كبر غلط لو شخص متبهذل يحب مدلعه

#1 2 - 9 - 2019, 07:29 PM

يامدلّعه لاتدّعين الضيق وانتي فـي سعه
الضيق للي ما اتّسع له صـدر محبوبـه لضـاق

القلـب نفسـه عنـد متبهـذل .. وعنـد مدلعـه
الفرق في صدق المشاعر.. والأحاسيـس الرقـاق

الله ياكم لـي وانـا منـك الوفـاق .. استطلعـه
والحين .. لا إنتي .. ولا قلبك .. ولا حتى الوفاق

آخـر حكايـة حـب وأول جـرح كنـت اتوقعـه
اللي برواق تحبنـي.. تقـدر تفارقنـي.. بـرواق

إحساسك أصلا ما يناسبنـي.. وانـا مـا انفعـه
ما دام لي مبدأ .. ولـك رغبـه بتغييـر الرفـاق

الناس قالت: من يبيعك واشتـرى غيـرك.. بعـه
لا تلحق اللي منك ما يستاهـل اسبـاب اللحـاق

إختـرت امـوت ولا يقولـون الخلايـق: إمعـه
وأخترت افارق والصدق يا كره كرهي للفراق

اصبحـت مثـل اللـي يـدوّر للجهـات الأربعـه
راح الجهات الأربع.. ومازال في نفـس النطاق

المشكلـه .. ودّه يفضفـض ميـر كـلٍ يصفعـه
من حيث ما وجّه بوجهه .. للاسف يلقـى طـراق

الحـزن يجتاحـه وشكّـل فـي حياتـه زوبعـه
وإحساس باهمال الجميع.. يضاهي إحساس المعاق

الظاهر إن الناس في قلـب المـو اجـع مبدعـه
والظاهر إني صرت ممّن.. لا يطيق .. ولا يُطـاق

الحب.. من ذا اللي يقـول: الحـب دنيـا ممتعـه
في ذمّتي ما يقولها لو كـان ممّـا ذقـت .. ذاق

إن شاف نفس اللي اشوف.. وما سمعته يسمعـه
يختار له نار الفـراق .. ولا يجـي جنّـة عنـاق

العاشق اللي ما معـه غيـر إ نتفاضـة مدمعـه
الله يكون بعون قلبـه .. واحتراقـه .. إحتـراق

إن جيـت تلقـى حالتـه حالـه وشبـه مضيّعـه
أحيان يتنفس ولكـن أغلـب الحـال .. اختنـاق

إنهد حيله.. وإنجرح .. وإحتاس فـي هالمعمعـه
محتار ما يدري على ويـش الزعـل والإنشقـاق

إنصـب تفكيـره علـى (مـاذا وراء الأقنـعـه)
مسكين كان آخـر ضحيّـه للخيانـه .. والنفـاق

الحين يا ضـدّه تكـون النـاس .. ولاّ يـا معـه
ما يعترف بالأوسطيّـه .. و الثقـه .. والإتفـاق

أرثي لحاله عندما يكتـب علـى الرمـل اصبعـه
هذي نهاية مـا يسمّونـه .. محبّـه وإشتيـاق

الصدمه اللي سبّبت هالحال جدا موجعه
أشبه بصدمة أمّـة الإسـلام فـي أرض العراق

مجنـون ليلـى يتبـع أهـواءه .. وحنّـا نتبعـه
يعني انا وآلاف غيري .. نندرج ضمـن السياق

الصدق .. لو همّ الرجـل فـي كلمتيـن ٍ تقلعـه
ما تمنعه أحيان .. كلمـة يبغـض الله الطـلاق

السالفـه أكبـر مـن انـه يمتنـع .. او تمنعـه
ما دامت الدعوه.. مصير إنسان مربـوط بوثـاق

إن حبّ ..حـبّ.. الله يعينـه والحشـا متولعـه
من وين ما قلبه يسوقه من ورى خشمـه يسـاق

الـود ودك.. لا وصـل للوضـع هـذا تقنعـه
مهما إستمر الحب يبقى آخر الحب إفتراق

أكبر غلط لو شخص متبهذل يحب مدلعه

والإخت ما تقدر توسّع خاطره لـو يـوم ضـاق

من ديوان الشاعر / محمد الشهرى

الموضوع الأصلي : كبر غلط لو شخص متبهذل يحب مدلعه || الكاتب : همس الشوق || المصدر : شبكة همس الشوق

3 - 9 - 2019, 07:28 PM

الله عليك ياعمده
ابيات رااااائعه
ملئيه بالعتب
بس اشوف الستات
ماناسبتهم الأبيات
داخلين وخارجين وما ردو
ترى الدعوى ابيات كلها غشمرههه
سلمت اناملك الجميله ياعسل
ودي وعبير وردي

4 - 9 - 2019, 01:33 AM

أكبر غلط لو شخص متبهذل يحب مدلعه

والإخت ما تقدر توسّع خاطره لـو يـوم ضـاق..

.. يروق نفسه ماحد ملزوم يروق حد. هههه
تحياتي..

10 - 9 - 2019, 09:15 AM

سعدت بالمرور من هنا
لتصفح طرحكم الرآئع والرد عليه
شكراً لكم على ذآئقة الإنتقآء الجميل
ننتظر منكم المزيد وفقكم الله

15 - 9 - 2019, 09:32 AM

طررح يفوق آلجمآل ,
‎كعآدتك إبدآع في صفحآتك ,
‎يعطيك آلعآفيـه يَ رب ,
‎وبِ إنتظآر المزيد من هذآ الفيض ,
‎لقلبك السعآده والفـرح ..
‎ودي

15 - 10 - 2019, 09:27 AM

موضوع حلو جزاك الله خير

19 - 1 - 2020, 06:02 PM

لا جديد سوى رائحة التميز
تثور من هنا ومن خلال هذا الطرح
الجميل والمتميز ورقي الذائقه
في استقطاب ما هو جميل ومتميز

19 - 1 - 2020, 07:55 PM

الله الله يا جمالها
تسلم يمينك همس الشوق
ماننحرم من حروفك الراقية
أكاليل ورد أنثرها في متصفحك

المواضيع المتشابهه لموضوع: كبر غلط لو شخص متبهذل يحب مدلعه لموضوع: كبر غلط لو شخص متبهذل يحب مدلعه
الموضوع	كاتب الموضوع	المنتدى	مشاركات	آخر مشاركة
هاكات مجمعه	الــســاهر	همس تطوير المواقع والمنتديات	3	27 - 8 - 2023 09:17 AM
قدم لكم هاكات مجمعه فى ملف واحد	همس الشوق	همس تطوير المواقع والمنتديات	3	5 - 5 - 2023 05:50 PM
واشوقاه لدمعه من خشية الله	إنسااانة عنيدة	نفحات اسلاميه	10	16 - 4 - 2013 09:05 PM

طلبات الإشراف
	إذا كنت قادراً على الإشراف في شبكة همس الشوق شريطة ان تكون مشاركاتك من فوق [ 5000 مواضيع وردود ]

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع