رواية عشقي ال بدي مكتفي فيك عاشقك للفنى - الصفحة 15

17 - 11 - 2021, 02:52 AM

البارت 133

.
نرجع للمستشفى
بغرفه عبدالملك كانت نوال واقفه وتناظر له وتبكي وجنى ماسكه دموعها وهي ماسكه يد امها وماتبي تبكي وتزيد امها
اما ملك قلبها اوجعها عليه شكله يكسر الخاطر
دخل عليهم عبدالله وقرب لنوال
عبدالله:نوال مايصلح توقفين فوق راسه يï»» اطلعي
نوال:مابي اطلع اتركوني
عبدالله:عبدالملك تحت البنج ماراح يقوم الحين
نوال ماردت ووقفت تناظر له
جنى:خï»»ص يبه مااراح تطلع
عبدالله تنهد:طيب ï»»تقربون له
ولف بيطلع وناظر لملك السرحانه فيه
عبدالله:ملك تعالي ارتاحي
ملك هزت راسها ب ï»»
عبدالله تنهد وطلع وناداهم يجلسون بالغرفه
*الغرفه فيها قسمين قسم للمريض وقسم في كنب ويفصل بينهم طاوله طويله
وجلسو كلهم ع الكنب ومحمد وناصر برا ونوال جنب عبدالملك وملك وجهها لعبدالملك وتناظر فيه بهدوء وخايفه تقرب له
تالا دموعها بوجهها:وش بيصير فيه
عبدالله ضمها:بيقوم ï»»تخافين
تالا:طيب وش فيه
عبدالملك تنهد:انكسرت يده
تالا سكرت وجهها بيدها وبكت وعبدالله ضمها بضيق
خلود:حبيبتي ماراح يصير فيه شي عبدالملك اقوى صح
تالا هزت راسها بااي
دï»»ل همست لابوها:واللي ضربه مسكوه؟
عبدالله:ماادري للحين ماادري
جنى كانت منزله راسها وتبكي وملك ماشالت عيونها عنه
.
.
بعد ساعه والكل ع حاله
وسمعو صرخه نوال
نووال:صحى صحى
قامو كلهم ووقفو حوله
ونوال قربت له وابتسمت
اما عبدالملك فتح عيونه وعقد حواجبه .. وسكرهم ورجع فتح عيونه
عبدالله:ابعدو عنه شوي
نوال ماسمعت وجلست تناظر فيه
فتح عيونه وناظر امه وسكر عيونه وابتسم
ونوال نزلت دمعتها:تحس بشي وï»» ï»»
عبدالملك تنحنح وعقد حواجبه
خلود:ماراح يقدر يتكلم. عبدالله ناد الدكتور
عبدالله طيب طيب وراح بسرعه
هالوقت كانت ملك واقفه ع يساره ويده اللي فيها عمليه من جتها وتناظر له وغصب عيونها امتلت دموع وفتح عبدالملك عيونه وجلس يدور فيها بينهم ولما ناظر لملك وقف وهو يشوفها ودمعتها نزلت ورفع يده لها بيمسحها وعقد حواجبه بقوه *اوجعته*
ومسكت ملك يده ورجعتها لتحت
وهمست:ï»»تحركها
وضغط ع يدها وهو ماسكها
وجنى انقهرت ونوال كانت منزله راسها وتبكي وخلود اوجعها قلبها منهم
وعبدالملك مافتح عيونه وكانه رجع نام
وملك مسحت دمعتها ويدها الثانيه بيده.
.
شوي ودخل الدكتور ومعه عبدالله وناصر ومحمد والبنات رجعو مع خلود للكنب الا ملك ماتحركت حتى نوال رجعت
والدكتور ناظر يد ملك اللي بيد عبدالملك
عبدالله:ملك ابعدي عن الدكتور
ملك بهمس:مااقدر .. ضاغط ع يدي ماابي اسحبها من يده

17 - 11 - 2021, 02:53 AM

البارت 134

والدكتور ناظر يد ملك اللي بيد عبدالملك
عبدالله:ملك ابعدي عن الدكتور
ملك بهمس:مااقدر .. ضاغط ع يدي ماابي اسحبها من يده
ناصر ناظرها وناظر عبدالملك
الدكتور:غريب قدر يحرك يده المصابه شي حلو
عبدالله ابتسم:يعني مافيه شي
الدكتور:ï»» سليم بس ï»»زم يجلس عندنا وقت
عبدالله:سوو اللي تبونه بس يرجع نفس اول
ابتسم الدكتور وطلع وناصر ومحمد ماقدرو يقرون لعبدالملك وملك عنده وطلعو
ورجعت نوال لمكانها جنبه وانتبهت لملك
نوال:ابعدي عنه
وماردت ملك
عبدالله:نوال خï»»ص اهدي ï»»ينزعج من الصوت
ماردت ورجعت نزلت راسها ع يده وتقرا ايات واذكار يرتاح قلبها وترتاح عليه وملك تناظر له وتناظر ليدها وابتسمت من بين دموعها والكل ماتكلم واكتفو انهم رجعو جلسو وبقى عند عبدالملك ملك ونوال
.
.
بعد ربع ساعه طق الباب ولفو له
الا نوال وملك
ودخل ناصر
ناصر:سï»»م
عبدالله:هï»» ناصر حياك
ناصر قرب لهم وناظر لعبدالملك ووقف عند عبدالله
ناصر:ماصحى للحين
عبدالله هز راسه ب ï»»
ناصر:زين يï»» ي عم الساعه صارت 11 وشوي .. اخذ عيالك وارجعو البيت عبدالملك مافيه شي ان شاء الله
عبدالله ناظر لملك ونوال:مااتوقع يرجعون
ناصر:اغصبهم .. مايصلح يبقون اكثر عبدالملك يحتاج راحه
عبدالله تنهد:طيب
واشر لخلود يقومون واتجه لسرير
عبدالله:نوال
لفت له نوال
عبدالله: يالله تعالي بنرجع
نوال رجعت راسها ع يد عبدالملك:ماراح اتحرك
وقرب لها ومسك خصرها وقومها
عبدالله:وانا ماابي ارجع البيت بدونك
نوال ناظرت لعبدالملك:بس عبدالملك. ..
عبدالله:عبدالملك طيب وراح يصحصح بكرا وتكونين عنده
نوال:جد
عبدالله هز راسه بااي
وابتسم لها ومشى وهي معه واشر لخلود تجيب ملك
مشت خلود لملك
خلود؛ ملك
ملك بعناد؛ ادري بتقولين خلينا نمشي ماراح اروح
خلود:ملك تعالي ....
ملك جلست وحطت يدها الثانيه ع يده:ماراح ارجع
خلود:بتجلسين بصفتك ايش
لفت لها ملك:بصفتي ان يدي بيده ماابي اسحبها عبدالملك ماسك يدي ماراح ارجع
خلود تنهد وحطت يدها ع كتف ملك:طيب خï»»ص بس انتبهي لنفسك
ملك ماردت وعيونها ع عيونه
وتنهدت خلود ومشت وطلعت وشافت عبدالله راجع بعد ماركب نوال بالسياره
عبدالله:وينها
خلود:طلبتك خلها عنده مارضت تقوم
عبدالله:بس تعب عليها
خلود:خلها راحتها داخل
تنهد عبدالله:طيب يï»»
ومشى وخلود وراه وناصر كان يسمعهم ومحمد كلهم عند الباب وفهمو انهم مايقدرون يدخلون دامها عنده

17 - 11 - 2021, 02:54 AM

البارت 135

المستشفى
كان نايم ولا هوحاس بااحد ابد وملك تناظر فيه وكانها تحفظ ملامحه ماقدرت تنزل عينها عنه ابد
سمعت صوت الباب ولفت له كانت متلثمه ولانزلت لثمتها
شافت ناصر دخل ومعه كيس
ناصر:ماصحى
صدت عنه ملك وناظرت لعبدالملك
ملك:لا
ناصر:طيب تعالي اكلي شي جبت لك اكل
ملك من غير ماتناظر له:ماابي
ناصر قرب لعبدالملك ووقف بالجهه الثانيه
ناصر:براحتك
وجلس يناظر لعبدالملك شوي وبعدها تنهد
وملك رفعت راسها له
ملك:فيه شي؟
ناصر مافهم:شلون؟
ملك:اسئلك فيه شي عبدالملك او صاير شي
ناصر هز راسه ب لا
وسكتت ملك
ناصر:طيب انتبهي له واذا صحى ناديني
ملك:طيب
وطلع ناصر وهو مبتسم لشكلهم
وملك ضغطت ع يده وللحين بيده ونزلت راسها ع يده
وتردد بهمس
(ليت اللي قصدك قصد غيرك ولاجاك)
(ليت اللي قصدك قصد غيرك ولاجاك)
رد عليها صوت هامس:وين امي
رفعت ملك راسها وشافته عاقد حواجبه ويناظر للمكان وكانه يدور احد
ملك ابتسمت:خالتي بالبيت
لف لها عبدالملك وناظرها شوي وناظر ليده
ومر عليه كل اللي صار ورفع يده الثانيه ومسك راسه
ملك:تحس بشي؟
عبدالملك حرك راسه ب لا
ملك ابتسمت:طيب حمدلله ع سلامتك
ابتسم لها عبدالملك وناظر ليدها اللي بيده
عبدالملك وضحك بخفيف
ملك :شفيك
عبدالملك:لا بس توي انتبه اني ماسكك
ملك:اووه وماقدرت اسحب يدي بعد
ابتسم وضغط ع يدها وابتسمت له
عبدالملك انتبه:مافي غيرك عندي؟
ملك:في ناصر ومحمد برا
عبدالملك:بس؟
ملك هزت راسها بااي
عبدالملك:ابتسم:يعني لحالنا هنا
ملك عقدت حواجبها:اي
عبدالملك:حلوو
ملك فهمته ووقفت:امسك ارضك
عبدالملك ضغط ع يدها:هههههههه اجلسي مااقدر اقوم اصلا
ملك جلست وصدت؛لاتحسب اني نسيت سالفه لمياء هاه
عبدالملك:خليها تولي زين هالقليله الادب
ملك ماردت
عبدالملك عقد حواجبه وملك فزت
ملك:اوجعك شي؟
عبدالملك:اعطيني ماء
قامت ملك وسحبت يدها من يده وجابت ماء وعبدالملك جلس بقوه وحط يده الثانيه ع الشاش
ملك:امسك اشرب!
عبدالملك ناظر ليديه وناظرها
وفهمته وضحكت عصب وقربت له وشربته هي وعبدالملك يناظرها
ملك همست:اشرب ولا والله بروشك فيه
ابتسم عبدالملك وشربه وبعدته ملك وجت بتطلع
عبدالملك:وين!
ملك:ناصر يقول اذا صحيت اناديه
رفع عبدالملك حاجب:نعم

17 - 11 - 2021, 02:55 AM

البارت 136

عبدالملك:نعم؟
ناظرت له ملك باستغراب
عبدالملك:تعالي ارجعي ..ماعندنا بنات يطلعون لرجال
ملك استوعبت:هههههههههههههههه لا ع اساس جالسه مع ابوي الحين ..يلا عاد بناديه
عبدالملك ابتسم:قلت مافي طلعه
ملك بعناد:فيه طلعه وبناديه واجيك
عبدالملك بصوت عالي:ملك
ملك لفت بتطلع مااهتمت ع فتحه الباب ودخل ناصر بسرعه مبتسم
ناصر:صحيت
عبدالملك ناظر له:اي تعال
قرب له ناصر وعبدالملك ابتسم لملك
ناصر:سمعت صوتك وجيت
عبدالملك:كنت متعمد ارفع صوتي
ملك رفعت حاجب:اجل انا بروح
عبدالملك:كم الساعه ناصر
ناصر:ظ¤ الا
عبدالملك:ووين رايحه انتي
ملك:بجلس بالسيب ع مايجي الصبح ويجي ابوي
عبدالملك لف لناصر:ترضاها؟
ناصر ابتسم؛لا والله ماارضاها
عبدالملك لف ملك؛شفتي ماحد يرضاها ،،تعالي
ملك تنرفزت منه:لا ماعليك اجل بجلس ع الكنب
عبدالملك اسند راسه لورا ومارد عليها وهي جلست ع الكنب
ناصر؛فيك شي؟
عبدالملك:لا بس تورطت
ناصر خاف:بايش؟
وملك تسمعهم
عبدالملك:الاسبوع الجاي الزواج ويدي كذا
ملك انصدمت منه وناصر فرح
ناصر:مممببرووك اكيد سعيده الحظ...
عبدالملك:اي اللي جالسه هناك حقتي
ناصر:هههههههههه
وعبدالملك ابتسم لها وهي استحت وقامت
عبدالملك:خلاص اجلسي ماراح اتكلم
ملك:عطشانه
عبدالملك ابتسم:هذا الماء
ملك توترت وقربت جنبه واخذت الماء وهو يناظرها وهي متوتره
ناصر ابتسم لعبدالملك:يلا عاد انا بطمن محمد برا خايف
عبدالملك:بعد شوي خله يدخل يشوفني
ناصر:طيب
وناظر لملك ورجع غمز لعبدالملك وعبدالملك ابتسم له وطلع
ولف عبدالملك لملك:اشربي
ملك ناظرت له بحده:احلف ..بروح اشرب هناك وان شفت عينك لي مو احسن لك
عبدالملك:هههههه طيب طيب
وراحت ولفت عنه وفكت لثمتها وشربت ورجعت رجعتها ولفت له شافته مبتسم لها
ملك؛خير؟
عبدالملك:محلوه
عقدت حواجبها وعبدالملك اشر للمرايه قدامها ومن شافتها شهقت وعبدالملك ضحك
ملك:ووووججججع
عبدالملك:مالي دخل انتي ماانتبهتي
ملك؛اوووف
وجلست ع الكنب وعبدالملك نزل راسه وفيه الضحكه
وطول الوقت ملك اسندت راسها لورا وسكرت عيونها وفيها نوم وعبدالملك يرفع عيونه يشوفها ويرجع يسكرهم ويرتاح

17 - 11 - 2021, 02:56 AM

البارت 137

الساعه ظ¨ الصبح
ببيت عبدالله
الكل ع الطاوله الا نوال كانت تلبس عشان تروح لعبدالملك
خلود لفت لعبدالله:من بتاخذ معك
عبدالله:نوال والبنات كلهم بتروحون صح؟
البنات:ااي
خلود:زين انا ببقى واكيد ملك بتجي بعد شوي ماراح اتركها لحالها
جنى رفعت حاجب:وينها ملك
عبدالله مارد عليها:خلاص خلك وانا برسل السواق يجيبها ترتاح
جنى تنرفزت:انا اسأل وين ملك
ماحد رد عليها وانقهرت
وجت بتتكلم ورن جوالها وقامت عنهم وردت وجاها صوت باكي
لمياء:شلون ووينه
جنى؛بسم الله اهدي ي بنت
لمياء:تكلمي جنى شلون عبدالملك
جنى:بخير ..خبرونا انه صحى امس ،،
لمياء تبكي:ليش ماقلتي لي
جنى:انتي وش عرفك
لمياء:سمعت ابوي يتكلم ،وربي زعلت عليك
جنى:حياتي والله كنا متوترين ماامداني اقول
لمياء:زين يلا باي
جنى:باي
وسكرت ورجعت جنى لطاوله ع جيه امها لابسه عباتها
نوال:يلا عبدالله مشينا
عبدالله وقف:يلا
وقامو البنات بسرعه ولبسو عبيهم وطلعو ورا ابوهم لسياره وبقت خلود بالبيت
.
.
بالمستشفى
كانت نااايمه ع الكنب ولا حاسه بااحد
وعبدالملك يناظرها وساهي فيها
ويفكر كيف يمسح الزعل اللي بقلبها عليه
تنهد
ونزل راسه وناظر ليده سمع صوت الباب ورفع راسه
ناصر دخل ومن شافها نايمه دخل بشويش
عبدالملك:اطلع اطلع
ناصر ابتسم:طيب بس ترا انا ومحمد بنمشي نجيك العصر
عبدالملك:زين ولاحقو سالفه فايز
ناصر:تم
وطلع
وسكر الباب وملك مو حاسه بشي وعبدالملك كل ماطاحت عينه عليها ابتسم
وانفتح الباب ودخلو عبدالله والبنات ونوال انصدمت من شافت ملك وعبدالملك ضغط ع سنونه
نوال؛وش تسوي ذي هنا
جنى بقهر:ونايمه بعد

17 - 11 - 2021, 02:57 AM

البارت 138

عبدالملك بيضيع السالفه
عبدالملك:يمه مافي حمدلله ع السلامه
ابتسمت له نوال وقربت له
نوال:حمدلله ع سلامتك ي نظر عيني
وسلمت عليه وجنى قربت لملك ورفست رجلها وقامت بخوف وبسرعه
جنى:قومي عمى نايمه قدام الرجال
عبدالله صرخ؛جججنى وعمممى
ماردت جنى واتجهت لعبدالملك
وعبدالله قرب لملك وملك قامت ومسحت عيونها
عبدالله:اوجعتك؟
ملك:لا بس بروح البيت
عبدالله:طيب يلا
واخذت ملك شنطتها
عبدالملك خز جنى ولف لهم
عبدالملك:ملك
استغربت ملك ولفت له والكل كان مستغرب وبيعرف وش يبي فيها
عبدالملك ابتسم:مشكوره
ابتسمت ملك:العفو
عبدالله:يلا ملوكه
وطلع وطلعت وراه وعبدالملك لين اختفت وطلعت ولف لجنى وعقد حواجبه
عبدالملك:انتي متى تعقلين
جنى تضيع السالفه:حمدلله ع سلامتك
مارد وصد لامه
دلال:ملوك حمدلله ع سلامتك وربي خفنا عليك
عبدالملك:ربي يسلمك
تالا جلست ع سريره وتربعت
تالا اشرت ليده:تعورك؟
عبدالملك ابتسم؛لا
نوال؛اكلت شربت
عبدالملك:اي الحمدلله ملك ...
قاطعته نوال:بس بس لاتجيب طاريها
عبدالملك؛المهم جيبو شي واكلوه لاتبقون جيعانين
دلال:اكلنا افا عليك
ضحك عبدالملك ونزل راسه ليده
.

ببيت عبدالله وصلت ملك تعبااانه
ولقت خلود بالصاله
ملك:سلام
خلود:هلا حبيبتي وعليكم السلام
ملك:بروح انام
خلود:من جابك
ملك:ابوي
خلود:ووينه
ملك:راح رجع للمستشفى
خلود:طيب حبيبتي نامي لان العصر بنرجع له
ملك ابتسمت:طيب
خلود:اااايه توك ابتسمتي
ضحكت ملك ومشت لدرج
وراحت ع طول بدلت ونامت

17 - 11 - 2021, 02:58 AM

البارت 139

ببيت ناصر كان نايم بغرفته وام ناصر كانت فاتحه الباب وتشوفه وبعدها سكرت الباب وطلعت ونزلت وجلست بالصاله
وارجوان نزلت جوالها وشافتها
ارجوان:وش فيك؟
ام ناصر:ناصر شكله تعبان
ارجوان:سمعتيه لما جاء قال اللي صار مع عبدالملك اكيد بيتعب من اللي صار
ام ناصر:بس كيف نقدر ناجل الخطبه
ارجوان:مو لازم ناجلها
ام ناصر:تتوقعين يوافق
ارجوان:وليش مايوافق
ام ناصر هزت كتوفها بماادري ابتسمت ارجوان:بيوافق عشان نور
ام ناصر:يارب
ولفت وناظرت لنور اللي تناظر لتلفزيون ومندمجه وابتسمت لها
.
العصر
الساعه ظ¤
بسياره السواق خلود وملك
ملك:ووقف شوي
استغرب السواق
ملك:في محل ورد ابيه
خلود ابتسمت:وش عندنا
ملك ابتسمت:حرام مجيه بدون شي
خلود:صدقتك
استحت ملك ونزلت للمحل لحالها
وهي تختار الباقه جاها شي يقول (لاتدلعينه وتنسين اللي سواه معك)
وتنهدت واشرت ع اصغر باقه
ملك:عطني هذي واكتب عليها (حمدلله ع السلامه،، من خالتك ام ملك)
البايع:ابشري
ونسقها لها وهي من اخذتها ابتسمت ومشت لسياره وركبت ومدتها لامها
خلود:وش ذي
ملك:هديه منك له
خلود انصدمت؛وانتي
ملك اشرت لسواق يمشي:مو لازم
استغربت خلود ولا ردت عليها وملك سهت ومشو للمستشفى

17 - 11 - 2021, 02:59 AM

البارت 140

بالمستشفى بغرفه عبدالملك
كان جالس وناصر ومحمد وسامر جنبه والبنات ع الكنب وطالبين ومادينها بينهم وبين سرير عبدالملك
ناصر
سامر:حيوان ماقدرنا نمسكه مختفي
عبدالملك:رحتو لبيته؟
محمد:رحنا
عبدالملك:وربعه وكل اللي يعرفهم لازم تلقونه
ناصر:انا افكر بشي بس ماادري انتم تفكرون نفسي ولا لا
عبدالملك:باايش؟
ناصر:ابومتعب
عبدالملك رفع حاجب:ممكن
محمد:شلون راحت من بالنا
سامر:انا بروح لبيت ابو متعب الحين
محمد:وانا معك
ناصر:وانا
عبدالملك:انتبهو
محمد:ابشر
ابتسم له عبدالملك وطلعو ع دخله عبدالله
عبدالله:ع وين؟
سامر:طلع لنا شغل ضروري نجي وقت ثاني
عبدالله:بحفظ ربي
وسلمو عليه وطلعو
وفتحت نوال الستاره:مابقى يروحون
ابتسم عبدالملك:عمي تعال
استغرب عبدالله وتقدم له
عبدالملك همس؛بطلب طلب
عبدالله:امر
عبدالملك:الستاره رجعها
استغرب اكثر عبدالله:ليش
عبدالملك:لاتردني ورجعها
عبدالله:تامر
نوال:وش تتكلمون عنه
عبدالملك ابتسم؛شكلي تشافيت
نوال:لالالا مافي طلعه لين انا اتطمن
عبدالملك:ابشري
وابتسمت نوال ونست السالفه اما عبدالله سحب الستاره ورجعها للي جابوها والبنات استغربو بس ماتكلمو
وتجمعو ع عبدالملك
ع فتحه الباب ولفو وشافو خلود ووراها ملك وابتسم عبدالملك من شافها
وملك استحت وتقدمت خلود:حمدلربي ع سلامتك
ونزلت الورد جنبه
عبدالملك:تسلمين
ونوال وجنى كانو يناظون بملك بقهر وكانهم يسئلونها وش جايبك
وملك وقفت ساكته وعبدالملك يناظرها وخلود لفت لملك
خلود:تكلمي تحمدي له
ملك همست:كنت عنده الصبح
عبدالملك سمعهم:ولو تحمدي مره ثانيه
ملك ناظرت له شوي وماتبي تغلط
ملك:ماتشوف شر
عبدالملك ابتسم:مايجيك
وطق الباب
نوال:ادخل
ودخلت بنت ومعها باقه كبيره وجميله وهديه
جنى بفرحه:لموووو

17 - 11 - 2021, 06:37 PM

البارت 141

ملك رفعت حواجبها وهمست:عمى
سمعها عبدالملك وناظرها ورجع ناظر لمياء وعقد حواجبه
اما جنى جتها بسرعه
جنى:حييياتي كيف عرفتي الغرفه
ابتسمت لمياء بحيا:ابوي علمني يقول بيجي الحين يزور عبدالملك بس شاف عمي عبدالله ووقفو يتكلمون وتركني اجيك ي جنى
وابتسمت لعبدالملك وملك لفت عبدالملك وشافته عاقد حواجبه وارتاحت انه مارد الابتسامه
جنى:حياتي حياك
وقربت لمياء لهم وابتسمت ونزلت الباقه والهديه وهمست
لمياء:ماتشوف شر
عبدالملك مارد ويناظرها بحده واستغربو ونوال بتضيع السالفه لفت للمياء
نوال:ي قلبي كلفتي ع نفسك ،عسى الشر مايجيك
لمياء ابتسمت لنوال كان كل لمياء مو كانها جايه تزور مريض المكياج ضارب بالوجهه وكثير واللثمه دلع
ولفت ملك شافت باقتها جنب الباقه اللي جابتها فرق حقت لمياء جميله وفخمه اما اللي من ملك عاديه
وعبدالملك صد عن لمياء وناظر لملك وهي تناظر للباقات وكانه فهم اللي ببالها
عبدالملك:تالا
تالا باابتسامه:هلا
عبدالملك هاتي الباقه
فرحت لمياء وابتسمت اما ملك ضاق صدرها وتالا اخذت باقه لمياء
عبدالملك:لا ي قلبي الباقه الثانيه
انصدمت لمياء وملك
وواخذ باقه ملك وابتسم وقرا اللي عليها
ولف لملك:ذوقك جميل مشكوره
ملك تبلمت:اا تسلم
عبدالملك رجع قرا اللي عليها وابتسم لملك
عبدالملك؛واللي كاتبته يفتح النفس ،، ملك فهمته وتدري انه بيقهر لمياء ابتسمت واستحت
ملك:قليل بحقك
نوال انصدمت ولميا وجنى مو اقل منها اما تالا ودلال وخلود ابتسمو
عبدالملك مد الباقه لملك:حطيها جنبي
ملك اخذتها:طيب
ابتسم لها ولمياء تناظر لملك بحقد
نوال:خلوود
وفهمت خلود انها تبيها تمسك ملك ومااهتمت لها وطق الباب
عبدالملك:هذا اكيد عمي والرجال معه اذا دخلو اطلعو
نوال:والستاره
دلال:اخذها ابوي
عبدالملك:مو وقت اسئله يلا
وطلعو وملك جت بتطلع ولفت له وهمست
ملك:قهرناها وناسه
وضحك عبدالملك واستغربو
وملك سوت نفسها ماتدري ليش ضحك
وفتحت تالا الباب ودخل عبدالله وابو لمياء صديقهم
والبنات طلعو

17 - 11 - 2021, 06:38 PM

البارت 142

.
بالغرفه الثانيه
دخلو البنات وجلسو ونوال اتجهت لملك ع طول ووقفت قدامها
نوال:من تحسبين نفسكم انتي
ملك:ملك
نوال:والكووبه بملك
ملك رفعت حاجب ووقفت
نوال:اسمعي عبدالملك تبعدين عنه وزواجكم لوو تموتي ماراح يتم
(بهاللحظه عرفت لمياء من بياخذ عبدالملك وانصصصصصدمت)
ملك صدت لامها وخلود تنهدت
نوال:سسسسسسسسامعه
دلال:يمه خلاص لاتصرخين احنا بالمستشفى مو بالبيت
نوال:علمي ذي ماادري منين طالعه لنا لاهي بنت عبدالله ولا اختك وجابت لنا المصايب ورا بعض
خلود:نوال الزمي حدودك
تالا جلست بزاويه وسكرت اذانها
ملك مشت وطلعت وهي ساكته ولحقتها خلود
نوال:دفعه مردي
وجلست
جنى:قسم قليلات ادب
لمياء لجنى:مالقى عبدالملك غير ذي؟
جنى:مادري ساحرته ولا عبدالملك كل ماشافها ابتسم شلون
لمياء انقهرت وسكتت
ودلال قربت لتالا وابتسمت لها
دلال:خلاص ي قلبي سكتو
تالا رفعت يديها عن اذانها:اخيرراً
.
عند ملك طلعت من المستشفى وخلود وراها
خلود:ووين رايحه؟
ملك:برجع البيت
خلود:ليش ي بنت لاتهتمـ...
ملك ابتسمت وقاطعتها؛مو مهتمه بس احنا ونوال وجنى وهالمياء مانجتمع
خلود تنهدت:لا اله الا الله الله بس يهديهم
ولفت ملك بتشوف سيارة السواق وشافت واحد عرفته ع طول وضحكت
خلود:وش فيك؟
ملك؛تذكرين خليل؟
خلود:خليل؟
ملك؛هههههههه اي اللي كنا نبيع سوا
خلود:هههههههههههه اي
ملك اشرت عليه كان جالس يبيع
ملك:وربي ودي اسلم عليه
خلود:امشي لاتنجنين
ملك؛هههههههه طيب يلا
واتجهو لسواق وطلعو لسياره ومشو
.
بعد ساعه
بغرفه عبدالملك كان لحاله
ورن جواله ورد
عبدالملك:هلا ناصر هاه بشر
ناصر؛هلابك ،، لنا ساعه قدام البيت ماطلع احد
عبدالملك؛طيب ادخلو
ناصر:لا راح يتخبى لو درا اننا جينا
عبدالملك:وش بتسوون
ناصر:بنجيب اي واحد ماحد يعرفه يدخل لهم ويتفقد
عبدالملك:حلو ،ابدو
ناصر:طيب
وسكر ع فتحه الباب ودخلو الكل ومعهم لمياء وماشاف ملك وعقد حواجبه

المواضيع المتشابهه لموضوع: رواية عشقي ال بدي مكتفي فيك عاشقك للفنى لموضوع: رواية عشقي ال بدي مكتفي فيك عاشقك للفنى
الموضوع	كاتب الموضوع	المنتدى	مشاركات	آخر مشاركة
رواية تعرف حبيبي ان عشقي لك تعدى حدود الجنون	البارونة	همس للقصص وحكايات وروايات	3	30 - 10 - 2024 02:24 AM
مكتفي بك 2022	حنين الأشواق	همس الشعر و الشيلات الصوتيه	2	22 - 1 - 2022 11:22 AM
لاتبعثرني تراني مكتفي	جروح الم	همس الشعر والقوافي	2	27 - 12 - 2014 11:28 PM
قال نا عاشقك	استثنائيه	همس عذب الكلام والخواطر المنقوله	10	1 - 5 - 2013 01:53 AM
رواية عشقي	مــلآمـح خ ــجل	همس الشعر والقوافي	12	12 - 6 - 2012 12:46 AM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع