رواية عشقي ال بدي مكتفي فيك عاشقك للفنى

13 - 11 - 2021, 10:35 AM

البارت 76

الساعه 3 باليل
بالصاله كانت نوال منسدحه ع فخذ موضي وتبكي
اما دï»»ل وجنى مع نوره بنت موضي تهديهم وتالا مو مستوعبه اللي صاير وابرار تلهيها وتلعب معها بغرفتها لين نامت
وملك جالسه ع سريرها ومركزه نظرها ع نقطه بغرفتها ودموعها ماوقفت اما خلود ضايعه بين ملك وبين عبدالله اللي بجناحها ومو قادر ينام وبكاه يوجع القلب
.
.
اما عند عبدالملك كان بمجلس الرجال مافيه غيره وناصر جنبه وعبدالملك مو مهتم له وï»» يتكلم معه
قرب ناصر وحس ان هالوقت وقت وقفته مع عبدالملك وï»» ليش يسمون اصدقاء
حط يده ع كتف عبدالملك ولف له عبدالملك
ناصر:خلك اقوى عمك وامك مالهم غيرك الحين
عبدالملك:عارف
ناصر:قم وخلك جنب امك خلها تنسى شوي همها
عبدالملك قام وتنهد ومشى وناصر عارف انه شايل بقلبه عليه بس ماتكلم وطلع لسيارته
دخل عبدالملك للبيت وشاف شكل امه واوجعه قلبه عليها وقرب لها وجلس ع ركبه قدامها
عبدالملك:يمه
نوال رفعت عيونها وناظر له وانفجرت بكى وعبدالملك ضمها
عبدالملك:خï»»ص يمه يومه وراح للارحم مني ومنك
نوال:راح فجاءه فجاءه كذا مات
عبدالملك:هذا حال الدنيا ربي يرحمه ادعي له
نوال تبكي وتشهق وعبدالملك اشر لموضي تنادي ع الممرضه اللي استدعو بها
وقامت موضي شوي وجت الممرضه
نوال:هذي وش تبي بعد انا ماقلت لكم ماابيها ماابيها
عبدالملك:يمه اهدي وخليها تعطيك مهدى .. انتي عندك جنى ودï»»ل وتالا بينهارون اذا شافوك منهاره
نوال جلست تناظر له ودموعها تنزل:طيب بشوفه بكرا خذني له
عبدالملك بضيق:طيب
بكت نوال واشر عبدالملك للمرضه تعطيها الابره ونوال استسلمت لها وقومها عبدالملك وموضي لغرفتها وعلى طول نامت وعبدالملك نزل لجناحه والضيق بصدره كل ماله ويكبر
.
.
عند ملك حست خï»»ص ماتقدر تجلس بالبيت اكثر من كذا سمعت صوت احد جايها
انسدحت وسكرت عيونها ودخلت خلود وشافتها نايمه قربت لها وغطتها زين وسمت عليها وباست راسها وطلعت من طلعت قامت ملك وفتحت البلكونه وشافت عبدالملك طفى نور غرفته تنهدت بضيق واخذت عباتها وجوالها وشنطه صغيره فيها ملبس واحد ومفتاح بيتهم الصغير وطلعت وماحد انتبه لها

13 - 11 - 2021, 10:36 AM

البارت 77

وصلت ملك بيتهم ونزلت من التاكسي واعطته فلوسه ووقفت قدام البيت عيونها ذابله نشاطها ذابل وحتى ملك كلها ذابله تقدمت وفتحت الباب واخذت نفس ومرت كل ذكرياتها مع امها بهالبيت بالثانيه هذي ونزلت راسها وبكت وسكرت الباب بقوه ودخلت للغرفه ورمت نفسها ع السرير اللي ماتغير فيه شي ع حطتهم له لما طلعو والتمت حول نفسها ونامت
.
.
الصبح
الساعه 9 ونص
بالصاله كان فيه جنى ودï»»ل وتالا
ودخل عبدالملك عليهميمنع
عبدالملك:سï»»م
ردو:وعليكم السï»»م
وماحب يتكلم وجلس وجت تالا وجلست بحضنه وساكته وتشوفهم ساكتين
ونوره وابرار راحو لبيتهم عشان يخلون عبدالله وعبدالملك يجلسون مع خواتهم براحه
طلعت نوال من غرفتها ومعها عباتها
وموضي وراها:نوال استهدي بالله
نوال ماردت ونزلت والكل ناظرها
عبدالملك:ووين يمه
نوال:بشوفه يï»» خذني له بشوفه
موضي:ي نوال والله ماراح تتحملين
نوال تبكي:اقولك اليوم ولدي بينحط تحت الترااب خلوني اشبع شوفته قبل يروح
عبدالملك شال تالا ونزلها ووقف
عبدالملك:بتتحملين؟
نوال:اي
عبدالملك:يï»»
ومشى وطلع ونوال لبست عباتها ع نزله عبدالله من الدرج
عبدالله:وين؟
نوال ماردت وطلعت عبدالله اخذ نفس وسمع صرخه خلود
خلود تنزل من الدرج؛ مممممن شاف ملك
عبدالله عقد حواجبه
جنى:بقلعتهاااا
خلود ماردت وطلعت للحديقه تدورها وعبدالملك انتبه لخلود قبل يركب السياره وسمع صوت وراه
ناصر؛ سï»»م عبدالملك
لف له:هï»» وعليكم السï»»م
عبدالله طلع بسرعه لخلود وخلود خافت:مووو فيه البنت مو فيه وï»» جوالها فيه
عبدالملك وناصر يناظرون لهم ونوال راكبه سياره عبدالملك
عبدالله ركض لسيارته:بدورها برا البيت وادخلي انتي
خلود:وين تدورها
مارد عبدالله وركب وسمع بصوت عالي
ناصر:عمي انتظرني بجي معك وراح ركب معه وعبدالملك يناظرهم سمع صوت امه
نوال:يï»» عبدالملك
عبدالملك:يï»»يمنع
وركب السياره وطلع وطلعت وراه سياره عبدالله ومعه ناصر ومشو بااتجاهين مختلفين
.
.
ناصر:وين ندور عمي
عبدالله:بندور بالمكان اللي اخذتهم منه شقه عبدالملك
ناصر رفع حاجبه:وش يوديها شقه عبدالملك
عبدالله بعصبيه:بنشوف ماقلت فيه
ناصر:طيبيمنع
عبدالله:يارب بس انها بخير ماني قادر اخسر واحد ثاني من عيالي
ناصر:ان شاءالله انها بخير
.
.
وصلو عبدالملك وامه المستشفى ونزلو
وعبدالملك مسك يد امه
عبدالملك:اذا مو قادره نرجع
نوال:ï»» بشوفه يï»»
وعبدالملك ضاق عليها
ودخلو للمستشفى واخذهم الممرض لغرفه الموتى .. ووقفو عند الباب وعبدالملك صد ونوال لفت للممرض
نوال:افتح الباب يï»»
الممرض:بتدخلين لحالك؟
عبدالملك:ï»» انا معها
الممرض:طيب
وفتح الباب ودخلو بخطوات ثقيله

13 - 11 - 2021, 10:36 AM

البارت 78

وقفت نوال قدام جثه خالد والشرشف الابيض مغطيها كلها عبدالملك تنهد وهو يناظره بضيق سمع صوت امه تبكي بس ماتبي تبين لهيمنع
عبدالملك:يمه لاخر مره اسئلك بتتحملين
هزت نوال راسها بااي
واشر عبدالملك للممرض يرفع الشرشفيمنع
ورفعه ومن شافته نوال شهقت ودفتنت نفسها بحضن عبدالملك وعبدالملك يناظر له وسكر عيونه بقوه
نوال برجفه:خخخخخاااالللدد
عبدالملك:الله يرحمه
لفت له نوال وصوتها يرجف وقربت له كان وجهه مجرح وحطت يدها ع خده ودموعها بدت تنزل بكثره قربت له وباست راسه وطولت وصوت بكاها قطع قلب عبدالملك
قرب لها وسحبها بشويش وصارت ع صدره
نوال:ï»»ï»»يخاذونه خلوه
عبدالملك ضامها:اكرام الميت دفنه
نوال انفجرت بكى وعبدالملك اشر للممرض يغطيه .. ومشى فيها لبرا وبكاها ما وقف
.
.
بسياره عبدالله ركبو بعد ماطلعو من الشقه
عبدالله بعصبيه:ووووييينهااا ناققصصصص انا؟
ناصر:اهدى ي عمي بنلقاها ï»»يهمك
عبدالله:ووين نلقاها وين .. هذي بنت بنت لحالها بالشارع كيف تتجرا وتطلع لحالها وبالليل وبدون ماتقول لنا وتختفي بعد شلون
ناصر:ï»» يهمك انا بجلس ادورها لليل
عبدالله ضرب الدركسون بقوه بيده وسكر عيونه وبعدها مشى بسرعه
.
.
ببيت عبدالله خلود كانت ع اعصابها وكل شوي تكلم ملك ويطلع مقفل وتنقهر
وجنى ودï»»ل بالصاله وتالا ع نياتها تلعب في الحديقه وموضي جالسه مع البنات ويناظرون خلود اللي رايحه جايه .. وبالاخير صرخت
خلود:افتتتتتتحححي جوووالك
دï»»ل قامت لها بسرعه ومسكتها
دï»»ل:اهدي خاله ان شاءالله يدخل ابوي وهي معه
خلود:يارررب
جنى:بنت شوارع وعمرها ماراح تتربى وتمسك ارضها
خلود ناظرت جنى وجت بترد بس مسكت نفسها وقدرت ظروفها
موضي:جنى اسكتي عيب تقولين هالكï»»م
ماردت جنى وصدت
شوي ودخل عبدالملك ماسك يد نوال ومنهاره
وركضو لها البنات ومسكوها
جنى:يومه وش فيك
دï»»ل:ليش كذا شكلك
نوال ضمتهم وبكت وسندوها للمجلس وعبدالملك تنهد بضيق وناظر لخلود وقرب لها
عبدالملك:وش صاير الصبح ملك وينها؟
خلود بضيق:مالقيناها قمت وغرفتها فاضيه وجوالها مو فيه.. وعبدالله وناصر راحو يدورونها
عبدالملك مسك راسه وصرخ:وقتها هذااا؟؟
خلود نزلت دمعتها:انا اعرف ليش هربت
عبدالملك:ليش طيب؟
خلود:هي من مات خالد الله يرحمه وهي تبكي وتردد انا السبب
عبدالملك بعصبيه:غبيه هيي مالهاا دخل
خلود بضيق:اااه بس هااتوها لي بسيمنع
عبدالملك بضيق لف وطلع بسرعه وخلود جلست ع الدرج وراسها بين يديها

13 - 11 - 2021, 10:37 AM

البارت 79

ركب عبدالملك سيارته وطلع من البوابهيمنع
وشاف سياره عبدالله قدامه وفيها عبدالله وناصر
ضرب عبدالله بوري وعبدالملك حواجبه واشر له ينزل
وقف عبدالملك ع جنب ونزل ونزلو هم من سياره عبدالله
عبدالملك:هاه وين دورتو؟
عبدالله:بشقتك ومالقيناها.. انت وين رايح
عبدالملك ناظر لناصر اللي ينتظر اجابته
عبدالملك:رايح للمستشفى بخلص اجراءات الدفن
عبدالله ضاق:طيب
وسمع صوت وراه ولف وشاف واحد من جماعه عبدالله جاي يعزيه تركهم وراح له وعبدالملك لف بيمشي
ناصر:عبدالملك رايح تدورها؟
عبدالملك لف له:من؟
ناصر بااستغراب:ملك
عبدالملك بضيق:تفكيرك وين واحنا وين .. ي شيخ اعرف كيف تتكلم ومتى
ومشى وناصر تنهد وحس انه اغلط ورجع لعبدالله
وركب عبدالملك سيارته ومشى وكان يدري ان لو علم ناصر انه رايح يدورها كان لحقه بس هالحركه خلته يحس بالذنب ويوقف مع عبدالله
كانت الاماكن اللي بيدور فيها معروفه ومشى لها بسرعه
.
.
عند ملك كانت منسدحه ع السرير وتناظر السقف وتسأل نفسها
*كيف كنا عايشين بهالبيت وراضين؟*
وتنهدت بضيق وهي تتذكر اللي صار لهم بالبيت الكبير وتمنت لو ماطلعو من هالبيت .
فجاءه سمعت صوت الباب يطق خافت وقامت بسرعه واخذت لفتها ومشت للباب
وكان فيه فتحه شافت منها وانصدمت لما شافت عبدالملك
عبدالملك يطق الباب وماردت .. جت بترجع الغرفه بس سمعته يقول
عبدالملك:افتحي ادري انك داخل .. ملك افتحي وï»» بكسر الباب
ملك ضاق صدرها وحست ان مافي حل غير انها تفتح له وتلثمت وفتحت
وعبدالملك اخذ نفس وشافها وهي منزله راسها
عبدالملك:فيك شي؟
ملك ماردت وتركت الباب مفتوح ودخلت وعبدالملك دخل وسكر الباب وراه
جلست بالصاله ع مركا وعبدالملك وقف قدامها
عبدالملك بهدوء:ملك ناظري لي .. ليش طلعتي من البيت؟
ملك رفعت راسها وعيونها ذابله
عبدالملك من شاف عيونها كسرت خاطره وجلس ع ركبه قدامها
عبدالملك يناظر بعيونها:تكلمي ليش تركتي البيت
ملك نزلت راسها وعيونها امتلت دموع:انا السبب خالد مات بسببي
عبدالملك:اووش وش هالكï»»م .. هذا يومه وبعدين انتي السبب كيف؟
ملك ناظر لعيونه:انا اللي نرفزته قبل يطلع انا اللي خليته يعصب
عبدالملك:ايوه؟
ملك عصبت:شلون ايوه عبدالملك اقولك انا نرفزته
عبدالملك:وببالك انه طلع بسيارته وهو معصب منك وسوا حادث صح؟
ملك نزلت راسها:ااي اكيد
عبدالملك رفع راسها :بس خالد ماكان السواق
ملك بصدمه:جد
عبدالملك ابتسم بخفه من بين همومه:اي السواق بالعنايه وصديقه وسياره خالد بالمطار الحين .. والحادث كان بسبب سرعتهم عشان يلحقون الطياره

13 - 11 - 2021, 10:38 AM

البارت 80

عبدالملك ابتسم بخفه من بين همومه:اي .. السواق بالعنايه صديقه وسياره خالد بالمطار الحين .. والحادث كان بسبب سرعتهم عشان يلحقون الطياره
ملك غطت عيونها بيدها وبكت
عبدالملك سحب يدها:خï»»ص كافي بكى خالد راح للارحم مني ومنك واللي سويتيه مايرضي احد ï»» امك وï»» ابوك *وبهمس*:وï»» حتى انا
ملك هزت راسها بااي وعبدالملك ابتسم لها ومسح دموعها بطرف صبعه:خï»»ص يï»» بنرجع امك حيل خايفه عليك وعمي عبدالله بعد .. مو ناقصين الم تزيدينهم
ملك سكتت شوي وبعدها ناظرت عيونه
ملك:خلني هنا ع الاقل هالفتره تكفى
عبدالملك عقد حواجبه:ليش
ملك ماحبت تقول له عن ازعاج نوال وجنى لها
ملك:برتااح هالفتره بس
عبدالملك وقف:اسف مافي قومي يï»»
ملك وقفت قدامه:جيب امي لي .. عبدالملك قلت تكفى
عبدالملك جلس يناظرها شوي ولف وناظر للباب
عبدالملك:تبين تبقين لحالك؟
ملك هزت راسها بااي
عبدالملك:اجل بتجين بالشقه اللي كنتو فيها ï»»نها اضمن من هنا
ملك تنهدت:طيب
لف لها عبدالملك:طيب يï»» انا بالسياره
ملك:دقيقه بجيب جوالي واجي
ودخلت الغرفه لبست عباتها واخذت جوالها وطلعت وشافته ينتظرها
وطلعو مع بعض وسكرت ملك الباب وقفلته
.
.
وركب عبدالملك قدام وملك فتحت الباب ورا
عبدالملك:وين وين؟
ملك رفعت راسها وناظرت فيه
عبدالملك: قدام يï»» وï»» تحسبيني سواق ابوك
ابتسمت ملك غصب وسكرت الباب وركبت جنبه ومشو
وطول الطريق ساكتين
رفع عبدالملك جواله
واتصل بخلود وملك كانت ساهيه
خلود بسرعه ردت:هاه لقيتها
عبدالملك:اي اي ï»»تخافين لقيتها ..
خلود براحه:اللهم لك الحمد .. مشكور عبدالملك يï»» انتظركم
عبدالملك:ï»» ي خاله انا ابيك تجهزين مï»»بسك شوي وجاي اخذك
خلود بخوف:ليش
عبدالملك:اقولك بعدين وترا ملك مافيها شي ï»»تخافين
خلود:طيب طيب
عبدالملك:وجهزي لها بعد مï»»بس
خلود:طيب .. اوف منكم ومن افكاركم
عبدالملك:يï»» سï»»م
خلود:سï»»م
وسكرو
ولفت ملك له:بتنزلني اول صح
عبدالملك:اي بس هاه ترا كل يوم بجيكم ï»»تتضايقين
ملك براحه:ماراح اتضايق
ابتسم لها عبدالملك وصد يفكر
ملك بضيق:متى الصï»»ه ع خالد
عبدالملك:بعد شوي بصï»»ه الظهر
ملك سكتت وعبدالملك ضاق اكثر
وصلو الشقه ونزلت ملك ونزل معها فتح لها الباب
عبدالملك:بجيب خالتي وارجع
ملك:طيب
وطلع وسكر الباب وملك رمت نفسها ع الكنب ومسكت راسها بقوه مصدعه
اما عبدالملك مايقل عنها ضيق وصداع وهموم متراكمه شغل سيارته ومشى واتصل بمحمد يرسل اغراض لشقه اكل وهالاشياء
وكل تفكيره الحين كيف يقنع عبدالله ان خلود تبعد عنه

15 - 11 - 2021, 12:48 AM

البارت 81

وصل عبدالملك البيت كان مليان ناس والسيارات قدام البيت كثيرررره تنهد ودخل
واتجه للباب الخلفي للمطبخ واتصل بخلود
خلود:هï»»
عبدالملك:مااقدر ادخل نزلو الاغراض وتعالي
خلود:طيب دقايق
وسكرت وعبدالملك جلس يتلفت بالحديقه وابتسم لموقف كان بينه وبين خالد .. لما كانو صغار ويلعبون بالكوره ويطردون جنى ودï»»ل عنهم .. ابتسم بدون مايحس وقطع افكاره صوت من وراه
خلود:هï»» عبدالملك جهزت
اخذ نفس ومسح ع وجهه ولف لها واخذ الشناط ومشى وخلود وراه
عبدالملك:قلتي لعمي
خلود:والله ما امداني .. وبعدين عبدالله مو فاضي لي
عبدالملك مارد ودخل الشناط بالسياره واشر لها تركب قدام
خلود:ï»» مايصير اركب قدام
عبدالملك:وليش
خلود:ولو .. انت مثل ولدي بس لو جينا لصحيح انت ماتصير لي
عبدالملك نزل راسه وتذكر ملك صح عنيده بس امها اعند ورفع راسه
عبدالملك:وانا ماراح امشي وانتي راكبه ورا
خلود:وشلون يعني
عبدالملك:يعني اركبي قدام يï»» انتي بحسبه امي
خلود جلست تناظر له حست مو وقت مناقشه ابد وركبت قدام وعبدالملك ركب ومشى
.
.
بالطريق
خلود:وين لقيتها
عبدالملك لف لها:وين تتوقعين يعني
خلود:اتوقع بالبيت الصغير
عبدالملك هز راسه بااي:تقول انا السبب
خلود تنهدت:ووين بنروح الحين
عبدالملك:انا اخذتها لشقتي اللي كنتو فيها ï»»نها اامن ..
خلود عقدت حاجبها:بس كيف اقنعتها
عبدالملك:اصï»» ملك مالها دخل خالد مو السواق عشان كذا ارتاحت شوي
خلود ارتاحت:الحمدلله ع كل حال
وصلو الشقه ووقف عبدالملك ولف لخلود
عبدالملك:انا بروح الحق ع الصï»»ه.. انتبهو لنفسكم والله يعين اذا عرف عمي بيجيكم بس خلي ملك ترتاح ï»»ترجعون معه ع الاقل هاليومين
خلود هزت راسها بااي
ونزلت
ونزل عبدالملك واخذ شناطهم ووصلها للباب فتح لها الباب ودخلت ونزل الشناط
عبدالملك:يï»» سï»»م
خلود:الله يعينك تعبتك
عبدالملك ابتسم:مافيها تعب وترا علي اللي يشتغل عندي ارسل لكم اغراض الاكل واذا تبون شي اتصلو علي
خلود:ماتقصر
وطلع وخلود سكرت الباب ودخلت للغرفه شافت ملك نايمه وشكلها تعبانه ابتسمت لها وقربت باست راسها وغطتها
وراحت ترتب اغراضهم ومï»»بسهم..وبدت تسوي لها ولملك اكل.
.
.
مر الوقت وصلو ع خالد ودفنوه وعبدالله صامد وضاغط ع نفسه ماينهاار وعبدالملك وراه
ورجعو البيت.. واول مادخلو البيت لف عبدالله لعبدالملك
عبدالله:خلك عند الناس انا بدخل ارتاح
عبدالملك ناظر للي حولهم ومسك يد عبدالله وابعدو شوي
عبدالله:وش فيك؟
عبدالملك:بقولك شي وماحبيت اتكلم قدام العالم
عبدالله:قول
عبدالملك:انا لقيت ملك و...
عبدالله عصب

15 - 11 - 2021, 12:49 AM

البارت 82

عبدالملك:انا لقيت ملك و...
عبدالله عصب:وين لقيتها؟
عبدالملك:اهدى المهم اني لقيتها وشكلها تعبانه وقالت بترتاح وامها راحت لها
عبدالله عصب ومسك راسه وصد
عبدالملك:مكانهم قريب وقت ماتبي تروح قول لي وانا اوديك
عبدالله ناظر له وقرب:اللي بينك وبين ملك له حساب بس خلنا نخلص من هالمصيبه
ومشى وعبدالملك صد وتاافف بضيق ومشى لمجلس الرجال
واول مادخل شاف ناصر واقف قدام النافذه يعني كان يشوفهم عقد حواجبه
عبدالملك:خير؟
ناصر:وï»»شي
عبدالملك صد عنه واتجه لرجال وناصر مشى وراه
.
.
ببيت ناصر
ام ناصر لابسه عباتها
وارجوان قدامها
ام ناصر:انتبهي لنور زين
ارجوان:طيب وانت وصلي عزاي لهم بدالي
ام ناصر:ان شاءالله يï»»
وطلعت وارجوان لفت لنور اللي جالسه قدام التلفزيون ومشت بكرسيها لها ووقفت جنبها
ارجوان:ماطفشتي من التلفزيون؟
نور لفت لها وابتسمت:ï»»
ارجوان عفست وجهها:طيب انا بطلع العب لحالي بالحديقه
ركضت نور قبلها لبرا وارجوان ضحكت ولحقتها.
.
نرجع لعبدالله دخل البيت واتجه لجناح خلود ورمى نفسه ع السرير وسكر عيونه
باللحظه فكر بكل شي صار معهم
موت خالد المفاجئ
وعبدالملك وملك
وناصر صديق عبدالملك خاطب ملك
وطلعت خلود وملك من البيت
عقد حواجبه ومسك راسه بقوه ورفع نفسه شاف ع الكومندينا بندول وماء من امس لما كان عند خلود اخذ حبتين وشرب ماء ورجع انسدح وسكر عيونه وغفى
.
.
ع العصر خفو الناس وقام عبدالملك وطلع حس بكتمه ووقف وتمنى لو يرمش وتنتهي هالاحزان ويرجع خالد ويرجع البيت مثل ماكان
حس بيد ع كتفه ولف
ناصر ابتسم:شلونك الحين؟
عبدالملك صد عنه؛ احسن
ناصر وقف قدامه:تبينا نطلع شوي نغير جو قبل مايمتلي البيت مره ثانيه
عبدالملك عقد حواجبه:وتشوفه وقت طلعه؟
ناصر:ï»» بس يعني....
عبدالملك قاطعه:ناصر واللي يرحم والديك ابعد عني ترا والله كل ماشفتك تزيد ضيقتي ضيقه
ناصر:عشان الخطبه صح
عبدالملك ناظر له بحده:وللحين تسميها خطبه خلاص ي ابن الناس انسى
ناصر لف عنه:فكرت اتركها كم مره بس خيال نور يصير بين عيوني .. نور محتاجه وحده مثل ملك ï»»شغل وï»» مشغله وï»» دراسه وبس حولها
عبدالملك بعصبيه:خدامه يعني
ناصر لف له بيتكلم بس عبدالملك ماترك له مجاال وضربه
وسمع صرخه وراه

15 - 11 - 2021, 12:50 AM

البارت 83

سمع صرخه من وراه ولف شاف حرمه كبيره وناصر رفع راسه وشافها
ناصر:يمه
ام ناصر قربت منه وابعدت عبدالملك ومسكت ناصر وصرخت ع عبدالملك
ام ناصر:غبي انت ليش تضربه
عبدالملك رفع حاجب
ناصر سبقه بالرد:يمه انا نرفزته .. هذا عبدالملك ماعرفتيه؟
ام ناصر:والكوبه دام قوته بيده
عبدالملك صد وماسك نفسه ï»»يرد عليها
ناصر ناظر له:ï»» عاد يمه الا عبدالملك صديق عمري
عبدالملك ناظر لناصر بنظرات ومشى لسيارته
ام ناصر لفت لناصر:ليش ضربك
ناصر مسح ع مكان الضربه وابتسم:مزحه ثقيلة ههههههه
ام ناصر دفته:بعرف تكلم قول السالفه ليش عبدالملك ضربك
ناصر تنهد:خï»»ص يمه ادخلي داخل انا بلحقه
ومشى وتركها وهي تضايقت منه ومن هروبه من الجواب ودخلت للحريم.
.
هالوقت فتحت ملك عيونها
ونور الشمس من النافذه ع عيونها اخذت نفس وتذكرت انها لحالها وقامت بسرعه وغسلت وصلت ولبست لبس يريحها بجامه وطلعت من غرفتها وانصدمت لما شافت التلفزيون شغال وفي احد جالس قدامه قربت بخوف
وخلود سمعت خطواتها ولفت لها وابتسمت
خلود:هï»» والله صح النوم
ابتسمت ملك براحه وقربت لها وضمتها
وخلود ضربت ظهرها خفيف:وجع وليش تطلعين من البيت
ملك بعدت ووصارت قدامها:خلينا ننسى ذاك البيت شوي هالايام ذي
خلود ابتسمت:طيب يï»» سويت لك اكل
ملك باابتسامه:عاد ميته جوع
وقامت ركض للمطبخ وخلود لحقتها .. صح همهم مااختفى بس ع الاقل خف ..
.
.
بجناح عبدالملك كان جالس ع مكتبه ويقلب بالاوراق يحاول يشغل نفسه
سمع الباب يطق ورفع راسه
وقبل يتكلم انفتح الباب ودخل ناصر وعبدالملك صد وتضايق وصرخ
عبدالملك:خخخيييرر؟
ناصر حط يده ع راسه وابتسم:ï»»تعصب مني ي اخي فدوه لك انا
عبدالملك رفع حاجب:هي انت وش فيك مريض؟؟
ناصر بضيق:ï»» بس ماابي اخسر صداقه بيني وبينك
عبدالملك بحده:لو ماتبي تخسرها ماكان سويت اللي سويته
ناصر:ي اخوي حط نفسك مكاني
عبدالملك بصرخه:ماااكثر الله الا من البنات
ناصر جلس يناظر فيه:طيب خï»»ص
عبدالملك رجع راسه للاوراق:اصï»» هالوقت مو وقت كï»»م بهالمواضيع
ناصر:ï»» وقته .. عبدالملك مï»»حظ ان هالبنت غيرتك حيل
رفع عبدالملك راسه له
ناصر:هالبنت خلتك انسان غير .. بعرف وش فيها زود
عبدالملك نزل راسه بين يده:ناصر واللي يخليك خلني ساكت
ناصر:ليش؟
عبدالملك صرخ:خï»»ص قلت اسكت
ناصر تنهد:بسكت بس بقولك شي
عبدالملك ساكت
ناصر:دامك تحبها لدرجه انك تنسى كل اللي حولك ..فهذا مو حب
عبدالملك رفع راسه وناظره بحده وقبل يرديمنع
ناصر لف وطلع وهو يدعي ان عبدالملك يفكر بكï»»مه ويبعد عنها

15 - 11 - 2021, 12:57 AM

البارت 84

مر يومين ع حالهم ..
نوال ماتنام الا بمهدات وعبدالله من مجلس العزاء لغرفه النوم ويمنع نفسه يفكر بااي شي ع طول ينام
اما عبدالملك يتجاهل كل اللي حوله وï»» راح لملك وخلود وï»» اتصل فيهم مايدري ليش حس انه ï»»زم يفكر بعï»»قته معهم ومع ملكيمنع
اما جنى ودï»»ل كل همهم ان تالا ماتعرف لو عرفت ممكن تنجن وهي صغيرة ماراح تتحمل فكره فقدان احد قريب لها
وبشقه خلود وملك الوضع هادئ وملك قدرت تنسى شوي بس الافكار تجيها قبل النوم
وناصر وامه وارجوان كانت حياتهم هاديه ناصر يفكر ببنته واخته بس يبي احد يراعي بنته ويونس اخته بالبيت ويفكر بعï»»قته مع عبدالملك مايبي يخسرها وبنفس الوقت مايبي يترك ملك بعد مالقاها.
.
.
الصبح الساعه 8 كان عبدالملك نايم ومندمج بنومه
ازعجه صوت الجوال يرن تضايق ورفع يده ورد بدون مايشوف الرقم
عبدالملك:مممم
....صوت رجولي.:اووه نايم؟
عبدالملك استغرب ورفع الجوال شاف رقم غريب:من؟
....:انا فايز
عبدالملك تنهد:خير وش عندك
فايز:مو كانك ناسي دوامك بالشركه
عبدالملك بااستخفاف:ههههه تعال سو علي مدير بعد
فايز:وليش ï»» ..تعال لوظيفتك
عبدالملك:تخسى
فايز:هههههه مو الحين بس قريب
عبدالملك بثقه:استغرب من ناس نفسك ي اخي من انت؟
فايز:بتعرف من انا قريب .
عبدالملك:ï»» مايحتاج عرفتك هههه
وسكر ورمى الجوال بااستخفاف بفايز ورجع نام
اما فايز انقهر وضرب الجوال بالطاوله
ولف له ابومتعب؛ ليش وش قال
فايز:واثق
ابومتعب:انا معك نمثل نص الشركه مايحتاج تخاف ع نفسك
فايز بعصبيه:ماابي نصها
ابومتعب صد عنه:ان شاءالله بناخذها كلها
فايز جلس بقهر ويفكر كيف ياخذ اللي يبيه .
بشقه خلود كانت ملك جالسه ع الطاوله واحطه يده ع خدها
نزلت خلود الصينيه ع الطاوله وجلست
خلود:يï»» ابدي اكلي
ملك ناظرت لامها:كم لنا من جينا الشقه؟
خلود بااستغراب:ليش
ملك:عبدالملك قال بجيكم كل يوم .. ومن جينا ماجاء وï»» اتصل
خلود جلست تناظرها شوي
وملك انتبهت لها:صح وï»» ï»»؟
خلود مدت يدها ومسكت يد ملك:حبيبتي
ملك ناظرت لها ببرائه:وشو
خلود:انت حبيته صح؟
ملك انصدمت
خلود ابتسمت:حبيتيه
ملك تورطت:ï»» مو كذا بس كنت اسأل اذا فيه شي وï»» ï»»
خلود:بس ماكنتي كذا كنتي تبين فرقاه
ملك ضغطت ع سنونها
خلود باابتسامه:انا قبل اصير امك انا اختك وصديقتك صح؟
ملك هزت راسها بااي
خلود:طيب ليش ماقلتي انك حبيتيه
ملك:خفت تعصبين
خلود:مممم هو بعصب
ملك توترت وضحكت خلود
خلود:ï»» ماراح اعصب الحب دامه من بعيد مافيه عيب بس طبعا مايصير شي قبل تتزوجون
ملك بسرعه:اي اكيد
ابتسمت لها خلود:يï»» اكلي
وارتاحت ملك

15 - 11 - 2021, 12:57 AM

البارت 85

قام عبدالملك من سريره حس كل شي حوله جامد مايبي يفكر بشي ابد
اخذ دش ولبس ثوبه وجاكيت اسود فوقه ولبس شماغه وشخص وطلع فكر يروح الشركه بس عناد بفايز ماراح يروح
دخل الفله شافهم مجتمعين ع طاوله الاكل وتقدم لهم
عبدالملك:سï»»م
ردو عليه:وعليكم السï»»م
عبدالملك ناظر لامه كانت ساهيه بالاكل وعكس كل يوم تضبط نفسها باللبس والمكياج بس هالمره كانت ذابله
لف لعبدالله كان بعد ساهي ويلعب بالاكل بصحنهيمنع
شاف جنى كانت مï»»محها جامده وتاكل بهدوء
اما دï»»ل كانت ساكته وتوكل تالا غصب عليها وتالا ساكته ماتتجرا تتكلم وهم ساكتين
عبدالملك تنحنح؛ وش فيكم
نوال تنهدت:تعال افطر
عبدالملك رفع حاجبه:اي بفطر بس بعرف وش فيكم خï»»ص احيو ارجعو لحياتكم قبل
نوال بضيق:كيف نرجع وحياتنا راحت مع خالد
تالا:وينه خالد؟
نوال تورطت
عبدالله:لعمان حبيبتي .. بيدرس هناك
تالا:ï»»اااا ليش متى يرجع
عبدالملك بضيق:تالا حبيبتي اليوم السبت روحي ذاكري دروسك لبكرا
تالا:ï»» بدري
كل اللي ع الطاوله تضايقو وماسكين دموعهميمنع
عبدالله قام:يï»» انا بروح لخلود بجيبهم للبيت
جنى بصرخه:ليش من فارقناهم ارتحنا
عبدالله رفع حاجب؛جنى
جنى قامت وضربت ع الطاوله:ليش كذبت من كان السبب باللي صار مو ملك؟؟
عبدالملك مسك يد جنى ولفت له:امسكي لسانك .. البنت جالسه *يقصد تالا*
جنى بكت:ماراح امسكه والسبب بحزننا كانت ملك من جت وحياتنا انقلبت
عبدالله قرب لها وسحبها بقوه ونوال قامت
نوال:اتركها ماقالت الا الصدق
عبدالملك اشر لتالا:ع غرفتك
تالا ببرائه ركضت خايفه يتخانقون
عبدالله:انتم وش فيكم تبون الشر
نوال:طلعهم من حياتنا وتاكد اذا البنت بنتك وï»» ï»»
عبدالله بصرخه:الا عرض خلود ï»»تتكلمين فيه
جنى؛ غايبه 20 سنه وش عرفنا مع من كانت
ماحسو الا بصوت ضربه عبدالله لجنى كف
لحظه هدوء
عبدالله:ان ماربيتك من اول وجديد ي جنى
نوال قربت لجنى وضمتها وجنى سكته وتناظر ابوها بقهر
نوال:حسبي الله عليك ي خلود
دï»»ل بهدوء:خï»»ص اهدوء ملك مالها ذنب هذا يوم خالد
نوال:انطمي ملك هي السبب
عبدالملك:ï»» مالها دخل
ناظرو له بااستغراب
عبدالملك:السواق ماكان خالد
انصدمو كلهم
عبدالملك:بتعرفون الحق؟ .. ملك صح نرفزت خالد بس خالد كان مستعجل ع الطياره .. وركب مع صديقه سعد مستعجلين وبكذا صار الحادث
نوال منصدمه وساكته
عبدالله مسك راسه:انا طالع
وطلع
ودï»»ل وجنى ونوال كانو منصدمين وعبدالملك طلع ورا عبدالله
جنى؛ مو معقول
نوال؛ للحين مصره ان ملك هي السبب
دï»»ل:يمه ï»»تظلمين
ماردو عليها ومشو لصاله وجلسو وهم ساكتين ودï»»ل طلعت لتالا.

المواضيع المتشابهه لموضوع: رواية عشقي ال بدي مكتفي فيك عاشقك للفنى لموضوع: رواية عشقي ال بدي مكتفي فيك عاشقك للفنى
الموضوع	كاتب الموضوع	المنتدى	مشاركات	آخر مشاركة
مكتفي بك 2022	حنين الأشواق	همس الشعر و الشيلات الصوتيه	2	22 - 1 - 2022 11:22 AM
تعب عاشقك بدر العزي 2021	حنين الأشواق	همس الشعر و الشيلات الصوتيه	4	18 - 3 - 2021 03:10 AM
لاتبعثرني تراني مكتفي	جروح الم	همس الشعر والقوافي	2	27 - 12 - 2014 11:28 PM
قال نا عاشقك	استثنائيه	همس عذب الكلام والخواطر المنقوله	10	1 - 5 - 2013 01:53 AM
رواية عشقي	مــلآمـح خ ــجل	همس الشعر والقوافي	12	12 - 6 - 2012 12:46 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية عشقي ال بدي مكتفي فيك عاشقك للفنى

همس للقصص وحكايات وروايات