تِدْرِي مِـتَى بِتِـعْرِفْ قَدْرِي وْ تِفْقِدْنِي
لاَ رِخَصْتْ نَفْسِكْ لِشَخْصِِ مَا يِرَاعِيهَا
بُكْرَهْـ لاَ هَــمْلُوكْ النَّاسْ تَذْكِـرْنِي
وْ تِقُـولْ عِـــزَاهْـ عِينِي مِنْ يِدَارِيهَا
مَـدَامْ غِيرِي على قَلْبِكْ مِشَارِكْنِي
وش هُــو لَهْ أَعَلِّقْ الآمَالْ وْ أَبْنِيهَا
يَكْفِينِي إِنِّكْ رِحَلْتْ وْ مَنْتَ عَايِفْنِي
هَذَا عِزَا النَّفْـسْ مِنْ كِثْرَة بَلاَوِيهَا
أَهْدِيتِكْ دُمُوعْ مِنْ طَعْنِتِكْ تَحْرِقْنِي
وإِنْتَ إِللِّي تِسْتَاهِلْ الدِّنْيَا وْمَافِيهَا
وأَهْدِيتِنِي جَرْحْ مُوجِعْنِي وعَاجِبْنِي
لِأَنَّ الهَــدَايَا على مِقْـــدَارْ مِهْدِيهَا
صَحِيحْ حِنَّا انْتِهِينَا بَسْ صَـــدِّقْنِي
إِنِّكْ تِبْــــقَى هُوَى رُوحِي وغَالِيهَا
مَفْضُوحْ رَاعِي الهِيَامْ وْ نَظْرِتَه تِغَنِّي
مَلاَمْــحَه وَاضْحَة فِي وَجْـــه رَاعِيهَا
لِكُــلِّ دَاء ٍدَوَاءْ لُو هُــو مِتْــعِبِــنِّي
إِلاَّ مَـحَـبِّتِكْ عَــــيَّتْ مِنْ يِــــدَاوِيهَا
إِنْ قِلْتْ عَلِّمْنِي أَنْسَى ؟ لاَ تِعَلِّمْنِي
دِنْيَايْ لاَ مِنْ نِسِيتِكْ وش تَالِــــيهَا
فَارَقْتِنِي وْ ضَحْكِتِكْ عَيَّتْ تِفَارِقْنِي
وَاللّه يِلْعَــــنْ أُبُو آلفرقآ وْ طَارِيهَا
مَقْدَرْ أَفَكِّرْ بْغِيرِكْ وْ إِنْتَ عَارِفْنِي
عَشَــانْ حَاجَة بْقَلْبِي مَقْدَرْ أَخْفِيهَا
أَخَــــافْ لاَ حَبِّنِي غِيرِكْ وْ عَاشَرْنِي
يِشُوفْ صُورِتِكْ فِي عِينِي وْ يُوحِيهَا
نِشَدْتْ عَنِّكْ وْ سِمَعْتْ إِللِّي يِفَرِّحْنِي
وْ يِرْتَاحْ صَدْرِي مِنْ هُمُومِِ يِحَاتِيهَا
تَعْــرِفْ وش على الــفَرْقَا مْصَبِّرْنِي
إِنِّـــكْ بْخِيرْ وْ حَيَـاتِكْ مِـــتْهَنِّي فِيهَا
ممارآق لي
تقبلو ارق التحآيآ وآعذبهآ
عضويتي
تبي تعرف وش على الفرقا مصبرني 
العرض العادي
