بين مرقاب الشموخ وتكاليف الحياه
الله انه لا يحدك على اللي ماتبيه
الشدايد تصهر الرجل وتبيّح خفاه
ويذكر ان الله اليا حب عبده يبتليه
أطيب انواع المحبه على سمر الجباه
تختفي بقلوب اَهلها وتظهر بالوجيه
السحاب اللي ماعمره تضايق في سماه
ينحني و يقبل الارض وتضيّق عليه
تشرب من المزن جغمه وتكفا زود ماه
وخضّر الوادي خضارن مطول يحتريه
مايغثك غير من تتعب تدور رضاه
وكل ماتبذل له الطيب مايهتمّ فيه
التعب ف الطيب وإلا الردا حذفة حصاه
لا تحاول تقنع العيه وتنصح سفيه
بين شي من التغاضي ولفت الانتباه
اطلق أيدين الكرم وأحفظ العقل النبيه
الكريم الشهم مثل المنادي للصلاه
تستحي وانته تقدم له العذر الوجيه
انتبه بعض الرياجيل ماتلحق مداه
كان ماتقدر على الطيب ماودك تجيه
كم جميلٍ لو تجازيه ماتلحق جزاه
كل ماقدمت جزله تقول شوي فيه
الشهامه تعطي أصحابها هيبه وجاه
من رفع راسه من العز مايبسط أيديه
الصداقه بين الاصحاب في فقر وغناه
موقف الرجال من كل جانب يحتميه
أطيب أصحابك يجيك وتزوره من غلاه
واكثر أصحابك تزوره لكن من غير ليه
والصديق النادر اللي يبيّن لك وفاه
الله يطول بعمره ويرحم والديه
آخر تعديل النورسيه يوم
7 - 7 - 2021 في 08:17 PM.
عضويتي
السحاب اللي ماعمره تضايق 
العرض العادي
