رواية عشقي ال بدي مكتفي فيك عاشقك للفنى

21 - 11 - 2021, 09:29 PM

البارت 153

ونزلت نوال ووقفت قدام عبدالله بالصاله
كانت متوتر ويهز رجله بقوة
وخلود وملك واقفات بعيد شوي ملك كانت متوتره وخايفه انه يصدق ومرتاحه ان عبدالملك يدافع عنها
تقدم عبدالملك وجلس جنب عبدالله ومد يده وحطها ع فخذه
عبدالملك؛عمي اهدا شوي
عبدالله من بين سنونه:انت اسكت
عبدالملك انصدم من رده
عبدالملك:ليش اسكت
لف له عبدالله:لاني شفتك معها قبل
عبدالملك رفع حاجب:بس انا شرحت لك واصلا خطبتها منك
عبدالله:بس هالمره هي تكلم واحد من ورانااا وانت خاطبها
نوال:قلت لك ماتصلح لك
خلود بعصبيه؛اشوف ارتحتو بالكلام انت وزوجتك ع بنتي
عبدالله لف لها:بنتك سودت وجهي
ملك انصدمت منه:ماسويت شي
عبدالله:الله اعلم
ملك لفت لامها وخلود منصدمه وتكلمت بهدوء
خلود:عبدالله انت صاحي وش تقول
صد عنهم عبدالله
عبدالملك عقد حواجبه:عمي اصحى ع نفسك ولاتقول كلام تندم عليه
عبدالله:انا الغلطان من شفت بيتهم بذاك الحي مفروض اعرف كيف ملك تربت
هنا ملك وخلود وعبدالملك انصدمو من كلامه
خلود بلعت ريقها:عبدالله؟
مارد عليها
ملك:يبه انت فهمت وش كنت تقول
عبدالله:فاااهم
نوال ابتسمت
وجاء صوت سكتهم كلهم
عبدالملك بعصبيه:وانا واثق فيها وعارف كيف تربت والغلطان لاني جبتها هي وامها لك وانت ماتم شهرين ع وجودهم تصدمهم بكلامك وهالسالفه فيها إنا َ وراح اعرفها
عبدالله مارد ونزل راسه
خلود:هالبيت مستحيل اجلس فيه لو تنطبق السماء ع الارض
لف لها عبدالله:مافي طلعه
خلود:فيه وفيه بعد طلاق ،،بعد كلامك لا ابيك ولا راضيه بكونك زوج لي
ولفت ومشت وملك كانت تناظر عبدالملك حست انه بهالمكان اهم من ابوها نفسه وعبدالملك ماكان منتبه لها
لفت خلود قبل تطلع الدرج
خلود:ع فكره ترا اذا شاك ان ملك بنتك بعد تقدر تسوي التحليل
ومشت وعبدالله كان منصدم حس انه في غيبوبه وصحى منها حس انه سوا غلطه عمره مره ثانيه خلود بتتركه للمره الثانيه
ولفت ملك ومشت اما عبدالملك وقف
وطلع من عندهم وقربت نوال لعبدالله
نوال؛احمد ربك ربي طلعهم ع حقيقتهم قبل تنخدع اكثر
عبدالله ماكان يمها يفكر
اما عبدالملك اتصل بمحمد واعطاه اوامر وسكر
.
بعد ظ،ظيمنع دقايق نزلت خلود ومعها ملك لصاله ومعهم شنطه صغيرة وعبيهم القديمه لابسينها
وعبدالله كان بالصاله ومن شافهم انصدم
خلود:وبنطلع مثل مادخلنا مانبي منك فلس
ملك اخذت نفس وصدت وقلبها تحسه بيوقف من كلام كاتمته ودها تقوله
عبدالله مسك راسه بهدوء ولا قدر يتكلم
نوال:دفعه مردي لاتشوفكم عيوننا
خلود ابتسمت لها ومشت وملك جنبها ومن طلعو وسكر الباب نزل عبدالله راسه بين يديه بقهر

21 - 11 - 2021, 09:32 PM

البارت 154

ملك وهي طالعه من البيت تحس ودها تصرخ ودها ترجع لابوها تقول ورب البيت واللي خلقني اني مااعرف شباب ولا اكلم ودها ترجع وتدور من سوى فيها هالشي وهي متاكده انها جنى بس مين ساعدها وملك كانت قدر ماتقدر تتجنبهم بس جنى حاطه دولها دوب ملك وناسيه كونها اختهااا ومقتنعه انها بنت شوارع ولا هي بنت عبدالله
حست بضيق ولاتقدر تتنفس زينيمنع
اما خلود ماكانت تقل عنها كانت ماسكه دمعتها لاتنزل عبدالله صدمها عبدالله ذبحها بكلامه عبدالله كرهها فيه وبااسمه وبطاريه وبكل شي كانت ساكته ولاتبي تتكلم اكثر وتطلع اللي بقلبها وتنفضح بحبها له وكرهها لنوال وغيرتها ع عبدالله بس ماتبي تتكلم دام ملك صارت بالسالفه واساس السالفه وتهمونها بااشياء مو فيها وعبدالله اولهم فاماتبي شي منهم
،
طلعو وشافو سياره سوداء واقفه مااهتمت خلود ومشت من جنبها وملك ماكانت يمهم وسهيانه
سمعو صوت باب السياره ينفتح ونزل علي اللي يشتغل عند عبدالملك
علي:اركبو
خلود كانت تعرفه وارتاحت انها ماتمشي بالشارع وتعرض ملك لشباب كثير ولفت له وجت بتركب وملك كانت تتنفس بقوه
وركبت معها ومشو وملك فتحت لثمتها غصب وجلست تهف ع نفسها وعلي ماكان يشوفها
وخلود خافت:فيك شي
ملك ساكته وتهف ع نفسهااا
خلود:ملك
ملك سكرت عيونها بقوه من صوت امها وبكت بصوت يقطع القلب
وخلود اوجعها قلبها عليها وضمتهااا وملك داخله نوبه بكى
وعلي عاقد حواجبه وساكت وده يسئلهم اذا يبون شي بس مايدري كيف ردهم
،
عند عبدالملك بجناحه
تنهد وضايق صدره من اللي صار وااااثق بملك وخلود ويدري ان السالفه وراها ناس بس كيف وصلو لملك وكيف سجلو الرقم عنها
سكر عيونه بقوه واسند راسه لورا (طبعا عبدالملك كان لابس تيشيرت وبنطلون ويده ملفوفه كانها مكسوره وممنوع يشيل هالشاش عنها او يحركها)
رن جواله ورفعه ورد بدون مايشوف
عبدالملك:هلا
محمد:خلصت المطلوب
عبدالملك:زين شوي وياصلونك مع علي
محمد:طيب
وسكر عبدالملك ورمى جواله وجلس يلف بكرسيه وهو ساند راسه لورا ويفكر

21 - 11 - 2021, 09:33 PM

البارت 155

وصلو خلود وملك لبيت كبير
ودخلت السياره لداخل
كان البيت جججججميييل وفخممم
خلود:من بيته ذا؟
علي؛بيت الاخ عبدالملك
ملك مسحت دموعها وجلست زين
ملك:هذا بيت عبدالملك؟
علي؛انزلو ومحمد قدامكم راح يفهمكم
خلود اشرت لملك ينزلون ونزلو
وملك تناظر للبيت وملامحها جامده كانت مو قادره تربط شي بشي ابد
وتقدمت مع امها للباب
ومحمد واقف قدامه
محمد:ي هلا
خلود:هلابك ،،يلا فهمنا ليش جايبنا هنا
محمد ابتسم؛هالبيت بيتكم ليش مستغربين
خلود صدت؛مالي بيت الحين عند هالعايله
محمد:لا لا فهمتي غلط
ملك عقدت حواجبها:فهمنا طيب
محمد:هالبيت قبل فتره اشتراه الاخ عبدالملك له او بالاصح له ولزوجته
ملك انصدمت:كيف
محمد:ههههههه شكلي بطول وانا افهمكم ادخلو ،هالبيت لك
ملك انصدمت:لي؟
محمد هز راسه بااي
ملك لفت لامها وخلود ابتسمت ماتبي تدخل بينها وبين عبدالملك
ملك:بس انـ..
محمد:انا مالي دخل بهالكلام انتي وطويل العمر تفاهمو المطلوب مني سويته وسلمتك الشي اللي لك وكان بيفاجئك فيه بس ماادري وش صار ، ع العموم تفضلو وانا استاذن وعلي السواق هنا اي شي تبونه بيجيبه ان شاء الله
ملك جلست تناظر البيت وبداخلها تقول كيف بردها لك ابوي ماسواها
تنهدت ودخلت ومحمد مشى وخلود دخلت ورا ملك بهدوء كانت تنقل نظراتها بالبيت جميل والوانه تريح وراقي اخذت نفس ولفت لامها
وابتسمت خلود:عبدالملك يعني رجوله
ملك ابتسمت لامها:كيف بردها له
خلود هزت كتوفها بماادري وملك تنهدت وبعدها لفت للبيت
ومشت خلود وجلست وكان همها رجع وهي تتذكر اللي صار اما ملك نزلت عباتها واخذت نفس وهي تناظر امها
ملك:لاتهتمين انسي اللي صار وكاننا مارجعنا لذاك البيت
خلود:ي ليت اقدر ارجع الزمن والله ماارجع معه
ملك حست بضيقه امها وقربت لها ومسكت يدها
ملك:قومي خلينا نشوف البيت يلا يلا نزلي عباتك
ابتسمت خلود ونزلت عباتها وراحت مع ملك يكتشفون البيت
ع طول طلعو لدرج اول مايطلعون لدور الثاني في باب مواجه لدرج كببببير وشكله جميل وقربت ملك بفضل وفتحت الباب وخلود معها وابتسمت بدون ماتحسيمنع
كانت غرفه بيضاء كل شي فيها ابيض السرير كبير وعليه ستاير بيضاء
ع مرايه التسريحه نفسها ( ع ، م ) صغيره وناعمه وشكلها جميل ملك ضاعت بهالغرفه وخلود مبتسمه تشوفها
ملك لفت لامها وابتسمت:عبدالملك مسوي كل هذا؟
خلود:كانت احلى لو دخلتي لها بفستانك الابيض وعبدالملك ببشته الاسود
ملك ابتسمت وصدت تناظرها وودها لو تقدر تشوفه وتطلع من البلكونه وتراقب جناحه بس ماتقدر تنهدت ومشت لامها وطلعو من الغرفه وسكروها وماكملو ونزلو لتحت وملك سهيانه وبداخلها متحسفه ع اشياء كثيره سوتها بعبدالملك

21 - 11 - 2021, 09:34 PM

البارت 156

مر اليوم ع بيت عبدالله وكله كائبه بعكس الجو عند جنى ونوال
نوال كانت فرحانه ان عبدالله بيطلق خلود ويرجع يصير لها بس واجلت سفرتها بعد عمليه عبدالملك وبعد هالسالفه اصرت تبقى مع عبدالله وماتتركه يرجع لها
اما جنى كانت مسويه حفله مع لمياء بس بالمكالمات بعد ماضبطت خطتهم بتطير ملك
وكلهم مالهم علم بمكان ملك وامها الا عبدالملك
'
يوم جديد
ببيت ناصر الصبح الساعه ظ§
ع الطاوله وناصر يكلم
ناصر باابتسامه:الله يسلمك وربي فرحتني.....ان شاءالله.......هههه الله يبارك فيك.....يلا مع السلامه
وسكر وامه مبتسمه
ارجوان:هذا عمي صح وافقت جمانه
هز ناصر راسه بااي
ام ناصر قامت بفرحه:مبرووووووووووووك
ناصر قام وباس راسها:الله يبارك بعمركم
نور ببرائه تناظرهم:وش صار
ارجوان:ههههههههه ي حياتي ماهي مع العالم
ناصر باس خد نور:بتعرفين بكرا بابا
ابتسمت نور:طيب
ارجوان:مبروك نصور
ناصر:الله يبارك فيك ي قلبي
ابتسمت ارجوان:يلا طيب ابد بالتحضيرات من الحين
ناصر:الله
ام ناصر:اي اي لاززززم
وضحك ناصر عليهم ورجع جلس
ارجوان:مانمزح ترا
ناصر ياكل:كيفكم
وام ناصر رجعت وتاكل وهي مبتسمه
.
اما ببيت عبدالله كانت جلستهم كئيبه وعبدالملك جالس مو معهم ويفكر وعبدالله مثله اما جنى مبتسمه ونوال تاكل ودلال وتالا طفشانين
تالا:اوووف يبه وين راحت ملك وخالتي
لف لها عبدالملك
عبدالله:تالا تاخرتي ع المدرسه
تالا قامت بضيق
دلال عارفه السالفه وتنهدت وناظرت لعبدالملك شوي وكان سهيان
دلال:استاذنكم
وطلعت مع تالا لسواق
جنى بضحكه:ملوك تقدر تسوق؟
لف لها عبدالملك ورفع حاجبه:اي
جنى:وصلني
قام عبدالملك بعد مااعطاها نظره:استاذنكم
وطلع وجنى لفت تشوفه لين طلع
جنى:هههههههههه حمدلله والشكر منفس
نوال:حبيبتي اكلي قبل يمشي السواق
جنى:طيب مممام
وكملت تاكل وهي متحمسه ونوال ناظرت لعبدالله اللي مااكل شي
نوال:عبدالله
لف لها عبدالله
نوال:اكل حبيبي
عبدالله عقد حواجبه:ايش؟
نوال:اقولك اكل يلا
عبدالله تنهد وتذكرها من خلود احلى وقام
نوال:وين
عبدالله:لشغل
وطلع وجنى رفعت راسها:ههههههههه انسفهو اهلي
نوال ضربتها:اكلي وانتي ساكته
جنى:هههههههه طيب لاتضربين
وقامت:يلا تشاوو
واخذت شنطتها وطلعت ونوال تنهدت براحه دام خلود مو قدامها
اما جنى من طلعت لسياره اتصلت بلمياء وقالت لها بتمرها ويطلعون مع بعض

21 - 11 - 2021, 09:35 PM

البارت 157

ملك لما كانت بتنام
ماحبت تنام بالغرفه اللي جهزها عبدالملك وعلى كثر الغرف ماحبت تنام الا مع امها بغرفتها
فتحت عيونها ولا شافت امها جنبها وتنهدت وشافت لسقف تذكرت كل اللي صار معهم امس وسكرت عيونها وهمست (انسي)
قامت من السرير اخذت دش ولبست نفس لبسها بعد ماغسلته >ماجابت غيره وبالغرفه اللي مجهزها عبدالملك كان فيه غرفه جانبه لملابس مليانه بس ماتبي تلبسهم الحين
مشطت شعرها ورفعته ذيل حصان ونزلت وكان وكأن البيت مو غريب عليها وكانها تعودت عليه خلاص
شافت امها تتكلم مع الخدامه
قربت لهم
خلود للخدامه:مو لازم تكثرين فطور انا وملك بالبيت مايحتاج كل هالكثر
الخدامه:طيب
ابتسمت لها خلود ومشت ولفت لملك
ملك تناظر لطاوله مليانه اكل:هذا فطور؟
خلود هزت كتوفها:يقولون هههههههههه
ملك؛ههههههههه الحمدلله ، بس حيل كثير علينا
خلود:خلاص فهمتهم مايكثرونه
ملك؛احلا
خلود:يلا اجلسي افطري
ملك:يلا
وجلسو يفطرون
.
بمكان ثاني
بمكتب عبدالملك بشركته
طبعا عبدالملك بااجازه
وبالمكتب فيه ناصر ومحمد وسامر مجتمعين لانهم تعودو يجتمعون بمكتبه
سامر:ناصر فكرت بالمشروع اللي قال عنه ابوي
ناصر:فكرت وانا ومحمد درسناه اتوقع الشركه هالوقت محتاجه مثل عالمشاريع
سامر:حلو ناقص عبدالملك ناخذ رايه ونبدا ع طول فيه
محمد:متى بتنتهي اجازته؟
ناصر:بعد اسبوع ع مااضن
محمد:زيـ..
وقاطعه صوت الباب ولفو له
ودخل عبدالملك ومن شافهم عقد حواجبه وهم انصدمو
محمد قام له:هلا والله
ابتسم له:هلابك اشوفكم مستحوذين ع مكتبي
سامر قام وسلم عليه:الله حيه هههههه
عبدالملك:يحييك
قرب ناصر:وش جايبك مو مفروض انت اجازه عشان (واشر ع يده)
عبدالملك ناظر ليده؛تعوقت انا؟؟ ي ابن الحلال تراها بسيطه
ناصر:ههههه طيب طيب تعال جيت بوقتك
وتقدم عبدالملك وجلس ع مكتبه وهم قدامه
ناصر:شلون عمي؟
عبدالملك تنهد:طيب ، ايوه وكيف الشغل
سامر:ماااشي
عبدالملك:والله كفو
ومحمد كان يناظر له مبتسم لف له عبدالملك وحرك راسه بااستغراب
محمد:هههههه لا بس الحمدلله ع سلامتك
ابتسم له عبدالملك:ظ،ظيمنعظيمنع مره تقولي ، ربي يسلمك
سامر:من غلاك ذابح هالادمي
محمد:اي والله
عبدالملك:ههههه ويشهد الله ع غلاك
ناصر:ايوه بدينا غلا وغلا
عبدالملك:انت طالع منه طبعا
ناصر:افا
سامر ومحمد:هههههههه

21 - 11 - 2021, 09:35 PM

البارت 158

بعد ساعه ناصر وسامر ومحمد بغرفه عبدالملك
عبدالملك:اوف سنترتو عندي؟
ناصر ابتسم؛نحبك
عبدالملك:كل واحد ع شغله يلا
سامر:اي والله ابوي ماداوم اليوم لو يدري انا جالسين عندك للوقت عصب يلا يلا
وقام
وقامو ناصر ومحمد
ناصر:يلا استاذنكم
عبدالملك:اذنك معك
وطلع وطلع سامر ومحمد بيطلع
عبدالملك:دقيقه انت تعال
لف له محمد:سم طال عمرك
عبدالملك:سكر الباب وتعال
سكر الباب وتقدم له
عبدالملك:اسمعك وش صار
ابتسم محمد وقال له كل اللي صار مع خلود وملك
عبدالملك تنهد:زين
محمد:مو من حقي بس بسئلكيمنع
عبدالملك:اسئل
محمد:انا قلت لها اذا جاك طويل العمر تفاهمي معه ،، بتروح لهم صح؟
ناظر له عبدالملك؛اي اكيد بس شوي يعني مو ع طول
محمد:وتجهيزات الحفل ترا بكرا الحفل اذا ناسي
عبدالملك رفع راسه وجلس يناظر بعيونه شوي وكانه يستوعب اللي قاله او بيفهم وش قال
ومحمد مستغرب
عبدالملك:اوك
محمد مافهم
عبدالملك:الحفل بيتم
محمد:طيب
وطلع وعبدالملك ابتسم ونزل راسه وفتح الملف وبدا يقرا
،
بكفتريا الجامعه
سلمى بصدمه:انتي لمياء رحتي له للمستشفى
لمياء بغرور:اي انا وسلمت عليه وازيدك من الشعر بيت كل يومين اتغدا عندهم بالبيت
جنى كانت مبتسمه جنبها:ي حياتي منورتنا
لمياء:حتى مرات استحي اجيهم بس هم يصرون علي
سلمى والبنات جنبها صديقاتهم:عبدالملك يصر عليكي
لمياء:ممم مرات ومرات عمي ابو جنى
سلمى بحسره:يحظك تشوفين عبدالملك
لمياء:ههههههههه ي حياتي هو ماغير يتبسم لي
غاده:مااصدق عبدالملك يبتسم
لمياء ترومش:ااي
جنى:حتى انا ماصدقتك بالبدايه
لمياء ابتسم:ي جماله بس
سلمى بقهر:طيب انا بتغدا معكم
جنى:حيـ..
لمياء بعصبيه:لا طبعاً خير تقلدين عيب كل يوم وحده استحو
سلمى صدت وهمست لغاده:ليتها هي تستحي
غاده:ههههههههه
لمياء:وش تضحكون عليه
سلمى:لا لا ولاشي
وسكتو البنات وجنى بغرور جالسه وتفتخر باللي سوته مع لمياء

21 - 11 - 2021, 09:36 PM

البارت 159

سكر الملف وتنهد وقام واخذ مفتاح سيارته بيده اليمين
ودخله جيبه واخذ جواله ونظاراته وطلع من المكتب ونزل بهيبته والكل يسلم عليه ويتحمد له بالسلامه ويرد عليهم باابتسامه
طلع ولبس نظارته وفتح له سواقه الجديد باب السياره
عبدالملك:انت بتسوق
السواق:سم طال عمرك
وفتح له الباب القدام وركب وسكر الباب وشغل السياره ومشى وحس ان هذا اخر يوم له بهالكائبه
رن جواله ووقف ع جنب لانه مايقدر يحرك يده الثانيه رفع جواله وشاف رقم جنى رفع حواجبه ورد
عبدالملك:نعم
جنى:عبدالملك السواق الغبي ماجاء
عبدالملك:طيب؟
جنى:تكفى تعال اخذني بموت اذا جلست لحالي كل هالوقت
عبدالملك:عندك ابوك وعندك سواق ثاني حق البنات وعندك سواق صديقتك اللي ماتتسمى لا عاد تتصلين علي لاني اعرف حركاتك
جنى:والله والله ماجاني السواق مااكذب والله
عبدالملك تنهد:طيب وربي لو شفت حركه ماراح ارحمك ،، انا قريب للجامعه بسرعه اطلعي
وسكر قبل ترد عليه ومشى
وجنى لفت للبنات وابتسمت ورفعت حاجب
جنى:بيجي
سلمى:جنى اسمعي انا ابوي سافر امس عادي توصلوني
لمياء بقهر:طبعا لا
سلمى:وش دخلك انتي
لمياء ابتسمت:لاني انا بروح
غاده:نعم نعم
لمياء اشرت لجنى:يلا جنى
جنى باابتسامه:ماعليش بنات البنت تغار هههههه يلا تشاوو
ومشو وسلمى وغاده انقهرو من حركات لمياء
،
عند عبدالملك وصل الجامعه ووقف وتنهد
ينتظرها انفتح الباب ولف لها وعقد حواجبه لما انفتح الباب اللي ورا ولف
وركبت لمياء وجنى قدام
جنى:سلام
عبدالملك ناظر لجنى شوي
لمياء بدلع:سلام عليكم
عبدالملك صد عنهم وشاف قدام وضغط شفايفه واخذ نفس
جنى:ماعليش ملوك ذي لمو سواقها ماجاء بعد
عبدالملك بشخصيته ونسفه شماغه كان جاذب لمياء حيل ومفهيه
عبدالملك:سواق ابوك انا تاخذين اي احد بدون ماتشاوريني
جنى استحت من لمياء ولمياء ابتسمت خلاص تعودت ع الفشيله منه
جنى:عبدالملك شقاعد تقول البنت صديقتي
عبدالملك مشى ومارد
وبالطريق ساكتين
جنى:ملوك شغل لنا شي
مارد عليها
مدت يدها بتشغل وشغلت الراديو كان ع اغنيه مجنون لبلقيس
جنى:اموت عليها ولمياء تحبينها
لمياء ناظرت عبدالملك اللي مو يمها:حيل احبها هالاغنيه
ووقفو عند اشاره وسكر عبدالملك الراديو
جنى:ليش
لف لها واعطاها نظره وسكتت
لمياء:جنى
جنى قاطمه من عبدالملك لفت لها:هلا
لمياء:شرايكم نتغداء برا
جنى شافت عبدالملك:فكره
عبدالملك رفع حاجب وابتسم ومشى من الاشاره وهو ساكت
جنى:عبدالملك وش قلت
لمياء:تكفى وافق
عبدالملك ماتحمل وتذكر كلامها اللي كرها منه ووقف ع جنب
وانصدمو
واخذ جوال ونزل
لمياء:وش يسوي ذا
جنى ابتسمت؛ماادري بس يمكن بيسوي شي يفرحنا
لمياء بفرحه:يارب

21 - 11 - 2021, 09:37 PM

البارت 160

وبعد ربع ساعه ركب عبدالملك
جنى:وين كنت
عبدالملك:انزلو
انصدمو
عبدالملك لف لجنى:السواق جاء ورانا يلا انزلو وراي شغل وتغدو اذا تبون معه
جنى استحت من لمياء ولمياء انقهرت
ونزلو
عبدالملك:دقيقه
لفت لمياء بفرحه ع امل يقول شي
عبدالملك:جنى حبيبتي بكرا زواجي بنفس موعده لاحد ينسى وتجهزو يمكن ماارجع اليوم
صدمه والكل جمد
عبدالملك ابتسم:الله يبارك فيك،، يلا سكري الباب
جنى تركت الباب وسكر ومشى
لمياء:دقايق عبدالملك وش قال
جنى بقهر:هالسحليه مو مبعده عننا
لمياء جلست تناظر لسياره عبدالملك لين اختفى
جنى:يمه لو امي تعرف بتصير مصايب بالبيت
لمياء بقهر تركتها ومشت لسياره السواق وجنى مشت معها
.
بمكان ثاني
كان الباب يطق وهو مو مستوعب وراسه بين يديه ع المكتب
وانفتح الباب
ورفع عبدالله راسه كان مره تعبان
عبدالله:نعم؟
سعد(يشتغل عنده):ماعليش ازعجتك بس في كرت وصل لك
عبدالله رجع راسه ع يديه:اتركه ع الطاوله
سعد:طيب
وترك الكرت ع طاوله عبدالله وطلع
طبعاً مافتحه
،
عند ملك كانت تشرب قهوتها ومتربعه تحت الكنب وامها ع الكنب تلعب بشعر ملك وتناظر لتلفزيون
ورن الجرس ولفت ملك شافت الشغاله طالعه وبتفتحه وهي ساكته
وجلست شوي وبعدين دخلت معها صندوق كبير ساحبته ودخلت اغراض واكياس بعدها وملك مستغربه تشوفه وخلود بعد وساكتين ورجعت الخدامه وسكرت الباب ومشت لهم
الخدامه:هذي اغراض الانسه ملك
ملك اشرت ع نفسها:انا
هزت الخدامه راسها بااي
وقامت ملك وخلود جالسه وقربت لصندوق وفتحته وانصدمت ولفت لامها العاقده حواجبها
ملك:فستان
قامت خلود بسرعه وشافته وضحكت
خلود:فستان عروس لك
ملك اخذت نفس بصدمه:لايكون صامل عبدالملك بكرا
خلود هزت كتوفها بماادري وهي مبتسمه وملك لفت بعيونها بين الاغراض وهي منصدمه

23 - 11 - 2021, 12:24 PM

البارت 161

وصلت جنى البيت بعد مانزلت لمياء ببيتهم
كانت متوتره وماتدري كيف بتقول لامها شافتهم بالصاله والخدامه تجهز الغداء ع الطاوله
جنى نزلت عباتها:سلام
الكل:وعليكم السلام
جنى بلعت ريقها وجلست جنب امها
تالا: جنى
لفت لها جنى:هاه
تالا:صديقتي بتجي اليوم اطلعي العبي معنا
جنى:فاضيه لك انا روحي عني زين
تالا:اووف ودلال عندها اختبار بعد
دلال:شيوي مو ع كيفي
تالا:طيب طيب ي حياتي ي ملك بس
لفت لها جنى وتكلمت من بين سنونها:انطمي البنت ولت راحت خلاص
تالا سكتت وصدت
نوال تنهدت:خلصتي الغداء؟؟
الخدامه:اي خلاص
نوال:يلا قومو كلوا
دلال:وين ابوي طيب؟
نوال:ماادري طلع منفسك اكيد ماراح يجي اليوم او يتاخر
قامت تالا وركضت وجلست بمكان ملك
وقامو بعدها وجلسو كل واحد مكانه بعد ماغسلو
وجنى جلست تناظر امها وماتدري كيف تبدا وتقول لها
وبدو ياكلون
جنى:ممم يمه
رفعت نوال راسها وناظرت لها
جنى:من متى ماشفتي عبدالملك
نوال:مم اليوم بالفطور شفته
جنى:ماقال لك شي
نوال:مثل ايش
جنى:لا بس اسئل
نوال هزت كتوفها بماادري:ماقال شي مهم
جنى:اها طيب
نوال عقدت حواجبها ودلال تناظرهم وهي تاكل
ع فتحه الباب بسرعه ولفو له
وعبدالله يتنفس بسرعه وبيده الكرت
نوال:بسم الله وش فيك
عبدالله:ولدكك مووو صاحي
وقرب لهم بسرعه
نوال قامت:ليش وش فيه
جنى لفت واعطتهم ظهرها وضغطت ع سنونها
عبدالله رفع الكرت:زواجه بكرا ع ملك بيسوي اللي براسه وانا ابوها ماشاورني ع كل هالمشاكل صامل ع الموعد
نوال انصدمت وجلست تناظر للكرت:نعم؟
دلال وتالا ابتسمو لبعض وسكتو عشان مايتخانقون وجنى ساكته
نوال:مجنووووووون بيذيحني
عبدالله:انا لازمم القاهم قبل الزواج
ولف بيطلع
نوال:عبدالله تكفى خله يتركها البنت فاضحتنا
مارد عليها وطلع ونوال جلست بقهر وتناظر للكرت اللي بيدها
جنى:اليوم قالي بالسياره
نوال رفعت راسها:وليش ماقلتي لي ليش
جنى:خفت تعصبين علي وانا مالي دخل
نوال انقهرت وقامت وتحس بصدرها نار اشتعل وصرخت:ساحرته انا متاكده انها ساحرته
وماحد رد واتجهت لجوالها اتصلت فيه مقفل وانقهرت اكثر
.
عند عبدالله اتجه ع طول لشركه عبدالملك بعد ماكلمه مقفل وسئل عنه وقالو طلع وهنا انقهر اكثر وطلع يدور بين شقه عبدالملك القديمه ماهم فيه
وبيتهم الصغير وماهم فيه وانغبن منهم
،
عند عبدالملك كان واقف قدام الفله اللي فيها ملك وخلود ومحتار ينزل يقول لهم ولا لا
وبالنهايه قرر ينزل اخذ جواله ونزل
ودخل للحديقه لان البواب يعرفه ورن الجرس وفتحت له الخدامه
عبدالملك:صاحين؟
الخدامه هزت راسها بااي
عبدالملك:اجل خبريهم اني جيت
الخدامه:طيب

23 - 11 - 2021, 12:25 PM

البارت 162

وتركته ودخلت لهم بالصاله كانت بس فيه ملك اما خلود فوق
الخدامه:لو سمحتي
لفت ملك
الخدامه:عبدالملك عند الباب
وتوقف قلب ملك شوي حست بربكه ورجع يدق بقوه وبلعت ريقها:طيب
ولفت الخدامه للباب وملك ركضت لفوق تجيب طرحتها
ع مااختفت دخل عبدالملك للبيت
وابتسم لما تذكر اول مره دخله فيه بعد مااعترف لملك انه يحبها بيومه اشترى هالبيت وضبطه وهو يتخيل دخول ملك له ويدها بيده بس ماصار ابتسم ودخل لصاله وجلس وهو يناظر القناه بالتلفزيون قناه اطفال ابتسم وتخيل ملك جالسه قدامه وتناظر لها وكاتم ضحكته
ع دخله خلود عليه متلثمه
خلود: ي هلا حي الله عبدالملك ببيته
ابتسم عبدالملك وقام:حياك هالبيت بيتكم
خلود:وربي مانقدر نطلع من جزاك
عبدالملك اشر لها تجلس وجلست وجلس
عبدالملك:ماسويت شي بس لي عندك طلب
خلود:كل هذا وماسويت شي،، المهم امر
عبدالملك:مايامر عليك عدو
خلود سكتت تناظر له
عبدالملك:الزواج مايتغير يومه بكرا
خلود نزلت راسها وابتسمت لما تذكرت ملك وهي تشوف الفستان ومنصدمه
عبدالملك:وش قلتي؟
خلود:عن نفسي ماعندي مانع ابد ، بس ...
عبدالملك عقد حواجبه؛بس ايش
خلود:عبدالله
عبدالملك تنهد؛وش بيسوي تحليل اللي قبل الزواج نسويه اليوم وتطلع النتايج اليوم نفسه واضمنيها من عندي وعمي ماراح يقدر يقول شي دامكم موافقين
خلود:بس هو ابوها لاتنسى والمشكله
عبدالملك بهدوء:انا ماهمتني هالمشكله ومن شكل ملك ذاك اليوم واضح ماتدري بشي وراح اعرفها ،، واللي ابيه ملك بس
كانت ملك بالدرج تسمعهم وكانت بتنزل لهم بس استحت منه وكلامه ريحها حيل وابتسمت
عبدالملك:تم؟
خلود باابتسامه:تم
ابتسم عبدالملك وجلس يناظر للدرج:اجل وين ملك
هنا ملك ارتبكت
خلود:اوووه لالا بكرا زواجكم وبتشوفها بعد
عبدالملك:ههههههه بس بسلم واطلع
خلود هزت راسها بـ لا
وملك كانت تشوفهم وعفست وجهها ودها تنزل
عبدالملك قام:هههههه طيب الوعد بكرا
ابتسمت خلود:الله معك
وابتسم وطلع وملك انقهرت ونزلت لامها
ملك ببرائه:ممم وش كان يبي
خلود ناظرت لها وابتسمت؛ملوكه
ملك ساكته
خلود:ادري من اليوم تتسمعين مايحتاج تسوين نفسك مو مهتمه
ملك استحت :هههههه طيب
قربت لها خلود وضمتها:يااارب يتمم عليكم بالخير
ملك همست:امين

المواضيع المتشابهه لموضوع: رواية عشقي ال بدي مكتفي فيك عاشقك للفنى لموضوع: رواية عشقي ال بدي مكتفي فيك عاشقك للفنى
الموضوع	كاتب الموضوع	المنتدى	مشاركات	آخر مشاركة
مكتفي بك 2022	حنين الأشواق	همس الشعر و الشيلات الصوتيه	2	22 - 1 - 2022 11:22 AM
تعب عاشقك بدر العزي 2021	حنين الأشواق	همس الشعر و الشيلات الصوتيه	4	18 - 3 - 2021 03:10 AM
لاتبعثرني تراني مكتفي	جروح الم	همس الشعر والقوافي	2	27 - 12 - 2014 11:28 PM
قال نا عاشقك	استثنائيه	همس عذب الكلام والخواطر المنقوله	10	1 - 5 - 2013 01:53 AM
رواية عشقي	مــلآمـح خ ــجل	همس الشعر والقوافي	12	12 - 6 - 2012 12:46 AM

الذين يشاهدون محتوى الموضوع الآن : 3 ( الأعضاء 0 والزوار 3)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية عشقي ال بدي مكتفي فيك عاشقك للفنى

همس للقصص وحكايات وروايات