فيك اكتفيت مالي منافس ت كد يا غلاي - الصفحة 322

16 - 3 - 2022, 04:15 AM

‏إني أحبــــــــــــك.. يا منبع الطيبه والحنان
يا من ترافقنـــــــــــــي أطيافه في كل مكان
يا من أستنشقت عبيـــــــــر نهديها فأدمنتها
يا من تهز من حـــــرارة همساتها الوجدان
إني أحبك.. يـــــــــــا من سلمت لها حياتي
وأمطرت فأطفات داخلي صحـراء الحرمان
آه يا حبيبتي.. كم اشتاق لحضنـــك يأخذني
فينسيني كل همومي ويغلــق أبواب الاحزان
يا من أحرق شفتي بنيران جســـده الهائجه
وأشعل جسدي بنيران ليـــــــــس لها دخان

17 - 3 - 2022, 11:47 AM

تعال وعانقني وبدقات قلبك بارزني
فهل تستطيع أن تغلبني ؟!
:1c:

20 - 3 - 2022, 02:53 AM

لو حبك تشوفه كبير
بس في عيني يبقى صغير
اناني حيل وعيونك
ليه اغار عليها كثير؟

ياما في الدنيا بشر
تخطي وتنسى تعتذر
تكابر في الحب دايم
وتعيش ليالي السهر

في الدنيا تلقى قلوب
تجرح وفيها عيوب
وقلبك لو جرح قلبي
أحبك وما أتوب

20 - 3 - 2022, 02:55 AM

أحبك بين قلبي وبين حالي
وتفز لشوفتك ، عيني الثقيلة

يبيك القلب ، لكنّي يا غالي
عزيز النفس .. جيّاتي قليلة

أنا في حُبي لك مشغول بالي
وهذا الشي من فترة طويلة

أخبّي الشوق لا شفتك قبالي
وأتمنى ، أشوفك .. كل ليلة

أسولف لك وأغنّي في خيالي
وأكتب لك أحاسيسي الجميلة

أحبك بس بيني وبين حالي
ثقيل القلب ، وإعيوني ثقيلة

20 - 3 - 2022, 03:04 AM

إعشق وعيش الحب في واحد يحبك
واجعل غلاه النبض كلْما نبض قلبك
يرعاك لو صدّيت ويسامح إن ردّيت
ما يعاتِبِك ويلوم لو يوم له حَنّيت
كلما تجي وتروح باب الرضا مفتوح
ما وده منّك شي إلا جَمال الروح
قوم وصلي بقلب صافي للّي كُل لحظة معاك
اللي بيفرّج همومك أما تعيا هوو دواك
أغلى من أمك وأبوك ومن أخوك ومن ضناك

ياما ابتعدت ورحت بس ما ابتعد عنِّك
دايم معاك يكون اقرب إليك منّك
تحتاج له لبّاك تطلبْه ما ينساك
عينك تذوق النوم وعينه التي ترعاك
هذا اهو ربِّك أهُوَ الذي يحبِّك
دايم عليك يحن مهما قسى قلبك
وإن قسيت وإن بكيت وإن شكيت له عن أساك
وقلت للمولى سامحني ما لي ياربي سواك
هوَ اللي بيغفر ذنوبك واللي بيجفف بُكاك

20 - 3 - 2022, 03:04 AM

ليت العمر لو كان مليون مره
‏‎في كل مره بتمناه وياك
‏‎لو دنيتي فديناك كره و فره
ماريدها من دون بسمة محياك
‏‎فعيونك الثنتين شفت المسره
‏‎ياحظ من يملي عيونه بروياك
حبك جميل الوصف لله دره
‏‎كيف الحياه تكون من دون لقياك

الى هذيك الدار قلبي تجره
من وين ما أقبل الاقيها ذكراك
‏‎لندن ترد الروح من بعد نظره
‏‎صابت خفوقي يوم لاقيتك هناك
‏‎خذني معاك نروح صوب المجره
‏‎او اي مكان تريد من ارض و افلاك
‏‎مافيه غيرك درب اقدر امره
‏‎كل الطرق تؤدي الى اني اهواك

‏‎احب حبك حتى لو صعب أمره
‏‎الورد بعض احيان تلقى به اشواك
‏‎مهما الظروف تكون حلوه و مُره
‏‎بكل حال اقول في حد يسواك
‏‎احب حبك حتى لو به مضره
‏‎محلا المضره دامها تجيب شرواك
‏‎اقرب من التؤم لك افهم و ادره
‏‎يفهمك قلبي اكثر من الي خاواك

‏‎مليون مره العمر مليون مره
‏‎في كل مره ابغى اعيشه وياك
‏‎لو دنيتي فديناك كره و فره
ماريدها من دون بسمة محياك

20 - 3 - 2022, 03:04 AM

صوتك شفا للكدر يمتص ليسمعك ينشرح باله
صادق مصدق علي اتقص يا من غدى القلب متهاله
أخذت نصه وتم من نص وتسكر الفال في فاله
لاتدخل الواش ماله خص مالي بقوله وعذاله
دكتوري الدايم المختص في كل حله وترحاله
عالج لي الجرح لا تفحص لانك متابع الحاله
ماحد يدري وفيه ابخص عن رغبة الصد وآماله
ولا حد غيرك عليه احرص احسد خده عطر شاله

لولاك لا ما كتبت النص ولا ورّق الشعر بامثاله
حاول ترى في الزمان فرص للوصل من يطلب وصاله
حاسب بالأرقام لا تنقص تغلط برقمه وجواله
غالي بقلبي ولا ترخص لو طال همي وغرباله
مهما العواذل علي ترص لك الاحاسيس ميالة
حد صدوده الم يبخص يثّر على العاشق وحاله
يقصى قصا قاصي المقتص تاوي لحاله وترثى له
صوتك شفى للكدر يمتص ليسمعك ينشرح باله

20 - 3 - 2022, 03:04 AM

يا من بحبك اكتفى .. قلبي وطال معالمي
دوما سيبقيني هواك ممنون يا كل الوجود
مهما تمر بنا السنين .. اعلم بأنك عالمي
واني على عهد الوفا باقي وانا وافي العهود
خذ وعد مني يا هواي
نبقى سوى لاخر هوى
وتكون لجروحي دواي
واكون لجروحك دواء
ما دمت اتنفس هواك
والحب يجمعنا بسماه
ما يبقى في قلبي سواك
ويظل حبك لي حياة

سيظل حبك عاليا .. طيفا يسامر أنجمي
ويظل عشقي لك سما ماله نهايه او حدود
حتما ستأتيك الرؤى وتخال انك توأمي
وتقول احبك وقتها واقول انا اكثر وزود
دامك معي بضعفي وقواي
ببقى احبك للابد
وافديك انا بعمري اللي جاي
واللي مضى مني بعد
دام الوفا طبعك اجيك
واكون لك عون وسند
واحب قلبك واحتويك
لاخر نفس فيني وعد

22 - 3 - 2022, 03:12 PM

يالبى قـلبه / كل ما قــال | لبــيه |

.............. ويالبى صـــوته/ كل ما قال :لي هــاه
بالحالتين ان ترجمت شفته / إيـه
.............. أضـــيع مـن كلي وادورنــي ما القـاه
يشل عقلي كل ما جيت أحاكيــه
..............وأنسى أني أصلاً/ كنت في شي أبغاه
أذوب في حرفه وصوته يحليــه
................. واللي يجنـــني إذا حـــرّك إشـــــفاه
وتعانقت من نشوة الشوق/ والتيه
.............. وش حيلتي غير التناهيـــــــد والآه
يضماه سمعي وانتظر لين يرويه
................ والمشكله حتى وهو يمـــي أضمـــاه
حُبه مثل | طـيرٍ|يبي بيت يأويــــــه
.............. وانا ادري انه داخل القلب مــأوآه
وحده بقلبي دوم محدٍ يســـاويه
.............. وانا بقلبه طول هالعـــــمر أمــلاه
الشوق محدٍ غير صوته يداويه
.............. ويجــذ نار الغيض فيني من اقصاه
صوته مطـر في جيته/ في تجليــه
.............. تطفي عذوبة قطرته شوق مضناه
صوته صدى تغريد طيرٍ يغنيــــه
.............. صوته نسيم الصبح في طلعة إضياه
صوته نغــم تطربني رقة اغانيه
.............. صوته عليه أدمنت ودواي من داه
صوته هدير الموج لامر شاطيه
.............. وانا بشوقي كل ما الريــــــح وداه
يذهل شعوره مسمعي كل مدعيه
.............. كـني على ضفة بحــر يحتري مــاه
أرقب طيوفه كل ما زارني فيــه
.............. ويدق قلبــــي كل ما مر طريــــــاه
وان حظّني وقتي بشوفه اداريه
.............. عن كل مخلوقٍ يضره وانا معـــاه
ما ودي حتى الشوك تلمس برجليه
.............. واغار من نسمه/ تداعب محيــــاه
والود ودي وسط عيني أخلـــيه
.............. والحفـه رمشي وبالعين أدفـــــاه
واضمه بصدري وألمه واراعيه
.............. واقبله من هامته لين ما طـــــاه
يعيش بي حلمٍ سرقني بيديــه
.............. واعيش به واقع مَلك كل ما جاه
لين أوصل بشوقي لحده واناديه
.............. واحاول القاني وانا ضايع ويــــاه
ويرد لي من رقة إشفاه | لبيه |
.............. واضيع من ثاني /وانا اقول له |هاه.

22 - 3 - 2022, 03:13 PM

بسألك ليه الهوى منك وفيك
ليه المشاعر ما تعيش إلا بساعة شوفتك
ليه المحبة والوفا وأبيات شعري تهتويك
ليه أنت وبس اللي أموت ببسمتك
تدري لو مرة أقول إني كرهتك ما أبيك
يرجع علي صوت الصدا يقول
الله ما أكبر كذبتك

المواضيع المتشابهه لموضوع: فيك اكتفيت مالي منافس ت كد يا غلاي لموضوع: فيك اكتفيت مالي منافس ت كد يا غلاي
الموضوع	كاتب الموضوع	المنتدى	مشاركات	آخر مشاركة
منافس الفوتوشوب PhotoImpact X3 مع شرح التنصيب والتفعيل	همس الشوق	همس أدوات الفوتوشوب المنقوله	3	27 - 8 - 2023 09:16 AM
كيف سيصبح واتساب منافس قوي خلال يام	غيم	همس لملحقات موبايلات الاندرويد والبرامج	4	8 - 10 - 2020 02:43 AM
حاسب يسر منافس قوي بسعر قل	همسه الشوق	همس الكمبيوتر والبرامج و الأنترنت	6	12 - 11 - 2015 07:11 PM
مامي بابي وش رايكم بفستاني الجديد تجميع ياقلبي اكتفيت	ياقلبي اكتفيت	همس للاسره والطفل	10	14 - 9 - 2015 04:07 AM
ناصر القصبى نجم رمضان بلا منافس	نظرة عين	همس للاخبار الفنية العربية والعالمية وصور المشاهير	4	24 - 6 - 2015 02:55 PM

الذين يشاهدون محتوى الموضوع الآن : 93 ( الأعضاء 0 والزوار 93)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع