رواية عشقي ال بدي مكتفي فيك عاشقك للفنى - الصفحة 20

26 - 11 - 2021, 09:15 AM

البارت 183

ملك كانت قدام المغسله مو مصدقه اللي يصير امها نست اهانه ابوها لها وبترجع له كيف؟ وليش عبدالملك يدافع معهم حست كلهم ضدها وهم الصح وهي الغلط
حسبت بيدين تطاوق خصرها ورفعت راسها للمرايه شافته مبتسم لها
عبدالملك:دلعععع
ملك لفت له:مو دلع بس شوف هذا لااعتذر نفس الناس ولا حتى كذب الكلام اللي جاه ومع هذا بترجع له امي بياخذها ، وانت بعد تدافع معها
عبدالملك بعد شعرها عن وجهها وجلس يلعب فيه
عبدالملك:مادافعت معهم بس عمي عرف غلطه ، والشي الثاني لا انتي ولا انا لنا دخل فيهم لاتنسين عمي وخالتي يبون بعض مالنا حق نمنعهم
ملك سكتت ونزلت راسها لصدره
عبدالملك:خلاص ملك خلينا نطلع لهم واعتذري لعمي وبوسي راسه
ملك:ماابي ماراح ابوس راسه ولا اعتذر اللي مفروض يعتذر هو
عبدالملك:بس هذا ابوك
ملك:مااشوفه يعاملني مثل بناته ماابي اعتذر وخلاص
عبدالملك تنهد وابتسم ومسح خدها:براحتك بس يلا بنمشي زين
هزت ملك راسها بااي
قرب لها وباس خدها وهمس:لاتتضايقين
ابتسمت ملك وبعد عنها وابتسم لها ومسك يدها وطلعو ووقفو قدامهم
عبدالملك:وجبت الدلوعه
خلود:ههههههههه ملك وش فيك صايره حساسه
ابتسمت ملك:اشوفك بعدين زين؟
خلود قامت لها و مسكت يدها وضغطت عليها:طيب بس لاتشيلين بقلبك وارتاحي لو ماابي ارجع مارجعت بالغصب ارتاحي
ابتسمت ملك:زين
وقام عبدالله:ملك حياتي زعلانه؟
ملك ناظرت لعبدالملك اللي حرك راسه يعني جاوبي
ملك:لا
عبدالله ابتسم لها وقرب يضمها وابعدت عنه وصارت ورا عبدالملك
وتنهد عبدالله:طيب براحتك
ملك:يلا عبدالملك
عبدالملك:استاذنكم
خلود:الله معكم
وطلعووو
،
ومن طلعو لف عبدالله لخلود
عبدالله:احسها تكذب زعلانه
خلود تناظر له بقرف:اكيد زعلانه انت تذكر وش قلت ولاتعيش هاللعبه تراها بس عشان هالبنت تفرح
وصدت عنه ودخلت الغرفه وقفلت الباب وعبدالله مسك راسه بقوه و بقهر وندم ويفكر كيف يصلح غلطته
اما خلود راحت تجهز شنطتها عشان ترجع معه للفله الكبيره
،
بالسياره
ملك كانت سهيانه تفكر
وعبدالملك حاس فيها وخلاها براحتها تفكر واستغل الفرصه وارسل رساله لعلي يجهز اوراق السفر
،
بعد ربع ساعه وصلو للفله ووقفو وجلست ملك تناظر لها وكانها ضايق صدرها وحيل بعد
لف لها عبدالملك وابتسم
عبدالملك:يلا ملوك
ملك:طيب يلا
ابتسم ونزلو
ومسك يدها ومشو لداخل
ووقفت ملك عند الباب وتنهدت بضيق
عبدالملك:وش فيك
ملك:ماادري تضايقت شوي من اخر مره طلعت فيها من هالبيت
عبدالملك:انسيها وكانها ماصارت
ملك ابتسمت له بتصنع:ان شاء الله
رد لها الابتسامه وفتح الباب

26 - 11 - 2021, 09:16 AM

البارت 184

ببيت ابوراشد
جمانه:خلصت
ام راشد:يلا
واخذت شنطتها وجت بتطلع ولفت لامها
جمانه:ماراح تروحين معي؟
ام راشد:وش لي بزحمه السوق
جمانه:شلون يعني اروح لحالي
ام راشد:من بيجهز انا ولا انتي؟؟
جمانه:انا بس مااقدر لحالي
ام راشد:طيب خلاص بجي معك بس مو تتعبيني
جمانه:هههههههههههه تعالي بس عشان تنحفين يلا يلا
وقامت ام راشد وهي تضحك اخذت عباتها
ام راشد:الله يعين ناصر عليك
جمانه:ههههههههه ماحد حده ياخذني انا اوريك فيه بس بعد مااخلص منك ههههههه
ام راشد:هههههههههههه
وطلعو مع السواق
،
ببيت عبدالله دخلو عبدالملك وملك استغربو من الهدوء وصوت التلفزيون شغال والخدامه تشيل اغراض الغداء عن الطاوله
عبدالملك همس لملك:وينهم ذولي
ملك هزت كتوفها بماادري
شوي وسمعو صرخه بالصاله
جنى:دلاااااال عمى لاتغيرين التلفزيون
عبدالملك ناظر لملك وماقدرو يمسكون انفسهم وانفجرو ضحك
وشافو راس دلال وتالا وجنى شافوهم وتالا فرحت وجتهم تركض
تالا:مللللككككك
جنى ميلت فمها ودلال جتهم
ملك:ي حياتي تالا تعالي
وضمتها
عبدالملك:شف اللي جحدتني
تالا:انت دايم اشوفك
عبدالملك:هههههههههه نصابه
دلال سلمت ع عبدالملك:مبرووووك
عبدالملك:الله يبارك فيك
وسلمت ع ملك
دلال:فرحتونا ماتوقعناكم تجون
عبدالملك:انتظرناكم وماجيتو
تالا تكتفت:ليش نعرف وين انتم وماجيناكم
ملك بصدمه ناظرت لعبدالملك:هههههههههه تعرف ترد عالنقطه
تالا:هههيييي ماني نقطه
ملك قرصت خدها:الا نقطه
وعصبت تالا وعبدالملك وملك ودلال ضحكو عليه
ع نزله نوال من الدرج وابتسمت من شافتهم بااستخفاف
نوال:اوووه المعاريس عندنا
ابتسم لها عبدالملك وتقدم لها
اما ملك ضاق صدرها من شافتها واختفت ابتسامتها
عبدالملك؛هلا بالغاليه
وباس راسها
نوال:وذيك ليش ماتجي تسلم
لف عبدالملك لملك وملك تقدمت وسلمت عليها ببرود
ملك:شلونك
نوال صدت:ايوه تقولي لي شلون اذكرتونا
عبدالملك تضايق من اسلوب امه:مانسيناكم
نوال مشت عنهم لصاله:واضح
عبدالملك شاف جنى:جنى قومي سلمي
جنى جلست تشوف ملك بحقد وقامت سلمت ع عبدالملك ببرود ورجعت بدون ماتسلم ع ملك وعبدالملك عقد حواجبه
عبدالملك:جنى البنت قدامك
جنى:مااعرف احد
دلال بقهر:جنى قومي سلمي ع ملك اختك
ملك:لا السلام اللي يجي غصب مانبيه
عبدالملك بعصبيه:جنى يمه وش فيكم
نوال وجنى ماردو وصدو عنه
عبدالملك بقهر:الشرهه مو عليكم ع اللي عامل لكم قدر وجاي يسلم عليكم وعاشر مره تصدوني وساكت بس بعد هاليوم انسو
ولف لملك:يلا
ومشى للباب وملك منصدمه من كلامه اما جنى ونوال ماكانو متوقعين ابد ان عبدالملك يقلب عليهم ولحقته ملك بسرعه
وشافته ماشي لسياره ومشت وراه

26 - 11 - 2021, 09:17 AM

البارت 185

ولف لملك:يلا
ومشى للباب وملك منصدمه من كلامه اما جنى ونوال ماكانو متوقعين ابد ان عبدالملك يقلب عليهم ولحقته ملك بسرعه
وشافته ماشي لسياره ومشت وراه
ونوال صرخت:شفتوووو خربته علينا شششفتووو
جنى:الله ياخذها
تالا ماتحملت وبكت:مالحقنا نفرح فيهم
وراحت تركض ودلال تضايقت وصرخت ع جنى وامها:كله من سببكم اووف منكم اوووف
ومشت تراضي تالا
ونوال انقهرت وسكتت تفكر وجنى تهز رجلها بقهر
،
ركب عبدالملك السياره وهو معصب وركبت ملك ولفت له
ملك:وش سويت
عبدالملك مارد ومشى بسرعه
وملك جلست تناظر له تنتظر اجابه
عبدالملك وعيونه ع الطريق:ملك لاتناظرين
ملك:بعرف ليش سويت كذا ليش
عبدالملك:قهروني اول مره اتنرفز من امي
ملك اخذت نفس وصدت
ملك:بيقولون ملك لعبت براسك
عصب عبدالملك من كلمتها ومسك بريك بقوه ولف لها وخاافت ملك
عبدالملك؛نعممم
ملك جلست تناظر له بخوف
عبدالملك:حبيتك صح ابتسمت لك صح بس سالفه انك تتوقعين اني بزر عندك والعب عليك وماادري كيف هذي حتى بالكلام ماتقولينها سااااامعه؟؟
ملك ماردت
وعبدالملك حررك السياره ومشى بسرعه وملك زفرت وصدت عنه وتناظر لنافذه اما عبدالملك كان متنرفز
،
بشقه خلود خلصت اغراضها ولبست عباتها وطلعت تسحب شنطتها
وشافته جالس بالصاله ومتضايق
خلود:خلصت
عبدالله لف لها:طيب يلا
وقام وطلع وحتى الشنطه مااخذها ، هنا انقهرت خلود لانه زمان كان يشيل كل شي عنها بس الحين لا اخذت شنطتها وطفت النور وطلعت
وشافته راكب السياره واتجهت له تسحب شنطتها وعبدالله كانه مايناظر لها دخلت الشنطه ورجعت ركبت جنبه
ومشى
لفت خلود له؛تشوفني اسحب الشنطه عاجبك
مارد عليها
وانقهرت منه:هيييي اتكلم معك
عبدالله:خلاص خلود اسكتي
خلود:اصلاً ميته ع كلامك
وصدت عنه وعبدالله سكت يسوق متضايق

26 - 11 - 2021, 09:17 AM

البارت 186

وصلو عبدالملك وملك للفله ونزلت ملك بسرعه لداخل وعبدالملك مااهتم ومشى
طلع من الفله
وملك ضربت الباب بقوه ودخلت والخدامه طلعت تشوفها بسرعه وملك طلعت الغرفه كانت منقهره منه امس
زواجهم ولا مهتم شلون يكلمها كذا لانه معصب يعني؟؟ وش ذنبها يقول لها
هالكلام
كل هالافكار كانت براس ملك ومتوعدته اذا رجع
اما عبدالملك بالسياره حس باانها صحته ع شي (وين عبدالملك القديم) وين اللي مايهتم لاحد ليش جت ملك وعفسته صار ماغير يبتسم لها ويرتاح لشوفتها
بس وش سوت ملك بعبدالملك تغير ظ،ظ¨ظ درجه تنهد وجلس يفكر باللي صار وكيف ضايق نفسه وضايق ملك معه
،
ببيت ناصر
كان ناصر كل هالوقت في سريره يفكر بشيخه ونور كيف بتاخذ منه نور وهي تركتها وطشتها عليه من كانت صغيره عشان تتزوج واحد من ديرتها كيف لها وجه ترجع
وتطالب ببنتها اخذ نفس وجلس يفكر
معقوله تعرف عنوان ناصر وتجي لنور
حس بكتمه من هالفكره وصد يفكر بشي يبعد نور عن شيخه
جته فكره وحده بس وقام بسرعه لبس واخذ شماغه وطلع من البيت وماحد انتبه له
،

بس نص ساعه كان قدام بين (ابوراشد)
شخص بشماغه ونزل ع وقفه سياره قدام البيت
ونزلو حرمتين
ام راشد:حي الله ناصر
جمانه انصدمت واستحت
ناصر:هلا عمتي شلونك
ام راشد:بخير الله يسلمك تبي عمك؟
ناصر؛اي والله
ام ناصر:حياك حياك
ومشت جمانه صاده ماتبي تشوفه بعد فشيلتها بالنظره الشرعيه وناصر ابتسم لها غصب لحركتها كانت تحاول تصير ورا امها
ودخلو البيت ودخل وراهم

26 - 11 - 2021, 09:18 AM

البارت 187

ببيت عبدالله
من وقفت سيارته بالحديقه حست بضيقه مثل احساس ملك بالضبط لما وقفت بهالمكان
ونزل عبدالله ونزلت خلود
ومشى عبدالله وخلود مشت وراه وفتح الباب
عبدالله:ساندي
جته الخدمه بسرعه
عبدالله:نزلي الشنطه
والخدامه من شافت خلود ابتسمت لها
وخلود ردت الابتسامه:شلونك ساندي
الخدامه:زينه
خلود:وفي شنطتي بالسياره
فرحت الخدامه وراحت بسرعه
اما عبدالله كان يناظر خلود ويناظر الخدامه مستغرب
خلود:خير وش فيك
عبدالله:لا مستغرب من حبها لك
خلود:الحمدلله من الله
عبدالله صد ومشى وخلود مااهتمت ومشت وراه ووقفو بالصاله مافيها احد
عبدالله:غريبه
خلود:بطلع للغرفه
ومشت وخلته قبل يرد
وجلس عبدالله بالصاله
،
ببيت ابوراشد
ابوراشد:ليش بتقدمه مافهمت
ناصر:انا طالع لي شغله برا السعوديه سنه وماابي امشي قبل اتزوج
ابوراشد:ولازم يعني؟
ناصر:ضروريه اكيد
ابوراشد تنهد:وانت كفو ماوافقنا بالاولى الا اننا شارينا،، تم
فرح ناصر وقام باس راسه؛ماانحرم يارب
ابوراشد:متى تبي
ناصر؛نهايه هالاسبوع
ابوراشد:زين
ابتسم ناصر وقام:يلا استأذنك وترا الزواج بيكون مثل ماتبي جمانه
ابتسم ابوراشد:مشكور
وباس راسه مره ثانيه وطلع بفرحه وراح ع طول لشركه يضبط الموضوع

26 - 11 - 2021, 09:19 AM

البارت 188

بالشركه
دخل ناصر شاف محمد يتكلم مع واحد قدم ووقف وراه
ناصر:محمد
لف له محمد وابتسم:سم
ناصر:سم الله عدوك ،، هالزفت ابومتعب جاي؟
محمد؛لا اليوم ماجاء بس جاء عبدالملك
ناصر عقد حواجبه:عبدالملك جاي؟؟
هز محمد راسه بااي وناصر انصدم ولف وطلع لفوق
،
نرجع لبيت عبدالله نزلت نوال وشافت عبدالله بالصاله وجته بسرعه
نوال:هلا هلا وين كنت
عبدالله لف لها وناظرها بااستحقار:تعالي عطيني كفين لاني مااستاذنتك بعد
نوال ردت بثقه:تكلم وين كنت
عبدالله تنهد:رحت سلمت ع عبدالملك وملك وطلعت للشركه
شهقت نوال؛تعرف مكان بيتهم وماقلت
عبدالله لف لها ورفع حاجب وقام:ماكانو ببيتهم
استغربت نوال:اجل وين
عبدالله؛كانو ببيت خلود
نوال من سمعت اسمها سكتت بصدمه
عبدالله قدم لها:اسمعي ي نوال فكري بعقلك واتركي عنك المشاكل لاني بجد تعبت
نوال بلعت ريقها بخوف انه عرف:اي مشاكل
عبدالله؛خلود جت معي هي زوجتي وللحين ع ذمتي ماابي ااااي سالفه تطلع
نوال حست بقهر بس اقنعت نفسها اشوا انه ماعرف بسالفه الرساله واخذت نفس
عبدالله:برتاح بالغرفه
نوال بااستغراب؛عندي؟
عبدالله وهو يمشي:ايه
ابتسمت نوال:طيب جايتك
ومشت وراه وهي تحس ان حبه لخلود بدا يقل وهالشي يساعدها
،
بالشركه
دخل ناصر ع عبدالملك شافه يفكر
وطق الباب وانتبه عبدالملك ولف له
ناصر:وين وصلت؟
عبدالملك تنهد:ادخل وسكر الباب
ناصر عقد حواجبه وسكر الباب:وش فيك
عبدالملك:مافيني شي بس ضايق
ناصر بصدمه؛امس متزوج وضايق؟؟
عبدالملك مسك راسه:اي ي اخي
ناصر جلس واخذ نفس ولف له:عبدالملك ادري ماراح تتكلم باللي يضايقك بهالسهوله بس قولي وبحاول احله معك،السالفه بالشركه؟
رفع راسه عبدالملك:لا
ناصر:اجل؟
عبدالملك بضيق ؛ زعلتها ،،تنرفزت من امي وطلعت حرتي بها من كلمه قلبت كل شي
ناصر انصدم:لاتقول تخانقتو من اول يوم
هز راسه عبدالملك بضيق
ناصر:ي الله ماتوقعتك ماتمسك نفسك
عبدالملك:ماقدرت وربي متنرفز وتعرفني لاتنرفزت
ناصر:اعرفك والله
مسك عبدالملك راسه وصد وناصر ماقدر يقول شي

26 - 11 - 2021, 09:20 AM

البارت 189

الساعه ظ¨ باليل
ببيت ابوراشد
جمانه بصدمه:نعممممممممم؟؟
ابوراشد:ي بنت اقولك الرجال ملتزم و....
جمانه قاطعته:موووو ذنبي ملتزم والا لا انا قلت اهم شي مايقدم الزواج وهذا هو قدمه .. ماقدمه شهر اسبوع ؟؟
ام راشد بهدوء:جمانه انتي وش عليك الرجال يبيك مثل ماانتي مو لازم تجهزين
جمانه:مو قصه تجهيز افهموني الترم مابقى عليه شي واخلص من الجامعه ويبيني اتركه واروح معه خير؟
ابوراشد:لاحقه ع الدراسه
جمانه بقهر:يبه انا اخر ترم بس باقي شهر واخلص
ابوراشد صد عنها وقام:اللي قلته افهميه وتجهزي نهايه هالاسبوع
ومشى وصرخت جمانه:مممممابي مااابي ماااابي
ماسمعها ومشى ولفت لامها
جمانه:ممممابيه خلاص خلوه يدور غيري ماابي اتزوجه
ام راشد هزت راسها بااسف وقامت لها
ام راشد:ماحنا لاقين احسن من راشد والدراسه ع قوله ابوك لاحقه عليها
جمانه مسكت راسها وصرخت:ممممماااابيه خلاااص افهمووو
ام راشد اوجعها قلبها عليها وضمتها وجمانه تصرخ ماابيه
،
بفله عبدالملك
ملك كانت جالسه بالصاله لابسه بجامتها البيت كانت طفشانه حيل وتهز رجلها بقهر
وتفكر بعبدالملك اللي ماسئل عنها ولا كانهم امس تزوجو
سمعت الباب ينفتح وعرفت انه هو وصدت وكانها تناظر التلفزيون
اما عبدالملك من شافها ابتسم غصب وتقدم لها وجلس جنبها
عبدالملك:سلام
ملك بهمس:وعليكم السلام
عبدالملك جلس يناظر لتلفزيون:وش تشوفين
ملك ماتناظر له:وش اناظر له يعني
عبدالملك لف لها:ي الله للحين زعلانه
ملك ماردت واخذت جالكسي من الطاوله وفتحته واكلت وشكلها منقهره ابتسم عبدالملك
عبدالملك:تبين قهوه معه
ملك اكلت:لا
عبدالملك كاتم ضحكته من شكلها:طيب ماء
ملك لفت له:لااااا
عبدالملك اشر لها :طيب عطيني شوي
ملك صدت واكلت:لااا
قرب لها وسحبه منها:مو ع كيفك ابي
ملك عقدت حواجبها:شوف الطاوله مليانه اعطيني حقي
عبدالملك اكل منه:ماابي
ملك قامت بتاخذه منه ومااقدرت من طوله وصارت ترفع رجولها وماوصلت ولفت للكنب وطلعت فوقه وقربت له بتاخذه وابعد عبدالملك وكانت بتطيح بس مسكها بسرعه وصار قريب حيل منها وملك قطمت
وعبدالملك ابتسم:بغيتي تطيحين عشان جلكسي؟
ملك بلعت ريقها:خلاص ماابيه خذه لك
ابتسم:اصلاً اكلته خلص
ورمى البلاستيكه
وجلست ملك تشوفها وشهقت:متى امداك تخلصه
عبدالملك:اصلا انتي اكلتيه كله مابقى فيه غير شوي واكلتها
ملك دفته:طيب ابعد
عبدالملك قرب منها وشالها:طيب ليش زعلانه
ملك حاولت تبعده عنها:ماني زعلانه نزلني نزلني
مشى فيها عبدالملك لدرج؛لا والله زعلانه تكلمي
ملك:ماني زعلانه اقولك
وقف بنص الدرج ولف وجهه لها:كل هذا ومو زعلانه
ملك بثقه ابتسمت:وليش ازعل

26 - 11 - 2021, 09:20 AM

البارت 190

وقف بنص الدرج ولف وجهه لها:كل هذا ومو زعلانه
ملك بثقه ابتسمت:وليش ازعل
عبدالملك رفع حاجب:هذي والله اللي تبيني اطيحها من الدرج
ملك شهقت:مجنون تسويها
عبدالملك باابتسامه كمل طريقه:اسويها ليش لا
ملك اسندت راسها لكتفه:ماتقدر
عبدالملك وقف وشافها وابتسم
ملك رفعت عيونها له وجلست ترمش بعيونها
ملك:بعدين منين لك ملك
عبدالملك:هههههههه اي صح نسيت
ملك ابتسمت ورجعت راسها ع كتفه وعبدالملك مبتسم
فتح باب الغرفه ودخل وسكرها برجله
ونزل ملك ع السرير ورمى شماغه وجلس جنبها
وملك لفت له رفع راسها ودخل يده تحت راسها ويده الثانيه يلعب بشعرها
عبدالملك:يلا اسمعك تكلمي
ملك تناظر لسقف مستحيه:وش اقول جلكسي راح من بين يدي وش اكثر من كذا
عبدالملك:ههههههههههههههه لا قصدي عن اللي شايلته بخاطرك
لفت له ملك وناظرت لعيونه:مو شايله بخاطري
عبدالملك:الا
ملك رفعت حواجبها:غصب يعني
عبدالملك:لا بس ماابي شي يضايق ملك واقوم انا اضايقك؟
ملك ابتسمت:لو تضايقت منك ماشفتني معك ،، ادري اللي قلته خطاء والي مفروض يزعل انت
عبدالملك:اي صح نسيت اني زعلان
ملك:ههههههههههه عياره
مارد عليها
ابتسمت ورفعت راسها
وعبدالملك ابتسم
ملك:اكيد رضيت
عبدالملك:ههههههههههه مافيها كلام
واستحت ملك
،
ببيت عبدالله
كان عبدالله نايم بغرفه نوال ونوال تناظر له شوي ولما تاكدت انه نايم سكرت الباب وطلعت واتجهت لغرفه خلود وطقتها بقوه وفتحت خلود بخوف
خلود:وش صاير
نوال دفت الباب ودخلت وخلود منصدمه
وتكتفت خلود:نعم؟؟
نوال:اسمعي سكنتي معنا قلنا معليه زوجتي بنتك العقربه ولدي قلنا ماعليه ذبحتو ولدي قلنا يومه بس انك تضايقين زوجي عبدالله خير؟؟
خلود عقدت حواجبها:نعم نعم؟؟
نوال:عبدالله له ساعه يشتكي لي منك وش مسويه له
انصدمت خلود وعصبت:لماا شكى لك ماقال ليش؟
نوال توهقت:جايه اعرف ليش
خلود قربت لها:ارجعي اسئليه ليش يلا برا
نوال بثقه؛اكيد بيقول لي بس اصبري اذا ماطلعتك من حياتنا مااكون نوال
خلود بقرف:برا
وطلعت نوال وهي تضحك وخلود انقهرت من عبدالله

27 - 11 - 2021, 04:18 PM

البارت 191

مر اليوم عادي
الساعه ظ£ باليل
كانت جمانه ع سريرها منقهره متوتره معصبه كانت تفر بالغرفه تفكر وش تسوي بناصر وافكاره صح ماالت له بهالفتره حست قلبها مال له واحساسها تجاهه جميل بس ماتبي تقطع دراستها ع اخر شي عشانه وعشان مصالحه
فكرت تتصل عليه وتقوله انها مو موافقه بس رقمه مو معها
رمت نفسها ع السرير وتذكرت ان رقم ارجوان اخته معها وفرحت
وارسلت لها رساله: سلام ارجوان شلونك؟ انا جمانه اسفه منقطعه عنك بس بسئلك عادي تعطيني رقم ناصر؟؟
وانتظرت ردها وماجاها تذكرت ان الساعه ظ£ وشهقت تفشلت منها حيل
،
الصبح الساعه ظ¨
كان مسكر عيونه ونايم سمع صوت هامس يهمس بااذنه
ملك:عبدالملك
فتح عيونه بصعوبه وابتسم
ملك:قووووم الساعه ظ¨ تاخرت ع الدوام
جالس عبدالملك ويمسح وجهه وتكلم ببحه
عبدالملك:من قال لك قعديني
ملك باابتسامه برائه:فطره يعني الدوام يروح عليك
ابتسم عبدالملك وفجااءه
سحب خشمها:اووولا انا مدير دوامي يبدا وقت ماانا ابي
ملك:ي ربناااااا
عبدالملك بثقه؛وثاني شي انا ماقلت لك قعديني
ملك حطت يدها ع خدها:اولاً انا زووجتك
ضحك عبدالملك
وملك مسكت شعره:ثاني شي طفشت لحالي قوم
عبدالملك:هههههههههههههه طيب اتركي شعري ترا ان قمت مو احسن لك
ملك شدت شعره وقامت:وش بتسوي يعني
عبدالملك رفع يده بسرعه ومسك طرف شعرها
ملك:اااايي
عبدالملك:بشيل شعرك ترا
ملك:طيب امزح فك وافك
عبدالملك:ههههههههه لا فكي انتي وافك
ملك:طيب مع بعض
عبدالملك:طيب يلا
ملك: ظ، ظ¢ ظ£
وفكو
عبدالملك يفرك شعره:الدفش انتي
ملك بثقه:لا هذا اقل شي عندي
عبدالملك:بعد؟
ملك مشت للباب:اااي ،، يلا تعال مسويه فطور
وطلعت وعبدالملك استغرب اول مره احد من اهله يسوي له فطور وقام بسرعه غسل ولبس ثوبه واخذ شماغه ونزل

27 - 11 - 2021, 04:19 PM

البارت 192

نزل عبدالملك وشماغه ع كتفه شافها تاخذ الصحون من الخدامه وترتبهم ع الطاوله
وقرب لها
عبدالملك بفرح:الله الله وش هذا
ملك ابتسمت:ممم فطور خفيف
عبدالملك جلس يناظر للفطور مبتسم
ملك اشرت للخدامه تروح
ملك:وش فيك اول مره تشوف فطور
رفع راسه لها:لا بس اول مره احد يقوم يسوي فطور وعشاني انا بس
ملك نزلت راسها تلعب بالصحن:كم عندي عبدالملك
عبدالملك حس قلبه يدق بقوه اول مره يحس بهالشي
عبدالملك:بنت
رفعت راسها له
عبدالملك:اكيد اني عشقتك
ابتسمت ملك:طيب ادري
عبدالملك سرح يناظر لها وملك استحت
ملك:يلااا اجلس ولا ماتبي تاكل
عبدالملك:تخيلي بس مااكل
وجلس وملك ابتسمت وجلست بمكانها وبدا عبدالملك ياكل وابتسامته مافارقته وملك تاكل وتناظر لفرحته من شي بسيط منها
شوي وكانه تذكر شي
عبدالملك؛ملك
لفت له:هلا
عبدالملك:جهزي شنطتك بنسافر بكرا
ملك بصدمه:بكرا بكرا؟؟
عبدالملك بضحكه:بكرا بكرا
ملك:ليش كذا مستعجل
عبدالملك ياكل:بعيش شهر العسل انا
ملك:بس استـ...
عبدالملك قاطعها:ماابي اعتراضات بكرا بكرا
ملك تنهدت وهزت كتوفها:طيب
ابتسم وقرص خدها ورجع ياكل وملك ابتسمت بخفه
،
ببيت ناصر
ع الطاوله يفطرون
وارجوان تشوف جوالها وشهقت وناظرو لها
ام ناصر:بسم الله وش فيك
ارجوان تناظر لناصر:ههههههههههههههههه
ناصر ياكل ومستغرب:وش فيك
ارجوان:جمانه
ناصر انصدم:وش فيها
ارجوان كاتمه ضحكتها؛تبي رقمك
ناصر :امممم
ام ناصر؛هههههههه وش تبي فيه
ارجوان هزت كتوفها
وناصر ابتسم:هاتي رقمها انا بسألها
ارجوان:طيب
ولفت الجوال له واخذ الرقم وانصدم لما شاف الساعه كم مرسلتها
ناصر:الساعه ظ£ وش تبي
ارجوان هزت كتوفها بماادري وابتسمت:يمكن بتتكلم معك عن شي مهم
ناصر:يلا بطلع
ارجوان بضحكه:وين
ناصر ابتسم لها ومشى وارجوان وام ناصر انفجرو ضحك اما نور ساكته ولاتدري وش السالفه بس تبتسم

المواضيع المتشابهه لموضوع: رواية عشقي ال بدي مكتفي فيك عاشقك للفنى لموضوع: رواية عشقي ال بدي مكتفي فيك عاشقك للفنى
الموضوع	كاتب الموضوع	المنتدى	مشاركات	آخر مشاركة
رواية تعرف حبيبي ان عشقي لك تعدى حدود الجنون	البارونة	همس للقصص وحكايات وروايات	3	30 - 10 - 2024 02:24 AM
مكتفي بك 2022	حنين الأشواق	همس الشعر و الشيلات الصوتيه	2	22 - 1 - 2022 11:22 AM
لاتبعثرني تراني مكتفي	جروح الم	همس الشعر والقوافي	2	27 - 12 - 2014 11:28 PM
قال نا عاشقك	استثنائيه	همس عذب الكلام والخواطر المنقوله	10	1 - 5 - 2013 01:53 AM
رواية عشقي	مــلآمـح خ ــجل	همس الشعر والقوافي	12	12 - 6 - 2012 12:46 AM

الذين يشاهدون محتوى الموضوع الآن : 3 ( الأعضاء 0 والزوار 3)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع