواضيع المتشابهه لموضوع: قنديل الجروح بقلمي لموضوع: قنديل الجروح بقلمي
الموضوع	كاتب الموضوع	المنتدى	مشاركات	آخر مشاركة
ارهقتني الجروح	جروح الم	همس المواضيع العامة	4	15 - 8 - 2015 02:04 PM
الخروج من اللوحة	سجات التهاويل	همس المواضيع العامة	12	11 - 8 - 2015 05:32 PM
ضى قنديل حياتك بنور الله	همسة الشوق	نفحات اسلاميه	8	28 - 7 - 2015 07:48 AM
بعض الجروح	بلسم الروح	همس الشعر و الشيلات الصوتيه	6	23 - 3 - 2013 07:34 AM
قنديل ظلامي ونور ايامي حبك وكيف لا	مزون الشوق	همس المواضيع العامة	10	2 - 1 - 2013 06:24 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 1