غير مسجل مملكتي الخاصه هنا - الصفحة 6

24 - 6 - 2018, 07:13 AM

أخر زياره زرتها ليلة العيد
أظنها ليله معي شد خاطر

ناظرتها بالعين والأيد بالأيد
شفت العيون السود واللون ساحر

قالت لي اقرب ليش متنحي بعيد
وشفيك خايف ماتبيني ياشاعر

باالله قول اشعر ترا قلبي ايريد
قصيدك اللي فيه حس اومشاعر

قلي من بيوتك ونا قولك زيد
خل المشاعر وسط جاشي تساعر

أبي اعيش بعالم الحب تغريد
وستل ايديني تقل جنحان طاير

اليا سولفت تشدد الياء تشديد
ولياضحكت ملاك والوجه طاهر

عودت منها اوخاطري فيه تنكيد
أحس به شين خفي ماهو ظاهر

أقفت وخلتني ولاظنها تعيد
أم الثليل اللي على المتن ثاير

25 - 6 - 2018, 09:04 AM

لا تزيد الجرح ماقصر زماني
شايلٍ بالقلب أحزان السنين

لاتزيد الجرح مافيني كفاني
لا تصير اليوم مع وقتي معين

ياحياة الروح ربي بك بلاني
بالحشاء لك جرح يالغالي مكين

في زمانٍ فات يالغالي تراني
أخفي الأحزان والعبرة تبين

عمري اللي ظاع باحلام وأماني
شوفتي لك يوم والفرقا سنين

3 - 8 - 2018, 10:35 AM

أنا مالك أمل فيني

ولو في الاصبع العاشر

تلاقينا .. تفارقنا

بدنيا لعبة الأقدار

انا حبيتك بقلبي

وهذه غلطة الشاطر

مشيت خطوة احساسي

وضعت بآخر المشوار

4 - 8 - 2018, 09:33 PM

ياطفلة(ن) تنثر شغبها مـع الريـح
إخذيني ابعد من فصـول المرايـا
.
خليني أرسم لك حـدود المراجيـح
وأشب لـك نور(ن) بكـل الزوايـا
.
أسرقك من ليلي قبل جفنه إيطيـآ
ضيق وألم ..نظرة عيون(ن) شقايا
.
دمعة حزن تقتل فرح قلب(ن) مريـح
يضمهـا خافي بيـوت الحنايـا
.
والصبح يلبس معطف الهم ويشيح
وتمـوت شمسـه لاظهـر للبرايـا
.
سعـادة الدنيـا بعينـي تباريـح
مثل الشجر راحت جـذورهـ سبايـا
.
تحت الثرى عيشه ولو حاول إيصيح
صيحـة غضب توفيـه حـد المنايـا
.
وأجمل بيوتي لو سرتـه المصابيـح
مرساهـ صحـرآ والمعاني قرايـا
.
صار التعب لأطهر سحابـه مراويآ
صوت الألم جـرّح حلوق الضمايـا
.
يكفي الشفق ياطفلة الريح تلميـح
تعبت في وصفـه حديـث الشفايـا
.
أما صباح(ن) يمحي الليل ويزيـح
ظلمات حبر وفقـد نـور وخطايـا
.
وإلا خذي باقي حروفي مع الريـح
وخليني ابقى فـي حـدود المرايـا

6 - 9 - 2018, 07:27 PM

‏
الحياه اللي تسمي لعبة الشاطر خطيه
ماتساوت في عيوني مع جناحين الذبابه

أذكر أني كنت عايش بالليال الاوليه
وأذكر أني كنت عايش وقتها باحضان غابه

ماعرفت إلا عبارة مثلها مثل الوصيه
عيش عمرك ذيب تسلم من مخاليب الذيابه

13 - 9 - 2018, 12:44 PM

بيت(ن) عجبني من قصايد كثيفـة
مدري لمنهو بس ماهوب مسروق

وين أنت ياذيب الليالي المخيفـة
فوق الثرى ولا عليك الثرى فوق

الذيـب ماياخـذ نصيبـة نصيفـة
ومايحني الهامه على أي مخلـوق

والذيب ماياكل مـن عظـام جيفـة
حاشم جنابة من ردا كـل مطفـوق

13 - 9 - 2018, 01:01 PM

ان جاك محبوبي يسـال عن الحال
قله رحل شايل مع الضيق ضيقـه

اما على قول البدو ‎‫خاب‬ ‎‫راجيـك‬
ولا على قول الحضر في حريقـه

13 - 9 - 2018, 01:09 PM

هالطريق اللي يودي هو يجيب
قلتها للوقت ولا ....رد لي

انت قلي وش كثر ناوي تغيب
ابطلب الله لي لقاك يمد لي

او تعاااال اودعك دامك قريب
ياكثر من راح ولااا رد لي

13 - 9 - 2018, 07:00 PM

حنا دخلنا بالليالي الفضيله
وبيني وبين الحب ياشيخة الغيد

على الوعد باقي ثلاثين ليلة
ون قالها الله نلتقي ليلة العيد

15 - 9 - 2018, 12:52 AM

كل الحروف ومحتوآهآ ومعآنيهآ
صعب تترجم اللي في بآلي وبآلك

آنت آحسآس خيآل ي ملهم قوآفيهآ
حتى الخيآل عند آحسآسي هآلك ..!

عذرا علئ اقتحاام عالمك ساكون متاابع بصمت، ،
:1c::1j:

المواضيع المتشابهه لموضوع: غير مسجل مملكتي الخاصه هنا لموضوع: غير مسجل مملكتي الخاصه هنا
الموضوع	كاتب الموضوع	المنتدى	مشاركات	آخر مشاركة
هديتك مملكتي	همسه الشوق	همس عذب الكلام والخواطر المنقوله	8	25 - 6 - 2020 02:32 PM
توجت حبك على عرش مملكتى اهداء لهمس	همسة الشوق	همس الشعر والقوافي	10	13 - 6 - 2017 06:59 AM
عشقت مملكتي كعشقي لقلبك	نظرة عين	همس للأثاث والديكور	4	23 - 6 - 2015 03:23 PM
هدوء المكان مملكتي	نظرة عين	همس للأثاث والديكور	6	25 - 5 - 2015 07:37 PM
هزمتني داخل مملكتي	سجات التهاويل	همس عذب الكلام والخواطر المنقوله	1	22 - 1 - 2015 08:37 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع