(الاحتواء) 🌹نجلس مع ناس سواء اقارب او صديقات او حتى عابرين ونسمع شكواهم المختلفه مثل اعراض صحيه او مشاكل عائليه وغيرها
ويختلف التفاعل حسب كمية الوعي وكمثال :
وحده تقول سكنت بيت جديد وحسيت بضيق واني كارهته الردود ممكن تكون لاتكون عين لايكون سحر لايصير البيت فيه بلا قبل تاخذونه لكن نااادرا ماتلقين وحده ترد وتقول انه شعور طبيعي تحسين به لمجرد الانتقال لبيت جديد وانها فتره وبتعدي بعض الناس يتأثرون كلمه منك تقلب حياتها وكيانها ومتاهة مثل السحر والعين تخليها تحوس على الرقاة وتتعب اكثر لكن الكلمه الحلوه واذا هونتيها عليها بتخليها ترتاح وممكن بنفس اللحظه تتحسن وتترك هالتفكير السيء
البعض عندهم قدرة عجيبه على تعكير مزاجك وتوقع الأسوأ ومجلسهم كله قصص عن الخيانات الزوجيه والسحر والخادمات المجرمات واعراض الأمراض والجرائم وحوادث السطو والخذلان نصيحه اذا شكت لك وحده من هم وعجزتي تخففين عنها لاتزيدين همها اسكتي افضل حتى لو نيتك زينه ودوافعك حرص ومحبه قبل ٦ سنوات شفت وحده مره نحييييفه ويوم سلمت عليها قلت لها يقالي ظريفه وانا اضحك يختي وراك مختفيه البنت تغيرت ملامحها وطول الجلسه كانت متململه يوم رجعت البيت راجعت نفسي وكلمتها واعتذرت منها وقالت اني اعاني من نحافه مرضيه وفقدان شهيه حاد وانا كانت نيتي زينه وتعليقي كنت متوقعه انها متعمده تنحف بهالشكل وكان هالموقف دررررس لي لو دخلت الف دورة تطوير ذات ماتعلمت منها وعرفت انه من سوء الأدب نقول لأحد وراك ناحفه او سامنه الا اذا كان التعليق جميل مثل ناحفه ومحلوه او سامنه ومحلوه هالمشهد يتكرر مع امهات عندهم اطفال نحاف وراه ولدك نحيف وراه بنتك عصلا وراه لونهم اصفر وراهم شاحبين تقولينه مجتهده لكنك تنكدين عليها الشواهد كثيره ماودي اطول اكثر ليكن حظ المؤمن منك ثلاثة ؛ إن لم تنفعه فلا تضره وإن لم تفرحه فلا تغمه وإن لم تمدحه فلا تذمه ربنا لا تجعلنا سبب في ضيقِ احدٍ من إخواننا المسلمين ربنا اعف عنّا واغفر لنا ورحمنا انك عفوٌ غفور رحيم
عزيزي الزائر أتمنى انك استفدت من الموضوع ولكن من
اجل منتديات شبكة همس الشوق يرجاء ذكر المصدرعند نقلك لموضوع ويمكنك التسجيل معنا والمشاركة معنا والنقاش في كافه المواضيع الجاده اذا رغبت في ذالك فانا لا ادعوك للتسجيل بل ادعوك للإبداع معنا . للتسجيل اضغظ هنا .
ابدعت في انتقاء الطرح الرائع والمميز
يعطيك العافية على جمالية طرحكـ الراقي
رائع ما نسجه فكرك من طرح مميز..
تألقت بروعة موضوعك ..
ننتظرابداعكـ بكل شوق وجديدكـ المميز ..
لك مني كل التحايا مسبوقة بورده جوريه
أمنياتي لك بدوام التوفيق
والتألق والإبداع
عضويتي
الاحتواء 
العرض العادي
