اختفى القروب⁉⁉ نعم اختفى القروب يقول شاب سوت لنا أمي❤ أنا واخواني قروب عالواتس يقول وبدايةً تضايقت إنها حطّتني فيه بحكم إني الولد الأكبر ولا له داعي تشملني مع اخواني وآخذ واعطي مع البزران من وجهة نظري!! وصارت أمي تطرح مواضيع وتفتح نقاشات وتصبّح وتمسّي علينا وكنت اشوف نفسي أكبر من إني أشارك بالرأي أو حتى برد التحية وكانوا اخواني وخواتي يتفاعلون بحماس نقاشات مابين جد ونصح وعتب ولوم وتفقّد وشوق وتعليق وسخرية وزعل ووناسة وكلما يخطر على بالكم وكانت لي عدة هواتف وحسابات وارقام وقروبات كنت مزحوم بكل ما يشغل الشباب إلى إن جا يوم واختفى القروب تصدقون اختفى اختفى القروب ولم يلفت نظري إلا بعد مرور فترة لأني كنت في حالة شغل مستمر خاص بي برغم اني غير متزوج وليست لي وظيفة رسمية ولكن كان جدولي حافل بالمجاملات والعلاقات الشخصية لا أترك واجباً لصديق أو مناسبة لزميل إلا وأنا في المقدمة ولو كانت عبر القارات إضافةً إلى تفاعلي المستمر والنشط في قروبات أخرى كانت في نظري هي الأهم وكنت أخلق الوقت لجدولي المزحوم من كل جهه إلا من والدتي واهلي واخواني واخوتي كنت أرى كل شيء مهم إلا منهم لم يكونوا يعنون لي شيء لا أعلم لماذا حتى أنني لا أشتاق لهم بل إذا تذكرني أحدهم وأتصل بي أرد بإنزعاج وش عندك ؟؟ بل وأتضايق حتى من ردي عليه وأُفاجأ بأنه يقول فقط أتصلت للسلام عليك ولأن أمي طلبتني أن أسأل عليك لأنها تدري إنك ما تحب أحد يزعجك .. أمي بس تسأل عليك و أردّ لاحوووول أنا بخير وش فيني يعني طمنها وإن شاء الله بأمركم اذا رجعت وتمر الأيام وأنا على هاالحال ويختفي القروب ولم أكتشف إلا بعد أكثر من ٢٠ يوم حين فقدت هاتفي الجديد المهم وأضطريت لشحن هاتفي القديم والإستعانه به لفك أزمتي والتواصل مع الأصحاب ستعلمون كيف تلف هاتفي لاحقاً وكنت وقتها في رحلة برّية ممتعة في معية بعض الأصحاب ممّن تجد في صحبتهم جوامع الملذات المحرّمه والمترفه بلا نقصٍ ولا تعب ذاك في الواقع ما كان يشغلني بل وماكان يهمني وأثناء تلك السهرة المشؤومة تقاذفنا بالكلام المسيء أنا وأحد الساهرين الذي إنتهى بمضاربة أودت به عن الحياة وألقتني في السجن نعم أصبحت في السجن وانفضّ من حولي الأصحاب لم أجد لأحد منهم إستجابه أو موقف وفي السجن سمحوا لي بإستخدام هاتفي القديم وبدأت بإستعراض المكالمات والرسائل على عجل وبلا تدقيق ومرّ علي بأن أمي واخواني بعد التنسيق خططوا لرحلة لمكة والمدينة وتمت الرحلة وانا لم اتجاوب معهم وتم ندائي بالقروب كذا مره وراسلتني والدتي وكلاً من اخوتي على حده عالخاص وكعادتي لا مجيب واضافة لذلك عدة اتصالات منهم ولم أجيب وبحكم انهم اعتادوا على تجاهلي لهم فقد تمت الرحلة بدوني حيث ختمت أمي آخر نقاش لها مع اخوتي بالقروب أثناء تنسيقهم بعبارة 👇🏼👇🏼 أنتوا الخير والبركة ياعيالي إي بالله بنروح وننبسط وأبشروا باللي تبون إن شاء الله إني لأعوضكم جزا حرماني لكم كنت أبي أخوكم يكون معنا وأخوكم ماعمره حرم نفسه من شي علشاني ولا علشانكم اللي مايبينا ما نبيه إن عاش راسي لا أخليه يسمع بنا ولا يرانا💥 تصدقون امي نقلت من الرياض وشرت بيت با الخبر وانا ما ادري وغيرت أرقام أخواني ورقمها وحلفت أيمان على أقرباي ما يدلوني على طريقها والحين انا محكوم وبالسجن ولا قدرت اكلمها بإختصار ما اقدر اكلمها كلما تذكرت كم مره مرضت وطلبتني اكون معها انزلها من السيارة وافزع لها بدل ما يفزع لها الغريب ما اقدر اكلمها ياكم وكم طلبت اقضي للبيت مقاضي لانها تعبانه ولا تقوا ياكم طلبتني مترجيه احضر مناسبة او استقبل ضيوف وابيض وجهها فقط بحضوري ياكم وكم تمنتني أعايدها ويكتمل عيدها بحضوري مع اخواني ياكم وكم طلبتني اوقف مع اختي المطلقه في المحكمه بل كم تمنت لو اصبّح أو أمسّي عليها فقط اعذروني ان كتبت بلا تركيز وقفزت في الأحداث لطولها فمشاعري ودموعي تسابق افكاري وحالي لا يعلم به سوا الله ما أنا فيه الآن هو قصاص دنيوي لتقصيري في حق والدتي واخواني واخواتي وجه والدتي امامي لا يفارقني وأنا اللذي خذلتها في كل موقف والله اني اتمنى لو تضمني على صدرها فقط لأبكي ثواني تدرون إن عيال الحلال كلموها وبلغوها بحالي وقالوا بنفزع ونجمع الدّيه لا تشيلين هم يا ام راشد باذن الله ان يطلع قالت 👇🏼👇🏼 لا بالله ما يطلع إلا إن تنازلوا لوجه الله هل الدّم 💥 واعفو لوجهه تعالى لا وقالت 👇🏼 والله ماجمعت له من جيوب الناس قرش واحد ولا عسّرت على مسلم عشانه خلّوهـ ينفّذ به الشرع مايراهـ وخلّوهـ يسلم من شرّ نفسه ويسلمون العرب من شرّهـ 😩😩💔💔💔
عضويتي
قصة تبكي الحجر 
]
العرض العادي
