يامملكة شعري غلا قلبي جنون الحرف دستوره
تخيل كيف يحرقني و انا أوده بدون إشعور
أنا اللي كل ليله اركب خيول الشوق وأزوره
و هو بأحلام نومي و الوداع أودعه مجبور
يفرقنا شعاع النور وانهض و أفقد الصوره
انام بعالم المتعه و أقوم بخاطرن مكسور
رضيت بواقعي و النفس منهيه و مأموره
عقل ينهاء عن الدره و قلب بحبها مأمور
مسلم قلبي المهيوم بين إيدين دكتوره
هوا المختص لا غيره عيادة لي ولادكتور
يزعلني ويرضيني عشقت الجور من جوره
كثير اللي يقولون أنت يا مجنون يا مسحور
مصيبه عالقه غلطان اطيعه و أحترم شوره
وبعض أحيان اقول اني على طوع الهوى مجبور
أخاف أخالفه في الرأي مره و أجرح شعوره
ويبكي لي و يتركني وراء ظل الشجر مقهور
وبعد سنين لامست الدر و الروح معذوره
إذا هامت بدرها يداعبها بلا دستور
نظر عيني هي الدره غصن قلبي و عصفوره
متى أنعم مع نظر عيني واضم الغصن والعصفور
أبا المرجان يفك الباب لي ولا اقتحم سوره
أبا أحقق مطاليبي و انفذ له وعد بالفور
{{ سراب الشعر }}
او 
لمشاركة اصدقائك!
عضويتي
العرض العادي
