رواية جنوبية برت حالي ولا دري وين ديرتها

3 - 6 - 2021, 09:08 AM

البارت 96

محمد بجزع من كلام جده وفي داخل قلبه لا إن شاء هو مايتحمل فكرة انها تموت والله مايتحمل ماراح يسامح نفسه هو السبب في اللي صار لها ..
وصل المستشفى بوقت قياسي ودخل وهو يروح الأستقبال ويكلمهم وماهو عارف ايش يقول لهم يحس انه ضايع خلص من الأستقبال بعد ماسجل بياناتها وتروح معه ممرضتين معهم كرسي وصل السيارة وهو ينزل النقاب على وجها ويشيلها وينزلها على الكرسي ويتحرك معهم داخل المستشفى وقف وهو يشوف الممرضات ينزلونها
على السرير والممرضة تسأله ايش فيها وهو يجاوب وعيونه مثبته على وجها وركبوا لها اكسجين بسرعة والممرضة الثانية تقيس لها الضغط انتبه لوجود جده وجدته معه تحرك لعندها وهو يعدل راسها على المخدة وهي غيابه عن الوعي شكلها كذا كسر خاطرة الف مرة رفع راسه والستارة تنسحب ويتفاجئ بدخول الدكتور انصدم هو طلب دكتورة اول شي سواه انه حط الطرحة على وجها ويتحرك ناحية الدكتور : لو سمحت اطلع
وهو يناظر الدكتور المتفاجئ من كلامه .
الدكتور/ عفوا ليش اطلع لازم افحص المريضة
محمد بغضب : انا طلبت دكتورة ليش جيت هنا.!
الدكتور وهو يناظر فيه : حاليآ مافي دكتورة انا الطبيب المناوب في الطواري وبس.؟
محمد بغضب : اجل توكل على الله .؟
الدكتور / براحتك بس تعال وقع على مسؤليتك المريضة منخفض عندها الضغط مرة .!
الجد محمد بغضب من ولد ولده وماهو وقته ذحين : محمد انثبر مكانك وهو يقول دكتور روح شوف شغلك وانت تعال هنا وهو يسحب محمد عنده بقوة
محمد/لا ياجد تكفى زوجتي لا يكشف عليها
وهو يتحرك مندفع خارج الستارة من جده واصطدم في ابوه واخوانه وريم اللي كانت معهم.!
علي وبأستغراب وهو يشوف ابوه ماسك ولده من صدره ويدفه بقوة في السيب : خير إن شاء الله ايش اللي صااير .!
الجد محمد بغضب : اقلع ولدك من هنا قبل اهبده بالعصا زوجته بتموت ورفض الدكتور يكشف عليها ،!
علي وهو يناظر في ولده الثائر يعرف غيرة ولده : طيب مافي دكتورة .!
ريم اللي كانت منهارة وقفت وهي تسمع لهم ولهواشهم مشت بسرعة متجاوزتهم : انتوا ماتخافون الله البنت ميته داخل وانتوا تنتظرون دكتورة خافوا الله ودخلت عند اشواق ،!
محمد بغضب وكره : يبه اقلع مرتك من هنا مالها دخل
الجد محمد/إلا انت انقلع يامحمد احسن لك حد النفس طيبة عليك
سكت وهو يشوف الدكتور يخرج : مين ولي أمر المريضة .؟
محمد وهو يتقدم له وعيونه حمرا : انا زوجها ،؟
الدكتور / لازم تجي تسدد الفاتورة علشان نسوي لها تحاليل قبل مااعطيها شي يمكن تكون حامل .؟
محمد اللي كأنه انصفق على وجه من كلام الدكتور : لاااا وين حامل مستحيل .؟
احمد وهو يشوف حال اخوه : كيف ..؟ قال لدكتور انا بروح معك ..وانت يقصد محمد ادخل تطمن على زوجتك وراح مع الدكتور.!
محمد تجاوز ابوه وجده اللي وافقين بسرعة وهو يدخل ويشوف ريم اللي حاضنه اشواق وهي تبكي وقف يناظر فيها وفي جدته وفي ابوه اللي دخل مع جده قال : يبه خل ذي تبعد بشوف زوجتي
علي زفر بقوة الليلة مضغوط بشكل غير طبيعي ليلة زواجه ماتهنى بها الله لا يوفقش ياعايشة وين مارحتي قرب من ريم وهو يمسكها وبشويش
: ريم بعدي عنها ترى كذا كتمتيها وهو يسحبها
تعالي إن شاء الله انها بخير مجرد هبوط ضغط
ريم وهي تنهار وتبكي : لا ماهو مجرد هبوط ضغط هي تعبانه ومضغوطه نفسيآ منا كلنا وتدارينا وناسيه نفسها خايفة عليها تموت انا اعرف اشواق كتومة مرة اول مرة تطيح كذا علي شوف وجها كيف والله انها بتموت ،؟
علي وهو يحاول يمسك نفسه ما يحضنها قدام اهله مكتوب عليه مايلتقي فيها إلا وهي تبكي : اش اسكتي خلاص ان شاء الله انها بخير .؟
ويسحبها ويقعدها على الكرسي الثاني وهو ماسك يدها ،.!
محمد /اللي يحاول يمسك نفسه عن ريم تحرك لعند اشواق ويقرب منها وهو يشوف سلك المغذي الموصول بيدها وكمام الأكسجين على وجها وشعرها متناثر على وجها وعلى المخدة حس بغيرة وهو يذكر ان الدكتور شافها كذا دنق وهو يحاول يرفع الطرحة على شعرها اختنق من قربها ومن ريحة شعرها غمض عيونه بقوة وهو ياخذ نفس طويل محمل بريحتها مسك يدها وهو يجلس قربها مايدري ليش جلس عندها ناظر في يدها اللي بين يديه حرك الدبلة بأصبعه بدون شعور منه رفع عيونه للممرضة اللي وقفت قريب منه ومعها علبة كلها ادوات طبية فهم انها بتاخذ تحليل فك يدها ووقف
متحرك مبتعد عن الممرضة بدون مايناظر لها خرج وهو يشوف جده واحمد اللي جالسين على الكراسي في الممر..وقف له أحمد من شافه
محمد تعال اجلس تطمن إن شاء الله انها بخير رحت انا وجدي وسألنا الدكتور قال هبوط حاد في الضغط وراح ترتاح مع المغذي والأبر و يشوف نتائج التحليل تطمن ،.!

3 - 6 - 2021, 09:09 AM

البارت 97

محمد وهو يناظر اخوه مارد عليه وهو يقول : بكم سددت الفاتورة .؟
أحمد وهو يأشر على جده : هو اللي رفض محد يسدد غيره .!
محمد ماقدر يجلس يحس انه قلقان وخايف عليها شاف الممرضة تخرج من عندها ورجع يدخل عندها وهو يشوف جدته جالسه جنب اشواق وتقرأ عليها وابوه مع زوجته جالسين يناظرون في زوجته رفع يده وهو يناظر في الساعة وشاف انها 11في الليل رجع ناظر في ابوه : يبه خلاص خذ زوجتك وجدي وجدتي وتيسروا باقي معك رحلة ترى رحلتكم

من ابها الساعه1 يادوب يمديكم تخلصون وزحمة الطريق واشواق انا بجلس معها .؟

علي وهو يناظر في ولده ولا توقع انه يسوي كذا وهو يشوف الخوف في عيونه على اشواق وكيف شالها من عند اخواتها وهو يدفهم بدون مايحس رجع ناظر في ريم ومسك يدها : ريم يله لازم نمشي علشان ماتفوتنا الرحلة اشواق ان شاء الله انها طيبة وانتي سمعتي الممرضة قبل شوي لما سألتيها قالت انها بخير ونايمة علشان المهدي اللي حاطينه لها في المغذي.؟
ريم بأعتراض/ لا ماراح اروح واخليها وماهو لازم نسافر خذ عمتي وعمي وروحوا عند البنات وانا بجلس معها .؟
محمد بحزم وهو كاره وجودها : يبه خذ زوجتك وتوكلوا زوجتي محد بيجلس معها غيري وهو يوقف
يتحرك وجلس عند اشواق ويمسك يدها ،.؟
ريم بغضب وهو تفك يدها من علي اللي يوقفها ويسحبها : فك يدي ماراح اتحرك من هنا .؟
صوت الجد الحازم / ريم يابنتي قومي مع زوجش وحتى انا وعمتش هيلة بنروح واشواق ماعليها خلاف زوجها معها،.؟
وقفت ريم بقلة حيلة وقهر وغصب عنها وهي تضبط نقابها والعبرة تخنقها كيف بالله يكون لها نفس تسافر شهر عسل واختها كذا بس ماعاد لها كلمة وهي تشوف زوج أشواق جالس بحضنها ومعطيها ظهره حتى مو قادرة تقول له يبعد علشان تسلم عليها رفعت عيونها لعلي اللي فهم عليها وهي تسمعه يقول لولده يبعد عنها علشان تسلم على اشواق تحركت مبتعده عن طريقة وهي تشوفه يقوم بعصبية ويوقف في الزواية قربت من اشواق وهي تدنق وتبوس عيونها بكت غصب عنها الليلة اللي مفروض تكون اسعد إنسانة ليلة زواجها كلها كانت كتلة من الحزن فراق أمها وطيحت اشواق قدامها رفعت راسها منها وهي تقول بهمس : استودعتك الله فيش وهي تمنع شهقتها تخرج تحركت مبتعده تخرج حتى مانتظرت زوجها مشت بدون ماتحس بنفسها لين وصلت مواقف المستشفى رفعت راسها لفوق وهي تنهار وتبكي يالله متى نرتاح ياارب حست في زوجها يمسك يدها وبخوف بان في صوته : ريم الله يصلحش ليش خرجتي بدون ما تنظرين اسلم على اهلي خفت عليش.؟
ناظرت فيه بضياع ولا ردت عليه تحركت معه لين ركبت وهي تنهار وتبكي بقوة شي جاثم على صدرها شي يخنقها .،؟
علي وهو يشغل السيارة ويسمع شهقاتها المتتالية اللي يحس انها تقطع قلبه هو ماقال لها شي خلاها تبكي لين ترتاح محد يلومها اختها وامها تحرك خارج من موافق المستشفى وهو يلمح سيارة احمد وراه تمشي ومعه جده وجدته رجع لف لها وهي مازالت تبكي رفع جواله وهو يتصل على ندى وقال لها جهزي شنط ريم شوي وبنجي ناخذها وقفل منها .؟
قرر يوقف على جنب الطريق مسك يد ريم : ريم خلاص ليش الدموع ذي كلها مجرد ارهاق وبتقوم إن شاء الله اشواق قوية اعرفها .؟
ريم/ البلا انها قوية ياعلي ليتها مثلنا تبكي وتصيح وتعترض وماكان هذا حالها واللي زاد ولدك المعقد هذا ليش يتحكم فيها ويرفض اجلس معها ويرفض ان دكتور يكشف عليها .؟
علي فك يدها وهو يسمع كلامها صح ان محمد كان قاسي في كلامه مع ريم بس مالها حق تقول انه معقد .. وبصوت مرتفع : ريم كل شي إلا عيالي لو سمحتي وخاصة محمد من حقه يرفض ان دكتور يشوف زوجته و زوجها اولى انه يجلس معها .؟
ريم وهي ترفع عيونها لوجهه اللي تغير وملامحه كلها تنطق عصبية والدليل حدة حواجبه المتقاربة من بعض وبدون شعور منها لا ماله حق يخليها تموت علشان انه يغار وكلام فاضي وانت بعد مالك حق تنافخ علي يله رجعني البيت لو سمحت وهي تلف بوجها عنه.،؟
علي غمض عيونه بقوة وهو يزفر تعوذ من الشيطان واخذ له علبة مويه ونزل من السيارة اول مرة يعصب
كذا بس مايحب احد يتكلم على عياله قفل الباب وهو يتحرك مبتعد عن السيارة وينزل الموية الأرض ويفتح كبك الثوب ويشمر يدينه لفوق ويبدأ يتوضي علشان تخف عصبيته ولا يبغى تكون اول ليلة له مع ريم تبدأ كذا ..الليلة اللي كان يخطط لها ويحلم فيها خلص من الوضوء ..
ولف متحرك ناحية باب ريم وهو يفتحه شافها كيف خافت لما فتح الباب عليها قرب منها وهو يشيل نقابها عن وجها وهي تنزل راسها علشان مايشوف وجها رفع راسها وهو يناظر لها : ريم انا اسف والله انا اسف ماكنت اتمنى تكون اول ليلة لنا مع بعض كذا ..

3 - 6 - 2021, 09:09 AM

البارت 98

شافها تناظر فيه بحده حضن وجها وهو يقرب منها لين لمس خشمه خشمها وصار يتنفس ريحتها ماقدر يقاوم حس فيها تدفه حس على نفسه وهو يتراجع عنها يشوف وجها اللي تغير ضحك وهو يقول : من اليوم ورايح يكون اعتذاري كذا ويمكن اقوى عمومآ ساعديني ياريم نتجاوز الليلة على خير ولاتنسي ترى انت مديونه لي كثير ولازم تسددين الدين ايام وانا ارتجي وصلش وانت تصدين
مسك يدها وهو يقول : ايش رايش نكنسل رحلة تركيا لبكرة والليلة ناخذ لنا فندق احسن
وهو يضحك على ردة فعلها وهي تسحب يدها منه بقوة وهي تقول : لا لازم نسافر الليلة .؟
علي وهو يضحك : اها حلو مستمرة تهربين مني عادي ترى بالي طويل وبنتظر ويله البسي نقابش علشان نمشي قبل تفوتنا الرحلة وهو يقفل بابها
ويتحرك من قدام السيارة ويركب .،؟
ظيمنع
ظيمنع
محمد اللي واقف مع الدكتور مجبر يتمنى يخرج عيون الدكتور من مكانها..سمع الدكتور وهو يقول : زوجتك عندها نقص كبير في الفيتامينات والمعادن والحديد وفقر دم حاد وفيتامين دال عندها مرة منخفض 5/ راح نعطيها ذحين حديد عبر الوريد في مغذي وبعد كل خمس ايام تجي وتاخذ حديد لين ترتفع نسبته ..راح اصرف لها قطر فيتامين دال ضروري ومقويات علشان الدم وتهتم في آكلها وخرج.؟
لف يناظر لها وهي على نفس وضعها مو راضية تفتح عيونها الدكتور يقول النوم ذا بفعل المغذي والأبر جلس جنبها وهو يمسك يدها ويناظر وجها
قرب منها وهو يحط اصبعه على شفايفها المجروحة بسببه وكره نفسه
رفع راسه وهو يبحر بعيونها في تقاسيم وجها الفاتن ايه بالله انها اجمل ماشافت عيونه لكن البلا من قلبي ومن زوجها الأول اللي يحسه كل ماقرب منها انه واقف بينه وبينها غمض عيونه بقهر وهو يحاول يطرد الفكرة من عقلة تمنى ذحين تفتح عيونها له لو شوي اشتاق يغرق في بحر عيونها حط اصبعه
على رموشها الكثيفة يتحسسها بشويش يتأكد انها طبيعية بعد عيونه عنها وهو يشوف الممرضة توقف عندها وتركب لها محلول ثاني وتناظر فيه وتقول : مافي خوف بابا إن شاء الله كويس بس لازم آكل كويس ومافي زعلان مرة علشان ضغط مافي تحت ،؟
زفر ومارد عليها وهو يرجع يغرق في تفاصيل وجها من جديد ويشد على يدها ويفكر في حاله معها وشعوره ناحيتها يعيش صراع متحدم في صدره.!
مايدري كم مضى من الوقت وهو يناظر لها ويناظر ادق تفاصيل وجها حس فيها تشد على يده بضعف وحس قلبه ينبض من جديد راقب حركات رموش عيونها وهي تحاول تفتحها شوي وترجع تغمض وتكرر نفس الحركة اكثر من مرة لين فتحت عيونها وهي تناظر له بنظرات عجز يفسرها .؟
أشواق وهي مابين الوعي وإلا وعي تحس راسها يدور وثقل فيه تحس بيد قوية تشد على يدها بقوة وكل ماحاولت هي تشد عليها ماتقدر تحاول تذكر ايش صاار ووين هي وامها واخواتها وين .،؟
كل اللي تذكره ان قلبها مثل السكينة فيه حاولت توقف تثبت ماقدرت وهي تسمع اصوات متفاوته
تنادي بأسمها وهي عجز لسانها يرد ثقيل وبعدها غابت عن الوعي.؟
فتحت عيونها وهي تشوف وجه قريب منها حيل رجعت تغمض يمكن تتخيل رجعت فتحتها وهي تشوفه من جديد حاولت تسحب يدها من يده وماقدرت حاولت تجلس بس ماقدرت من الصداع اللي رجع يهاجم راسها بقوة وهي تغمض عيونها سمعت صوته الخائف ينادي بأسمها بنبرة مختلفة : أشواق ايش تحسين فيه
وهو يحط يده على راسها ،.!!
فتحت عيونها وهي صارت تحس بأنفاسه على بشرة وجها ناظرت فيه قالت له : ابغى اجلس ساعدني
ماتدري ليش قالت له كذا.؟
محمد بجمود قرب منها وهو يمسكها من كتوفها ويسندها ويضغط الكرسي لين ارتفع وصارت في وضع الجلوس وشعرها منثور حولها بشكل مثير ،؟
أشواق غمضت عيونها واول سؤال تبارد لذهنها أمها صدق خلاص راحت وإلا كانت تحلم رفعت عيونها له وهي تسأل : أمي صدق راحت .؟
محمد بضيق حاول مايظهره قرب وهو يمسك يدها : ايوه راحت وإن شاء الله انها بخير وعند ولد اخوها قبل شوي كلمت السواق عمر يقول انهم بخير ووصلوا نجران وامش طيبة ،؟
أشواق وهي تناظر فيه وهو يتكلم ماتدري ليش حست فيه متغير ماهو نفسه اللي العصر ابد قالت له : واخواتي جدي وجدتي وكأنها تذكرت شي وريم وعمي علي ،؟
محمد/ كلهم بخير جدي وجدي كانوا هنا وقبل شوي راحوا وابوي وريم كانوا هنا وانا قلت لهم يروحون علشان ماتفوتهم الرحلة رغم ان ريم رفضت تروح بس جدي حلف عليها تروح.؟
أشواق/ ياعمري ياريم الله يوفقها ويسعدها خربت عليها فرحتها كنت مقررة انا والبنات نروح معها المطار،.
محمد وهو يناظر فيها ببساطة كيف تكلمه بدون حواجز وناسيه كل شي حتى اللي سواه العصر نسيت منه صار يخاف منها البنت ذي ايش وراها.،؟

3 - 6 - 2021, 09:09 AM

البارت 99

أشواق وهي تناظر زوجها بنظرات ماتدري ايش هي عجزت تحدد موقفها منه هي متقبله فكرة الزواج منه وماعندها اي مانع بس خايفة انها تفشل في حياتها الجديدة معه خاصة انها عرفت شخصيته العصبية ومزاجه المتغير رغم ان تصرفه العصر معها جرحها كثير ورد على الندبة اللي متوسطة خشمه والله انها ذحين ندمانه ماتدري ليش
فجأه ندمت كثير ..هي بتحاول قد ماتقدر ان الزواج هذا يستمر مهما صار هي مؤمنة بأختيار الله لها مهما كان وليس سلبية منها انها وافقت تتنازل عن وظيفتها لأن جدها جاها وهو منكسر وهو يقول أشواق طلبتش لا ترديني انا رجال دمي حار واغار على محارمي ولا ارضى لش مهنة الطب ابد والله اني ذحين اموت الف مرة كل ما اتذكر انش كنتي دكتورة وانا واثق فيش بس حنا نغار على طرف محارمنا وسبق أميرة بنت عمش علي كانت تبغى تمريض ورفضنا ..وانتي بنت شيوخ خمس من جدانش كلهم شيوخ معروفين .،؟
لو فكرت فيها من ناحية ثانية هي تعبت من داومها تعبت كثير واخذ منها كل وقتها وعندها دخل كبير يجيها من عقارات ..ورصيد في البنك وفله وعيادة خاصة فيها يعني ماهي خسرانه شي تبغى ترتاح سنة سنتين ثلاث سنوات حلمها أسرة واطفال وعائلة قالت له ابشر ماطلبت شي وجدها يستاهل
اللي يلبي له طلبه وهو فعلآ يغار حتى على جدتها العجوز اجل كيف هي واخواتها .؟
هي بتحاول قد ماتقدر ان الزواج هذا ينجح ويستمر هي ماتحب الفشل راح تتمسك بزوجها نفس ماقالت لها أمها راح تطبق وصايا أمها .؟
وجدتها هيلة قالت لها تمسكي في زوجش حتى لو كان عصبي ترى محمد انا ربيته واعرف انه حنون بس مايظهر حنانه .!
رفعت عيونها للممرضة اللي دخلت وهي تبتسم لها وتفك المغذي من يدها وزوجها باقي جالس جنبها وماسك يدها الثانية بدون مايتكلم ..
فكت يدها من يده بشويش وهي ترفع يدها الثانية وتلف شعرها وترجع تلف الطرحة على شعرها وتلبس نقابها حاولت تعدل جلستها وتقوم ماقدرت حست نفسها بينقطع رجعت تجلس .؟
محمد اللي يراقبها عرف انها مو قادرة تقوم قرب منها وهو يمسك يدها : يله قومي انا بساعدش العربية قريبه هنا
وقفت معه وهي تناظر تحت عند رجولها عرف انها تدور حذيانها قال لها : جيتي بدون حذيان ناظرت فيه كأنها تقول كيف
أمشي طيب .،
قال لها العربية هنا قريب مشت معه وهو يفك يدها ويحاوط كتوفها بيده ويحس فيها ترجف من قربه
جلست على العربية وهو يدفها لين وصلوا موافق السيارات قربت من السيارة وهي تسمع صوتها وتشتغل الأنوار حقتها فتح الباب وهو يساعدها تركب وقفل الباب،.
غمضت عيونها وهي تحس بدوار في راسها وصداع تعرف انها اعراض هبوط ضغط علشان كذا ماسألت ايش عندها وعرفت من محلول الحديد اللي في المغذي ..حست فيه يركب جنبها ويشغل السيارة ويحركها ويمشي مبتعد عن مواقف المستشفى سمعت صوت جواله يدق ويرد عليه : هلا الحمدلله بخير هذا حنا طالعين من المستشفى وقفل بدون اي كلمة زيادة
لفت تناظر له وملامحه المشدودة مااسرع تغير مزاجه وقلب كذا فجأه شالت عيونها عنه وهو ينزل الصيدلية
سندت راسها على الشبااك وهي تذكر أمها ورحيلها الموجع
لهم ولها يالله ماعمرها تخيلت بشاعة رحيلها وماكان بيدها انها تمنعها مستحيل امها تتراجع عن اي قرار تتخذه علشان كذا فضلت تشاهدها ترحل عنهم وهي ساكته لين شافتها تخرج مع البواية وبعدها هي غابت عن الوعي ..
وصلوا البيت وهي تحس بوحشته قبل تدخله شافته ينزل ويفتح لها الباب بعصبية وهو يقول بحدة تقدري تمشي لوحدش وإلا اساعدش
رفعت عيونها له وهي تستغرب تغير مزاجه بسرعة كذا ..وبأختصار : لا مشكور اقدر امشي لوحدي
نزلت من السيارة وهي تحاول توزن نفسها وتمشي وهو يمشي قريب منها لين وصلت البوابة دخلت وهي تشوف جدها واقف عند الباب ينتظرها
بمجرد ماشافها قطع المسافة بينهم وهو يتحرك لها وبفرحة ويحضنها : الف لا بأس عليش ياروح جدش اخذتي قلبي الليلة .،
اشواق بحب : جعلك تسلم واسفة اني خوفتكم وينها جدتي .؟
الجد محمد وهو يفكها ويناظر في سميه وهو يدخل المجلس قال لها : جدتش نامت صدعت شوي وندى اعطتها حبوب ونامت .؟
اشواق وهي تحس بضيق في صدرها والدوار يرجع لها وهي تحس بوحشة في قلبها على أمها مسكت يد جدها علشان ماتطيح غمضت عيونها وهي تسمع صوت جدها الخايف عليها ينادي فتحت عيونها وهي تقول : لا تخاف انا بخير بس دوخة بسيطه وحست في
جدها يدنق لها ويحط يد تحت راسها والثانية تحت رجولها ويشيلها وهو يقول والله مايدخلش الغرفة إلا انا وهو يضحك على اعتراضها .
ظيمنع
ظيمنع
دخل المجلس بدون هدف ورجع خرج منه ولا يدري ايش يبغى رجع يدخل المقلط وهو يخلع ثوبه ويعلقه بالباب وينسدح يحس انه غير مرتاح يبغى يروح لها غمض عيونه وهو يرفع يده ويشوف انها الساعة ثلاث الفجر حاول ينااام وعجز قام اخذ جواله من جيب ثوبه وضغط رقمها وحصله مقفل كيف ذحين يطمئن عليها بدون مايتصل على جده ..؟

3 - 6 - 2021, 09:10 AM

البارت 100

رجع ينسدح ويقول ايش دخلني منها خلاص حتى علاجها في السيارة مانزله حط يده على وجه وهو يحاول يغمض عيونه بس صورتها قدام عيونه ريحتها عالقة فيه مايدري كم مر عليه من الوقت وهو مغمض عيونه في محاولة انه ينام وعجز فتح عيونه وهو يسمع صوت في المجلس استغرب مين مستحيل يكون جده او وحده من بنات عمه وقف وهو يتحرك بشويش ويخرج مع باب المقلط اللي ماقفله لما دخل وفعلآ الصوت من المجلس جاي خرج وهو يوقف عند باب المجلس وهو يشوف زوجته قدامه لابسه بيجامه كاروهات وردي وخطوط كحلي ومن فوق وردي سادة بأكمام قصيرة رافعه شعرها كله لفوق ومعها منشفه بيدها وتنظف الكنب ومساحة مع علبتها مو صاحية ذي تشتغل وهي تعبانه نفس ماقالت جدته تقول اشواق بنت احمد جت نفس طبعي لما اكون متضايقة اقوم اشتغل شافها بسرعة تكمل تنظيف الكنب وتمسح الطاولات وترفعها على الكنب وتاخذ المكنسة وتكنس بدون ماتنتبه له
شافها توقف وتحط يدها على راسها وتغمض عيونها وترجع تجلس على الكنب وهي تحط يدها على قلبها وترفع راسها لفوق وهي تهتف : يارب يارب ريحني انا واخواتي يارب وفقنا
بلعت ريقها بصعوبة وهي تقول يارب أمي وسكتتتت وهي تغمض عيونها ....يارب وحدك تعلم كيف تعبت علينا ..وكيف حنا نحبها اضعاف
تعبها علينا يارب ان الفراق حال دوننا بدون حول منا ولاقوة يارب جعلتها في ودائعك ..وسكتت
ورجعت تهتف يارب اني استودعك جدي وجدتي يارب انهم من اشيائي المحببه لقلبي يارب لا تريني فيهم بأس يبكيني وسكتت...ورجعت تهتف يارب احفظ عمي وعياله بحفظك ورعايتك ..يارب احفظ
لي زوجي وسكتت ..واجعله قرة عين لي واجعلني قرة عين له
يارب فرج همي وهم كل مهموم ومكروب يارب وهي تحط يديها على صدرها وترجع تنسدح
وهي تضم نفسها بقوة ...شكلها وطريقة كلامها خلاه غصب عنه ينهزم الإنسانة اللي قدامه مستحيل تكون طبيعية وهي تدعي كان يشوف حولها هاله من النور غصب عنه رق قلبه لها ومال خاصة لما خصته بالدعاء وهي تنطق زوجي كل مرة تهزمه وتتفنن في هزمه هي مزيج مختلط من القوة والشجاعة والحكمة والحلم والحنان وكل شي ..ماحس بنفسه إلا هو يتقدم لها ويوقف قدامها مباشرة يشوفها مغمضه عيونها يناظر فيها يالله ايش سوت فيه البنت هذي كان يتمنى انها تقوم تصارخ عليه وتهاوش تنتصر لنفسها منه بس كل مرة تصدمه بشي ..
شافها تفتح عيونها لما حست فيه وتحاول تجلس جلس على ركبه قدامها ومسك يدها : لين متى تستمرين تعذبين نفسش ليش تشتغلين وانتي تعبانه ليش فك يدها وهي تعدل جلستها وهي مرتبكه من وجوده ومتفاجئه وهي ترجع تلم شعرها لفوق وتثبته بدون ماترد عليه .؟!
قام وهو يجلس جنبها ومسك يدها وهو يناظر لها : اشواق ناظري فيني .؟
رفعت عيونها وليتها مارفعت عيونها نظرتها ترهق قلبه حاول يشتت انتباهه خاصة ان طيف ماهر يحول حولهم ويجثم على صدره قال لها: عادي اطلب منش طلب .،؟!
اشواق وهي تحس انها تورطت ماكنت تحسب انه موجود ابد توقعت انه راح وكانت تبغى تشغل نفسها بأي شي علشان ماتفكر وهذا طبعها قررت تنظف المجلس بما ان اخواتها وجدها وجدتها نايمين اثاري زوجها هنا يالله لا شكل يساعد ولا شي
رفعت عيونها له وهو يأسرها بعيونه وملامحه المميزة وبدون شعور منها: ابشر من عيوني اذا اقدر وهي ترجف من قربه .،!
محمد وهو يسمع كلامها كمية لطافه وذوق وأدب فيها ماعمره شافه تنهد وهو يقول : تسلمين انا جيعان اذا تقدري تسوي لي آكل .؟
اشواق مستغربه منه : خلاص ابشر نفسك في شي معين وإلا اسوي لك اي شي .؟
محمد رغم انها تعبانه ماقالت له لا ..قال لها : ابغااه آكل صحي بيض جبن حليب سلطة خضار اذا موجود.؟
شافها تفك يدها وهي تقول : ابشر دقايق وهي عندك وتتحرك خارجه من المجلس وريحتها باقي في المكاان ....راقبها وهي تخرج وقف
وهو يخرج وياخذ مفتاحه علشان يجيب لها العلاج ورجع المجلس ينتظرها كل اللي يفكر فيه انها لازم تاكل حتى لو غصب وتهتم في نفسها.؟
أشواق دخلت المطبخ وهي تحس الدوخه ترجع لها نزلت آلة سلق البيض وهي تحط فيها اربع حبات بيض وشوي مويه علشان اذا صحيت جدتها وجدها تكون جاهزة .،؟ وسوت حليب وحطته في براد صغير .،؟
سوت سلطة خضار سريعة .؟
طلعت علبة فول وسوتها على السريع ريم تحب تسوي كشنه كميات كبيرة وتفرزنها.؟
حطت جبن وقشطة وعسل وزيتون في صحون سخنت الخبز .؟ اخرجت صحن كبير وهي تحط فيه سفرة وبراد الحليب وفناجيل وحطت الصحون وراحت تغير ملابسها وغسلت وجها وتعطرت مهما كان هذا زوجها لازم تكون بشكل مناسب قدامه.؟
اخذت الصحن وهي تخرج من الصالة لين وصلت باب المجلس وتدخل وهي تشوفه يناظر في جواله بملامح جامدة كان لابس سروال وفانيله وذحين لابس روب نوم اسود مخطط بفضي وشعره واصل لرقبته حطت الصحن في الأرض وهي تفرش السفرة وترتب عليها الصحون .؟

3 - 6 - 2021, 09:10 AM

محمد رفع عيونه من الجوال وهو يناظر فيها البنت ذي ناويه تذبحه كانت لابسه بيجامه وذحين غيرت بنطلون جنز ازرق فاتح وبلوزة اسود طويلة سمعها تقول له بصوتها اللي يحس ان كله غنج بدون قصد منها تفضل ..؟
وقف وهو ينزل الجوال على الكنب ويتحرك ماسكها من يدها وهو يشوف الذعر والخوف في عيونها مهما وضحت انها قوية قدامه سحبها وهو يقول الفطور هذا كله انتي راح تاكلينه كله وهو يجبرها تجلس معه ولاصقه فيه.؟
اشواق وهي تحاول تسحب يدها منه : محمد والله مالي نفس مااقدر آكل معليش عليك بالعافية
محمد وهو شاد على يدها وبدون مايرد عليها وبيده الثانية يصب حليب ويقطع خبز ويغمسه في القشطة وبعدين في العسل ويقربها من فمها وهي ترجع راسها لورا رجع فك يدها وهو يمسك كتوفها ويثبتها وبحزم اشواق والله ماغير تاكلين يله افتحي فمك انا حلفت الدكتور يقول ان جسمك يعاني من نقص فيتامينات وسوء تغذيه.
اشواق ياربي ايش الورطه هذي تحس شوي وبيدخلها صدره من كثر ماهو مقربها منه وعلشان تخلص نفسها قربت منه وهي تفتح فمها وتاكل من يده ..يالله ايش الشعور هذا اللي تحسه معه غمضت عيونها وهي تمضغ وتحاول تبلع فتحت عيونها وهو تشوفه مقرب لها كوب الحليب ويأمرها تشرب إنسان غريب حتى وهو يأكلها معصب ماتدري ليش رفعت يدها علشان تاخذ كوب الحليب وهي تقول له برجاء محمد الله يخليك هات الحليب انا بشرب وباكل بيدي ،؟
محمد وهو يحاول يمسك نفسه عنها ويحاول يتغلب على عثرة وجود ماهر بينهم وهو يتخيله معها اعطاها كوب الحليب وبضيق : اشواق لازم تاكلين ماهو على كيفش كل مرة تطيحين وتخوفين جدي وجدتي عليش ..وماهو كل مرة بظل اشيلش واخذش المستشفى.؟
اشواق وهي تشرب الحليب وهي تستمع وبنظرة ماتخيب عرفت شخصيته يكابر ويظهر عكس مايخبي
لما دخلت عند اخواتها قالوا لها زوجش تجنن لما طحتي ماخلا احد قدامه مادفه علشان يشيلش وجدها قال
زوجش الليلة فضحنا في المستشفى ليش دكتور يكشف عليش اشياء كانت تتمناها وصارت تشوف اجزاء منها ..ضحكت له وهي تقول : زوجتك وملزوم فيني تشيلني.؟
محمد بعصبية مايدري ليش يمكن لانه صار مكشوف قدامها قام بغضب وهو يقول هذا كيس علاجتش استخدميها بعد الأكل واهتمي بنفسش بلا دلع زايد محد فاضي لش وبعد خمس ايام تروحين تاخذين محلول الحديد جدي راح يكون معش لا تروحين مع السواق لوحدش يااشواق مهما كان سمعتي انا بصلي الفجر وبنزل نجران لازم الدوام وقبل مايخرج قال لها أشواق لا يجيني خبر انش رحتي مع السواق اي مكان لوحدش لازم جدي يكون معش سمعتي ..
وخرج قبل مايسمع منها اي رد ...

11 - 6 - 2021, 04:58 AM

البارت 101

بعد ثلاث أسابيع..

ويوم الزواج عند الرجال العصر في افخم قاعات أبها الحضور من قبل صلاة العصر كان العدد كبير جدآ.. عبارة عن وفود قبائل وشيوخ يعرفون الجد محمد كل وفد يتقدمه شيخ القبيلة ومعه عانية زواج (هي عبارة عن مبالغ مالية غالبآ تكون مبالغ ضخمه على حسب مكانة العريس وصلة قرابته بهم .. او هدايا ثمينة غالبآ ماتكون سيف ،رشاش . مسدس،مشالح فاخرة .وبعضهم سيارات )
الجد محمد وهو يتوسط ساحة القصر وحوله ولده علي العريس وهو يناظر فيه اللي متغير تغير جذري من شافه داخل عليه البارح ماعرفه سبحان الله في ثلاث اسابيع رجع ولده اصغر من عمره الحقيقي والراحة باينه عليه رغم اني عصبت عليه ليش مارجع من تركيا إلا البارح وكنت ناوي اتصل عليه ويرجع من ثاني اسبوع يساعدني بس نشبت لي خزامى تقول وجهي عليك ياجد تخلي عمي وريم ينبسطون ولاحبيت اردها الغالية تعلقت في بنات أحمد تعلق غير طبيعي حتى أميرة رغم انها وحيدة ابوها واحبها إلاأني ما حبيتها مثل بنات احمد لانها كانت كل وقتها مع أمها ولا تطل علينا مرة إلانادر بس بنات احمد غير.. اهتمامهم فيني وجدتهم اخذوا قلبي وعقلي صرت ماعاد اشوف إلا هم وبس ..واشواق وخزامى وريم خلصوا تأثيث فللهم وأشواق اهدتني انا وجدتها جناح خاص فينا وغرفة نوم فخمة وهيلة بغت تموت من الأحراج وانا العكس جتني فرحه مايعلم فيها إلا الله وتغيرت حياتي وارتحت وهيلة ماقصرت معي عوضتني عن اللي فات ..
وناظر حوله عيال ولده اللي ماشاء الله لابسين بشوتهم وواقفين معي نستقبل الوفود .
ثلاث اسابيع من بعد الملكة وانا ماارتحت من فارس اللي كأنه ذبانه على راسي يومياً يجي ويتصل ولا خمسين مرة في اليوم علي وعلى جدته وعلى جوال خزامى اللي اخذته منها وحلفت له مايشوفها ولا يكلمها لانه خبل ولا اضمنه ابد ..
رفع عيونه وهو يشوف وفد جديد داخل عليهم بس انه وفد كبير كبير مرة وصوت طلق النار ماوقف وصوت قرع طبول واهازيج جنوبية جايه معهم من مدخل القاعة وسيارة جيب لكزس تدخل قدامه ساعة القااعة ويتوسطهم رجل طويل ماعرفهم مرة رجع يلبس نظارته ونفس الشي رجع يناظر في ولده وقال : علي تعرف مين اللي مقبلين علينا .؟
علي اللي مستغرب نفس ابوه : لا والله يبه.؟
محمد الجد رفع عيونه والموكب يقترب ولازم يتقدم جماعته وولده وعياله علشان يستقبلهم متوقع انهم من اصحاب عيال علي نزل وهو يلف يدور بعيونه لأحمد او محمد يسألهم
حصل محمد واقف بشموخ يناظر الموكب بفخر تقدم له جده وهو يسألهم ويرفع صوته علشان يسمعه : محمد مين الوفد هذا تعرفهم وليش ماقلت لي علشان نتجهز لهم ،؟
محمد بفرحة وفخر وعز يناظر موكب جده جابر واخواله الموكب الكبير واصوات رمي الرصاص ماوقفت واصوات قرع الطبول والأهازيج مستمرة وهو يشوف جده الحبيب بطوله الفارع لابس بشته ويتقدم الموكب ..
قبل ملكته قال : ياجد محمد انا راح
اعزم جدي جابر واخوالي وقال لي بكل استخفاف بهم اعزمهم محد بيدري بهم وجدك جابر ماهو معروف من هو اللي بيجي معه...!
كلمت جدي ذي احرقت قلبي وانا من النوع اللي ماانسى انا احب جدي محمد حب لا يوصف بس حتى جدي جابر احبه من حب أمي هو وخوالي ولا عمر جدي جابر جاب سيرة جدي محمد بالشينة
علشان مايغث خاطري وخرجت من عند جدي محمد ورحت لجدي جابر وقلت له موعد العرس وفرحته ماقدر يعبر عنها إلا بدموعه وكانت اول مرة
اشوف دموع جدي جابر وقلت جد يوم زواجي ابغاك انت وخوالي تجون بوفد وموكب ماقد صار في الجنوب كلها تكفى ياجد علشان اذا سألت الناس من هو وفده وموكبه هذا.؟! اقول لهم هذا وفد جدي جابر وخوالي
قال جدي بفزعة والله ان تبشر بوفد ماله اول لا تالي والله ياولد فوزية ان اجيكم بوفد تضيق به قاعة الزواج ..
ولا قلت له ايش قال جدي عنه ومستحيل اقولها وأمي ولا بتحضر الزواج مرة وانكسر خاطري
لأن جدي محمد من زمان قد قال لها ولجدي لما اخذني وانا صغير والله ماغير اطردكم من بيتي اذا جيتوا تسألون عن محمد
و أمي خرج منها محلوف انها ماتدخل لهم بيت مدى حياتها كلها حتى عزا عمي احمد ماراحت لهم وعلشان اجبر خاطره نمت عندها من الليل وفرحتها فيني ماتوصف وشريت لها ذهب هدية وشريت لها اقشمة غالية وفصلتها لها وقلت لها تحجز افضل نقاشة وتطلب نقش عروسة كاملة وكل شي علي انا .،؟
انتبه لأبوه اللي واقف جنبه واخوانه يهدون جده الثاير لأنه عرف الوفد والموكب قرب من جده وهو يقول : ها ياجد هذا هو وفد وموكب جدي جابر قلت لي جدك ماهو معروف ومحد بيجي معه وهو يرفع بيده ويأشر على الوفد والموكب اللي بااقي نصه مادخل ساحة القااعة من كثرتهم واصوات الرصاص مختلطه بأصوات الأهازيج وقرع الطبول

11 - 6 - 2021, 04:58 AM

البارت 102

ابتعد عن جده وهو يتقدم لجده
جاابر اللي توسط ساحة القااعة وأشر بيده اللي جنبه علشان يوقفون قرع الطبول ورمي الرصاص وتقدم جده جاابر اكثر والفرحة باينه في صوته وهو يمسك ميكروفون علشان
يوصل صوته : السلام عليكم وكيف حالكم
جينااكم حنا يال مرعي كبيرنا وصغيرنا شايبنا وشبان مباركين زواج ولدنا محمد بن علي وانا جيت ومعي فرقة كاملة هو نذر علي ومحلوف متى ماتزوج ولد بنتِ ان اجيب له فرقة كاملة وله من عندي انا ياجده جابر بن إبراهيم جيب لكزس وهو يخرج مفتاحها من جيبه ..وله من عند أمه 50الف ريال ومن عند اخواله 40الف ريال وهدايا ثانية من شباب العائلة وتراها لاهي فضل منا ولا شي هو ابو علي جعله يسلم علمه غانم يفزع معنا الكبير والصغير وراعي كرم وجود ولا تمد يده مده بسيطه وإذا كانت كثيرة فهو يستاهلها وإن كانت قليلة فيستر على ماواجه
وهو ينزل الميكروفون وهو يدنق يمسك ولد بنته واحب احفاده لقلبه وهو جاثي على رجوله يبوسها ووقفه وهو يحضنه وتخنقه العبرة .؟
محمد بفخر وحب يحضن جده : جعلني فداك جعلني قبلك ياجد جيتك اليوم لي شين كبير كبير مرة .
سمع صوت قرع الطبول والسماعات تشتغل بكل زاوية واهازيج بأسمه وأسم جده واخواله اللي مسوين حلقة حوله ويلعبون لعب جنوبي يسمى العرضة الجنوبية
شاش راسه وهو ينزل مشلحه و يدخل معهم ويشاارك بلعب ومهارة وجده جاابر معه ويجاريه في لعبه مايدري كم من الوقت مر عليه وهو يلعب كل انواع اللعب الجنوبي هو وجده واخواله وعيالهم
اول مرة في حياته يلعب كذا مايدري ليش لف وهو ينتظر اخوانه وابوه اللي انظموا له ويجارونه في لعبه بكل مهارة خاصة فاارس .؟
صوت أذن المغرب هو اللي كان طااغي على كل شي شاف ابوه واخوانه يسلمون على جده وخواله ويحتفون فيهم وجده محمد واقف يناظر له بنظرات عجز يفسرها بس الأكيد انها زعل وهو اللي مايقوى زعله مشى لعنده قرب منه وهو يبوس راسه ويقول
اسف اذا كنت زعلتك بس كنت ابغى اوصل لك رسالة إذا انت قلبي ..ف أمي وجدي واخوالي كل حياتي .؟
محمد الجد يناظر في سميه كأنه يشوف نسخه مصغرة منه في كل شي مسك يده وهو يقول : امسك جدك واخوالك لا يروحون قبل العشاء وتحرك مبتعد عنه ،؟
ظيمنع
ظيمنع
الساعة 9ونص وبعد انتهاء عشاء الرجاال
علي وهو في قسم الحريم في جناح بنات اخوه واقف وهو حاضن أميرة بحب : ياروح ابوش ماشاء الله ايش الزين ذا تحصني ترى خايف عليش من العين فكها وهو يرفع عيونه لزوجته جميلة اللي متغيرة تغير واضح وزنها الزائد واضح من تقاسيم الفستان العنابي اللي لابسته جميلة جمال لا يوصف بشرتها البيضاء وصفائها البارح وصل من تركيا وبعد ماسلم على امه راح لها على طول وكالعادة تصده حتى ماتركت له مجال يسلم عليها رغم انه كان يحاول يتصل عليها وهو في تركيا يوميآ وماترد وياخذ اخبارها من أميرة قال لها اذا زعلانه علشان السفر لتركيا والله مادفعت فيه ولا ريال وابشري حتى انتي برحلة لتركيا او اي مكان تطلبينه إلا انها ماسمحت له يكمل كلامه وهي تعصب وتطرده من الجناح كامل.
قرب منها وهي تبتعد ومسكها غصب عنها وهو يقول أميرة حبيبتي كلمي المصورة تجي لازم اتصور معكم انتي وأمش ...قربها منه وهو يشوف أميرة تخرج
وهو يناظر في وجها مكياجها الساحر زاد الجمال جمال حضنها غصب عنها وهي تقاومه وتحاول تفك نفسها وماسمح لها سمعها تقول : فكني ماعندك كرامة ماعاد ابغااك وهي تدفه عنها
وتناظر فيه بعصبية روح عند كلبتك اللي نفس مستواك وهي تشوف كيف زوجها تغير تغير في ثلاث اسابيع زاد بياض وبشرته والراحة واضحه عليه تذكر البارح لما دخل عليها وهو لابس برمودا لين الركب رصاصي وبلوزة وردية كت ماسكه على جسمه وحذاء رياضي ماركة نايك وشعره المقصوص والمصفف بعناية ماعرفته مررة في البداية تحسب انه واحد من عياله
تحس نار زواجها تاكل روحها ثلاث اسابيع وهي تحترق حسبي الله عليك .،؟
انتبهت لدخول اميرة مع المصورة وأميرة تمسك أبوها وتتصور معه وهو حاضنها وكذا صورة اللي يشوفه الليلة يقول عريس كاشخ والمشلح الأسود والشماغ الأبيض كان في قمة اناقته الفجر ارسلت له رسالة
وقالت له زوجتك الكلبة لا اشوفها تحضر زواج عيالي وإلا قسم بالله ان قتلها على يدي ان شفتها ..؟
ورده كان.. اتوقع ان العرايس بنات اختها ومن حقها تحضر وإذا جاها شي رسالتك ذي هي ادانه لش وانتي فكري فيها .،؟
حست فيه وهو يمسك يدها بقوة ويسحبها لصدره والمصورة تاخذ لهم صور وأميرة معهم فكت نفسها منه بقوة وهي تقول أميرة تعالي تساعديني احتاجش
وخرجت .؟

11 - 6 - 2021, 04:59 AM

البارت 103

رفع عيونه لأميرة بحب وهو يحضنها سمعها تقول : يبه اصبر على أمي علشاني ،؟
علي وهو يحضنها بقوة : بصبر على كل شي علشانش انتي واخوانش انتوا اغلى شي لي في حيااتي .؟
أميرة بوجع وهي تناظر أبوها: وزوجتك طيب ايش هي ،؟!
علي وهو يناظر لبنته بحب من حقها تسأل مسك يدها وقال لها : حبيبتي أميرة مهما اتزوج مستحيل تجي وحده تاخذ مكانكم وحبكم والله انكم اغلى من روحي ..
عدل وقفته وهو يشوفها تخرج ناظر في المصورة واخرج جواله وهو يتصل على ريم اللي غيرت كل حياته ريم ثلاث اسابيع عاش معها اجمل ايام حياته كأنه اول مرة في حياته يتزوج عاش في ثلاث اسابيع كل مراحل حياته دفعه ،مرحلة المراهقة، ومرحلة الشباب ،ومرحلة النضج ،في كل شي كانت تعطية ولا تطلب مقابل رغم انه يحس انها عصبية بس مستحيل ترفض له طلب او تزعله ..
ضغط رقمها وهو يخرج من عند المصورة وصل السيب وهو يسمع همسها هلا ....
سكت ولا رد عليها ...سمعها تقول هلا هلا الووو
سكت ولا رد ...سمعها تقول علي .. يحس حتى اسمه لما تنطقه انه يصير صغير .؟
رد عليها بثقل : ياعيون علي ..فقدتش تدرين .؟
ريم وهي تخرج من غرفة البنات : تسلم لي عيونك وفقدتك اضعاف مافقدني .؟
علي غمض عيونه وهو يتخيل اجمل ايام معها : وينش تعالي انا في الغرفة الثانية رفع راسه وهو يشوف الرقم ويقول رقم 4 انتظرش،؟
ريم بخوف : عندك احد طيب.؟
علي/ ايوه انا وقلبي ولهفته ننتظرش بسرعة.؟
ريم وهي تضحك وتحط يدها على قلبها / ابشر هذا انا جاايه
نزلت الجوال وهي تتجاوز الممر كانت خايفة تقابل جميلة تخاف من ردة فعلها وهي راح تحاول قد ماتقدر ماتتقابل معها ابد وبتسوي نفس ماقالت لها أمها لا تخالطها ولا تقابلها.. والأهم عندها زوجها علي مستحيل تحطه في موقف الحكم بينها وبين زوجته مهما كان وهي تحاول تساعده يعدل بينهم لأنها تخاف عليه من الأثم وتحبه ..وصلت الغرفة وهي تشوفه واقف ينتظرها ومتفاجئ من شكلها وهي متفاجئه من شكله وهو لابس البشت الأسود كان عبارة عن فخامة في كل شي بجد شكل عريس قربت منه وهو تلتفت حولها تخاف لاتخرج لها جميلة مسكت يده الممتدة لها ويفتح الغرفة بدون مايدخل ويقول لو سمحتي اطلعي الغرفة الثانية وبعد شوي راح اناديك علشان التصوير وهو يبعد عن الباب وتشوف المصورة تخرج ويسحبها ويدخل هو وياها الغرفة ويقفل الباب ويستند عليه بظهره وهو باقي ماسك يدها وساكت يناظر لها.؟
علي وهو يناظر لريم بفستاانها الأبيض الؤلؤي الفخم كان يتمنى يشوفها لابسه فستان ابيض بس ظروف الزواج ماسمحت والليلة هو متفاجئ بشكلها بداية بالفستان الأبيض بنفشته البسيطة والصدرية اللي عبارة عن فصوص كاملة تلمع بقصة صدر كبيرة وعاري بدون اكمام ..تسريحة شعرها المرفوعة كلها لفوق وتاج يتوسط مقدمة شعرها مكيااجها البرونزي موضح حدة ملامحها رسم عيونها الجميل روجها العناابي الغاتم مبرز شفايفها الممتلئه ..
رفع يدها الصغيرة وهو يتتبع نقوش الحنا كااملة على يديها متى سوت كل ذا متى وهي ماوصلت إلا المغرب البارح نزلها بيتها بعد ماسلموا على اهله ورجعها بيتها علشان ترتاح وبعدها هو راح عند جميلة وبعدها راح عند ابوه وانشغل.؟
فك يدها وهو يقربها منه ويحضن وجها بيديه لين حط خشمه على خشمها وبهمس : ايش ناويه تسوين فيني يا ريم متى سويتي كل هذا متى ارحمي قلبي .؟
ريم وهي تقرب منه وتحضنه وهي ترجف وبحب له : اعجبك شكلي صح بس خسارة الكشخة ذي كلها محد بيشوفها ماراح انزل لصالة تحت ،؟؟
علي يناظر فيها وهو يبعد وجها شوي : ليش خسارة لا مو خسارة وانا بشوفش واهم شي انا اشوف الزين هذا كله انا لوحدي .؟ وليش ماراح تنزلي الصالة .؟
ريم وهي تشد على يده : اخاف ياعلي تصير مشكلة وانا ادور راحة بالي وراحتك .؟
علي كان خايف انها تنزل تحت وتنفذ جميلة تهديدها وبنفس الوقت مستحيل يقول لها لا تزل.! بس دام هي رافضه احسن قال لها : حبيبتي سوي الشي اللي يريحش وانا معش وبعدين ماقلتي لي كيف امداش تسوين كذا في نفسش فستان ونقش وحركات ،؟
ريم بحب : خزامى جعلني فداها البارح لما روحت البيت جتني وجابت معها النقاشة واعطتني الفستان والأكسسورات وقالت ترى حجزت لش معنا عند الكوفيرا لازم عمي يفرح وهو يشوفش لابسه فستان ابيض ،؟
علي بفرحة وبحب وهو يقربها منه : يااويل قلب علي بس ويلوموني في حب خزامى فديتها اللي تعرف ايش في خاطر عمها كأنها تدري اني متشفق على شوفتش في الأبيض .،؟
قرب منها وهو يقول : ريم عندش نفس لون الروج ذا اللي على شفايفش .؟

11 - 6 - 2021, 04:59 AM

البارت 104

ريم وهي تسمع همسه ايوه موجود وليش تسأل.؟
علي/علشان خاطري في ذي وهو يحط اصابعه
على شفايفها بشويش ..واخاف اخرب عليش المكياج
ريم بحب له : يفدااك الروج وراعيت الروج حلالك عندي لون نفسه .وقبل تكمل كتم باقي كلامها
حررها منه وهو يشوفها مغمضه عيونها مستسلمة له حاول يتماسك : ريم خلاص افتحي عيونش قبل اتهور واشيلش قبل زفة اولادي ووقتها مين يمنعني من ابوي هو خلقة شايل علي لأني تأخرت عليه وماجيت إلا البارح يله ضبطي روجش علشان انادي المصورة ونتصور بعد شوي زفة فارس وخزامى علشان رحلتهم الساعة 12على دبي وبعدها مدري وين بيروحون رفض فارس يعلمني .؟ولا تنسي الليلة لا تخلعي الفستان بحاول امرش بعد مااخلص ..!خلاص .؟!
ظيمنع
ظيمنع
زفة فارس وخزامى

فارس اللي واقف وماسك يد خزامى ومعه جدته هيلة وأمه وأميرة وخالاته وماينكر ان أمه فرحت كثير لما شافت زوجته وسمعها تكلم خالاته وتقول لهم ها شفتوا حريم عيالي كل وحده تقول الزين عندي وتقولها بفخر رغم انها دخلت معه هي وأميرة وابوه وجده وماسلمت عليها ولا باركت لها لا هي ولا أميرة وحز في خاطري حركتهم ذي مع خزامى ..بس تصرف خزامى اللي صدمني وقفت وهي تمسك أمي وتسلم على راسها وعلى يدها وتسلم على أميرة صدمتني بحركتها بنات عمي كل يوم نكتشف فيهم شي جديد كل يوم يثبتون لنا انهم قمة في الأخلاق والأدب .؟
انتبه لأمه اللي تقول له : بشويش فارس هيا اركد وعن خبالك ذحين بنزفك انت وزوجتك خلك رجال عاقل ولاتفشلني قدام الناس..
وتقدمت قدامهم تفتح الباب وصوت الزفة يوضح لهم شد على يد خزامى وهو يتقدم معها بخطوات ثقلية على انغام الزفة اللي توصف وبدقة جمال زوجته واسمه واسمها توسطوا المكان والأنوار في القااعة خاافته آشر لأميرة تقرب منه وهو يقول لها ذحين تروحين تاخذين الميكرفون من عند المطربة وتجيبينه لي بسرعة تكفين يا أميرة .؟
أميرة وهي تحاول تمنع نفسها ماتناظر خزامى بس غصبن عنها عيونها تروح لها كانت عبارة عن حورية ماعمرها قد شافت مثل جمالها هي واخواتها حتى خالاتها وزوجات خوالها وبناتهم مبهورين بجمالهم بس ماقدرت تحبهم او تتقبل وجودهم تغار منهم خاصة من حب ابوها لهم وجدها محمد اللي يحبهم بجنون قربت من فارس وهي تشيل عيونها عن خزامى اللي تبتسم لها وقالت : فارس عن الخبال ايش تبغى بالميكرفون كمل الزفة بسرعة باقي زفةاحمد ومحمد محد فاضي لخبالك .؟
فارس وهو يسحب يدها بقوة : أميرة والله ان ماجبتي اللي قلت لش والله العظيم لأروح انا بنفسي وافشلكم صدق وخذي هذي
وهو يخرج فلاش صغير ذا تعطين المطربة وقولي لها تشغله بعد مااخلص انا يله روحي انتظرش.؟
تحركت مجبرة وهي تنزل عند استيج المطربة وتطلب منها الميكرفون واعطتها الفلاش وقالت
لها كلام فارس ..اخذت الميكرفون وصلت لفارس واعطته ومسكه وهو يكمل مشي مع خزامى لين خلصت الزفة وقبل مايوصلون المنصة ،؟
مسك يد خزامى وخلاها مقابلة له وهي تناظر في عيونه ..؟وهو يبادلها نظرات حب وهيام يناظر في كل جزء من وجها الفاتن بداية بفستانها الأبيض ثم وجهها كان عبارة عن فتنه ضاع في ملامح وجها وعمق عيونها وشموخ خشمها وغمازتيها وهي تبتسم له..!
قرب الميكرفون وهو يقرب خزامى منه وصار يتنفس شذاها ..وبصوته الشجي الفخم وهو يأشر بأصبعه على نحرها مكان الشامه.!
في النحر شامه وغمازتيك قتيله
ياطر جيبي ويا وجدي او حاولي
ياناحل الخصر ياراهيٍ ب الجديله
ياللي وصوفك على البيض سلالي
ياشومة الحر ويا عنفوان الأصيله
وياعنق ريم يوايق على جالي
ياداعج العين يابو العيون الكحيلة
ارموش عينك على الخدرة اضلالي

نزل الميكروفون وهو يشوف خزامى تضحك له وهو يسمع تصفير وتصفيق من الحضور
فك يدها وهو يسمع الشيلة تشتغل رفع بشته وهو يلعب حول خزامى ويدور حولها وهو تدور معه وهي واقفه مكانها وهي تبتسم له ..يلعب بمهارة على الحان الشيلة لمح جدته وهي واقفة وحاطة طرف شيلتها على طرف فمها دليل استياء ولا همه اهم شي انه يسوي كل شي كان يخطط انه يسويه في زواجه .،
شااف أمه واقفه تناظر بأعجااب له ولزوجته وتصفق بيدها تحرك لها وهو يشيلها ويلعب بها حول زوجته وهي تحاول تفك نفسها لعب بها ولا اهتم وهو يحضنها لصدره يحب أمه ولا يحب يشوفها مكسورة
نزلها وهو يضبط شماغه وبشته ويضحك على شكل أمه وخالاته اللي يناظرون له وهم يضحكون ويصفقون له ولا همه أحد قرب من خزامى وهو يقول لها ايش رايش
نرجع ماعاد له داعي نكمل الزفة باقي ورانا رحلة ،؟

المواضيع المتشابهه لموضوع: رواية جنوبية برت حالي ولا دري وين ديرتها لموضوع: رواية جنوبية برت حالي ولا دري وين ديرتها
الموضوع	كاتب الموضوع	المنتدى	مشاركات	آخر مشاركة
تحميل رواية خالي العزيز نابليون pdf	همسه الشوق	قسـم البحوث والكتب العلميه او التعليميه	13	11 - 2 - 2021 07:28 PM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
حمود السمي يخربها مع حبيب محاورة حفل تكريم الشاعر حامد محمد	جروح الم	همس للعرضات و المحاورات الشعريه القلطات	5	9 - 10 - 2015 05:45 PM
مشاعر لم يجربها الرجل هع	إنكسآر ♪`	همس للألغاز والنكت والضحك	6	28 - 10 - 2012 11:04 AM
رواية قمر خالد من اروع الروايات	الحب ياسمين	همس للقصص وحكايات وروايات	2	5 - 6 - 2012 04:13 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية جنوبية برت حالي ولا دري وين ديرتها

همس للقصص وحكايات وروايات