رواية عشقي ال بدي مكتفي فيك عاشقك للفنى - الصفحة 33

19 - 12 - 2021, 01:11 AM

البارت 311

بيت عبدالله
جنى طلعت غرفتها بدون ماحد يشوفها ورمت نفسها ع السرير محمد دخل قلبها بااسلوبه وبكلامه وبحنيته وبحتى دفاعه عنها حست ان اليوم ع كئابه بدايته قدها اضعاف سعاده نهايته
، اما تحت بالصاله
خلود جالسه والبنات فيهم نووووم استغربت خلود ان نوال تاخرت ماطلعت من غرفتها واكيد مانامت قامت وتجرئت وطلعت لغرفتها
واخذت نفس وشافت الباب مفتوح
وفتحته شافتها ع سريرها وتبكي ضاق صدرها عليها وطقت الباب ورفعت نوال راسها وانصدمت
نوال بصراخ:خيييير وش تبين
خلود قدمت لها باابتسامه:جايه اواسيك
نوال انصدمت من كلامها
خلود جلست ع السرير ومدت يدها ومسكت يدين نوال وضغطت عليهم
خلود:ليش تبكين؟
نزلت نوال راسها ورجعت تبكي قربت خلود لها ورفعت راسها بيدها
خلود؛نوال قولي لي ليش تبكين؟ اليوم زواج بنتك افرحي لها بدال ماتبكين
نوال وكانها تبيها من الله حطت راسها ع كتف خلود وانفجرت بكى
وخلود ماتحملت ودمعت عينها
خلود وهي تمسح ع ظهرها؛اسمعك فضفضي
نوال:عيالي كرهوني ي خلود كرهوني ادري اني مفشلتهم وادري ان عبدالملك ماقال لعلي يبدا شغل المسجد لان امور عبدالله اهم مني وادري ان جنى ماتبيني افرح معها عشان مااقط كلام يخرب زواجها وادري ان دلال تعطيني مهدائات عشان انام وافككم من كلامي وادري ان تالا ماتجلس معي لاني عصبيه عليها وادري انك كارهتني حتى موضي اكلمها اترجاها تروح معي بكرا عشان ماابى لحالي وهي رافضه من البدايه وسكرت بوجهي وانا امثل قدامكم انها اختي ودايم معي..
خلود كانت تسمعها ودموعها نزلت وتاثرت وضمتها
خلود:لاتقولين كذا عيالك يخافون عليك من كل شي
نوال:مو صدق مو صدق
خلود ضغطت بضمتها:الا صدق عيالك لو عليهم اخذو تعبك واعطوك صحتهم، واذا ع اختك انا اكثر من اختك
نوال ماردت وكملت تبكي بصوت يقطع القلب وخلود ضامتها وتمسح ع ظهرها لين تعدلت نوال وانسدحت وهي تشهق وسكرت عيونها وخلود تناظرها لين ارتخت ونااامت
قامت خلود ونزلت شافت عبدالله بالصاله ووقفت قدامه واستغرب منها
اخذت جوالها واتصلت وعبدالله مستغرب منها
رد عليها صوت عبدالملك
كان بالسياره مع ملك عند المطعم
عبدالملك:هلا خاله؟
خلود:اسمع تنسى اني خالتك ان مابديت بشغل مسجد خالد اليوم
عبدالملك استغرب منها وبنفس الوقت ضغط ع سنونه نسى سالفه المسجد وخلود سكرت بوجهه
عبدالله بااستغراب:وش فيك
خلود:انت ماتحس
عبدالله انصدم
خلود:نوال تترجاك مسجد ولما وعدتها ليش ماوفيت
عبدالله صد
خلود جلست جنبه بعصبيه؛وش ذنبها اذا الله بلاها باانها غيورة بالبدايه وش ذنبها ان الله جمعكم وش ذنبها اذا ولدها مات وصارت لها هالحاله تكلم وش ذنبها
عبدالله:

19 - 12 - 2021, 01:12 AM

البارت 312

عبدالله بهدوء:خلود اهدي وش فيك صايره معها
خلود:ماشفت حالتها تكسر الخاطر ، بكرا تبدون بالمسجد سامعين
وقبل يرد مشت خلود وتركته وعبدالله تنهد وقام وراها
,
بسياره عبدالملك
ملك:وش تبي امي؟
عبدالملك:تقول ماني خالتك اذا مابديت بشغل المسجد اليوم
ملك بااستغراب:غريبه امي؟
عبدالملك:وانا غبي شلون نسيت اقول لعلي
ورفع جواله
ملك:ايش بتسوي
عبدالملك:بكلم علي
ملك:الساعه عبدالملك ولا مو منتبه اكيد نايم
عبدالملك:لا علي ماينام هالوقت
واتصل وملك سكتت وقال له يبدا بشغل مسجد خالد من الصبح وسكر وملك ساكته اخذو اكلهم ومشو لبيتهم
،
كندا
عمر:يالله قلت تم انت اصلاً ارجوان لي
ناصر ناظر لارجوان:موافقه
ارجوان رفعت راسها لناصر:ي سمجك انت وياه برررا
عمر:هههههههههههههه
ناصر:وش تضحك عليه وجع ترا قالت انت وياه مو بس انا
عمر:لا انا ماتفشلني
ارجوان:لا خاصه انت اطلع برا
عمر:افا
ناصر:هههههههههههههههه
عمر:ضحكت بلا سنون
جمانه:لا عاد الا ناصر لاتدعي عليه
ناصر:ارووووح ملح ي شيخه
ابتسمت جمانه
عمر:ارجوان وجعوه دافعي عني
ارجوان:ووجعوه لك ، ادافع عنك بصفتك ايش
عمر:الادمي المعجب فيك وخطبك من اخوك
صدت ارجوان وماردت
وعمر انقهر:قسم لو ناصر مو فيه كان ثورت فيك
ارجوان شهقت:اناااا
عمر:اي انتي
ناصر:ثور فيها عشان ادفنك حي
عمر باابتسامه هاديه همس:امزح
وانفجرت ارجوان ضحك وعمر يناظرها بطرف عين ويااشر لها يعني بعدين اوريك
جمانه:خلاص اوووص نور نايمه
ناصر:حياتي هاتيها بروح للبيت تنام اهدى
جمانه:اي احسن
ابتسم لها وشال نور
عمر:سكر الباب وراك
ناصر:تخسى قوم معي وجمانه حبيبي اجلسي عند ارجوان ع ماتصحى نور وانا اصحصح اجيكم
جمانه:اوكي
عمر:وانا؟
ناصر:انت تعال بسرعه الشغل لفوق راسك
عمر عفس وجهه:ي ليل حنا والشغل
وقام ومشى معه للباب وطلعو شوي وانفتح الباب وصدت جمانه لانها كانت بتفك لثمتها ودخل عمر
عمر:لو سمحتي زوجه اخونا انتبهي لزوجتنا
جمانه:هههههه بعيوني
ابتسم عمر وطلع وارجوان ابتسمت وجمانه جلست جنبها وتربعت
جمانه:يلا اسمعك عطيني كل اللي تكلمتو بينهم
ضحكت ارجوان وبدتت تتكلم لها

19 - 12 - 2021, 01:13 AM

البارت 313

مر الوقت بالسعوديه الكل نام من التعب
ويوم جديد
الصبح
بفله عبدالملك
فتح عيونه شافها نايمه ويده ورا ظهرها باس راسها وقام اخذ دش ولبس بنطلون وتيشيرت وشافها للحين نايمه وسكر الباب ونزل
للخدم جمعهم كلهم وجلس يتكلم
عبدالملك:بنسافر اسبوع وبعد هالاسبوع بنرجع ان شاء الله بس مو بهالفله ، بنرجع للبيت الكبير
حزنو كلهم
عبدالملك:ماجمعتكم عشان تحزنون هالبيت بيظل مفتوح وبنجي كل فتره فيه يعني هالبيت ماراح يسكر
....:هيييييييه جبتهاااا
لف عبدالملك لدرج شاف ملك فوق الدرج ببجامتها وشعرها منتثر وسامعه كل كلامهم وضحك
ملك:لاتضحك انتظرني شوي وجايتك
عبدالملك:مااضحك ع كلامك اضحك ع شكلك
ملك:حتى شكلي مافي شي يضحك
عبدالملك:زين ادخلي الغرفه وشوفي شكلك وبسرعه لان الساعه ظ© وبنمشي ظ،ظ، او ظ،ظ ونص
ملك:طيب
وراحت بسرعه وعبدالملك ابتسم وجلس بالصاله يتقهوى اما ملك راحت تجهز نفسها وتستعد بسرعه
،
ببيت عبدالله
بغرفه جنى
كانت نايمه والجوال جنبهااا اخر شي مفتوح عليه محادثه محمد بالواتس
طول ليلها سهرانه معه
وازعجها صوت الباب يطق تضايقت وقامت وبصرخه
جنى:نعم!
تالا:قومي يلا بنمشي
جنى مسحت ع شعرها:طيب شوي
ورجعت بتنام الا الطق يرجع وقامت باانزعاج فيها نوووم
جنى:وجع تالاوه انا اوريك
تالا:بسرعه
وقامت جنى دخلت تغسل وتصحصح
،
ع طاوله الفطور
كان عبدالله بمكانه وخلود ونوال ودلال
وخلود تناظر لنوال اللي مهمومه وتلعب بصحنها
خلود:نوال ليش ماتاكلين
رفعت راسها نوال:شبعت
وقامت
خلود:مااكلتي
نوال صدت بتمشي الا وصوت عبدالله وقفها
عبدالله:اجلسي يام خالد
نوال تنهدت وجلست
عبدالله ابتسم لها:ابشرك مسجد خالد بدو يبنونه بالارض اللي اخترتيها
فرحت نوال:جد
عبدالله:جد
وابتسمت خلود لها ونوال رجعت ابتسامتها
نوال:مشكور وربي توي ارتحت مشكور عبدالله
عبدالله:اشكري خلود بعد
نوال ناظرت لخلود:مشكوره وربي فرحتوني
خلود مدت يدها ومسكت يد نوال:تستاهلين اكثر ، انتي بس فرحينا باابتسامتك
ابتسمت نوال وهي تناظر خلود وعبدالله ودلال استغربو اكثر وينقلون نظراتكم بين نوال وخلود

19 - 12 - 2021, 01:13 AM

البارت 314

كندا
كانت جمانه نايمه ع الكنب اما ارجوان ماجاها النوم كل تفكيرها كان (العمليه) كل ماقرب موعدها توترت
موعدها بيكون اليوم او بكرا وهالشي اللي خلا ارجوان تكثر تفكير فيها
حست بالباب يفتح وتلثمت ودخل ناصر وفتحت لثمتها
ناصر يناظر جمانه؛ي حياتي نامت
ارجوان:اي سولفت عليها لين داخ راسها
ناصر قرب لها وغطاها بعباتها وجلس جنبها يمسح ع راسها
ارجوان:وين نور؟
ناصر:خليتها عند ميري نايمه قلبي ماطاوعني اخليها بس مااقدر اخليكم بعد
ارجوان ابتسمت تخلينا ولا تخليها هي بس
ناظر ناصر لجمانه يدري انها تقصدها وبدون مايحس قرب لجمانه وباس خدها وارجوان ابتسمت
ناصر يناظر جمانه: وربي ي ارجوان ان حبي لها غريب عمري ماحبيت ادميه هالكثر
ارجوان:يخليكم لبعض
رفع راسه ناصر:امممين ، عاد تدرين الحين لو تطلب نرجع السعوديه وتكمل دراستها ماقلت لا
ارجوان:اكيد بتكمل دراستها البنت
ناصر نزل راسه وناظر لجمانه:تبشر باللي تبيه
وقام غطاها زين وقدم لارجوان
وجلس جنبها
ناصر:الا قولي لي كيف نفسيتك
ارجوان:نقول يارب
ناصر:مستعده؟
ارجوان:مو كثير
مسك ناصر يديها:شدي حيلك وحطي امي بين عيونك
ارجوان:اقدر اكلمها؟!
ناصر:اتوقع عنهم الصبح واكيد نايمه بعد شوي بتكلمينها
ارجوان اخذت نفس :طيب
ناصر:وعمر
لفت ارجوان له بسرعه
ناصر:موافقه ع عمر
تنهدت ارجوان:ناصر مو وقته
ناصر:يعني موافقه
ابتسمت ارجوان غصب
ناصر فهمها:عمر يستاهل وبتندمجون
استحت ارجوان
ناصر بضحكه:موافقه عمر حقك يعني
تذكرت ارجوان كلمه عمر حقتي وضحكت وناصر ارتاح حسها موافقه
،
نروح للمياء
كانت طول ليلها تهز ع السرير
تتذكر كلام ياسر
وتهديده
معقوله يفضحها؟
طيب وش بتسوي وش بتقول لامها وابوها وخاصه لخالها الشديد اللي امها ماتخفي عليه شي وخالها يضرب ضرب بقوه
تخيلته يضربها وسكرت عيونها بقوه ونزلت دمعتها رفعت جوالها واتصلت بياسر ومايرد وانقهرت اكثر وتوترت وقكرت تروح له وتحل مشكلتها وترجع
تنهدت وقررت تروح خلاص

19 - 12 - 2021, 01:14 AM

البارت 315

بفله عبدالملك بعد ماجهزت ملك وعبدالملك جاهز بالاصل طلعو من البيت وشناطهم بسياره ثانيه مع سواقهم
ملك لفت له:بنروح ع سياره!
عبدالملك :لا بالطياره وعمي والبنات ع سياره
ملك:ليش طيب!
عبدالملك لف لها:لان ظهري يتعب من كثر الطريق
ملك تذكرت سالفه ظهره بلندن :ااي صح
عبدالملك:وبالطياره مانطول يعني ماراح احس فيها
ملك:حلو
ابتسم لها وكمل طريقه للمطار
،
بكندا
دخل عمر المستشفى واتجه ع طول لغرفه الدكتور
وطق الباب (يتكلم بالانقلش بااكتبه بالعربي)
الدكتور:ادخل
دخل عمر مبتسم:صباح الخير
الدكتور:صباح النور اكيد بتسأل عن ارجوان
عمر سكر الباب:ايوه متى عمليتها
الدكتور:اليوم
عمر:اعطيتوها خبر!
الدكتور:لا كنت بااعطيها تو
عمر:زين احسن لاني انا بخبرها
الدكتور:زين والعمليه الساعه ظ¤ العصر
عمر:حلو شكراً
الدكتور ابتسم له وعمر طلع
واتجه ع طول لغرفه ارجوان وطق الباب
بالغرفه كانت جمانه توها صاحيه ومصليه اللي فاتها وناصر جالس جنب ارجوان ع جواله وارجوان تقرا قران
تلثمو البنات
ناصر:ادخل
دخل عمر باابتسامه:سلام
ابتسمت ارجوان وناصر
ناصر:متى امداك تنام انت!
عمر:نمت ساعتين يكفي
ناصر:اي خير اعرفك خيشه نوم
عمر:ماراح ارد عليك ،
وقرب لسرير ارجوان
عمر:ارجوان شلونك اليوم
قبل ترد سبقها ناصر
ناصر:طيبه ماعليها
عمر:اسمك ارجوان انت؟
ناصر:ههههههههه لا بس عيب تتكلم معك يلا ابعد
عمر:ي ربنااااا ، اقول تكفى اسكت خلني اعرف ارفع معنوياتها
ارجوان مبتسمه
عمر:هاه شلونك
ارجوان:طيبه
ناصر:شفت
عمر:ي هووووووه
ناصر:هههههههه طيب اسلم كمل
عمر سحب الكرسي وجلس جنبها ولفت ارجوان له

19 - 12 - 2021, 01:14 AM

البارت 316

عمر جلس يناظر فيها وابتسم
وارجوان ماردت ابتسامته
عمر:جاهزه!
ارجوان اخذت نفس:اي
عمر:كم الساعه الحين!
ارجوان لفت لناصر:كم
ناصر:ظ،ظ¢ الظهر
عمر:زين ي بطله انتي ، عمليتك متى تبينها
ارجوان:اتمنى الحين وافتك
عمر:حلو، عمليتك اليوم الساعه ظ¤
ارجوان جمدت ملامحها ولفت لعمر وعمر ابتسم
عمر:لاتخافين كلنا معك وتراها سهله
ارجوان بلعت ريقها وناظرت لجمانه الواقفه ورا ناصر
وابتسمت جمانه:لاتخافين ،
ارجوان اخذت نفس وحست بيد ناصر ضغطت ع يدها
ناصر:خلاص ارجوان توك تقولين تبينها الحين
ارجوان هزت واسها بااي وسكتت
عمر ابتسم:هي ابعد عنها واعطيني يدها
ناصر:احلف بس
عمر:والله
ناصر:ي شيخ اسكت
عمر ناظر لارجوان وابتسامتها ع وجهها وارتاح وابتسم
،
نروح
لسعوديه
بيت عبدالله مشو ع سيارتين سياره فيها عبدالله وخلود وتالا
والسياره الثانيه سواقهم فيها نوال وجنى ودلال
لجده نوال كانت هاديه ومبتسمه اما جنى ماتركت جوالها ومحادثه محمد ودلال بعالم ثاااني تفكر باللي غير امها فجاءه ،
بالمطار
ملك كانت حاطه رجل ع رجل وتطقطق بجوالها وعبدالملك تاركها ورايح يخلص مع علي اوراق شغل قبل يطيرون بطياره عمام عبدالملك الخاصه
طفشت ملك ورفعت راسها تناظر لرايح والجاي
وشافت عبدالملك جاي لها ابتسمت وقامت وصدمها صوت
خوله:يااااااي اخيراً شفتكم من الصبح ادوركم
لف عبدالملك وناظرها:خوله!
خوله:اي اي هههه شفيكم اليوم مو قلت لكن برجع معكم لجده
عبدالملك اخذ نفس وناظر لملك وملك ابتسمت بتصنع واضح
ملك:قلتي بس ي قلبي احنا نسينا نقول لك ان الطياره خاصه ورحلتك انتظريها
خوله شهقت:خاااصه وماقلتو لي هههههه اجرام
وقربت لعبدالملك وتكلمت بدلع
خوله:تكفى ملوك بروح معكم
عبدالملك رفع حاجب
ملك انقهرت وقربت لها:ي هوووه تعديتي حدودك عاد وجع
خوله ببرائه متصنعه:ايش سويت
ملك بقهر جلست تناظر لها
خوله:هاه وش قلتو
عبدالملك مسك يد ملك:مايصير تقدرين تنتظرين رحلتك
ومشى وهو ماسك يد ملك
خوله بقهر مشت بسرعه ووقفت قدامهم واستغربو
خوله:ليش تردوني وش مسويه لكم انا!
عبدالملك يتلفت:خوله فضحتينا خلاص بعدي
خوله:ماراح ابعد بعرف ليش تغيرت علي
عبدالملك رفع حواجبه:وش فيك انتي متى تغيرت!
خوله؛كنت احسن معي لين تزوجت هذي تكلم ليش
ملك بصدمه تناظرهم
عبدالملك ابتسم:مجنونه انت!
خوله؛تنكر بعد
عبدالملك اخذ نفس وصد:انا لله وانا اليه راجعون

19 - 12 - 2021, 01:15 AM

البارت 317

خوله نزلت دمعتها:عبدالملك ليش كذا
عبدالملك: ي بنت الناس انا وين وانتي وين ماعرفتك الا من ابوك لاتخربين سمعته بكلامك
خوله:طيب جاوبني ابتساماتك لي كل ماشفتني زمان ليش
عبدالملك:متى شفتك ؟! مره او مرتين بس وابتسمت عشان ابوك فيصل ولا ماكنت ناظرت لك
خوله ببكى:يعني الاحلام اللي عيشتني اياها كذب
ملك لفت لعبدالملك:مو قلت لي انك ماتعرفها!
خوله لقتها من الله:كذاااب ي ملك لعب علي
ملك:انطمي انتي
خوله انصدمت
عبدالملك:ملك تصدقين ذي!
ملك:دقيقه فهموني الحين هي وش تتكلم عنه
عبدالملك فتح فمه بيتكلم وقاطعته خوله
خوله:عبدالملك كاااان مطيح عندنا بلندن كل ماشافني ابتسم لي بالله كيف مااتعلق فيه ي ملك عبدالملك عيشني قصه حب معه من بعيد
عبدالملك منصدم من كلامها صح انه يبتسم لها بس لانها بنت فيصل ومره او مرتين اللي لقيها فيه
ملك:عبدالملك ذي وش تقول
عبدالملك:اللي قالته كذب صح كنت ابتسم لها بس هي مريضه
خوله:الله يسامحك
ملك صدت عنها:عبدالملك الطياره
عبدالملك ناظر لخوله بااستغراب:مريضه وربي
ومشى وتركها ويده بيد ملك مافكها ابد
كانت ملك ساكته وتفكر بكلامها ليش عبدالملك كل ماشافها ابتسم والمصيبه انه ماانكر كلامها
اما خوله من مشو وتركوها تنفست بابتسامه حست ان بدايه خطتها بدت تنجح واحلاً شي انها فاهمه ان عبدالملك كان يبتسم لها عشان ابوها بس استخدمته ضده
،
نروح لسياره السواق بينهم ستاره والبنات كاشفات
جنى بمحادثتها مع محمد
محمد:وين وصلتو
جنى:ممم ماادري والله
محمد:زين قولي لاامك اني بااخذك ووصلك انا
جنى:ههههههه وش تبي معنا اصلاً طلعتنا عائليه
محمد:اي وانا واحد من العايله الحين
جنى:ههههههههه طيب طيب واحد مننا بس ماتزوجنا للحين
محمد:واللي صار امس ايش
جنى:ملكه بس
محمد:نفس بعض
ضحكت جنى ولفت نوال لها:وجع
جنى:افا ليش
نوال:وش تضحكين عليه
دلال:ضحكينا معك
جنى؛مالك دخل
دلال:محمد صح
جنى ضغطت ع سنونها يعني اسكتي
نوال:وجع مسرعه رقمك
جنى:ههههههه امس تزوجنا يمه
نوال:اي بس مايصير
جنى:يصير يصير
تنهدت نوال وجنى رجعت لجوالها والابتسامه مافارقتها اخيراً لقت اللي يسعدها بكل كلمه

19 - 12 - 2021, 01:16 AM

البارت 318

ركبو عبدالملك وملك الطياره وجلسو بمقاعدهم وعبدالملك لف لها وابتسم
عبدالملك:اكيد جعتي
شافها سهيانه وماردت
عبدالملك:ملك!
لفت له:هاه
عبدالملك:اقولك جعتي!
ملك جلست تناظر له وماردت
عبدالملك استغرب:ملك شفيكي ردي!
ملك:كنت تبتسم لها كل ماشفتها!
عبدالملك انصدم من كلامها:ملك!!
ملك:رد علي،
عبدالملك اخذ نفس:اي بس مو قصدي اني اعـلقها فيني والله كان قصدي ان ابوها فـ..
قاطعته ملك:فيصل الكاتب ، طيب خوله وش دخلها تبتسم لها كل ماشفتها ومطيح بلندن عشانها صح!
عبدالملك منصدم:ملك من كل عقلك تتكلمين!
ملك:اااي من كل عقلي ، امس لمياء تلمح انها تحبك واليوم خوله طيب الى متى
عبدالملك عقد حواجبه:انتي مصدقه اني كنت معهم
ملك:ماانكرت انت
عبدالملك:اها ، كذا يعني
ملك:ليش عندك غير هالكلام
عبدالملك صد:لا ابد ، دامك صدقتيهم بكيفك كذبيهم
ملك صدت وهمست:انا الغبيه
سمعها عبدالملك ومارد وملك صاده وطول رحلتهم ساكتين
،
كندا
جمانه كانت جالسه جنب ارجوان ع السرير وماسكه يديها وارجوان مسكره عيونها وتقرا قران
اما ناصر وعمر ع الكنب جالسين
ناصر رفع يده وناظر لساعه ظ¢ ونص
ناصر:اتوقع نور صحت!
جمانه:اي اكيد
ناصر:اجل بروح لها لاتطفش
ارجوان:جيبها بشوفها قبل العمليه
ناصر ابتسم؛من عيوني
ارجوان ابتسمت له وناصر لف لعمر وحط يده ع فخذه
ناصر:انتبه لهم لين ارجع
عمر يناظر ارجوان:ابشر
ناصر:ي هووه انا اتكلم لف لي
لف له عمر:هههههههههه من زينك
ناصر:انا وش ابي فيك ، اقول اروح احسن
عمر صد عنه وناظر ارجوان وارجوان مو يمه وطلع ناصر للبيت

19 - 12 - 2021, 01:16 AM

البارت 319

بالرياض
بالشركه
دخل سامر بهيبته واتجه لمكتبه دخل ووقف قدام مكتبه ودور ورقه مالقاها وطلع واتجهه لمكتب محمد ودخل
شافه يطقطق بجواله ومبتسم
عقد سامر حواجبه وتقدم له
سامر:ي هوووه
رفع محمد راسه:هلا ماانتبهت لك
وقام
سامر:هههههههه اكيد ماراح تنتبه وانت مندمج بالجوال ي رجال لو تشوف نفسك شري وتدخل بالشاشه
محمد:هههههههههههه ماعليه اعذرنا معاريس
سامر:ااااييي قول كذا
ورفع يديه بااستسلام:كان كذا مالومك واطلع منها
محمد ابتسم
سامر:الا ماتقول لي ابومتعب وابوي جو لشركه من ارسلنا اوراق طردهم!
محمد؛لا واصلاً سمعت امس انهم سافرو
سامر:سافرووو!!
محمد تنهد:اي ع حساب ابومتعب
سامر تنهد:وربي ماتوقعت ابوي ينجر وراه ، ماعرفت وين راحو!
محمد:شرق اسيا
سامر عرف ليش راحو من قال شرق اسيا <فساد>
وتنهد ورجع مكتبه ومحمد ضاق عليه وسمع رساله بجواله وابتسم ع طول ورجع اندمج مع جنى
،
نروح لكندا
ارجوان وكانها تذكرت شي وناظرت جمانه
ارجوان:بكلم امي
جمانه بااستغراب:بسم الله وش فيك!
ارجوان:ناصر قال لي بيكلم امي ونسى عطيني جوالك بكلمها
جمانه:ماعندي جوال
ارجوان:اي صح
عمر كان يسمعهم:تبين جوالي
ارجوان:اي اي
عمر طلعه من جيبه وقام لها ومده واخذته ورجع لمكانه
واتصلت ارجوان ع امها
وردت
ام ناصر:هلا!!
ارجوان من سمعت صوتها حست نفسها بتبكي
ارجوان:يمه!!
ام ناصر قشعر جسمها:ارجوان!!
ارجوان نزلت دمعتها:ااي يمه شلونك
ام ناصر:ي قلبي هالصوت بخير شلونك انتي
ارجوان مسحت دمعتها وعمر يناظر لها:بخير اشتقتلك
ام ناصر:وانا اكثر
ارجوان:يمه اليوم عمليتي ادعي لي
ام ناصر بصدمه:وليش ماقلتو لي
اوجوان؛ماامدانا بسرعه تحدد الوقت
ام ناصر كاتمه بكاها عشان ماتخوفها:حبيبتي بدعي لك لاتخافين انتي واقري
ارجوان:ان شاءالله
ورفعت ارجوان عيونها وناظرت لجمانه وواضح ضاق صدرها من تذكرت امها
ارجوان:يمه
ام ناصر:عيوني
ارجوان:عمتي ام راشد شلونها
لفت جمانه لها
ام ناصر:بخير وهذي انا عنهم
ارجوان:حلو عطيني اياها جمانه بتكلمها
قشعر جسم جمانه حست بفرحه ببكى بكل شي بهاللحظه
ام ناصر:زين خذي
ومدت ارجوان الجوال لجمانه وجمانه ابتسمت واخذته
وهمست:الو
ام راشد ببكى:جمانه
هنا جمانه ماقدرت تمسك نفسها ودمعت عينها وقامت طلعت من غرفه ارجوان تكلم لحالها

19 - 12 - 2021, 01:17 AM

البارت 320

بالطياره
دخلت عليهم المضيفه سعاد
سعاد باابتسامه:تامرون ع شي
ملك لفت لها
عبدالملك ابتسم:مشكوره ماابي شي
لفت سعاد لملك:والمدام
ملك صدت:ماابي شي
عبدالملك باابتسامه:اذا بغينا شي نناديك ماله داعي تتعبين نفسك رايحه جايه
لفت ملك لف
سعاد:ان شاءالله
وطلعت
ملك:كان قايم وبايس راسها يمكن احسن
عبدالملك نزل راسه للمجله:الصبر يارب
ملك:وش قصدك !
عبدالملك مارد وجلس يقرا
وصدت ملك عنه
عبدالملك اخذ نفس ولف لها وشكلها متضايقه ماقدر يتركها بضيقها
عبدالملك:تبين شي!
ملك وهي صاده:لا
عبدالملك:بس انتي ماافطرتي الا ع قهوه
ملك ماردت وبطنها يطلع اصوات من الجوع بس ماتكلمت
تنهد عبدالملك:براحتك
وكمل يقرا وملك لفت شافته يقرا وميلت فمها ودها لو غصبها ع شي عاد الحين يلعب الكبرياء ماتبي تطلب منه شي
،
نروح كندا
بغرفه ارجوان تنهدت وهي حاسه بضيقه جمانه
عمر همس:فيك شي!
ارجوان بضيق؛جمانه كاسره خاطري
عمر قرب لارجوان وجلس:ليش!
ارجوان ناظرت لعمر:ليش ماتدري كيف تزوجو ناصر وجمانه
هز عمر راسه بلا
ارجوان اخذت نفس وبدت تتكلم له كيف تزوجو
وعمر انصدم ماتوقع كل ذا من ناصر وماتوقع ان كل حبهم بعد ذا العذاب
عمر:يالله
ارجوان:شفت كيف ضاق صدرها لما كلمت امها
عمر:الله يكون بعونها
ارجوان:امين
مد عمر يده ليدها ومسكها ولفت له
عمر ابتسم؛بس حياتنا احنا غير من بدايتها سعاده
ابتسمت ارجوان
عمر باس يدها وارجوان استحت وسحبت يدها بسرعه وضحك
،
اما عند جمانه كانت تكلمها وهي تبكي وكل مكالمتهم بكى
ام راشد:خلاص ي قلب امك لاتبكين
جمانه بشهاق يقطع القلب:اشتقتلك
ام راشد:وانا اكثر ي قلبي
جمانه مسحت دموعها:طيب تاخرت ع ارجوان تبين شي يمه
ام راشد؛ سلامتك
جمانه سكرت عيونها بقوه:احبك احبك
ام راشد؛وانا والله يشهد
ابتسمت جمانه وسكرت قبل تسمع بكاها مره ثانيه وجلست تبكي ع الكرسي
شوي وحست بيد تمسح ع ظهرها ولفت شافت ناصر وضمته وكملت تبكي
ناصر:ي قلبي كلمتيها!
جمانه بصوت يحزن:اايي
ناصر كان يسمعها من كلمت وواقف وراها وضمها وجمانه تبكي
ناصر:خلاص
ماردت عليه وتنهد بضيق

المواضيع المتشابهه لموضوع: رواية عشقي ال بدي مكتفي فيك عاشقك للفنى لموضوع: رواية عشقي ال بدي مكتفي فيك عاشقك للفنى
الموضوع	كاتب الموضوع	المنتدى	مشاركات	آخر مشاركة
رواية تعرف حبيبي ان عشقي لك تعدى حدود الجنون	البارونة	همس للقصص وحكايات وروايات	3	30 - 10 - 2024 02:24 AM
مكتفي بك 2022	حنين الأشواق	همس الشعر و الشيلات الصوتيه	2	22 - 1 - 2022 11:22 AM
لاتبعثرني تراني مكتفي	جروح الم	همس الشعر والقوافي	2	27 - 12 - 2014 11:28 PM
قال نا عاشقك	استثنائيه	همس عذب الكلام والخواطر المنقوله	10	1 - 5 - 2013 01:53 AM
رواية عشقي	مــلآمـح خ ــجل	همس الشعر والقوافي	12	12 - 6 - 2012 12:46 AM

الذين يشاهدون محتوى الموضوع الآن : 5 ( الأعضاء 0 والزوار 5)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع