هل كلمة "عليّ الطلاق" رجوله أم إهانه؟
دائماً ما تمرّ علينا هالكلمه "عليّ الطلاق" سوآء تستخدم كَ حلف "مُبطّن" في بعض الامور اللي يعنني يلزّم على خويه بعشاء أو دفع حساب و غيره
ما نختلف إن فيه امور مُمكن نبلعها و نقول إنها مواضيع كبيره نمشيها له إذا طلّق عليها بس انا مو غابنني و رافع ضغطي جد إلا اللي يطلق زي ما ذكرت فوق على دفع حساب ولا طلعه ولا عشاء و غيرها من هالأمور السطحيه اللي ما تستحق يجرح زوجته عشانها يعني خلونا نكون واقعيين شوي و ننظر لها بمنظور الزوجه المسكينه.. ما تنقهر إنو زوجها مسترخصها بهالطريقه و يقارن حياته معها و يحط هالقرار المصيري بكفّة الميزان مقابل موضوع عشاء سخيف لشخص اسخف يكون صديقه بالإستراحه او غيره..
يمكن تختلفون بكلامي لكن انا كتبت فعلاً إللي بخاطري و اللي لاحظته كثير منتشر بمجتمعاتنا هالفتره و بزديااد خطير! موضوع ما ينسكت عنه جد و لازم له حدّ .
المشكله الكُبرى ايضاً انه يطلق على هذا و يطلق على ذآك و بالاخير ما تحدُث كل الأمور اللي طلق عشانها و لكن ممكن ينسى انه طلق عشانها أو إنه يتساهل بحكم ربي وما يدري إن بهالشي يُعتبر مطلق زوجته لأنه ما صار الموضوع اللي طلق عشانه..
يعني فعلاً صار فيه تساهل كبييير جداً بهالمواضيع ولا نعلم ما الأسباب هل هي من التربيه او اصحاب السوء أو شي آخر لا نعلمه ..
أسئلتي لكم..
س- هل "عليّ الطلاق" تثبت رجولة الزوج أم هي إهانه بحق الزوجه؟
س- لماذا أصبح شبابنا يتساهلون بها و يستخدمونها بكثره و لأتفه الامور و الاسباب و كأنها شيئاً فُطِروا عليه؟
س- هل ترى أن من حق الزوجه إنها تزعل لما يقولها و تخاصمه ولا بمنظورك انها كلمه طبيعيه و الكل يقولها عادي و مو من حقها تزعل؟
س- هل تعتقد أن هالكلمه فيها إهانه للزوجه؟ و خصوصاً لما يكثر الزوج من قولها امام الناس..
عضويتي
هل كلمة علي الطلاق رجولة ام اهانه 
العرض العادي
