قال : أبوسك ... قلت :تعقل ولا أحوسك
يُمهـ ... هَيّن ...!!
الهوى بعيون بنتكـ صار بيّن ...
ما يبي لهـ من يعَلم ...!!
وصاحبي بالعشق أُستاذ ومُعَلِم
كيف اخبي ...؟!إنتي من جِدك يا يُمهـ ...؟!
وانا بنوتهـ
وقلبي وردي ... وصغَـيّر ... ولَيّن
ايهـ احبهـ ...!!
يعني هذا اللي تبينهـ ...؟!
كيف اخبي وهذا دربي ...؟!
والهوى مكتوب من ربك وربي
يوم شفتهـ
متكشخ ... ومتعطر ... ومتزين
طاح كاسي
فدوتهـ راسي ... وناسي
مو بكيفي ...!!
يُمهـ جنني بـ حنانهـ
ما يخون
الهوى عندهـ امانهـ
وريحة انفاسهـ دخون
مو طبيعي هالولد من جد يُمهـ
فيهـ ذوق ... وفيهـ شوق ... وفيهـ للعشاق عوق
يُمهـ يسلم لك حبيبكـ
واللهـ نَسَاني حليبكـ
أي ورب الكون يُمهـ
يُمهـ لو تدرين عنهـ ...
قلتي لي فالكـ حبيبكـ
ايهـ احبهـ
ايهـ يمهـ
ايهـ اموت برعشة شفاههـ واذا يسمح الَّـمّهـ
سامحيني لو حلفت إني لَـ " لِـمّهـ "
مو بكيفي
وضحكتهـ خمري ... وكيفي
مو طبيعي
هالولد عمري وربيعي
وفوق هذا صار شاعر
كله يتغزل بخصري ... وريحة انفاسي وعطري ...
والعَرق لاسال قطرة فوق قطرة وطاح من جيدي إلى مركوز صدري
قال احبه هذا مِسكك مو عرق يانور عيني
قلت ادري
قال ياحلوه غرورك ...
وشمس وجهك تكسر عيوني بنورك
قلت كافي
قال شورك
واللهـ فعلاً مو طبيعي
إن عشق كلهـ جنون
وإن حكى كلهـ فنون ...
على راسي ما يهون
إيهـ يُمهـ
إيهـ احبهـ
واعصر ضلوعهـ واضمهـ
وانتشي من ريحة انفاسهـ ... " واذا يسمح اشمهـ"
خلى لعيوني كثير من البنات ... على شاني
ايهـ يُمهـ
باعهم لعيون بنتكـ ... واشتراني ...
شفتي يُمهـ ...؟!وآنا اراهـ إنهـ غرامي ... وهو بعد مثلي يراني ...
إلا احبهـ
إلا احبهـ
إلا احبهـ
واللي ما يسمعني يسمع ... إلا احبهـ
واعشق ترابهـ اذا داسهـ برجلهـ
قال لي مَرة اناظر ...
قلت حاضر
يا اللهـ ناظر
يوم ناظرني بكيت
ما تحملت الهوى بعيونه السوداء
وشكيت
قال :ابوسك ...؟!
قلت :تعقل ... وإلا احوسك ...؟!
قال :انا اقصد على السنة
قلت: ليت
قال :والله لآخذك قدام اخوك ...
بعد ما تربط يديني في يدينك بأمر ابوك
قلت : تبطي ...؟!
قال : لا لا
قلت : لو ابطيت جيتك
قال يسلم لي وفاكـ ...
قلبي قلبكـ ... وبيتي بيتكـ ...
لعن ابو من خان عشقكـ
وما حفظ عهدهـ معاكـ ... وما رعاكـ ...
وما تذرى ظلال خصركـ وقت صيف
وما دفن نفسهـ بحضنكـ وخذ دفاكـ
وإن خطبني لا تردونهـ يا يُمهـ ...
آنا ابيهـ
قولي ( تم )
لا تخلين العُمر يمشي الم ها يا يُمهـ ...؟!
قولي ( تم )
قولي ( تم )
عضويتي
قال أبوسك قلت تعقل ولا أحوسك 
العرض العادي
