كل العظايم تسبح للعظيم

كـل العظايـم تسبـح للعظيـم=اللي جعل فـي الحيـاة آياتهـا
يارب اجرني من الفعل الاثيـم=ايضا ومن شـر نفسـي ذاتهـا
ارحم عبادك بفضلـك يارحيـم=انـت الـذي عـالـم نياتـهـا
تجاوز الذنـب عنهـا ياكريـم=واغفر لها واعف عـن سياتهـا
ياحاكم الكون بالامـر الحكيـم=اوامـر ك نـافـذه غاياتـهـا
في ثانيه تجعـل العالـم رميـم=واحييت في الارض كل امواتها
اهتز قاع البحر تحت الخضيـم=واتركزت في السماء مواجاتهـا
مستنفره غاضبه بامـر العليـم=اوامـرٍ مـن سماهـا جاتـهـا
تدافعت تصرم الدنيـا صريـم=مـن قـدرة الله دعـا قدراتهـا
توجهت تحمل الغيـظ الكظيـم=ترمي علـى اليابسـه ويلاتهـا
تنطح مدنها الجميله في الصميم=وامسـت تسافـر مـع قواتهـا
تفـرق الام والابـن الفطـيـم=واطفـال ماوضحـت لهجاتهـا
غابوا ورى جامح المد العريـم=لمح البصر واختفت صيحاتهـا
هذي البحار الذي تلطـم لطيـم=كفـاك ربـي سخـط لجاتهـا
حدث الاهي حدث فادح جسيـم=يصحي النـاس مـن غفلاتهـا
ياصاحب الفكر والعقل السليـم=النفـس تنـدم علـى مافتـهـا
شرق آسيا والمأسي والجحيـم=النـاس فيهـا دنـت ساعاتهـا
تمزق الجمع والشمـل الحميـم=ناثـرت فـي الميـاه اشتاتهـا
تساوت الارض والبيت الرخيم=كن المدن غـادرت ساحاتهـا
تجلجل اصواتها مثـل الهزيـم=اقوى المنازل حنـت هاماتهـا
تجـر معهـا جديـده والقديـم=ياالبـر كـل الذخايـر هاتهـا
والمنتـدى والمنـادم والنـديـم=راحت وهي ماقضـت لذاتهـا
عقب الطرب والتهاني والنعيـم=الموت يرقص علـى قاعاتهـا
تغير المنظـر الحلـو الوسيـم=اطفت ليـال الفـرح شمعاتهـا
كيف اصبحت يامسلِـم ياسليـم=يستوحش الموت من صيحاتهـا
اجسام متعثـره بيـن الهشيـم=تخلفـت مـن ورى عجاتـهـا
واللي بقي حـي متبلـد سقيـم=لـه روح ماتحتمـل علاتـهـا
زودٍ على اللي حدث فكره يهيم=خايـف تعـود لهـا هزاتـهـا
من وين ماتلتفـت منظـر أليـم=مشاهد المـوت فـي لحظاتهـا
كم ابتلع طايش البحـر الغريـم=ارواح ضاعـت بهـا حيلاتهـا
جارف جرف ماوجد فوق الاديم=الواقفـه فـي طريقـه شاتهـا
لا يابحر جعل مانته لي خصيم=ليلـه علـى جانبـك ماباتـهـا
اشوف لولك ومرجانـك ذميـم=واحنـا نفاخـر بملبوساتـهـا
والحوت ماناكله شمـه وخيـم=الله خلـق بارضنـا جناتـهـا
وصلوا على هادي الدرب القويم=صـلاه ترجـح بهـا كفاتـهـا