جيت صدفه جنب داره شفت له موعد معاه
لحظة حسيت فيها إنه أكثر من | حقير ~
ما دريت إني ( وسيله | لجل يوصل مبتغاه !
و مادريت إنه ليا من غاب / غاب بلا ضمير
أحسب إني مثل منهو بالوفا ربي عطاه ..
خل جاب الحظ في بسمته و الحظ الوفير !
ما ينام الا طراني ولا صحى بالي طراه ..
وماشي حظه و حظي وين ما يسري يسير
كن قلبي وسط يده و أكبر همومي رضاه
و كن روحه وسط روحي مالنا ندّ و خشير
خِـل ! لا طوّل غيابك نوم عينه ما هناه
ولا لمح نظرة عيونك يفرش ضلوعه حصير
ولا رحل ما من يسدّ بغيبته أحد سواه
خِل لا من غاب زوله إكتشفت إنك ( فقير | ..
مو فقير المال / لا لا ! .. لا ولا محتاج جاه
الفقير : الي يمدّ يديه لـطيوف العشير ..
الفقير : الي تشوفه يشحذ العالم ( فضاه | ..
ويسرق من الليل نجمه في ضياها يستنير
يعني بـ الآخر تنفس بالسما فالي هواه
يعني باقي بين كل الناس واحد فيه خير
يعني راح أنسى ليالي البرد في روعة ( دفاه | ..
يعني راح أشتاق و اعشق كثر ما حظي ضرير
لين ما بيّن ردى المقسوم كاشف عن غطاه
يوم شفته داس قلب كان في كفه أسير
إيه أعرفه هذا حظي معوجه دايم خُطاه
كلما حسيت روحي بخير / يعني ماكو خير !!
أعترف بانّه خطاي الحب ما هو من خطاه
دامي ادري عن حظوظي بالهوى دايم تطير !
ليش انا اعطي الحظ فرصه دامه استنفذ رجاه ؟
كان مـ المفروض أواجه و اعترف و ابقى بصير
قبل ما الصدفه تشوّه صورته يومه معاه
وقتها حسيت هذا الحب أكثر من حقير !!
راااقت لي
عضويتي
صدفه حقيره 
العرض العادي
