رواية حلام مجتمع

البارت 16


المديره: خير انشاء الله وين حنا فيه؟يلا ابي اعرف السالفه منكم
بيان: والله يااستاذه سالفه مالك فيها
ساره: هي اللى بدت المشكله
بيان: اقول اهجدي
المديره بعصبيه: بيان
بيان: خير وش سويت عشان تنافخين؟
المديره:بيان حاسبي على الفاظك لاتخليني اضطر لفصلك 3 ايام
بيان: عز الطلب ولو يكون فصل دائم اكون لك شاكره
المديره ومو مصدقه جراتها :اسمعيني انتي واياها تفاهمي ماراح يكون معكم.. بكرا ماتدخلون المدرسة الا بامهاتكم سامعيــــــــــن؟؟
بيان: ايه طيب
المديره: يالله تعالوا كل وحده تكتب تعهد
بيان: سمي... والله ما اكتب
ساره: لاااااااا شمعنى هي ماتكتب وانا اكتب ماابي
بيان: يا شين البزران
المديره:ومن قال انها ماراح تكتب يلا خلصوني
بيان: ماراح اكتب
المديره: بيان اقولك تعالي اكتبي
بيان: والله مااكتب حلفت عاد
المديره مذهووووله من بيان: انتي عارفه انك بتكتبين ليش حلفتي؟
بيان: خلاص بتنادون امي ليش اكتب .. ياحبكم للحوسه والزحمه
ساره: من ناحيتي يااستاذه انا اعتذر منك انتي بس .. وبكرا امي بتجي..وبالنسبه للتعهد انتي كريمه وانا استاهل ..ممكن اروح عشان صفرت
المديره: واذا صفرت انتم عندي
ساره: عندي اختبار
المديره: طيب انا الحين بطلعكم بس بتجون بعد الحصه تكتبون التعهدات انتم مو احسن من غيركم
بيان+ساره: انشاء الله
************
مشعل: الو
وجدان: هلا والله
مشعل: وينك انتي؟؟
وجدان: انا في البيت
مشعل: ليش مارحتي الجامعه؟
وجدان: اليوم عندي اوف.. انت وين؟
مشعل: انا في غرفتي
وجدان: اها..مارحت المدرسه؟؟
مشعل: لا ..
وجدان: طيب وش عندك؟؟
مشعل:اجل يلا البسي عشان نطلع
وجدان: وين؟؟
مشعل: أي مكان بس يلا
وجدان: امم طيب ثواني بس

بعد ماخلصت وجدان طلعت مع مشعل
*
في السياره
وجدان: وين نروح؟؟
مشعل: أي مكان لو ندور في السياره
وجدان: خلاص نروح نفطر اجل
مشعل: اوكى
وجدان وهي تناظر مشعل: مشعل شفيك؟؟
مشعل:مافيني شي بس طفشان .. ومافيه احد اطلع معه
وجدان: والله انت اللى مسوي لنفسك جو يطفش.. وين اصحابك ليش ماتطلع معهم؟؟
مشعل: لا ما ابيهم صاروا يطفشوني صرت احسهم تافهين..حتى هم اصلا لما حسوا اني ماصرت انبسط معهم ماصاروا يبوني..بسلامتهم .. كذا اريح
وجدان انبسطت من كلام اخوها:صح والله الدنيا ماتوقف على احد وبصراحه اذا هم سطحيين وش لك فيهم تعرف على رجال ناس طبيعيين مو هذولا..
مشعل حس انها تقصده اول: طيب ماعلينا .. بس بسألك لو البس ثوب عند خوالي او عماني وش تتوقعين يعلقون علي؟
وجدان وهي تبتسم: ياحبي لك.. الله يخليك مشغل شرايك الحين بعد مانفطر نمر تفصل لك ثوب ودي اشوفك بثوب..
مشعل : ودي بس احسهم بيقولون غريبة وش اللي غيرك .. مدري صعبه
وجدان: لا بالعكس يا مشعل انت اللي مصعبها الناس بتعجب فيك .. والحين هم يضحكون عليك مو اذا تغيرت.. انت مررره مشتت نفسك ليه كذا؟؟ بصراحه انت مسوي زحمه ومااحد درى عنك...
مشعل:ههههه لو سمحتي وش مااحد درى عنك؟
وجدان : والله مره مكتئب ومسوي زحمه وحابس نفسك والسالفه كلها تشتري لك كم ثوب وتغير طريقة كلامك .. زي كذا يعني الشي اللي انت كارهه لاتسويه وخلاص
مشعل:.........
**********
ساره لما طلعت من غرفه المديره راحوا عندها صديقاتها
هيول: وش صااار؟؟!!
مريم: وش قالت المديره؟؟
ساره: تقول لازم امهاتكم يجون
هيول:يووووووووووووووو.. طيب بتقولين لامك؟؟
مريم: من دون ما تقولها اكيد هم بيتصلون عليها
ساره: بس والله ما اخليها ال****
مريم: يعني وش بتسوين؟؟
ساره: ماادري بس والله لاخليها تتحسف انها مدت يدها.. فشلتني عند البنات وخلتني مضحكه والله اخليها تندم انها جت في المدرسه هذي
هيول: وسعي صدرك وانسي.. خلاااص لاتحتكين فيها وخلاص.. وبعدين عيب امك تعرف امها وش موقفهم بكرا؟ خلاص لاتصيرين بزر
ساره: لاااااااا يا هيول انتي لو مكاني ماقلتي كذا قاهرتني اف بس مااحس اني خذت حقي منها .. اوريها تشوف
مريم: طيب يالله انا بروح فصلي الحين المدرسه اتحدى تدخلني
هيول: ايه حتى حنا ... يالله ساره امشي( تسحب ساره ويدخلون الفصل)
*****************
الساعه 11 لما صحوا البنات من النوم
العنود: هاه قلتي لابوي؟؟
هيا: لا .. العنود ابوي يقول مالك الا بيت زوجك( تنسدح على السرير ودموعها تنزل بدون أي صوت)
العنود: انا قلت لك ابوي ماراح يطلقك كذا انتي لازم تقولين لهم لازم
هيا: ماادري ماادري
العنود: شوفي اذا ماقلتي انتي انا بقول ..
هيا:.................
العنود: هيا.. من زينه تسترين عليه هذا واحد ما يستاهل شوفي انا بقول لامي وهي تقول لابوي وكذا ممكن يطلقونك .. الا مو ممكن اكيد
هيا: بتقولين لامي؟؟!!
العنود: ايه ولا ماراح تتطلقين..بقولها الحين_وقامت_
راحت العنود عند امها عشان تقولها ليش هيا عافت زوجها
العنود: هلا يما ( تبوس راس امها)
ام خالد: هلا والله.. الا يا العنود هيا شفيها مع زوجها؟؟ماقالت لك؟
العنود: الا انا جايه عشان اقولك
ام خالد باهتمام: قولي
العنود: خشخشخشخشخشخش_ حكت لها السالفه بالتفصيل_
**************
طلال(طارق): وجدان(enter)
وجدان: هلا (enter)
طارق:شلون خالتي حصه؟ _ ويحط وجه يبتسم_ ( (enter*
وجدان استغربت كيف عرف اسم امها..: انا ما عمري قلت اسمها
وجدان: مين؟؟(enter)
طارق: اممممممممم يعني ما تعرفين امك؟؟ وكيف مشعل ترا من زمان عنه ما شفته من الشرقيه ..وملاك اخبارها بعد العنقز؟؟؟ ههههههه(enter)
وجدان بينها وبين نفسها: يمااااااااا شلون عرفني طويرق!!!!! . نجووووووووووووووود نجووود وصمخ تعاااااااالي بسرررررعه
نجود وهي تركض: خير شفيك؟
وجدان : وش اقوله؟
نجود: مين؟
وجدان: تعالي اقري...
بعد ماقرت نجود: شلون عرفك؟؟
وجدان: مدري مدري .. وش اقوله طيب؟؟
نجود:قولي حتى انا عارفتك من زمان.. بس ابغى افهم وش عرفه فيك !! اسأليه
وجدان: ترا حتى انا عارفتك من زمان..انت طارق ولد خالتي شيخة

البارت 17


الساعه 11 لما صحوا البنات من النوم
العنود: هاه قلتي لابوي؟؟
هيا: لا .. العنود ابوي يقول مالك الا بيت زوجك( تنسدح على السرير ودموعها تنزل بدون أي صوت)
العنود: انا قلت لك ابوي ماراح يطلقك كذا انتي لازم تقولين لهم لازم
هيا: ماادري ماادري
العنود: شوفي اذا ماقلتي انتي انا بقول ..
هيا:.................
العنود: هيا.. من زينه تسترين عليه هذا واحد ما يستاهل شوفي انا بقول لامي وهي تقول لابوي وكذا ممكن يطلقونك .. الا مو ممكن اكيد
هيا: بتقولين لامي؟؟!!
العنود: ايه ولا ماراح تتطلقين..بقولها الحين_وقامت_
راحت العنود عند امها عشان تقولها ليش هيا عافت زوجها
العنود: هلا يما ( تبوس راس امها)
ام خالد: هلا والله.. الا يا العنود هيا شفيها مع زوجها؟؟ماقالت لك؟
العنود: الا انا جايه عشان اقولك
ام خالد باهتمام: قولي
العنود: خشخشخشخشخشخش_ حكت لها السالفه بالتفصيل_
ام خالد انصدمت من الكلام اللى تسمعه ما توقعت ان نواف بالحقاره هذي... وكسر قلبها حال بنتها وحظها وتحسفت ببنتها عليه...

ام خالد بانفعال: حسبــــــــــــــــــــــــــــــــــــــــي الله عليه .. الله لا يوفقه لا بدنياه ولا باخرته جعله يشوفها في اهله .. وش شاف من هيا عشان يسوي اللى سواه .. هذا مافي قلبه خوف من الله . جعل ربي مايوفقه جعل ربي يحرق قلبه مثل ما حرق قلب بنيتي.. جعل ربي يحرق قلبه مثل ما حرق قلب بنيتي( كررتها ثلاث مرات من القهر)
العنود وهي منصدمه اول مرة تسمع امها تدعي على احد: يما لا تدعين على احد حراااام..خصوصا اهله يما حرام مالهم دخل..
ام خالد: واللى سواه في بنتي مب حرام؟؟ .. هذا وين ضميره ؟؟ هذا اللي كشفته بالغلط.. الله يستر من الخافي.. الحمد الله انها ماجابت منه عيال رحمه من ربي والله ..هذا مب كفو الابوة .. اللي مثله مب كفو يربي يبي من يربيه اللي مايستحي اللي مايخاف ربه ..مب انا ولا انتي ولاهيا ولا ابوك نحاسبه حسابه مع ربه ..لو حاط الله بين عيونه لو يحس بالخشوع بصلاته ماسوى سواته ..مااقول الا الله يقهره مثل ماقهر بنتي
العنود: يما قلت لك لا تدعين على احد .. قولي الله يهديه مو تدعين عليه.. صدق انه مو كفو بس الله يستر علينا وعليه
ام خالد: استغفر الله.. حرق قلبي وقلب بنيتي .. انا اقول بنتي ما عافت زوجها من فراغ ماعافته الا من كايد.. اثره مسوي كذا حسبي الله بس حسبي الله .. والله ان هيا كثيره عليه .. بعذرها والله عافته .. دامه ماحاسب على تصرفاته عند ربه مب محاسب عليها عند الناس.._وتنهدتــــــــــــــــ_ لاحول ولاقوة الا بالله .._لحظة صمت قصيرة_ على سواته هيا مالها رجعة له لو يحب السماء وبيطلقها وهو ما يشوف الدرب..
العنود: ايه يما اكيد.. بس يما وش بتقولين لابوي؟؟؟؟
ام خالد: لا لالاااا..ابوك ان عرف بيعرف خالد بعد و بتكبر السالفه وبتصير مشكلة وبتتعقد .. واخاف بعد ذا اللي مايخاف ربه يعاند ولا يطلق ويعلق بنيتي..وانا ماعاد ابيها على ذمته..
العنود: بس ابوي ماراح يطلقها من غير سبب
ام خالد: ابوك انا اتفاهم معه .. واقوله ( وقامت تشوف هيا)
*
*
*
هيا سمعت كل الكلام اللى دار بين العنود وامها وجلست تصيح وزاد صياحها لما سمعت دعاء امها عليه
قفلت باب الغرفه لانها حاسه ان امها بتجي عندها وهي ما تبي تشوف امها خصوصا لما عرفت امها السالفه...
ام خالد تطق الباب على هيا: هيا يا بنيتي افتحي الباب ابي اكلمك
هيا :...............
ام خالد: هيااااا افتحي
جت العنود: يما خليها الحين هي متضايقه بعدين كلميها
ام خالد: ما اقول الا حسبي الله ونعم الوكيل..
************
ساره بعد مارجعت من المدرسه
ام نواف لما سمعت صوت بنتها راجعه من المدرسه
ام نواف: ســــــــــــــــــــــــــــــاره ...
ساره: سمـــــــــــــــــــــــي
ام نواف: تعالي..
ساره: يما بغير ملابسي واجي
ام نواف: اقول امشي..
ساره: سمي( وتبوس راسها)
ام نواف: وش مسويه في المدرسه اليوم؟؟
ساره: ما سويت شي
ام نواف: اجل ليش متصلين علي؟
ساره: ايـــــــــــــــــــــــــــــــه...
ام نواف: ايه.. وش مسويه للبنت؟.. اعرفك بنتي اكيد متحرشه فيها.. وش قلتي؟؟
ساره: هي اللى طقتني يما انا ما سويت شي
ام نواف:لااا!!وهي مهبولة تمشي وتطق البنات كذا؟!! تعلميني فيك ياسوير؟؟.. اعرفك لسانك طول بليس..العام نادوني المدرسة مرتين وهالسنه بعد.. انتي الظاهر تكبرين وتنهبلين
ساره:ههههههههههههه
ام نواف: مين البنت اللى متهاوشه معها؟؟اخاف هيول بعد قلبتي عليها
ساره:لاااااا هيول مالها دخل..هذي بيان بنت خالة وجدان ونجود بنات عمي
ام نواف: هو هو!! ياخزياااه عند الناس.. ما لقيتي الا هالبنت؟
ساره: ما بلعتها ... شفتي هذي ( وتأشر على حلقها) ما نزلت منه
ام نواف: مب لازم تنزل .. يعني اذا ما نزلت تتهاوشين معها؟
ساره: يما خلاص ترى راسي معورني من بيانوووووه ومن المديرة تجين انتي بعد..بدال ماتقولين اوريك فيهم تهاوشيني؟
ام نواف: ايه عاد لو عرف ابوك يعلمك شلون الهواش صدق
ساره: لاااااااااااااااااااااااااااااا يما تكفين لا يدري..مالي خلق محاظراته
ام نواف: الا بقوله ..اجل تبيني اسكت؟..اصلا هو بيدري من روحتي بكرا للمدرسة
ساره بترجي: لا يما تكفين تكفين .._ وباست راسها_قولي بروح اشوف مستواها أي شي تكفين يما تعرفين ابوي مايخلص..
ام نواف: طيب طيب خلاص ماراح اقول وه وخري عني بس..
ساره: تسلميــــــــــــــــــن يا ام سوسو_ وتبوس من جديد_
ام نواف: طيب بس بعدي عني _ وتبعدها عنها_
********
في نفس الوقت
بيان بصوت عالي: يمــــــــــــــــــــــــــــــــــــــــــــاا ( وترمي شنطتها على سلومي ولد نوف ):سلومي امسك امسك...
كانت الشنطة اثقل من سلومي وجت بوجهه..
سلومي: وااااااااااااااااااااااااااااااااااع( أي: بكاء)
بيان:يا ليـــــــــــــــــــــــــل.. ياشين البزران خلاص كلها صقعه ما تسوي هالدموع
نوف تجي تشيل ولدها: بسم الله على ولدي فجعتيه
بيان: وش فجعته؟ غول انا غول!! الشرهه عاللي يلعبه مره ثانيه
نوف: بسم الله علينا مو كذا الناس تلعب..نفسي اشوفك ناعمه
بيان: ههههههههههه وش هالمسكه؟؟ خليت النعومه لك ولجيان..الا وش عندك جايه؟؟ انتي ماعندك بيت ورجل كل يومين ناطه..
نوف: صدق انك ماتستحين الحين هذا جزاي جايبه غداي اغديكم واوسع صدوركم انا وعيالي تستقبلينا هالاستقبال مالت عليك
بيان: انا مو منافقه.. حرام النفاق وبعدين اللى ينافق يدخل النار .. صح يا سلوم؟؟ ( تمسك يده)
سليمان:بعدي .. انتي مو حلوة
بيان: خليت الحلاوة لك انت وامك
نوف: هههههههههههههه احم احم ماجبتي شي جديد_تناظر سلومي_وه بس ياحبــــــــي له ولدي_وتبوووسه_
بيان: فاتك يا نوف فااااااااااااااااتك
نوف بحماس: وشو وشو
بيان: اليــــــــــــوم .. صار شــــــــي ههههههههههههههههه
نوف: وشــــــــــــــــو؟؟.. حمستيني
تجي ام طارق
ام طارق: خير شفيك تصرخين؟؟
بيان: جيتي بوقتك يا يما
ام طارق: خير! ... بعدين تعالي المدرسه اليوم اتصلت علي تقول تعالي بكرا المدرسه وش السالفه؟؟
بيان: ايه اسمعوا... فاتكم .. مسحت بكشه ساره الارض نظفت مدرستناااااااااااا خليتها تلمع .. والله لو تشوفونها وهي بين يديني تقولون دجاجه منتفين ريشها هههههههههههههههههههههههه
ام طارق تحط يدها على راسها: وش سويتي انتي..؟؟عسى ماجاها شي بس نبلش
نوف: الله يعظم اجر البنت
بيان: لو تدرون من ساره هذي
ام طارق+ نوف : ميـــن؟؟!!!
بيان: ساره بنت عم بنات خالتي
نوف شهقت : معكم بالمدرسة؟؟
بيان: ايه..بس اشوا مو بفصلي
نوف: عاد مالقيتي تتهاوشين الا معها؟؟
بيان: هي اللى بدت..تتحرش.. وانتم تعرفوني ما اسكت عن حقي
نوف: اذا مرره مضطرة تطقين احد وجتك الحاله .. ابعدي عن القرايب ههههههههه
ام طارق:الله يفشلك كانك فشلتيني مع الناس .. خلصوا بنات المدرسه مالقيتي الا هذي ؟؟
بيان: يماا لو سمحتي انا ما اغلط على احد ولا اتحرش في احد اللى يجيني امه داعيه عليه بيروح في خبر كااااان ام طارق:وانتي كل ما وديناك مدرسه سويتي مشكله فيها .. مافيه مدرسه بالرياض وما رحتي لها كلهم عافوك .. وين احطك هاااااااه وين؟؟
بيان: يا يما الله يهديك كذا الناس تعملك الف حسااب بيقولون عندها بنت ولا كل الرجال
نوف: ونعم البنت والله
ام طارق: يابنيتي خليك عاقله الحين وش بيقولون عننا
بيان: بيقولون هذي البنت ولا بلاش
سلومي: ماماااا انا دوعااااااااااااااااان
نوف: اروح اغدي ولدي ابرك
ام طارق: شوفي يا بيان.. انتي كذا على بالك بنقلك بالعكس انتي كذا تخليني اعاند ولا انقلك.. وحتى لو بنقلك باحطك في مدرسه جديده.. يعني مافيه رجعه للمدرسه للى قبل.. انسيييييييييييييييي
بيان_تهز راسها_:فففففففففففففففففففففف.. المهم حطوا غداكم تراني جعت من كثر الكلام
ام طارق: طاااااااااارق.. طوييييييييرق تعال خل عنك الكمبيوتر وتعال تغدى يلاااا
طارق: طيب يمااا بس شوي

البارت 18


وجدان: ترا حتى انا عارفتك من زمان..انت طارق ولد خالتي شيخة.. لاتجلس تسوي علي ذكي(enter)
طارق: ادري انك عارفتني بس استناك تقولين شي ماقلتي قلت اقول انا (enter)
وجدان:طيب اوكى انا وعرفتك من صورتك.. انت وش عرفك فيني؟؟؟؟؟؟؟؟؟؟؟؟؟(enter)
طارق:اساسا مااضفتك عندي الا لاني عارف ان انتي وجدان بنت خالتي.. والا انا مالي في النت.. اساسا ماصار عندي ايميل الا عشانك ..صراحة كنت ابي اعرفك واعرف اخبارك بنفسي مو من اهلي .. وكنت اتحاشى انك تعرفيني عشان كذا قلتلك انا طلال .. لحد ماعرفتك زين ..صار عندي حماس انك تعرفين من انا.. جلست المح لك ماجيت ببالك قلتلك رحنا الشرقيه مع اننا مع بعض بس ماعرفتيني او بالاحرى ماجيت ببالك..قلتلك اختي ولدت ماحسيتي انه انا .. لحد مااضطريت اني احط صورتي ماعلقتي قلت يمكن ناسيتني او ناسيه شكلي..بس بعد ماوريتك صورة سلومي عرفت انك عارفتني بس ماتبين تعلقين ومابدر منك أي ردة فعل..ليش ؟؟ انتي تشوفيني مجرد شخص تسولفين معاه وقت فضوتك ؟.. سواء كنت طلال او طارق كله زي بعض عندك؟؟؟
وجدان طايره عيونها وقلبها دوف دوف دوف: نجووووود وش اقوله ؟.. يمااا
نجود:طيب اساليه شلون عرف ايميلك؟
وجدان: طيب من وين جبت ايميلي؟؟(enter)
طارق: من جيــــان اختي(enter)
وانقطع الاتصال بينهم
طارق رفع راسه جهة السلك: يمااااااااااا لييييييييييييييش؟؟
ام طارق: ليش بعد؟ عشان تتغدى ساعه نناديك..هذا وقت النت؟؟ تعال وبعد الغداء لاتطلع ابد
*
*
وجدان: يـــــــــــــــــــــــــــــــــــــــــــــــــ ـــــــــــووه هذا وقته
نجود: جيان معطيته ايميلك!!! غريبه شلون؟؟
وجدان متنرفزه: الحين لما قال لي من وين جاب الايميل انقطع اوووووووووووووووف
*
*
في الصاله
اماعاشه: وش به ذي تصارخ؟؟
ام فهد وهي قايمه لبناتها: خير وش عندكم ؟؟...
وجدان: يما الله يخليك قولي لاختك تركب دي أس ال وتفكنا كل دقيقه منفصل خطهم
ام فهد: شدخل اختي الحين؟!! ... وبعدين اسمها خالتي مو اختك
نجود: اي يما عشان كنا نسولف مع جيان بالماسنجر وانقطع.. وكنا نقول سالفه مهمـــــــــــــــــــــــــــه مره مره
ام فهد: الله يستر من سوالفكم .. تعالوا تغدوا بس
*
*
*
عند طارق
طارق: يوووووووووووه هذا وقته ينفصل
جيان: شفيك بسم الله عليك؟
طارق: امي الله يهديها فصلت النت وانا عليه
بيان:احسن هذا اللي ينفع معك.. ساعه نناديك
طارق: انتي مالك دخل..كلي وانتي ساكته
بيان: هيه مو تعصب من امي وتحط الحره فيني..ترى حتى انا جايه من هوشه في المدرسه
طارق: بيان احترمي نفسك..وابلعي العافيه
نوف: ايه تهاوشوا مااوصيكم..لو ادري كل واحد نفسه بخشمه ماجيت
ابو طارق: اذا مالي احترام عندكم احترموا النعمه اقل شي..
بيان: افااااااااا والله ابو طارق اسفين لاتزعل علينا
طارق: شدعوى يباا مانحترمك .. بس بنتك ترفع الضغط
ام طارق: بعد انت فيه احد توه جاي من الدوام يدخل النت.. هذا وقته؟؟
بيان بهمس: والله اشك من تسولف معه
طارق: اسولف مع اللى ابي مالك دخل
بيان: يما بسم الله شلون سمعت؟؟
جيان: صفرت اذنه اليسار ههههههههههههههه
**************
المغرب في بيت ابو فهد
ام فهد بعد ماسكرت السماعة من ام نواف : خالتي الحمد الله على سلامة فواز..قرة عيونكم
اما عاشه: بشوفة نبيك..الله يسلمك..ايـــــــه ياقل خاتمته هالفواز ولا يقول بسلم على امي ..هين بس خلني اشوفه
ام فهد: حنا ياخالتي اللي بنروح نتحمد لهم بسلامته ونبارك لهم شهادته..اصلا ام نواف مسوية عزيمه لولدها والظاهر انها مكبرتها وتوها متصلة تقولي عن العزيمة..
وجدان: متى يماا قالت لك؟؟
ام فهد: يوم الخميس
نجود: اهااااا يعني السالفة كذا يبيلها لفه في كم سوق
وجدان: ايه والله.. شرايك يانجود وين نروح؟؟
اماعاشه:ايه تبونها من الله انتم توجوجون في هالسوقه .. وقرن في بيوتكن وانا امكم
وجدان بترجي: يماااااا
نجود: اما عاشه شرايك تروحين معنا
اما عاشه: هاه_وتفكر_
وجدان: انا اقول يما قري ببيتك مالك حاجه هههههههههههه
اما عاشه: اجل انتم اللي لكم حاجه؟ دواليبكم ماتتسكر من الخلاقين
نجود+وجدان: ههههههههههههههه
وجدان: ياحبي لك يمااا.. امزح معك لاتخليني احلف ناخذك معنا غيري جو وش يجلسك؟؟
نجود: ايه والله وانا بدفك .. واذا خلصنا نروح أي مطعم اعشيكم على حسابي
اما عاشه تحمست بس مابينت لهم
ملاك وتوها تدخل:وين بتروحون؟
نجود: خلاص العدد اكتمل مانتحمل زياده هههههههه
وجدان تهمس لملاك: تدرين اما عاشه عن عشر
ملاك: مالي دخل بروح
ام فهد: ملاك انا بكرا اوديك انتي بكرا عندك اختبار ولاذاكرتي
ملاك تمثل الصياح: يوووووووووو شفتوا انكم ماتحبوني الظاهر انا بنت الجيران
وجدان: بصراحه ياملاك انتي خليتيني اضطر اني اعترفلك بالحقيقه المره اللي اهلي غبوها عنك سنين طوييييييييله .. انــــــ ـــــــ ـــــــك مو بنتنا .. انتي بنت ناس فقرااء وحنا كل شهر نمدهم بالمؤونه واذا صار عمرك 18 خلاص بنوديك تعيشين عندهم
ملاك: اذكر العام بتودوني اذا صار عمري 14 وش اللي غير؟؟ خلااااص ترى صارت اقصوصتكم قدييييمه
نجود: مدري عنك حومتي كبودنا مانقولك شي الا وتقولين انا بنت الجيران .. خلاص ترى كبرتي على دور المهضوم حقها..
ملاك: خخخخخخخخخخخخخ
***************
الصباح الساعه 8 ونص في مدرسه بيان وساره
ام طارق: بسم الله الرحمن الرحيم... لو سمحتي_تأشر على بنت_
البنت: نعم
ام طارق: وين غرفه المديره؟؟
البنت: تعالي معاي واقولك
دلت البنت ام طارق على مكان غرفه المديره وراحت
ام طارق: مشكوره بنتي
تطق ام طارق الباب على غرفه المديره: السلام عليكم
المديره: وعليكم السلام
ام طارق: انا ام بيان اللى طلبتوني امس
المديره: هلا هلا .. كيف الحال؟؟
ام طارق: الحمد الله بخير.. اقدر اعرف بخصوص ايش تبوني؟؟
المديره: خير.. حنا طلبناك بخصوص المشكله اللى صارت بين بيان ووحده من الطالبات .. بصراحه يا ام بيان الكل ملاحظ على بيان انها مره مسترجله ومحسسه نفسها انها ولد بتصرفاتها وطريقة كلامها حتى مع المدرسات الكل عندها سواسية ..وتحاول تسبب مشكلة مع أي احد..يعني مع احترامي ماعندها ضوابط ماعندها حدود والمدرسات يشتكون من الشي هذا ..وبالنسبة لاسلوبها وطريقتهاا وشكلها انتي عارفة ان هذا الشي فيه تشبه والرسول ناهي عن هالشي..واحنا مانبي البنات يتأثرون منها .. ماتدرين يمكن هم يشوفون هذا الشي عااادي جدا وهو في الواقع يسلب الانوثة...طبعا بما انك امها حبيت اوجه هالكلام لك بغض النظر عن مشكلة امس..
ام طارق متفشله من بنتها ووجها صار يتقلب الوان: الله يهديها .. والله حنا نحاول معاها بس ماتسمع لنا...وانشاء السالفه مو بهالحجم انشاء الله يكون مؤقت..
تطق الباب ام نواف وتدخل
ام نواف: السلام عليكم
المديره+ام طارق: وعليكم السلام
ام طارق: ياهلاااااااااا والله.. شلونك وشلون العيال عساكم طيبيين؟؟والحمد الله على سلامة فواز..
ام نواف: الله يسلمك يارب.. الحمد الله احنا بخير وعافيه.. وانتم شلونكم ووشلون نوف بعد النفاس انشاء الله احسن؟؟
ام طارق: بخير يسرك الحال.. والله يا ام نواف هذي مو مناسبه زينه نشوف فيها بعض
ام نواف: الا تفشل وانتي الصادقه.. بس بنات وصغار وش نسوي معهم
المديره بخاطرها: وش يبون هذولي!!...عفوا انتم تعرفون بعض؟؟؟
ام طارق: ههههههههه ايه والله نعرف بعض
المديره: اهااا .. لا بس لاني استغربت ان واضح من سلامكم تعرفون بعض... طيب انا بنادي البنات ..._تتصل على المراقبه عشان تناديهم_
*
*
*
ساره وبيان وهم ماشين بيروحون لغرفه المديره
ساره: امي بتوريك شغل الله
بيان: يمااااااا يمااااااااا خفت تصدقين..
ساره: انطمي بس
بيان: شكلك ما تأدبتي بعد امس يبيلك شي اقوى
ساره: خخخخخخخخخخخخ
لما وصلوا غرفه المديره كل وحده مسكت بنتها وهاوشتها والمديره فيها الضحكه بس ماسكتها..
ام طارق وهي ماسكه اذن بيان: انتي متى بتعقلين هاه.. ماخليتي احد بحاله ..
بيان معقده حواجبها: أي أي أي.. يما وخري..شسويــــــــــــــــت!!
ام طارق وهي مازالت ماسكه اذن بيان: ابد ماسويتي شي..بس انا اللي مشتهية اهاوش
ام نواف تقرص بنتها( تقبصها لغير الناطقين بالسعودية ههههههه): الحين انتي تكبرين وتنهبلين ورا ما تصيرين عاقله مثل البنات هاه... ولا انتي غير يعني
ساره تحك مكان القرصه(القبصه): احححححححححححح يما ترا تحر.._وهي تقرب لامها وتهمس_:بعدين هاوشيها هي مو انا..والا عشان امها معها؟؟
ام نواف:ياخزياه عند امها .. انا حسابي معك بالبيت مو هنا..
المديره : خلاص خلاص.. بس حنا نبي منكم تكتبون تعهد
بيان بصوت عالي: لا ماراح يكتبون.. كفايه كتبنا حنا وكسرتوا حلفي .. بعد ذكرتوني بصوم ثلاث ايام..والا شكلي بزكي لــ10 مساكين اعملوا حسابكم يماا
ام طارق: بياااااااااااااااااان..ماتعرفين تتكلمين بصوت واطي؟عيب
بيان: وش اللى عيب يما صدق لا تكتبين كفايه حنا كتبنا .. بعد بعد
المديره: بيان انا كلامي مو موجه لك
بيان: وانا صادقة مايصير .. امس فرحناك وكتبنا عاد مو تكتبين امي.._بهمس_ عطيناك وجه
المديره ما تدري ايش ترد على بيان كل ماقالت كلمه ردت عليها بعشره
ام طارق:بيان معليش تسكتين شوي عشان اتفاهم؟
بيان وهي تتكتف: انشااااااء الله
ام طارق: شوفي يااستاذه من رايي ان السالفة ماتستدعي تعهدات من ولية الامر من الطالبات ممكن انتم احرار..
ام نواف:وبالنسبة للبنات الحين يعتذرون من بعض
ساره بخاطرها: الله يهديها امي وش هالاقتراح؟..
بيان بخاطرها: على كيفها ذي
ام طارق: يلا يابنات _وتدف بيان من يدها_عشان مايكون فيه مجال للنقاش
بيان وكلامها موجه للمديرة: طيب اذا اعتذرنا مافيه تعهدات؟
المديرة: خلاص انشاء الله مايكون فيه..
وتسلم بيان على ساره ويعتذرون من بعض.. وطلعوا الامهات واخذوا ارقام بعض وعزمت ام نواف ام طارق على العزيمه اللى سوتها بمناسبه رجعه فواز واكدت عليها تجيب بيان وجيان ونوف
..وطلعوا البنات على فصولهم..الموضوع بالنسبة لبيان انتهى لانها حست ان مافيه مجال امها ترجعها لمدرستها الاولى..بس بالنسبة لسارة فالموضوع منتهي مؤقت...
*
*
في فصل ساره
اول ما جلست ساره بالكرسي حققت معاها هيول

ساره واللى باين عليها القهر: امي تنرفز بدل ماتهاوشها تهاوشني..
هيول:طيب وبيان؟
ساره: حتى هي امها هاوشتها
هيول: يعني متساوين
ساره: لامو متساوين
هيول:ياحبك للمشاكل.. يعني وش بتسوين؟
ساره:مدري اذا جتني الفكرة علمتك..بس ان السالفة تعدي كذا مستحيل..اوريها البايخه تبي ترجع لمدرستها على حسابي..تشوووف
**************
يوم الخميس الساعه 11الصباح في بيت ابو نواف وكان كله حركه والكل مهتم بعزيمه فواز
ام نواف تكلم الخدامه: جيبي جيبي المبخره <<<<<<< شفيكم متحمسين من الحين تبخرون البيت خخخخخخ
ساره: يما يما..
ام نواف: نعم
ساره: وين هياا غريبه ما جت المفروض تجي
ام نواف: ايه المفروض بس وش تقولين
*
**
في نفس الوقت عند هيا
هيا وهي منسدحه على السرير وسرحانه يدق جوالها
هيا فزت من مكانها متروعه من دقة جوالها
هيا وهي مستغربه: نواف!!! وش يبي ؟؟!!
ردت هيا تبي تشوف ايش يبي منها نواف
هيا: الوو
نواف: السلام عليكم
هيا: وعليكم السلام ...
نواف: ايه وش صار على موضوعنا؟
هيا: نواف ياليت من الاخير وبكل بساطة تطلقني وترتاح وتريحني معاك ... انا ابي افهم انت وش تبي مني ؟؟ مو انا ما انفع بشي وامك داعيه عليك لما اخذتني..ولااقدر احمل.. ليش الحين متمسك فيني؟؟؟
نواف حس ان هيا كذا تذله وبنفس الوقت حس ان كلامها مقنع وقال بخاطره: ( صح انا وش ابي فيها ليش ما اطلقها وافك عمري) ..: والله انا ماادري ليش متمسك فيك ومثل ما قلتي انتي ما منك لاعيال ولا راحة بال..
هيا انقهرت من كلام نواف واقتنعت وقتها ان خروجه من حياتها اريح لها: اجل طلقني وارسل ورقتي مدام انا ما مني فايده...
جت نواف مكالمه وقفل السماعه في وجه هيا ورد على المتصل
اماني بغنج: هلا بحبيب قلبي..
نواف: هلا والله .. هلا بهالصوت.. شلونك ؟؟
اماني: اللى يسمع صوتك اكيد يصير بأحسن حال..
نواف: يلوموني فيك ..
اماني: قلبي.. تعال عندي لك مفاجأه
نواف: الحين؟؟
اماني بغنج: ايه الحين الحين..
نواف: ااااا طيب اشوف
اماني: لا مو تشوف بتجي
نواف: هههههههههههه طيب من عيوني بجي
اماني: اووكى لا تتأخر
نواف: ان شاء الله

البارت 19


وتوه بيدخل جواله بجيبه الا ويدق مرة ثانيه
نواف بينه وبين نفسه: ياحبي لي..طلعت مهم وانا مدري...اوووه هذي امي: هلا
ام نواف:السلام عليكم
نواف: وعليكم السلام
ام نواف: الا يانواف وين هيا؟..ادرق عليها ماترد
نواف بخاطره(احسن شي سوته انها ماردت):ااااا هيا تعبانه شوي يماا وماظنيتها تجي اليوم للعزيمة
ام نواف: افااااا سلامتها ماتستاهل والله..بس ياكافي ولاتدق تقول ابارك والا اتحمد لفواز بالسلامه؟..
نواف: ايه وش تسوين عاد .. قليلة خاتمه..المهم يما ماعلينا انا مشغول الحين شوي..تبين شي؟؟
ام نواف: سلامتك..مع السلامة .. بس لاتتاخر علينا اليوم
نواف: انشاء الله.. فمان الله
*************
في بيت ام طارق الساعه 6 المغرب
ام طارق: بتروحين يعني بتروحين الحرمه قدرتنا وعزمتنا وانتي تقولين لا
بيان: ماابي ارووووووووووووح ... الحين مصفقه بنتهم واروح بيتهم؟؟
ام طارق: انا ما اشاورك.. انا اعلمك بس عشان تلبسين وتتجهزين
جيان: ياختي تعالي نشوف وش بيضرك؟؟
بيان: انتي شوفي وش عندهم انا ماابي اشوف
ام طارق: الحين نوف ماراح تروح وانتي بعد
بيان: انا للــــــــــــــــــــــــــــه ..
ام طارق: اقول قومي البسي يالله لا تخليني اعصب
جيان بهمس لبيان: بيان خلاص والله ما تسوى امي تروح وهي معصبه عشان امي بس مو عشانهم
بيان تتنهد: ترا بس عشانك يا يما بروح ولا هم ما يستاهلون
ام طارق: ايه بس انتي قومي

***************
في بيت ابو نواف بعد ما تجمعوا الناس الا ام طارق ما بعد وصلت
وجدان : ههههههههههه ياحبي لك ياسارونة..من جدكم انتم؟؟
سارة:!!!!!!وتضحكين؟!!! .. بس اسمحيلي مع احترامي يعني بنت خالتكم مافيها فرق عن الشباب اذا مو ارجل بعد
نجود: حراااااام عليك..ماعليك من لسانها وحركاتها تراها مرره طيوبه من جوا وماتشيل بقلبها..يعني انا عن نفسي مرره احبها وانبسط معها تراها والله خفيفة دم عليها حركات ومقالب تجنن
سارة: اهااا بس وش هالطيبه اللي ماشفنا منها شي؟
وجدان: يووو شكلك مرره شايله عليها
سارة: بصراحة بصراحة حطوا انفسكم مكاني اكيد ماراح تتقبلون اللي صار
نجود: بصراحة ياسارة انتي بعد جالسة ترمين عليها كلام..كانك تستفزينها
سارة: انا ماكنت اكلمها كنت اكلم مريم وهيول _وهي تناظر عند الباب_ يؤ جت خلااااص لاتعليق
وجدان+نجود:ههههههههه
*
*
*
ام طارق تروح تسلم على ام نواف: الحمد الله على سلامه فواز ومبروك الشهاده
ام نواف: الله يسلمك ويبارك فيك ..
جيان: هلا خالتي_ تبوس راسها_ الحمد الله على سلامه فواز
ام نواف: هلا والله .. الله يسلمك
بيان: هلا _ تمد يدها بس_ ( تنغزها ام طارق يعني قولي شي) الحمد الله على سلامه فواز
ام نواف: الله يسلمك.._وكلامها موجه لام طارق_مشاء الله هذي جيان ؟؟_وتحط يدها ورا ظهر جيان_
ام طارق: ايه هذي جيان
ام نواف: مشاء الله مشاء الله كبرت... الله يحرسها ياربي هالزين طالع على مين؟؟
ام طارق: علي اكيد هههههههه
ام نواف: ههههههههههههههه
***********************
في بيت ابو خالد
ام خالد: والله انا اقول لاتكلمها خلاص انا كلمتها وبعدين البنت تحكي لامها ماتحكي لابوها
ابو خالد: مااكلمها؟!! اجل اخلي بنتي تتطلق؟ وانا مدري وش بلاهم؟؟
ام خالد:هيا قالتلي انه دمر نفسيتها بسالفة العيال كأن هالشي بيدها وهو كذا والا كذا اكيد بيتركها من نفسه يبي وحده تجيب له عيال .. غير كذا هيا باستمرار تتهاوش معه على ادنى شي وفي ابسط مشكلة يدخل سالفة العيال .. وبصراحة هيا مو متحسفه عليه لانها لامبسوطة ولامرتاحه معه ويوم فكرت فيها قلت ليش نربط البنت معه وهي توها عمرها 27 يمكن حظها يزين لو تركها هاللي مايحترمها.. 6 سنين معه متحملته مسكينه ماتقدر تعبت..
ابو خالد: ان كان عندها نيه ترجعله لاتقولين لها هالكلام.._تنهد_ انتي تحسبين المطلقه كلمه سهلة ؟؟
ام خالد: ادري والله بس بعد ماابي بنتي ترجعله عشان يلعب باعصابها ويمكن بعدين او تغصب نفسها عليه يروح يتزوج عليها ويحرق قلبها.. والله ماتسوى عليها مسكينه والحمد الله يمكن خيره ماعندهم عيال يربطونهم
ابوخالد: الحين هو اللي مايبيها والا هي اللي ماتبيه؟
ام خالد: كلهم مو طايقين بعض هي لو تبيه ونست كلامه ومعاملته كان رجعت بيتها حتى هو لو تهمه والا فاقدها او يبيها كان جاء او كلمك عشان ترجعله بس الظاهر كذا اريح لهم
ابو خالد وهو يتنهد: لاحول ولا قوووووة الا بالله
*************************
في العزيمه
جلسوا البنات مع بعض ضحك وسوالف ماعدا وجدان كل همها شلون تسأل جيان عن الايميل بس مو عارفه كيف تبدا معها .. بس جيان سبقتها وسألتها عن مشعل..
جيان: ايييييه وجدان نسيت اسألك شخبار شعشع؟
وجدان: ياحبي له بس صار مشعل واحلى مشعل مو شعشع ..ولابس ثوب اليوم بعد ومرسم يجننننن شكله
جيان:تطورات والله من وراي..مره ودي اشوفه..اهم شي كيف نفسيته
وجدان: اول شي كان حابس نفسه عننا وعن اصحابه بس الحين احسن والله صار يجلس معنا ويسولف حتى كلامه تغير
جيان: هههههههه ياحبيله _وهي ترفع يدينها_عؤبال عندنا يارب
وجدان:ههههههه امين_وهنا وجدان تحمست تسأل جيان عن الايميل..:اااا جيان بسألك..
جيان: هلا
وجدان: انتي عطيتي ايميلي اخوك طارق؟؟؟
جيان طارت عيونها : نعم !!! طارق اخوي؟؟
وجدان: ايه
جيان باستنكااااااار: لا ليش؟؟
وجدان: الا هو يقول
جيان: شلون يعني هو قالك؟ ووين شفتيه عشان يقولك؟؟ترى مو فاهمه عليك..!!
وجدان: خشخشخشخش_ حكت لها السالفه بس مشفره _
جيان وهي مو مستوعبة:هههههههه ياحبيله طارق والله غريبه عليه جد ماكان يهتم للنت فجأه طاح فيه صار يسولف معك..ياحليله اوريه يحطها فيني ترى صدق ياوجدان مستحيل
اعطيه ايميلك من غير مااقولك
وجدان: لاني مررررره استغربت ويوم سالته قال انه جاب ايميلي منك..جيان بليز اساليه من وين له ايميلي
جيان:الحين كل شي سولفتوا فيه جت على هالسؤال؟
وجدان وهي تبتسم: يوووو لاتصيرين بايخه انا ماراح اصبر اكيد باساله بس انتي بعد اساليه
جيان:اوكي
*
*
*
بعد ماخلصت العزيمه على خير .. الكل كان يسأل عن هيا بس كان ردهم انها تعبانه وماقدرت تجي رغم ان ام نواف ماأقنعتها سالفة التعب..
**********
في السياره
وجدان: الحين اللى موقف عند الباب وحنا طالعين فواز؟؟؟
نجود: ايه..
وجدان: يووووووو مشاءالله ياحللللللوووه
نجود: ايه مره وسيم .. اسم على مسمى
وجدان: شدخل؟؟
نجود: مدري احس أي احد اسمه فواز حلوو ووسيم ههههههههه
وجدان: الحمد الله_وتقرب من نجود وتقولها بهمس_:واي احد اسمه عبدالله شين؟
نجود: لا والله يلا بس ياحبيله عاد عبودي مابقى شي من الزين..
**********
ابو نواف وهو جالس مع عياله بعد العزيمة: مشاء الله مشعل صار رجال .. وصار يلبس ثوب وعقال ..كبر
نواف: والله عمي مدلع ولده لين خربه
ابو نواف: بس كبر وعقل مشاء الله
فواز: ايه حتى باين على عمي انه مبسوط من مشعل
ابو نواف: الله يخليه له
دخلت عليهم ام نواف
ام نواف: السلام
الكل: وعليكم السلام
ام نواف: نواف..الا هيا شفيها؟؟ عسى ماشر؟
نواف ما يدري ايش يرد على امه بس بالاخير راح يعرفون: والله يا يماا خلاص انا بطلق هياا
ابو نواف: وشوووووو؟؟؟ وش قلت؟؟
نواف: بطلق هيا
ام نواف: ليش والله كلها سنع ؟؟ وش صار عشان تطلقها؟؟
نواف: والله كل يومين تصير مشكله اكبر من الثانيه..وبصراحه انا ابي عيال وصبرت عليها 6 سنين..زين مني متحملها هالوقت ومقابلها..وبعدين بصراحة انا مو مضطر اراعي عقمها..هي عقيم انا وش اسوي؟؟
ابو نواف: بس يا ولدي هيا ما فيه مثلها
نواف: يبا الله يخليك هذي حياتي وانا ابخص فيها
ابو نواف:اجل دامك ابخص سو اللي يريحك
ام نواف: بس يا ولدي اخاف تتحسف بعدين عليها
ويقطع كلامها ابو نواف: خليه يا ام نواف هو رجال و ابخص بنفسه مثل ماقال وابخص بهيا اللي فرط فيها
ام نواف: يعني هي عند اهلها؟؟
نواف: ايه لها كم يوم ذالفه
ام نواف: لاتتسرع ياوليدي
نواف: يلا اجل انا بروح توصون على شي؟؟
ابو نواف+فواز: سلامتك_والكل حس هنا انه مايبي يناقش بالموضوع_
نواف:فمان الله
الكل: مع السلامه
*****************
في بيت ابو فهد بعد مارجعوامن العزيمة_في غرفة نجود_
نجود بينها وبين نفسها مررره حنت لعبد الله ومن غير ماتعطي لنفسها مجال دقت عليه
عبد الله: اهليـــــــــــن هلا والله بنجود
نجود ابتسمت لاارادي: هلا فيك
عبدالله: شلوونك يانجود؟
نجود:الحمد الله بخير..انت شخبارك؟
عبدالله بعد مااخذ فترة قصيرة من السكوت:نجود بذمتك انتي ليش داقة؟
نجود:ليـــــش!!!!اذا للدرجه هذي يضايقك اتصالي قفل الخط وبوجهي بعد
عبدالله: انتي عارفه ان مو كذا قصدي..وانا متأكد انك فاهمتني كويس بس انا اللي مو فاهمك
نجود:تفهم ايش؟؟
عبدالله: بصراحة يانجود انتي متصلة علي بقناعة تامة؟؟؟ومن غير ماتترددين؟
نجود:............
عبدالله:اقل شي فسري اتصالك
نجود:شفيك ياعبدالله انا مو بزر اتصل بتأثير من احد
عبدالله:يعني متصلة عشان انا اعني لك لو شوي؟؟ لو ربع اللي تعنين لي؟
نجود:بصراحه انت لو عادي عندي مادقيت عليك..انا سكرت منك المرة اللي راحت على اساس خلاص بقولك الله يوفقك بس مررره عز علي اقولك كذا واتركك..دقيت لاني فقدتك..حنيت لسواليفك مره..
عبد الله واللي مو متخيل ان اللي تتكلم نجود:مستحيل تكونين فاقدتني كثر ماكنت فاقدك..بس وش اللي خلاك تترددين طول هالاسبوع ومن غير ماتكلميني؟
نجود: عبد الله افهمني ماترددت لانك مو ثقة ..بس لاني اقول بنفسي انا كذا والا كذا تاركتك اذا مو هالاسبوع الاسبوع اللي بعده اذا مو هالشهر الشهر اللي بعده لو نجلس سنة مع بعض اكيد بيجي يوم نترك بعض فيه ومن غير تردد..عشان كذا قلت اخاف لما ارجع لك اتعلق فيك زيادة واصير مااقدر اتركك..رغم اني رجعت وتجاهلت الشي هذا وكلمتك..
عبدالله: والله يانجود ومن غير مبالغة مرة يسعدني انك متصلة بقناعة منك.. ويسعدني بعد انك فاقدتني بس ليش التفكير السلبي انشاء الله مايجي اليوم اللي اتركك فيه
نجود:عبدالله الواقع يحتم علينا انه يجي هاليوم..
عبدالله:.......................
نجود وصوتها فيه نبرة الحزن:عبدالله ساعدني اتركك..
عبدالله اللي انقبض قلبه وبصوت عالي قال: نجود الحين الشخص اذا تعلق بشخص يقوله ساعدني اتركك؟
نجود:ايه اللي مثل علاقتنا ايه..
عبدالله وبصوت اعلى:وليش تتركيني؟؟ انتي ليش تلعبين بأعصابي؟
نجود:انت اللي لعبت باعصابي
عبدالله: نجود انتي تخليني اضطر اقولك شي ماابغى اقوله..رغم اني لازم اقوله
نجود باهتمام: قوووول
عبدالله واللي تغيرت نبرته: بعدين يانجود بعدين
نجود: لأ الحين..انت مغبي شي علي؟
عبدالله: انا الحين مضطر اقفل اكلمك بكرا اوكي؟
نجود: لا مو اوكي.._بترجي_ عبدالله قووول
عبدالله: _تنهد_على قد مااسعدني اتصالك على قد ماخلى عندي غصة
نجود بعد ماحست ان عبدالله فعلا متضايق بس ماتدري من ايش:طيب براحتك بس لاتتصل علي الا اذا قررت تعلمني او لاتتصل..
عبدالله:ادري اني لازم اقولك بس لاني عارف اذا قلت باحسم علاقتي فيك
نجود:يؤ لهالدرجة؟!!
عبدالله:................
نجود: عموما مااضغط عليك اكثر من كذا.. بس حط ببالك انك بتقولي
عبدالله: اكيد اكيد..يلا نجود فمان الله
نجود:مع السلامة
*************************
صباح السبت...في بيت ابو خالد
ام خالد وابو خالد كانوا بالصالة يتقهوون وقطع سواليفهم رنة الجرس...
ابو خالد:خير من بيجي الحين!!_بعد مافتح وشاف مين عند الباب رجع لام خالد بس رجع بورقة..ورقة ط ـــ ــــلاق هيا..
ام خالد:من صار اللي عند الباب؟
ابو خالد: هذا واحد من المحكمة جايب ورقة مصيرية لبنتك هيا يبيني اوقع على استلامها..
ام خالد تنهدت : الحمد الله على كل حال..
ابو خالد: بس ماظنيته يتركها بهالسرعة..تهون عليه 6 سنين؟!!انا احتريه يجي يكلمها والا يكلمني..بس يلا خيرة الحمد الله على كل شي...الا وين هيا؟؟
ام خالد: نايمه .. اذا قامت روح وكلمها

البارت 20

بعد ما صحت هياا وعرفت ان نواف طلقها جاها شعور غريب هي نفسها ما تعرف ايش .. ابو خالد هو اللى علم هيا الخبر ونزلت دموعها رغم انها هي اللى تبي هالشي..
العنود: هيااا انتي من جدك تصيحين الحين؟؟ مو انتي اللى تبين الشي هذا ؟؟
هيا من بين دموعها: ايه .. بس حتى لو .. لقب المطلقه شين مره .. حتى لو انا ابي الشي هذا
العنود: انتي الحين تصيحين عليه والاعلى نفسك؟؟
هيا: ما ادري.. انا متضايقه على مرتاحه على ...ماادري ماادري
العنود رحمت اختها وحبت تتركها لحالها احسن لها
******************
الساعه 9 الليل
وجدان: مادخل طويرق الشررر ..
نجود: .............
وجدان وتأشر بيدها : هيـــــــــــــه..وين مسرحه؟؟
نجود:تخيلي ياوجدان عبدالله يقولي فيه شي بينهي علاقتنا من ناحيته بس ماعلمني وشو!!
وجدان:متى كلمتيه؟
نجود:قبل امس يوم جينا من عمي.._وخشخشخشخش حكت لها السالفة بالضبط..
وجدان: يوووو اخاف انه متزوج!!
نجود:لاااا مااتوقع
وجدان:ومن قبل امس مادق؟
نجود بحيرة: لا مادق
******************
الاحد في المدرسه الساعه 8
ساره: انا امس كلمت مريم وقلت لها وش ناويه اسوي مع بيانوه
هيول: وش ناويه عليه؟؟؟!!!
ساره: مريم تقول لا تسوين كذا حرام بس ماادري
هيول عصبت: طيب قولي وش ناويه عليه؟؟؟
ساره: يا حبيبتي ناويه عليها نيه تخليها تعرف مين ساره بس انا ماراح اسويها الحين راح اخليها بعد اسبوعين لما تخف السالفه ... ناويه..
ويقطع كلامهم صوت المدرسه وهي تصرخ
المدرسه: سااااااااااااااااااااااره.. اذا عندك سالفه انتي وهيله روحوا كملوها برا.. ناظرتك كذا مره بس ماتفهمين..والا اقول تعالي قدام ( وتأشر على الكرسي اللى قدام)
ساره: فففففففففففففف.. خلاص بعدين اكمل لك.._وراحت قدام_
*
*
*
****************
العصر في غرفه وجدان
وجدان: طارق جيان ليش تعطيك ايميلي؟؟؟؟؟؟؟؟(enter)
طارق: مو هي اللي عطتنياه .. انا اخذته من نفسي ..مره كانت تسولف معاك بالماسنجر واخذت ايميلك من غير ماتحس ولما اضفتك انتي ما قبلتي الاضافه .. سجلت بنفس المنتدى اللى انتي وجيان مسجلين فيه وطبعا عرفت انك مسجله من جيان اختي ..ومن هنا اضفتك وقلت لك اخذت ايميلك من المنتدى لان صاحب المنتدى صديقي وعلى اساس يعرف كل الايميلات وانتي تذكرين .. وبس (enter)
وجدان بينها وبين نفسها: السخيــــــــــــــــــــــــف كرهته ..
وجدان: اهاااا ترا الحركه جدا بايخه (enter)
طارق: انا اسف ادري انك لو عرفتي بتزعلين او ماراح تتقبلين الحركة ( enter)
وجدان:طيب ليش هاللفه كلها والحوسة؟؟!!(enter)
طارق:والله ياوجدان انا نفسي ماادري..بس يمكن لانك تثيرين اهتمامي من وانتي صغيرة..وحاب اعرف تفكيرك واخبارك واخبار دراستك وكل شي عنك لحد ماحبيت انك تعرفيني لشخصي (enter)
وجدان: اوكى باي(enter) _ وطلعت قبل ما يقول شي طارق ..( بيني وبينكم حظرته )

البارت 21


الساعه10 الليل في بيت ابو طارق

بيان:جيان تبين اطلب لك معي بيتزاء؟
جيان:........
بيان:ياهووووووه..طقنا الجوع وانتي تفكرين
جيان:بسم الله الرحمن الرحيم..شتبين؟؟ تروعت منك
بيان:وانا مااكلم احد الا يقول روعته..
جيان: اي وطي صوتك مو كذا تفجعين
بيان: المهم وش تبين اطلب لك معي؟؟
جيان وهي شبه مسرحه: بيان
بيان:سمي
جيان:تخيلي طويرق مطيح بالنت مع وجدان بنت خالتي
بيان: والله؟ شي حركات من ورانا .. شلون طيب؟؟ انتي شلون عرفتي؟
جيان:خشخشخشخشخش_حكت السالفه لبيان_
بيان:طارق اخوي!!!...هذا اللي مسوي مبادئ وقيم عندنا..ياخذ ايميل بنت خالته ويسولف معها من غير ماتدري..
جيان:ياعمري شكله يحبها ومتعلق فيها من زمان حتى من قبل مايضيفها..والحين شكله تعود عليها بعد..والا وش الله حاده يدبر ايميلها
بيان:جيانوه ماقلتيلي شلون عرفتي؟هو قالك؟؟
جيان:لا قالتلي وجدان يوم الخميس في العزيمه..ومررة مستغربه تخيلي يوم سألته شلون جاب ايميلها قال من جيان
بيان: خيييييير ماله داعي الاخ يحبها ويأرنب عليها
جيان:ماتدرين يمكن قصده مني بس بطريقه غير مباشره
بيان: بس اخوك ماعنده منطق يوم انه يحبها ليش مايخطبها ويختصر السالفه
جيان:انا بكلمه واسأله بس مدري شلون...
بيان وهي تناظر الساعه:جيانوه ياويلك ان دقيت عالمطعم وقالوا خلاص سكرنا
جيان:ههههههه دقي من ماسكك؟
بيان:انتي واخوك كش عليكم.. اطلبلي ابرك
********************
نواف: يلا عاد امونه لك كم يوم وانتي بتفاجئيني..قووولي
اماني :خلاص خلاص بقول..بس وش تتوقع؟
نواف: اتوقع انك بتقولين الحين..يلااا
اماني:هههه طيب طيب..المفاجأة تتلخص في كلمه
نواف: طلعت روحي ماطلعت هالكلمه
اماني: بسم الله عليك وعلى روحك..نواف انا حامل
نواف اللي كان مستبعد هالكلمه:حاامل!!!_وعيونه مركزة بعيون اماني اللي نزلتها من الخجل_
اماني:.......
نواف : اخيــــــــــــــــــ ـــــــــرا اخيرا بعد كم شهر بيصير عندي ولد
اماني وهي مبسوطه من فرحة نواف:ويمكن بنت
نواف:اللي يرزق البنت يزرق الولد..
اماني:حبيبي بطلب منك طلب
نواف: سمي.. امري
اماني: ماتعتقد ان صار لازم يصير زواجنا رسمي ومعلن مو مسياربس..انا اول كان ماعندي مشكله بس الحين لا وضعي تغير بيصير بينا اطفال..احسم الموضوع يانواف
نواف:بس كذا؟؟ وليش حاسه اني برفض؟؟اصلا حسمت الموضوع قبل لااسمع مفاجأتك لاني طلقت هيا
اماني باهتمام:طلقتها؟؟
نواف: ايه عشان تصدقيني اذا قلتلك اني مااستصيغها وانك انتي اكبر همي
اماني وهي تبتسم:ياحبي لك يانواف الله لايخليني منك..بس بليييز قلبي لازم تقول لاهلك ونستقل عن بيت اهلي اوكى؟
نواف: انشاااااااااااء الله ماطلبتي شي..
*********************
في بيت ابو طارق الساعة 5 العصر
طارق وهو جالس في الصاله يقرا الجريده وفاتح النت وكل شوي يرفع عينه على الشاشه
طارق بينه وبين نفسه: يالله هذي شفيها مادخلت!!.. اخاف حظرتني .. لالا يمكن عندها اختبارات

جيان وهي مارة من الصاله..يستوقفها طارق
طارق: جيان..
جيان: نعم
طارق: الحين لو احد حظرني كيف اعرف؟؟؟
جيان: امممممممممممم ماادري بس اتوقع لازم برنامج
طارق: طيب حملي البرنامج
جيان:مدري مااعرف..اصلا البرنامج ماله داعي
طارق الا له داعي
جيان: ليش طيب؟؟!!!
طارق:انتي ماعليك..اصلا خلاص ماابغاه هونت
جيان:كل هذا عشان وجدان؟؟؟
طارق وهو مو مصدق ان اللي بينه وبين وجدان طلع..وحس ان جيان تعرف وماعنده مجال ينكر:.....
جيان:ليش مستغرب؟؟!! المفروض انا اللي استغرب..انا مو جالسة احاسبك على شي ..بس من جد حطيتني في موقف مااااااله داعي مع وجدان
طارق باهتمام:وش قالت لك طيب..وش قالت؟؟؟
جيان:انت عارف وش قالتلي..
_لحظة صمت وتفكير قصيرة_

جيان:طارق..اقولك شي بس ماتزعل مني؟؟
طارق:قولي شدعوى
جيان:بصراحه كنت متوقعه اهتماماتك ارقى من كذا..
طارق: شلون يعني؟!!!
جيان:يعني ماتوقعت انك تقيس وجدان من نت..حتى لو هي اكبر همك
طارق:علميني ياشاطرة شلون اقيسها؟؟
جيان: لاتقيسها..دامها تثير اهتمامك لهالدرجة اختصر الموضوع واخطبها..
طارق: اكيد انشاء الله.. بس قلت اعرفها قبل واعرف تفكيرها واهم شي اعرف يومياتها..
جيان:يووو ياطارق خلاص كلم امي تكلم خالتي..الى متى وانتم عالنت
طارق: كنت متحمس بس بعد ماعرفتني وجدان ماتقبلتني ابداااا..حاس لو بخطبها بترفضني
جيان:ليتك ماقلت لها..او ليتك مااضفتها عندك نهائيا
طارق: ماتتخيلين ياجيان قد ايش وناستي وانا معها..احسها الحين مو متقبلتني ابدا لان اخر مرة يوم عرفت اني طارق قالت: اهاا بس ترى الحركة بايخه وطلعت .. تخيلي ياجيان وعليها للحين..احس انها حظرتني من عندها
جيان: متوقعها تقوى علاقتها فيك لو عرفتك انك طارق؟؟
طارق: ماادري..بس مرره كان نفسي انها تسولف معي على اساس اني طارق مو واحد ماتعرفه ..بس يوم عرفتني عافتني
جيان: اف مو لدرجة عافتك وجدان مجرد ماتقبلت الحركة بس..لاتعطي الموضوع اكبر من حجمه
طارق:الحين ماراح احصلها عالنت..ولو بخطبها احتمال كبير ترفض..شسوي انا الحين؟؟؟؟؟؟؟
جيان: خلاص طارق تفاءل شفيك
طارق:الله يسهل
*********************
في بيت ابو خالد
خالد:هيااااااااااااااا..هيااا
العنود: خالد هات تدري مااقاوم الدونات بلا سخافه
خالد:روحي روحي نادي هيا تتقهوى معنا وش مجلسها بغرفتها لحالها؟
العنود:هياااااااااااااااااااا
خالد:لا والله؟ اعرف اناديها وانا بمكاني قومي ناديها
العنود:ههههه طيب خلاص ذليتنا عالدونات .. لو انك جايب لنا منجم شتسوي؟
خالد: هههههههههههههه منجم !! لو عندي منجم تبريت منك
العنود: افاااااا خلني اقوم قبل لايجيني كلام اكبر
قامت العنود لغرفة هياا
العنود: هيا يلا تعالي تقهوي معنا لازم يعني دعوة شخصية؟
هيا: شمعنى الحين دعوة شخصية؟؟ كل هذا متعاطفين مع وضعي؟؟
العنود: بسم الله عليك شفيك؟ ماقلنا شي كلنا طفشانين قلنا نجتمع على قهوة وين المشكلة؟
هيا:........
العنود تجاهلت ردة فعل اختها وماحبت تعلق..اكتفت انها تقول:يلا نستناك..
هيا بينها وبين نفسها:اعوذ بالله من الشيطان الرجيم_وراحت عند اخوانها_
**************************

في المدرسة الصباح الساعه 9

مريم وهي مطيرة عيونها: مجنونه انتي ولا صاحيه؟؟
ساره: لا صاحيه.. شفيك؟
مريم: انتي اللي شفيك؟ حرام عليك..هذا وهي تصير لكم البنت ..تسوين كذا؟!!
ساره: والله محد قالها تمد يدها قدام البنات .. لو انتي مكاني يمكن تسوين العن مني بعد..لاتجلسين تسوين لي مبادئ وقيم..
مريم: يووو ياساره بصراحه بصراحه انصدمت فيك
ساره: الله اكبر الحين متعاطفه معها وانتي ماتعرفينها وانا صديقتك بالطقاق انقهر؟؟بدال ماتقولين بفزع معك تقولين انصدمت؟
مريم:خيــــــــــــــــــــر..وين جالسين فيه فزعه!!مدرسة عيال؟ بعدين اسمحيلي انا ارقى من اني اساعد او اعين بهالحركات
ساره: تدرين .. الشرهه عاللي متحمسة وجاية تقولك
مريم: طيب قلتي لهيول؟؟؟
ساره: لا..امس دقيت عليها قالت امها انها شوي تعبانه عشان كذا غابت اليوم
مريم: اهاا .. اجل لازم اكلمها اليوم..
ساره: ايــــــــــــه مريوم ماقلت لك وش صار امس لما طلعت مع بنات عمي
مريم: وش صار؟؟
وجلست ساره تتخيل كل اللي تتمنى يصير معها .. وتحكيه لمريم على اساس انه واقع وصار_تحت تأثير النقص_..
************
في بيت ابو فهد في الصالة الساعه 5 العصر
وجدان والريموت بيدها: اففففففف التلفزيون صار بايخ مافيه شي يطفش..
ملاك:غريبة وين لاب توبك..؟!
وجدان: حتى النت صار يطفش..
نجود: وجدان ارجعي ارجعي شكل الفيلم حلو
مشعل: ايييييييه مرة حلو .. شفته قبل كذا..شفتي البطل بيصير في الاخير جاسوس..والبطلة اذا عرفت في الاخير بتقتله و ..
وتقاطعه نجود: اقول وجدان غيري خرب علينا الفيلم..الواحد مايعرف يتفرج وعنده بزران
مشعل:هيـــــــــــــــــــه انا رجال..وبعدين الشرهه عاللي متحمس عشانكم
ملاك: خخخخخخ امحق حماس
وتدخل عليهم ام فهد: عسى ماشر شفيكم بعد القيلوله نفسكم شينه _وتناظرهم_ اصلا شوفوا أشكالكم كأنكم مبخوخين
وجدان: اي والله يما طفشنا من الروتين مافيه شي جديد
ويقطع كلامهم رنة الثابت..
ملاك: الو
... : ...........
ملاك: هلا وغلا.. لحظه كح كح غباااااااااااار..اصلا نسينا ان عندنا ولد اسمه فهد
تقوم وجدان تاخذ السماعه من ملاك: هاتي ممنوع البزران يردون
وجدان: اهليـــــــــــــــن..حيا الله فهودي
فهد: بالمهلي..يوو والله لكم وحشه من قلب..شلونكم كلكم؟؟
وجدان: كلنا تماااااااام..انت كيفك وكيف حرمك المصون؟
فهد: تمام مشتاقين لكم..جودي اذا عندك امي والا ابوي هاتي نسلم
وجدان:اوكى..يما فهودي يبي يسلم عليك
اخذت ام فهد السماعه: هلا بالقطوع .. شلونك؟
فهد:الله يحيي هالصوت .. انتم يما اللي ماكأن عندكم ولد لو مادقيت ماتدقون
ام فهد: ايه الحق لنا
فهد:اكيد يما..اسمعيني يماا انا كلمت اسلم عليكم واقولك اني يمكن اروح انتداب لمصر
ام فهد بضيق: بعد ياولدي لمتى وانت انتدابات ماحنيت لديرتك واهلك؟ وش الله حادك؟
فهد: شسوي يما لازم ..
ام فهد:وكم بتجلس في مصر بعد؟؟ وبعد مصر وين بتروح؟؟
فهد: تتطنزين يما؟ انا لوعلي مارحت .. بس انشاء الله مااطول كلها كم شهر
ام فهد: والله ياولدي مااقول الا الله يوفقك .. بس فاقدينك وانا امك
فهد: حتى انا فاقدكم انشاء الله مااطول.. يلا يما سلمي على ابوي سلام كثير
ام فهد: انشاء الله يوصل..فمان الله انتبه لنفسك
فهد: انشااااااااء الله يلا مع السلامه

البارت 22


المغرب في بيت ابو طارق
الكل مجتمع في الصالة عشان قهوة المغرب
ابو طارق وهو يناظر جيان: تسلم يدين بنتي..
جيان: بالعافية يبا
بيان:يبا ترى الكيك جاهز بس قطعته وحطت معه جوز هند.. يعني حلى العجازات
ابو طارق: عالاقل ذوقتنا شي مو بس تاكل
جيان استغلت اجتماع اهلها: انشاء الله زوجة طارق تذوقنا
طارق انصدم ماجا بباله ان جيان تفتح الموضوع او تلمح له عند الكل:.............
ام طارق: انشاء الله..الا ماتبينا ندورلك وانا امك؟
بيان: من شاور ماعطا هههههههه
الكل: ههههههههههههههه
ابو طارق:طارق عارف انه لو عزم محد راده
طارق بينه وبين نفسه:الحمد الله جت من اهلي كذا اسهل
ام طارق: الا صدق ياولدي ماتبي ندور لك؟.. مشاء الله متخرج ومتوظف ووش ملحك بعد و..
تقاطعها بيان: واخو بيان..شتبي العروس بعد احلى من هالمواصفات؟؟يكفيك فخر اني اختك
طارق:انا انشاء الله اذا خطبت ماراح اعترف باخوتك الا اذا تدبست فيني العروس
جيان حبت تتكلم عن طارق:حنا فيها .. جد ياطارق عزم
طارق: والله ماعندي اشكالية اذا كانت البنت تناسبني
ابو طارق: الله يوفقك ويكتبلك اللي فيه الخير
ام طارق: اميييييييين..خلاص ولايهمك ادور لك اللي تناسبك انشاء الله
طارق هنا بسرعة حط عيونه بعيون جيان كأنه يقولها بعيونه وجدان..
جيان: ليش يما تدورين وتتعبين نفسك .. فيه بنت خالتي حصه
ام طارق: والله بنات اختي ونعم اخلاق وزين وسنع وذوق..بسألها عن نجود اذا طارق موافق مبدئيا
طارق هنا جاه احبااااااط..وحس المسألة تعقدت: لا يما انا مو مستعجل..والا اقول هونت وش لي بالمسؤليات
جيان: طيب يما ليش نجود؟!! وجدان انسب ونجود توها ماخلصت الثانوي
ام طارق:والله كلهم عندي واحد ..بس على حسب علمي ان وجدان جايينها خطاب ومدري شصار عليها ..واذا على نجود هذي اخر سنه لها بالثانوي وطارق مو مستعجل يعني كان نخطبها الحين رسمي والملكة متى مااستعدوا.._وهي تناظر طارق_:هاه طارق شقلت اكلم اختي ؟..اخاف حتى نجود تروح..
ابو طارق: اتكلي على الله .. والله بنات ابو فهد ونعم
طارق واللي اخر شي توقعه ان وجدان اللي كان يحكي معها كل يوم تروح منه بسهووووووولة: ريحوا انفسكم قلتلكم هونت عن العرس بكبره
ام طارق باستنكار: ليش ماتبي اقارب؟؟؟؟
طارق واللي لازال يحاول يبين عكس اللي جواه خصوصا عند امه وابوه: لا ماابي اتزوج اصلا
ابو طارق: تو ماعندك مانع والحين ماتبي؟؟!..
ام طارق: طارق ان كنت تبي ناس معينين نخطب منهم علمني..او مواصفات معينه في اللي تبيها قلي وانا ادور لك
طارق: لا يمااا مو الحين.. اذا جا وقته قلتلك وش ابي
ام طارق: كيفك ياولدي
طارق اللي على قد مافرح عشان الموضوع انفتح..على قد مااستاء واغتلق على نتيجته الغير متوقعه..
*
*
*
بعد صلاة العشاء وبعد ماطلع الكل.. جيان كانت مرة متعاطفة مع طارق وقررت تكلم امها
*
*
جيان: يمااا
ام طارق: لبيه
جيان: يما متى قالت لك خالتي ان وجدان مخطوبة؟؟
ام طارق: مممم الاسبوع اللي راح
جيان: طيب الموضوع رسمي والا بس كلام
ام طارق: اكيد رسمي..بس مدري شصار عليهم
جيان: يعني وجدان موافقه والا لا؟؟.. الموضوع انتهى والا تم؟
ام طارق: جيان تراك عورتي راسي.. ابغى افهم انتي تسألين لقافة والا شعندك؟؟
جيان:شدعوى يما .. بس والله عشان طارق لان شكله يبي وجدان مايبي نجود
ام طارق:اى اى انا اليوم استغربت منه يوم قلتله تبي نخطبلك ماقال شي بس يوم قلت نجود قال اصلا ماابي اتزوج..معقولة عشان نجود مايبيها؟؟... بس هو مايعرفها عشان يرفض الزواج عشانها ..
جيان:......
ام طارق: جيان.. طارق يبي احد معين؟ والا بس مايبي اقارب؟؟
جيان:مدري يماا.. بس يمكن وجدان تناسبه اكثر .. يما دقي على خالتي واسأليها .. يمكن موضوع خطبتها منتهي.. يمااا يلا يلا مشتهين عرس الله يعافيك كلمي خالتي
ام طارق: طيــــب وه بعدي بس اخاف انك خطابه من ورانا هههههه
جيان: هههههههههههههههههههههه
ام طارق: بس اسمعي
جيان: هلا
ام طارق: افرضي موضوعهم منتهي ووجدان حاليا مو مخطوبه ولا مرتبطة..ويصير طارق مايبي .. وش موقفي وقتها عند اختي؟.. والا تدرين ماراح اكلم ولا شي طارق بنفسه قال ماابي ..متى ماعزم وحط الزواج براسه دورت له
جيان: يما ماتدرين يمكن منحرج .. قوليله اكلم خالتك عشان وجدان؟
ام طارق: طيب اسأليه انتي يمكن معك مايحاسب
جيان وهي تقوم بسرعه: انشاااااااااااااااااااء الله
ام طارق: هههههههههه والله انتي مشروع خطابه نااااااااجح
جيان: هههههههههههه
*
*
جيان بعد ماطلعت لغرفة طارق ماحصلته بغرفته .. واجلت سؤالها له رغم حماسها عشان اخوها

البارت 23


في نفس الوقت في بيت ابو فهد
ملاك وهي تركض ومعها جوال نجود يرن: نجووووووووود نجود وصمخ وينك؟
يما عاشه: يااااالله لاتعاقبنا انتم لو تشيلون هالاغاني من جوالاتكم كان حنا بخير.. مايرن جوال الا تطلع لنا اغنية
_لازال البحث مستمرا(؛_ :نجووووووووووود
يما عاشه: جالسين بقصر تدورينه؟ يابغرفته يابالمطبخ
نجود وهي جايه من تحت : نعم
ملاك بعصبية : ساعه؟؟ جوالك ازعجني .. خلاص الحين سكت
نجود وهي تمد يدها: اشوف
هنا نجود طارت عيونها وقالت بخاطرها: اخيرا اخيرا اتصل
وتدخل لغرفتها بسرعه وترجع تدق على عبدالله..
*
*
عبدالله: هلا نجود
نجود: اهليـــــــــــن
عبدالله: وينك مارديتي؟؟
نجود: ماكنت عند الجوال
عبدالله: اهاا.. انا قلت خلاص يمكن تتركيني من غير ماتعرفين السبب
نجود: شدعووووووى .. اصلا حاسة ان مافيه سبب بس ودك تسوي اكشن.. او مليت مني وماتدري شلون تصرفني
عبدالله: افاااااااااا تتكلمين جاده او تمزحين؟
نجود: اذا انت جاد بتتركيني ايا كان السبب .. ليش تسألني اذا جاده او امزح كذا والا كذا بتقولي بيباااي
عبدالله: والله يانجود يعز علي انتي مو شي عادي بالنسبة لي
نجود بخوف: يعني من جدك؟؟؟
عبدالله: مو لما تعرفين السبب؟
نجود: شوف قبل ماتقولي السبب الغير مقنع من الحين.. انا متمسكة فيك اكثر منك واعجبت فيك مرة وماتتخيل قد ايش وناستي وانا اسولف معاك.. يمكن اول مرة اقولك هالكلام بس مو اول مرة احس فيه.. وصار كذا شي خلاني افكر اتركك بس انت تشوف فيه شي يرجعني لك وماكنت ارجع ندمانه لا .. كنت كل مرة اسمع صوتك فيها كنت اتعلق فيك زياده... فــ عشان كذا مااحس فيه سبب بيقنعني اني اتركك.. انا ياعبدالله تجاهلت ان اتصالي فيك مايرضي اهلي.. وتجاهلت معرفتك لنا ولاخوي اللي راح تشوفه يوميا بعد مايرجع.._وبحزن_ تجاهلت اشياء كثيرة انت عارفها من غير مااقولها لك .. .. تتوقع بعد كذا اقدر اتخلى عنك بين يوم وليلة؟؟ بغض النظر عن السبب..
عبدالله بحزن رهيب : ليش يانجود تحكين هالكلام وانتي عارفة اني مضطر اقولك الله يوفقك؟؟ ليــــــش تقولين كذا وهو شي خارج عن ارادتي؟؟ ليـــــــش؟.. تبين تصعبينها علي؟؟ تراها صعبة وقوية على قلبي اللي حبك وتعلق فيك .. وانا متأكد اني احبك اكثر مما تحبيني .. ولو ان المفروض مااقول هالكلام الحين لانه ماينفع ولا راح يسوي شي .. بس كلام يوجع القلب وبس
نجود: اف لهالدرجة مضطر؟؟
عبدالله:......
نجود: طيب قول ليش؟
عبدالله:.........
نجود: عالاقل اخليك وانا مقتنعه بسبب مو كذا؟
عبدالله:ادري لازم اقولك .. هو اصلا مو شي يتخبى بس يمكن انتي ماسألتي عنه او ماجا ببالك.. حتى انا ماكان ببالي هالشي الا بعد ماعرفت انتي من بنته كونك ترجعين لقبيلة يرفضون انك ترتبطين فيني.. بحكم اني ماأنتمي لاي قبيلة
نجود:........
عبدالله: اقنعتك صح؟
نجود : والله ياعبدالله انتم بعد اجاويد ونعم فيكم
عبدالله: ادري ونعم فينا واسألي اللي تبين
_لحظة صمت قصيرة_
نجود بيأس: يعني ايش ياعبدالله؟
عبدالله: يعني الله يوفقك انا ماصار عندي كلام زيادة اقوله
نجود بضيق وغصة بينت على صوتها: بس هذا سبب مو مقنع
عبدالله:عندك ياقلبي مو مقنع عندك انتي بس
نجود كانت تبكي بصمت:.......
عبدالله: شفتي انه شي طالع من يدينا كلنا؟
هنا نجود كانت بتتكلم بس بكائها سبق كلامها
عبدالله اللي اول مرة يسمعها تبكي: خلاص نجود والله عورتي قلبي خلاااااااص
نجود ماقدرت تمنع دموعها..وعلى قد ماتقدر ماكنت تبي تسكر من عبدالله
عبدالله كان مرة متعاطف معها وحس فعلا بحبها له .. ومايدري يواسيها او يواسي نفسه
عبدالله: نجود
نجود: .......
عبدالله: نجود ماتدرين كل شي خيرة..لايضيق صدرك..والله يمكن خيرة لي ولك .. المهم ماعلينا ابيك هالسنة تجيبين نسبة بشوف اسمك بالجريده ترى حطي ببالك وانتي تذاكرين طيب؟؟
نجود من بين دموعها: طيب
عبدالله تجاهل دموعها: وبكرا اذا تخرجتي بتدخلين الجامعه والقسم اللي تبينه وبتتعرفين على بنات جديدات .. وبيجيك معرس حليوة وبيتحبينه من قلبك لانه بيكون اقرب شخص لك.. وبعديــــــن بيجونك عيال وبيطلعون الشيب براسك...ترى والله يانجود الحياة ماتوقف عند شي او على شخص مهما كانت اهميته
نجود: بس انا احبك
عبدالله بضيق وكتمة طالعه من قلبه: وانا بعد احبك.. بس مو معناته اني اتشائم بالعكس انا مرة مبسوط انك مريتي بحياتي.. انتي شي حلو بالنسبة لي .. والا هذي دموع الفرح عشانك بتفتكين مني؟؟؟
نجود طلعت منها ضحكة عفوية
عبدالله: اي ياقلبي اضحكي والله الدنيا ماتسوى
نجود: بس بفقدك
عبدالله: اي ادري اصلا لو مافقدتيني ذبحتك
نجود: ياحبي لك ياعبدالله.. والله من قلبي الله يوفقك انت تستاهل والله يعطيك على قد نيتك..بس غصب بشتاقلك
عبدالله: حتى انا بشتاقلك .. يلا ياقلبي الله يوفقك ويحللك ويبيحك .. _بحزن وغصة_ انتبهي لنفسك طيب؟؟
نجود هنا حست انها خسرت شخص تعلقت فيه وحبته..: خلاص؟؟
عبدالله بضيق: لازم
نجود بعبرة: لازم؟
عبدالله: ........
نجود: اوكى ياعبدالله انا مااقدر افرض نفسي عليك اكثر من كذا..الله يوفقك من قلبي والله.. بس لاتنساني
عبدالله: اكيــــــــد شدعوى انساك لاتنسين كل ماشفت فهد بذكرك..._بمزح_انتي اللي بتنسيني..المهم نجود لاتزعلين نفسك طيب؟ وشدي حيلك لاتنسين النسبة
نجود وهي تبكي: طيب
عبدالله: يلا فمان الله
نجود: مع السلامة

البارت 24


في بيت ابو نواف
ام نواف: ها ياولدي ماحنيت لــ هيا ؟
نواف: لا
ام نواف: لا!! طيب ماودك ترجعها؟
نواف: اصلا خلاص يما طلقتها.. الله يستر علينا وعليها
ام نواف: هو!! طلقتها؟ الله يهديك ياولدي .. مردك تعرف قيمتها وترجعها انشاءالله
نواف: المهم يما ماعلينا انا جايك بموضوع يفتح النفس ويفرح.. ومتى ماشفتي ابوي قوليله انتي
ام نواف باهتمام: خيــر
نواف: انتي تدرين يما اني كنت صابر على عقم هيا.. ومدري وش الله حادني اصبر
ام نواف: الله يصلحك بس.. وين الخبر اللي يفرح؟
نواف: اصبري علي يما ولاتقاطعيني..
ام نواف: يلا نشوف شعندك..
نواف: وتدرين بعد اني ابي عيال خلاص صار عمري 35 .. وبصراحة اضطريت اني اعرس من غير مااقولكم وربي وفقني بوحده تدور رضاي و
تقاطعه امه: ياويلك من ربك لاتظلم هيا وهيا وش قصرت معك فيه؟
نواف:يما وانا مااقولك شي الا تقولين هيا هيا..خلاص غير انها عقيم انا ماحبيتها شسوي؟ الحب من الله.. غصب؟؟؟
ام نواف: هي على كيفها عقيم العقم بعد من الله .. لاتحبها كيفك بس لاتظلمها.. بعدين هذا الخبر الزين؟؟ زين عندك انت.. .. بعدين تعال وش هالبنت اللي عادي عندها وعند اهلها تاخذها واهلك مايدرون؟؟
نواف: مسيار يما
ام نواف:ايــــــــــــــــــه مسيـــــــــــــــــار .. وش الله حادك ياولدي؟
نواف: شفيها يما حتى المشايخ محللينه..وبعدين خلاص اصلا بنسكن ببيتي بس قلت بقولكم قبل
ام نواف: زين والله ذكرت اهلك وعملتلهم حساب
نواف: شدعوى يما .. انتم على الراس والعين.. وانشاء الله اجيبها تتعرفون عليها بس قبل قولي لابوي
ام نواف:والله اني مب راضية عن هالعرس
نواف: يما طلبتك لاتبين لها شي
ام نواف: هذا الخبر الزين؟
نواف: الخبر الزين ان مرتي حامل
ام نواف: مشاء الله.. انت من متى معرس؟
نواف: مالي الا كم شهر
ام نواف: ولو ماحملت ماقلت لنا؟
نواف: شفيك يما علي؟ بدال ماتباركين لي
ام نواف: والله ياولدي الله يوفقك ويباركلك بولدك او بنتك .. فرحت عشانك ياولدي بس والله الفرحة ناقصه اجل تطلق هيا وتعرس واهلك مايدرون
نواف: يما انا جالس مع هيا 6 سنين ويوم اعرست ولو انه حقي ماعلمتها وداريتها.. الين صارت مشكلة كرهتني بـ هيا وسرحتها باحسان .. ليش مو راضية علي يما
ام نواف: لا يايما مو لدرجة مارضيت عليك بس تجي بالخاطر تتزوج ولا تقول
نواف وهو قايم يبوس راس امه: الله يخليك لنا يما .. انشاء الله اذا شفتي عيالي مايصير بخاطرك شي
ام نواف: الله يوفقك ويرزقك الذرية الصالحة ويطرح فيهم البركة
نواف: امييييييين
***********************
الصباح في المدرسة وقت الفسحة
هيلة: والله انك خطيرة شلون جت ببالك تحطين في شنطتها سجاير؟
سارة: لو انتي مكاني يجي ببالك اكبر بعد
مريم: استغفر الله .. سارة جد لاتصيرين حقودة
ساره: اقول اسكتي الله يعافيك
هيله: بس صدق قوية..والله لو تنكشفين تروحين فيها
سارة: لا انشاء الله تضبط بس بتساعديني ترى
هيلة: معزمه؟
سارة: وماباذني ماي على قولتها
هيله: ههههههه بس ماتتكلم كويتي هي
سارة: ايه لانها عايشه هنا اكيد.. اف يامصلها بس
مريم: سارة جد حرام تتبلين عليها حراااااااام.. لاتفكرين فيها فكري بربك شلون ربي يوفقك وانتي تتبلين على احد
ساره: والله انا مافكرت كذا من فراغ.. هي اللي جابته لنفسها
هيله: صدق خلاص ياسارة جوا امهاتكم وكتبتوا تعهدات خلاص لاتكبرينها
سارة: افففففففف ترى بلشتوني خلاص
مريم باحتقار لعقيلة سارة: بصراحة ياسارة كنت متوقعتك ارقى من كذا المفروض تترفعين عن هالاشياء .. ادري كلامي مو عاجبك بس ترى اتكلم عشانك..جد ياسارة لاتصيرين تافهه
سارة: تعرفين شمعنى مقهورة مقهوووووورة.. تحس انها هي الفاهمه هي المسيطرة على ايش؟؟ لا ونجود بنت عمي تحبها مدري على ايش
مريم: هم ابخص فيها بنت خالتهم .. ماتدرين يمكنها رهيبه لاتقيسين على شكلها
سارة: طيب طيب.. المهم هيول هاه دبريني
مريم: استغفر الله بس .. عاد انا نصحتك وانتي بكيفك .. بس بتذكرين كلامي بعدين اذا توهقتي
سارة: لاتفاولين علي .. انشاء الله مااتوهق
مريم: والله عاد هذا شي بيدك انتي تحددينه
ساره: ادري خلاص يامريم خلاص
مريم ماحبت تعلق بس كانت منصدمه من سارة اللي طاحت من عينها..
**************************
الظهر في بيت ابو طارق
جيان كانت بالصالة تنتظر طارق يرجع من الدوام عشان تسأله او بالاحرى تبشره
*
*
طارق: السلام
جيان: وعليكم السلام..شفيك نفسك شينه؟
طارق: شفيني بعد واحد توه جاي من الدوام
جيان:طيب اسمع بقولك شي
طارق: خلاص بروح اغير وقوليلي بعد مااتغدى
جيان: يووو يامصلك متحمسه عشانك بعد من زينك.. من امس لساني يحكني بقولك بس امس مالقيتك
طارق بحماس: وشو؟ شعندك؟؟
جيان: ياخي اجلس
طارق وهو يجلس: هه جلست يلا عاد قولي ترى مالي خلق ومعصب
جيان: ادري مو وقته بس متحمسه..المهم امس سويت لامي شبه تحقيق عن وجدان
طارق بضيق: خلاص ياجيان وجدان بتتزوج .. الحين كانت تسولف معي بكل شي بس ماتقولي انها يجيها خطاب
جيان: من غير ماتقولك المفروض يجي ببالك
طارق: ليش امس وش قلتي لامي؟
جيان: خشخشخش_حكت له شقالوا _
طارق باهتمام: يعني تتوقعين ممكن تكون مو مرتبطة؟
جيان: مو ضروري انخطبت خلاص تزوجت يمكن سألوا عنه وماصار يناسبهم ماتدري..المهم بقول لامي اني سألتك وماعندك مانع طيب؟ عشان تتصل على خالتي وتسألها في حال كانت مخطوبة الله يسعدها وتستاهل التوفيق وفي حال كان موضوعها منتهي ومو مرتبطة كويس بتقولها امي على طول وانشاء الله تكون من نصيبك
طارق بحماس : تتوقعين؟
جيان: اي بس انت تفاءل بقول لامي العصر تدق على خالتي تسألها
طارق:اي والله ياجيان لاتنسين حرصي امي
جيان: انشاااااااااااء الله كم عندنا من طارق؟
طارق: ههههه ياحبيلك ياجيان .. اردها لك انشاءالله بالافراح
جيان: انشاءالله.. يلا الحين غير ملابسك _بمزح_افراج
طارق: هههههههه
*****************
في بيت ابو نواف
فواز:يما وين ساره؟
ام نواف: اكيد بغرفتها تغير توها جايه من المدرسة..ليش وش تبي فيها؟
فواز: شريتلها جوال
ام نواف: وابوك ونواف مب راضين يقولون وش سنعه؟
فواز: لا ماعليك يما انا اقولهم هذا ان قالوا شي .. يلا بروح افرح سوير_يناديها_ ساااااااااااااره
ساره: نعــــــــــــــم
فواز: ساعه تغيرين تعالي اوريك وش معي
ساره وهي جايه للصالة: هاه وش معك؟
فواز وبيدة الجوال يمده لساره: هذا الجوال اللي قلتلك بجيبه
ساره وهي في قمة وناستها: يااااااااااحبيلك يافواز .. اشوف _وتقلب بالجوال_
فواز: تستاهل سوسو.. تكسرينه بالعافية.. وياويلك تقولين ماعجبني هذا اخر جوال نزل ورقمك مميز بعد احسن من رقمي وفواتيرك علي بس لاتكسرين ظهري فيها
ساره: الله يعافيك ويخليك .. تعيش وتجيبلي.. بس قلت لنواف؟؟ اخاف يسوي سالفه
فواز: خلاااص شفيكم انا اللي بعطيه رقمك اذا شفته ماراح يقولك شي
ساره: ياحبيلك .. انا الفترة الاخيرة يأست حتى ماصرت اطلبه .. صرت احسه من المستحيلات
فواز: شدعوى مستحيل بتشوفين ماراح يقول شي
ساره: شكرا مرررة شكرا
فواز: لا انا ماجبته عشان تشكريني جبته عشان تفرحين
ام نواف وهي جايه: عالبركة الجوال ياسارة .. تكسرينه بالعافية
ساره: الله يعافيك
************************
في بيت ابو فهد الساعة 2 الظهر
وجدان وتوها جاية من الجامعه: مشاء الله تتغدون ولاتنتظروني .. الظاهر اني مو بنتكم
مشعل: ههههههههه كأني سامع هالجملة من ملاك هههههههه
وجدان:ههههههههههه
ملاك: خخخخخخخخخ بايخين
يما عاشه: تعالي وانا امك جنبي.. سمي
وجدان وهي تجلس: اجل وين نجود؟؟
ام فهد: اليوم غايبه وشكلها مابعد قامت من النوم
ابو فهد: المهم ياحصه لاتكثر الغياب تراها اخر سنه.. _ وبمزح_ مو تسوي سواة وجدان دبرلي واسطة عشان الجامعه ..
وجدان: افااااا متحسف علي بالواسطة؟؟ .. وبعدين شف معدلي من 4 وطالع
ابو فهد: ههههههههه امزح والله مب خسارة فيك
وجدان: اشواا
**********************

في بيت ابو طارق بعد العصر جلست جيان مع امها عشان طارق
جيان: يما ترى سألت طارق وتحمس مرررة.. يلا دقي على خالتي
ام طارق: ياحليله اجل ليش امس يقول ماابي اعرس
جيان: يمكن منحرج.. ويمكن كان متحمس على وجدان بس
ام طارق: يمكن
جيان: بس اسمعي يما
ام طارق: هلا
جيان: اذا صارت وجدان مخطوبة لاتقولين لها اجل نبي نجود طيب؟
ام طارق: ليش طيب ؟؟ شفيها نجود
جيان: مافيها الا العافية بس هو متحمس على وجدان بس ونجود صغيرة عليه
ام طارق: طيب يلا جيبي التلفون
جيان وهي قايمة جهة التلفون: انشااااااااء الله
*
*
ام طارق: السلام عليكم.. هلا ملوكه
ملاك: وعليكم السلام اهلين خالتو
ام طارق: وانتي سنترال بيتكم مايرد الا انتي؟
ملاك: الرجاء عدم التريقه .. بعدين هذا شي محسوب لي مو علي
ام طارق:هههههههههه المهم عطيني امك
ملاك: طيب لحظه .....يماااااااااااا تعالي خالتي شيخة تبيك

ام فهد: هلا والله .. شلونكم؟
ام طارق: الحمد الله بخير.. انتم شلونكم ؟ ووشلون البنات؟
ام فهد: الحمد الله .. هذي وحدة تو ردت عليك
ام طارق: ههههههههههه ياحبيلها احسها مسويه جو عندكم
ام فهد: اى والله كلهم الله لايخليني منهم
ام طارق: امين الله يخليك ويخلي لك..المهم حصة انا داقة بسألك شصار عاللي جايينكم يبون وجدان؟
ام فهد: اىىىىى لا خلاص الله يستر علينا وعليهم .. دقت علي امه تقول انه بيسافر 7 سنين برا ويمكن تزيد لـ10 سنين ولا تحمسنا لاانا ولا ابوها بس قلنا لازم نعلمها .. حتى وجدان عيت على طول تقول ماابي بكمل الجامعه هنا وماراح اترك اهلي وديرتي.. والله ريحتني يوم قالت كذا.. والا هم والله والنعم فيهم ماينردون
ام طارق: ايه الله يوفق الجميع .. اجل مدامها مو مرتبطه ترى بخطبها انا
ام فهد باستنكار: انتي؟؟ من تخطبينها له؟؟؟
ام طارق: من عندي غير طارق؟.. والله يوم عزم على العرس وذكرناله وجدان تحمس .. ان كان وجدان تشوفه يناسبها .. واستخارت وارتاحت.. ردولنا خبر
ام فهد: والله طارق ماينرد ونعم بس بعد لازم نسأل وجدان.. تعرفين ياختي البنات مايعجبهم احد مدري من يبون
ام طارق: ههههههههه اي والله وانتي صادقه .. اجل اسألي البنت وخليها تستخير واسألوا عنه بعد مب عشانه ولدي وتعرفونه.. كل الرجال ينسأل عنهم.. ورديلي خبر زين؟
ام فهد: انشاء الله مانطول عليكم..
ام طارق: لااا ابد خذي راحتك
ام فهد: والله لو علي مازوجت بناتي ابد ودي بهم عندي
ام طارق: هههههههههه لا انشاء الله تفرحين فيهم
ام فهد: الله يكتب اللي فيه خير
ام طارق: امين.. اجل مااطول عليك ياختي.. بس قلت بسأل عن وجدان كانها مو مخطوبه خطبتها لولدي..وننتظركم
ام فهد: انشاء الله اسالها وارد لكم.. يلا سلمي عاللي عندك
ام طارق: يوصل يلا فمان الله
ام فهد: مع السلامه
*
*
ام فهد راحت عند وجدان بغرفتها : وجدان
وجدان: سمي يماا
ام فهد: ترا جايينك خطاب
وجدان باهتمام: مين؟؟
ام فهد: طارق ولد اختي شيخة
وجدان انصدمت اخر شي توقعته ان طارق كان جاد باهتمامه فيها وجا يخطبها وكأن احد صب عليها مويه بارده
ام فهد:شفيك بسم الله عليك؟
وجدان: مافيني شي .. بس ماتوقعت طارق يخطبني
ام فهد: حتى انا والله ماتوقعت لان اختي ولا مرة لمحت على طول خطبتك
وجدان سرحت بكل شي يخص طارق:......
ام فهد: هاه وش اقول لاختي؟؟ ولد وعارفينه ومافي احسن منه مشاء الله طارق ماينرد
وجدان: ادري بس بفكرر
ام فهد: زين فكري واستخيري وان كانك موافقه مبدئيا قلت لاختي عشان يخطبونك رسمي من ابوك .. ولاتنسين ترى الولد ما ينعاف فكري زين
وجدان: انشاء الله يماا
قامت ام فهد وتركت وجدان تفكرر
وجدان ينها وبين نفسها: طارق جاي يخطبني يوووو والله ما توقعت.. على بالي يسلي نفسه صار من جده ياحليله .. _وتقوم وجدان بسرعة لغرفة نجود عشان تقولها_
*
*
وجدان وهي داخلة لغرفة نجود بحماس: نجود نجود بقولك
نجود اللي التفتت على وجدان : ايش؟
وجدان وهي متروعه: يؤ شفيك؟؟ تعبانه؟
نجود هنا ماقدرت تتحكم قي دموعها كأنها محتاجة احد يسألها شفيها
وجدان وهي تحضن اختها: بسم الله عليــــــــك .. شفيييك؟؟!!!

البارت 25


وجدان وهي داخلة لغرفة نجود بحماس: نجود نجود بقولك
نجود اللي التفتت على وجدان : ايش؟
وجدان وهي متروعه: يؤ شفيك؟؟ تعبانه؟
نجود هنا ماقدرت تتحكم قي دموعها كأنها محتاجة احد يسألها شفيها
وجدان وهي تحضن اختها: بسم الله عليــــــــك .. شفيييك؟؟!!!
نجود اكتفت بالدموع اللي كانت تعبر عن ضيقها وهمها..
وجدان باستغراااااااب: طيب من اللي مضايقك؟؟ من قاهرك؟؟
نجود اللي حاولت تتكلم.. تشكي.. تفضفض.. كانت دموعها تسبق كلامها
وجدان: خلاص ياقلبي هدي.. ولو اني ماادري شفيك بس من الاخير مافيه شي يستاهل والله
*********************
في بيت ابو نواف
ابو نواف: لاااااااحول ولاقوة الا بالله..
ام نواف: الله يهديه بس..
ابو نواف وهو يحاول يستوعب: مسيار مسيار!! انا اذا جلست مع الرجال وسمعنا بواحد معرس مسيار نقدت عليه.. يصير ولدي معرس مسيار !! لا ومن غير مايقول .. الظاهر انه مافكر يعلمنا الا عشانها حملت _وهو ينزل راسه_ لاحول ولاقوة الا بالله .. هذا اللي اقوله بس
ام نواف: يمكن خيرة يابو نواف ماتدري وين الخيرة فيه
ابو نواف: هالولد من عمره وهو مايسوي الا اللي براسه مايشاور احد ولا يعمل حساب لاحد ولايراعي شعور احد .. ويبرر لنفسه اكبر الاغلاط.. الله يهديه بس
ام نواف: امين .. .وتوه متصل يقول انهم بيجون بعد بكره
ابو نواف: خير ان شاء الله .. انا بروح اسير على ابو سعد تعبان اليوم ماشفناه بالمسجد
ام نواف: مايشوف شر.. فمان الله
***************
ام طارق: هلا بالقاطعه ياكافي كأن مالك اهل
نوف: هههههههههههه لا يما شدعوى.. بس ابيكم تشتاقون لي
جيان وهي رايحة تسلم: مشتاااااااااقين والله مشتاقين _ وتبوس اختها وتاخذ ركوني منها_ ياااملللللللللللحه كبر صار يجنن
نوف: ههههههههه ايه يا حبيله
ام طارق: ان شاء الله مايحوسونك العيال؟؟
نوف: الااااااااا بشكل ما تتوقعون سلومي يغار منه بشكل فضيـــــــــــــــع مره جيت ولقيته حاط المخده على وجهه ركوني شوي ويموت وابوهم سوالي محاظره انتي ما تهمتين ومدري ايش
ام طارق: وهو صادق انتبهي له تراهم في ذمتك
نوف: شسوي يما والله اني حاطه عيوني عليهم بس سليمان الله يهديه مايجلس بمكانه وشقي
بيان وهي داخله: اوه الزينه عندنا اليوم _ وراحت تسلم على اختها_
نوف وهي تبتسم : هههههه.. اخبارك؟
بيان : تمام _ وتاخذ ركوني من جيان_ يا حليله والله صار رجال
جيان: هيه انتي ما تشوفيني منسجمه وانا العبه عيب
بيان : اقول فكينا... الا وين سلومه من زمان عنه الدب
نوف: مع طارق مدري وين وداه
جيان: الا انتي شفيك منفقعه كذا ؟؟
بيان: ايه والله انحفي صايره بطريقه
نوف عقدت حواجبها: صدق؟
بيان واللى عجبها ان اختها تضايقت وصارت تزيد في الكلام:ايــــــــــــــه مره بعد منتفخه صايره دباااا مو مليانه ولا نص ونص دبا دبا
نوف: يوووووه حتى ابراهيم يقولي سامنه .. والله ضيقتوا صدري
ام طارق: يلعبون عليك هذا انتي بعدين طبيعي تسمنين توك طالعه من النفاس
جيان: لا يما بس مو كذا
ام طارق: جيانوه اعقلي وخلي اختك بحالها

جيان: مشكلتها والله محد قالها افرمي وانفقعي
نوف: خلااااااااااااااص والله ضيقتوا صدري
بيان: لالا نمزح معاك شفيك ... بس سامنه هههههههههه
وجلسوا يسولفون ويضحكون ويتريقون على جسم نوف اللى سمنت بعد النفاس
*******************
في بيت ابو فهد
بعد ما هدت نجود شوي وقدرت تتكلم
وجدان: شفيك والله خوفتيني عليك؟؟؟
نجود بحزن: انا وعبد الله تركنا بعض
وجدان: يوووووووو انتي وياه دايم تقولين بنترك بعض بعدين ترجعون
نجود بصوت مبحوح : لا خلاص المره هذي ماراح نرجع لبعض ابد
وجدان باستغراب: ليــــــــــــــــــــــه!!
حكت نجود كل الكلام اللى دار بينها هي وعبد الله اللى كانت تقطعها شهقاتها
وجدان كانت مصدومه من الكلام اللى قالته نجود وحست صدق ان ماراح يرجعون لبعض مثل كل مره
وجدان:خلاص ياقلبي هدي .. الموضوع ما يستاهل كل هالدموع والمناحه اللى مسويتها
ناظرتها نجود وعيونها مليانه عتب ودموع: مايستاهل؟؟!! .. اقولك بتركه خلاص ماراح اسمع صوته..._وتركز عيونها بعيون وجدان _انتي متخيلة معي ؟!!
وجدان واللي مستاءة من وضع اختها: ادري ياحبيبتي طبيعي انك الحين متضايقه لانك مابعد استوعبتي بس يا نجود مصيرك بتنسينه والحياة ما توقف على احد ..صدقيني ياقلبي انتي بعد كم شهر بتلهين بالجامعة ودراستك بعدين بتتزوجين وتعيلين ..وبيصير عبدالله شي حلو مر بحياتك وبس..وهو نفس الشي بعد فترة طبيعي بيتزوج وبيلهى وبتروحين عن باله والله
_ لحظه صمت قصيره_
نجود بقهر: حنا ليش متناقضين ؟؟
وجدان طلعت عيونها: نعم؟؟ وش متناقضين فيه؟؟
نجود بنفس نبره الصوت: ايه .. حنا في الزواج يا قبيلي ولا لااااااااا ما ناخذ بس في الصداقه عادي صادقي اللى تبين مافيه احد يقولك لا يا تصادقين قبيلي ولا لا تصادقين .. هذي ندى اقرب البنات لي ومو قبيليه محد قال ليش صادقتيها ولا اتركيها مو قبيليه ليش في الزواج يتغير كل شي .. وهذا بن باز الله يرحمه كان مفتي المملكه ماقالوا مو قبيلي ماراح يصير مفتي ... انوع التناقض والعقد استغفر الله
وجدان : بسم الله عليك نجود هذا زواج غير و...
قاطعتها نجود:وليش غيــــــــــــــــر ؟؟؟ لييش؟ الانسان نقيسه ونقيمه بشخصه مو لايش ينتمي
وجدان:اول شي هذي اعراف تدرين شلون اعراف؟؟ يعني اقوى من العادات والتقاليد .. العادات ممكن تتغير عند ناس وناس حسب نظرتهم لكن العرف انسي يتغير مهما تغيرت العقليات والنظريات..ثاني شي انتي اول مرة تقولين الكلام هذا تدرين ليش؟؟ عشان عبدالله بس حبيتيه وتمنيتيه زوج وصار التعصب القبلي عائق لكم عشان كذا قلتي تخلف وعقد..تجربتك هي اللي غيرت نظريتك مو عقليتك انتي ..يعني بعديييييين لو صرتي ام وبنتك خطبها واحد توب بس ماله اصل بتوافقين؟؟_ومع ارتفاع صوت وجدان شوي شوي _وبعدين بصراحة يانجود المفروض ماتتأزمين انتي اللي جبتيه لنفسك محد قالك خذي رقمه محد قالك كلميه محد قالك ارجعي له بعد ماعرف انك اخت فهد ... لاتسوين مناحه انتي اللي حطيتي نفسك بهالموقف ...
نجود رجعت تبكي
وجدان اللي حست انها المفروض تأجل كلامها اللي كانت مقتنعه فيه ناظرتها بحنيه: بعدين ماتدرين ياحبيبتي كل شي خيره...فلنفرض انه قبيلي او انتي مو قبيليه تتوقعين خلاص الموضوع محسوم؟؟! لاطبعا عشان انتم بعيدين المدى عن بعض بس .. يمكن هالشي يخليكم تتعلقون ببعض زياده .. انتي عشانك تحبينه ماتشوفين الا محاسنه بس .. لكن لو المشاعر هذي لزوجك بعدين بتكون اصدق لان الزوج بتحبينه بسلبياته وايجابياته..ياحبيبتي لاتعيشين حزنك وسعي مدى تفكيرك .. فكري بواقعيه ومنطق
نجود وبعد مااقنعها وهداها شوي كلام وجدان: ادري بس بفقده
وجدان: طبيعي بتفقدينه لانك متعوده عليه وعارفه روتينه
نجود: لا لاني احبه ومااتخيل نفسي من غيره
وجدان: ( عسى ان تكرهوا شيئا وهو خيرا لكم.وعسى ان تحبوا شيئا وهو شر لكم.والله يعلم وانتم لاتعلمون)..قومي بس تعوذي من ابليس وغسلي وجهك وروحي كلي شي لانك ماتغديتي واجلسي معنا تلهين مو تحبسين نفسك .. ترى انا مااحب السلبيين
نجود: طيب
وجدان: كش عليك كنت جايه متحمسه بقولك شي
نجود: ايش؟؟
وجدان: خلاص بعدين.. الحين انزلي وانتي تتغدين بقولك
نجود وهي قايمه: طيب الحين بجي
وجدان وهي طالعه : يلا انتظرك