كثر الله خير قلبك وكثر الله جروح قلبي

#1 25 - 8 - 2016, 02:26 PM

كثر الله خير قلبك وكثر الله جروح قلبي

استهنتي فيني وبغلاي
انتهزتي فرصتك وطعنتيني
اليوم ما عاد ينفعك عذرك خلاص
انتهي وياك الم ماضي سنيني
هي تراها كلمتين
انتهيتي ياحقيره من حياتي
ولا عاد اشوفك على دربي تمرين
انتي ماضي وانتهى من حياتي
==================
يابنت ياللي كل همك غرامي
الظاهر انك جاهله بالعناوين
كم قلت لك هالحب ماهو مرامي
روحي اكيد انك بدالي تلاقين
===================
عادي وجودك كان وان رحت عادي
جايز اكون اول تعاطفت وياك
لكن فبالي كان تركك وكادي
لاتنفعل لاتثور لاتبرر خطاك
ماينفع الغرقان مد الايااادي
=================
طال البعاد ولع القلب فرقاك
ومن غيبتك صاب المولع مضره
اسهر طوال الليل واعيد ذ
واراجع الماضي وبالقلب حره
يذكر زمان فات بالخير وياك
الله يعيده لو بالايام مرره
================
الالم والهم والخوف الدفين
والشقى والضيم واهات العنا
والاسى والظلم والدمع الحزين
كلها اسماء والمعنا انا وافي الجروح
=================
لو الزمن مره يجينى على الكيف
مقدار ما يفهم لبيب الا شاره
بشرت غلطاتى بحسن التصاريف
واخذت من نفسي لنفسي بشاره
وش يحرج الرجال غير المواقيف
اللي تنزل هيبته واعتباره
والله لو تعرض رقبتى على السيف
أهون علي من الندم والخساره
=================
الحين بس أقدر آخذ قراري
اللي من محيرني من العام لليوم
بعدك ونكرانك ورد اعتباري
ثلاث حاجات بها القلب مهموم
=================
مسكين قلبي هو بدى منه تقصير
هوناقصك يعني تجئ تستغله
خلاص يكفيني معاناتي وياك
ارحل وبرحل مابقا شي فيني
اتعبتني وياك واتعبني رضاك
واتعبت قلبي ياشقاي ونيني
محدن ترى فيني يسوي سواياك
محدن غيرك اهمومه تجيني
===================
فجري اللي تبينه من غيابك وغيبي
اصلا القلب ما بقى به شظايا
واتركي لي جروحي جعلها ما تطيبي
ولاتخلين عندي منك ايةبقاياا
غلطتي واحتملها يوم اعامل بطيبي
واحسب الناس مثلي واضحين النوايا
=====================
شفت المقفي وربي ما أتبعه لو خطوتين
وأصبعي وهواصبعي لامن غدرني أبقطعه
بأسألك سؤال واحد والجواب بكلمتين
لاصار قدرك والهوي خصمين من تاقف معه
ياخي عز الكرامه وانت دايم مستهين
ياخي ضرسك لو يعورك بذمتك ما تشلعه
=====================
سلامتك معاد لي رغبة فيك
لاصد قلبي صد من دون رجعه
مجبور نضحك يازمن العجايب
دام البشر صار بوجه وجهين
غصب علينا نبتسم للمصايب
دنيا نسايرها على العسر واللين
منها بكى طفل صغير وشايب
وياما ضحك منها عليها مجانين
=================
دنيا تضيق وفزعة الله قريبه
وعند الفرج مايخذ الضيق ساعة
لا فـاضــت أحــزانــي ولا زاد هـمـي
ولا إنشـويـت مـن الـفـراق وتحــرقــت
لا مـت مـن صـدك ولا فــار دمــي
لأن الحكــايـة كلــهـاا مضـيــعة وقــت
ما دام طعت الوقت فيني واقفيت
تحمل اللي يجيك لا جيت تايب
=================
كفي دموعك مال للاحزان ميعاد
مادام هذي رغبتي فاهجريني
انتي سراب وكلمة الحب تنعاد
ماودي احرج خاطرك وافهميني
نفس الظروف ووقتنا كله عناد
ابلتمس لك عذر واعذريني
لا همني قربك ولاهمني رضاك
والله ولا ذكري بقلبي تجيبك
الصد عندي من بقايا عطايات
لا بوك لابو كل طاري يجــــيبك
=================
لاتنتظر منا الرجوع انتهينا
كم واحدن قبلك تكبر وعفنــــــــــاه
أنهنت في حبــك وانا حــر ما أنهان
والحــر ما يرجع لشخص يهينــه
والله احبــك حب والقلب ما خان
حا فظ عهوود الحب يومك تبينه
بس للاسف ما أقدر على حب خوان
يمشى يشيل اسمى وباجر يهينه
=================
قالت فمان الله واقفت وانا اقول
متى علي يا زين تنوي الرجوعي
قالت وهي تبكي فراقٍ على طول
واهتز قلبي هزتينٍ تروعي
واقفت وانا حاير ما ادري وش اقول
حاولت اجامل وافضحنّي دموعي
ونيت ونه واحدٍ طاح مقتول
منها خفق قلبي وحطّم ضلوعي
من شاف حالي عقبهم قال لاحول
اسهر وحدي والخلايق هجوعي
=================
عشرة عمر معك انتهت وانتهينا
وآخر دقايقها دموع الوداعي
شيٍ طبيعي نفترق من بعضنا
فرقا وراها ما اظن اجتماعي
غرّت بنا الايام غصبٍ علينا
واستعجل المكتوب طوى شراعي
ورد المحبه فرّطت به يدينا
واصبح هوانا مرجعه للضياعي
لابد ما تنسي حدينا السنينا
والا بقلبي جروحه وساعي
=================
لاتنصدم لو شفت بعيوني الموت
قبلك اشوف الموت داخل كياني
تعبت ارتب لك من احساسي بيوت
تعبت افكر كيف قلبك رماني
لا تكسر أغصاني لجل تقطف التوت
ياخي دخيلك ماتلاحظ مكــــــاني
====================
انا لاجتني الزله من الجاهل وهو كذاب
تركت القافله تمشي وراها تنبح كلابه
ترى بدري على مثلي تعيب وساسها معياب
ياليت اللي يعيبني يحاول يستر ثيابه
بحضر زفافك مثل باقي المعازيم
لو كان في ليلة زفافك وفاتي
بحضر نهاية قصة الحب والضيم
واكتب على جرح الهواء ذكرياتي
==================
ودعتها واخفيت عنها دموعي
خايف تحس بحسرتي والتياعي
قالت فمان الله ونطر رجوعي
واشرت بالتوديع حال استماعي
ساكت ولا رديت ماهي طبوعي
من عبرتي تفرض علي امتناعي
=================

تعشق معي عشره وفينـا تفننـت
هـذا تبسملـه وهـذا شطبـتـه
انا ترى لااقفيـت قفيّـت مابنـت
والشخص لامني كرهته كرهتـه
مااذل نفسي وارخي الراس يابنت
واللي بغا فراقي تـرى ماجبرتـه
نفسي عزيزه وافهم العلم لاهنـت
الـذل مايـوم ٍ بعمـري تبعـتـه
رفضت غيرك وانت بالحب مالنت
ياقرد حظي يوم غيرك رفضتـه
=================
واذا الغلا يرجع على معرفة نت
انسى الذي بينـي وبينـك كتبتـه
حسبي عليك بجرح قلبي تمكنـت
ادخلت سم الغدر فيـه وجرحتـه
وانا نسيت اني عرفتك على النت
كنت اعتقدك اوفى عشير ٍعرفته
واثر الغلا زوّال ياسرع ماخنـت
كم واحد ٍ غيري بزيفـك عشقتـه
=================
مصدر حيــــــــاتي عزتي واعذرينـــي
مقدر اواصل بالهوى حـــــــــاني الراس
صحيح حبك نقـــــــطة الضعف فـــــــــيني
مانكرت لــكن عــــــزتي مالــــــها قـــــــياس
=======================
اعتلي يانفس واعقل ياخفوق
.وارقدي ياعين وارحل ياهوى
بنصحك ياقلب لايطويك شوق
روحته مع جيته عند سوى
من يحطك تحت لاتعليه فوق
ومن يحطك فوق يبشر لانوى
الكرامة مايوطيها امخلوق
والنجم لاطاح قالوله هوى
==============
أبتركك للغير منهو يسليك
وأببتعد وأنسى ماضي مسيرك
دامك هويت الغير فالله يهنيك
وأنا باعيش أذكر على الدوم خيرك
خلك معه خلك.. يمكن يراعيك
بس لاتجيني لامن خلاك وحب غيرك
قال ابي امشي
قلت عفوا على وين
قال بقفي
قلت مرواح جدي
وش صار يعني لابغيت تقفي
بأموت يعني لانويت بصدي
انا قوي الباس مانيب مسكين
واموت انا في شي اسمه تحدي
===================
جيت من غرب انا لاروح من شرقا
لابارك الله في درب فيك يجمعني
وياللي على فراقه عيوني غدت غرقا
كلي من اقصاي في حبك مغرقني
واللي طحاالارض وخلا هالسماء
زرقا لعلمك كيف تندم يوم تهجرني
للمعزه براسي يابنيه رصيد
لوتطيح المعزه وش نبي بالحياة
كانها بلمعاند ابشري بالعنيد
وكانها بالتحدي ماتحدى بنات
===============
وصيت هلي لاذبحني غلاكم
قدام بيتك بالثرا يدفنوني
ترتاح روحي يوم اجي في ثراكم
وذا وحشتك قلهم يظهروني
هذا الوعد والله يقبل عزاكم
واذا مشيتوا فوق قبري اذكروني
خلاص أسكت ولا كلمه ولاتبرر ولا تبرير
خلاص أسكت ولا تكذب ولاتتصنع الاعذار
شعرت بشي متغير ولمست بحالتك تغيير
وحكو لي عنك ناس وقلت مردها تنكشف الاسرار
===========================
والله لو تبعدين فلاهمني رضاك
واسمعي كلامي زين دام الجو هادي
ماكنتِِ شي وشلون ازعل لفرقاك
عادي وجودك كان وان رحتِ عادي
جايز اكون اول اتعاطفت معاك
لكن فبالي كان تركك وكادي
لاتنفعلين لاتثورين لاتبررين خطاياك
ماينفع الغرقان مد الايادي
===============
كثر الله خيـرك
شفت قلبك داخل كفوفيتبسم
عفيه والله
كثر الله خير قلبك
وكثر الله جروح قلبي
المهم أنت وكفايه لما من عيني
دمعتك
يكفي شفتك فوق جرحي
فوق جرحي إتبسّم

الموضوع الأصلي : كثر الله خير قلبك وكثر الله جروح قلبي || الكاتب : همسة الشوق || المصدر : شبكة همس الشوق

25 - 8 - 2016, 09:42 PM

الله يعطيك الف عافيه ع
الطرح الرائع
بإنتظار جديدك بكل شوق
ودي وعبق الورد

25 - 8 - 2016, 11:02 PM

الالم والهم والخوف الدفين
والشقى والضيم واهات العنا
والاسى والظلم والدمع الحزين
كلها اسماء والمعنا انا وافي الجروح

كلمات جميلة جدا

يسلموو على الذائقة الحلووة

26 - 8 - 2016, 01:06 PM

عوافي ع الموضوع
شكراً لك

26 - 8 - 2016, 04:55 PM

بتي
ممنونه لحضورك الجميل
ومرورك العطر
كل الشكر مع عطرالورد
أرق المنى

26 - 8 - 2016, 04:55 PM

الوليد
ممنونه لحضورك الجميل
ومرورك العطر
كل الشكر مع عطرالورد
أرق المنى

26 - 8 - 2016, 04:55 PM

المترفه
ممنونه لحضورك الجميل
ومرورك العطر
كل الشكر مع عطرالورد
أرق المنى

30 - 8 - 2016, 08:13 AM

رووعه
, يعطيك العافيه
وسلمت الاناامل على المجهود
ننتظر جديدك

30 - 8 - 2016, 08:33 AM

مجنونها بعنادها
ممنونه لحضورك الجميل
ومرورك العطر
كل الشكر مع عطرالورد
أرق المنى

المواضيع المتشابهه لموضوع: كثر الله خير قلبك وكثر الله جروح قلبي لموضوع: كثر الله خير قلبك وكثر الله جروح قلبي
الموضوع	كاتب الموضوع	المنتدى	مشاركات	آخر مشاركة
امان الله على قلبك	حنين الأشواق	همس لمقاطع اليوتوب	4	9 - 8 - 2021 02:49 AM
خذ قلبي لجروحك ولا يجي قلبك جروح	احمد البيشي	همس الشعر والقوافي	8	22 - 6 - 2021 08:42 PM
امنك الله كفايه جروح	همسه الشوق	همس لمدونات الاعضاء	50	19 - 9 - 2017 10:38 PM
بسم الله على قلبك	سجات التهاويل	همس لكلمات الاغاني والالبومات	4	7 - 2 - 2017 10:41 PM
دقات على باب قلبك في حب الله	امواج بلا شاطئ	نفحات اسلاميه	21	3 - 7 - 2012 12:18 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع