رواية عشقي ال بدي مكتفي فيك عاشقك للفنى - الصفحة 31

7 - 12 - 2021, 07:32 PM

البارت 291

سكتت جمانه
ناصر ناظر عيونها:انتي ليش وافقتي علي من البدايه
جمانه جمدت ملامحها وبعدت عنه
وناصر جلس:ردي
جمانه صدت بتمشي وقام ناصر بسرعه ومسكها ولفها له وصارت قريبه حيل
وتكلم ناصر:ليش وافقتي؟
جمانه بحده:ع بالي بعيش عيشه خيال معك بعيش ملكه بتحترمني بتقدرني بتخليني اكمل دراستي وما...
قبل تكمل سكتها ناصر:اوووش . جمانه جاوبي الصدق قلبك مال لي
جمانه ناظرت له وصدت
ناصر لف وجهها بصبعه وناظر عيونها بحنيه اول مره تشوفها بعيونه وهمس
ناصر:جمانه حبيتني؟
جمانه ماتحملت وسكرت عيونها بقوة
ناصر اخذ نفس وضمها
ناصر:اسف وربي
جمانه دمعت عيونها وودها لو تبعد بس اول مره تحس بحضنه لها ودفنت نفسها فيه وناصر باس راسها
،
نروح لفله عبدالملك
عبدالملك جالس جنب ملك وخوله قدامهم تتقهوى
خوله:ياااااه توي جيت من جده من جد حر حر حر
ملك رفعت حاجب:وليش جايه؟
خوله لفت لعبدالملك وشطفتها:جبت لك المقابله
عبدالملك بثقه:اولاً ملك سئلتك ولا ماسمعتيها ، عيدي ملك سؤالك
ابتسمت ملك وخوله ابتسمت بتصنع
خوله:اسفه ماسمعتك وش قلتي
ملك:اقولك ليش جيتي
خوله بغرور:عشان اعطي عبدالملك نسخه من المقابله
عبدالملك رفع حاجب:جايه من لندن تعطيني المقابله؟
خوله:ههههههههههههه لا من جده جيت وبكرا برجع
ملك عفست وجهها لانهم هم رايحين جده بعد
عبدالملك:اها
خوله ابتسمت ومدت المقابله واخذها عبدالملك وجلس يقرها وخوله تاكل حلا وتناظر فيه وملك صدت بقهر منها
عبدالملك:حلو
ومدها لها وخوله اخذته وصارت يدها بيد عبدالملك وابتسمت له وعبدالملك سحب يده وملك ناظرت لخوله بطرف عينها

7 - 12 - 2021, 07:33 PM

البارت 292

ببيت عبدالله
نوال بغرفه جنى:شلون يوافق ع محمد شلون
جنى كانت سهيانه
نوال:مستحيل تاخذين سواق لو تنقص رقبتي، اجل بنتي بنت العز والدلال تاخذ سواق قد حاله اووووف اموت واعرف كيف يفكر ابوك واخوك
جنى ماردت لفت لها نوال بعصبيه:ججججنى
جنى:هاه هلا
نوال:اتكلم مع من انا
جنى اخذت نفس:يمه خليهم يسوون اللي سونه ،انا احمد ربي انهم ماذبحوني
نوال:غبببييييييه
جنى صدت وتفكر بلمياء كيف جحدتها لانها فهمت من ابوها ان حرمه كلمته ومايعرف بالسالفه الا عبدالملك وملك ولمياء
اخذت نفس وهي تحس نفسها وثقت بناس خبيثه
،
نروح كندا
بعدت جمانه عن ناصر وهي منزله راسها وناصر ابتسم وهمس
ناصر:للحين زعلانه حقك علي والله اسف وربي اسف
جمانه رفعت راسها له:نور اكيد خلصت دش بروح العب معها مثل ماوعدتها
ناصر:نور لاحقه عليها خلك بكلامي
ابتسمت جمانه غصب:الحين صارت نور اللاحقين عليها وطيب ليش تزوجتني..مو عشان نور .. . ناصر عقد عواجبه وواضح انه نادم .. حب يغير الجو
ناصر:هههههههههههههه
جمانه:لا بروح
ناصر ابتسم وباس جبينها:زين
تركته جمانه ومشت لبرا الغرفه وناصر اخذ نفس براحه ونادم على أشياء كثيرة ورمى نفسه ع السرير
،
فله عبدالملك
خوله:خلاص خلهم عندك
عبدالملك:زين
خوله قامت:اشوفك
عبدالملك قام:الله معك
ملك قامت وهي ساكته
خوله باابتسامه:سمعت انكم بتجون جده
ملك بسرعه:وش عرفك
خوله:ههههههههه مايخفى علي شي سألت
عبدالملك لف لملك وابتسم:اي بنجي اهلنا بيسوون حفله لنا
ابتسمت ملك له
خوله:حلو زين اشوفكم باي
ومشت للباب وطلعت وملك رمت نفسها
ملك:اووووف وش تبي ذي
عبدالملك اخذ كابه:لاتسأليني عنها يلا تبين شي
ملك عفست وجهها: وين
عبدالملك:عندي شغله وجاي
ملك ابتسمت:يصير تاخذني
عبدالملك هز راسه ب لا وعفست ملك وجهها وضحك
عبدالملك:خلاص امزح قومي
ملك بفرحه قامت:يلااا ثواني
وركضت تجيب عباتها وعبدالملك ابتسم واتجه للباب ينتظرها

7 - 12 - 2021, 07:33 PM

البارت 293

بيت عبدالله
نزلت نوال
لقت دلال مع تالا بالصاله ع التلفزيون مندمجات
نوال:وين ابوكم
دلال:مع خالتي
نوال رفعت حاجب:ووينهم
دلال:بغرفتهم
نوال:متى طلعو غرفتهم
دلال اخذت نفس:قبل شوي
نوال بصرخه:لاتتاففين علي
دلال بااستغراب:ماتاففت
صدت عنها نوال ع فتحه الباب الكبير ودخل عبدالملك ووراه ملك منزله لثمتها
عبدالملك:سلام
تالا:هلاااا جو جو جو
وركضت لهم وابتسم عبدالملك ونوال ميلت فمها
وقامت دلال سلمت عليهم
واستغربو من نوال ماجتهم
عبدالملك قرب لها:يمه
نوال صدت عنه:ماني امك
عبدالملك:افاااا
نوال:لاتقول افا زوجت اختك السواق وتقول افا
عبدالملك اخذ نفس ولف للبنات
نوال:وانت بعد تتافف علي كلكم تتاففون علي
لف بها عبدالملك منصدم
دلال قربت بسرعه:يمه تعالي
نوال مشت معها بسرعه وعبدالملك مسك راسه وجلس
تالا:امي من اليوم معصبه
عبدالملك:اكيد مااكلت حبوبها
ملك جلست:خالتي وش فيها بالضبط
عبدالملك يناظر تالا:جيبي لي ماء
راحت تالا وعبدالملك لف لملك:من مات خالد ونفسيتها تعبانه ، يعني امي ممكن تكون عندها اضطرابات
ملك انصدمت:ليش توكم تقولون لي
عبدالملك سكت وملك سكتت وهي تفكر فيها
قام عبدالملك:بروح اخلص شغلي واجيكم
ملك:طيب
قرب لها وباس خدها ومشى وملك ابتسمت له
رجعت تالا بصدمه معها كوب الماء
تالا:وينه؟
ملك:ههههههههه راح وبيجي بعد شوي
تالا جلست بقهر:اي قولو بتصرفوني
ملك:هههههههههههههههه
،
كندا بعد ما لاعبت جمانه نور شالتها لغرفه ارجوان وشافت ارجوان منسدحه وبتنام
جمانه:عمه جوج جينا
ارجوان:هههههههه تعالو
قدمت جمانه ونزلت نور ع السرير
جمانه:يلا حبيبتي نامي
نور:وانتي
جمانه:بروح انام فوق
ابتسمت نور:عند بابا
ضغطت جمانه ع سنونها وارجوان ضحكت
ارجوان:اي عند بابا . وانتي عندي يلا نامي
نور:طيب
وسكرت عيونها وابتسمت ارجوان لجمانه
ارجوان:روحي شوي وبتنام
جمانه:اوك تصبحين ع خير
ارجوان:تلقينه
وطلعت جمانه للمطبخ اخذت كوب ماء وطلعت للغرفه بتعب
وفتحت الباب وانصدمت

7 - 12 - 2021, 07:34 PM

البارت 294

الورد اللي بالمزهريه شايله ومقطعه ع الارض ومشغل الشموع والغرفه طالعه اجمل وواقف ومبتسم
ابتسمت جمانه بدون ماتحس ودخلت قرب لها ناصر وسكر الباب
جمانه لفت له:ليش كل هذا
ناصر:كذا لك
جمانه بااستغراب:كل هالحركات ولي؟
ناصر:هههههه ليش في احد غيرك؟
جمانه ابتسمت ورجعت تناظر الغرفه
وحست فيه وقف وراها ومالفت
ناصر همس:اعجبك؟
جمانه:حلو
ناصر:بس حلو؟
جمانه لفت له:وش تبي اقول بعد
ناصر:مثلاً تسلم يدين اللي سواه ولو انها مو كامله بس يعني
جمانه ابتسمت؛سؤال
ناصر ابتسم:هههههه قولي
جمانه:ليش تخرب الورد
ناصر؛ههههههههههههههههههههه
جمانه تكتفت:اي جد ليش
ناصر مارد وسحبها من يدها وشالها:كذاا
جمانه:ههههههههههه

،
نرجع لسعوديه
بسياره عبدالملك يكلم
عبدالملك:سامر وينك
سامر:تعال بيتنا من جد متضايق
عبدالملك:اي انا من كلمتك قبل شوي عرفت انك متضايق
سامر:طيب انتظرك
وسكر وعبدالملك مستغرب منه معقوله عرف بسالفه ابوه؟
واتجه لبيت عمه يقطع شكه بيقين
،
بالفندق
منسدحه وتلعب بخصله من شعرها وتكلم
خوله:اي شفته وببيته
الهنوف:ي مجرمه
خوله:ههههههه حبيبتي انا خوله مو اي احد
الهنوف:الحين بسأل سؤال تحبينه؟
خوله:لا يخسى من متى وانا افكر احب رجال اعجب بشكله اي بس احبه يخسى
الهنوف:طيب وش تبين فيه؟
خوله:كذا بقهر ملك قاهرتني يحبها حيل وماغير يدافع عنها ويفشلني
الهنوف:قسم ان كيدهن عظيم
خوله:هههههههههههه

7 - 12 - 2021, 07:35 PM

البارت 295

وصل عبدالملك بيت عمه ابوسامر ونزل وقفل سيارته واتجه للباب ورن الجرس
شوي وسمع صوته
سامر : جاي
فتح الباب وابتسم عبدالملك:سلام
سامر:وعليكم السلام
نزل عبدالملك كابه وسلم عليه
سامر:حياك
عبدالملك:الله يحييك شفيكم هادين وين ازعاج خواتك الصغار
سامر تنهد واشر له يدخل
ودخل عبدالملك وسامر وراه للمجلس
عبدالملك جلس:وش فيك؟
رمى سامر نفسه ع الكنب:ابوي ي عبدالملك
عقد عبدالملك حواجبه:وش فيه
سامر تنهد:طلق امي
عبدالملك انصدم:نعم
سامر:شفت كيف ابوي متغير ي رجال قام يصبغ شيبه
عبدالملك رفع حاجب:ماعرفتو ليش؟
سامر هز راسه ب لا
عبدالملك:طيب امك وينها
سامر:اخذت لها شقه ايجار مع خواتي
عبدالملك:وعمي؟
سامر:عند صديقه ماادري من مطيح عنده ، وربي قاهرني هو مع صديقه ذا
عبدالملك اخذ نفس:قوم معي
سامر:وين
عبدالملك قام:قوم وبتعرف
سامر قام بتبلد واخذ شماغه وطلعو
وركبو السياره وعبدالملك يسوق
وسامر ساكت
عبدالملك:اسمع ابيك تطلع حرتك لاتكتم شي بقلبك
سامر بااستغراب:ليش
عبدالملك:بوديك مكان ، شف اخر نقطه قهر بقلبك طلعها زين
سامر باابتسامه هاديه:زين
وسكتو طول الطريق ووقفو عند بيت
سامر:ليش وقفت
عبدالملك:انزل
ونزل
وسامر استغرب ونزل وراه وهو يعرف البيت وراعيه
واتجه عبدالملك للبيت ورن الجرس وسامر وراه
وفتح ابومتعب باابتسامه ومن شافهم اختفت ابتسامته
عبدالملك دفه وفتح الباب
ابومتعب بعصبيه:هي عمى وش تبون
عبدالملك مارد ومشى لداخل وسامر وراه منصدم تصرف عبدالملك وقف عبدالملك داخل البيت قسم الرجال ونادى بعالي صوته
عبدالملك:عممممممي
سامر انصدم:ابوي؟
عبدالملك مارد عليه وكمل ينادي شوي وجاهم ابوسامر بسرعه وانصدمو من شكله كان عليه قميص نوم
سامر جمدت ملامحه
عبدالملك:هذا ابوك ي سامر ، متزوج بنت ذا الخايس عرفت ليش متغير الحين
سامر انصدم:نعم؟
ابوسامر بلع ريقه:لا انـ..
ماكمل وهو يشوف سامر انطلق بعصبيته لابومتعب ومسكه بقوه وطاح فيه ضرب قرب لهم ابوسامر بيفكهم ومسكه عبدالملك عنهم وتركه يضربه

7 - 12 - 2021, 07:35 PM

البارت 296

ببيت عبدالله
بالصاله
ملك دلال وتالا
ملك:خالتي نامت؟
دلال:اي
ملك:زين وين جنى؟
تالا:بغرفتها من خطبها محمد ماطلعت
ملك؛اخذت نفس:ياربي بعرف ليش مكبره السالفه محمد رجال ويستاهل
دلال:ماادري عنها
ملك:طيب بروح لها
تالا:ترا خالتي خلود وابوي بغرفتهم
ابتسمت ملك:خلوهم لين يطلعون من كيفهم
دلال فهمتها؛ههههههههههههههههه
تالا مافهمت وجلست تناظر لهم وملك قامت مبتسمه وطلعت فوق
لغرفه جنى
وطقت الباب
جنى:مين
ملك فتحت الباب وابتسمت:اختك الكبيره
ابتسمت جنى:حياك
دخلت ملك:وش فيك صايره نفسيه
جنى:ههههههههه كل اللي صار معي وتسألين بعد
قربت ملك وسلمت عليها
ملك:ماصار شي ومحمد رجال كفو
جنى اخذت نفس:ماقلت شي بس ولو محمد فقير حيل وفوق هذا كان سواق لنا
ملك:بس الحين يد عبدالملك اليمين
جنى:حتى امي مو موافقه
ملك:انتي بتتزوجين مو امك
جنى ماردت
ملك:عبدالملك مدحه حيل ولو مو كفو مازوجك اياه ، وصراحه بقولك شي، تتزوجين واحد فقير بس كفو ولاتتزوجين غني وبالدخله والبطله ينكد عليك
جنى:صح بس
ملك:بس ايش
جنى صدت:ماادري احس نفسي حقيره
قربت ملك ومسكت يدها:انتي مامثلك والحقيره هي لمياء اللي لعبت عليك
جنى:ع طاري لمياء تراها هي اللي قالت لابوي انا متاكده
ملك عقدت حواجبها:كنت متاكده اصلاً
جنى نزلت راسها:تراها تحب عبدالملك وتبيه
ملك ابتسمت:تخسى
جنى رفعت راسها
ملك:لاتخافين عبدالملك يكرها واعرف قلبه لمين
ابتسمت جنى:ي عيني عليكم الله يخليكم لبعض
ملك:امين ، يلا يلا خلينا ننزل
جنى قامت:يلا
مسكت ملك يدها ونزلو وهي تتكلم عليها ويضحكون

7 - 12 - 2021, 07:36 PM

البارت 297

كندا
الساعه ظ© الصبح
فتحت جمانه عيونها وهي تحس وضعيه نومها غلط
رفعت نفسها ولفت وفتحت عيونها..
وقامت ودخلت تغسل وتصحصح
واخذت دش وارتاحت وطلعت وشافته ماقام لبست بسرعه ملابسها فستان ناعم كحلي
وورفعت شعرها ذيل حصان وحطت مكياج خفيف
ووقفت تناظر لشكلها جاها صوت جمدتها
ناصر ببحه:جميله جميله
استحت ولفت له باابتسامه
ناصر باابتسامه:دام كذا صبحي مابي من هالدنيا شي ،، تعالي
جمانه:وين؟
ناصر؛ههههههههههه شفيك خايفه اقولك تعالي
جمانه بضحكه:مو خايفه انت تعال
ماحست الا بسرعه قام ووقف قدامها وضحكت
ناصر:هلا امري
جمانه:ههههههههه خذ لك دش وبننزل تاخرنا
ناصر جمدت ملامحه ورفع حاجب:وين ننزل؟
جمانه:لارجوان ونور
ناصر سحب يدها وصارت قريبه:خليهم زين ،، الا جمانه حليانه
جمانه بعدت وهي تضحك:ادري بس استعجل يلا
ناصر:لحوول
جمانه باابتسامه:انتظرك
قرب لها ناصر وباس خدها:دقايق
ودخل ياخذ دش وجمانه تنهدت براحه تغير حيل معها،
،
ببيت ابومتعب
قام سامر وهو يتنفس بسرعه وابومتعب شبه فاقد الوعي
لف سامر لابوه
سامر بقهر:اكثر شي حسيت فيه بفرحه انك طلقت امي ومانشوفك
ابوسامر:ذبحت الرجال الله ياخذك
سامر:يستاهل
عبدالملك:سامر يلا
سامر لف عنهم ومشى وعبدالملك يمشي وراه وفجاء وقف ولف سامر لابوه وجلس يناظر له بنظرات خوفت ابوسامر ومشى سامر وطلع وركب السياره وركب عبدالملك ومشو
بالطريق
سامر:ماتوقعتها من ابوي ابد فضحنا
عبدالملك مارد
سامر لف عبدالملك:عبدالملك
لف له
سامر:ابوي معطيني اوراق وكاله بداله بكل شي
ابتسم عبدالملك وفهمه:حلو فتحتها علينا
ابتسم سامر براحه:ان ماعاقبتهم مااكون سامر
عبدالملك:جزا اللي كانو بيسوونه فينا
سامر تنهد وحس ان مشاكله انحلت من تذكر هالوكاله

7 - 12 - 2021, 07:37 PM

البارت 298

وصل عبدالملك للشركه
سامر:يلا مشكور ع كل شي
ابتسم عبدالملك:ماسويت الا الواجب
سامر لف لشركه:الحين اقدر اطيره مع اللي ماينسمى ذا من الشركه ومن كل شي
عبدالملك:لاتخلي بصدرك شي هههههههه
ضحك سامر ونزل وعبدالملك مشى
،
بكندا
لبس ناصر بنطلون وتيشيرت اسود وتعطر
جمانه:مطول
ناصر:ي بنت الحلال خلصت
جمانه بثقه:استعجل طيب
لف لها ناصر:تعالي عطيني كفين
جمانه قامت:تعال انت
ناصر قرب لها ووقف وجمانه باابتسامه وكانها ماصدقت اعطتهه كف بقوه وناصر لف لها منصدم وانفجرت ضحك
ناصر:ي خبله ع بالي تمزحين
جمانه:ههههههههههه تستاهل
ناصر رفع حاجب:استاهل؟
جمانه كتمت ضحكتها:امزح يلا نور تنتظرك
ناصر؛احمدي ربك ان نور موجوده ولا ماتطلعين من هالغرفه الا مسطره
جمانه لفت عنه ومشت؛ههههه اي هين
حست بيده وقفتها ومشى قبلها؛زوجك قبلك
جمانه تاففت:طيب امشي يبطي ساعتك
مشى ناصر وهو يضحك وجمانه وراه ونزل مع الدرج وارجوان تسمع ضحكه ارتاحت حست الامور بينهم تعدلت ع مانزل ناصر شال نور وباس خدها
ناصر:ي قلبي انتي بس
نور ابتسمت وجلس ونور بحضنه وجلست جمانه
جمانه:شلونك ارجوان اليوم
ابتسمت اوجوان:احسن ، وشكلكم انتم بعد احسن
استحت جمانه وناصر ابتسم وهو يناظر جمانه:اي احسن
ارجوان:فرحتوني
جمانه ساكته ومبتسمه لها
ارجوان:مم ناصر بقولك شي يعني وبكمل فرحتك دامك فرحان
ابتسم لها ناصر:قولي
ارجوان:بسوي العمليه
ناصر لف لجمانه وجمانه ابتسمت لها بفرحه
ناصر؛ي قلبي وربي احل خبر اسمعه
جمانه:ي حياتي احسن شي بتسوينه
ناصر مد يده ومسك يد ارجوان
ناصر:عمر اقنعك؟
ارجوان رفعت حاجب؛لك صديق ي ناصر عليه اسلوب يقنع
ناصر:ههههههههههه وش ع بالك بعد
ابتسمت ارجوان وجمانه فرحانه لها

7 - 12 - 2021, 07:37 PM

البارت 299

وصل البيت اخذ جواله ونزل من السياره وابتسم وهو يشوفهم متجمعين بالحديقه واصوات ضحكهم ماليه المكان
ملك جنى دلال وتالا
قرب لهم ونزل نظاراته
عبدالملك:ضحكونا معكم
دلال:تعال شوف زوجتك حشت فيك لين قالت بس
ملك:انااااا؟
دلال:لا الجدار
ملك لفت لعبدالملك:كذابه قسم كذابه
عبدالملك:ماابعدها عنك
ملك شهقت:ااااي صير مع اختك ضدي
عبدالملك جلس جنبها:الحمدلله ان خواتي خواتك ولا صارت سالفه صير مع اختك ضدي وماادري ايش
تالا:ههههههههههه اي صح اذا جبتو بيبي يقول لي خالتي عمتي تالا
لف عبدالملك لملك:شف القهر ماعندنا خوال غير عمامنا
ملك:ههههههههههههههههههه
جنى كانت ساكته ومبتسمه من جاء عبدالملك وعبدالملك مالف لها
دلال:احمدو ربكم اننا حنا عمامكم وخوالكم
تالا:اي والله
عبدالملك:الشكوى لله مو بيدي حبيت اخت خواتي
ملك ابتسمت واستحت
ولف لها عبدالملك مبتسم
سمعو صوت وراهم
عبدالله:وش مجلسكم هناك
عبدالملك لف له:تعال كملها واجلس معنا
عبدالله:لا انا مشغول ، خالتكم خلود بالصاله ادخلو لها
ملك لفت له:يبه قول لها تجي عندنا هي اخف
عبدالله:ي العجز اللي فيكم
ضحكت ملك وابتسم لها عبدالملك والبنات كاتمين ضحكتهم
ودخل عبدالله لخلود
ولف عبدالملك:ايوه نكمل ، متى تبدا الدراسه
تنهدت تالا:الله ينكد عليك زين
عبدالملك:ههههههههههههه افا
دلال:لاتجيب طاري الدراسه واحنا بعطله واصلاً بنرجع لها غصب
ملك:الحمدلله ع نعمه البطاله
عبدالملك:شكلي بطلع لك شغله تلهيك
ملك:لا تكفى لا ، خلني كذا انا وجنى مرتاحين صح جنى؟
جنى باابتسامه:صح
لف لها عبدالملك ومن ناظرت له صد عنها وتضايقت
وحست فيها ملك وقربت لعبدالملك وهمست
ملك:شوي شوي عليها اللي فيها كافيها
لف لها عبدالملك وهمس:خلصنا لاتتكلمين لي عنها
صدت ملك وناظرت لجنى اللي تناظرهم وحست انهم يتكلمون فيها قامت
ملك:وين
جنى:بدخل بردت
ملك:جيبي جاكيت وتعالي
جنى:لا بنام
ومشت قبل ترد عليها ملك وتنهدت ولفت لعبدالملك اللي ماهمه
وجتهم خلود:هلا والله متى جيتو
ملك:اووه من الصبح
خلود ابتسمت:حياكم
وجلست معهم وكملو سوالف
وطبعاً نوال بغرفتها نايمه

7 - 12 - 2021, 07:38 PM

البارت 300

بييت اول مره نجيه
بيت محمد وامه
مافي غيرهم بالبيت الصغير بس جميل مهديه لهم عبدالملك من زمان شكله فخم وكل اثاثه فخامه
رن الجرس وكان محمد جالس يقرا لامه قران
لفت ام محمد له
ام محمد:محمد ياوليدي الجرس
محمد:دقيقه
سكر القران وقام للباب وفتحه واستغرب
محمد:هلا والله عمي
عبدالله:هلا بك ،عاش من شافك
محمد ابتسم وسلم عليه:عاشت ايامك حياك
دخل عبدالله:الله يحييك
ودخل للمجلس وجلس ومحمد رايح يسوي قهوه بنفسه لان عنه مستحيل يامر ع امه او حتى يطلب منها تسوي شي حطها ع النار ورجع لعبدالله
محمد:نورت البيت والله
عبدالله:منور بااهله ، تعال اجلس والله ماجيت اتقهوى
استغرب محمد وجلس عنده:امر في شي؟
عبدالله:لا بس عن خطبتك لبنتي
محمد انصدم شوي:مو موافقين صح؟
عبدالله ابتسم؛موافقين اكيد واللي مثلك ينرد
فرح محمد وقام باس راسه
محمد:عساني ماافقدك يارب والله انك فرحتني وشرف لي اناسبكم
عبدالله:الشرف لنا والله بس بسألك
محمد جمدت ملامحه:اسأل
عبدالله:ليش خطبتها بهالوقت بالذات
محمد انصدم وسكت وصد
عبدالله جلس يناظر له وينتظر اجابه
محمد تنهد:لاني ابيها وافكر بنسبكم من زمان وذاك الوقت انسب وقت
عبدالله رفع حاجب:متاكد؟
محمد بثقه:اي
عبدالله:اجل قوم
محمد بصدمه:وين
عبدالله:قوم البس واكشخ وقوم
محمد ابتسم:ليش
عبدالله:ابيك تملك اليوم يصير
محمد باابتسامه:يصير
وقام يلبس وعبدالله ابتسم براحه حس انه اعطى بنته لرجال بمعنى الكلمه
،
كندا
بالمستشفى
جمانه ماسكه نور وواقفه وارجوان جالسه ع كرسيها وناصر يتلفت
ارجوان:انت الحين وش فيك ماتخلينا ندخل لدكتور
ناصر:انتظر عمر قال بيجي
ارجوان ابتسمت ماتدري ليش:طيب
جمانه:طيب بنطلع انا ونور نجيب شي ناكله صح نور
نور:اي جوعانه
ناصر:زين بس انتبهو
هزت جمانه راسها ب ااي وطلعت مع نور ع دخله عمر وابتسم لنور وجلس ع ركبه وباس خدها وجمانه ماسكه يد نور

المواضيع المتشابهه لموضوع: رواية عشقي ال بدي مكتفي فيك عاشقك للفنى لموضوع: رواية عشقي ال بدي مكتفي فيك عاشقك للفنى
الموضوع	كاتب الموضوع	المنتدى	مشاركات	آخر مشاركة
رواية تعرف حبيبي ان عشقي لك تعدى حدود الجنون	البارونة	همس للقصص وحكايات وروايات	3	30 - 10 - 2024 02:24 AM
مكتفي بك 2022	حنين الأشواق	همس الشعر و الشيلات الصوتيه	2	22 - 1 - 2022 11:22 AM
لاتبعثرني تراني مكتفي	جروح الم	همس الشعر والقوافي	2	27 - 12 - 2014 11:28 PM
قال نا عاشقك	استثنائيه	همس عذب الكلام والخواطر المنقوله	10	1 - 5 - 2013 01:53 AM
رواية عشقي	مــلآمـح خ ــجل	همس الشعر والقوافي	12	12 - 6 - 2012 12:46 AM

الذين يشاهدون محتوى الموضوع الآن : 4 ( الأعضاء 0 والزوار 4)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع